رواية ??هجير الشتاء?? الفصل التاسع والعشرون 29 - بقلم Shaqraa

هجير الشتاء
الجزء الخامس والعشرون

كتبتلي ورقة وكالت اخذيها للدكتورة وجيبيلي السونار...
طلعت ولكيت سيوان يفتر شافني اجه علي...
ها حبيبتي شنو طمنيني...
جنت مصبرة نفسي واكول كلامها خطأ ..
بس من شفت سيوان نزلت دموعي..
حسيته بهت ووجهه تغير..
كوة نطق الكلمة شبيج شبي الطفل؟
امشي احجيلك بالطريق..
لازم اسوي سونار دوبلر الدكتور تكول احتمال ميت..
حجيتها وزادت دموعي..
كعدت بالسيارة وهو يحاول يهدأني..
بس اكثر مني مقهور وممسيطر ع حزنه...
بس حاول شوي يصبر علي...
لتضوجين يكلبي اذا ممقسوم ميجي .صدكيني كلشي بي صالح النا..
ومنين خايفة اذا مات نجيب غيره شعدنا...
احجيلج سالفة عن بيبيتي الثالثة ..
ابوي يسولف يكول جانت اذا وكع الطفل تروح تكول لرجلها كوم خل نعوض...ونجيب غيره..
ههه اكول عليمن طالع انت لعد...
دقايق وصلنا للدكتورة قريبة جانت ...

ماعليها ازدحام قليل بس اثنين...
وسيوان حاجه السكرتير وراستأذن منهم ودخلنا بسرعة...
نمت وبلشت بالسونار اباوعلها مركزة بي وتدوس تدكم وتفر بالجهاز ع بطني...
سيوان واكف يمنا ويراوح نظراته بيني وبين الجهاز ..
دقايق صمت قطعها صوت الدكتورة..
شوفي بنتي حالياً الطفل مابي نبض..
بس منفقد الامل..
رح انطيج اسبوع ورجعي ونشوف اذا ماكو معناها لازن ننزله..
هي كالت هيج واني شهكت..
لا دكتورة فدوة ..
ساعدني سيوان ولزمني من ايدي نزلني...
مسح دموعي والدكتورة انقهرت علي ..
روحي لدكتورتج تنطيج العلاج ولتيأسين وبعد اسبوع نشوف اذا ماكو حتى تنزلي وتحبلين بغيره..
يعني اذا ممكتوبله يعيش تبقي ببطنج المن ياامي...
بالعكس ننزله الج وننطيج علاج وبس تنظفين حبلي..
اني دكتورة وانطيج گرنتي بس تخلصين حبلي..
لحد يكذب عليج وميصير وهالسوااف...
حمدي ربج بعده هسه قطعه لحم لا تشكل ولا تصور..
كل ميكبر يغلى اكثر...
كلها سيوان ..مشكورة دكتورة اكيد الله يعوض والمهم هي تسلم ..
حتى لو راحو عشرة فدوة الها..
هي ضحكت كالت عندج هيج زوج بعد لتفكرين بشي..
بعدها شكرها سيوان وطلعنا..
رجعنا لدكتورتي وانطتني علاج ورجعنا..

طول الطريق يحاول يطلعني من كآبتي..
وكلام الدكتورة وياي شوي خلاني افك..
رجعنا للبيت وثنينا نفسنا مسدودة..
اكلنا فاكهة وكرزات وبقينا نسولف واحد يخفف عن الثاني..
يوم ثاني صادف خميس مرحت للدوام مالي خلك..
الصبح جنا نتريك وامه وابوه ويامن كاعدين..
حجينالهم انقهرو اكثر من عدنا..
بس يامن شوي حاول يلطف الجو..
كله لسيوان ع شنو ضايجين ولك بعده تفلة ههههه...
خله الكل يضحك ..
تالي كال ليش منطلع للبستان شوي نغير جو وهناك شمس واحد نفسيته تتغير وباجر نرجع...
شفتهم تحمسو لان شافونا ضايجين...
عمي كال رح اخابر ابو سماء يجيب العائلة ويجي ع الواهس...
كال لسيوان خابر عديلك يجيب مرته ...
وانتو كومو حضرو اغراضكم واخذو التحتاجو يلا يلا استعجلو...
صدك كمنا كل واحد لغرفته..
حضرت جنطة صغيرة بيها اغراضنا وسيوان وياي ساعدني...
كملنا كلشي وكال سيوان حيجون رافع وسماء..
كعدنا جوا ننتظر حتى نطلع كلنا سوا شي تمشي ورا شي...
نسولف مع بعض ويامن روحه حلوة مثل سيوان...
طبعا امهم وابوهم مو يمنا بعدهم بالغرفة...
اباوع سيىان ويامن يتغامزون...
درت واجت غمزة يامن بوجهي...
بس ثنينهم خربو ضحك...
اني مثل الثولة بينهم بس اتلفت..
اجيت احجي واجه عمي...
جان يصفروله ثنينهم...
هااا حجي مو جنكم طولتو جواااا...
انجبو ولكم كو....لو ما شوشة كاعدة جان عرفت شحجي...
بداخلي اكول ع اساس انت مقصر حجي هههه....

بعدها طلعت خالتي لابسة تلبسيه رصاصي كاملة...
بس هي لبسها شوي طافر...
مو طويل للكعب...
ولابسة عليها مثل البوليرا فرو مرتب حيل..
توربانها اسود ووجها خوش مشتغلته...
تمشي وتكول اف مالحكت اعدل نفسي..ملحكت اكمل اشيائي ابوكم خبصني...
واني صافنة عليها وع حركاتها احسها اصغر من عمرها...
ورا شوية اجو اهلي بسيارة رافع مار عليهم...
سماء لاحظت شكلي وتسال شبيه..
كتلها بعدين نسولف...
صعدنا عمي بالصدر ويامن واني وامه ورا وسيوان يسوق..
واهلي بسيارة ورانا وانطلقنا....
الطريق شوي طويل...
بس مجرد دخلنا الهوا غييير...
احسه نظيف وخفيف والاجواء تجنن ومنظر الاشجار ..
اباوع للمنطقة كلها فلل مرتبة واغلبها ع الشط...
الى ان وصلنا للبستان مالتهم...
فتحلنا رجال وسطة عمر الباب الجبير وفاتت السيارات...
من داخل شي عجيب يجنن...
احس انشرح صدري واني اباوع للارض المزروعة واشجار اشكال الوان...
مراجيح كبار محطوطة ومعتنين بالمكان كأنه متنزه...
واكو بيت قريب ع الفيلا مالتهم هم حلو ومرتب بس مو جبير...
وصلنا للفيلا ..
نزلنا ونزلو الاغراض..
اني جنت لابسة قمصلة اسود وجينز ازرق وحذاء رياضي وبعد توسلات بسيوان ..
قبل البس قبعة قطنية وياها اللفاف..
من وصلنا ردت انزعها مقبل ...
كال رافع موجود متذبيها...
وفعلا بقيت منزعتها...
كعدنا شوي والبيت جان نظيف ومرتب...
العائلة العايشة بالبستان هم حرس بي وهم عيشتهم بي..
وحتى النخل والخضرة والاشجار البي...
ينطيهم نص من الوارد عمي...

كعدنا بالمطبخ اني وسماء ومهيمن بس شافني ذب نفسه بحضني ..
اكثر من مريام يحبني...
حجيت لسماء وضعي وهي كلامها مثل كلام الدكتورة واكثر...
طمنتني وخففت عني..
واني هم كلت ميصير اجزع حرام...
هذا امر ربي ومثل مااجه هذا يجي غيره..
ع كولة سماء المهم جربتي نفسج شغالة مو عاطلة ههه...
ورا شوي اندك الباب وانفتح..
دخلت مرة شكلها بالخمسين مستورة وكلش حلوة..
لابسة عباية راس وشيلة سودة ووجهها يضوي ومبتسمة...
سلمت علينا وعرفتني لان جاية بعرسي ...
كالت اني ام كريم مرت الفلاح..
وجهزتلكم الغدا وشنو تردون اني وبنتي بخدمتكم...
وينها ام سيوان اكدر ادخل...
اي خالة بيتج هذا ..خالتي جوا بالصالة يم زوجة ابوي وابوي وعمو والولد...
اشكرج عيوني..يلا من رخصتكم...
راحت جوا واني وسماء رجعنا نسولف...
اكلج سماء اخاف الطفل مات من ورا سيوان؟
انجبي شدخل هذا بهذا لتخليني هسه اعد واصف ترى لساني صاير زفر...
ياااا عزاا صرتي مثل سيوان...
لج اليعاشر رافع شيصير غير لسانه زفر...
يا واني الي كنت فاكرك مؤدبة ع كولة الللمبي...
ههههههههه وين اكو رجال مؤدب بس كدام الناس...
يمي لسانه متبري منه...

اكلج صدك تعاي رافع شعرفه بسيوان اشو احسهم منسجمين؟؟؟
اي عادي غير عديله لازم يصيرون حزب ويتوحدون ضد ابوي...
اممم ماعرف اشو لافته نظري علاقتهم..
دولي عود هي خطرة وتحلل وكذا...
كومي نطلع برا نشتم هوا نكص صور...
امم يلا امشي...
طلعنا اني وياها نتمشى وصلنا للمرجوحة كعدنا...
البيت مالت ام كريم يصير كدامنا بمسافة قليلة ...
امبين ماعدهم اطفال لان محد طالع برا..
بقينا اني وسماء نحجي ونتمرجح..
شوي وشفت باب بيت ام كريم انفتح وطلع منه يامن!!!!
عزا هذا شعنده هنا؟
سماء صفنت بوجهي وثنينا استغربنا...
هو مشى بعيد مرجع للبيت...
اني وكفت من الفضول والاستغراب وسماء وياي...
اجيت اروح ادك الباب بس ترددت ..
كلت لسماء..رح اخابر سيوان وافتهم منه..
يمكن اكو شي غلط يصير ...
دكيت ع سيوان كتله تعال برا شوي اريدك بحجاية..
ثواني واجه طلع..
سماء شافته راحت كالت وافيني شنو يصير....
رجعت كعدت ع المرجوحة..
اجه يمي كعد ووجهه مستغرب..
خير قلقتيني شصاير نزل شي عليج؟؟
لا لا ماكو ..
بس سيوان بصراحة شفت شي ولازم ادخلك بالموضوع...
حسيته وصله تلميحي ويمكن فهمه..
فرك وجهه كال شنو..؟
سيوان يامن جان ببيت ام كريم...
ومن طلع مرتبك وراح بسرعة مناك واختفى اشرتله بيدي...

صم ايده وضرب فخذه ..خرب غيرتك خرب شرفك خربببب هذا شوكت يتوب!؟؟
لا وصلت بس يدخل للبيت مالهم..
لا يكون مسويلها شي ويصخمنا ...
شنو شبيك سيوان مسويلمن احجي خوفتني...
باوعي هسه تروحين تدكين الباب وتدخلين..
تسوين نفسج رايحة تتعرفين عليها..
لاحظيلي وضعها اكو شي بيها لو خايفة لو شكلها بي شي بس اريد تنتبهين عدل..
غير تكلي منيه ياااا....
ولج يامن يحب عذراء بت ابو كريم..
وهي بعدها بالخامس علمي خطية متنطي وجه تكله احنا مو مستواك...
وهذا كاتل روحه يريدها...
وكل مرة تصده...
هسه كومي الشالفة طويلة...
قبل لتجي امها شوفيلي شنو الوضع ومن تطلعين خابريني...
رايح اشوفه وين راح...
رحت دكيت بابهم وافكر بيها...
خطيه اخاف سوالها شي شكد انقهرت عليها...
دكيت الباب هواي ..اخر شي فتحته الي..
بنية بيضة حيل وطويلة ورشيقة وكصيبتها طويله حمرة وشعرها نازل ع عيونها..
لابسة بجامة قديفة ووياها تشيرتها لون مشمشي...
جان شعرها نازل ع عيونها ومدنكة من فتحت الباب...
سلمت عليها بابتسامة...
مرحبا عذراء ممكن افوت؟
حجت بنبرة ترجف..
تفضلي تفضلي شرفتينا...
فتت جوا رادت تدخلني من الاستقبال..كتلها لا من المطبخ تعالي شبيج خايفة؟
لا لا مخايفة العفو عذريني تعبانه شوي...

فتت للمطبخ دافي وحلو وجان قوري جاي ع الطباخ..
ابتسمت...ممكن كوب جاي من ايدج الحلوة...؟
صار من عيني هسه اسوي...
لا نفسه حمي الي وصبي ...
لا شلون هذا مالت الصبح...
واذا مصارله هواي عادي يلا فتحي النار وتعالي يمي...
فتحت النار جواه واجت كعدت بالمطبخ..
الحلو بيهم بيتهم مثل بيتنا ونظافة فول وريحته طيبة حيل احس بي نفس ام ..
اجت كعدت ع الكرسي هم مخلين الميز ع جهة...
مدنكة وتفرك بيديها..
رفعي راسج وحاجيني ليش هالخوف والقلق..
عذراء اني اعرف بيامن وشفته طلع منكم هسه..
كليلي شسوالج؟؟
نزلت دموعها بسرعة ووشهكت..
كمت يمها جريت الكرسي وكعدت ولزمت ايدها...
احجي اني اساعدج لتخافين اني بنيه مثلج واكيد الشي مااحب يصيري ماحب يصيرلج...
بقت ترجف وتمسح بدموعها...
عفية ست شتاء عفية يامن رح يضيع عمري ويصير ذبحي بسببه..
لج احجي شسواااالج؟؟؟؟
خل امي تطلع ودخل وراد راد ...راد ياخذ شرفي لان مااقبل بعلاقة ويا.!!!
يعني مسوالج شي؟؟
لا سوالي ...
خرررب ولج فهميني دخت شسوا؟؟؟
شسمه باسني ولزم جسمي...واستمرت بالبجي...
بس؟؟؟بس هيج سوا...
اي اي بس ...
افف خفت مسوي شي جبير هاي ولا غيرها...
زين ليش يريد متردي؟مو يحبج هو...
منو كال ماريده اصلا احبه...
بس الكلام بينا عفية...
اعرف امه متقبل هي تدورله مثلج وحدة غنية وكشخة متقبل بية اني ..
ماريد اعيش الحب وانصدم...
اي بس مناقصج شي شفرقج عني؟
جميلة وشريفة وطالبة بعد شناقصج..
بجت حيل ووجها صار احمرر..ناقصني اهلي...
شبيهم اهلج؟؟
اهلي ذبوني ميردوني وامي ام كريم ربتني...

للحكاية بقية
بقلم شقراء(قمر كانون)