رواية هدية الشيخ سراج الفصل الثاني عشر 12 - بقلم dina

هديه الشيخ سراج بقلم ✍ دينا الربيعي ❤️

‏وحين يحبني أريده أن يحبني كما أحب افلام الكارتون والحلويات أن يتأملني بالطريقة التي تغرق فيها عيني لشخصية كارتونية اعجبتني أن يراني كما انا  أن يفكر بي بقدر ما تشغلني الامور الطفولية  أن يأتي دائماً باللهفة التي تسرق قلبي نحوهم  وأن يعود إلي دائماً كما إليها دائماً أعود ان يحبني وانا طفلة🥺

سراج . شكووووو شنو هذا الصوت شبيكممم

ابو ساره . لكم طوني هاااااي الصا….. ولكم تطلع من بيتي وحدهااا والحكهاااا اني تالي عمري الحككككك بتي ولكم راحححح اموووت راح تمووووتني رااااح انجلط بتي تطلع من بيتي تهدددني لو انته لو تشردددد وبكل عين صلفه تطلع من البيت

سراج . جتي وصارت وراي تبجي وكامشه قميصي وتتوسل اخلصها من ابوها تالي حجت

ساره . احبببببه باباااااا ماغلطت ابن عمييي احبه ما اگدر اعوووفه

سراج . جنت اريد احميها وما اطيها العمي بس من حجت هيج ضربتها كف وگعت عله البايه مال الدرج وصرخت ضهرها صار عله البايه نزلت ايدي عليها ردت ما احس اله اخوها رياض كمشها من شعرها وسحلها من ايدي

رياض . لج گح……  شلون طلعيييين من البيت وحددددج شلونننن ولج اليوم اخرتج والله اطلع روحج بيدي فتهمتتتتتي
اني اختي تطلع من البيت بتكسييي وحدهاااااا اله اني عار اذا اخليج تتنفسين بعدددد

سراج . سحبتها منه خانگها وضلت ترافس جوا وصار يدفع بيه گتله تعال نحجي ونشوف شلون نتصرف وياها

رياض . سرراج وخر الخاطر ربكككك شنو شلون نتصرف هاي راح تبقه يوميه جايبتلنه نصيبه ولك لوما شايفيها طالعه من البيت جان الله اعلم شوكت نعررف ولك هاي حراماات تبقه عايشه ماتابت من الكتله هاي علاجها المووووت وبس عوفوني عليهاااا

الشيخ محسن . نووورره اخذيهاااا للغرفه ولتخليها تطلع بعد تعالوا تعال هاشم وراي تعالوا بالديوانيه نشوف تاليتها الصايح والكتلت ميسوي شي

سراج . عمي گاعد عله القنفه ورياض گعد بالكاع فحط من الصايح تالي ابوي حجه

هاشم . شحجي وشگول للعالم بتي راح البيت اخوي وحدها بتكسي والولد الجابها من المنطقه الله اعلم شراح يحجي وشراح يگول للعالم علينه الله اكبر عله راسج ولج مو بنيه هاي راح تجلطني هااااي شنو اسوي گلولي

الشيخ محسن . عوفوها هنا اليوم احجي وياها وباجر الصبح اجيبها واجي خلوها يمي عندي حجي وياها

سراج . شويه وراحوا وطلعت من البيت اتصلت بصديقي اجاني  بقيت  منا من صارت الساعه ب2 بليل رجعت ماردت ابقه بنفس البيت اني وياها بس منتظر كل شويه يخابرني بالي يمك عاد رجعت گبل

طلعت الغرفتي الكل نايم نزعت القميص والبنطرون بقيت بالداخليات وتمددت ونمت ما احس اله انفتح الباب وخيال شخص دخل للغرفه شغلت ضوه التيبلام اليمي وشفتها نفسها

لججججج انت ليشششش هيج حقيييره شتريديين منييي
هااااا شتريدين

ساره . ابجي واحجي اريدك انته انته ماطلعت من بالي ولا گدرت انساك سراج الله يخليك حته لو تزوج بس لتعوفني الله يخليك والله محد راح يعوفني بحالي بعد

سراج . حيييل بيج تستاهللللين اطلعي برره طلعتها ورگعت الباب وقفلته تخبلت من تصرفها شلون تتجراء تدخل غرفتي بعد كلشي سوته صحيح كلام عمي ورياض هاي ميفيد وياها لا

ضرب ولاحبس نمت واني اعصابي تلفت من تصرفاتها گومه زلم و ماكو خوف گعدت الصبح راسي حيل يأذيني سبحت وطلعت يمهم رجلي تأذيني هواي مشيت عليها بقت تصل عليه عاد تريگت واخذت علاج شويه صرت احسن
الشيخ محسن . سراج تعال احجي وياك ابني

سراج . ي يابه تفظل

الشيخ محسن . ابني انته تعرف عمك مريض وتعب من وره ساره وهاي حلها الوحيد بيدك

سراج . يابه شنو حلها الوحيد عندي شسويلها اني مثلآ اذا هيه من ابوها وخوانها متخاف تريدها تخاف مني

الشيخ محسن . لا مو قصدي تخوفها ادري بيها البنيه تحبك وتندمت اريد منك تزوجها واذا عله خطيبتك اني اروح واحجي وياها وهذا كله عقد منا لمن يطلع الها جواز رياض وتسافر يم خوالها يعني شغله مؤقته اني حته الها ماحجيت بس ردت تزوجها لبين متسافر حته نكف المشاكل يعني زواجك منها ورقه وبس مايجمعكم غير الزواج عله الورق

سراج . مستحيل يابه ماگدر ازوج هيج وحده اني هيه الاختارت تعوفني بعد شتريد مني طلعت واني مفول اعصاب اول مره بحياتي اكسرت كلمه ابوي عمري كله

ماگتله لا اوووف منج زلم ولعبتي بينه لعب يوميه ألج راي رحت الغرفتي بعد ماطلعت احس رجلي تأذيني ماگدر امشي عليها والدكتور گلي افتح الجبره لان

طابت بس ابقه امشي عله العكازات مو رأسن اعوفها هم اهون من هذا الثگل

……

حكيم . بليل رجعت جاي اصف السياره واشوف ام خالد جوارينه طلعت من البيت بس شافتني أشرتلي

ام خالد . فدوه حكيم تعال نودي بت خالد للمستشفى محد من الولد موجود الله يخليك ابني

حكيم . ي تفضلي يوم نوديها بسرعه مايحتاج الها سؤال لفت السياره وقدمتها البابهم بسرعه جتي مره شايله نرجس وهيه ترجف وتبجي وبيبيتها صعدت گدام

نرجس . ابني يمه راح يروح من اديه يمه ماگدرت احافظ علييييي يمممممممممه

ام نرجس . ماعلي شي لتخافين بتي ان شاء الله مابي شي لسوين بنفسج هيج بتي

ام خالد . اوووف ياروح بيبيتج هيج صار بحالج ذبج من القهر صار بيج هيج اااااخ كون هسه اشوفه هالنذل هذا اله اشرب من دمه

نرجس . يمه بطني تتگطع من الالم بعد ماگدر اتحمل يمه يمه ابني راح من ايدي والله ماتحرك حته يثبت بطني واخذ علاجي بس ردته يثبت ليش هيج يصير بيه ليييش

ام نرجس .اهدي يمه وخلي الله بين عيونج حرام عليج سوين هيج اذا الله قاسمه الج يبقه لو شيلين اثقال لتتعترضين بتي بعدين منو گلج الطفل وگع ادعي ان شاء الله مابي شي

حكيم . اباوع عليها نايمه بحضن امها استخطيتها حيل شكلها متأذيه وبعد اكو بوجها اثر ضرب فارت اعصابي اتمنيت زوجها موجود جان كتلته بساعتها بعدين رجعت گلت شتصير من عندي وهيج مقهور عليها احس شي بداخلي يشدني الها ماسكتت منا من وصلنه رحت جبت عربانه امها وبيبيتها ساعدنها تگعد واخذنها ماگدرت ادخل وياهن شفتها زحمه بس گتلها منتظركم بره راحوا همه وبقيت منتظرهم يمكن اقل الساعه وطلعوا

حكيم . ها بشروا ان شاء الله الطفل مابي شي

ام خالد . الله يعوضها خير ابني مامقسوملها

نرجس . يمه ماريد ارجع للحقير ماريد ارجععععع اله يمه هو الجان يضربني ابني وگع بسببه

حكيم . طول الطريق تبجي المرايه بجهتها اباوع عليها وخرت راسها من كتف امها وجتي عينها بعيني بقت مرگزه بس ماگدرت ابعد عيني عنها رجعت دنگت راسها واني طول الطريق ضايج ومخنوك عليها ومقهور عليها بعدها صغيره تحملت ضرب وطلفها وگع شنو ذنبها اتصل ابوها وكلتله رجعنه للبيت والعصر نروح للدكتوره لان نرجس صقطت الطفل وصلتهم للبيت ورحت اني البيتنه

ام عدنان . هاي يمه وين جنت شو تأخرت

حكيم . واني اصعد الدرج گتلها جنت ويه بيت ام خالد بتهم سقطت طفلها

ام عدنان . يا يمه سوده بوجها خطيه طفله وسقطت الها طفل اوف ياحظج نرجوس والله ماتستاهل

……

حوري . بديت اجهز للعرس لان خابرني سراج گلي مابقه شي وافتح رجلي واحتمال اقل الشهر نزوج وبلشت كل يوم اجهز بنفسي بليل جاي اسوي كيكه

واجه يمي ابن اخوي راد يسوي وياي گتله لا حبيبي اني اكمل اطيته تلفوني ورجعت اكمل كملت الخبطه مال الكيك وخليتها بالفرن وغسلت المواعين السويت

بيها الكيكه وزيوني ابن اخوي بعده الموبايل بيده گتله زيون طالعه اغسل الكراج موتروح يم الفرن تنجوي زيون بالاول ابتدائي بس حرك يعني منعوفه وحده ابد

اسمعه يلعب باللعبه عفته وطلعت عزلت الحديقه وكنستها وبعدين رجعت للكراج عزلته وغسلته ورجعت مسحته رجعت للكيكه شفتها مستويه من جوه شغلت

الفوگ شفت زيوني بعده يلعب بالتلفون ونفس اللعبه زيون اكثر وكته يمي حته مرات ينام يمي ميروح يم اهله بس من يبدي الدوام امه تاخذه يمها گلت اروح

احضر الحمام بين متحمر الكيكه من فوگ رحت ورجعت طفيت الفرن ورحت للحمام دخلت وره ماطلعت مشطت ونزلت شفت التلفون عله الميز اخذته

خليته بيدي واخذت الكيكه قطعتها واخذت عصير ورحنه گعدنه وگمنه ناكل وعصير التلفون مسويته صامت استحي كل شويه يدگ يم اخواني اشو احس

بي مثل الهتز شفته سراج كومه رسائل ومكالمات ماشفتهن اخذت التلفون وصعدت بغرفتي رجع دگ جاوبته

سراج . لج وييييبن جنتي شنو هاي الصوره الناشرتهاااااا بصفحتج

حوري . شبيك سراج ياصوره بس خلي افتهم ليش صيح

سراج . صورتج كلبه متدرين يعنننني ماشفتيها تنشرين صورتج عوووود ماعندج علم حيواااانه راح اخابر اخوج واشوفه شنو رأيه

حوري . ياااا والنبي مادري جان عد زيوني التلفون سراج

سراج . امشيييي مسحيهااااا

حوري . سد التلفون بوجهي رحت للفيس وشفته مخلي صورتي بالحاله اديه ترجف اريد امسحها ماگدر مخليها بالحاله منذ 15 دقيقه يعني من جنت بالحمام شفت مو هواي شايفيها بس اتلاثه ثنين بنات عمتي وسراج عاد بسرعه طگيت صوره للشاشه رجع اتصل سراج اول ماجاوبت حجه

سراج . يعني تلفونج بي صورج ليش تنطي الطفل بسسس اريددد اعرف هسه ارتاحيتي من ناشر صورتج

راح ادزلك واشوفكم منو شافها سديته منه ودزيتله الصوره اريد يشوفها ماكو يتصل ارجع ارفض ويتصل كتبتله بس شوووف الصوره رجع اتصل اول ماجاوبت

سراج . لجججججج حيووووانه تسدينه بوووجهيييي واني بعدنييي احجييي وياااج حوووري انه لعلمجج

حوري . والله موقصدي سراج بس ردت اشوفك موهواي شايفيها بعدني احجي ورجع سده هو بوجهي اوووف نزلت دموعي ختنگت اول مره سراج هيج يصير عصبي عليه بعد لا هو اتصل ولا اني

…..

سراج گاعد يم ابوي واتصل عمي گله انه جاي عليكم
ردت اطلع بس انتظرت عمي يجي ردت اعرف شنو السالفه شويه واجه

الشيخ محسن . شنو خويه السالفه قلقتني

هاشم . خويه ساره حااامل

يتبع……

بارت ممتع للجميع وعذروني على التأخير والله عندي شغله جانت مهمه لتنسون التصويت حبايب قلبي
❤️