رواية حبيتك قبل ما أعرف الفصل الأول 1 - بقلم روميا

” في فصل البنات كان الفصل زي سوق الجمعة وبنشوف بنت وهي بتقوم من مكانها وبتروح تقعد جنب صحبتها “

بسمه وهي بتضرب دينا علي ايدها : دينا يا بت دينا دينااااا

دينا وهي سانده ايدها علي الديسك ونايمه وحاسه بملل : اممممممم إيه

بسمه : مش هتصدقي مين اللي هيدينا عربي

دينا وهي بترفع راسها : يعني يكون مين يعني وزير التربية والتعليم يعني ( وبتنام تاني)

بسمه : ههههههههه لا يا خفه

دينا وهي بتغمض عينيها : يا اهلا هنفرشلوا السجادة الحمرا يعني ولا نجيب الورد البلدي ولا ايه بالظبط سيبيني بالله عليكي يا بسمه

بسمه وهي بتضرب دينا علي ايدها بخفه : انا غلطانه اني سيباكي نايمه قومي يابت

دينا وهي علي نفس موضعها : امشي يا نسمه انا عندي صداع هيفرتك نفوخ امي ف انا مش ناقصه

نسمه : علي راحتك ، انا اللي غلطانه اني بعرفك انو الاستاذ ………

( دخل عليهم أستاذ عمره في التلاتينات ..راسم ابتسامه علي وشه ساحرة الاوت فيت بتاعه مبين مفاتن جسمه وعضلاته وكريزمته…..)

زيد بإبتسامه تسحر وخفيفه : السلام عليكم

بدأ كل البنات يقفوا في مكانهم وبيردوا السلام علي زيد

دينا وهي مستغربة انو مش في صوت في الفصل : هما العيال إيه اللي حصلهم يارب يكون المدير دخل اما اكمل نومي

البنت اللي واقفه جمب دينا وعماله تمرزها علشان تقوم

تقي بهمس : دينا قومي بسرعه

دينا وهي نايمه : والله ماقايمه حتي لو جبتوا إيه مش قايمه ولو القيامه قامت مش قايمه هييي

تقي وهي لسه بتضربها : يابنتي قومي

دينا وهي بتعض ايديها : يابت مش تضربي

زيد وهو بيتمشي في المارة و وقف عند دينا اللي كانت نايمه علي الحرف : اتفضلوا اقعدوا

البنات سمعوا كلام زيد وقعدوا

دينا وهي مغمضه عينيها ومش مصدقه الصوت اللي سمعته : الصوت ده مش غريب عليا يارب مايكونش هو

بدأت ترفع راسها واحده واحده وشافته ، وقفت بسرعه من الصدمه

تقي شدتها قبل ما زيد ياخد باله : إيه لسه فاكره انو الأستاذ دخل

دينا لسه مصدومه : هو هو هو صح

تقي : مالك يابيه بتهتهي كده ليه

دينا بارتباك : مش في

زيد : انا الأستاذ زيد ، انا انشاء الله مدرس اللغه العربيه بتاع الفصل بتاعكوا ، اولا علشان نكون علي النور مش بحب الكلام الجانبي وهو بيبص ل دينا ، كمان وقت الهزار هزار و وقت الجد الجد جد تمام

البنات كلوا الا دينا : تمام يا مستر

زيد وهو بيتحرك اتجاه دينا : هو أنا كلامي مش مسموع

دينا وهي بتقف ولسه تحت تأثير الصدمه : هاااااا

زيد وهو بيكرر كلامه بصوت عالي: كلامي مش مسموع

دينا : لاء مسموع حضرتك

زيد : تمام ، علشان مش نخلص الحصه أكتر من كده يالا نبدأ الشرح علطول

بدأ زيد بالشرح والبنات كانوا منسجمين معاه

“صوت الجرس”

زيد : كده تمام ، نكمل الحصه الجاية انشاء الله

مشي زيد ، وبدأ البنات كلهم يتكلموا …..

زيد وهو بيسلم علي صاحبه : أبو احميد عامل ايه

أحمد : اي يا زيد اخبار المدرسة معاك إيه

زيد : والله لسه في اول اليوم

أحمد : هتتعود ، يالا مع السلامة ورايا حصه دلوقتي

زيد : تمام ، هقابلك في الفسحه

أحمد : تمام

دينا : كنتي تقصدي علي ايه يا بت يا بسمه

بسمه : ماهو مش باين يعني ، ده احنا حافظينوا سوا

دينا : لاء يا بسمه مش إللي في بالك

بسمه : امممم طب ايه اللي في بالي

دينا : انا إيه اللي عرفني ، بس اللي انا ملاحظاه إنو انتي بتفكري في حته تانيه خالص

بسمه : ماشي هنشوف

دخل عليهم أستاذ أحمد

أحمد : السلام عليكم

البنات وقفوا وردوا السلام

أحمد : اتفضلوا يابنات

أحمد : هو إحنا وقفنا الحصه اللي فاتت في إيه يا دينا

دينا بإبتسامه : وقفنا في الطاقه وكميات التغير

أحمد : ماشي يالا نبدأ في الدرس اللي بعده

تقي : فوقتي دلوقتي

دينا : امشي يا بيه

بدأ أحمد بالشرح وكانت دنيا منسجمه معاه جدا وكانت بتجاوب اول واحده

عدت الحصص علي دينا لحد لما ايجت الفسحه

بسمه : انا رايحه اشتري اجيبلك حاجه

دينا باستعجال : لالا شكرا ، انا بس عايزه أروح اسأل الأستاذ أحمد علي حاجه

بسمه : ماهو ياختي هتشوفي في الدرس

دينا : ماهو انا هنسي

بسمه : ماشي

“عدي اليوم الدراسي “

دينا وهي بتفتح الباب : يا جماعه اللي في البيت انا جعااااااانه

ناهد (والدة دينا ) : إيه ياختي جاية من المدرسه همك علي الكرش علطول

دينا وهي بترمي شنطتها علي الركنه : انا ضهري متكسر والله يانونا ف جيبيلي الأكل علشان لسه ورايا دروس بالهبل وهجي علي اخر النهار

ناهد : للأسف ياعين نونا

دينا : لاااااء مش تقوليها

ناهد وهي بتهز راسها : اه يا قلب النونا يالا قومي كده زي الشاطرة وحمصي رغيف عيش وطلعي حته جبنه بيضه من التلاجة

دينا يتزمر : والله حرام ………

دينا وهي بتحضنها : حبيبتي وحشاني موووووت

نور وهي بتقعد علي رجلها : وانتي اكتر

دينا : شوفي جبتلك إيه

نور : أمممم اكيد حاجه حلوه زيك

دينا وهي بتبوسها من خدها : ياحبيبتي ، بصي جيتلك مصاصه

نور ببراءه : هييييي ، بس بابا منعني اني اكل حلويات علشان سناني

دينا بخبث: هو هيعرف منين ، “وبتغمزلها”

نور وهي بتغمزلها : اشطا

بسمه : الله عليكي يا دينا دي التربية الحديثه ولا بلاش ، تعالي يا نور ياحبيبتي مش انا بسمه حبيبتك

نور : لاء دينا هي اللي حبيبتي وبس

بسمه : طب انا

دينا وهي بتخبيها في حضنها : ولا تعرفك

زيد : السلام عليكم

ردوا البنات السلام …… بص علي بنته اللي قاعده علي رجل دينا

زيد : نور اطلعي يالا يا بابا أقعدي مع الميس أسيل

نور ببراءه : حاضر يابابا

فبتبوس دينا من خدودها وبتحضنها وبتطلع بره

فبيبدا زيد بالشرح الحصه عادي

زيد : يبقي كده خلصنا الحصه وإنشاء الله الحصه الجاية هيكون في امتحان

واحده من البنات بدلع ومياصه : والله حرام يا مستر خلي الامتحان بعدين مش كفايه المدرسه

زيد وهو مطنش البنت : كده يممكن تتفضلوا ومش تنسوا اه وعلي سؤالك يادينا ف تعالي علشان اشرحهولك

فالبنت بتشيط غيظ من اللي عمله زيد

فبتعمل ……………

هي هتعمل ايه وهل زيد هسيكتلها ولا هيسيبها ده اللي هنعرفو……