رواية هدية الشيخ سراج الفصل السابع عشر 17 - بقلم dina

هدية الشيخ سراج بقلم ✍ دينا الربيعي ❤️

وفيِها رقة غِزال ، و هَيبة أسّد ، و لها عيون ساحرات، و قَلب قويِ كَـ حجر  ، ونكد جَميع النساء ، و اللطف واقوىٰ امرأة وخاتمه الجميلات .. 🥺❤️

…
حوري . احس تفشلت گمت لميت نفسي عدل ندگ الباب فتحته طلعت زمن وبنات خالاتها وياها دخلن بالغرفه ويضحكن ويباوعن 

زمن . ها حور حبيبتي تنزلين جوه يمنه لان يتأخر سراج من وره سويره خربت ليلتكم الخوثه

حوري . ابتسمت من بين العبره البصدري ردت اعرف اكثر عن ساره لان ولا مره حجالي عنها سراج سألتها

هيه اشبيها شنو ليش اخذوها للمستشفى ضحكن بنات خاله ساره

زينب . هههههه خطه حبيبتي خطه

زمن . اسكتي زنيبه معليج بيها حبيبتي هيه حامل ومدري شماكله ومتسممه لتشغلين بالج بيها

حوري . هيه مو نفسها خطيبه سراج السابقه

ايه . ههههههههي صدگ سابقه وراح تتسابق وياج شيخلصج منها

حوري . احسهن يحجن بالألغاز بس افتهم عليهم اخر شي زمن گلتلهم نزلو جوه بس افتح تسريحه حور خطيه اخليها تاخذ دوش وتنزل

زمن . حبيبه معليج بحجيهم لتفكرين هسه يجون ماكو شي يخوف

حوري . فتحت زمن الماشات بعد معاناه طويله وراسي احسه وگع بالگاع عاد رحت سبحت وطلعت لگيت گلابيه بيضه وذهبي لبستها وجففت شعري جاي انزل دخلت زمن
ها بشري ما جوي

زمن . اوووف اوووف عود گلنه حبلت وخلصنه منها ومن مشاكلها متريد الطفل حته تلعب بكيفها وهيه متريد شي يربطها بزوجها اكيد راح تحاول بكل الطرق تخلص من الطفل

حوري . اكتفيت بسكوت ونزلت دموعي احس الخنگه البصدري بعد ماگدر اضمها اكثر

زمن . يااا يمه اسم الله اشبيج حوري حبيبتي منو وياج عله شنو هالبواجي مو كتلج شويه ويجون

حوري . اخذت التلفون وفتحت الصور واطيته الها

زمن . هاي شنو حور منيلج هاي الصور

حوري . ماعرف قبل لا يطلع سراج وصلولي الصور واني ابجي بعد ماگدرت احجي

زمن . حبيبتي لتخليها تأثر عليج شوفي هيه صحيح بت عمي بس تحب بس نفسها وسوت هذا كله وسممت نفسها حته بس تخرب احلى لحظات عمركم شوفي اعتبريني اختج وسمعي مني زين لتطيها مجال تخرب

عليكم سراج يحبج وداعه ابني بس هيه كل غايتها تخرب عليكم اعرفي شلون تكسبين سراج ولتطيها مجال تاخذه منج لو تخرب بينكم

حوري . بس هو بعده يحبها شوفي شلون عافني بأول يوم زواجنا وراح يركض الها ماشفتي شلون صعد

والخوفه مبينه بعيونه عليها شوفي صورهم ولقطاتهم تشرح الحب البينهم شگد جان جبير ابد اني وسراج ماماخذين هيج صوره ودأئمآ يحذني من الصور اكيد لأن يذكرنه بيها

زمن . لتبجين حوري فال موزين عليج حبيبتي ولتخلين التفكير السلبي يسيطر عليج اني حافظه

اخوي ماشايفه اللهفه بعيونه من نحجي بيج ويحجي بصفاتج يگول طفله بعقل مره وتاخذ النصيحه يعني بشرفج لو بعده يحبها يفكر هيج بيج لو ينتبه

التصرفاتج لو بعده يحبها جان بقه باله وتفكيره كله بيها شوفي خلي اگلج شي بس ماريد السالفه تطلع لان ماكو وراها غير المشاكل بس وعديني متحجين الأي واحد

حوري . مسحت دموعي وگتلها لا ما احجي والله شنو احجي جنت اريد اسمع شي يفرحني ويخليني اتأكد

من سراج لان احس نفسي ماعشت ويا احس كل اطباعه تبدلت وعبالك واحد ثاني مو سراج احسه ماخذ دورين وهسه شفت الدور الثاني

زمن . قبل اسبوعين تقريبآ ساره دزت كلها ذني الصور السراج وهددته بيهن وبعد اكثر فضيحه من ذني

وسراج حجه الاهلها واهلها كتلوها وزوجها شافها بالصدفه تراسل بسراج وطلگها وحته من سمعوا بيها حامل مارادوها بس بيت عمي ميحجون اني واختها

صديقات وكلشي تسولفلي تگول زوجها يگللهم حته الطفل اخذو الكم بس خلصوني منها تخيلي انت شگد صاحبه مشاكل خربت بيتها بأيدها لتسمحيلها تخرب بيتج وتاخذ زوجج من ايدج

حوري . بعدنه نحجي وندگ الباب وفات سراج مسحت دموعي وعدلت ثوبي رجليه طالعه

زمن . ها سراج بشر شبيها الخانو من شنو مسممه

حوري . من سألته هيج رفعت راسي شفتها تأشر براسها عليه تفاجئت من تصرفها ماعرفت شنو قصدها بس انتبهت السراج ابتسم بتعب وباوعلي

سراج . يمعوده ماسامعه بعياره النسوان كلشي مابيها يمكن ماخذه علاج قوي ومماكله شي الدكتور گال لتخافون عليها مبيها شي

حوري . اباوع عليه واگول هذا سراج نفسه لو لا وين لهفته وين حبه الي اجر نفس بصعوبه احس الخنگه بالعومي باقيه

زمن . خوش كون تخلي حملها يفوت بسلامات حته بلكي ترگد بلكي زوجها يرجعها وين الله ونفتك منها عالعموم اني نازله وشوف حوري ليش زعلانه منك هههههه

سراج . لا هاي حلها يمي بعد اخوج خليها وراي انه اصالحها ههه

حوري . تقدم عليه وبس رفعت وجهي جتي عيني بعينه رجعت الدموع تتجاره وتذكرت كلشي

سراج . افه ليش حبيبه گلبي تبجي منو مزعلها لو تبجين لان عفتج ورحت موو

حوري . اذا صدگ حبيبه گلبك ليش رحت الها ليش دخل نفسك بيها ليش رحت ماخليت اهلها يودوها

سراج . حياتي ميصير يعني خابروني وگلولي تعال ويانه شنو اگللهم والله عريس ما اجيكم عيب حبيبتي لو مامخابرين بيها مجال اكنسلهم بس عيب اتصلو بيه

وطلبو اروح وياهم بعدين انت مو بس حبيبه گلبي انت بنيتي وحبيبتي وروحي حوري انت احلى شي عرفته بحياتي انت احلى هديه اجتني وافتخر بيها هديه گلبي

حوري . ومجرد ما حجه كلام معسول وغزل خلاني انسه كل حقدي عليه وانسه ساره بس من شفته اتجراء اكثر گلت لازم اگله ويشرحلي كلشي حجته زمن اليه ماذكرلي هاي السالفه كلها الصارت بينهم

سرااااج احجي وياك بس انتبه عليه

سراج . ي منتبه اكثر بس خليني اشم الرگبه هاي اخذ جرعه حته الهوئ يرد الروحي

حوري . شنو سالفه الصور سراج هو بسرعه ابتعد وگال ياصور

سراج . ياصور شنو اشبيج حوري

حوري . سراج الصور الدازتهم الك ساره ليش ماگتلي عليهم

سراج . منو گلج عليهم اني ماردت اگلج حته لضوجين روحج بسالفه تعبانه

حوري . گمت اخذت تلفوني ورجعت فتحت الصور وانطيتهم اله

سراج . هااااي شنوو حوري منين جنج هاي الصووور

حوري . اجني من هذا الاسم عله الماسنجر شوف شوف بعد اكو مو بس ذني بقه يگلب بيهم احسه شرايين رگبته طلعت وصار احمر مامسح المحادثه ولا الصور

سراج . شوفي حوري وحق كل حرف بالقران احبج وماعندي غيرج خلي هاي ابالج انت الشي الحلو الوحيد بهاي الحياه وماگتلج بس حته لضوجين وساره طلبت

مني ازوجها گالت حته لو خدامه الكم بس ازوجني بس اني الله يحبني خلاني اكتشفها عله حقيقتها واشوف معدنها شنو صحيح حبيتها وتعذبت بالبدايه بس هسه كلها هذا مرات اگول حوري اول حب بگلبي ماحبيت

قبلها وساره جانت شي عابر ماهتميت الها مثلج ولا جنت اغار عليها بگدج لتخلين الشخص ثالث يدخل بينه ويتشمت بينه واريد منج تلفونج هاي الفتره اريد ابقه مراقبها خاف اذز شي بعد حته عندي دليل عليها

حوري . شگد بجيت بعرسي ماجنت متخيله هلگد راح ابجي احس راسي صدع وعيوني گامت توجعني قربني

اله ومسح دموعي وباسني براسي گتله سراج اريد حب مال راس بعد ماگدر احس راسي راح ينفجر انطاني حبايه اخذتها ومددت عله الجربايه هو شافني اجه نام وخلاني عله ايده

سراج . حبيبي شنو راح تنامين لج لتنسين اليوم زواجنه شنو غلستي

حوري . حبيبي بس خلي انام شويه راسي وعيوني بعد ماشوف بيهم

سراج . ههههه اشاقه وياج لفيتها الصدري احس اريد اظمها بين اضلوعي غفينه اثنينه وفزيت عله دگه تلفوني

حوري . ماعرف شگد نمنه فزينه اثنينه عله تلفون سراج يدگ باوعت للساعه ب1 ونص بليل

سراج . الووو ها يابه ي فوگ اني ي جنت نايم شنووو ي يايابه قابل اني دكتور شعليه بيها نارها تاكل حطبها ماكافي خربت عليه زواجي هبطتنه ورحنه كلنه تالي طلعت ماماكله يله يله الله وياك

حوري . شكو سراج شيريد عموو

سراج . ساره مرجعيها للمستشفى يمكن مسقطه الطفل وخوانها مخابرين ابوي خلي سراج يلحگنه للمستشفى

حوري . ابداخلي فرحت لان سراج ماراح بس خفت من اذكرت زمن گالت بلكي يثبت طفلها وترجع الزوجها خفت اذا صدگ الطفل يموت ترجع السراج بقيت افكر وخوفه بگلبي منها اخاف من الجاي

سراج . حبيبتي تعالي شنو راح تبقين گاعده فوگ راسي تقدمت عليه

سراج . شلون صار راسج بعده يوجعج

حوري . لا صار احسن بس گتله هيج مثل الواحد عطشان وشاف مي بقه يطبع بوساته وحنيته واني بالبدايه احاول ابعده عني ماعرف احس نفسي مو جاهزه اله هسه ماعرف ليش هيج عندي احساس بس

ماعرف شوكت تجاوبت وياه وخلاني انسه كل تفكيري ورحت وياه بعالمنه بس اني وياه ابتعد عني واني احس بألم فضيع مسح دموعي وباس راسي

سراج . وأخيرآ حمامتي صارت زوجتي شرعآ الف مبروك النه حوريتي ان شاء الله ربي يخليج الي واسعدج طول العمر ويبعد عنه كل حاسد وحاقد

حوري . خجلانه منه اباوع بوجها وهو يدعيلنه حبيت خوفه عليه راح هو اخذ منشفه وملابس وراح للحمام سبح وطلع واني بعدني صافنه وگاعده نفس المكان

قبل ليتقربلي سراج مثل عبالك جان عندي شي ومن تقربلي احس اخذه من عندي هيج جنت احس رغم ماصرنه مزوجين بس احس خسره طفولتي وصرت مزوجه ولازم بعد اتحمل مسؤليه زوج وعيال

سراج . هاي شنو حوري گومي حبيبتي ادخلي للحمام حته ترتاحين

حوري . گمت واني متلفلفه واحس نفسي بردانه ورجفه صارت بكل جسمي واحس شي حار ينزل بين رجليه استحيت اكثر وزادت الرجفه بيه من شافني سراج نخبص وتقرب والخوفه بيه

سراج . حياتي بيج شي يوجعج شي احجي ليش ترجفين بردانه شنو

حوري . احجي وسنوني سن يطگ بسن گوه طلعت الحجايه مني گتله لا بس اسبح ارتاح بس هو مارد عليه اتصل بزمن صعدت اول ماسده منها

زمن . ها سراج خوما اكو شي حبيبي ضل بالي

سراج . لا ماكو شي بس شوفي حوري خاف بيها شي انه بره خاف تستحي تحجي يمي

زمن . ها حوري بيج شي حبيبتي شنو تقربلج سراج

حوري . هزيت راسي بأي وهيه طگتها هلهوله وتصلي علئ محمد ولفلفتني ودخلتني الحمام

زمن . لتخافين حبيبه هسه اسبحج بمي حار وترتاحين وننزل جوه شويه تغيرين جو

حوري . استحيت انزع گدامها گتلها اني اكمل عاد هيه مالحت عليه خطيه كملت وطلعت بالبرنص لگيتها مطلعتلي گلابيه لون ابيض وملابس داخليه اخذتهم ورجعت للحمام البسهم كملت وطلعت لكيتها هيه وسراج گاعدين وگدامهم صينيه اكل

سراج . نعيمآ حبي تعالي اكلي مساعه ماكلتي شي

حوري.  ينعم عليك اخذت المشط ردت امشط

زمن . لا ولج تعالي اكلي هسه وبعدين مشطي يفوتج الاكل حار منتظر جابه الكم خطيه گال هاذا المره اخوي بس احنه من شفنه المنضر ماگدرنه ماناكل

حوري . ابتسمت وتقدمت اكل جايب منتظر بيتزا وببسي ولفات صاج وصحن مقبلات وصحن فواكه اكلت قطعه بيتزا وسراج گوه خلاني اكل نص لفه صاج بس همه حجيهم وضحكهم خلاني اكل بدون ما انتبه بعدنه مندمجين ناكل ونسولف حته نسيت الألم وگعدت اشاركهم بس صعدت ابن زمان گال ماما عمه ساره مات طفلها

زمن . يبوو موتته هسه حته يحلالها اللعب بكيفها الله يغسلها

سراج . الله حب هذا الطفل واخذه منها لو ادميه جان انقسم الها بس الله يعرفها شنو من بشر

حوري . ضجت وحسيت راح تبدي الحرب بين ساره وبين حبي وغيرتي السراج واني من نوع اغار وماگدر اضم لان بسرعه ابجي ويبين عليه خلصنه الاكل واخذت زمن الصينيه نزلنه شويه ومن صعدت شفت تلفوني بصف تلفون سراج يتصل اخذته بالبدايه ماردت اجاوب بس من دگ مره ثانيه جاوبت اجاني صوت بنيه

شوفي وحق النبي ياحوري ما اخليج تتهنين بهذا زواجج لاعبالج اخذتي سراج هسه ارجعه الي والحضني حبنه اكبر من انو يرتبط بيج لا عبالج صرتي مرته وسيطرتي لا عيني سراج مرجعه الي وهسه اشوفين

حوري . بعدها تحجي ونسحب التلفون مني سراج وراي اخذ التلفون سده وگال مو گتلج جاي اجمع دليل عليها وهاي اجت ابرجليها

يتبع… 

بنات لتنسون المتابعه والتصويت حبيباتي ❤️