رواية حكايات من بيت جدي الفصل السابع والثلاثون 37 - بقلم مريم اماسي الليل

#حكايات_من_بيت_جدي
الجزء السابع والثلاثين
اماسي الليل
حقوق النشر محفوظه

سلوان : اروح فدوه ... لهالخلقه ...
هويده شوفيها شلون مخليه راسها على صدري ... يمكن تريد تنام
هويده : لا هسه متنام بعد ... والله محد ملوگها على الشيل غيرك
لو تدري بيها النهار كله ادور شيل
سلوان : ديله عيني الي يسمعج يكول شايلتها وتفترين بيها مو من ايد لايد ... هاي من عدا مقيمه يم خالتها ...يمكن تحبها  وتحن عليها اكثر منج
هويده : لا والله ... اكو احد يحب بنتي اكثر مني ....
سلوان : انت مو حريصه عليها .... ذاك اليوم ما بقت الطفله اسبوع مقعدها مسلوخ ....
لان تتعاجزين تكومين تغيريلها بليل
هويده : اهو .... خو انت ادورلي الزله .... متكول خطيه تعبانه
بين بيت وبين بنتك ... عاد كمت اتساعدني وتغيرلها بالليل راح تاكل راسي
سلوان : اني رجال عندي دوام المفروض ما اكعد بليل ... بس اخاف على بنتي
انجبر اكعد ... المفروض غيرج وحده ماعدها دوام حاليا ... كل وكتها لبتها ...
موتكملين شغلج كاضيتها  يم اهلج لو .... طالعه وياهم ...
امي ومريم حايرين بريم ... انت عبالج اني ما انتبه ... قسما بالله
اذا الطفله تمرضت لو يصير بيها شي ...متلومين الا نفسج
هويده : والله عمي ترجف على بنتك .. اللوگيه ... بضحكه وخلت راسها على صدرك ... قشمرتك ... شو اني شسويلك ميغزر
سلوان : هههه انت تغارين ... منها ... ليش شعندي غيرج ...
انت الاصل
هويده : بعد ميفيد فضحت روحك ... لا اصل ولا فصل
جيبها خلي انيمها...
سلوان : عوفيها ... وتعالي انت بصفنا ... المفروض تكيفين احب
بنتي لان الرجال يحب جهاله على محبته لمرته
هويده : كعدت بصفه گالبه وجهي ... ( اي واضح ... والله اتمنى كلامك صدك ... مو بس حجي لسان
ضحك ...
سلوان : ثاري عقلج صغير هدهد ... لو ما احبج مجان اتزوجتج
المفروض هاي الي بيناتنا ... ( ريمه) تخليج تحسين الي يربطنا
مو بس حجي ... شي بالقلب ...
هويده : بداخلي ما اقنع بكلامه بس اريد اصدگه واقنع نفسي بي حتى لو كذب ... مجبوره اصدكه حتى تمشي حياتنا ...
ياسر : رتبتلك الموضوع .... وحجيت ويا حجي عبد الرحمن
گتله رايد بنتك لابن ابني ... بس حاليا يخلص هالسنه يله اتم الخطبه والزواج .... واخذت من الرجال كلمه .... بعد هالموضوع مينفتح الى ان تكمل هالسنه تنجح .... وراها تخطبها وتزوج
بنفس الفتره
ميثم : اي جدو هاهيه ... الي تگوله يمشي المهم ... ربطت كلام ويا الحجي ... وانطاك كلمه ...
هذا كافي عندي ... المهم البنيه متصير الغيري حتى لو اخطبها ورا ما اتخرج ...
ياسر: المهم انت اشد حيلك ... ومتلتهي ...
ميثم : لا يابه وعد ... ما افتح بعد الموضوع الى ان اجيبلك النتيجه ناجح من اول دور
محاسن: هسه امك تتخبل ... من تدري بالوضوع ... بله ابوك موافق ...
ياسر: هو رايد البنيه هي شكو ... هو اختارها يتحمل مسؤوليه اختياره ...
ميثم : بعدين من تعاشرها ... تحبها ...
محاسن: الله يسعدكم بيبي والله اني ... اتمنى اشوفكم مرتاحين
ميثم : ان شاء الله يمه ... بس انت هم احجي ويا امي ليني راسها على البنيه واهلها ...
محاسن: ان شاء الله
ميثم : رجعت للبيت تلگتني امي من شافتني فرحان
نجاه: ها شراد منك جدك
ميثم : اتفق ويا ابو البنيه اخلص هالسنه واتزوجها
نجاة : اوف ربي ... عود كلت عمي عاقل وراح يوگف ويايه ثاري العائله كلها عقلها ترللي... من الجد وجر ايدك ...
اني ادري حظي اغبر هو ويا منو كعد حتى ديكعد وياكم ... اوف ربي مني طلعتلي هالنوران ... فرت راسك
ميثم : ابتسمت ... ليش تحجين عليها مو راح تصير چنتج.. وإداريج...
نجاة: من عابت هالقسمه ... عساها ما صارت ... بلكت الله وتخرب
ميثم : انت الاتغثيني ... يعني متكيفين ابنج ياخذ البنيه الي رايدها ... متفرحين
نجاة : شبيها وسن بنيه حلوه ... وبت ناس ومن مستوانا...
وبت خير ... ولو هو انتوا ماعدكم حظ غير اجيبولي قسمه سوده مصخمه ...
ميثم : اني طالع رأيح يم بيت عمي ... اذا ابقى وياج راح
تبقين ... اتكردين قلبي بهالحجي ...
نجاة : هو انت هذا الي عام عليك متاخذ حجايتي ... اكفر احجي وياك ... تعلمت من ولد عمك گوة الراس ... الي براسكم براسكم
بشرتها للحبيبه... لو بعدك
ميثم : بشرتها وانطيتها خبر من جنت يم بيت جدي ... ارتاحي
ما اخذ وحده غيرها ... لو تنطبك سما على الكاع ....
نجاة : اي ليش لا لعد هو اني اربي وأتعب ... المن غير حتى اسلمك حاضر محضر لست نوران ... بعدك ما اخذتها لسانك شطوله لو اخذتها ... توكف بوجهي وتطبگ وياها
ميثم : استغفر الله ... اني رايح ... يم الولد ...
شلونك عمو ... وين سلوان ...
قيصر : هلو عمو ... فوت جوه ... كاعدين هو وسنان ووليد بالهول تعال
ميثم : دخلت مبتسم ... افتهموا ... حصلت الموافقه من جدي
الله بالخير
وليد: امبين الامور تبشر بخير
ميثم : الحمد لله متفق ويا ابو البنيه
سلوان : والله مجنص من يمتى جدي صاير متعاطف ... ووافق بسهوله بلا ما يشلع قلبك
وليد: كلها تعاطف وياها الا اني ... مرمرني ... عمي حظوظ
ميثوم لوگي هههه
سنان: يله بالخير عليك مقدما ... جدي لو ما فلس العائله واقتنع بيهم مجان قبل
ميثم : الحمد لله هسه ارتاحيت ...
مريم : هلو ... اكلج دريتي جدي قبل ... على نوران
هويده : لا بربج هاي شوكت ...
مريم : قبل شويه جان يمنا ...خطيه خلي ياخذها هو يحبها ..
هويده : دروحي يمعوده شنو ياخذ وحده اكبر منه
مريم : لو ما صديقتج نجوان وين جان شافها ... يعني انت من ربط راسين بالحلال ههههه
هسه امي تنتقم منج
هويده : اني شعليه قابل گتله حبها هو اخوج ما ادري شلونه
اصلا لو ادري بي ... خلى عينه عليها
جان بعد ما اتواصلت وياهن ....حظهن كاعد هاي اخذتلها واحد
يصلي على ذيالها وهاي نوران راح تاخذ اخوج ... كامل مكمل على الحاضر
قابل مثل حظي لسانه شطوله بس ينتقدني ...
مريم : ها انتي ردتيها من الله دتحجين عليه ... شبيكم
هويده : لج متخبل عليه هالايام واگفلي سجين خاصره ... يتخبل يشوفني كاعده يريدني افتر مثل المصرع
واكابل ريمه ... بس تعيط ... يريدني اسكتها ... عباله اذا بجت راح يصير بيها شي
اول البارحه بين ما رحت سويتلها ممه ورجعت هي على عيطه وحده ... والعرمه زعلت مقبلت تاخذ المميه وهذا تخبل ... كام يعد
تالي اخذها وطلع بيها الى ان سكتها وتالي مخلاني اني أرضاعها اخذ مني المميه هو  ضعها گتله بقلبي بعد احسن انت حير بيها ...
مريم : اي مو زين حريص عليها ويحبها غير بنته ...
هويده : من عابت هالحب مال مخابيل ... كل منج ومن رجلج ... ومن سن وشهد يشوفهم بلابل يتخبل عليه
يغار منكم ... كل حجايه مو هاي اختج شوفيها ويا رجلها
اني هم ارده گتله عود من انت صير مثله قارن بيني وبين اختي
گبت بيناتنا ... مدرتله بال ... هاي صارلنا كم يوم متزاعلين
خلصت منه البارحه طلعت ويا امي ... للمهر تونست طز
وهو هم ما إجى لتالي الليل ....
مريم : تونستوا
هويده : فاتج والله تونسنا وسألت مرت خالي عليج ...
امي گلتلهم رجلها نحس مخلاها تجي .... بقوا يحجون على وليد
هههه لزمتني الحميه على ابن عمي ما انطيت بي ... دقيتهم  كتلهم ... يموت عليها ويغار عليها من الهوا ... يدري بولدكم
عينهم منها مقبل يدزها ... هههه
تالي امي رزلتني ولج انت شو ترجفين على اهل ابوج ليش ذولي مو اهلي .... المفروض تحبيهم اكثر
گتلها لا والله احب الي ربوني ... ويخافون عليه ... اهلج مو حنينين علينا مثل اهلي ... تخبلت بقت الطريق كله ادردم
مريم : هههههههه زين اتسوين بيهم .... لو اني هناك ووحده تحجي على رجلي جان تعاركت همزين ما رحت يروحوله فدوه
هم يعجبهم ...
هويده : هو يمنا
مريم : ادري گلي راح اطلع ويا سلوان وارجع يمهم بالبيت
گلي تعالي بس دا اسوي عشا .... وبيبي اليوم ما الها خلك خطيه سكرها صاعد ...
هويده : يا خطيه هاي شوكت
مريم : العصر خطيه اتخربطت ... وداها وليد  ... هو وجدو
وهسه متمدده بالغرفه وجدو يمها ... اموت عليهم من اشوفه يخاف عليها ... ضحكتها گتلها بيبي اني من اشوف جدي هلكد يحبج  ... اغار
هويده :  فد شويه امر اشوفها ... الله يحفظهم اثنينهم ماكو مثلهم ... حقه يحبها لحسونه ... اذا هي مكابلته مثل ظله ...
عبالك عدها طفل شلون الها خلك ... انت طالعه عليها ..ههههه
جايبتلي الحجي ...
مريم : والله ما اكدر افارگه  ... هسه هو يمكم صار كم ساعه  مكانه خالي ...يوميه من اسوي العشا ... يكعد يمي بالمطبخ
نسولف ...
هويده : الله يسعدكم يا اختي..... ميعلم صاحبه شويه ...
ولو الي عندي ... ميمشي غير بلي براسه
هاج اسمعي عاطت بنته صاحني ... خلي اروح ما الي خلگه يدردم ...

مريم : ورا ايام ... بيوم جمعه مثل كل جمعه نلتم كل العائله نتغدا كلنا سويه ...
نزلت الصبح انظف البيت ... هو بقى نايم ...
اجوي عمامي وعماتي والولد والبنات  يمنا ... كلنا ملمومين بالهول .... ورا ساعتين تقريبا او اكثر نزل ... اول ما دخل للهول
شافني خزرني ... ما فهمت أشبي ... وعلى شنو هالخزره
كعد اشرلي بعيونه على الباب  ... بنفس الوقت صاحتني بيبيتي .... فهمت اطلعي ... طلعت رحت لبيبي ... ديحضرون
الغدا ... گلتلي انطي الدوا لجدج .... اخاف نساه...
رحت للهول سألت جدي ... اخذ الدوا لو اجيبه .... گلي جيبي
بس حسيت رجلي ... دتطلع من عيونه نار ...
اول ما دخلت لغرفه جدي ... إجى ورايه .... اشرلي بعيطه  تعالي
گتله بس اودي الدوا واجيك ...
وليد: اليوم الدنيا احرگها عليج ....
مريم : صابتني حاله رعب ... وصدمه مفهمت شبي ...  البارحه الليل كله احنه ما بيناتنا شي ولحد ما نمنا .... متصافين ... صعد صعدت ورا لگيته لازملي الباب بداخل الغرفه ... يريد ينفجر .....
اول ما دخلت سد الباب .... شفت بأيده ( عصا يستخدموها الشرطه بيها صعقه نساها يمه صديقه مره .... على حظي اتذكرها )
وليد: اني هاي الدشداشه مو مأكل وحل وكايلج متلبسيها
من احد يمنا .... يعني الطرطور نايم ... ومرته تفتر من الصبح كدام الكل .... تتفرج عليها ... دا اشوف شلون تعانديني ...
ونزلتي بهالدشداشه وكتلج هاي گطنها خفيف وتبين تفاصيل الجسم
مريم : ما حسيت الا أنضربت واجتني نتله ... شمرالعصا من عطت  ... فر وجهي براشدي حسيت تطلع حراره من وجهي وطنه بأذني ... ما سمعت شنو حجى .... وعيوني غوشت من الدموع طلع وركع الباب ... ثواني ورجع
وليد: بدليها وانطينياها ....
مريم : غيرتها بلحظتها من الخوف اخذها  من ايدي
سواها وصل ....
وليد: من اليوم ... تتحجبين والملابس كلها طويله وعريضه ...
لا احرك الدنيا على راسج ...
مريم : نزلت وراه بأكثر من نص ساعة ... ورا ما غسلت وجهي
وبطلت دموعي تنزل ... بس شكلي مبين جنت ابچي
اول ما نزلت .... تلگتني عمه سعاد.... يم الدرج  بقت مركزه ويايه
تالي سألتني
سعاد: شبيج عمه
مريم : مابيه عمه سلامتج
سعاد: عمه انت ووليد ....
مريم : نزلت دموعي ... جرتني اخذتني لصاله ... سولفتلها
سعاد: عمه انت من گايلج لتنزلين بيها شكو نزلتي مو تدرين بي مخبل ....
مريم : والله عمه نسيت ونزلت من الصبح ... من قبل متجون
واخذني الشغل والتهيت وياكم ... ما انتبهت ولا ما خذه بالي
سعاد: هاي هو وين يفهمها ... اعتبرها عاندتي .... عمه حبيبتي
ميخالف هذا لان  انت حلوه ويحبج يغار عليج ...ميتحمل
وهو الله يسلمه عصبي يفقد ميحس على نفسه ...أتكفي شره
روحي غسلي  وجهج ... اتحجبي  عمه احسن الج تخلصين من
ملجته ....  ما شاء الله لام الصفات من جده وأبو   طالع اضرب منهم
وليد: كاعد بالهول ...اعصاب ... شفت امي بباب الهول اشرتلي تعال
نعم
سعاد: ابني انت مخبل ... ليش هيج مسوي بالبنيه مو عيب من الكل موجودين هسه ينتبهون عليها عيونها مورمه ... ثانيا منو يباوع عليها كلهم اخوتها وعمامها وجدها ماكو احد غريب ...
وليد: يصير خير كعدت تشتكيلج ....
سعاد: اني شفتها وصحتها هي مقبلت تحجي ... اني لحيت عليها وحجتلي .... ولو مو ادري بيك متنجرع مجان ادخلت
بس ادري بيها خوش بنيه ومتحمله  سوالفك ... طيبت خاطرها
شنو تمد ايدك عليها تقبل احد يمد ايده على اختك
وليد: ترزلت من امي ...رجعت كعدت بالهول ... الى ان صار الغدا من التمينا ... يله شفتها اجتي كعدت بصفي ...
حتى شعرها لافته كعكه ... من نزلت جان مفتوح
من بدت تفلس السمج وتخلي بماعوني ... بداخلي اتندمت
ليش ما اسيطر على نفسي بساعة العصبيه وما احس على تصرفاتي ... حتى لو غلطانه المفروض ... ما امد ايدي عليها
مريم : اول ما رحت للمطبخ ... سألوني شبيج
امي لحت ... ما اقتنعت بجوابي مابيه شي
جاوبتهم جدو رزلني وانقهرت ...
مشت عليهم لان مجان اكو احد بالهول بس الرياجيل واني والبنات ... هويده وعذراء افتهموا السبب وليد ...
وراها وگفت امي بصفي سألتني هذا رجلج وياج مو ...
جاوبتها لا جدو لان دزني على شغله ونسيتها ...  رزلني انهضمت
من كعدنا على الغدا ... ردت اقنع امي مابيناتنا اني ورجلي شي ... كعدت بصفه افلسله السمج ... وهو هم  كدامهم
يحجي ويايه عادي ... گلي كافي انت اكلي بعد لتفلسيلي ما اريد ...
بلحظتها ردت انتقم منه ... جاوبته بهمس دا امثل كدام الكل
حتى الي سألوني شبيج ... يصدكون جدي السبب مو انتَ
شفته ابتسم
وليد:  طالع لسانج ... المفروض اكسر ضلوعج ... حتى لتكسرين  حجايتي ... بس استخطيتج
مريم : واضح ...
وليد: سدي الموضوع هسه مو وكته ..
مريم :ورا ما كملنا الغدا .... التمينا البنات بالمطبخ ...
سألت شهد لان محجبه ... منين دتشتري الحجابات والملابس مالتها ... البنات اتفاجئوا
هويده وعذراء.... سألوني شنو صار بيني وبين وليد
سولفتلهم بس مذكرت ضربني ... گتلهم بقى يصيح وگلي من باجر تتحجبين ...
وهسه على الغدا ... ديأكدلي يريد يحجبني گلي اسألي شهد
حتى العصر اخذج نشتري  حجابات وملابس محجبات ...
شهد: بالعافيه مقدما .... والله ترتاحين ... اذا هو يغار ... مو بيده ...سنان هم مثله صح يمكن انتوا متتخيلوا نحس بس من اول ما اتزوجنا ... عرفت بي يغار وبقى يبسمرني على الحجاب
الى ان حجبني ... والصدك بالاول ... حسيته انفرض عليه بس حاليا لا والله اني لابسته بقناعة والتزمت بي اكثر
مريومه ... من المنصور بالقيصريه مال الرواد .... واكو بشارع الربيعي ... هسه اخلي سنان يدلي ... لوليد
عذراء: يمه ذولي ولدنا ... خنوسيه ... طلعوا فيوزات ...(بقلبي
يعني اني لو متزوجه سنان ... ويريد أتحجب وما مقتنعه ... تصير بيناتنا ... حرب
الحمد لله صارت شهد من نصيبه ... وخلى تمار بطريقي ...
بس اخاف هم يطلع نفس النموذج اذا ذولي اني عايشه وياهم عمر وهسه دا اسمع سوالف عنهم اتفاجئ ... عاد هذا غريب
يا ويلي ليطلع هم مينجرع .... تالي يطلعون وليد وسنان ارحم منه )
هويده : هي وين صافنه .... مو دا اكلج يصيحون وين الچاي
عذراء : ما ادري ما انتبهت  ... هويده ابتسمت عرفت بمنو صافنه ....
رجعتلها الابتسامه .... صبيت الچاي ووديته
شهد: هويده اريد اسألج عفيه .... اذا اكو حمل ... شكد ويبين
مضبوط ...
هويده : ليش انت حامل ...
شهد: ما ادري والله بس شاكه ... واريد اسوي تحليل بس من
اعرف شوكت يطلع مضبوط
هويده : احسن شي روحي للدكتوره ... هي تكتبلج ... تحليل حمل ...وروحي سوي
شهد: لعد هالايام اروح ان شاء الله
مريم : شهد عفيه من نخلص اريدج ... تنصحيني شلون من يصير بينكم زعل ... انت وسنان تصالحون
شهد: ههههه ما اخلي يزعل ... بالغصب والاكراه اصالحه ....
مريومه ... شيلي الكرامه بينج وبينه .... تصفى اموركم ولتخلين
السالفه منو الي يتنازل للثاني ... من يغلط طرف ... خلي يصير الصلح وبعدها اتعاتبوا ... بضحك وبساعة صفا ... والله انت تربحين
مريم : اي گليلي شلون شنو اسوي ...
شهد:  تعالي نكعد ... مريومه هو گايلج لا تلبسيها مو صح ....
مريم : اي گلي من اول يوم بس نسيت ...
شهد: هو بوقتها ميعرف انت نسيتي ...غيرته وعصبيته  حركته ...
اني اتعامل ويا مثل الطفله ... حتى ما اخلي يحس بساعتها عندي عقل
لو اجلب برگبته ... ابقى الج الا نتصالح ... وابوس خده ...
وادلل عليه ... لو من اشوفه يمر من يمي گالب وجهه ابتسم بوجهه واسويله حركه أضحكه ... لو اذبله حجايه مثلا ثكلان علينا الحلو ... لو اغنيله فد مقطع اغنيه ... وابقى اداهره .. ممكن نتعرف ...شدعوه شايل خشمك بس نتعرف ... الا أضحكه يله
اجوز منه ... هو بمرور الوقت يتعلم بعد ميزعل وميطول بزعله
ولا يتحمل زعلج .. وهم يسوي وياج نفس الشي من انت زعلانه
ورا ما تمشي الامور طبيعيه اذا غلطان عاتبي ... واذا انت غلطانه اعتذري او فهمي الصح الي هو مفتهمه ...
مريم : اخذت حجي شهد ... وخليته براسي بس المشكله هو مد ايده عليه ... يعني اعتذر لو هو يعتذر المفروض ... بقيت
افكر ... ورا ما راحوا كل واحد لبيته ... صعدت لغرفتي ... ( فتحنا الغرفه على الهول ...لان بالاول رادوا يفتحوها على غرفة سلوان القديمه  ونكبرها بس علمود الحمام ... فتحناها على الهول ...  غرفتنا جانت تصميم مصري ابيض ووردي  اول متنفتح الباب ... يصير بالوجه سرير  وبجهه منه مثل الاقواس ابيض ووردي متصله بالجهه الثانيه بمرايه على الجوانب ميزين صغار عليها تيبلامات وردي فاتح   ....وعلى جهة اليمين الكنتور  وكدام السرير  ميز التواليت ....  وعلى اليسار قوس ... يربط الهول بالغرفه ...
نفس اثاث الهول القديم ... تخم قنفات بظهره شبابيك كبار ألمنيوم  ...  وكدامه بوفيه  صاج بيها تلفزيون
وميز وسط ... وثلاجه صغيره ... )
لگيته
كاعد بالهول يتفرج تلفزيون ...   على القنفه وفاتح الشباك والنفاضه مليانه گطوف معناها لو مغثوث لوقلق
لو مقهور ... لان بهالحالات ... مينتبه على نفسه شكد مدخن ...
رفع عينه وجه نظره  عليه  والتفت على الفلم ...
اخذت منشفه وملابسي ... سبحت وطلعت وهو  على نفس الكعده  
وراها دخلت لفراشي ونمت ... من التعب للمغرب يله كعدت ...
لگيته طالع ملابسه مخليها على حافة السرير ....
نزلت ... يم بيبيتي سألتها .... تعرف وين طلع
محاسن: بيبي ويا سلوان .... گال يتأخر ... تعالي سولفيلي شصاير اليوم بيناتكم
مريم : كعدت سولفتلها بالتفصيل حتى من ضربتي ... بقت تحجي عليه وعليه ...
لليل  نامو بيبي وجدي ... صعدت للغرفه ... تمددت على الفراش انتظره يرجع   ...اتأخر ورا الوحده يله دخل ...
وليد:  الظهر من شفتها نايمه .. واتذكرت مديت ايدي عليها ودموعها نزلت ..بقيت طول الوكت مكابل التلفزيون و مغثوث للمغرب اتصل عليه سلوان گلي
سلوان : ابو خالد راح اطلع  ويا  فائز والولد نسهر تجي  گلي
وليد: هسه ابدل واجي وياك ...
بالاول رحنا يم بيت خالته على فائز  كعدنا بالحديقه ... نسولف ونضحك ...
سلوان : شنو راح نگضيها بالحديقه وين الولد ... حتى نروح
فائز: لا مو هم يجون احنه انروحلهم يجوز هسه همه هناك ...
سلوان : دمشي لك لعد مكابل وجهك صارلي ساعة ...
وليد: رحنا لنادي ليلي....سلوان وفائز والولد  يشربون وياهم بنات ... واني بقيت اضحك على سوالفهم .. سلوان وفائز ذكروني  من شربت مره وياهم ... ونصبوا عليه ... خلال مديحجون رجعتلي ذكرى
اليوم ألي ورا ...من فتحت عيني لكيت وجه مريم قريب على جبيني
بلحظتها اشتاقيت لمرتي ... شكد اكو نسوان جميلات ومثيرات
بالملابس والحركات بس ما تحركت مشاعري الا من اتذكرتها ..
همست لسلوان ... يويل اني تعبت وراح اروح ..
سلوان : لك دنتظر ... نرجع بعدين ... سويه ...
وليد: لا والله بعد تعبت اريد اروح انام ... اترخصت من الولد ورجعت ...  فتحت الباب البيت اظلم بيبيتي وجدي نايمين ...
دخلت للمطبخ  شربت مي واخذت گلاص مليان  وصعدت .... شفت ضوه الغرفه مشتغل ... معناها بعدها منايمه دتنتظرني ...
فتحت الباب وطلع توقعي صحيح ... بس من شافتني دارت وجهه
على الجهه الثانيه ...
يبطه گومي  هاج مي وعلگي ملابسي ... بلا سوالف الزعل هاي ...
مريم : گمت من الفراش بس وجهي ثگيل عليه ...  اخذت كلاص المي من ايده شربته  ...يفتح بدگم القميص ومبتسم بوجهي ...  خليت الكلاص على الميز انطاني القميص  ... اخذته دا اروح اغسله بي ريحة چكاير ...
وليد: وين رايحه ...
مريم : اغسل القميص ... بي ريحة تدخين ...شفت نظراته الي وابتسامته
شكيت اخاف شارب ويا سلوان ...
وليد: عوفي  باجر اغسلي ... تعالي ...
مريم : شنو شتريد ... جرني لحضنه  انت شارب
وليد: لا مو تدرين بيه ما اشرب ...بس يمكن بيه ريحة تدخين ...
مريم : لا مابيك بس  شكيت من تصرفاتك
وليد: ليش شبيها تصرفاتي ... يعلة قلبي 
تدرين انتِ شنو النفس الي اتنفسه ... ليش تفقديني اعصابي وتخليني امد ايدي عليج ...
والله من نزلت وشفت الدشداشه لازگه على جسمج نار وشتعلت بقلبي ... حسيت عبالك دتتمشين كدامهم بدشداشه نوم ...
والكل تتفرج عليج ... فقدت بلحظتها ....
انتِ تعرفين طبعي ... وتعرفيني ما اتحمل من قبل ما نتزوج تذكرين من نطلع لمكان  لو بأيام الدوام
كم مره مرجعج للبيت  تغيرين ملابسج اذا ما عجبتني
....وقبل مجنتي مرتي ... هسه انت مرتي حلالي وحدي .. باجر نطلع نشتري حجابات وملابس  ان شاء الله ..
مريم :  ان شاء الله والله كعدت لابستها نزلت كملت شغل والتهيت اجوي
ما انتبهت اني لابستها حتى من شفتك خزرتني ما اجتي ببالي
على اللبس ... بس محلو تمد ايدك عليه ... خليتني بموقف اليوم كدام الكل ...
وليد: مريومه لتگليلي ما انتبهت لو نسيت ... منبهج هالدشداشه متلبسيها بس من احنه وحدنا بالبيت صح لو غلط ...
لازم تنتبهين ... حتى على الحركه من  ادنگين حتى من تكعدين ... انت مو صغيره المفروض هالامور انت تنتبهيلها
مريم :  اي گايلي صح  ... /وين جنت ؟... ابتسم
وليد: اذا اكلج مو تزعلين ...
جاوبته احجي وين جنت لهالوقت
وليد: بالاول يم بيت خالة سلوان وبعدين رحنا لنادي ليلي ...
واني رجعت قبلهم اشتاقيتلج ....
مريم : بي نسوان ...
وليد: لا حبيبتي بس رياجيل  يستحمرون  .... هههههه
طبعا بي  نسوان
مريم: ابتسمت ... علگت ايدي برگبته  من هاي راجع وجهك يضحك
وليد: اي والله تونست ... وذكروني بسالفه صارت بيناتنا
تذكرين من رجعت شارب مره شنو صار  ...  اشتاقيتلج
ورجعت ....
مريم :  ابتسمت اي اتذكر وبسبب هاليوم هسه احنه متزوجين ...
من هاليوم وهالليلة ......صار  عندي حمل
بيبي  گلتلي مرات المره تتعرض لهبطه او صدمه ... يصير وراها حمل ... جانت تؤمن بهالسوالف ... وضحكتني گلتلي هاي الهبطه ما ضربة العصا والنتله هههه

تم الجزء كامل

ادا عجبكم البارت لا تنسوون التصويت