رواية هدية الشيخ سراج الفصل التاسع عشر 19 - بقلم dina

هديه الشيخ سراج بقلم ✍ دينا الربيعي ❤️

‏ردت اشگگها الرسايل بس دريت
مرة كتلي بوحده منهن، اني احبك
نامن بحضني وبچيت .💔

... ...

حوري . صار شهر عله زواجي ومارحت ابد استحي اگول السراج اتصلت بيهم كلهم منجمعين حته خواتي تذكرت قبل جنت اني اول وحده بكل طلعاتهم موجوده

نزلت دموعي اشتاقيت اشوفهم ماعرف شگد بجيت وشوكت نمت حسيت سراج تمدد يمي بس نايمه مارفعت وجهي قربني اله

وين جنت حبيبي تأخرت

سراج . يم بيت عمي هسه اجيت

من گال يم بيت عمي طفرت
شتسوي سراج ليش رحت هناك

سراج . شبيج عمري مو جنتي نايمه اشو من سمعتي ابيت عمي وگعتي بالگاع شلون يعني اذا يردون مني شي ما اروح الهم

حوري . لا يعني همه هنا موجودين اكثر من ماموجودين ابيتهم اشو اربعه وعشرين ساعه

موتواجدين يمكم بعد شكو رحت بس انته گول اشتاقيت الساره
بعدني مامكمله ولوه ايده حيل ضاغط عليها اذتني

سراج . حوووري لتحجين وياااي هيج اتخبل من المره التحاسب الرجااال گتلج ماعندي شي وياهااا افتهمي مو كل ما اطلع وارجع تسأليني نفس السؤال

حوري . احس مابقت عندي كرامه من حبي اله احس جاي اتعذب واني اغار عليه بس مابيدي شي اسوي اخذ ملابس وراح للحمام حته ماطلب مني احضرله

الحمام اخذت تلفونه وگلت اشوف شنو بي دخلت للواتساب ادور بالمحادثات لگيت وحده محظوره بس ماماسحها المحادثه موجوده قريتها بس رقم ماكو اسم

عاد صعدت للمحادثه من اول كلمتين عرفتها هاي ساره تتوسل بي حته يتزوجها وهو گايللها عندي مره تغنيني عن الدنيا كلها ومكتفي بيها يابت عمي جوزي عني

لتشوفيني صابره تره ارجع اشوف الرسائل لخوانج واخليهم يصرفون هيه باقيه تتوسل مندمجه اقره ونسيت حته سراج ماحس اله التلفون نسحب مني

سراج . حوررري تلفوني بي خصوصيات منو گلج تفتشين بتلفوني موعيب عليج شنو هالتصرفات هااي حوري شبيج انت ماعندج ثقه بي هيج اسوين

حوري . امسح دموعي واحجي ي ماثق احبك واتخبل من ساره سراج شوفها جاي تحظرها وترجعلك من رقم ثاني تحاجيك يعني مستعده اسوي كلشي حته تاخذك مني

سراج . اذا تبقين بهاي افكارج التعبانه راح تتعذبين هواي گتلج اكثر من مره اني الج وبس وماكو وحده بگلبي غيرج

حوري . اباوع عليه يحجي وماكو اي تعابير بوجه حسيته گام يضوج من هاي السالفه يوميه اعيدها عليه

سكتت وقررت بعد حته لو اغار مابين لان سراج طبعه صعب مو دايمآ يبررلي مرات يخزرني واسكت ومرات

يگلي تعبت واني يوميه اعيد واصقل من اگلج ماكو وحده بگلبي غيرج اريدج اصدگين حوري تعبتيني انت مو طفله كافي السوالف هاي مال جهال عاد گلت بعد

مافشل روحي ابد وغيرتي اخليها بداخلي لان احس راح اخسر سراج شتريد اتسوي مثلآ المهم هو ميفكر بيها وهذا كافي

ماعرف شوكت نمت وگعدت الصبح مالگيت سراج ذكرت ماگتله اريد اروح يم اهلي يله من يرجع اگله نزلت لگيت عمتي بالمطبخ اسوي ريوگ صبحت عليها

عمه عوفي اني اكمل بمكانج

ام سراج . لا يمه خلصت حبيبتي ماعندي شي

حوري . حضرت الصينيه وياها وخليت الجبن بالماعون دخل الشيخ نوره بعدها نايمه

الشيخ . صبحكم الله بالخير

حوري . صباح النور عمو
تقدمنه نتريگ وبدون صوت استحي منهم وهاي اول مره سراج يطلع بدون ميتريگ ضجت لان ماگعدت سويتله

الشيخ . اشلونج بويه سراج شلونه وياج

حوري . بخير عمو الحمد لله

الشيخ . اذا تحتاجين شي لتستحين ودايمآ انزلي هنا يم عمتج وخيتج البيت بيتج لتستحين ماشوفج هواي جوه انه

حوري . لا عمو انزل بس اكثر الاوقات انته مشغول اهلي بعد انتو

الشيخ . بارك الله بيج بنيتي

ام سراج . عمه انه اليوم رايحه الاختي اريدج ابمكاني اطبيخين الغده ماشي بنيتي شوفي شنو تردون سوو خير من الله مسوگه انه

حوري . ي عمه ادللي ليضل بالج اني اكمل كلشي
صدگ عمتي طلعت الشيخ وداها ونوره ماكو بلشت

بالبيت اول شي نظفته كله من غرفتي ونزلت للجوه كله وطلعت للطرمه عزلتها وكنست الحديقه وغسلت الطرمه اسمع صوت اذان واني بعدني ممسويه غده

دخلت عله السريع اباوع شنو اسوي طلعت سمج عسريع عصرت عليها ليمونه هيه ملحه وكامله وعصرت طماطه وخليتها بالفرن طلعت تمن سويت احمر وزلاطه كملت الغده وهدرت التمن نزلت نوره

نوره . لعد امي وين اشو محد بالبيت بس انت

حوري . ي عمتي راحت الاختها ام سجاد گالت بليل ترجع

نوره . سويلي ريوگ بسرعه لتتاخرين

حوري . اباوع عليها حته متباوع بوجهي مصدمه منها شلون سلوب عافتني وطلعت رحت خليت القوري عله النار وطلعت بيض وجبن خليتهم بصينيه ووديت

الصينيه الها تگلب بتلفونها خليت الصينيه بالگاع ورحت اكمل شغلي اني جنت اذا اگعد متأخره بيت اهلي اني اگوم اسويلي ريوگ كملت المطبخ طلعت

مالگيتها بالصاله ومتريگه والصينيه بمكانها عاد شيليها وراج غسلت الماعين وصعدت انزل الملابس الوسخه اريد اخسلها شفت باب السطح مفتوح وصوت واحد

يحجي تقربت زاد الصوت اكثر فتحت الباب بس طلع صوت سمعت صوت رگضه جتي نوره شافتني

نوره . وينننن وييين تردين امشي نزلي جوه مو امي وصتج تبقين جوه بالبيت

حوري . ي شبيج شفت الباب مفتوح ردت اشوف منو فاتحه

نوره . يعنيييي منو غيرر بس اني وياج بالبيت والله ياالله

حوري . شگد اعبر الها ماريد اوصل السراج ولا اريد احد يعرف بيها سلوبها وتعاملها وياي عبالك شريجتها مو زوجه اخوها اني ابد مااحجي وياها اربعه وعشرين

ساعه متنگه بوجهي ماعرف شنو السبب الي يخليها هيج تتعامل وياي ومن تجي ساره يصيرن دهن ودبس هيه وياها وتضحك وتسولف وياها ابتعدت عنها لان

ماريد اسوي مشاكل وياها نزلت هيه واني وراها دخلت هيه الغرفتها ونفتحت الباب البره دخل سراج اول ماشفته احس شفت الدنيا كلها بعيوني

......

نرجس . ش شكو ي يمه ش شبيج

ام نرجس . وغمه التغمجججج ولج تريدين تموتيييني ويين وليييتي من برره وييين رحتتتي بنص الليل نرررجس

نرجس . گعدت بالگاع وهيه تضرب بيه وتبجي واني وحلى هم نبجي احس امي فحطت وهيه تحجي وتبجي تقربت يم رجلها وهيه گاعده عله الجربايه

يمه بس اسمعيني حبيبتي والله مامسويه شي موزين والله يمه كل ذنبي لان حبيت هيج اسوون بيه يمه سالم ماحتواني ماحبني مثل ما اني حبيته خسرني

حته الطفل البطني وكل هذا وتردون ترجعوني اله يمه ابوس ايدج احجي ويه بابا لايرجعني اله

ام نرجس . ولج مايرجعج ميييرجعججج بس انت

لتتصرفين من وحدج يعني لوما لمى تجي وماتشوفج بغرفتج احنه مندري بيج وحق الله يانرجس اذا مجرين عدل اخليهم يكسرون رجليج افتهممممتي لو لااا

نرجس . كلشي ماريد منج بس خلي يطلگوني من سالم ووعد بعد ماسوي شي بدون علمكم

عافتني امي وطلعت ولمى لفت راسها ونامت ضايجه مني ثاني يوم گعدت احس راسي راح ينفجر لمى راجعه الزوجها ومحد بالبيت بس بيبي وامي سويت كم شغله وامي متحجي وياي للعصر اجه بابا صاحني رحت يمه

خالد . حضري جايين بالطريق يطلگون

نرجس . يحجي وياي وميباوع بوجهي بس الفرحه طيرتني بدي اهلهل عله هالخبر الحلو صدگ شويه

وندگ الجرس سالم وابوه وعمهم وياهم شيخ طلگنه والفرحه البداخلي ماعرف شلون اوصفها طلعو وردت اصعد استوقفني بابا

نرجسس

ها بابا

شوفي طلاگ وطلگناج اياني وأياج تخطين خطوه خارج هذا البيت بدون علمي مفهووم

ي بابا مفهوم وعد مني ماسوي شي يقهرك احجي وابجي احس خسرت ثقه اهلي بيه جان بابا بكلشي يسألنه وياخذ رأينه بس اني ماحسبت احساب واحد

لاعمامي ولا ابوي واكثر واحد عمو علاوي مثل الصديق النه موعم يتخبل اذا يشوف وحده بينه متأذيه لو ضايجه تندمت عله كلشي سويته بدون علمهم وعدت

نفسي بعد لازم اتغير وما اتسرع وماسوي شي اذا موهمه يعرفون بي وحكيم بعد لا اتصل ولا ابد تخبلت عليه بهاي الفتره تعودت عليه يتصل بيه بس اني هم

ماردت اتصل جنت ما اصلي صااار الشاغل مالتي الصلاه اصليها بكل وقت وقراءه القرأن صارت عندي اهم شي احس نفسي مثل الجان بسجن وتحرر مره

جنت گاعده عله المصلايه وابجي وادعي ربي يوفقني بحياتي لان ماشفت شي حلو هواي خسرت اشياء

دخلت امي من شافتني بقت صافنه عليه لان هواي جانت تگلي صلي جنت اگللها من احس نفسي مستعده مع الاسف ضيعت هواي ايام بدون صلاه

ام نرجس . هووواي دعيت الله يهديج والحمد لله الله استجاب دعائي ياروح امج

نرجس . ماكو حياه بدون صلاه ابتسمت بوجها وتقدمت بستها براسها
مرت الايام وماكو تواصل بيني وبين حكيم كل يوميه

ادخل الحسابه اباوع بصورته واطلع اگول يمكن كشت روحه من تصرفاتي وبعد بطل يحبني لان محد يقبل يشارك حياته بوحده تصرفاتها بطيش مثلي بدون

تفكير امي جانت تگلي گلبج طيب وتسوين الشي بدون تفكير وحته حجيج بدون متعرفين معناه تحجي قررت بعد ما احجي وياه ابد مثل ماهو گطع اني هم اگطع

بشهر رمضان امي وبيبي گالو انروح للسوگ نتسوگ لرمضان واني بلشت حملات بالبيت وشغل بابا احجي وياه مثل قبل رجعت علاقتنه وكسبتهم مثل قبل وهذا الشي خلاني ارتاح اكثر

طلعو بليل وداهم بابا الاسواق يمنه يبيعون مواد غذائيه ومنزليه بقيت بس اني وعمو علاوي خطيه شافني تعبانه

علاوي . هاي شنو نرجس صارلج سبوع وحدج تشتغلين ماتعبتي ههه

نرجس . عمو والله هلكت لعد شسوي رمضان ولازم نشتغل بعد راح نصوم منگدر نسوي جملات ثگيله

علاوي . يله خلصي وخلي نطلع للمول شويه غيري جو

نرجس . ابتسمت گتله ياريت والله صارلي هواي محد مطلعني

علاوي . ماشي شويه وارجع الگاج محضره نفسج

نرجس . ماشي
كملت شغلي البيدي ورجعوا اهلي عزلت المسواگ وياهم وسويت الهم عشه دخل عمو علاوي

علاوي . موگتلج اجي الگاج محضره نفسج راح نتأخر يله

خالد . وين ترحون

علاوي . اطلع نرجس صارلها هواي مطالعه كافي اليوم افراج

خالد . يله عوفي البيدج وروحي غيري جو

نرجس . صدگ صعدت اركض سبحت عله السريع ولبست بنطرون بيجي وقميص ماروني وحذاء رياضي خليت بس كحل ومسكاره وحمره خفيفه لفيت شالي ونزلت

علاوي . هاي الحاته منين

نرجس . ليش قبل شويه جنت جبار

علاوي . شفايتلج لو جبار ههههه

نرجس . طلعت صعدت بالسياره درت وجهي العمو علاوي صعد رجعت درت وجهي واشوف حكيم طبگ السياره

ودگ هورن العمو علاوي واحد سلم عله الخ تفاجئت يعني راجع ومتصالحين اختنگت باوعت الجهته دار وجها مني رجعت عله السريع درت وجهي منه

علاوي . لتباوعين خليه جاي اضبط عليه

يتبع......