رواية ??هجير الشتاء?? الفصل الثامن والعشرون 28 - بقلم Shaqraa

مساء الياسمين
هجير الشتاء
الجزء الرابع والعشرون

باوعت للدكتورة وابتسمت..يعني شنو دكتورة اني حامل...
انشالله ..بعدج بالبداية هذا كيس الحمل واضح..
رح انطيج مثبت وعلاج..
ورا اسبوعين تجين حتى اخذلج سونر ونعرف حسابنا...
نزلت من السرير وسماء حضنتني وبجينا ثنينا...
بلحظتها ثنينا حسينا نفس الاحساس..
تمنينا ماما موجودة وتفرح ...
بس اكيد هسه تعرف بينا وتفرح هي تحس بينا ..
بعدها اخذنا العلاج وطلعنا كعدنا برا..
كالت سماء خل نتمشى ع ميجي رافع...
الشركة مالتهم قريبة ع عيادة الدكتورة...
طلعنا تمشينا شوي وخابر رافع ورا شوي دكلنا هورن...
صعدنا وخطية خايف ع سماء سالها شلون تمشين متخافين ع الطفل...
جاوبته..لتخاف مابي شي ابنك بطل الحمدلله..
لزم ايدها وباسها..الحمدلله ياعمري تستاهلين احلى هدية...
بارك لوشوشة بعد هي حامل...
ضحك وكال..تستاهل ولله ع الخير عيوني ..
يلا وحدة تجيب ولد وحدة بنية حتى نتناسب ..
ههه يومه ماانطي بنتي لسماء تصير عمة تخوف..
اوي ع اساس اني انطي بنتي الج ام لسان تكتليها وتشرديها...
كال رافع دكافي من هسه تعاركتن هههه...

وصلوني للبيت وتوني ادخل دك فوني...
فتحت خط واجاني صوته..من يحجي بالفون صوته حلوو..
هلو مشمش شنو الاخبار...
هلو بيك..اممم كالت تمام وضعي ..
اي الحمدلله حتى نباشر ههه بس صوتج يكول اكو شي ؟
لا عيني شنو تباشر؟؟
نصبر عيني نصبر بس احجي صوتج ضام كلام...
ههه امم الدكتورة كالت ..اني حامل...
عاط بصوت عالي ويضحك...
اوييييييييلي ربي اوييييلي...
ولج شنو هالخبر الحلو هذاا امووووت عليج...
سمعت يمه صوت ولد حاجاه..
جاوبه رح اصير ابو ولك..رد عليه صديقة خرب ...شنو مدفع توك تزوجت...
يبوو اشتغله سيوان بالكلام كتله حسد الخط كال انتظري..
طرد صديقه بالشقا وكال..حسد المحل واجي ..
شنو مشتهية اكل اجيب...
اممم ماعرف كيفك..
شلونكيفي كولي شنو مشتهية حتى اتسوك بطريقي..
اريد طرشي مدبس ههه...
.... اكلها اكل تكلي طرشي..بسيطة اجيبه الطرشي بس غيره متردين..
لا من اريد اكول...
اوك لعد راجع اني واجيب عشا وياي..
اوكي الله معك...

سديته وفتت للبيت وقت اذان..
البيت اظلم فتحت الاضوية الظاهر محد موجود..
صعدت بدلت وتوضيت..
جاي اصلي واجه سيوان ..
بقى واكف يباوعلي ..
خلصت صلاة تقرب مني مبتسم...
حضني حيل بحضنه وباسني براسي وبين عيوني...
مبروك يا "دگة گلبي "احلى فرحة من بعد فرحتي بزواجنا..
لزم ايدي ثنينهم وباسهم...
حسيت بعينه دمعت بس تدارك الموقف..
كعد وكعدني ع رجله..
شلونه وضعج شنو كالت الدكتورة..
جنت مدنكة واحجي لان حيل قريبه منه..
كالت وضعج زين يعني تعافيت واخذت سونر وكالت حامل بس بعدني توة مشكلة...
مد ايده لبطني يتلمسها..
تعرفين ودي اشيله ببطني..
رفعت وجهي بوجهه..لهالدرجة فرحان!
واكثر بعد ..ممصدكاخذت الاحبها وحتجيبلي طفل يرفع اسمي..
اريد هواي اطفال فد ستة او سبعة..
واني هم اريد اطفال هواية...
اريد اسويهم عائلة جبيرة مو مثلي انحرمت من اللمة..
لتبوكين الكلام مني ولج..
اني هيج امنيتي نجيب فد ٣ بنات و٣ اولاد وتصير هوسة وصوت بالبيت..
ملينا من الكآبة والوحدة...
ههه ع سيرة الوحدة اشو محد؟
يرحون لبيت جدي كعدة مال شياب ...
لو عبرتي من يمهم تسمعين بس اسماء الادوية وتشمين بيهم صابون..
ياااا ههههه انت محد يسلم منك!
كرصني بخدي لا محد خصوصاً انت...
كومي نتعشى...
نزلنا تعشينا وشفت الطرشي اكلت منه كومة..
بعدين كعدنا شوي وصعدنا...

هو تمدد بالغرفة واني لبست شورت حفر احمر فيزون..
ويا كيمونة حمرة توصل للصرة بحيث الوشم بدايته بارزة..
ماعرف بس يمكن ردت اتقرب لسيوان..
احس اريده وفعلا لازم احافظ عليه..
حتى مااخليله سبب يلجأ للحرام ولافعاله السابقة..
رطبت جسمي وشعري فتحته ..
انداريت اجيت للسرير ..
شفته متمدد ع النص ومرتجي ع ايده ..
يباوع ومبتسم ونظراته ربكتني تمنيت الكى عباية والف نفسي بيها...
كعدت ع السرير...
كعد وتقرب مني...
همس بصوت هادىء احس همساته تدوخني...
لج مشمش اني ضعييف كدامج ..انطيني الضوا الاخضر ماريد اسوي شي مو برضاتج...
يهمس ويتلمس بخدي ...
تقرب اكثر وحضني بين ايديه...
رغم برودة الجو بس جسمه حار وحسيت بدفو وراحة واحساس صعب وصفه...
بعدها اخذ شفايفي بشفايفه وسلمت نفسي واستسلمت...
ماكنت اركز بالي يصير مثل المتخدرة...
لمن وصل للوشم لمسه بايده ويتغزل...
حسيت بخجل وحاولت اتهرب بس هواذكى بهواي وحاسب لكلشي حساب...
بشطارته نساني الخجل والمقاومة وكل الاتفاقيات...
تقربلي بس هالمرة بدون مقاومة..
بس هم نزل دم  والدكتورة انطتني هيج احتمال ..
وهم هو كال عادي لتخافين اعرف اني...
كتله انت ماكو شي متعرفه ههه...
بقيت بحضنه وهو يسولف وياي ومدفين بعضنا...
جنا نسولف شنو نسمي الطفل وشنو نحضرله وحتى بزواجه نحجي...
صح فرحتنا مبالغ بيها..
بس ثنينا عائلتنا قليلة..
هو اخ واحد واني اخت وحدة...
نتمنى تكون عائلتنا جبيرة...
بقينا بحضن بعض الى ان نمنا...

كعدت الصبح بس احس نشاط وراحة ..
الراحة النفسيه الها دور جبير...
لبست صدرية كابوي رصاصي وبدي ابيض وحذاء سبورت اسود و
الشال ذبيته ع نص راسي...
طلعنا وهو يباوع ويضحك..
كعدنا بالسيارة كتله ..
اشم ريحة نصبة..
هههه لج مشيتج بشدة اروح فدوة اني لل......
صخااام ترى ميصير هيج سيوان حيجي طفل شوف لنفسك حل..
هالغلط متغلطه كدامه ..
اذا غلطت اخذه واطلع اربي لوحدي مستحيل اخلي يتعلم...
هههه لا ولج طبعا مااغلط كدامه ..
اصلا اني تعامت من ابوي وامي لسانهم فالت كدامنا...
لهذا ماريده يصير هيج...
اي عفية احسن...
زين اكلج عوفي الللسان هسه...
شعرج ليش نص طالع مظاهرة ونص خاتل؟؟
اووه سيوان عفية عوفه مو جاي البس مثل متريد..
عاد خلي راسي الي وانت الك الجسم...
ههاهها اخرب ع جفصاتج...
طبعا اريده الجسم اكو احلى منه فديته...
اني بس الصقر يغنيني عن الدنيا كلها..
كون اكابله واكعد...
يبوو اني شورطني ووشمت لو باقية ع الباجة ومنظرها المقزز مو احسن..
اويلي هسه لو خروف هم اقبل مو بس باجة هههه....
ههههه ابقى تغزل اني رايحة...

وصلت للدوام وشفت فاطمة وداليا اجو وياي..
جانت اول ساعة عدنا ريست...
وراها اخذنا محاضرات ..لنهاية الدوام رحت اخذت السجل مالت الولد ..
دورت عليه مالكيته ..كالت داليا يمكن طلع لان هو بيتهم بالاطراف وسيارتهم تطلع ع وكت..
قررت اخذ السجل ويوم ثاني اجيبه اله..
اخذته واجه سيوان وطلعنا...
ويوم ثاني انطيته اله...

ومرت الايام نفس الشي..
دوامي تاقلمت بي وحبيته ..
داليا وفاطمة وياي وتعرفت بيهم اكثر...
ومرات نروح اني وياهم للهندسة نشوف سماء...
فد يوم اجه سيوان بالرجعة..
كال اهلي يريد يرحون لخطوبة بت خالتي ..
امشي نروح نتغدى ببيت المندي ..
صدك رحنا جان المكان هدوء ومحد...
كعدنا وبلشنا ناكل ونسولف عن الدوام وهو عن شغله..
شوي وسمعت واحد سلم وهو كام وكف ورد السلام...
مرحبا سلطان شلونك خويي..
وهو رد عليه وتباوسو..
بعدين عرفه سيوان علي بس احسه ع اعصابه..
ميقبل لا التقي باصدقائه ولا اوصل للمحل..
كله اعرفك بزوجتي ..
سلم علي رجال يطلع نهاية الثلاثين...
اسمر وسكسوكة سودة محددة وشعر كثيف عالي..
ولابس بالطو اسود والبقية كله اسود..
جنه رجل مافيا...
رديت السلام ودرت ع الجهة الثانية اعرف سيوان ينزعج...
هو ترخص وراح..
سيوان كعد باوعلي بس نظراته تخوغ ومتنحزر ...
يعني هو ضايج بس نظراته جريئة وتاكلني اكل...
حجه وهو يذب نفس ...
دكمتج مفتوحة سديها..شوكت تلفي عدل هذا حتى ركبتج وصدرج ينضمن.؟
اف سيوان شبيك اليوم وياي..
هسه مو امك تلبس توربان اشو ابوك ميحاجيها..
اولاً مكاعدة وياهم بالغرفة حتى تعرفين ميحاجيها..
وثانياً معلي بامي مااحكمها اني..
انت زوجتي وماحب احد يشوف شي منج ..
شتاء انت حلوة وتلفتين النظر ..
مو كافي حتى وانت واكفة ..... يفتر تردين تطلعين ركبتج بعد...
انت شديت ويا شلون بلة ..
نصه صوته وغمز..
غير اعشقة اني اخرب واذوب واسيح ههههه...
يلا شنو رايج نرجع للبيت عاجبني اسولف وي الصقر شوي..
يبوووو انطيني مجال اصلي ترى مو حااالة...
شبيج هسه هو اني شكد ماخذ هن ثلث مرات..
وحدة بالليل وحدة نص الليل وحدة الفجر..
غير مراعيج لان حامل ..
جيبي وشوفي ابداعاتي ادوخج بحركاتي ههههه...
لا دخيلك هيج كافي...
لج كافي شنو اني سيوان ارض ارض ...
خلينا نكوم يمعودة ترى الموج صعد...
بقيت اتلفت مستحية عبالي يسمعون...
كمنا وهو سلم ع صديقه وطلعنا...

دخلنا جانت الساعة ب٣ الظهر ..
لكيت امه بالمطبخ تسوي كجرات لعمي..
سلمت عليها وسالتني شلون الحمل ..
من سمعت بية حامل كلشش فرحت وضلت تراعيني هواي..
تالي كالت عمج يسال عنج..
دخلنا للصالة وسلمت عليه وسالني عن وضعي..
لان قليل التقي بيهم من ارجع من الدوام نايمين لو طالعين..
ومن يرجعون اني فوك ..
البيت تجي خدامة اختها تنظفه كل نهاية اسبوع والايام العاديه قليل يحتاج لان معدنا احد...
كال ابوه لسيوان عفية بيك هيج اريدك اترسنا البيت اطفال..
كون منكدر ننام من هوستهم...
اي حجي اني اذبهم يمك واصعد اخلف غيرهم ههههه...
ولك ك.... مو هيج كالوها...
اني فلت وجهي من الميانة الزفرة والحجي لا ذولة ابني بينهم يصير خبرة بالفشار ..
لازم الكى حل...
بقينا شوي جوا...
صعدنا بعدها للغرفة اول مدخلت استلمني سيوان من الباب...
تشمرت الملابس من الباب ع طول الطريق...
بس لاحظت اكو دم وشي بني ينزل..
مخليته يتقرب رحت غسلت نفس الشي...
هو احتار شنو يسوي كال كومي...
خل ننتظر شوي مو كبل نروح ..
جاي اكول كومي نتطمن ع الطفل...
صدك كمت لبست عباية ولفيت الشال ونزلت...
نزلنا اهله رايحين ..
طلعنا ورحنا للدكتورة وكعدت لحد ماوصل دوري..
دخلت وحجيتلها وضعي..
اخذت سونر تالي كالت الطفل احتمال ميت..
روحي سوي دوبلر ع هاي الدكتورة وجيبي الي ..

للحكاية بقية
بقلم شقراء(قمر كانون)
عزيزاتي جداً سعيدة بعودة الحساب..هواي تعبت وانقهرت الايام الفاتت بسببه بس الحمدلله رجع من جديد ورح نكمل القصة هنا