رواية هدية الشيخ سراج الفصل الثالث عشر 13 - بقلم dina

هديه الشيخ سراج بقلم ✍ دينا الربيعي ❤️

متى يكون الحب قوة وليس ضعف؟؟
عندما يكون الشخص الذي فى حياتك،،
يفهمك قبل أن يحبك..
عندما يكون هو الداعم النفسى لك،،
ليس العائق..
عندما تتحامى به،،
وليس منهُ..
وعندما تخطئ يعاتبك بينك وبينه..
عندما يعاملك أمام الناس أنك ملاك لا تجيد الخطأ..
عندما تذهب إليه حزينًا،،
ترجع مبتسم..
عندما يكون هو من يهونها عليك،،
لا من يزيدها تعقيدًا...

حكيم . فتحت شباك الغرفه الي يطل عله بيتهم بلكي اشوفها بس ماكو بالي يمها شلونها شلون صارت هسه بعده بالي صوتها بجيها اتمنيتها مامزوجه اتمنيت اني اول واحد اخذها بحضاني اني اول مره اگللها احبج اورث بالجگاره وكانه هيه الوحيده الي تعرف شنو

بگلبي شوكت هيج حبيتها ما اعرف بس أمنت بشي اسمه حب من النظره الأولى ي هيج صرت اوصف شوگي الها استغفر الله ربي شلون هيج بقت الابنيه ابالي اخذت منشفه ودخلت للحمام احس نفسي مختنك اول مره احس نفسي تايه ماعرف شنو اريد

گعدت الصبح بدلت ونزلت طلعت بالباب عيني جتي عله بابهم بقيت ادخن وصافن بعدين انتبهت شنو اريد ليش هيج كاتل نفسك حكيم شنو السالفه انته الجنت

تكره شي اسمه حب وحته ماتأمن بهيج سوالف ودوم تكول خرافات الحب وحته جنت اسمي مصلحه ليش دگ گلبي الها ليش بس اريد المحها ليش احسها تعبانه

واريد اكون بجانبها شفت البرده مال غرفه الفوگ نسحبت ونفتحت الشباك وطلع طفل صغير نزلت عيني ورحت للسياره صعدت ورجعت باوعت للشباك شفتها

ي وأخيرآ لمحتها محبوبه گلبي اخذت الطفل وبقت مركزه بيه وراحت بس اخذت گلبي وياها

هنا اني شلونه طبعي بالبيت والاعصاب لااا اهنا اعترف الكم زدت قاااااااطات بالأعصاب واحش جگاير وميت

الف فكره تجي بالي هااااا خاف يجوها وترجع هاااا خاف تحبه الزوجها شلون تورطت هيج وليش حبيت وحده مزوجه احس نفسي بدوامه ما الها نهايه اريد

اصفه على بر اريد شي يوصلني الها أخر شي راسلت علاوي عمها گلت ماكو حل غير هذا ولا قررت شلون افاتحه بالموضوع واعرف راح يرجعوها او لا بس كل

الجان ابالي اشوف شنو قرارهم الهم نيه يرجعوها گلت اذا يرجعوها حته من هسه اطلعها من بالي وابتع قبل لا اوگع لان من هسه احس نفسي تعلقت بيها ومجاي تفارگ دماغي

حكيم . هااا علاوي حبيبي شلونك

علاوي . هااا هله بيك حبيبي حكيم بخير انته شلونك

حكيم . دومك حبيبي

علاوي . حكيم ماعرف شلون نشكرك عله تعبك ويانه خطيه الوالده گالت لو ما حكيم جان تبهذلنه رحم الله والديك ماننسه معروفك هذا

حكيم . لا يابه صدگ جذب يمعود اهل احنه وواجبي هذا
( انته الفتحت الموضوع ابوس ايدك سهلت السالفه عليه 😆 )

علاوي . تعال انته بالبيت اني بالباب

حكيم . ي جايك حبيبي
نزلت وحضرت جاي وطلعت

ها علاوي حبيبي

علاوي . لك والله بالدوام انته تعرف تعب وانزل كل 14 يوم والله لعبت نفسي كلش وتعب بس شنسوي هذا واجبنه

حكيم . ي والله الله يساعدك انته وين هسه بعدك بالرمادي اداوم موو

علاوي . ي بالرمادي والجو حاااار يسمط سمط ونوب صحراء

حكيم . جاي نحجي واجه خالد بسيارته طبگ السياره ونزل

خالد . ها الله يساعدهم

حكيم . علاوي . وعليكم السلام

خالد . حبيبي حكيم مشكور اخذت بتي للمستشفى تعبناك ويانه يالغالي

حكيم . لا يابه شسالفه تعبكم راحه شسويت اني واجب هذا يوم تحتاجونه ويوم احته نحتاجكم

خالد . اطلب اطيك اعيوني حبيبي
(لا عيني ميريد عيونك يريد بتك 😌)

حكيم . شلون صارت الابنيه ان شاء الله احسن والله طفله بعدها نقهرت حيل عليها

خالد . اووووف اوووف شحجيلك حكيم تورطنه ويه ناس حشه ماگول بوجهك زباله وان شاء الله اخلصها منهم

حكيم . لضوج مني بس مبين عله بتك مضروبه وجها مشوه من الضرب شلون تخلو يمد ايده عليها هيج

خالد . والله العظيم من جوي علينه سو بس هو وبس وحته ماقبلت اطيهم اني بس اخت المره سوته ماكو

منه حته من سألنه عليهم گالو خوش ناس والولد حباب وماعنده لازياده ولا ناقصه بعد گلولي اطيها وخوش

قسمه وبس هو لهله قبلت وبتي بعدين سامعتهم يحجون بأبنهم يكبسل بس ماحجت من گام يضربها ويكتلها عله اقل شي وجتي وشفتها بعيني هيج

مكتوله خابرت اهله گتلهم كلشي منريد منكم بس تعالو طلگو بس ابوه رجال خير ماقبل گال يطلگ وكل حقوقها تاخذها عبالي ابني يستعدل بس مصيرله جاره وعبالنه هذا الطفل راح يصلح حالهم بس مامقسوملهم

حكيم . مركز بكل كلمه يحجيها واخر شي ختمتها واني استنشق الهوائ مثل واحد جان خرگان ونقذوا

ي والله يكبسل شنو واخلي بنتي عنده وهمه اهله شلون يزوجوا ويدون ابنهم مدمن حبوب والله ياالله شلون يورطون بت العالم وياهم الحمد لله خلصتوا منهم

خالد . ي الف الحمد لله والصراحه اني فرحت من خسرت  الطفل لان جان الطفل هذا خلاهم سوه

علاوي . يابه شنو راح تگلبوها ع الولاده

حكيم . ضرب عله كتفي وسألني

علاوي . ي حبيبي مانوي نزوجك

حكيم . لا والله ماناوي هسه ان شاء الله اذا قررت ازوج اول واحد تعرف انته

خالد . يسأل صاحبه تزوج لعد متزوج انته هههههه ياالله

حكيم . هههههههه ي صدگ متزوج انته شمتاني

خالد . دعوفوني شتردون مني بطگ روحي احسنلي من لوعه الگلب

……

الشيخ محسن . اي اذا هيج بيها الخير بلكي من تصير ام تعقل

هاشم . والله خويه خلي نشوف زوجها بلكي يقبل يرجعها مدام راح يجمهم طفل

الشيخ محسن . لااا خويه خليها وراي لا تروح ولا ابد انه اتصل بابوه واكله جنتك حامل اذا گال ترجع زين عله زين واذا ماقبلو عوفها يمك وان شاء الله الطفل هذا عرضه خير الها

هاشم . ان شاء الله خويه الله يقدم الها البي خير

سراج . وأخيرآ فرحت خلصت من هم شكبره ياربي الحمد الك والشكر

لا راسلت حور ولا اتصلت بعد وهيه هم نفس الشي العرفته بحوري متحب تتنازل ولا تحب واحد يرزلها عدها كرامه بس اني اصعب منها واني بطريقتي اخليج تتنازلين ياحوري مر اسبوع ورحت للدكتور فتح رجلي

الحمد لله وكتبلي علاج بس بقيت كم يوم امشي بالعكازات وبعدها ذبيتهم لان شفت نفسي ما احتاج يوميه ادخل للواتساب والفيس واشوفها متصله وكل منشوراتها توحي بزعلها بس ابد لا اتصلت ولا حجيت

وياها مابقه للعرس غير اسبوع وكلشي جهزنه القاعه والحنه بالبيت خواتي يتصلون بيها وتسولف وياهم ويسولفلي شنو مشتريه وشنو مجهزه واني اسوي نفسي اعرف بس ماشي اكسر خشم هذا اليابس

ياحوري مابقه لاحنه غير يومين وقررت اروح بما انه گمت امشي واگدر اسوق هيه ماشافتني بعد فاتح رجلي واگدر امشي بليل لبست بنطرون ابيض وقميص بنفسجي ورفعت شعري وخليت عطر ونزلت اشتاقيت

الها بس ماراح اسوي نفس اجيت عله مودها اريد اروح اودي اغراض الحنه مال عشه والعرس هم رحت وصلت الهم فتح الي الباب عمار گعدنه يمكن بالنص ساعه يمهم

خواتها لان شفت هواي جهال يمهم بقينه نسولف هواي بعدين راح عمار وهيه دخلت سويت نفسي اريد اطلع وماشفتها

حوري . انته يعني ماشفتني دخلت سرااااج

سراج . ابتسمت عله صوتها كانه تريد تبجي من الفشله درت وجهي عليها
نعم وياي تحجين ردت العب بأعصابها شويه

حوري . لاااا والله عفوآ احجي ويه خطيبي مو وياك

سراج . اتقدم عليها وبعيونها الدمع متجمع لو حجيت كلمه بعد تخثها تنزل دموعها بس سويت العكس تقدمت عليها وجريتها عليها صارت بحضني ورفعت وجها بيدي
مو اني الألبس حور ديري بالج مني ترا اشوفج وجه عمري ملشايفته اذا البسج عمري كله ماباوع بوجهج بعد

حوري . مقربني عليه كلش واصله الصدره ورافع وجهي بيده وعاصر خدودي بصابعه مركز بعيوني وعيونه تتجول بين عيوني وشفايفي نزلت دموعي من تعامله وياي وعطره السطرني سطر رجع قرب وجه

وباس دموعي ورجع باسني بشفايفي تهت ويا بعالم ثاني وهو اطول مني احس رگبتي نكسرت ابتعد عني عيونه تحجي شي وهو حجيه شي ثاني جان يگولي هاي البوسه راح اعتبرها تنازلج الي لا تعتبرين بستج ورضيت

حوري . بس انته البستني وهاي راح اعتبرها انته تنازلت الي
بعدني ممكمله طلع وسد الباب اسمعه يحجي ويه حيدر بالباب وسلم وراح مسحت دموعي وطلعت ماردت خواتي يشوفني عيوني

…

نرجس.  اباوع عليه يحجي ويه عمو علاوي واوكز بكلامه وبي شكله حلو سرحت بعيونه واكف مقابيل الباب مالتنه وميفصلني عنه يمكن متره بس افتح الباب

يصير بوجهي مرتجي عله السياره مال عمو علاوي وبعدين اجه بابا وگامو يحجون بموضوعي حبيت كلامه لان دافعلي يحجي ومخلي اديه بجيبه وبعدين

رفع شعره وجتي عينه عله الفتحه مال الباب يمكن شافني من الثول مالتي عثر ونرگع الباب برجلي ابوي اجه وسويت روحي اريد اصيحهم وافتح الباب

واصيحهم يله تعالو تعشوا باوع عليه ورجع گال يله ثيماالله بس بقه عمو علاوي يحجي ويا وبعدين دخل اول ما راح خله موبايله عله الشحن رحت وديت العشه بالصاله حته يرحون هناك راحو همه واني جبت تلفونه

وفتحت تلفون عمو وادور باسمه حكييييييييم لگيته بسرعه سجلت الرقم وطلعت
خلصت شغلي كله واخذت التلفون وصعدت حفظت رقمه ودخلت عله الواتساب دزيتله

هلاو. شلونك هو دز

هلاو منو ؟

رجعت كتبت نرجس هو شويه ورجع كتب

يانرجس ؟

كتبتله لازم هواي نرجسات عندك هو رد

هههههه لا والله ماعندي ولا نرجسه

بس ليش تباوعين عليه من الباب مو عيب عليج ترا اگول لهلج عليج

لا والله هو منو يباوع عله منوووو

استحي عله نفسج اباوع عليج شنو وبعدين شعدج تراسليني منين جبتي رقمي هاا

منو تلفون عمو علاوي

ي شتردين احجي يله

هاي شبيك اشو ماعندك اسلوب شايف نفسك انته مغرور

ي مشكوره يله روحي ومسحي رقمي

ي اسفه
طلعت من المحادثه وتندمت لان راسلته وخفت صدگ يروح ويگول لاهلي لان مبين من حجيه مو مال واحد ميسويها رجع دز

احبچ ❤️

يتبع ...

بارت ممتع للجميع لتنسون متابعه وتصويت ❤️