رواية هدية الشيخ سراج الفصل السادس عشر 16 - بقلم dina

هدية الشيخ سراج بقلم ✍ دينا الربيعي ❤️

• أما أنت فقد دخلت إلى عروقي وانتهى الأمر  ، أنه لمن الصعب أن اشفى منك،♥️

اشكر البنات الي دعو الاختي مشكورات حبيباتي ربي يستجاب دعائكم ان شاء الله❤️

حيكم . اول ما دخلت الفرع سياره علاوي وگاعد خالد يمه يردون يطلعون صرنه وجه بوجه علاوي وخالد نصدمو من شافو نرجس وياي اشرلي خالد اوگف وبوجهم تسأولات هوااي

نرجس . حكيييم 😭 شافوني شااافوني شگللهم عفيييه حكيييم

حكيم . استكي شوويه ولجوابين من يمج اني اجاوبهم ماشي

نرجس . هزيت راسي والخوف محاوطني من ساسي الراسي نزل حكيم ونزلت وراه ما اعرف شنو راح يگللهم

خالد . شسوووين طالعه من بيت عيااالج من الصبح وجابج يم حكييييم احججججيي

حكيم . تقدم عليها يريد يضربها بس صارت وراي

علاوي . حكيم نرجس ليش وياك شجابها يمك

حكيم . بس انطوني مجال احجيلكم
جنت طالع الصبح يم صديقي بالمستشفى بالطريق من رجعت هنا على الشارع شفتهاوحدها عرفتها بتك لان ذاكليوم وصلتها اكيد ماعفتها وحدها الصبح ووجها وحالتها ماگدرت اعوفها هيج واروح

علاوي . مشكور حكيم حبيبي تعبناك ويانه

حكيم . لا يابه تعب شنو لتنسون احنه عشره عمر مو يوم ويومين

خالد . خجلت من الموقف هذا
والله ماعرف شلون اشكرك هاي ثاني مره تنقذ بنتي اني خجلان منك حكيم عله ابوك معدل وابو وكفات يله مشكور حبيبي وانت امشي حسابج وياي بعدين

حكيم . اوگف خالد بلازحمه عليك

خالد تفضل حبيبي گول

حكيم . من صعدت وياي بنتك سأتها عله وجها والعرفته منها زوجها مسوي بيها هيج اترجاك قبل متمد ايدك عليها حاول تعرف منها شنو سبب طلعتها من البيت بهيج وقت ووجها كفيل يشرحلك شردتها من البيت صحيح اني ماريد أيدها عله طلعتها بدون علم زوجها بس هيه لو شافت منه امان ما جان طلعت

خالد . الله كريم وذاك عندي حساب ويه اهله مو ويا لان اطوني كلمه وماوفو بيها يله فيماالله

……
نرجس . صعدت بالسياره وبابا صعد گدام وعمو علاوي يسوق ورجعنه للبيت ابجي والخوف محاوطني شنو راح يسوون وشلون راح افهمهم اول مانزلت لزم ايدي بابا

خالد . احجيييي شلون اطلعييين من بيت عيالج بدوووون متگولين احجييي

علاوي . مو هيج خالد شگتلك اني مو گتلك بتفاهم تنحل كل الأمور

خالد . عوووفوووني اني ويااااها ولحددد يدخل

ام نرجس . ولج يممممه وين رحتي ولججج ليش تردين سودينن وجهي ولج مو ذني خواتج سالكات انتتتت شبيييج

نرجس . افتهموووو مااااريد ارجععع السالممم بعد شوفو وجهي شلون مشوه شوووفوو بعينكم زوجي كل السوالف التعبااانه عنده ليش تريدوون گوه اذبوني عليييي
احجي وابجي احس الرجفه تمنعني من الكلام تعبت واني اشرحلهم واگللهم ميتغيررر ساااالم ميتغييير

خالد . ي ليش ماخابرتي بابا ليش ماحجيتي اني ابوج اشيل تلفون وبابا تعال اخذني مو اني حجيت وياهم وحذرتهم هسه حته لو الحگ جان وياج صار وياهم منو يقبل جنتهم تطلع من الفجر وحدها وبدون علمهم منووو ليش دائمآ تخلين الغلط الجانبج ليش متفكرين قبل متخطين هيج خطوه مو اني گتله اذا متستعدل اطلگها ورجلك فوگ راسك ليش خليتيهم همه اهل الراهي علينه

علاوي . اهدء خالد كتلك من ذيج روحتها ميفيدهم غير الطلاگ السافل مدام مدمن ماخلي بتنه عنده لو يبقه اخر رجال

ام خالد . يمه شوفو وجها شوهو وجهاا الحلو تعاي ليه اشوف وجهج ليش هيج خليتي يضربج ليش مانزلتي جوه من شفتي موصاحي

نرجس . بيبي والله ماجنت اعرف بي شي فتحت العلاگه عبالي الي وطلع بيها بطاله اله من شافني گال عوفيها گتله عبالي الي گال يله تعالي نشرب اني وياج واني گتله حقير اشو هذا هد عليه مثل الوحش كسرني تكسر وضربني بوجهي بالنفاظه وعمي اخذني خيط الجرح بابا والله صدگوني ميتغير سالم بعالم ثاني ما فديوم حسيته وياي

خالد . النذل اذا ما اندمهم عله كل كلمه حجوها وماوفوا بيها ما اطلع خالد گومي اصعدي فوگ ارتاحي واخليه يطلگ ورجله فوگ راسه هالنذل هذا

نرجس . صعدت فوگ غسلت وجهي وبدلت ملابس وفتت انام بس ما اگدر قبل ما اشوف حكيم شنو سوه راسلته دقايق ورجع رد عليه

هلاو حكيم نمت لو بعدك

حكيم . ليش يجيني نوم واني بالي كله يمج شنو صار اهلج شگلولج خوما أذوج

نرجس . لا ماحجوا شي وبابا گلي اني اخليهم يطلگون ادعيلي حكيم ان شاء الله اخلص منه تعبت خلصت هاي السنه ويا بس اذيه وقهر والله

حكيم . ان شاء الله حياتي تخلصين منهم بس اهم شي فكري بعقلج لتخطين خطوه قبل ماتفكرين بالناس الحواليج ميصير اطلعين من البيت بدون علم اهلج وعيالج هسه لو مخبره اهلج يجوج ولا سوايتج هاي

نرجس . حكيم والله مابقالي عقل افكر بي كل الي افكر بي شلون اتخلص منه شلون اطلعه من حياتي صرت اغار من خواتي وبنات عمي من اشوفهم مزوجين ومرتاحين وعدهم اطفال واني اخذ طفلي بسبب اذيته اليه تعبت وياه بعدني جاي احجي ويا واسمع صوت صياح جوه نزلت اركض واشوف سالم وعمي وخالتي وزوجها كلهم موجودين وبابا وعمو علاوي يصيحون عليه

خالد . انته لو رجال جان وفيت بوعدك النه اطلگ بتي وتوليييي فتهمتتتت

ابو سالم . احنه الي جايين انطلگ عيني ومنتشرف جنتنه تتواعد وتصعد ويه زلم مامعروف اصلهم منين

خالد . احترررم نفسك بنتي متربايه وشردت من ضيمكم واذيه ابنك اني احترمتك ورجعتها وياك بس الضاهر ماعدكم رحمه وعادي عدكم بت الناس تنطگ

سالم . اسألها ويه منو جانت صاعده بسياره رجال غريب لو بس تجي عليه شلون ضاربها ومنو ميضرب مرته

خالد . ماصاعده ويه واحد هيه تگول صعدت فورتات ومن وصلت لهنا جوارينه شايفها وموصلها وذول اكثر من اصدقاء احنه وياهم ونأمن بيهم خوه احنه وياهم لو جانت ويه غير واحد جان كسرت رجليها بس ذول لا نعرفهم شنو مو انته الجاي تعلمني شلون احاسب بنتي واربيها

سالم . لا عيني بنتك صاعده بكيه من شارعنه  ويوصلون لحد الشارع العام نازله وره نص ساعه جايتها سياره بيضه عاليه بيها شاب ماخذها ورايح وهذا الكلام من صديقي لان شايفها طالعه من بيتنه ومن صاعده بالكيه هو موجود ويگول بقيت انتضرتها الحد ماراحت گلت اذا بقت اتصل بيك

علاوي . بتنه مجذب هاي هيه گدامكم وراح اسألها تعالي نرجس شلون طلعتي من البيت وجيتي هنا وحكيم وين شفتي بالضبط مو هنا عله الشارع يمنه

نرجس . هنا گلبي گام يوجعني گلت اكيد شافوني صعدت ويه حكيم شيخلصني وحكيم گللهم شفتها عله الشارع شلون بيه اذا عرفوا حكيم جان بمنطقتنه وشنو راح يسوون دخلت حكيم وياي ماراح يعوفوا اباوع عليهم كلهم يباوعون عليه سألني عمو علاوي

ها لااا عمو اني ماطالعه هواي ولا اعرف المنطقه ووو
وبعدين بقيت صافنه زوخ بيه بابا

خالد . اشبيج تمتمتيننن احجيييي وين شافج حكيم وشلووون وصلجججج

نرجس . احس توترت والكلام ميطلع مني گتله بابا صحيح اني
ا ا اني ا اتصلت ب بحكييم وطلبت منه يجيني
عمو علاوي ضرب الطبله اليمه وتكسرت تكسر وبابا هجم عليه وسالم يضحك بصوت عالي گعدت بالگاع وبابا فوگ راسي ويضرب بيه گوه فاككو مني عمو علاوي وبيبي وماما صعدوني فوگ واسمع بابا يصيح ويغلط من جوه احس تفشلت گدامهم والنذل سالم يتشمت بيه الحقير شلون بيه شنو راح يسوون شنو راح يكون موقف حكيم گدامهم لو ناكره احسن الي

……

ابو سالم . حته تعرف بتك جانت متفقه ويه صاحبها مدري منو الله اعلم ومو منه الغلط واتمنه لو نطلگ اليوم قبل باجر

خالد . احترم نفسسسيك واحجي عددددل لو ماشايفه الووويل منكم متطلع وحدهااا كلاب

علاوي . صارت عركه بينهم وفاككناهم وصار لازم يرحون لان الطرفين مشعولين وميصير يبقون بنفس المكان

بلازحمه عليكم انتو روحوا واحنه اندز عليكم اطلگون

سالم . ييي اكيد اطلگ

علاوي . انته اطلع الحجي ويه الزلم مو وياك طلعوا وحته مارد عله كلامي جبان

خالد . روووووح صيحح حكيممم اريد احجي وياااا واذا طلع كلامها صحيح قسمآ برب الكعبه اذا ما امحيهم ثنينهم اطلع كلب ااابن كلبب

علاوي . خابرته قبلك وراح يجي

… ..

حكيم .جنت ابدل واتصل علاوي بيه گال تعال نريد نحجي وياك اني وخالد بالبيت گتله ماشي خلصت ونزلت شفت علاوي وخالد بالباب

السلام عليكم خير خوما اكو شي

خالد . راح اگلك شي واريدك تخلي العشره والخوه بيناتنه وتحجيلي الصدگ

حكيم . گول اسمعك اكيد بيناتنه خوه وعشره

خالد . منين جبت رقم نرجس

حكيم انصدمت ماعرف شنو اگله ماجنت متوقع راح يسأني هيج سؤال وما اگدر اگله هيه الراسلتني مو اني بس متأكد خالد عصبي وراح يأذيها

اني اخذته من امي وراسلتها

علاوي . بشرفك هاي خوه هاي ليش خنت الملح والزاد حكيم ليييش

خالد . ولك والله ماجنت متوقع هذا ردك ولك ربيتك بيدي ويه علاوي ولك مو اكلتنه وشربتنه سوه ليش هيج سويت بيه ليش حكيم

حكيم . احبها والله نيتي شريفه مو اذيه عليهااا والله ماگدرت اگللكم لان مزوجه بعدني مامكمل وهجمو عليه خالد خنگني وعلاوي ضربني بوكس احس خشمي بوري ونفتح مادافعت عله نفسي شويه واشوف عدنان فوگ راسي وامي وكم بيت طالعين عله صوت الصايح

خالد . قسمآ بالله ياحكيم اذا تبقه هنا لو المحك اخلي طلقه براسك وانهيك تاخذ اغراضك ومتبقه بالمنطقه مفههههوم

عدنان .شكووو شنوو سوه حكيم وهيج اسوون علاويي احجي

علاوي . تعالو ندخل جوه لان انشهرنه بمافيه الكفايه وافهمك الاخ والصيدق واقرب الناس الي شنو سووه

عدنان . دخلنه بيتنه واحاول اعرف شنو صار بعدين گال خالد وهو واگف بالباب

خالد . عدنان اخوك حاط عينه عله بيتي وياخذ رقمها من امك ويراسل بيها ويحرضها تعوف زوجها وتطلع من البيت وهو يروح يجيبها ومن شفناهم سوه يگول هنا لگيتها وجبتها وياي عبالي معتبرها اخته طلع هو وره كل هاي المشاكل

عدنان . تعالو دخلو نگعد ونتفاهم من يمته احنه واكفين بالبيبان ونصيح هيج صارت الناس تتفرج علينه

علاوي . ليش ابنكم خله بيها گعده زاح كلشي ومسويه علاقه ويه حرمه بيتنه تقبلوه عله نفسكم احجوا

عدنان . طلعوا وگالو حكيم ميبقه الوحيد يطلع من البيت
تعال فهمني حكيم صدگ هذا الحجي ولك انته الفاهم العاقل هيج سوي ولا ويه منو ويه الناس الربيت بينهم والمعتبريهم اهلنه وخوتنه مستحيل اصدگ

حكيم . احبها البنيه ماجاي اضحك عليها شسويلكم واذا عله البيت اطلع منا ما ابقه

عدنان . لا انته اكيد اتخبلت اني اتصل بأبوي واخليه هو يشوفلك حل لان انته عقلك ضارب يمكن

حكيم . اتصل شنو مسوي بايگ حبيت حالي حال العالم

عدنان . لا مو حالك حال العالم هذا هجمان بيوت

……

نرجس . هسه سديته من حكيم وغفيت بس اسمع صايح بالشارع فتحت البرده بس ما اگدر اشوف شكو لان السياج عالي بس اسمع صوت بابا نزلت اركض واشوف بابا وعمو علاوي يضربون بحكيم من العياط طلع عدنان اخو وفاككوهم بعدين راحوا البيتهم بس مادخلو لان اسمع صوت بابا بالباب مالهم ويحجون احس نفضحنه شويه ورجعو من البجي مالي والخوف بابا توجهي وعيونه تجدح نار

خالد . كلبه عليمممننن تبجييين حقيييييره انت مزوجه وترااااااسلين بالحقيرررر عبالي فقيرررره طلعتي حيوووووانه

علاوي . عوفها خااالد كافي وانت ماااااريد المحججج هنااا فوگ يللللله

ام نرجس . اصعدددي فوگ امشششي متشوفين كلها هاي الهوسه من ورااج وره عمايلج السوده

نرجس . صعدت فوگ وقفلت الباب متت بجي واني اشوف بعيونهم الحقد عليه احسهم كارهيني اسمع تلفوني يدگ حكيم بسرعه جاوبت

حكيم الوووو حبيبي من وراي صار بيك هيج كله مني اني السبب خابرتك ودخلت لو راجعه وحدي لو ماطالعه من البيت ماجان صارر هيج احجي وابجي احس نفسي مختنكه كلش

حكيم . سمعيني زين خاف يسألوج گليلهم هو راسلني هو مادري منين جاب رقمي وحجه وياي ماشي

نرجي . حكييم گتلهم انته حجيت وياي اول واحد حبيبي ليش هيج سويت

حكيم . لعد شترديني اگول ماراح يخلونج بحالج ابوج عصبي وراح يأذيج اني رجال اتحمل كلشي بس انت لا ماگدر اشوفهم يأذوج ومابيدي شي

نرجس . وين راح تروح وتعوفني حكيم الله يخليك لتعوفني احبك ماگدر اعوفك بس انته تفهمني

خالد . نررررررررجس اليوووووم اموووووووتج اليووووووم

يتبع…

لتنسون متابعه وتصويت واعتذر عن التأخير كتب البارحه وقربت اخلص خليت الموبايل وگمت اطفي الصوبات لان جتي السحب وارجع واشوف بنتي لازمه الموبايل بديها وماسحه البارت كله ومتتخيلون شصار بيه واني اشوف البارت مثل ماكلته بزون نص الاحداث طايره وماسحه كومه شغلات وميته قهر واليوم رجعت كتبت الكم من جديد 😤