رواية ??هجير الشتاء?? الفصل الرابع والعشرون 24 - بقلم Shaqraa

مساء المحبة

هجير الشتاء
الجزء الحادي والعشرون

شنوو رافع شبيها سماء فدوة كلي الله يخليك..وكفت واني ابجي...
تقرب مني سيوان اشرلي براسه شنو ...
واني اسمع صوت رافع..شتاء تطمني مابيها شي ..
انتظر دكتورتها تجي حتى اتطمن ع وضعها ونطلع...
اخذه سيوان من ايدي...
وكمل كلام وي رافع وسد الخط...
سيوان عفيه شبيها سماء ..احجي وامسح بدموعي ..
يمعودة لتكبرين الموضوع مابيها الا العافية..
زوجها كال مابيها شي بس من المسكن نايمة ..
اختج حامل ويجوز البارحة شافونا وتذكرو ليلة عرسهم وشوي تعبت هههه...
الحمل مابي شي بس شوي تعب عدها ومنطينها اللازم...
هو يحجي واني بداخلي اكول ابن لبلبة ميكعد راحة..
دائما الديرتي مايند مشتغل عنده...
رجع حاجاني من بعد ما تمددت ع السرير لان موجوعة هواي ..
وتفكيري بسماء زاد وجعي...

هو كعد بطرف السرير من الجهة الثانية...
رجل ع السرير ثانيها جوا ورجل بالارض...
كال...لتقلقين عليها العصر اخذج تشوفيها لان طيارتنه ب٨...
نشوفها ونطلع للمطار...
هزيت راسي اله واني ممشتهية السفر لان افكر باختي...
احسها امي لان تفكر بيه قبل نفسها..
واحنا مالنا غير بعض...
تمنيت امي موجودة وهسه يمنا..
شكد احتاجيتها وهي مو يمي وشكد اشتاقلها...
شكد صعبة من تفقد قطعة من روحك وامي قطعة من روحي...
تمنيت احلم بيها معقولة تعرف تزوجت ..
ومااجت بالحلم تباركني...
بقت دموعي تنزل واني صافنة ومتمددة ومخلية ايدي ع وجهي...
تقرب سيوان وخر ايدي من وجهي وكعدني...
كعد كدامي وباوع بقهر ...
كافي بجي اختج زينة والعصر اخذج وشبعي منها ..
انطاني كلينكس ومسحت دموعي ..
ماردت اكله مشتاقة لامي ماريد يشفق علي...
سكت تالي كال..
كومي غيري ملابسج وارتاحي اني نازل جوا...
كمت وكفت بس احس الالم زاد هواي واحس رطوبة..
مشيت بصعوبة وكف قبل ليطلع كال...
اشو كوة تمشين متأذية؟؟
لا هيج قليل..رحت اخذت خاولي والبرنص معلكات بالزواية ...
فتت للحمام بس سديت الباب كعدت ...
مابيه جسمي حيل مهدود..
سبحت كوة ساندة نفسي ولاحظت النزف بس شكول وشلون احجي ويا ...
كلش مقهورة منه وماودي احاجي ع السواه بيه البارحة والذلة الذلني بيها...

خلصت وطلعت لفيت نفسي بالبرنص بردانة حيل...
شغلت المدفية ونشفت شعري ...
لبست اوفر ابيض ومنقط باسود وشعري نشف بقيته مفتوح حتى يدفيني...خليت ميك اب خفيف وتعطرت ورجعت للفراش...
تغطيت حسيت بدفو اوف راحة شوي الالم هدا...
بقيت شوي حاضنه الفراش ماحسيت بعد غفيت...
ورا وقت حسيت الباب انفتح ودخل سيوان...
بس احس نفسي محترة وعركانة...
حسيت بخياله من تقرب علي...
كعد يمي ع الفراش اني جنت مخلية ايدي ع وجهي كله هيج انام...
بس اعرفه لوتي متمشي عليه هالحركات ...
وخرت ايدي وفتحت شفته جان يباوعلي...
من شافني كعدت كال..
يلا وقت غدا ..خل نصلي ونتغدا ...
حجيت وي نفسي يا هذا منو اليصلي عشتو ماعرفته..
طبعا احس بحرورة بداخلي من لمست جسمي مصخنة...
وخرت الغطا اريد اكوم اغسل ..
كمت بس كوة سندت نفسي ..
طفر هو بسرعة يمي شبيج شنو انت نازفة؟؟لزم ايدي فز..
اففف صايرة نار شتاء ليش ساكته ماكلتي..
مدام مصخنة معناها التهاب من النزف...
اخذني للحمام سندني...
راح جابلي ملابس اخذتهم منه حاول يساعدني رفضت كلش...
غسلت ولبست وطلعت...
انطاني عباية محضرها الي وشال...
لكيته مبدل هم ...
سندني ونزلني...

البيت هدوء كال ..
جاي يصلون خل اروح انطيهم خبر واجي..
كعدني بالسيارة بالكراج وراح...
شوي ورجع وطلعنا...
اني دايخة هواي واحس وشة باذني...
وصلنا وشافتني الدكتورة جانت شابة صغيرة...
حاجتني بابتسامة وتسالني...
فهمتها وضعي وقاست حرارتي وضغطي هبوط بسيط...
كالت لازم اتاكد لان تصير هيج اشياء بايام الزواج ..
فحصت ورجعت باوعتلي بضحكة..
يابة ع كيفه شبي مستعجل هههه..
اني بقيت اتلفت ..منوو..
زوجج خية زوجج ..مدام هيج مسبب اضرار يستاهل عقوبة اقل شي عشر ايام..
حتى يقدر النعمة العندة ..
ولو انت مسويتله اغراءات هههه صقر وكذا...
اني ضعت من الفشلة بس ابتسمت مجاوبتها..
انطتني علاج وفهمتني عليه وضربت ابر ورا عشر دقايق حسيت اريح ...
طلعت سيوان ينتظر جاي يحاجيني...
عبرت الدكتورة من يمي وكفت..
شتاء التزمي بعلاجج حتى تطيبين بسرعة ..
وسلمت ع سيوان وكلتله..
لازم تلتزم بالارشادات متقربلها عشر ايام...
لان عدها جروح ولازم تتعالج حتى متتطور لغير شي...
كلها سيوان صار وترخص منها بكل ادب ..
يا هذا برا مااعرفه من ادبه...
رجعنا بالطريق كال ..
لتنسين علاجج وهسه بس ترجعين اكلي ونامي ...
حتى العصر تكعدين مرتاحة ومصحصحة...

صدك بس رجعنا جنت دايخة ...
امه ماسالت لان الظاهر سيوان كايللهم بس كالت...
التزمي بعلاجج وانت تطيبين ..ترى عادي تصير عد كل متزوجة لتكبريها...
اصلا اني صارت عندي ونفس الشهر حبلت لا رحت مستشفى ولا غيرها..
بس جيل هالوكت اقل شي ركضتن للمستشفى...
جنت كاعدة هالحجي اكل...
لان هم بعدهم مماكلين وهي يمي بالمطبخ...
سيوان حاجاه ابوه وراح ورا ماتحمدلي السلامة...
استمعت لكلامها بس ابد مجاوبت...
مالي خلك واحس اريد انام ع الماعون..
عفت الاكل وكمت حتى مالميت الميز..
لان كانونة بيدي...وكوة امشي...
رحت صعدت للغرفة ذبيت عبايتي ولزمت الفراش..
حسيت ع صوت سيوان العصر يكعدني..
فعلا كعدت نشيطة...والم خفيف حرارة ماكو...
كومي شتاء ابوج واختج جايين...
فزيت ع طولي بسرعة من سمعت سماء هنا...

كمت بسرعة مبتسمة واحجي...افتح الكنتور واكلب بالملابس...
شوكت اجو ليش ماكعدتني؟
هسه بالطريق ماوصلو بعدهم...
اخذت ملابس وخليتهم ع الطابورية ورحت غسلت ورجعت ..
هو مخلي ايده ع لحيته ويحرك بيها وعيونه وراي...
بس اني مسوية نفسي ثولة ومو يمه...
جاي ابدل بالحمام وكال اجو..
نزل نزلت وراه...جان عمي كاعد وام توربان لابستلها توربان وكوستم رصاصي وكاعدة ع عرشها...
شفت ابوي وعهد والاطفال كاعدين...
سماء ع جهة وجهه اصفر ذبلانة...
بس شافني ابوي كام ..
باسني براسي وباركلي..حسسني هو صدك اب هه...
ركضت لسماء حضنتها وشميتها اخ فدوة اروحلج خيتي...
عهد سلمت علي والاطفال ياشرون علي يعرفوني..
حطيتهم بحضني وكعدت يم سماء ع جهة...
بقينا نسولف اني وسماء ع جهة...
ولج طمنيني شطلع ولج...
لا تطمني اخذني وفعلا ممتقربلي...
بس افكر بيج وجهازج كلولي مماخذته اجيت اموت ..
كلت بس ليسوي بيها شي سيوان ومتت من التفكير ..
لا تطمني اصلا ولج كلي ..
حتى لو طلعتي ماخوذة ماكتلج فترة واطلكج..
مو اني ااذي شخص حبيته ههه...
خرررب ابن ام توربان واكع لشوشته ع كولة اخواننا المصريين...
ايي كلش بس اذا مااربي من جديد ..
صح مقهورة منه وكارهته بس لا مكارهته...
صدك ولج ليش مكلتي حامل رعنة..
شمدريني بعدها مصارله اربعين يوم عبالي غياب عادي...
فرحت طرت فرح فديت حيجي ابن لو بنت منج يبوو فديته...
بقينا نسولف ومريان نزلت من حضني بس مهيمن باقي ميقبل ينزل...

شوية ترخصو وراحو وسماء وصت سيوان بية..
وراها اخذنا الجنط وسلمنا ع اهله وطلعنا...
طول الوقت احنا منحجي وي بعض...
وصلنا لبنان وجان الجو بارد يثلج ...
بس اني تعبانة حيل ودايخة..
اكلت شوي واخذت علاج ونمت ..
بحيث اول يوم مافهمت منه شي...
ثاني يوم تحسنت هواي...
كعدت الصبح سيوان مو بالغرفة...
هذا ليش من اكعد ماالكاه..
كمت فتحت جهازي طبعا جابته عهد من اجت ..
لكيت سيوان دازلي مسج..
خابرني صديقي صايغ ورحت ليبقى بالج اذا طولت..
كلت بداخلي اخاف صايغة صديقتك ورحتلها مو امان هذا...

كمت مدام هو مموجود دخلت للحمام اخذت بخار ارتاحيت صحصحت ..
لفيت الخاولي وطلعت نشفت شعري كلش...
بلشت ادهن جسمي والغرفة دافية ..
فتحت الT.V ع اغاني طيور الجنة احب اغانيهم اباوعلها وي اخواني...
كعدت اركص وادهن بجسمي ومندمجة..
حسيت خيال فوك راسي تشنجت من الفشلة...
اخذ الريموت ونصاه...
باوعلي وبوجهه نظرة تحدي ع استهزاء ع استفززاز...
من اكول زعطوطة تضوجين ..
اشو تركصين ع اغاني اطفال !!
يحجي ويباوع من فوك لجوة بجرأة..
صخااام نسيت اني لافة بس خاولي ع جسمي...
كمت وكفت اجه يمي قريب...
لتسوين اغراءات ترى تتعبين !!اذا مااريد من ذاتي متغريني...
فتحت عيوني متفاجأة !!عباله انقهر من يكول هيج...
اصلا امبين هو منتهي وذايب بس يكول هيج يقوي نفسه...
ابتسمت صفح...
اني مااحتاج اساليب اغراء لان اني اصلا شوفتي كلها عبارة عن اغراء...
فرك وجهه ومبين متوتر حيل وضحك...
هههههاههها قصدج تتقصدين الاغراء ومن واحد يندك بيج تختلفين عليه...
ضجت من كال هيج...

سكتت ورحت بدلت...لبست ثوب قصير فوك الركبة اسود ومن فوك كيبور وخيوط..
اخذت فوني وتمددت ع القنفة يم الشباك ..
بقيت صافنة ع الفون واصلا مسدود...
قاطع صفنتي...
بشنوصافنة؟
ماعرف...
لتصفنين تدوخين ...ومن تدوخين تضلين تجفصين..
مثل جفصتج قبل العرس...
اني عرفت مقاصدتها وفهمت الموضوع ...
بس حتى تتادبين وحتى من يجيبون كدامج سيرته تكليلهم سدوها ماريد اسمع...
واني لازلت احبج واريد نكمل حياتنا سوا...
كعدت وحضنت رجليه لصدري..
واني بعدني ع طلبي ..
كام كعد بالارض كدامي...
طلبج صعب مشمش اني لازم نفسي كوة...
يعني طول مااني يمج ومحروم..
حتى صلاتي مواثق بيها...
حجيت بغباء..
شله علاقه الحب بالصلاة حتى متوثق بيها...
.... تردين اراويج ليش؟
هاا ها شبيك احنا اتفقنا وهذا اثبات..
واذا نقضته معناها تثبت شكوكي...
نصبر عمي نصببر بس اني اكلج تحملي بدلي يوميه جرجف ...
يااااااً.،،

للحكاية بقية
بقلم شقراء(قمر كانون)