رواية حكايات من بيت جدي الفصل الخامس والعشرون 25 - بقلم مريم اماسي الليل

#حكايات_من_بيت_جدي
الجرء الخامس والعشرين
اماسي الليل
حقوق النشر محفوظه
عذراء: مريومه گومي خلي نبدل حتى وليد يودينا لهويده اشتاقيتلها
مريم : اي والله اني هم مفتقدتها دروحي انتِ كعدي  بين  ما هو يبدل اني اكون مكمله .
عذوره شتگولين جدي صدك قافل لو مثل مابيبيتي حجت لوليد ديجر اذنه، انتِ تعرفين جدي واطباعه اكثر من الكل
عذراء: والله مريومه نظراته اليوم تخوف حسيته ماخذ موقف من وليد مو مثل من سنان راد شهد جان ألين يمكن لان  وليد يشبه اطباعه  يحسه بتصرفاته يتحداه او ند اله فجدي يعاند بي حتى يبين للكل محد يكدر يمشي حجايته بهالبيت  عليه ويبقى هو مسيطر على الكل لان اذا وليد مشى حجايته راح  يفتح باب على جدي الكل تناقشه وتحاججه بأوامره وراها يبدي كل واحد يصرف من كيفه وجدي ما يتقبل هالشي متعلم صار سنين مسيطرعلى كل البيت والي بي .
مريم : اويلي اذا تحليلج صحيح اني اوكع بيها بينهم روحي كعدي حتى نروح
عذراء: دكيت الباب سمعت ادخلي مديت راسي ،ولودي ترى احنه خلصنا يله بدل
وليد: منو يروح بعد
عذراء: اني وامي ومريومه واحتمال بيبي هم گالت اجي .
وليد: بيبيتي شعدها رايحه مو الصبح جانت يمهم والله بيبيتي خطيه شكد
حنينه هاي اذا اتزوجنا وفكرنا نطلع من هالبيت ما تتحمل .
عذراء: اي والله خطيه هي وجدو متعلمين على البيت متروس ،
يله حبيبي راح ننتظرك جو بالهول نزلت اخر درجه فجأه صار بوجهي سنان ردت انضرب بي ،استنشقت عطره اتنفست بتنهيده طويله يالله لو تدري قلبي شكد يحبك.
سنان: العفو عذوره ما انتبهت لان مستعجل اريد اطلع .
عذراء: راح تروح لسلوان، اتمعن بوجهه وبداخلي هم يجي يوم وانساك  واشوفك بنظره تشبه نظرتي للبقيه .
سنان: لا والله دا اروح لشهد ادرسها تريدين شي .
عذراء: لا سلامتك سلملي عليها، ياربي اني مو حقوده ولا حسوده، بس هالمشاعر ما الي سلطه عليها ياربي ارحم بحالي وامحي كل احساس بداخلي لسنان لان تعبت من هالمشاعر وتعبت من الشعور بتأنيب الضمير والخيانه لاعز صديقه عندي من نجتمع احنه الثلاثه احس قلبي 
طاير ويا كلامه وضحكته اسرح بي سهوا من انتبه على نفسي اكره روحي ،
دخلت للهول امي وبيبيتي مبدلين ودينتظرونا
محاسن: عذوره كعدتي اخوج بيبي هم يله
عذراء: كاعد انطيته خبر يبدل وينزل .
سنان: اني اترخص محتاجين شي قبل لا اطلع
محاسن : لا بيبي الله وياك سلملنا على مرتك واهلها .
أمال: حبيبي مو تنسى من ترجع تمر على اخوك توديله عشه.
محاسن: لا بيبي اخذ راحتك ابن عمك گال قبل ما يرجعنا   للبيت يطلع يجيبلهم اكل ويرجعلنا .
مريم : نزلت، ها دتنتظروني اتأخرت عليكم
عذراء: لا وليد بعده منازل واكعتلج الصلحه الخدود مورده
مريم : والله عذوره جدو مابقى بقلبي فرحه من ورا سالفة اليوم
عذراء: ابتسمت لا تخافين اخويه هم گوي ما اتصور يتنازل بسهوله .
أمال: سعوده  مو ينسى ولودي يجيبلهم كباب سلوان مشتهي .
سعاد: عاد توصين وليد حتى اذا نسى هم سلوان يگله مابينهم مستحى ذولي اخوه .
أمال: والله اني هم احبه مثل ولدي ان شاء الله نفرح بي هو وسنان 
سعاد: اي والله ادعيله اليوم عمي ما قبل ينطي مريم وهذا متخبل ومقهور .
أمال : ليش انت اتصلتي بأهل البنيه نهيتي الموضوع .
سعاد: اي والله اتصلت ونهيت الموضوع .
أمال: وعمي لعد ليش ما وافق ينطي مريومه .
سعاد: ما أدري والله بس يمكن ماخذ منه موقف على اول مره من خطبناها وتالي گال اريد اخطب بنيه ويايه بالكليه  والصدك عمي حقه اني ما الومه اذا قفل عليه اكول بلكت يشلع قلبه حتى يربيله قلب ،ووراها يقبل ينطي مريومه .
أمال: ان شاء الله ياربي تصير مريومه من نصيبه ، حتى يصير هو وسلوان عدايل متوالمين سبحان الله حتى من اختاروا  اختاروا الخوات .
سعاد: ان شاء الله والله رايدلها بخت ياخذ مريومه منا وبينا بس اني اخاف من نجاة لا تريدها لولدهم  لان احسها مو كلش تحبه لوليد  لان يحاسب بناتها على اللبس وحريص عليهن متريده يدخل ومتكدر تحجي من ورا عمي .
وليد:   اذا خلصتو يله للسياره
من طلعنا لكيت جدي كاعد بالحديقه ناداني
رحت يمه نعم يابه
ياسر: شوف هاي الاساليب  مال متاكل وتحشي براس  بيبيتك بطلها ما تنفع ويايه موضوع وانتهى ما اريد بي اي نقاش من اليوم تحسبها اختك شيل من بالك انطيكياها او تصير مرتك بيوم اني الي يتحداني يخسر .
وليد: يابه انت زعلان مني ومتحامل عليه من اول مره گتلك ما اريد مريم واريد اخطب بنيه
وبوكتها من رفضت خليتك براحتك وما فتحت وياك الموضوع الا ورا سنه تقريبا وانت وافقت وين التحدي بالموضوع اذا طلعت مني كلمه بدون قصد وانت فهمتها اتحداك  اعتذر اخذت ايده ونزلت بوستها واعتبرني ما فتحت موضوع مريم وياك ، والي تگوله هو الي يمشي من اليوم هي اختي .
ياسر: يله روح ورجعهم من وكت وانتبه على الطريق .
وليد: ان شاء الله من رخصتك يابه التفتت احجي ويا نفسي ( اختي اخاف  مترضى راح اعوفك حجي على راحتك بين ما ارتب اموري اتخرج واتعين وارجعلك )،صعدت للسياره
محاسن: شراد منك جدك .
وليد: رادني اتفق ويا سلوان اي ساعة باجر ارجعهم
مريم : وصلنا  نزلت بيبي وعمه سعاد
ووراهم اني وعذراء ما حسيت الاصار بيناتنا وخلى ايده على جتفي وجتف عذراء ،همستله نزل ايدك لا تندار بيبي وعمتي
وليد: جدج يريدني أحسبج اختي  ودا اتعامل وياج على اساس الاخوه مو هاي عذوره معلك ايدي على چتفها .
عذراء: بقيت مبتسمه وخجلانه ما اعرف اتصرف طبيعي حسيته متغير لان جان كلش نحس ما يظهر   مشاعره كدامي ومتحفظ بتصرفاته ويايه  كل ما نكبر نقترب بعلاقتنا اكثر ، التفتت سألني .
وليد: شلونها خطيبة اخوج .
عذراء: ابتسمت ورده، بس بالاول اخذت الموافقه .
مريم : هو من ورا هالحركات  راح يخلي جدو يقفل نهائيا رفعت ايدي ابعد ايده لزم چف ايدي بقت ايدي معلگه ،
وتالي وياك  والله عيب اني استحي من بيبي وعمتي  ليروحون يشوفوك همس بصوت ناصي
وليد: لا تلحين
مريم : التفتت بيبيتي  من دنركب المصعد .
محاسن : نزل ايدك لا يشوفك سلوان والله يتخبل .
وهي تترزل .
وليد: شبيكم جدي گلي من اليوم تعتبرها اختك ، واني دا اتعلم اعاملها مثل عذراء قَبَلِت عذراء من خدها..
مريم : رفعت ايدي على خدودي عبالي راح يندار عليه ويسويها ...
محاسن: ولك شبيك اليوم شو متخبل
وليد:  نزلت ايدي من على چتف مريم ههههههه عمي انتوا الي شبيكم حتى اذا اريد أأخيها ما تخلوني، حسونه اذا انت ما مقتنعه بالفكره شلون يريدني اقتنع بيها .
سعاد: انت لا تعانده هو يلين
محاسن: اي بيبي عوفه براحته .
عذراء: بقلبي حتى اخويه هم مشلوع قلبه هاي اول مره اشوفه هيج يصرف    انقهرت عليه ،اليوم عرفت شكد يحبها قبل مجان يبين مشاعره
هسه منتفض ضد قرار جدي، يريد يوصل للكل مريم متصير لغيره، ان شاء الله متصير لغيره عاد واحد من عدنا ياخذ الي بقلبه
وليد: دكيت الباب التفتت على بيبيتي انتو خابرتوهم قبل لا نجي اخاف نايمين
محاسن : اكو نوم بهالوكت ساعة سبعه
وليد: ما اكدر احجي البنات واگفات) ابتسمت لبيبيتي .
محاسن : ابتسمت على ابتسامته فهمت يگلي عرسان
سلوان: هويده اكعدي يمكن اجوي فوتي بدلي وليد وياهم
هويده : راح اللبس دشداشتي بالحمام روح افتح الباب .
سلوان : يله حبيبتي بسرعة ،فتحت الباب هلا
وليد: مبارك عريس امشي ننزل احنه جوه، خليهم النسوان براحتهم
سلوان : ها دتعال فوت بس اغير ملابسي
وليد: لا انتظرك هنا .
هويده : هلو
مريم : حضنتها مشتاقتلج اختي
هويده : اني هم والله
عذراء: اني هم مشتاقتلج هدهوده .
سعاد: مبارك عمه
هويده : شكرا عمه .
محاسن : بيبي جنتو نايمين وكعدناكم .
هويده : لا سلوان كاعد اني الي جنت نايمه .
عذراء: همستلها نايمه وعايفه الولد بعدج تنبل
هويده : جلبو بيه حتى من ترجعون ارجع وياكم، ميخليني انام بليل .
مريم : ههههه عاد انتِ ما ينخاف عليج تلكيج معوضتها من الصبح لحد هسه نايمه .
هويده : لا والله ب ٣:٠٠الظهر نمت وانتو هسه ابد مو وكتكم عبالي اشبع نوم للعشره ، حتى اكدر اقاوم النعاس
عذراء: هم زين ابن عمنا ويعرفج تنبل   جان خزيتينا لو غريب
مريم : اختي سلوان عود هم رومانسي ويدلع شو ما اتخيله ، شكله جدي
هويده : لا والله اختي لا تغرج المظاهر، ابن عمج آفه محد يلحگه
باللسان والدلع، اني هم جنت مخدوعه بي، طلع لا والله مو نحس ومداريني، اصلا يحسسني اني مسويه عليه فضل من اسهر ويا متشوفي مبقيني نايمه وهو باقي وحده مامتذمر متعلم على نظامي .
عذراء: لج خطيه شكد عديمه احساس يعني هو عايفج براحتج انت ما تنقهرين عليه يبقى يصفن وحده اكعد اسولف ويا احسسه مهتمه بي .
مريم : اختي ترى هسه بعدج عزيزه ويتحملج بعدين ترى يمل
وميتحمل هالوضع .
عذراء: والله مريومه  مرات احسج اكبر منها بعقلج .
هويده : دروحوا بابا من البدايه اني اعلمه على طبعي خو مو اني اتعلم على طبعه اكوم شسويله مو بعينه اني ما انطي بنفسي هو يتعلم بمرور الوكت  ثانيا هي شراكه يعني اخذ وعطاء يعني المفروض يتعاون ويايه اني ورايه كليه من البارحه اتفقنا ماكو اطفال لحد ما اصير بالرابع حتى
اولد من اخلص، صدك مريومه ذكرتيني باجر مري على غسق اخذيلي المحاضرات باجر وعگبه ما اداوم .
مريم : ميخالف .
سلوان: لك اليوم دكيت عليك گلولي نايم .
وليد: شو محد گلي منو طلعلك
سلوان : ميثم ...
وليد: هههه جذاب هذا راد يزحلگك شكله جان ينتظر تلفون ،من هاي ما گلي .
سلوان : صدك حتى اطيح حظه .
وليد: عوفه خطيه هاي اجيتك برجلي فاتتك الاحداث والاكشن مال القاضي
سلوان: صدك شنو سويت .
وليد: قفل عليه مقبل ينطيني مريم لك سلوان اليوم ذلني طبعا حسيت بي راد يستفزني حتى تطلع مني فد حجايه يلزمها عليه لزمه حتى يتحجج بيها
بس ما انطيته مجال .
سلوان : عوفه فتره يله ترجع اتفاتحه بموضوعها، بس اختار وقت هو مرتاح بي.
وليد: لا احلى شي هسه قبل لا اطلع گلي من اليوم تعتبرها اختك ومتصيرلك مره بله شحجي وياه لك خلاني بدماغه راح يتعبني اعرفه الله يصبرني على اطباعه
سلوان : دير بالك تخلي يستفزك ترى اذا لزم عليك لزمه وحده لو يشوفك تشمر روحك من الجسر هم مينطيك مريم .
وليد: ادري بي ...
سلوان : اياك تفرط بيها ترى تبقى مامرتاح ولا  تكدر تنساها
وليد: شبيك يويل شو ما صدكت لكيتلك موضوع حتى تحجي الي بقلبك
سلوان : لا والله بس ما اريدك تصير مثل حالي لا نسيت ولا تناسيت بعدها تجي على بالي  صار سنتين يوميا ا سامع صوتها ادك  بأوقات مختلفه بس اجاوب اغلقه  ...
كم مره عرفتني  من تگول  شگول  هاي كلمه السر بيناتنا
بس اني ما اجاوبها لان ادري اذ احجي راح ترزلني وتطلب مني بعد ما ادك او متشيل هي التلفون .
وليد: طبعا متنساها اذا كل كم يوم گامزلها للكليه انت مصر توهم نفسك
بهالسالفه ومچلب دنطي لنفسك فرصه وانطي لهويده فرصه اني مو رجال اذا اجتي على بالك بعد بس انت مركز ومضيع الاشياء الحلوه صدك بحياتك
انت طبيعتك تتأثر وتحب تقلد الافلام والاصدقاء عندك من الصغر هالحاله تعيش حاله الدراما وتتقمص الشخصيات مثل ما تقمصت شخصيه عمي قيصر سنين اني صاحبك ما بيوم شكيت بيك لحظه اذا تريد تعيش حياة سعيده ركز ويا مرتك وباللحظات الي دتعيشوها سوى هاي تبقى ذكريات حلوه ما تنسي طول العمر .
سلوان : قبل متجون بساعتين اني داك عليها الى ان طلعتلي سمعت صوتها
حتى بديت   اشك أتخاف ابقى ادك واسببلها  مشكله فتجاوب هي من ملحتي
اتوقع من اخر مره شافتني بالكليه فهمت اني بعدني متابع اخبارها .
صح اتجاهلتني  وبقت نظراتها بعيده ومرتبكه بس حسيت قلبها بعده ويايه رحت كعدت كبالها بالكافتريا نسيت هي متزوجه واني عاقد تخيلت نفسي واحد يحب وحده ويريدها تحس بي اخر شي من دتطلع خزرتني متنرفزه  ابتسمت حسيت روحي صاير مراهق بس والله ارتاحيت لان شفتها اتأثرت من شافتني وتخربط وضعها
وليد:  اذن هذا مو حب انت اناني تريد تكون موضع اهتمام كل النساء واعجابك نابع من غريزتك الحب الحقيقي غير شكل ،ثانيا صارت على ذمة رجال  شكد نذل انت متعوف البنيه بحالها ليش تخليها تذكرك ، زين  هاي انت عريس صار يومين وتفكر بهيام بعد سنه تزوج فوگ هويده .
سلوان : مو بيدي لو بعد ٧٠ سنه هم ما انساها .
وليد: تعرف انت شنو علتك ولو اني حجي وياك سابقا بهالموضوع
وميفيد انت من عرفت درب النسوان الساقطات بعد وحده مثل هويده
فقيره ومغمضه وراكزه  ما تملي عينك والخلل مو بيها بيك انت من داخلك
فد واحد فلتان .
سلوان: دولي لك قابل اني اقارن مرتي بذني .
وليد: تقارن بدون متحس بأوقات، نصيحه انتبه على نفسك وانطي البنيه وكت تاخذ عليك وتفهم الحياة الزوجيه وشنو واجباتها لا تظلمها  وياك ميحتاج اذكرك هي بت عمك قبل متصير مرتك لتصير غيره سز
خلي يغزر بيك من اتغيب عنها  تبقى مرتاح البال لان اتصون شرفك
وان شاء الله كم شهر تصير ام جهالك يعني شريكتك مو صاحبتك
ساوان : لك ماعندي شي هسه هاي قبل .
وليد: شوف اني ادري بيك تلعب من ورايه  وتضم  عليه  شغلات لان تدري ما اقبلك بس ترى اني اقراك لا فائز ولا اي واحد بالدنيا يعرفك بكدي كدرت مره اطلعني غشيم هسه كتاب مفتوح دروب فائز عوفها اتزوجت اعقل واستقر كافي لعب
سلوان : ابتسمت هو اني اكدرلك وتحجي على ياسر وانت اضرب منه زين يسوي بيك .
وليد: مو انت تنتقد ابوك وتنقهر على امك لان أتحملت بسبب سوالفه وانت دصير نسخه منه وهويده تاليتها  مثل ، اذا بقيت بهاي تصرفاتك .
سلوان : لا يابه شجابني على ابويه اني احبها لمرتي واداري خاطرها يله امشي نصعد اخذهم وروح .
وليد: ابتسمت ها صحى ضميرك  الله يهديك دمشي نجيب عشه وارجعك ، حتى  ارجعهن للبيت ...
عذراء: بس شوفوا أمي شلون مركزه ويانا وهي تسولف ويا بيبيتي ،عود هويده اتزوجت صارت مصدر خطر ههههه
مريم : متدري احنا كاعد ننصحها .
هويده : عاد شلون اخذت حجيكم هسه بس اطلعون ابقى ساعه ساعتين اجامله واروح انام، اتثاوبت
عذراء: اثاوبنا اني ومريم وراها خلي نروح عمي قبل ما احنه هم انام
بيبي وين صاروا الولد، هم يله نرجع
سعاد: اي والله هسه ابوج رجع .
عذراء: اتعلمي هاي امي صارلها كم سنه متزوجه تهتم بأبويه وهو هم  ميكدر بلياها بس ميشوفها بالمكان الي هو بي يسال عليها .
هويده : لان عمي مشيها مثل ميريد بينما امي ضاربه الدنيا بعرض الحايط شوفي ابويه يموت عليها هو يركض وراها وبس يريدها ترضا.
عذراء: مو كل الرياجيل نفس الشي كل واحد طبعه يختلف لا تتبعين  اسلوب احد لان يجوز ميرهم على الثاني   قصدي يجوز سلوان مو مثل عمي .
مريم : اي صح، انتِ عبالج راح يفيد وياها الحجي
هويده : لا والله مراح انام هسه من تطلعون  ابدل وانتظره من طلعوا دخل هو واني جنت بالحمام اخلي مكياج
سلوان : هويده يله تعالي اتعشي
هويده : هسه اجي قلبي طلعت ابتسم  كعدت على رجله
سلوان : الحلو شبعان نوم .
هويده : اشتاقيتلك من الظهر  ما شايفتك اني اوكلك
سلوان : اني هم اشتاقيتلج ردت انام مكدرت بقيت كاعد اگلب بالتلفزيون الى ان اجوي .
هويده : بعد ما اعوفك وحدك وكت الي تنام انام ووكت الي كاعد ابقى كاعده وياك .
سلوان : والله حبيبتي ضروري بعد يومين انداوم  واني مرات عندي شغل ويا عمي لازم نرتب وقتنا حتى اكدر اشوفج .
هويده : شوف هي وحده  من اثنين لو اني اعلمك تنام من وكت لو انت تعلمني اسهر ابو السوس نعست
سلوان : حبيبتي غير اذا صدگ هسه ارجعج لجدي .
هويده : ههههه لا كذب ردت اداهرك .