الفصل السابع

دينا بخبث : تؤتؤ مش زعلانه منك انا زعلانه عليكي وعلي اللي هيحصلك

بسملة بخوف : ه هو ايه اللي هيحصلي انتي بتقولي ايه يا دينا

قطع كلامها ظهور بسمه وراها ومسكتها من شعرها وكتفت جسمها دخلتها في الحمام ودخلت معاهم وقفلت الباب

بسملة بصراخ : الحقوني……( قطعها صوت دينا وهي بتطلع لزق من جيبها وبتحطواعلي بوقها )

دينا : أخص عليكي يا بوس بوس بتصوتي ده احنا لسه في الاول ، بصي انا جيبالك ايه معايا

فبيبصلها بسملة ب رعب وبدات تعيط ، طلعت دينا مقص من شنطتها

بسملة بدات تصوت ب صوت مكتوم ، بس دينا مش اهتمت ، ومسكت المقص و…….

دينا وهي بتفتح الباب واتاكدت انو مش في حد في الحمام : بااااااي يا بوس بوس امواااااا

بسملة كانت منهارة من العياط

بسمه : ده انتي تخوفي انا هبدأ اخاف منك

دينا وهي بتحط إيديها علي كتف بسمه : انا بعمل كده مع قليلين الرباية انتي خايفه ليه بقا

بسمه : يانهارك

دينا : يالا يالا بس نشوف ناكل ايه

بسمه : يالا …….

بعد الفسحه وخصوصا في فصل دينا اللي كانت طايره من الفرح لأنها اخيرا جابت حقها من بسملة ودوقتها من نفس السم اللي دوقتهولها…، عدت الحصص طبيعيه جدا وفجأة من غير اي مقدمات دخلت بسملة و……..

بسملة وشكلها متبهدل وهدومها مبلولة ماية وكانت شعرها واقف والمسكرا والكحل سايحين علي وشها ، كانت شكلها مضحك جدا

واحده من صحبات بسملة جريت عليها ومسكتها من ايديها : مين اللي عمل فيكي كده يا بسملة

بسملة وهي بتعيط : دددددد دينا اهي اهي

كلو بص ل دينا مستنين منها الرد

دينا وهي بتنكر : في إيه انتو مصدقينها بجد وثانيه انا هعمل فيها كده إزاي وانا كنت قاعده معاكوا الحصص كلها

بسملة : كدابة هي وبسمه عملوا فيا ده انتو ليه مش مصدقين

تقي : احنا عارفين كويس اوي يا بسملة انك مش بتحبي دينا مش توصل للدرجه دي انك بتتبلي عليها

بسملة : يا جماعه والله دينا هي اللي عملت فيا كده

بسمه : مش ممكن انتي اللي عملتي في نفسك كده علشان تكسبي تعاطفنا وتعاطف المتابعين اللي عندك علي السوشيال ميديا

دينا : خلاص يا بنات سيبوها تكمل كلامها خليها تطلع اللي في قلبها

وبتروح دينا وبتحضنها وبطبطب علي ضهرها ف بتمسك بسملة شعر دينا وبتشدها جامد…..

المدرس : ااااايه انتو شايفني طربوش يعني ولا ايه يالا يا انسه انتي وهي يالا يا دينا انتي و بسمله علي مكتب الاخصائي

” في مكتب الاخصائي “

مُدرسة (الاخصائية) : إيه اللي عملتيه ده يا استاذه بسملة

بسملة : والله يا مس دينا هي اللي عملت فيا كده هو انتو ليه مش مصدقيني

أحمد : ايه العمل دلوقتي يا مس دعاء

دعاء : دينا عادى هتيجي المدرسه اما بالنسبة ل بسملة ف هي هتكون مفصولة ل مده اسبوع لو رجعت وعملت مشاكل تاني الحل يمكن يوصل لل فصل

أحمد : انا أعمل فيكي ايه دلوقتي

دينا بتمثل صعبانيات : هو انا عملت حاجة برضوا

أحمد : لاء امي هي اللي عملت في البت دي مش كده ، ده انتي ناقص انك انك تقتليها وترتاحي

دينا بتبصلو بطفولي : هو أنا برضوا كده

أحمد : ياختتتتتتي يابت اعمل فيكي أنا ايه دلوقتي انا مش عارف ارن علي عمتي وارتاح بدل اللي انا فيه ده بدل ما والله هيحصلي حاجة من وراكي

دينا : رن رن علشان انت تكون السبب في زعل عمتك يعني انت يرضيك انو عمتك تكون زعلانه وانت عارف ماما مش حمل صدمه خالص

أحمد وهو بيحط ايده في جيب بنطلونه : استغفر الله العظيم واتوب اليه ، هو انتي بجد عملتي كده في البنت دي

دينا : هو انت برضوا بتصدقها انت يعني مش عارف دينا بنت عمتك

أحمد وهو بيلطم : عارف ياختي عارف المشكله اني عارف بأمارة لما بس ابوكي حبسك في الاوضه علشان مش تلعبي في الشارع تسكتي ابدااااال ، عملتي ايه جيبتي ملاية وربطتيها ونزلتي من بلكونة الاوضه بتاعتك

دينا : الله ماهو انا كان ورايا لعب ماتش يعني اسيب الماتش وأقعد في الاوضه

أحمد : يااااارب ايه اللي انا عملته علشان يحصل فيا كل ده

دينا : هو أنا عملت حاجة ، انت بس لما تصدق اي حاجه وخلاص علشان تقول فيها ل ماما ، علفكره انت غيران مني

أحمد وهو بيحط ايده علي وسطه : انا اغير منك انتي ليه إنشاء الله يا ختي مشبهش ولا مشبهش

دينا : لاء ياخوياااااا متشبهش علشان انا اذكي منك وبطلع الاول وبقفل الامتحانات مش زي ناس

أحمد وهو بيوطي صوته :طب وطي صوتك بالله عليكي هتفضحيني ، وانا اعملك اللي انتي عايزاه

دينا : أيوه كده ، احم احم اولا ماما وبابا مش يعرفوا الخبر والله لو عرفوا الخبر يا استاذ أحمد مش هيكون في خير أبدا ساااامع

أحمد : ليه أستاذ بقا خليها يا حمودي مودي علشان تمشي

دينا : انا لسه مخلصتش كلامي

أحمد : انا اسف حضرتك قطعناكي عن الكلام اتفضلي كملي

دينا : ثانيا الامتحان اللي انت عامله في الدرس لو نجحت فيه تجبلي اي حاجه حلوه ، حلوه ها مش تيجي وتبجبلي شوكولاته من اللي ب جنيه ونص

أحمد : الصبر يارب ، وايه تاني حضرتك

دينا : ثالثا وده الاهم

أحمد : يارب نخلص

دينا : هلعب كورة هنا في المدرسه ومش تقول ل ماما ولا بابا تمام

أحمد : كورة هنا وده ينفع يعني مش عاجبك الولاد اللي معاكي في المدرسة ومش تنسي انو دي مدرسة مشتركه

دينا : عيب عليك عاملة حسابي هلعب في الخبايا كده

أحمد : قصدك في الخباثا

دينا : المهم قولت ايه

أحمد : قولت اني موافق علي الشروط دي كلها بس بشرط

دينا : وايه هو

أحمد : انك مش تمسكهالي ذلة ابوس ايد امك ومش تتكلمي في موضوع الدراسه دي تاني معايا

دينا : الله مش انت استاذي لازم اكيد اكلمك في حاجات تخص العلم يقي تكون استاذ ازاي

أحمد : ااااااااااااه يا نفوخي امشي انصرفي انصرفي علي الفصل مش قاااادر

دينا : ماشي يا خويا ماشين اهو

بسمه : عملتي ايه يا دينا

دينا : مش في ادولها فصل لمده اسبوع علشان كذبت

وحده من بنات الفصل : بسملة بجد تستاهل اللي حصلها دي ربنا يسامحها بتتنمر علي كل بنات الدفعه

دينا : عيب برضوا ما هي في الاول وفي الاخر صحبتنا وبرضوا كانت معانا في يوم من الايام ف مش لازم نتكلم عنها بالطريقه دي

بسمه : هههههههههه ، لا مش قاااااادرة

دينا : عيب عليكي

بسمه : بس انتي يعني مش خوفتي يرنوا علي مامتك

دينا : ولو رنوا ف عادي بصي اهم حاجه انا طلعت دور المظلومه البريئة قدام الفصل كله ف عادي

بسمه : بس شكلها

مضحك مووووووت ، ههههههههه

دينا : واسمعتي لما قولت انو دي صحبتنا ولازم

بسمه : ههههههههه

دينا : يالا باي

بسمه : باي

دينا : بس بس بس إبراهيم

إبراهيم : عايزه ايه

دينا وهي بتمسك قفاه : اسمها عايزه ايه ولا إسمها نعم

إبراهيم : امشي يا بيه من هنا

دينا : بيه ، شكرا يا استاذ ابراهيم ده انا بس كنت عيزاك في خدمه

إبراهيم : ااااااااااااه ، قولي كده ما إيه الجديد ما انتي بتاعت مصلحه ما برضوا بقول انو الهدوء المفاجيء ده وراها اكيد حاجه ، قولي يا ستي واخوكي سداد

دينا : ربنا يباركلك فيهم ، انا بس عايزه الكورة بتاعتك بس خمسه العب بيها ورا البيت واجيبهالك تانى

إبراهيم : الكووووورة ااااااااااااه لا معلشي عمتو ناهد مانعه عليا ايدكي الكورة ولا تلعبي نص ماتش

دينا : اخص عليك يا هيمه ده انا كنت هديك دول

وبتطلع ١٠ج من جيبة بنطلونها

إبراهيم : يخربيت ام المسكنه دي ماشي علشان خاطر بس ال ١٠ جندي هتلعبي ١٠دقايق

دينا : يخربيت غتتك ماشي

وبتبدأ دينا لعب كورة مع عيال الشارع وبيجيب جوول كتير

ابراهيم : بسسسسس العشر دقايق خلصوا

دينا : طب زود شوية من عندك علشان خاطري مش انا برضوا دينا حبيبتك برضوا مش انا اللي مربياك لما كنت حته لحمه حمرا في إيدي وتيجي تعمل فيا كدة اخص

ابراهيم : تصدقي دمعت لااااء مش هتلعبي وثانيه انا تربيتك وببيع من اول وقعه

دينا : مش علي دودو حبيبتك

ابراهيم : خلاص خمس دقايق كمان علشان خاطر بس عمتو دينا

دينا : ولاااااا مش تقول عمتي دي انت بتكبرني ليه ومش تغيظني

ابراهيم : خلاص يا عمتو

دينا : اوووووووف

دينا وهي بتتسحب وبتحاول تدخل اوضتها منغير ما تاخد بال ناهد

ناهد : دينا

دينا : بسم الله انتي عرفتي ازاي انو انا

ناهد : انتي بنتي واكيد اعرفك كويس وده مش اول مره تعمليها ، كنتي فين

دينا : مش انتي بتقولي انك امي قولي بقا انا كنت فين

ناهد : خليني اخمن ،امممممم لعبتي كورة مش كده

دينا وهي متوترة : ك كورة ، عرفتي إزاي اكيد الزفت ابراهيم انا والله نا انا سايباه

ناهد : اهدي بس كده ، ابراهيم مش قال حاجه انا عرفت بس من نفسي وباين عليكي اوي

دينا بإستغراب : باين إزاي

ناهد : أنتي بتنهجي ومش شايفه بنطلونك اللي لونه بقي بني من كتر الاعفار وشعرك اللي متنعكش ده

دينا : الله أعمل إيه يعني يا نانا الله حد قالك تتوحمي علي كريستيانو رونالدو ولا ميسي

ناهد : ياارب لا يا خفه كنت بتوحم علي ستك ، يالا أدخلي غيري ام اللبس اللي انتي لابساه ده ويالا علشان نروح ل خالك

دينا : ما بلاش يا ماما

ناهد : دينا هو انتي عملتي مصيبة ايه

دينا : مصيبه إيه يا نانا علشان يعني بقولك مش تروحي يبقى في مصيبه لا إله إلا الله

ناهد : ماشي يا دينا هعدهالك يالا ادخلي غيري

دينا : اهلا بالنسناس

جودي وهي بتاكل : اهلا يا خفه

دينا : طب سيبيلي حته

جودي : لااااء ده بعينك

دينا بمسكنه : شكرا الك يا بنت خالي ، شكرا يا للي بعتبرك اختي ، هانت عليكي العشره اللي كانت بين الملوخية

جودي : ولا بين الرز بالتقلية ، امشي يابيه

دينا : اعااااااا ياماما

أحمد ايجي علي صوتها وهي بتصوت : ايه في ايه

جودي : مش في حاجه يا عم هي بس بتحب تجنن امنا اتكل انت علي الله

أحمد : اه والله عندك حق انا لو مكانك كنت عملت جريمه يا ساتر

دينا : ملكش دعوه خليك في حالك

أحمد : يالا مش هتيجي ولا ايه

دينا : اجي فين

أحمد : لا إله إلا الله يا بنتي مش انتي وراكي درس دلوقتي

دينا بغباء : درس مين

أحمد : يادي ام الغباء ، يابنتي مش انتي وراكي دلوقتي درس فيزيا

دينا : من امتي ده

احمد : من لما اتشليت ، يالا خلصي تعالي بدل ما مش هدخلك الحصه

دينا : اسكتتتت ، هو انت مش عرفت

أحمد وهو بيحط ايده الاتنين علي بعض : لا والله مش عرفت ، ايه هتتجوزي ولا ايه

دينا : هههههههه لا هو انا لسه خلصت تعليم علشان اتجوز ، انا لو بس فكرت في الجواز هتلاقي العريس بتيجي عندي زي الرز

احمد : يارب ، مش تتوهي في الموضوع مش هتيجي ليه السبب

دينا : ما انت شايف اهو ياابو احميد قاعده مع بنت خالي وحشاني
وبتحضن جودي

أحمد وهو بيحط ايده علي وسطه : يا سلام ليه بقالك قرن مش شوفتيها ولا ايه يالا دينا علشان انا انا تعبت

دينا : مش جاية الله ، ده حتي انا غبت انهاردة من درس الأستاذ زيد هجي درسك

احمد بدا يتعصب : بس في فرق بيني وبين زيد وانا وزيد مش زي بعض في معاملتنا معاكي ولا هنكون نفس التعامل في فرق كبير

جودي : اهدي كده بس يا أحمد ، بص خليها عليك انهاردة واعتبرها اجازة

اما دينا فكانت مصدومه من اللي سمعته من كلامه

احمد وهو بيحاول يهدي : انا ماشي عايزين حاجه

جودي : مع السلامة

مشي احمد وهو كان مستني منها رد بس مشي

جودي : معلشي مش تاخدي من كلام احمد انتي عارفه كويس خطيبته وكده

دينا وهي بتاخد نفس : عارفه

جودي : طب يالا نقوم نعمل اي حاجه تتاكل

دينا : ايه يا بت اومال مين اللي لسه واكل فدانين بطاطس

جودي : الله هو انتي بتعدي عليا

دينا : لا العفو هو انا اقدر

“عدي الوقت علي دينا وهي كانت مبسوطه مع بنت خالها واللي بتعتبرها زي اختها لأنها محرومه من يعني ايه كلمة اخت حتي الاخ اتحرمت منه”

أحمد : …….