رواية هدية الشيخ سراج الفصل العشرون 20 - بقلم dina

هدية الشيخ سراج بقلم ✍ دينا الربيعي ❤️

‏اخاف مما تخفيه النوايا، ترعبني فكرة أن أكون محسنًا مع الأشخاص الخطأ. 💕

حوري . صبيت غده السراج وصعدته فوگ گلت يخلص واگله يوديني لهلي اشتاقيتلهم هواي صار مرايحه الهم خلص هو وورث جگاره نزلت الصينيه وسويتله جاي وصعدت اول مااطيته الاستكان جان يگلي

سراج . طلعيها الحجايه البگلبج حوري اسمعج

حوري . ههه شمدريك عندي شي اريد احجي

سراج . اعرفج من تنخبصين وسريعه عندج شي تريدين تگولي طول ما اني اتغده انت تاكلين بظافيرج احجي اسمعج

حوري . يي حبيبي اضوج من هاي العاده مال اظافيري بس شسوي من اتوتر اكلهم
اريد توديني لهلي حبيبي صار هواي مرايحه يمهم بايته
اباوع عليه ميحجي يباوع بعيوني وينفخ دخان الجگاره وباقي مركز بيه

ها شنو صفنت تريد تفكر

سراج . ماكو مبيت اوديج هسه وبليل ترجعين

حوري . حبيبي اريد ابات وجايات خواتي هم اريد اشوفهم

سراج . ماشي راح انام ومن اگعد اوديج

حوري . ضاج حجه ودار وجها ونام بس اني هم من حقي اروح واشوف اهلي خواتي راح يصير شهر ونص مارايحه الهم گمت حضرت نفسي واخذت جنطه خليت

بيها ملابس وكم شغله اليه بين ميگعد لبست فستان طويل مال محجبات وخليت مكياج خفيف نزلت اگول

الهم راح اروح لهلي نزلت شفت بس الشيخ بالديوانيه گتله ما حجه شي خطيه وعمتي بعدها يم اختها فتت من نوره

نورة . والله ياالله مقرره ومبدله ونازله تحجي عالساس تحترم

حوري . ليش لعد ما احترم نوره اني شنو سويتلج وهيج تعامليني ها

نورة . وعلاا لترفعين صوتج عليه افتهمتي لو لااا

حوري . احترمي نفسج ولتتجاوزين تره اگول السراج يكسر راسج

سراج . شكووووو شنو هالصايح هذاااا صغاررر انتنن

نورة . سراااج كل ماتفوت مني تگول العانس شنو قصدها اگول زوجه اخوي ولان احترمك ساكته الها

بس كافي زودتها هسه اخر شي تگلي رايحه لهلي مو اجي والگه البيت خايس شغلي ايدج تقبلها هيج تحجي وياي واني الأكبر منها

حوري . ماطتني مجال حته ادافع عله نفسي انصدمت من تمثيلها تحجي بحرگه وتبجي وتحجي بصوت عالي

كلمه اني ماگدرت اكملها من صوتها العالي بقيت صافنه عليها وهيه تمثل يعني عله بجيها اكبر واحد راح يصدگ اني هيج حجيت وياها اباوع السراج عيونه

نطت حمرررر وهو من يگعد من النوم ضايج التمت عليه تقدم عليه وضربني كف احس خدي اشتعل نار من قوه اديه

سراج . اشلون تتجاوزين عليهااااا شنو انت اشايفه نفسج وهيج تحجين وياها اعتذرررري منهااا بسسسرعه

حوري . مامسويه شي يخليني اعتذر منهااا هيه الي اجاوزت مو اني وماحاجيه وياها هيج ابددد لفقت عليك وانته صدگتها عفته واريد امشي سحبني من

ايدي بقوه ورجع ضربني كف شگد جنت مسيطره حته ما ابجي بس كل القوه راحت مني ونزلت ادموعي واني احجي بصوت عالي

جذااااااابه جذبببت عليك والله ماحجيت هيج وياها اصلن هيه ماحبتني من اجيت الهذا البيت الحد هسه هيه تكرهني

نورة . ياااايااا ولج اشعندي وياج شنو السويته الج اگول ماريد احجي السراج خطيه وهيه بعدها طفله

وعروس ماريد اسوي مشاكل وياها بس الظاهر انت مجرين عدل وراح تبقين مخليتني ابالج وعيب هاي مال عانس انت مو ازوجتي قبل اختج تقبلين واحد يگول الاختج عانس

سراج . امشي جيبي غراضج وبسرعه لحگيني للسياره واني اعلمج

حوري . عمي الديوانيه بعيده علينه معزوله عن البيت فه ميسمعنه شگد اتمنيت مامزوجه لان انهنت بدون سبب كل كره الي هذا واحسها هيه وساره عليه لان

نفس التصنع والتصرفات ومنا بدت رحلتي ويه نورة وساره جبت اغراضي ونزلت رحت صعدت بالسياره وره وصعدت

سراج . ابقي يم اهلج منا من اني يعجبني اجي ارجعج مفهوووم اريد اربيج من جديد

حوري . ما احجي بس ابجي لان ماصدگني وحقه يصدگ لان عمري كله ماشفت هيج وحده تبجي وتتبله ومبينه مقهوره اني انصدمت من شفتها وشگد

ماحاولت ابرر النفسي ماخلتني صواها عالي واني صوتي ماكو عفتها الله يجازيها لان مبينه ماراح تعوفني بحالي وصلت للبيت نزلت وسراج نزل اخذ

الجنط سراج شاف عمار گله جبت حوري يمكم واريدك تعلمها لتغلط عله الأكبر منها

عمار . افه عليك ماتطلع من حوري شلون بله تغلط وعله منو

سراج . اسألها وهيه تحجيلك شلون تتجاوز عله اختي البيت كله يحبها ويحترمها ماتوقعتها هيج المهم خلوها ترتاح كم يوم يمكم يله فيما الله

حوري . راح واحنه دخلنه جوه اتحسه گوه يحجي يريد ينفجر دخلنه جوه وتلگني امي وخواتي سلمت بس كلهم سألوني باجيه نزلت عيوني بسرعه وكلشي حجيت الهم

ام حوري . شنو منعرفج عله شنو تبجين انت مو من ذني اليعاركن ولا السان اعرفج كلش زين بس اذا هيه من البدايه ماتقبلتج راح تحاول هواي تسويلج مشاكل

عوفها براحتها ولتردين عليها حته لتنفهيلها هيه تكيف اجاوبيها حته تعلگ بينجن فه انت البسيها ماما حبيبتي

حوري . يمه تجي خطيبه سراج القديمه ويبقون يضحكون عليه من افوت منهم يحاولون يقهروني بكل فرصه حته سراج بقه يحجي عليه يگول احبج

وماعندي غيرج احسه مل مني واني كل يوميه اگله ساره تحاول تاخذك مني

ام حوري . هاي شبيج يوم تاخذه شنو رجال ماصغير هو لو يحبها جان سوه المستحيل ورجعها اله لتزرعين هاي الافكار براسه ولتنفهيلهن بتي

سهى . شووو كافي گومي عله شنو تبجي من دخلتي الهسه وجهج اصفر وضعفانه شجاج وين حوري جانت الضحكه متفارگ وجها

ام حوري . صدگ هواي ضعفانه يمه ليش تستحين تاكلين شنو

حوري . لا يمه والله اكل عادي بس مادري شبيه معتي تأذيني هاي الفتره شنو اكله احس بحراره فه اكل شي قليل واكثر شي اكل روبه متأذيني

ام حوري . ليش ماحجيتي النه الزوجج خاف معتدج بيها شي غير تخلينه نوديج نشوفج

سهى . لا ولج خاف حامل اني بس من احبل معتي تأذيني تحسين بدوخه شي الم بالراس

حوري . لا كلشي مبيه بس معتي تاذيني اني من انقهر تصير هيج مو حامل وبعدين الشهريه كل شهرين لو اكثر تجيني مو كل شهر مو منتظمه عندي شلون يصير حمل

ام حوري . اخذج للدكتوره واخليها تنظمها الج حته يصير عدكم طفل

حوري . لا ماما ماروح خليها هسه بعدين نفكر بالطفل ما احس نفسي جاهزه هسه بقيت يم اهلي صار عشرين يوم وسراج لا اتصل ولا سأل مقهوره حيل

واهلي يحاولون يطلوني ونطلع نتعشه بره لو نروح يم بيت جدي نغير جو بس اني بالي وفكري كله يم سراج كل هذا وياريت لو اني صدگ غلطانه بحق نوره امسح

دموعي بالبسكوت لان اذا امي تشوفني تحجي عليه وعدتها بعد ما ابجي وبيوم مجمعين كلنه عله الغده ام مسويه سمج شوي وتمن برياني اول ماگعدت وخليت

اللگمه بحلگي حسيت بزفاره موطبيعيه ورگض تقيئت

ام حوري . خير يمه اسم الله شبيج بتي

حوري . عيععع شلون جاي تاكلون ذبوها زفرررره متحسون

عمار . لا بالعكس مابيها شي لازفر ولا شي مو هاي جاي ناكل

حوري . والله يمه عييع شوف ريحتهاااااا ورگضت اتقيئ من جديد لحگتني امي للحمام

ام حوري . ولج خاف حبله يحويره

………

نرجس . شنو قصدك عمو تريد تضبط عليه عله شنو

علاوي . شوفي نرجس اول مره راح احجي وياج بخصوص حكيم حكيم بالنسبه الي مو صديق ولا لان جوره صارلنه عمر حكيم اكثر من اخ اليه واول مره

يصير بينه خلاف اني وياه بسببج وطلعنا من المنطقه كلها والي ثبتي انو حكيم صدگ يحبج وميضحك عليج من طلع منا حكيم يموت عله اهله ميگدر يطلع من

منطقته بسهوله بس هو راح وكل يوم يدزلي رساله ويحلف بيها هو رايدج عله سنه الله وشاريج ويحبج بالبدايه ماحجيت وياه ولا صدگته بس من شفت

ملحته بالسالفه عرفت حجيه صحيح الحد البارحه اتصل بيه جاوبته وحجالي كلشي عنكم وبعد مامتواصل وياج الخاطر الثقه الجانت ابينه وميريد

يحجي وياج اله اذا ابوج وافق يخطبج من شفته هيج التقينه وحجينه گتله ارجع للبيت امك كل ماتشوفني متسلم عليه زعلانه عليك وحقها ورجع البارحه بالليل للبيت

نرجس . عمو اريد اگلك شي بس اخاف تفهمني غلط جنت اسمع وابجي بس من خلص مسحت دموعي وحجيت ردت يعرف كلشي لان عمو علاوي يتفهم مو

مثل بابا ايده والضرب عمو اني الي حجيت ويه حكيم اول مره مو هو

علاوي . شلون يعني مافتهمت انت منين جبتي رقمه

نرجس . عمو اني اكثر من مره ساعدني حكيم باصعب ايامي هو جان وياي المفروض سالم وياي بس حكيم جان مختلف حسيته رجال بكل معنا الكلمه حبيته

وحبيت اسلوبه وتعامله شخصيته جذبتني مالگيت نفسي غير اخذ رقمه من تلفونك وحجيت وياه وهو جان نفس تفكيري يريد يحجي وياي بس ميعرف

شلون يوصلي لضوج مني عمو بس والله موبيدي حبيته احسه الشخص الصح الي لازم اكمل وياه

علاوي . ليش هيج اسوين بعد مااثق بي نرجس شلون تمدين ايدج عله تلفوني وتاخذين رقم صديقي وتحجين وياه الهاي الدرجه متخافين من عدنه

نرجس . عمووو حبيبي هاي راح يخطبني حكيم وراح اصير من نصيبه واحنه واحد يحب الخ حبيبي لتزعل عموو والله لان احسك مثل صديقي ماظم عنك شي

تعرف اول مره احجي بهاي السالفه ماحاجيتها الغيرك وحكيم لو ميحبني جان گللكم هيه راسلتني ماگللكم اخذت رقمها من امي وتحمل كلشي علمودي لان يحبني

عمو والله حبنه طاهر ومابي مصلحه حب صافي جاي احجي ومندمجه ماحس اله ضربه عله راسي
اخخخ

علاوي . وسم منطلقه وتحجين ترأا اني عمج نسيتي لو اذكرج

نرجس . عمي واغله واحلااا عم بالدنيه انته صديق المقرب الي الي ينصحني ويحبني ويفهمني فديتك

علاوي . بله لواگه يله ننزل وهااا بعد ماثق بيج

نرجس . ابتسمت گتله اني ارجعها الثقه هاي لو تطير حسيته طول الگعده ضايج حقه يضوج بس ماحبيت اضم عليه شي وأگدله حكيم صدگ يحبني ورايدني

عرفت ليش كل هاي الفتره ميحجي وياي حبيبي مشتاقتله وره كم يوم صادف الجمعه وندگ الجرس ماهتميت شويه واسمع صوت حجي جوه گلت انزل

اشوف شكو بابا دائمآ يرجع بالليل لان حكم شغله هيج اتفاجئت واني اسمع صوت عمامي كلهم وبابا هم رحت للمطبخ شفت امي

ماما شكو منو يمنه

ام نرجس . بيت حكيم وابوه جايين عليج

نرجس . انصدمت بقيت فاتحه حلگي توترت
لعد ليش محد گلي يمه

ام نرجس . هو احنه ندري متصلين عله ابوج وگايليله راح نجيك وابوج اتصل ابعمامج والعرفته من علاوي هسه جايين يطلبوج لبنهم

نرجس . اروح وارجع اروح وارجع بالمطبخ وابوع الشكلي كفشتي شكبرها ولابسه دشداشه برموده نيلي يمي گلاص عصير كله شربته احس متوتره شويه

وطلعوا واني بالمطبخ اشوفهم من الشباك طلعو اخوان حكيم ذول اليمنه وابوهم  وحكيم حبيبي مشتاقتله بقيت اباوع عليه تمنيت

اركض احضنه مشتاقتله من شفت عمامي ودعوهم ورجعوا دخلو طگيتها رگضه فوگ مانزلت اله عله صوت بابا نزلت اركض سويت روحي ما اعرف شي

خالد . حضري نفسج السبوع الخ العقد مالج عله حكيم

يتبع……