رواية ??هجير الشتاء?? الفصل الثالث والعشرون 23 - بقلم Shaqraa

هجير الشتاء
الجزء العشرون

مانتبهت لنفسي من كلت اسم كرار...
بس الفززني عيطة سيوان باذني...
لج ك....كرار موووو؟؟؟؟الظاهر جنتي تحاجي وصرفتيني..
بقى يحجي بعصبية وصوت عالي...
امبين جاي تشكيله شلون اذا كشفتج ...باجر موووو؟؟؟
ولج تضحكين عليه؟؟؟اني السلطان تضحك علي وحدة شبرين مثلج..
دشوفي باجر شيصير بيج ..
انهي حياتج بيدي لو لاااا...
ماكدرت انطق بحرف من الخوف جسمي كله يرجف...
سد الخط بوجهي بعد الرزالة والفشار...
وكع الفون مني واني ارجف وابجي...
تجمعن علي ميقات وسماء جانو يمي والبقية طلعو استحو يبقون واني اخابر...
يسالون بيه وخايفات عبالهم صار شي...
حضنتني سماء حيل ..اهدي اهدي يمه اختي شبيج ولج ...
بقت تقرا علي وتمسح ع راسي..

هديت شوي ولزمت ايدها...
مابيه شي بس تعاركت وي سيوان...
ولج اني ثووولة؟؟تريد تقنعيني عركة هيج تسوي بيج؟؟؟
احجي وارجف..اي اي تعرفين بسرعة اخااف...
اشرتلها بعيوني وسكتت ..
لان ماردت ميقات تعرف...
ميقات بقت تسولف وياي وتحاول تلطف الجو ..
بس اني احس بلش العد التنازلي بعمري...
ورا شوي ميقات طلعت وبقت بس سماء...
حجيتلها لطمت ع صدرها...
عزاا العزاج ولج..يعني ماجفصتي الا بهاليوم ...
الله يستر منه ولو حقه..
وين اكو رجال يتقبل مرته تجفص باسم واحد يتعبره حبيبها...
ومفكر صاير بينكم صخام ولطام...
ماعرف شحجي بس الله كريم...
لتخافين وفهمي عن ميقات جانت تسولف وانت كلتيها بلا قصد...
واذا راد ياخذج لتمنعي..فاهمة؟؟؟
بس تمنعي يفكر بيج شي...
ولج خايفة اذا صدك يطلع بيه شي...
لتخافين اذا صدك راح يكون حساب كرار غير...
ولج بعد منين يخاف اذا هو اصلا حيطلك وبنته ماتت...
يعني ماعنده شي يتهدد بي ...
عوفي التفكير السلبي وتوكلي...
المهم لتسكتين وبرريله...

بقت سماء تنصح بيه بس احس بنبرتها خايفة وعينها بطرفها دمع...
استسلمت شما يكون مصيري يكون...
حاولو البنات يطلعوني من حزني...
وكالو كل عرسان يتعاركون قبل الزواج اصلا احلى تصير...
حقهم ميدرون بالضيم البية...
طول الليل اريد جفني يغمض ماكو...
نمت بالستة الصبح وبالسبعة ونص كعدوني...
تحضرت ورحت لجيهان هي خطية كالت اتمنى هاليوم اني واعتبريني بمكان امج...
رحتلها وماخذت عروسة وياي بس اني اعتنت بيه هواي ...
وفعلا شغلها بيرفكت وحيل حطت بالها بي...
بدلتي جانت مستورة..
ردان كامله كيبور وع الصدر هم كيبور ومسرح من جوا ...
طويلة بشكل يدوخ يعني ماكو مكان يوكف بي سيوان...
خلصت وبقو يهلهلون هي وخالتي وسماء جانو وياي...
والبنات كملو مكياج وكملنا...

اجه سيوان وخابر ع سماء...
خفت كلت اكيد ميخابرني ...
طلعت واخذني وصعدني ويا والبنات راحو وي خالتي بسيارتها..
كلت لسماء تصعد وياي ماقبلت ..
كالت حنطلع للقاعة قبلكم...
سلمت وراحت واني افرك بيدي وارجف رجفة سعفة بعاصفة...
حجه بلا ميدور علي...
خاتون ليش متجاوبين ع الفون؟
حجيت واني امتمت...مما اتصلتت ...
بعدين تذكرت اصلا فوني ماجبته وياي..
قلد صوتي يستهزاأ ...للا اتتصلت ...
شبيج اشو تمتمتين؟؟بس لا خايفة؟؟؟
لتخافين جكة الابرة ...وضحك بصوت عالي...ها ها نسيت انت مجربتها ماله داعي الخوف...
ماعرف اجمع الحروف وانطق صدك جنت خايفة...
وخايفه لا اكون فعلا مو بنية...
ساعتها اثبتله شكه بمحله وحقه شما يسوي بيه...
وصلنا للتصوير مالت ابن خاله...
نزعت البرنص كدامه اندهش..وبين الاعجاب بعيونه...
لان مشافني من طلعت جنت منزله الكبوس ع وجهي...
بقى يكص بنظراته...
اخذنا الصور ولقطات هواي وجوهنا قريبه من بعض...
بس ابد ماحط عيني بعينه...
كملنا تصوير ورحنا للقاعة...

طول الوقت سماء ماعافتني هي وخالتي ومرت خالي ...
ينصحون بيه ويشجعوني لان يتيمه...
واني بنظر الكل طفلة..
لان الصغيرة ويمكن اصغر حفيدة...
وهالشي مخليني محط اهتمامهم...
امه اليشوفها يكول نازلة من غير كوكب...
شايفه نفسها هواي ...
ولابسة فستان حورية اسود وشعرها قصير كلش..
جنها لبلبة المصرية..
بس لبلبة مريحة هي لا شكلها جدي ومومريح...
خلصت الحفلة واجو جماعته واقاربه حتى يسوولنا زفة للسيارة...
طلعنا وهم هوسات وركص...
بسرعة طلع والكل ورانا ...غير طريقه وساق بغير اتجاه...
جان مخلي اغنية اجنبية ومعلي بس كلساع يفصل...
لان الاتصالات عالكه عليه...
جاوبهم ولان مشكل الفون بالسيارة مفتوح سبيكر...
بس انفتح الخط سمعت...
هااا ك...وين رحت ولك...
دولو .....انطيتكم فندق غلط روحو اذا لكيتو بطريقكم واحد زفو ثواب هههههههه....
واشتغل الغلط بينهم يبووو...
جماعته مثله واضرب...
تالي سد الفون منهم كال...
اني ماخليت احد يجي ويانا للفندق...
حتى اهلي ماقبلت ..
شعجب اهلج مااجو؟
جاوبته واني كوة انطق..هاا ماحاجه ميحبون يزعجونا...
سكت ماحجه شي...

وصلنا للفندق وصعدنا بالمصعد...
بس حيل حلو وفخم وتقريبا اشهر فندق بالبصرة هو...
السويت ملكي ومجهز من حميع الاشياء...
دخلنا وهو ذب السترة ع التكية وراح للحمام هههه شبي هذا...
بعد احسن حتى ابدل ع راحتي...
سمعت صوت الدوس انفتح..بقيت افتح بشعري ...
وجانت التسريحة نازكة مو خشنة وتحتاج الف ماشة..
كدرت وحدي افتحها...
بس البدلة شلون بية حاولت بكل الطرق افتح الزنجيل ماكو...
سمعت صوت الماي انسد!!
جمدت رجليه...
ماعرف وين اروح بس فكرت اركض واتغطى ع اساس نايمة..
لا لا يعرف بيه جذابه واتفشل ...
بقيت يم المراية بحجة اكمل فتح شعري وهو اصلا مفتوح...
طلع من الحمام لاف المنشفة ع خصره...
بعدت نظري ماريد اباوع...
ثواني تقرب مني ..
لزمني من جتفي ودارني عليه...
درت واحس نفسي كوة واكفة رجليه ميشيلني...
حسيت اجه وقت حسابي ع كل اغلاطي...
حجه بنبرة اشبه للنتر..
تعالي يلا..اريد دليل شرفج هسه..
اني وعدتج ماتقربلج بس بعد السمعته البارحة..
خلاني اعيد حساباتي مو بقربي الج ع طول ...لا...
مجرد اخذج واشوف اذا اكو نيشان لو هم سلمتي لنعلان ابن ال....مثل ماسلمتي قلبج!!..

هو يحجي والرجفة تزيد اكثر واكثر..
عصر جتافاتي حيل ..
لتمثلين الخوف ..واذا خايفة من مصيبتج لتخافين...
مراح اسلمج لابوج واكله طلعت مو بنيه...
اخليج فترة واطلكج...
حتى لو انت نكسة وحاجيتي حبيبج بليلة زواجج...
اني مو ناقص وااذي الانسانة الي بيوم من الايااام حبيتها...
احس قلبي هدا شوي يعني شما تكون النتيجة مااموت...
جرني من ايدي للفراش..
جنت ارجف حيل خوف وبرد..
جان شهر ال١١ والجو مو برد قوي ..
بس اني جسمي مثلج احسه...
كعدني ع السرير ودار ظهري...
فتح السحاب ونزل البدلة ..
وي كل حركة تزيد تزيد الرجفة..
كومني ونزلت البدلة بالارض انفرشت ع طول الغرفة..
اني مدنكة وميتة من منظري هيج كدامه..
اخذي ايدي ودفعني وكعت ع البدلة بالارض...
باوع بوجهي ورفع حنكي والتقت نظراتنا ببعض...
نزلت دموعي...
تقرب علي وجان جسمه حار..شكد مااحس مثلجة انجويت ..
وفعلا احس وقتها التقى الهجير بالشتاء ...
مسح دمعتي كال...
مراح اخذج ع السرير..
اريد هاي البدلة تشهد ع الراح يصير بينا...واريدها تبقى ذكرى لاول واخر مرة اقربلج بيها...

زادت دموعي وبقت تنزل بغزارة ..مثل المطر اول ميبدي ناعم وبعدين يبقى يصب وتتسابق القطرات...
منو توصل اول ويادمعة تسبق القبلها...
تقرب من ركبتي واحس انفاسه تذوب الجليد المكتسي قلبي...
شفته زارت جسمي شبر شبر...بس ماوصلت لشفتي...
حنت اتمنى يبوسني بشفتي...
مد ايده يتلمس الوشم ويتمتم ...اوييلي شكد حلمت المسه...
احس نفسي تشنجت وخفت..
لحظات الاختبار صعبة وانتظار النتيجة اصعب واصعب...
حس ع رجفتي من بعد ماهديت بيده واستسلمت...
قرب وجهه لوجهي واخذ شفتي بشفايفه...
صح ماعرف ابادله واتفنن مثل ماهو يتفنن ويعزف على شفايفي...
بس استسلامي اله خلاه يزيد...
حس بيه باستسلامي...
حاول يتقرب بس توجعت وقاومته..
مرتين والثالثة حسيت رجع لوعيه...تذكر انتقامه...
الى ان.....
بينت النتيجة ويا.....
جانت النتيجة مرضية..واخذ صك برائتي..
رفع البدلة من جواي ومسح بيها...
وكال لازم اكمله ..رجع واخذ راحته هالمرة اعنف وقوى...
بقيت اتلوى واتوجع ودموعي تنزل بسكوت...
هواي حسيت بالاهانة...
ليش مو شاف اني بريئة ..ليش زادت قساوته....
بعدها ارتاح وتمدد بصفي..
جر راسي ع حضنه...
جانت دموعي تنزل وكلمامتنزل ارتاح....

ورا شوي كام اخذ الجكاير وكعد يدخن...
اني ماعرف بشنو التف واستر نفسي...
لكيت الخاولي يمي التفيت بي...
بس ردت اكوم احس بطني انخبصت حيييل والم لزم رجلي...
بقيت كاعدة ع النص...
وسندت نفسي وكمت...
اباوع البدلة تخربطت هواي عليها دم...
مشيت بصعوبة للحمام...
فتحت الماي وكعدت جوا..
تجمع البخار هواي احس دفيت...حسيت جسمي ارتخى والالم هدأ...
ورا مارتاحيت وكمت نشفت...
لكيت برنص معلك..
لبسته وطلعت ...بس البرد بعده بضلوعي...
لكيته فاتح التدفئة والغرفة دافية...
والبدلة ململها ومخليها ع جهة..
طلعت امشي كوة بطني احس بيها برودة وتوجعني...ورجليه بايدات...
جان ينتظرني بس طلعت باوعلي...
ها شبيج ماذيج شي يحتاج اخذج مستشفى؟
للا لا بس شوي مغص...
اي عادي اخذي هذا العلاج مسكن يفيد..
باوعت ع الميز اكو بونستان ..هو راح للحمام ..
اجيت اخذ العلاج تذكرت مماكلة...
شفت اكل محضر ع الميز اخذتلي قطعتين بقلاوة..
لان الحلو ينطي طاقة ويسد المعدة...
اكلتها وشربت الحباية...
مشطت شعري وطلعت السيت من الجنطة...
لان ممخليتلي سماء غيره ..
لبسته وفوكة الروب...
تغطيت بالبطانية ونمت....

بس غمضت عيوني طلع من الحمام...
تحرك شوي بالغرفة واجه يمي...
اشو ماخذه علاج بلا اكل..تعالي تعشي...
حاجيته واني مغمضه ...
لا اكلت شوي...
راح من يمي اكل ورا شوي اجه تمدد بصفي...
اني حاصنه اللحاف حيل...
احس جايه من سفر كد التعب البية والدوخة ومنا الوجع...
نمت وجنت محتاجة انام...
كعدت الصبح ..
هو مو بفراشه...
كمت سبحت وبدلت اباوع ساعه سبعه وثلث...
ورا شوي دخل وتريكنا وطلعنا...
بس مثل الاغراب منحجي وي بعض...
رجعنا للبيت واستقبلونا اهله..
همزين محد جان موجود ...
بس فتنا سلمنا وتباركولنا وصعدنا لغرفتنا..
جابلي الجهاز كال...
خابري سماء تنتظرج تخابريها...
دكيت عليها ماكو جواب...
دكيت مرة ثانية..جاوب رافع...
باركلي وبعدها سالته عن سما...جاوب بارتباك..
ها نايمه من تكعد اكلها تخابرج...
سنوو نايمه اختي من امس تفكر بيه ولهسه متتصل وباقيه نايمه..
رافع سماء وين...
تنهد رافع وكال...
مابيها شي بس تعبت واخذتها للمستشفى...

للحكاية بقية
بقلم شقراء(قمر كانون)