رواية ??هجير الشتاء?? الفصل الثلاثون 30 - بقلم Shaqraa

هجير الشتاء
الجزء السادس والعشرون....

شلون يعني ذبوج؟؟وهسه تعرفيهم؟؟
اييي طبعا شوفي..
ام كريم تصير خالتي وابو كريم يصير عمي..
بس امي عدها تسع بنات واني العاشرة..
ومن صرت كالت للقابلة اخذيها ذبيها يم الجامع ماريدها...
لان ابوي يريد ولد وكلها اذا خلفتي بنية اتزوج عليج...
ومن صرت اني وخالتي ام كريم سمعت بيها تريد تذبني..
اخذتني هي وابوي ابوي حاتم ربوني..
ابو كريم اسمه حاتم وميصير عنده اطفال ..
لان ورا متزوج خالتي بشهر تأسر..
جانت خالتي حامل ..
ومن سمعت بي تأسر تمرضت وطرحت الطفل...
ومن رجع ابوي حاتم وشكد حاولو ماصار عدهم اطفال...
من راجعو طلع ومن التعذيب صاير عنده عقم...
وهو متزوج خالتي عن حب وراد يطلكها بس مقبلت تعوفه...
اخذوني من اهلي وتخاربو وي اهلي بسببي ..
لان يريد يذبوني وكلولهم حرام الله يعاقبكم...
بس امي كلتلها تولي نمونة ماكو اكثر من البنات وعساها تموت...
ومن وقتها تخاربو متحاجو...

وابوي تزوج ع امي وحدة وهم جابتله ٣ بنات...
بوقتها امي سوت جدول مالت ولد..
وصارت حامل بتوأم اولاد..
بس بالولادة ماتو ..لان شاربين ماي من بطنها ومتاذين وامي وضعها تأزم وشالو رحمها...
وابوي بقى يحاول وي الثانية حتى يخلف ولد...
وصارو عنده خمس بنات...
اصغر وحدة هسه عمرها سنتين ...
وهم ابوي شابعهم ذلة خطية...
واخواتي من امي زوجوهم وهم صغار...
الحمدلله كلهم قسمتهم زينة..
واكثر خلفتهم ولد...
تخيلي اختي الجبيرة صار عدها خمس اولاد..
الخامس كالت لابوي قبل لتعرف شنو ببطنها...
اذا البطني ولد هالمرة انطي الك وسمي بسمك وربي...
وصدك اول مجابته انطته الهم...
وهسه ابوي متخبل بي خبال ميت عليه...

استغفر الله لا اعتراض ع حكم الله بس ابوج ميقدر نعمته...
لتنقهرين ابوي هم راد الولد لان اني واختي بس بنات..
تالي تزوج وخلف الولد..
واطفاله بشدة امهم محد وكفلهم غيري..
وهو ميأمن الاطفال الا عندي..
ويكول اتطمن عليهم عد شتاء اكثر من امهم...
المهم...وضعج عادي مو شي ولا حرام..
وانت متربية عد بيت عمج...
اذا فعلا تحبي ليامن كولي واني اساعدكم..
اخلي يخطبج لا لف ولا دوران ...
يمعودة وين تقبل امه ام عرقچين ...
ههههههههههه ولج توربان عرقچين شنو...
ادري بي ههههه...
تعرفين انت حيل حبابة...من شفتج بالعرس كلت شكد مكروهة..
شكلج متكبرة وتتدلعين..
ابريني الذمة اخذت غيبتج وهسه حبيتج...
ههه عادي عادي الميعرفك ميثمنك...
هسه متفقين احاجي يامن؟؟
ههه كيفج...

من بعد مسمعت كلامها صدك انقهرت عليها خطية...
وامبينة تريد يامن..
لازم اتأكد اذا فعلا نيته سليمة وياها اساعده ويخطبها...
بعدها ترخصت منها وطلعت...
رجعت للبيت وبس شافني سيوان كام اجه وياي دخلنا للغرفة...
ها بشري شلونها؟
لتخاف عليها طلع بس بايسها بس خطية ترجف لكيتها وعيونها مورمة..
عيب هيج يتصرف ترى يامن..
هو غبي بس هم معذور..اليحب ينسى العقل والحكمة..مشاعره هي تقوده...
اني حلفته كال مسويتلها شي..
ردت اكلها اخطبج بس هي منطتني مجال...
سيوان يعني هو صدك يريد يخطبها؟؟؟
اي يحبها من جانت صغيرة ورايدها...بس هي ابد مناطيته مجال...
اممم هي هم تحبه...
لا صدك؟؟
ايي بس تكول اخاف امك ترفض تخطبها..
خطية شكد فقيرة وبريئة..
احنا ع اساس ناخذ حجاية امي...
يعني افهم من كلامك موضوعهم سهل؟
كلش سهل ومدام جبتينا موافقتها منرجع الا طالبيها من ابو كريم...
اني رايح احاجي يامن ...

راح وحجه وياه وحاجو ابوهم...
وابوهم محاجي ابو كريم والرجال كايلة هي بتكم ومنلكى احسن من نسبكم..
بس المهم يخليها تكمل دراستها...
كايلة كل طلباتك مجابة..
هالحجي خالتي متدري...
يوم ثاني اهلي رجعو ..وسماء هم..
ع الغدة وفتح عمي الموضوع ..بس خالتي خبصت الدنيا...
ورادت تروح تتعارك وياهم...
بس عمي كلها اذا سمعت بيج وموصلتلهم حجاية وحدة..
طلاكج يصير وراه زواج يامن...
هي غصت بالكلام وكامت من الاكل...
كلت بداخلي اجينا نرتاح ام توربان كلبت علينا الامور وضيكت خلكنا....
يوم ثالث صادف سبت..
اخذنا عمي ورحنا لبيت ام كريم ...
وخطبها رسمي وقرو الفاتحة...
خطية شبكتني وضلت تبجي..كالت لو اختي متوكفلي مثلج...
كتلها انت اختي صرتي ....
اتفقنا وياهم ع موعد الحفلة..بس الخلانا صافنين يامن كال...
اريد هو عقد وهو زواج...
لان عندي سفر ومستعجل...
بقينا صافنين بوجه بعض..
لان حجه حتى بلا مينطي ابو خبر مسبق...
بس عمي تدارك الموقف وايد كلامه...
اتفقو خلال هالشهر يكملون امورهم ويتزوجون...
من رجعنا وساله عمي شلون يتصرف هيج من راسه...
كله اخاف امي تخربها علينا واني احبها البنية ...
خالتي سمعت وبقت تهدد بي ..اهججها واشردها وماريدها المعيدية...
عاط بيها عمي كلها وشبيها المعيدية تسواج وتسوى راسج..
للاسف مرة بهالعمر تنتقص من غيرها..
اني شفت الوضع هيج كمت...
وسيوان لحكني...

للعصر حضرنا نفسنا حتى نرجع وعمي وخالتي واحد قافل ع الثاني...
بس يامن يركص ومتنوس...
وصلنا للبيت وبس وصلنا خالتي راحت لبيت امها...
استغربت بهالعمر وتروح زعلانة...
تالي كال سيوان...
عادي تروح تفرمت فد يومين وترجع...
وهو ابوي يخليها براحتها تهدا وترجع...
بيومها بالليل كثرت عندي علامات مثل دم وغيره ...
وصار الم خفيف كلش...
راد سيوان ياخذني للمشتشفى مقبلت...
كتله باجر اروح للدكتورة...
صدك الصبح داومت...
ومن رحعني رحنا لام السونار كبل...
من اخذتلي كالت ميت الطفل ..
الافضل ينزل حتى ليسببلج مضاعفات ...
كمت منها واني دموعي تصب...
اخذني سيوان بحضنه وماحجه شي..
جان لازم نفسه كوة...
وصلنا لدكتورتي..ودخلنا وانطيتها السونار..
واستني وصبرتني..
واني بس صافنة ودموعي تصب...
ماكبر ببطني ولا حاس ولا حسيت بحركته...
بس احسه انشلع من قلبي...
انطتني الدكتورة حبوب وكالت اليوم بس تستخدميهن يوكع..
ولتخافين يصير الم قليل وراها يروح..
لان حيل صغير ودربالج ترحين للمستشفى..
ويسوولج كورتاج..
ترى اثاره سلبية وطفلج صغير ميحتاج...
وبعدج اول طفل رحمج يتعب...

اخذت العلاج ورجعت...سيوان يسوق ولازم ايدي وميحجي شي...
خالتي مموجودة وعمي هم رايح وي يامن للمحل...
هو يكعد للمحل وي يامن...
بس بمزاجه مو دوم...
المهم فتت واني عيوني مورمة من البجي...
اخذني سيوان كال ارتاحي ولتموتين نفسج..
طز بي يروح ويجي غيره..
وعساه مااجه المهم عندي انت وصحتج ...
تالي قنعني يسبحني...
ترسي الحمام بخار وسبحني جسمي احسه ارتاح...
بعدها استخدمت الحبوب...
لازم اشرب واستخدم الباقي بالداخل...
ورا استخدامي للحبوب بنص ساعة صارت عندي الام...
بقى هو لازم ايدي ويدلكني ويفرك براسي...
بس اني تدمرت...
ساعتين الم يكطع ..وراها نزل الطفل....
ارتاحيت فعلا الم خفيف بقى..
شربت المسكن وسيوان جابلي ماعون معلاك وكلني بلا خبز..
وعصير زبيب ..
مالي نفس اكل بس هو وكلني كوة وفعلا شبعني...
خلصت اكل وسندني غسلت ورجعني للفراش وخلاني بحضنه...
اسمع صوت حسراته مقهورة عليه...
بقى يمسح براسي ويبوس بشعري...
الى ان نمت....

كعدت يوم ثاني الحمدلله ماكو الم...
ردت اداوم ماخلاني...
وهو بقى ماراح للمحل...
اجتلي سماء قبل صلاة الظهر جابها رافع...
وكعدت تهدي بيه وتحجيلي اشياء تخفف عني...
كالت حمدي ربج ماكبر وراح منج..ساعتها تعرفين معنى القهر شنو..
اقتنعي مدام ربج ماخلاه معناها هو مو بصالحج...
قابل انت اكثر حرص ع نفسج من الخلقج؟؟
اكيد رب العالمين يريدلج الافضل...
وهواي كلام خلاني ارتاح  وافك ...
تالي كالت...
عندي خبر الج..
صدك شنو ولج؟؟
حسام حيخطب الاسبوع الجاي...
جذب؟
ههه لا صدك ..حجه بالكروب وسالو منو كال بنية رايدها...
ياا واني سيوان طلعني من الكروبات وصرت بالعزل كلشي مادري...
بس هذا انفكت عقدته شافج حبلتي بعد يأس ...
انجبي ولج هههه الله يوفقه...
امين ...

بييومها سماء بقت يمي لليل يلا راحت..
ورا كم يوم داومت لان مابيه شي احس زينة...
وسيوان يرغمني ع الاكل وكله يجيب كبد وقلب مشوي ويوكلني كوة...
ماحسيت بتعب..
رحت وفايتتني محاضرات..
سالت داليا وفاطمة كالو احنا نستنسخ قريب الامتحان...
اني احب اقرا يومي مااضغط ع نفسي بوقت الامتحان..
رحت لممثل الشعبة ايهاب..
شافني وتحمدليي السلامة لان سامع مريضة..
واخذت السجل مالته وكتله بنهاية الدوام اجيبه الك...
كال اوكف يم الزراعة ننتظر الباص يجينا..
اذا ملكيتيني جوا تلكيني برا...
اوكي انشالله مااتاخر عليك مشكور...
اخذته ونسخته وبيومها خلصنا من وكت محاضرات...
خابرت سيوان ع مااجه صارت وحدة ونص...
طلعت ادور ايهاب ملكيته..
تمشي ليم الزراعة...
جانو هواي طلاب كاعدين لان برد..كل مجموعة سوا...
بقيت اباوع عليهم ادور ايهاب...
ماشفته اجيت امشي وصاح علي...
ها خوية شفتج تدورين كلت اكيد مشافنتني...
اي صح زين صحتلي...
هذا سجلك مشكور هواية...
بخدمتج اني شتردين حاضر...
جاي اجاوبه وسمعت فوني دك سيوان..
سلمت عليه وترخصت منه ومشيت اريد اجاوب...
شفته بالسيارة كاعد ورافع حاجب...
رحت ليمه سويت الموضوع مو مهم...
منظره يخوف من يعصب...
صعدت وسلمت..هلاوو شلونك..
اهلا زين...
اليوم موعدج بالدكتورة مو؟؟؟
اي اليوم ..
اوكي امشي نتغدا ع متكعد دكتورتج ونروح ...

انطلق والطريق كله ينفخ عبالك عفريت...
اخر شي نزلنا وطلبنا الاكل وهو قافل...
كاعدين ناكل حاجيته...
شبيك اليوم مو ع بعضك؟؟؟
هه بعد وكت..لو منتظره لليل...
لا بس استحيت اسألك..كلت يجوز معاجبك تحاجيني...
تنهد وباوعلي بعتب...
حبيبتي لتعذبيني تعرفين شنو غاثني...
ليش واكفه وي ايهاب.؟
ههه شعرفك بي...
مو صعبة عادب اعرفه...
بس انت متزوجة عيب توكفين وي ولد برا ..لو بالقسم ميخالف مو برا...
مو حلوة لا بحقج ولا بحقي...
ماقصدي بس انطيته سجله...
اعرف هالشي بس حاولي تتجنبين هيج مواقف...
عضيت شفتي وكتله تدلل...
غمض عيونه حيل...لتعضين شفتج ترى اني بارود صاير ..
اطلع حركتي بالسمجة احسن..
هههههه شنو ذنبها...
غمزلي كال..بس لا تتمنين بمكانها ولج!..
هههه شكد تحب تحرجني...

خلصنا اكل وانتظرنا شوي ورحنا للدكتورة...
كشفت علي وسوتلي تحاليل وفحص شامل...
كالت ابد ماكو اي مشكلة...
رحمج نظيف وكلشي مابي...
ومن سالتها عن سبب موتة الطفل..
كالت يصير هالشي عادي يسمو حمل ضعيف..
بس مابي سبب منج ابد...
وتكدرين تمارسين حياتج الزوجية عادي..
هيج حالات وراها يصير حمل مباشرة...
انطتني مقويات وبس...
بعدها طلعت حجيت لسيوان عيونه لمعت...
اخذني للمول...
كال ..اريد اشتريلج ثوب نوم بمزاجي مو تكليلي مالبس واستحي ومن هالكلام...
الليلة اني عريس واريد اتدلل...
اممم مثل متحب بس ع كيفك بالاختيار هههه....
فتنا لقسم الملابس مالت النوم والداخليات...
اختارلي سيت قطعتين احمر وبي نقاط بيضة ناعمة...
واختار اوفر ممشبك مثل النسيج ...
لونه اسود وكامل ينلبس..
شفت البنيه لابسته ع الغلاف فعلا مغري وملفت للنظر...
بس يخزي...
كال هذا اريده الليلة...
واختار بعد كم قطعة..
كملنا شراء وطلعنا...
رجعنا وخالتي وعمي موجودين..
طبعا من سمعت بيه تمرضت رجعت ..
واحسها شوي تغيرت وياي...
هي مو شريرة بس انفة..وبانيتلها عرش وكاعدة عليه..
المهم لكيناهم وسالو ع وضعي سيوان طمنهم...
بعدها ترخصنا وصعدنا...
رحت للحمام سبحت ورتبت نفسي والثوب بيدي مترددة...
ماعرف شلون اطلع بي ..
شكله حيل ملفت للنظر ومغري...
تالي لبسته وفتحت الباب..
لكيته واكف يمه ينتظر...
بس طلعت جرني من ايدي وفرني كدامه وصوفر...
اويييلي اخرب ع ال.....
لج شنو هالاغراء العندج انت .!!
يباوعلي من فوك لجوا بنظراته تاكل اكل...
تالي لزم راسي وبقى يبوس بيه ويباوع بعيوني...
تقرب لركبتي وبلش يشك بالثوب لان هو مشكك يكبر الشك اكثر...

للحكاية بقية
بقلم شقراء(قمر كانون)