رواية حكايات من بيت جدي الفصل السادس 6 - بقلم مريم اماسي الليل

#حكايات_من_بيت_جدي
الجزء السادس
اماسي الليل
حقوق النشر محفوظه
عذراء: دكيت الباب على سنان
سنان: هلو عذوره
عذراء: هاك هذا كتاب شعر من تخلصه رجعلياه حتى ارجعه
سنان: ابتسمت وعكدت حاجبي منين جبتي هذا الكتاب 
عذراء: عندي صديقه ابوها استاذ اداب عربي وعنده مكتبه بالصدفه دنذكر  شنو الهوايات  المشتركه بيناتنا كتلها  احب الشعر والنثر گلتلي اني هم وقاريه هواي كتب عد ابويه ..
طلبت منها اجيبلي كتاب جابتلي هذا صارله يومين عندي خلصته كلت اجيبه الك تقرأ وراها ارجعه 
سنان: شكرا شكو عندج اليوم المغرب نسولف بالحديقه صار فتره مكاعدين سوه وياجدو
عذراء: ماعندي شي  يله اروح ادرس وانت هم ما اريد الهيك
سنان : ماشي اشوفج المغرب ان شاء الله
صعد سلوان شايل تلفون
ذبيتله حجايه حبيبي دير بالك على اذنك هالايام مركب بداله بغرفتك
سلوان : ههههه خليك بكتابك فايتك عمر ودكات قلب من تحب تفهمها
سنان: ابتسمت دنتبه على قرايتك هسه الحب ميفيدك اذا ما طلعت معدل
سلوان: لاتخاف على اخوك دماغه يشتغل بعيد عن شغل قلبه
سنان: ديله اخذ راحتك
سلوان: صعدت التلفون ربطته بغرفتي مشتاق اسمع صوتها
دكيت اجاني صوت حلو بس مو صوتها عرفت هاي امها
سديته
والله يا ناز من صوتج مبينه مو راحه من هاي جريتيلج اثنين زلم
بقيت انتظر الى ان غفيت على رن التلفون فزيت
الو
هيام: الو هالشكول
سلوان : ابتسمت هو وياج  هيام اريد اشوفج
هيام: شلونك سلوان اني ما اطلع الا لسبب قبل عندي مدرسه وصديقات  اروح اخذ منهم الواجبات
هسه وين اطلع
سلوان : حتى لو من الباب شلون ذيج المره من طلعتي العصر بالباب
هيام : ميخالف بس انت شوكت تمر  حتى اطلع
سلوان : اليوم ب٧ امر اذبلج شغله بالگاع اخذيها ...
هيام: شنو
سلوان : بعدين تعرفين ...
هيام: ما اريد الهيك عن الدراسه انت سادس
سلوان : لا ما التهي من اسمع صوتج  ارتاح يصيرلي واهس ادرس من تغيبين تخليني افكر بيج واشتاقلج التهي عن الدراسه
هيام: سلوان لخاطري لاتشغل فكرك بيه التهي بدراستك
اني جان عندي طموح اطلع اداب انكليزي لو فرنسي
اذا الله كاتبلي ارجع اذب حيلي كله حتى اطلع معدل
سلوان : هيام ليش ما احجي ويا امج اني اتحمل مصاريف دراستج وهي اطلع حجه كدام رجلها  وحده من خالاتج متكفله بدراستج
هيام: لا سلوان هم من يم الغريب يصيرون شرفاء وامي اخاف منها بلحظه خوف من ثائر تبيعني يروح يزوجني
سلوان : اتفاجئت المن يزوجوج
هيام: العام شافني صديق ثائر گايله متزوجنياها ...
بس ثائر مخليني براسه لواحد من ولده
اتزوج واحد بقوا اثنين سمير ما اتوقع مخليني باله
بس هاني ما ادري ...
سلوان : هيام لاتخبليني انت يوميه تحليلي لغز وغموض
خلصت القصه لهنا لو اكو بعد شي  ترى تعبتيني كل مكالمه
تأذيني بيها وتشغلين بالي ...
هيام: سلوان بعد ما احجي شي والله لاتضوج اني انسى نفسي اشكيلك امور مرت عليه
سلوان: هيام اني كلشي ما اكدر اسويلج حاليا ولا اكدر اطلعج من البيت الي انت بي
لخاطر الله احذري وحافظي على نفسج لو عندي امكانيه
او مكان مجان بقيتج لحظه يمهم جان انهزمتي وأمنتج بهالمكان حتى راسي يبرد من التفكير ...
انتِ تگولين رجل امج قمرجي يلعب بالبيت  هو وجماعته لو يروح لمكان ؟
هيام : مرات يجون لبيتنا بس اني ما اشوفهم اصعد لغرفتي
سلوان : يا الله لج بابا خبلتيني كل شويه اجر منج شي
احجيلي كلشي
هيام: ما ادري هيج شي يهمك تعرفه وما حجيت خفت اضوج وتقلق
سلوان: ابد لاتطلعين سوي نفسج نايمه لو يكسرون عليج الباب لاتنزلين ترى القمرچي بساعة خساره اذا يساوموا عليج ...
ينطيج انت لا بنته ولا عرضه
هيام : كافي سلوان لاتخوفني  اني حتى من افكارك وشكك اخاف انت شكاك انت لحد هاللحظه احس قلبك يلعب مني
وتخاف لا اطلع غير ما حجيتلك ترى اني فاهمتك ولاتكذب عليه
سلوان : صح اني شكاك وحالتج مدوختني شمعنى انت من دون هالبنات قلبي اتعلق بيها مرات احسج لغز لو امتحان من الله
هيام: يله راح اروح الباب ديندك
سلوان: مو تنس ،انغلق الخط طلعت ارجع التلفون
نزلت اخلي  بالصاله ....ها ولك شو هنا
وليد: هاي انت مالص الفيشه واني صار ساعة اسب الي ماخذ التلفون
سلوان :  ضحكت يله المسبه يستلمها قيصر يستاهلها
شكو وراك
وليد: الي جان وراك اطلع وسد الباب  اوگف شو اني ماكو مكان اربط بي الفيشه بغرفتي
سلوان: بحوش تلگي يجوز ورا كنتور ورا الچربايه ك هو تأسيس واحد اكيد اكو روح اصعد بغرفتي اربطه واحجي ..
وليد: لا خليني هنا مابيه حيل اصعد
سلوان: راح اصعد انام ساعة وكعدني عندي امتحان
وليد:  ماشي ....
عذراء: لج هويده وين دفتر الرياضيات مو اخذتي تنقلين منه
هويده: لج رجعتلجياه من خلصت
عذراء: زين طلعيلي هالسؤال من دفترج اريد اشوف الحل
هويده : دقيقه بقيت اگلب ضحكت ما محلول عندي
عذراء: لج والله راح اشمرج من الشباك وين الدفتر لو مرجعتلياه
جان لگيته بالجنطه هسه شلون
هويده: ههههه روحي اتصلي ب شهد
عذراء: ثول شكد فطيره خايفه لا تالي كل تعبي ما اطلع شي وانت الي اطلعين  معدل بفهاوتج
هويده : هههههه دنزلي جيبيلنا الحل
عذراء: نزلت رفعت سماعة التلفون الي بالهول  انصدمت صوت اخويه وليد عزه هذا شكد جريئ غلقت السماعه  قبل ميحس وصعدت
هويده : ها شو صعدتي بسرعة
عذراء: ههههه لج هذا وليد يحجي ويا وحده مبينه مو راحه  غلقته  قبل ميحس وصعدت
مريم : جنت كاعده اكتب منزله راسي من سمعت كلام عذراء رفعت راسي مصدومه بالكلام شكد جنت احس بي
عيونه زايغه بالطلعات لو من يجونا خطار عدهم بنات  ما بيوم  حسيت بغيره عليه او تأثرت ،بس الكلام الي حجته مصدكته اتحججت انزل اجيب مي من المطبخ واصعد نزلت رفعت   السماعه جان يضحك وياها بقيت شويه سمعتهم سوالفهم جريئه  غلقت الخط
ضجت اريد اروح اكسر السماعه على راسه، مقهوره على نفسي جنت مصدكه يحبني واني مسيطره عليه بالحب  طلع كذاب
رحت للمطبخ ما اعرف ليش نزلت دموعي واني ادري بداخلي اكرهه، واكره تصرفاته ومتوقعه منه كلشي شكو مقهوره
اخذت دولكه مي وطلعت من المطبخ  دا اصعد الدرج  صار بوجهي من قهرتي ذبيت المي كله بوجهه تبسمر بمكانه متفاجئ بالمي ويمسح بوجهه صعدت سريع  اول كم بايه لحگني جرني من شعري  نزلني
-اذا اطلعين صوت اخلص على حياتج تعالي دخلني للصاله
جر شعري اكثر حتى ياذيني
( اذا تضربني والله اگلهم شنو سمعتك تحجي ويا صديقتك )
ارتبك مثل الي تفاجئ
( ابتسمت بضحكه ليش جنتي تصنطين  عليه المن تحجين بله )
(لا مجنت اصنط نزلت اخابر صديقتي نترت بي بعصبيه عوف شعري ... والله احجي ولا اخاف منك شتريد اسوي سوي )
(زين انت ليش صايره عصبيه وراح تبچين شعليج وشكو نگعتيني)
(جنت مهظومه منه وقهرني بالزايد لان عادي ولا مهتم سمعت مكالمته    وخرت ايده من شعري بس كارهته ونظراتي كلهاحقد شكد اكرهك اليوم  كرهتك اكثر )
وليد: اول مره تسوي شي تريح قلبي بي واحسها مغثوثه
ممصدك مريومه تغار عليه اريد الزم نفسي من الضحك
اريد اعرف شنو سمعت وهيج صايره اعصاب
جاوبتها مبتسم واشرتلها على ملابسي المتنگعه واضح تكرهيني
اني هم اكرهج  مريمتي رجعت لزمت شعرها نزلته حتى ارفع وجهها شفت عيونها  تطلع منها نار غضب
خلتني احس بسعاده وأمل للحظه  انضربت بدماغي مابقى عقل براسي ولا ادري بنفسي من قربت وجهي وعيني على شفايفها صحتني براشدي  على خدي
مريم : عرفت من نظراته الي يريد يسوي ضربته ونترت بي وخر ايدك من شعري
اني مو صديقتك اخاف تيهت
طگها بضحكه مثل المخبل ...
طلعت وتركته صعدت للغرفه اكمل واجباتي لكيت هويده نايمه بس اني وعذراء وهذا ابو النسوان ما نايمين من البيت كله
بقيت على واهس عذراء ادرس ومن اذكر ضحكته اضحك اتذكرت الي راد يسوي تحلفتله احجي ويا نفسي
دصبر شلون راح اعاملك بعد  ابو سوالف مكسره
وليد: صعدت صحيت سلوان  لك مريم سمعتني احجي ويا صديقتي
سلوان: فزيت يا اثول غير ترفع فيشة الهول حتى من احد يريد يستعمل التلفون يشكلها تعرف
وليد: يا اغبر غير ادري بيك جنت تحجي ومالصها شمدريني
انت مرجعها هسه گلي شلون الغمط السالفه وياها
سلوان: انت شنو جنت تحجي ويا منو
وليد: ضحكت ويا لولو
سلوان: الله يطيح حظك  اسكت ولاتحجي شي وهاي الثوله شكو تصنط
هسه گايم اكسر راسها
وليد: لزمته هي شعليها الغلط  مني اني ما انتبهت
عوفها دير بالك اتغثها والله ما احجي وياك
سلوان: لك عوف البنيه لاتفتح عينها على سوالف الحب
من تكبر هي الك من تطلبها  جدي مينطيها لغيرك
وليد: الي يسمعك يگول كاضيها حب وغزل مو معارك
عذراء: نزلت المغرب للحديقه لكيت بيبي وجدو وسنان وابويه
وامي وعماتي كلهم ملتمين  ويمنا جوارينا بكد جدو هو ومرته
مرحبا ...
ياسر : اجتي حبيبة جدها صار عندي واحد صيدلاني
وهاي دكتوره ان شاء الله
كعدت بصف ابويه وبصفي من  الجهه الثانيه كرسي  سنان
معن: ها باباتي منو هاي صديقتج الي سولفلي سنان على  الكتاب الي جايبته منها
عذراء: هاي بنيه جديده ابوها استاذ اداب لغه عربيه وهي البنيه كلش حبابه وخلوقه وشاطره بحيث خايفه لا تطلع هي الاولى
سنان: وانت ليشتخليها تطلع الاولى  وتاخذ مكانج
عذراء: مو هالسنه مابيها منافسه اني وياها نريد مجموعه طبيه هذا الاهم مو مهم عندي اتنافس على مراكز
وطبعا هي مثلك خجوله ومتراهمه ويانه بهواي امور اولها أتحب تقرا كتب شعر ونثر ....
سنان : عذراء راح انطيج اسم ديوان شعر اسأليها موجود عدهم بالمكتبه
عذراء: ميخالف
سنان: هاي اول مره اشوفج مهتمه بصديقه غير هويده
عذراء: لان كلش حبيتها كلش حسيتها قريبه عليه من اسولف وياها اتخيل دا احجي وياك هادئه ومثقفه وصفاتها الطيبه مرسومه على وجهها بسرعه تنحب
سنان: يعني نسخه منج 
عذراء: ما ادري انت اشوف صفاتي مثلها
سنان: عندي انت شخصيه مثاليه لكل بنيه ليش متعرفين
عذراء: بقلبي ياربي لو تدري شكد احبك وحبيت شهد لان تشبه صفاتك ،
لا اعرف اني اقربلك من الكل
سنان: عذوره انت موبس صديقتي انت حتى ذكرياتي مشاركتني بيها مرات احسج توأمي
عذراء: ياربي بدا يبوح بمشاعره  راح انتظر اليوم الي تكلي انت حب حياتي مثل ما انت حبيبي وصديقي ونصي  الثاني
وليد: كل ما اتذكر عصبيه مريومه وشلون ذبت المي عليه اضحك
كل اغنيه احبها أسمعها الها من اختلي وحدي بغرفتي ...
نزلت بالهول حتى اشوفها من تفتر بالبيت
اشتاقلها حتى وهي ويايه بنفس المكان كل تنهيده  وصفنه تشهد على الحب الي بقلبي الها هي الوحيده الي نزلت دمعتي عليها ...
يوم الي اذيتها هي الوحيده الي ادفع عمري كله حتى احس بحبها الوحيده الي تحرگ قلبي وتلعب بعواطفي يمها اصير طفل يشتهي ضحكة وكلمه حلوه من امه ...
الوحيده الي اشوف بيها دنيا وسعاده وياها قلبي بدا رحلة ادمان مشاعر عايشها بداخلي ذكريات  حلوه كل ليله تمر عليه 
بطيفها ووجها الطفولي
سلوان : ها ابو الحب شو ضارب صفنه  ترى عينك فاضحتك
تفتر وراها
وليد: لك تعبتني ما اعرف قرارها
سلوان: انت اغبر ذابح روحك تريدها بالگوه
وليد: لك لو ما انت  تدري بحالي وياها شسويلها صابر عليها اكول تكبر وتحس
سلوان: ترى انت متعب روحك هي الك محد ينطيها لغيرك
وليد: ادري بس اريد التمس القبول منها
سلوان : ابقى لعد لج وياها حتى تكرهك اكثر
وليد: اتنهدت اففففففف لك لو مزهريه جان حست
سلوان : تدري وتحس ومأمنه لو تگرصها شويه تلين
وليد: ميفيد منين ما اجيها تبعد اكثر .. هاك شوفها اليوم حتى بوجهي متباوع...
سلوان: يطبك مرض انت ضعيف وياها
وليد: بله لاتتفلسف براسي الي يسمعك ... ميگول حالك اتعس من حالي
بس سنان يفتهم مريح راسه ...
لمحتها متوجهه  للمطبخ  طفرت من مكاني رحت وراها
دخلت اتحجج احجي وياها ....
شبيج شو گالبه خلقتج عليه
مريم: ويايه دتحجي
وليد: اكو احد غيرج بالمطبخ
مريم : لا بس ما ادري اذا وجهي ثگل عليك  أتحس
وليد: وليش ثكلان ...
مريم : على شنو ديثگل هو اني هيج
وليد: وتالي وياج ترى صبري نفذ ...
مريم : شنو التالي اريد افهمها بله ترى اني مو صغيره وتضحك عليه ... وتمثل الاهتمام الي سمعته اليوم والي حاولت اتسوي  وضح كلشي
وليد: ابتسمت الي سمعتي هذا لعب وتگضيه وقت لو تنطيني ريگ حلو مجان لعبت .
مريم : ابقى العب انت اخويه اذا شفتني ضجت وأتخيلت
هاي غيره فهي صدمه بأخ
وليد:  بعصبيه  ماشي بس أتحملي  الي راح يجرالج ...
طلعت من المطبخ  اخذت سلوان نفتر بالمنطقه
سلوان : امشي دا امر اشوف هيام ....
من صار الوقت  مريت بشارعهم  ورا دقايق طلعت ...
التقت نظراتنا ابتسمت مريت من يمها همستلها  احبج
شمرتلها علبه بيها زنجبل بي مداليه ( ايه الكرسي) اخذتها ودخلت
وليد: لك انت هم عندك عين وتتفلسف براسي على الاقل اني احب بت عمي ومن هي صغيره كدام عيني شعرفت من هالبنيه وهيج مستقتل
سلوان: ( وليد مجان يعرف تفاصيل عن هيام مجرد يعرف بنيه واحبها ) ... حبيتها بعد هو اظاهر حظي وحظك مكاعد بسالفة الحب
وليد: لك اني من اليوم راح اربيلي قلب جديد انعل ابو الحب لابو الي يحب
بهالايام حسيت بمريم تجنبني اتوقعت بدت أتخاف مني بسبب تصرفي وياها
منها ابتعدت عنها اذا تدخل بمكان اطلع منه قررت اشيل اسم مريم من على لساني ..
حتى من احتاج شي اصيح عذراء  وهويده ....
مريم : اني تغيرت ويا واعتبرته ما موجود بهالبيت وهو نفس الشي حتى اعتذار معتذر ولا حس غلط ويايه  من تصرفاته افتهمت وصلته الرساله
بهالفتره تغير
مگابل سلوان بالغرفه من الصبح لليل ميطلعون منها الاقليل اغلب الوقت يدرسون 
كملوا السادس سلوان طلعله هندسه ووليد علوم سياسيه
القدر يجمعهم بكل مكان حتى بنفس الجامعه ...
عمي معن مجان متوقع وليد يطلع معدل  ويدخل هالكليه اتذكر جان كلش فرحان بي و جدي نفس الشي
بوقتها انطاهم سيارته بعد ما اتقاعد من وظيفته ( قاضي) لان تعب وعنده امراض مزمنه كعد بالبيت وتفرغ لعمل خاص بي  هو وابويه بالمقاولات
وليد : بقت مريم بنفس مكانها بقلبي لكن  اني لهيت نفسي عنها من دخلت جامعه اتعرفت على طالبات لكن  ولا وحده كدرت تغير مشاعري تجاه مريم  شلون تتغير وهي كدام عيني كل يوم وطول الوقت ...
شكد ادعي القوه وياها لكن بلحظه احن وقلبي يشتاق اروح احجي وياها حجايه
بيوم جنت طالع ويا الولد جماعتي اتأخرت بالرجعه ...
صعدت لغرفتي شفت التلفزيون مفتوح بالهول  الفوگ والباب مردود لاكثر من نصه
مديت راسي فتحت عيني  (مريم كاعده تبچي ....
من شافتني مسحت دموعها وبقت عينها على التلفزيون ) احجي ويا نفسي
اه يا قلبي لو تعطس هم ترف عليها ولا كأنها ملوعتك صار  اشهر راح توصل السنه وقلبها لا حن ولا سأل
ترى الحب من الله مو بالغصب افهم عاد 
ذكرت قلبي بهالكلام قسى  سديت الباب وتوجهت افتح باب غرفتي اول خطوتين دخلتها للغرفه رجعت بخطوات وصلتني لباب الهول فتحته مديت راسي وعاكد حاجبي
شكو تبچين شبيج
مريم : نازله دموعي جاوبته على الفلم ( اسمه البطل )
وليد: ما ادري شنو الي صار ويايه غيره, مقهور منها ,بس نار شبت بضلوعي التفتت على التلفزيون دخلت وسديت الباب  بعصبيه
(على فلم  وبطل  الفلم قلبج يحن وتنزلين دموع عليه اني صارلج كم شهر ما حنيتي  ولا رفلج جفن كلمه ميهلج تحجين ويايه
تدرين ليش لان حظي اغبر وقسمتي سوده وياج )
مريم : شفته عصبي ومقهور ديطلع ...
وليد  اوگف لزمت چتفه ..بعد  ايدي
وليدي : كافي لهنا تعبت منج ذليت قلبي  وياج
مريم : صرت گدامه دموعي بقت تنزل بس هالمره مقهوره من كلامه
انت السبب تذكر شنو سويت
وليد: (بعصبيه   )وانت صارلج سنه تحاسبيني على شي حاولت اسوي وما سويته  بساعة طيش ...
مريم :بسرعة جرني قربني منه چتف ايدي..من قرب وجهه خفت غمضت عيني  قبلني ابتعد نتر بيه بعصبيه....
وليد: هسه اكرهيني ازيد من اليوم هذا ( اشرت على قلبي ) وياج مات  تركتها مرتبكه وخجلانه ...
دخلت لغرفتي واسئله واجوبه براسي فتحت باب الكنتور صفنت  هو  هذا الي جنت
رايده تقترب منها؟ لا رايد قلبها ...
انت حابها لو غاوي فتنتها ؟ اريدها كلها قلب وجسد وروح
  جريت ملابسي وباكيت الچكاير سحبت وحده بتوتر ...
شغلت المسجل .. وفتحت الشباك ورثتها ... ويا كل جره نفس ازفر هم وخيبة امل  واعاتب قلبي واقسي  عليه انعل غيرتك اذا عندك غيره
على الي سويته
مرت ايام
شكد جنت احاول اقنع نفسي مريم انتهت  لكن محنة قلبي تخلي يضعف وياها  والين احاول اعتذرللها بالمواقف عن الغلط الي ارتكبته بحقها
لكن تعلمت اقسى يوم الي سمعت هويده تسألها
(انت شو من احد يدزج تنادين وليد لو يصخروج لشغله اله
تجين عليه اكو شي شبيج  ويا الولد )
مريم : مابيه بس اكرهه وما اطيقه طول ما اني بعيده عنه مرتاحه منه لا يأذيني ولا يرزلني .