هجير الشتاء
الجزء الثالث والعشرون
استغربت من كال رافع خابرته..
بس كلت يمكن تعرفو بيوم خابرت ع سماء بالمستشفى...
وصلنا للبيت ساعة بالاربعة الا ربع...
جانت اصوات وهوسة عرفت الناس جايين...
نزلتني سماء وطلعت عهد وياها بنات ثنين استقبلوني...
بقو يهلهلون ووصلوني للصالة ...
صارت امه كدامي وياها مرة عرفتها خالته ..
سلمت علي وكعدت وبقت تهلهل وتصلي ..
كعدت سماء يمي والبنات كل شوي وحدة تسلم وتبارك..
فاتحين دي جي وع جهة الميز ماخذ ركن كامل ...
بي انواع الحلويات والكيك واصناف متنوعة ويمه مواعين...
سماء كاعدة يمي وتحش بام سيوان...
جانت لابسة تنورة نازلة من ركبتها يعني لا ميدي لا طويله لا قصيرة..
وشعرها مشسورته وسماء تكول الله يساعد الحلاقة شعرها مينلزم هههه وطبعا مصبوغ احمر مسود...
وحلكها مثل حلك ام نعنوع حمرتها حمرة..
ولابسة وي التنورة سترة احمر وعقد لؤلؤ مطعم بذهب ابيض..
اكسسوارها كله لؤلؤ..
كلش نازكة ولبسها فخم...
جانت سماء تسولف وياي وهي اجت وياها بنية طويلة حيل وخشنة..
قبل لتوصل كالت سماء...
لج خالتج جابتلج جون سينا يمكن رح تهد...
بس غير اني كتمت ضحكتي كوة احس اختنكت..
عيب اضحك بجيتها...مية بالمية تكول تضحك علي...
تقربت والبنية وياها..
لابسة بدلة قصيرة كلش سودة وبيها تعرجات ذهبي...
جنها ثوب نوم بدلتها حيل مخلعة..
واصلا هي صخمة حيل...
وكفت وسلمت علي وباركتلي..
كالت خالتي..اعرفج بوديان بنت اعز صديقة عندي ومكملة كلية زراعة...
سماء حجت همس..شنو تريد تخطبها الج...
زادت خنكتي بالضحكة متت...
هي انتبهت عليه من سلمت ع البنية الوياها كالت...
شسالفة اشو وجهج احمر دم شنو خجلانة؟ووديان تباوع بحقد احسها...
جاوبتها خالة سيوان وباوعتلي مبتسمة...
لج عيني ام سيوان حقها تخجل حياكلوها بعيونهم..
دقريلها وحصنيها ع هالجمال ..
تالي كلتلي...
شعجب سيوان ماصاغلج حجر ازرق متفوته هالسالفة هو يخاف عليج لو جبنا سيرتج..
يكول لتحسدون مرتي ههه بس يمكن ناسي لازم اذكره...
لحظت وديان بنص الكلام راحت...
وبعدها ام سيوان واختها راحو...
بقت سماء تحش بامه...
لج متنبلع هالمرة خررب احسها مركة شجر بدون دهن ...
بعد متحملت طكيتها ضحكة ...
همزين هوسه وكل مجموعة ملتهية...
ولج كافي سماء موتيني ...
جاي احجي واجتلي مسجات فوني جان بيدي...
فتحته لكيت سيوان دازلي...
جنت نايم هسه كعدت اكدر انزل لو لا...
جاوبته لتنزل البيت كله بنات ابد لتوصل لباب الغرفة...
ااممم نعتبرها غيرة يعني؟!ههه...
لا ع شنو غيرة بس عيب حفلة والها حرمتها:..
اي صدكت يلا ابقى انتظر شعندي..
سماء مادة راسها وتقرة وياي...
كالت صدك شلون صرتي رحتي للدكتورة بعد لو لا؟
لا مارحت احس تحسنت مابيه شي...
ميخالف المفروض تتطمنين اكثر حتى لينعاد عليج هالشي..
لا مينعاد تطمني مو هسه ..خلي تحت الاختبار...
انجبي بعد يومين موعدي وي دكتورتي واخذج وياي...
ورجلج لزمي بيدج واسنانج...
العقاب ميصير بالحرمان...اذا حرمتي حيدور غيرج...
كسري وجبري ويا ..
يعني لتحرمي كلش..
ترى هو يحبج هواي لان وين اكو واحد متعود ع الشرب والنسوان وفجأة يتركهم ..
ترى باعتباره بحرب هو حقه شما يسوي...
لتخافين عليه خبيث كل يوم يخابر تعالو بدلو الجرجف خزاني...
ههههههههه يعني نفذ تهديده ..لج هذا مصيبة....
خلصت وقتي سوالف وي سماء ...
ولبست بدلاتي ثلاثتهم واخذت صور..
صارت ب٨ ونص راحو اغلبهم بعد متعشو...
تقريبا للتسعة البيت فرغ...
سماء اجه رافع اخذها..
ولاحظت سيوان ورافع كأنهم معرفة مسبقة...
بعدها ترخصو وراحو....
وعهد وابوي وابو سيوان ويامن كاعدين بالصالة...
اني هلكت كلش احس راسي يدك بي طبل...
سيوان كال تعالي تعشي وياي حتى نصعد ترتاحين...
كعدت مسطورة اكلت قطعتين صاج شبعت...
بقى سيوان يسولف وياي ع الحفلة واني اجاوبه كوة ...
سمعت ابوي وعهد ترخصو...
سلمو علينا بعدها طلعو...
خليت خالتي سيوان وخالتي وعمي يطلعون وراهم ...
ورحت للغرفة ركض...
امنت لان سيوان طلع وياهم...
ذبيت العباية الي لبستها فوك البدلة...
جنت لابسة السودا قصيرة كلش ومن فوك حفر بلا تعاليك...
وكفت اطلعلي لبس نوم وايدي الثانيه تفل بشعري...
ما حسيت بس طبكة الباب فزيت والتفتت...
اباوع سيوان يصفر ويلعب بلحيته...
لج ...... بيج شنو هاللبس اااخ ظهري اخ يابه ...
جان يحجي ويتقرب واني تصنمت بس مغطية صدري بالثوب الطلعته...
سسس سيوان وخر عفية اريد اسبح وانام متت تعب...
تقرب اكثر وحط وجهه بوجهي..
دنكت وشفايفي ترجف...
لتنسى وعدك ترى بعدني عد كلامي...
مد ايده عصر جسمي حيل احس فقدت السيطرة ...
احساس حلو واريده ماريد يتركني ...
ونفس الوقت تذكرت اتفاقي ويا وكلت اصبر...
دفعته وهو جان مرتخي..بسرعه اندفع..
ركضت للحمام بسرعة وسديت الباب...
سبحت بسرعة اجيت اغفى واني واكفة من التعب...
نشفت جسمي ومشطت ولبست الثوب الطلعته...
ضيق قماشه فيزون وحفرة عريضةحيل حلك السمكة لونه بنفسجي...
طلعت دهنت جسمي ورطبته ...
هو جان متمدد وبس بالشورت...
كملت ورحت حطيت جهازي ع الشحن...
اريد ارجع وعاط ...
عيني كيم كارداشيان شوكت تكعدين مو ..... !!
عزااا شبيك سيوان شسويت اني..
ممسوية بس ... يفتر وياج وابن ال....الكاعد كدامج لازم يتحمل ويصبر ويصير عابد زاهد...
اجيت تمددت يمه...
افهم من كلامك شنو؟؟؟
تنهد وباوعلي بتوسل...لتفهمين شي نامي ارتاحي...رغم جانت نظراته تكول لتنامين...
عفته وبس تمددت غفيت...
يوم ثاني كعدت من وكت حتى اداوم لان جنت ماخذه اجازة..
كعد هو وياي ويدقق ويتفحص بلبسي...
وراها طلعنا ويوصي بيه...
تخيلت نفسي بالروضة كد توصياته...
داومت ولكيت المحاضرات بادية واني اطرش بالزفة...
من خلصت المحاضرة ..
جان ولد كاعد بالستيج اليمي...
اندار سلم علي...كال...
انت شتاء خليل مو؟
نعم اني !؟
عرفتج من لان كل يوم يكولون اسمج بالحضور واكلهم مجازة...
لان اني الممثل مالت الشعبة...
اي محاضرة او ملزمة تحتاجيها تعالي اخذيها مني...
والمادة الفاتتج قبل كلها عندي...
اه مشكور هواية ..
ياريت اخذها استنسخها حتى اتابع وي الاساتذة...
تدللي هاي الملزمة اخذيها والسجل..
وباجر اجيبلج الباقي...
تشكرت منه واخذت المادة استنسختها...
ومشى اليوم ورجعت للبيت...
يوم ثاني داومت وتعرفت على بنية هي وصديقتها..
اسمهم فاطمة وداليا...
حيل حبابات واحس انسجمت وياهم بحيث محسيت بالوقت من مشى....
رجعت للبيت خالتي وعمي يتغدون من وكت وينامون...
ويامن بالمحل مالت ابوه...
سيوان يجي يرجعني ويبقى يطلع العصر...
دخلت جوعانة ..فتحت الجدر لكيت مركة فاصوليا...
كال سيوان صبي جوعان...
صبيت وكعدنا ناكل..تذكرت وديان ترددت اسأله لان حسيت اكو شي ورا نظراتها...
كتله...اممم اكول تعرف وحده اسمها وديان؟
ضحك كال..اوه الهبشة شبيها..؟
اممم مابيها شي بس هي سلمت علي بيوم الحفلة ..
وحسيت بنظراتها وراها شي...
اي امي رادت اخطبها يمكن الف مرة..
لوشايفة من وصفتها امي خبصتني جبتلك وحدة تفطر الصايم...
يابه حجية ماريد ع ذوقج اريد اني اختارها...
لا ابد شوفها واكيد تختارها ومتفرط بيها...
كل مرة اغلس عليها...
هالحجي قبل خمس سنوات جنتي تلعبين بالشارع انت...
لا بلة انصب انصب المهم كمل...
هههه اموت ع الزعطوطة...
اي ولج تالي شفتها بالعيد اجونا خطار...
بس غير انسدت شهيتي اسبوع بقيت حتى ماا......
يبوو هههههههههههه شلون لسان مترتاح الا تحجي هيج...
اي غير وجهها يكطع الخلفة ...
بيومها اول يوم العيد وعطلة ...
بس شفتها عفت البيت ورحت فتحت المحل...
تالي امي سالتني شفت الجمال.؟كتلها لا يمه شفت البغال كولي..
هاي اذا تنام علي تكطع نفسي...
ههههههه صدك هيج تحجي شكد عيب..
اي غير تكلي تفطر الصايم..
كتلها فعلا اذا صايم واشوفها افطر لان شوفتها تفحط ...
هههههه كافي كافي ابتليت جبت سيرتها...
غمزلي ولعب بلحيته...
تروحلج فدوة هي وكرشها...
بقى يمي ونسولف الى ان خلصت المطبخ وصعدنا...
سماء متواعدة وياي العصر نروح للدكتورة...
حاجيت سيوان...
اكلك سماء تريدني اروح وياها للدكتورة..
اي احسن تطمني ع وضعج ..
من الاول كتلج مقبلتي...
لا بس رايحة وي سماء اني وكالت بطريقج جيكي وضعج...
اوكي حبيبي ساعة ننام وراها اوديج ..
تعالي بحضني..مو تنتظرين انام وتندحسين..
ترى حفظتها هههه...
اوكي عابت بس يخجل بيه...
بدلت لبسي وتمدد واجيت نمت ع ايده...
غمض عيوووونه ويلعب بأذني ..بسرعة غفيت...
كعدنا العصر ولو هو الشتا مابي عصر..
صادف واحد ١٢ والجو بارد ومغيم...
طلعنا اني ويا ووداني لسماء ..
اخذناها بطريقنا ورحنا للدكتورة...
وصلنا وراح ورافع كال يمر علينا...
كعدنا ننتظر دورنا..
وصل دوري اني وسماء ..
دخلت سماء بالاول واخذتلها سونر ..
كالت الطفل وضعه زين الحمدلله...
خطيه حيل فرحت وفرحتلها...
بعدها شرحتلها وضعي..
كشفت علي كالت وضعج تمام ماكو اي مشكلة...
بس ناخذ سونر نتاكد...
اخذت السونر كالت ماشاء الله..
الف مبروك...هذا كيس حمل...
للحكاية بقية
بقلم شقراء(قمر كانون)
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!