رواية حكايات من بيت جدي الفصل السادس والعشرون 26 - بقلم مريم اماسي الليل

#حكايات_من_بيت_جدي
الجزء السادس والعشرين
اماسي الليل
وليد:  بالطريق بيبيتي سألتي
محاسن : شتفقت ويا ابن عمك شوكت تمرلهم
وليد: باجر لازم اطلع نص الدوام امر عليهم ارجعهم وارجع  للدوام علمود مريومه .
محاسن : بيبي اذا ماعندج شي لا تداومين  باجر خطيه يصير عليه الدرب دربين .
مريم : شفت وليد  غمزلي جاوبتها لا عندي امتحان .
وليد: لا اني ارجعلها اني هم عندي محاضرتين مهمه نهاية الدوام لازم ارجع .
محاسن: اني علمودك بيبي حتى لاتعب ..
وليد: افرركم شويه لو تريدون ترجعون للبيت
سعاد : اذا تريدون تفترون رجعني للبيت ،وانتو اخذو راحتكم ابوك هسه رجع
محاسن : لا نرجع مو وكت فره هم يله نوصل للبيت هسه ساعه الكل اتصيح وين العشه
مريم : بيبي  هسه عمه امال وامي تلگيهن بدن يحضرن بي
محاسن: ميخالف بيبي جدج هم خطيه اليوم اني عايفته وحده .
وليد: مريومه وعذوره تريدون تطلعون اذبهم ونطلع ،ابقوا بالسياره اعشيكم برا
عذراء: مريومه تروحين
مريم : ماتسوى  خلوها غير وكت ورانا باجر دوام على نهاية الاسبوع حتى سلوان وهويده وسنان وشهد وميثم يجون ويانا .
عذراء: اي والله هم صدگ .
مريم : قريب مدنوصل يم الكراج مشى بصفي .
وليد: مريمتي باجرعندج امتحانين حبيبتي اخاف يقنعوج  ما تروحين للكليه 
مريم : لا عندي امتحانين ومختبر ههههه
وليد: أموت عليج 
مريم : اسم الله عليك .
شهد: تعبتك قلبي
سنان: احلى تعب اذا تبقين ويايه كل هالوقت .غير تخلص هالسنه ونتزوج شو طولت
شهد: هههه ليش مراح تنتظر اتخرج
سنان : الله عليج حتى دا ازعل عاجبني اجرب تصالحيني
شهد: بلا متزعل اصالحك انت نور عيني ما اتحمل ازعلك ولا زعلك دقيقه ولو ما اتخيلك تزعل
سنان:   حبيبتيلا تستعجلين  على رزقج الله لا يراويج  وجهي الثاني انت مشايفه وجه الزعل مالتي  عگدت حاجبي .وبرطمت
شهد:هههه هم حلو .
سنان: ههه اول ايام ورا متطلع النتائج نتزوج ويجوز اول متبدي العطله ،مأمن من نتيجتي ونتيجتج ،سنه اللخ اداومين يمي .
شهد: ان شاء الله  بس انت تساعدني احصل امتياز .
سنان : ان شاء الله .
شهد: لعب بشعري رفعه  ذيل حصان .
سنان : ترى ورا العرس هذا الشعر بس اني اشوفه .
شهد:اها فهمت اظاهر صدك راح يطلع الوجه الثاني طبع شفايفه على خدي
سنان: بعدج مشايفه شي احتكار ورا الزواج، يله حبيبتي اني اروح .
شهد: الله وياك ولو ميهلي افارگك
سنان: يجي يوم تبزعين مني ..
شهد: ما أظن  ...
ياسر: شو اتأخرتوا لازم جان الافندي يفرفر وعافكم تالي رجعلكم
محاسن: اي والله حقك،  لا والله خطيه بقى ويانا يم سلوان بس البنات اخذتهم السوالف ويا هويده مشتاقيلها .
سعاد: ها عيني شلونك
معن: هلو سعوده شلونهم العرسان .
سعاد : الحمد لله يسلمون عليكم باجر ولودي يرجعهم .
ياسر: باجر ما تروح للجامعه  انت تكمل امور البيت الي يريد شغله انت توصله .
وليد: لازم اداوم عندي محاضرات مااكدر ، اتفقت ويا سلوان اطلعلهم نص الدوام ارجعهم وارجع ( عاكد حجابه الحجي)
ياسر: جدو باجر انتِ اداومين
مريم : اي جدو عندي امتحان اول محاضره وامتحان مختبر اخر الدوام لازم اداوم
ياسر: خلص انت توصل اختك( مريم)  وترجع على ابن عمك ومرته
وليد: (مريم اختي وسلوان ابن عمي ، اخ راح يطلعني من طوري)  الصبر منك يا ربي العب على اعصابي مخليهن وياك بثلاجه راح اعدم الاحساس ... ) ،ان شاء الله يابه  ( عكدت حاجبي على مريم كدامه)انتِ ضروري اداومين .
مريم : (هذا شبي مو هو گلي گولي عندي امتحان ... )اي ما اكدر لازم اداوم
ياسر:  انت ما تفهم  مو  عدها امتحان اذا تتعاجز ابوها يوديها .
وليد: بدربي اوديها اني رايح اول وتالي عود اذا ما كدرت ارجعها انطي خبر لعمي سعد يرجعها .
ياسر: سويتها قصه مو بكيفك  انت توديها وانت ترجعها يجوز عمك عنده شغل .
وليد: بقلبي شلون راح تفض وياك وتدري بيه ما اتحمل  ترزلني كدام احد  ) تنهدت مغثوث  ان شاء الله
محاسن: يله بدلوا حتى فد شويه تتعشون .
مريم: اصعد ابدل وانزل صعدت انتظر وليد بالكلدور،اريد افتهم شنو هالتقلبات
عذراء: صعدت، شو واگفه
مريم : دا اشوف اخوج خبلني كل شويه بحال .
عذراء: خلي اروح ابدل عود افهم منج شبي .
مريم : اول ما صعد مبتسم شنو معناها گالب وجهك مو انت طلبت مني اگول  عندي امتحان
وليد: تنهدت  مريومه اتعلمي بعد اعاملج كدامه هيج جدج ميتحمل يشوفني مرتاح راح اشتغله بالعكس .
مريم : ابتسمت يعني جنت تمثل كدامه .
وليد: طبعا هو يريد يضوجني واني هسه ريحته عباله ضجت باجر ما نتفارگ ... بديت  اندندن
مانسيتك مانسيتك وانت تدري حتى قلبي صار بيتك
من لكيتك من لگيتك جانت اسعد لحظه عندي من لگيتك
انت روحي وياهو يكدر ينسى روحه انت سري شلون للعالم ابوحك
مريم : ابتسمت راح نرجع نسمع اسماعيل  بقى يدندن .
وليد: يا قلبي ليش تحيرني وتحير حالك وياي بالماضي انت معذبني وياخوفي من الحب الجاي، تنهدت مريمتي جدج راح يتعبني قفل دماغه عليه .
مريم : ميخالف اتحمل لخاطري ...
وليد: لخاطرج اتحمله واتحمل  قفلاته بس انت لتوتريني ترى كافي عليه مركز وياه .
مريم : ههههه هاي اول مره اشوف واحد ياخذ حقي منك .
وليد: ولج انت مشمته بيه اشلون انت خيره مو من جوه راسج وعنادج الي احنه بي
مريم :  اني معليه ومسويتلك شي ليش مو من جوه عصبيتك وعنادك شكو رحت خطبت اتحمل غلطك
وليد: هينه مريمتي نتحاسب بعدين من اتفرغلج
مريم : ابتسمت ها راح تطلع  عصبيه جدو عليه زين يسوي بيك  ( صك سنونه وطلع صوت زفر النفس بين اسنانه )خلي اروح ابدل قبل ما تنفجر .
وليد: لحد يصيحني على العشا .
مريم : ليش ..
وليد: بدون ليش اريد ابقى وحدي ما اريد اشوف احد
دخلت لغرفتي سديت الباب هنا مملكتي كل مكان بيها شاهد على حب سنين لليوم احس نفسي ضعيف بحباها ،ولحد هاللحظه حتى بعد ما عرفت مشاعرها ما حسيتها تحبني ربع حبي الها لازم اضبط اعصابي  كم شهر مو بس ويا جدي حتى وياها ،خلي احصلها بالاول  وبعدين أمشيها على مرامي واعلمها على طبعي .
مريم : دخلت للغرفه .
عذراء: شكو
مريم : يريد ينفجر دا احسه ديضغط على نفسه ،جدو هم ديعامله  بأسلوب استفزازي كدام الكل وهذا ينقهر .
عذراء: بعد جدو دخله بدماغه، والله خطيه
مريم : هاج اسمعي شغل اسماعيل راح يبقى يدخن وصدره يتنك
عذراء: اففف هو من ينقهر يكتم بقلبه ويبقى وحده لو سلوان موجود يرتاح ويا ،امشي خلي ننزل انساعدهم اني هم ما اشتهي
نزلنا من صار وكت العشه،ابويه سألني
معن: اخوج  وين روحي نادي
عذراء: بلغني  راح ينام ورا كعده الصبح
ياسر: اتركوا  الي يعجبه ياكل خلي ياكل هي مو عزيمه .
مريم : شفت عمي انقهر لان راد يحجي ويا جدي رفع جدي اصبعه معناها بدون كلام .
ياسر: اتعشوا يصير خير .
عذراء: ورا العشا شفت ابويه صعد .
وليد: اندكت الباب ،سمعت  صوت ابويه
معن: بابا كاعد .
وليد: فزيت طفيت الجگاره شلت النفاضه ضميتها جوه الجربايه طفيت المسجل ،فتحت الباب استحي ادخله لغرفه اخاف يشتم ريحة التدخين طلعت وسديت الباب ورايه ،نعم بابا
معن: ليش ما نزلت .
وليد: ما اشتهي وردت انام ورايه دوام
معن: خلي نكعد  نحجي
وليد: امشي بالهول( ابتسم ابويه عرف السالفه )،كعدنا بالهول .
معن: بابا لا تنغث من جدك انت تدري بي قلبه طيب بس من يقفل مايتفاهم 
وليد: بابا كلامه على عيني وراسي  بس مو يكعد يرزلني كدام نسوان عمامي والبنات اني مو صغير .
معن: ميخالف هو من يشوفك تسكت وتتحمل بعدين يتغير وياك  ثانيا انتظر تتخرج واني وقتها افتح ويا الموضوع .
وليد: ان شاء الله اني اصلا تركت الموضوع ورا ما اتخرج واتعين حتى وقتها متكون  عنده حجه .
معن: افضل ،يله اني انزل اخذ راحتك
وليد: تصبح على خير
سنان : بنص الكلدور شفت عمي معن نزل، ها ابو خالد شكو
وليد: جدي شن الحرب عليه .
سنان: ميخالف سهله قبلك هم قفل عليه كم شهر وراها يرجع يلين لا تغث نفسك 
وليد: تنهدت لا والله سالفته ويايه غير عن سالفتك .
سنان: گلتلي عذراء لا تنغث  قابل اكو احد غريب كلهم يعرفون جدي وطبعه من يتنرفز على احد  يطلع روحه ،انت لا تنطي  لزمه عليك شنو يأمرك جاوبه  صار
وليد: بدونما توصي ، اني اصلا ما اكدر اوگف بوجهه اعرف هو چبير البيت وحجايته تمشي على الكل واحنه الممنونين  بس والله دا اشوفها ثگيله يهيني كدام الكل .
سنان : ابتسمت ابو خالد انت  وسع صدرك تريد شي تتحمل بالمقابل .
وليد: ابتسمت لك والله كلها بكوم ومن اصير كدامه ويحجي ويايه اريد ابتسم  بوجهه لان اعرفه ديعاند بيه .
سنان: هههه حتى يلزمك الباب .
وليد: يسويها يله اخذ راحتك اروح انام ورايه دوام .
سنان : تصبح على خير ...

ثاني يوم الصبح
عذراء: دكيت الباب اكعده صباح الخير اسويلك ريوك انت البارحه ما اتعشيت 
وليد: صباح النورلا عذوره ما اريد .
عذراء: اخاف يهبط ضغطك
وليد: بين ما ابدل سولي لفه وچاي مريم خلصت .
عذراء: تقريبا، يله انتظرك جوه كمل وانزل .
مريم : نزلت صبحت عليه شفت وجهه ثگيل .
وليد: صباح النور اذا مكمله يله.
مريم : كمل الجاي گام وطلع قبلي طلعت ورا  لكيته ينتظرني بالسياره  فتحت الباب ،سألته وين اصعد ليكدام لو وره، لگطني بنظره جانبيه بعصبيه
وليد: مو اني سايق عندج وتكعدين ورا ،اصعدي بصفي .
مريم : صعدت الوضع متوتر شنو القصه شبيك ويايه اخاف تندمت وحنيت التفتت بعصبيه
وليد: على شنو ندمان والمن حنيت انت ماتتحملين   بدون مشاكل لازم تغثيني .
مريم : لعد ليش گالب وجهك .
وليد: تعلمي هاي خلقتي هيج ما عاجبج هذا الموجود .
مريم : سكتت وبقيت اكل بشفتي، راح تبقى ويايه اليوم لو تروح لكليتك  جاوبني عاگد حاجبه وعينه على الطريق
وليد: ما ادري .
مريم : ابتسمت، لزمت  گف ايده  ضم اصابعي بگف ايده
لا تنغث من كلامي والله يطلع مني  بدون ما افكر مو قصدي اغثك .
وليد: مريومه اني تعبان خايف لا يتقدملج احد بهالفتره بين ما اتخرج وجدي يعاند بيه
مريم : لا تفكر  اني ما اقبل، اتحجج بالكليه .
وليد: ليش اني اخلي احد ياخذج مني بس لخاطري لا توتريني  بكلامج ترى يغثني .
مريم : بس انت لا تثور  بسرعه وتحملني لا تاخذ  كلامي جد بكلشي ،شفت ابتسامه خفيفه على وجهه
وليد: يعني هسه ما اخذ كلامج الي حجيتي قبل ثواني جد
مريم : عن شنو
وليد: ترفضين الي يتقدملج
مريم : لا هذا اخذه جد ، شوف هو اني مخبله، بس مو كل الوقت مرات  اعقل ....( ابتسم )
وليد: اتنهدت بس اني احب العاقله المخبله تفقدني اعصابي
مريم : مو المخبله هي الي هسه لزمت ايدك لان لو عاقله ما تسويها ( ضحك )
وليد: استغفر الله الله كتب عليه اتحمل خبال الجد وحفيدته واني حوصلتي صغيره يعني اني من دون امة محمد ما حبيت الا انتَ
مريم : لا والله ليش واني شبيه ماتحبني  فوگ ما راضيه بيك اني حنطيه  وانت اسمر اني حلوه ووو انتَ يعني بيك شوفه .
وليد: لعد شبيج كاتله روحج  اذا بيه شوفه
مريم : مو اخاف احجي وتزعل .
وليد: احجي ما ازعل هو انت مجفصه بمصاريني من يوم الي الله خلقج بقت على هالحجايه .
مريم : من وعيت على الدنيا وهالوجه كدامي وين ما التفت اشوفه، كبرت و لان ادري بي اكثر واحد يحبني ويخاف عليه جبرني احبه ودخل قلبي بدون ما احس
وليد: وين الزعل بهالحجي كله صح .
مريم : ههه يعني اعترفت انت الكاتل روحك .
وليد: يعني انتِ محاسه، يحتاج احجي .
مريم : حاسه بس اريدك تحجي (شبك اصابعنا )
وليد: سامعه بالروح الانسان بدون روح يكدر  يعيش .
مريم : لا
وليد: انتِ روحي .
مريم : لعد شلون كدرت تخطب وجان كملت وياها كل ما اتذكر هالموضوع احقد عليك .
وليد: انت ِليش تفتحين موضوع انتهى وتبقي براسج مرات احسج أتحبين النكد والمشاكل وين قبل شويه چنا ووين رجعتينا .
مريم : لو اني المخطوبه جان حسيت .
وليد: كافي نبقى ساكتين افضل ترك ايدي .
مريم : من وصلنا التفتت عليه  راح تروح ما تبقى  ويايه
وليد: روحي مريم  نهايه الدوام تلگيني انتظرج هنا حتى ارجعج