الفصل السادس

مسدج مرسلة من الاستاذ أحمد بيعتذر من جميع الطلبة انو مش هيقدر يدي درس انهارده بسبب حصلت معاه ظروف طارئه

وبتقرا دينا المسدج بصدمه عقلها راح ل ناحيه تانيه خالص دخل في دماغها كلام سواق التاكسي انو الاهتمام ، هزت راسها بسرعه ترفض الفكره من دماغها ، وبعد شويه بدأت تسرح وتكون مستقبلها ازاي هيكون مع اللي بتحبه وهل هي هتكون مبسوطه ، صحيت من شرودها اهتزاز هاتفها لاصدار مكالمه من صديقتها بسمه ، فبترد بسرعه

بسمه : بنت حلال تعرفي لو مش كنتي رديتي كنت هرتكب جريمه

دينا وهي بتمسح جبينها : هاااا

بسمه : هو إيه اللي هاااا ، ها عملتي ايه دلوقتي

مش رضيت دينا تقولها علي اللي حصلها علشان مش تقلقها

دينا : كويسه ياحبيبتى ، ها قوليلي عملتي ايه في المدرسه

بدأو يتكلمو لوقت طويل ، وكانت ناهد واقفه ورا الباب وشايله صنيه فيها شربة خضار وسامعه الدردشه بين بسمه و دنيا ورسمت إبتسامه علي وشها تدل علي السعاده والفرحة اللي بتكون سبب ضحكه دينا بالرغم انو هي تعبانه ومتألمه بس برضوا بتضحك ، حست سعاد انو دينا خلصت الدردشه وفتحت الباب براحه وخطفت نظره سريعه علي إبتسامة دينا ، بس دينا سحبت الإبتسامه بسرعه و وضعت وضعية الجمود

ناهد وهي بتحاول تطلع دينا من المود : عملتلك شوربة خضار انما ايه يا دينا نفس الطريقة اللي بتحبيها بالظبط

لكن دينا كانت زي ما هي حاطه وضع السكوت و الجمود ، وبتقعد سعاد قدام دينا علي السرير ولكن لاحظت انو دينا متوترة ومش عايزه تتكلم وكانت بتفرك بايديها بقوة ، ف حست ناهد انها لازم تسيبها تاخد وقت علشان تتجاوز الصدمه ، وسحبت نفسها ومشيت منغير ولا كلمه وبتقفل الباب ورا منها بهدوء وبدأت دينا تاني انها تعيط بس حست نفسها انها مش بقت قادرة وطلعت المشرط من درج الكوميدو بس قلبها مش طواعها انها تموت منتحره ، وحطت في دماغها اذا ماتت منتحره هتقابل اخوها ازاي في الجنه ، وإزاي هتجيب حق اخوها وتبين ل الناس انهم كانوا ظالمينوا ، كل الأفكار دي خلتها تتراجع عن قرارها ورجعت المشرط مكانه في الدرج وبدأت تعيط بصمت وعدي عليها وقت وهي حابسه نفسها في الاوضه كانت نايمه علي السرير وماسكه موبيلها وبتقلب فيه ب ملل لحد لما شافت بوست منشور قرته عجبها جدا محتواه

حبي ليكي ليس كما تتوقعي ☆☆
انه ك السكين يغرز في أعماق قلبي وله آثر ولا يمكن ان يدوا إلا بوجودك

ارسمك في عقلي كي لا انسى ضحكتك ☆☆
واجلس واسرح فيها ك الرسوم علي الخريطه يستحيل المحوا أبدا

دينا : الله ايه العظمه دي ، لما اشوف مين اللي ناشرها
استغربت لما شافت اسم مجهول ، فردت عليه في الكومنت

اري لعينيكي اذوب بها ☆☆
أم اري إبتسامة تفوح في جميع قلبي

ف قلبي لم يعد يتحمل ☆☆
وشهواتي في انتظارك ، وانا لك منتظر ولن اتخلي في يوم عنك ابدا

اما بالنسبة ل محمد فرجع البيت بعد لما تكلم مع ابنه شوية ودخل علشان يشوف ناهد لقاها قاعده علي سجادة الصلاة وبتدعي ربنا و بينزل محمد ل مستواها وبيبوس راسها

محمد ب عيون لامعه : سامحيني

ناهد وفي عيونها دموع : اسامحك على ايه ولا ايه

محمد : انا عايز افتح معاكي صفحه جديده ، هتوافقي

ناهد : في الأول وفي الاخر انت جوزي وابو عيالي والنبي صلي عليه وسلم كان بيسامح يبقي انا مش هسامح ،لاء يبقي كده بنخالف الحبيب المصطفي

محمد باين علي عيونه الندم اكتر واكتر : عليه افضل الصلاة والسلام

ونام علي رجليها وضامم جسمه بايده ، وهي كانت بتملس علي شعره زي ما كانت بتعمل ايام زمان

محمد : ناهد

ناهد : امممم

محمد وهو بيتعدل من مكانه و بيقف : يالا بينا

ناهد ب استغراب : علي فين

محمد : يالا بس

وبيسحبها من ايديها و وقفوا قدام باب أوضه دينا ، تنهد محمد ب هدوء وبدا يفتح الباب براحه وتسلل هو ناهد ، كانت دينا نايمة علي جمب وماسكه الموبيل والايد التانيه متركبة فيها المحلول

محمد وهو بيحاول ب خشونة : مش في حمد الله علي السلامه يا بابا زي ما كنتي بتعملي

تأفأفت دينا ومش بصتله

محمد : بنت يعني مش يبقي انا مديكي الحق انك تردي ف انتي هتاخديها بوظه ولا إيه يا ست ناهد

ناهد : انا ماليش دعوه دي تربيتك

محمد : اسم الله تربيت مين دي ، مستحيل تربيتي بنتي كانت علطول بتضحك زي كده وبدأ يزغزغ دينا ، ودينا علشان كانت غيورة فضحكت بسرعه

دينا وهي بتضحك ب هسترية : هههههههههه لا والله بطني مش قادرة ههههههههه

ودخلت معاه ناهد وبدأو هما الاتنين يزغزغزوها

دينا : هههههههه لالالا والله كده حرام هههههههههههه

وبعد دقايق من رنين الضحك التي تسمعت لها الجدران واللي بتكون زي المشتاقه كانت مشتاقه اوي انها ترجع وتسمع صوت الضحك تاني في البيت وها هذه حقيقه أصبحت رنين في الشقه

محمد وهو قاعد وفي النص دينا وجمبيها في الناحيه التانيه ناهد

محمد وهو بيحط ايده علي كتف دينا : هااا ، احنا رجعنا زي الاول ومستحيل نخلي الماضي يأثر علينا تاني و بالنسبه ل موضوع طارق ( اللي هو اخو دينا ) فا إنشاء الله هدور انا في الموضوع ده وهتاكد منه واحنا هنزورة بكره انشاء الله

الفرحه ما بقتش سايعاها خلاص كده اخيرا باباها خلاها تروح تقابل اخوها بدل ما كانت بتقابلة في السر ، بصت ل عيون ناهد ب فرحه واسعه جدا لدرجه انو الدموع نزلت من عينيها ، وحضنتها سعاد بحب امومي وانضم معاهم محمد ……

” بعد أسبوع “

في الأسبوع ده حياة دينا اتغيرت أكتر من ١٨٠ درجه ، الحمد لله رجليها خفت ، والنفسيه الحمد لله كويسه ( عقبالنا احنا كمان ) ، مش بقي في حياتها حاجه إسمها مشاكل ، وطبعا اتصالحت مع محمد ورجعوا زي الاول و بقي في علاقه اخيرا تربط بين الاب وبنته ، وقضت الأسبوع كله في البيت من ناحيه تانية انها تعبانة ومش قادره تمشي ، وبدات تاخد الدروس كلها في البيت

دينا وهي بتحضن بسمه : الك وحشه والله يا بت يا بسومي٨

بسمه : والله انتي اكتر

دينا : يالا بينا نبدا الشغل

بسمه : هتعملي ايه

دينا بخبث : ولا اي حاجه ده بس مجرد تخليص حق

بسمه : يبقى الله يرحم اللي هيحصل فيه

دينا بضحكة شيطانيه : هههههههه ان لله وان اليه راجعون

دخلت الفصل هي و بسمه ، قعدت مكانها جمب تقي بعد لما سلمت عليها ، وبعدين بصت ل بسمه وبصو ل بعض بخبث وهزوا رؤوس بعض بموافقة…….

بدا اليوم المدرسي

المعتاد ، في حصه الاستاذ زيد

زيد وهو بيوجه كلامه ل جميع الطلبة : كلو يطلع دفاترو علشان في امتحانات

سمعوا كلاموا وبدأو في كتابة الامتحان ، طبعا دينا كانت اول واحده مخلصه امتحان ، كانو البنات مصدومين أما بالنسبة ل زيد فكان مش متفاجئ ولا مستغرب علشان هو كان متعود عليها انها تخلص الاول

زيد وهو بيصحح دفتر دينا وببتكلم ب همس : بقيتي عاملة ايه دلوقتي

دينا بإبتسامة بسيطه : الحمدلله بخير

زيد : يدوم الحمد ، يالا بقا نور صدعت دماغي ، عايزاكي مش كانت بتنام طول الليل وكانت كل شوية بتسأل عليكي وبتعيطلي هو انتي عاملتيلها ايه

دينا : هههههههه ، انا والله مش عملتلها اي حاجه

زيد وهو بيقفل الدفتر بإبتسامة : ماشي …….

” في الفسحه “

بسمه بهمس : بلاش يا دينا

دينا بخبث : لو انتي مش عايزة تكملي معايا خلاص احنا لسه في اولها انا هعمل انا كل حاجه ، بس انا لازم اعلم الادب واسيب علامه قولتي ايه

بسمه : ربنا يسترها ، انا خايفه عليها منك

دينا ب بصه شيطانيه : متخافيش هو بس نهاية تار مش هيكلف غير حياتها وبس

” في حمام البنات “

بسملة وهي بتحط روج علي شفايفها : يا حبيبي يا ……

دينا من وراها : تاداداداااااان مفاجأة مش كده

بسملة بخوف : دينا احم ( وبتظبط القصتين اللي مطلعاهم من الطرحه واتكلمت بخوف )

دينا بصعبانيه : اخص عليكي يا بوس بوس بقا كده مش تسالي علي حبيبتك دينا برضوا ، ده احنا في الاول والاخر اخوات واصحاب وكلنا مع بعض عيش و ملح

بسملة ب توتر : دينا هو……..

دينا بمقاطعه : تؤ مش زعلانه منك انا بس زعلانه عليكي علي اللي هيحصل وفجأة……..