رواية حكايات من بيت جدي الفصل السادس والسبعون 76 - بقلم مريم اماسي الليل

#حكايات_من_بيت_جدي
الجزء ٥٩
بقلم اماسي الليل
ومر عام يحمل في طياته الكثير يأرجحنا في فصوله بين رعد الشتاء وكأبه الخريف وعزف الربيع وإشراقه الصيف تغيرفيه البشر وأحوالهم وأحزانهم وافراحهم هكذا هي الحياة لاتدوم على حال
وفِي نهايه العام .... يتقرر المصير وتلوح امانينا في أفق جديده
سلوان: شنو تنتظر هاي سنه عمي وبيبيتي هم طلعت مو گلت من تطلع السنه احجي ويا وليد وأخطب عذراء منه
سنان: البارحه من دنرجع من الجامعه بالسيارة ردت افتح وياها الموضوع ... واتراجعت
سلوان: يعني انت مگابلها بالدوام وبالبيت وكل هالفتره ما عرفت تمهدلها
سنان: كل ما احاول الكلام ما يطلع مني ارتبك اشوف الموضوع صعب وعندي تخوف من رد فعلها
سلوان: ليش هالتخوف هي بت عمك وانت رايدها على سنه الله ورسوله ما اتوقع منها رد فعل سلبي بالعكس هي محتاجه شخص تكمل حياتها ويا يكون فاهمها مثل ما ان محتاجها وفاهمها ... اني اگول اليوم تروح لوليد وتفتح الموضوع ويا ... هو عنده علم بالاتفاق بينك وبين بيبيتي الله يرحمها ووصيتها الك ما أتصور يأمن ينطي عذراء احد غيرك
سنان: مو اخاف لان يعرف بوصيه بيبيتي يتصور الموضوع مجرد خطرانبه ووصيه وما يوافق
سلوان : اترك الموضوع يمي اني افاتحه اليوم
عذراء: كان يوم من ايّام سبتمبر ملتمين اني ووليد ومريم وجدي وميثم ووسن وهويده بالحديقه ننتظر جاي امي المهيل سوالفنا وضحكات ولعب الأطفال
يمتزج ويا نسمات الهواء العذبة ويحرك أوراق الأشجار ويهب وياها عطر الزهور الي تحيط بينا
الوجوه تحاول تنفض غبار الحزن ووتجاهد برسم البسمه متناسين الظلام الي خيم على هالبيت بغياب أشخاص عزيزين
نعزي أنفسنا بمقوله هذا حال الدنيا حتى نستمر
جدي ووليد على الرغم من خلافاتهم السابقه قربهم الحزن والالم الي اشتركوا بي منظر التودد والعلاقه الي بينهم وحديثهم المشترك لساعات ما كان اله اثر بالسابق
نفس العلاقه الي جمعت سنان بجدي بالسابق جمعت وليد بجدي بعد وفاة بيبيتي .... يمكن سببها مرور جدي بحالة حزن شديده وإحساسه بالانكسار والالم وإحساس وليد المماثل كان بمثابه عكاز ساعد جدي ان يتخطى هالحزن وبنفس الوگت
صار تغير ملحوظ بشخصيه الهدوء واسلوبه بالكلام كأنه تقمص شخصيه والدي المرحوم
كل البيت بدا يحس بوجود ابويه بيناتنا من خلاله
جدي بعد المرحومة بدا يحس بالوحده ويستوحش يريدنا دائما ويا ملمومين بدا يرتاد گهوه❤️ ويقضي بيها ساعات طويله ويا اصدقاءه .... اختفت هاله التسلط والقوه ضياع تلمحه بلمعة عينه الي تخفي دموع اشتياق واسترجاع ذكرى عزيزين الهم بصمه بكل مكان حتى بالكرسي الي بصفه ...مناداته بأسمها من يريد شي من اي وحده من عدنا تحسه عايش ومتكيف ويا روحها وذكرياتها حتى الشريط الاسود الي بركن صورتها زاله محتج ومتحدي الموت الي ما كدر يخفي وجودها بقلب كل واحد بينا وبقلب هالبيت الي جان عامر بيها وبطيبة قلبها
من كثر اشتياقي الها وبحالة سرحان تخيلت طيفها وابتسامتها وهي جالسه ويا جدي
رجعني صوت سنان للواقع
الله بالخير شلونك يابه
ياسر: الحمد لله وينك شو مختفي صار يومين
سنان: والله يابه حقك بس ملتهي بشغله واريد احجي بيها وياك
من يصير عندك مجال
ياسر : ماعندي شي گول
سنان: همست قريب على اذنه بيني وبينك
وگف جدي
ياسر : تعال بالصاله بين ميصير الجاي ويصيحونا
سنان : تبعته بخطوات خجله وبداخلي أفكر بالكلام الي راح افتح بي الموضوع ويا .... اول ما دخلنا جلس
هدوءه طمني
يابه رايد عذراء
نظرة التفاجئ طلت من عينه وملامحه استرخت بفرحه واضحه على ابتسامه شفايفه الي فقدناها من فتره
ياسر: بالخير عليكم
سنان: يابه اني بعدني ما مفاتح عذراء ووليد كلت بالاول انطيك علم يله احجي وياها
رجع وگف واشرلي اجي ورا .... تبعته الى ان طلعنا للحديقه فاجئني بحديثه عن الموضوع بصوره مباشره كدام الكل
ياسر : بابا عذراء هاي كدام اخوج أبن عمج رايدج
شنو رأيج
اني بالنسبه الي موافق لان ما أأمن عليج عد اي احد غير ابن عمج شتگول ابو خالد
وليد: يابه الموضوع مو يمي هي الي تقرر اني الي هي تگول عليه وياها بي انطيها مجال تتفاهم هي وسنان
وتقرر
عذراء: الكلام جان مثل الصاعقه على مسامعي حسيت للحظه مو اني المعنيه لكن من ركزت بكلام جدي ووليد
وعيت سنان ديخطبني
الدنيا توقفت حسيت بنفسي رجعت سنين اترقب هاليوم
للحظه حسيت كل الي مريت بي والي مر بي مجردحلم
بعدني عذراء بصف اول جامعه تنتظر اليوم الي يعترف بي سنان بحبه الها والساعه الي راح تجمعني بي طول العمر ... ارتبكت نسيت عمري وشخصيتي الواثقة من نفسها احتل حب سنين على عقلي وتفكيري
بدون وعي وإحساس من سألني جدي شتگولين بابا
فقط هالكلمه هي الي سمعتها بين حديثه المطول بمحاوله منه بأقناعي جاوبت بكيفك يابه كأنه القدر منحني فرصه اخيره وقلبي غلب عقلي جاوب بسرعة
من غير تردد او تفكير ولو بثواني ... وعيت على جوابي من جدي گال نقرا الفاتحه .... كلشي صار سريع حتى ما فكرت ألقي نظره على سنان واشوف تعابير وجهه
من سمع موافقتي .....
سيطرت عليه مشاعر خوف وخجل وارتباك... كان تقبيل مريم لخدي مثل سطل مي بارد وعيت على الي ديصير حولي وعيت على الوجوه الفرحانه والابتسامه المعبرة
وكلمات الود بين امي وعمتي امال والولد وجدي يتفقون على العقد ... حسيت نفسي وحدي بهالمكان متأمله حياتي القادمه ... ولعبه القدر معقول جنت مقسومه لسنان بعد كل هالسنين وبعد كل شي فرقنا يا الله هي السما والدنيا حلوه هيج لو اني بديت اشوف كلشي حلو لهدرجه تحبي بحيث دنياج ما تحلى الا بي ....
اي احبه مثل روح سكنت بجسدي احبه بكد العمر الي عشته من يوم الي نولدت بذكرياتي وكياني
_ على الخير عذوره
رفعت راسي بخجل شكرا ابو ريم
سلوان: انضافلج لقب جديد جنتي بت عمي وأختي هسه راح تصيرين مرت اخويه
هسه عاد آمون عليج تلينين راس بت عمج وتقنعيها ترجع ويايه للبيت ترى اخوج خلص صبره وياها وتعبت من عنادها
عذراء: ابتسمت هاي ام شعر الأحمر من تقتنع تغير لون شعرها ساعتها يكدر احد يلين قلبها عليك
سلوان : ههه شلون يعني اروح ازينها صفر
عذراء: هههه والله عاد انت تفكر بحل لمشكلتك وتعالج الموضوع لا ادخل واسطات متفيدك
بس اگول لو تستغل اليوم الكل فرحان وتروح تحجي وياها
بطيب ووياجدي اتصور الوضع بصالحك
سلوان : لا خلي جدج برا السالفه هو خرب المره عليه شحجي وياها وكالت جدي گلي هو طلع عينها عليه
عذراء: لعد احجي وياها على انفراد ...بعدت خصله شعري عن خدي التقت نظراتنا اني وسنان ... لأول مره احس النظره بيها كلام ماكدرت أفسره إعجاب فرح لا بيها ارتباك حسيته غريب عني هالنظره ما مرت عليه بيوم قبل هاللحظه ... شفته وگف عن مكانه وتقدم بأتجاهي
دكات قلبي اتسارعت الى ان وصل بصف سلوان وكدامي خجلت ارفع راسي ...
-شعندك تتبسبس لازم دتتوسط لو دتتفق وياها عليه
شعنده وياج عذوره
عذراء: ليش دا احس متقيده ومدا اكدر أجاوبه وأتعامل ويا مثل قبل رفعت راسي لسلوان مبتسمه انتظره هو يجاوب
سلوان : اريدها تلين قلب مرتي سالفه الاتفاق عليك هاي ورا ما ام ريم تعقل اتفرغلك
سنان: عذوره امشي نكعد بالصاله عندي حجي وياج
التفتت .... ابو خالد من رخصتك عندي شغله ويأك
وليد: دخلنا الصاله كعدت بصفي عذراء وسنان مقابلنا
سنان: هاي كدام ابو خالد ... شغله الماديات الي تريدي اني حاضر بي بدون ما نتناقش بي ... انت وامي وعمتي سعاد رتبوا هالامور بس
بالنسبه للعقد ماعندج اعتراض بعد يومين
عذراء: جاوبت بخجل لا ماعندي اعتراض
سنان: عندج شي تحبين نتفق عليه ... انت ابو خالد
وليد: لا ماعندي انت ابن عمها اكيد تهمك مصلحتها وراح تخليها بعينك ما يحتاج اوصيك
سنان : اطمئن اخليها بعيني ... بس ورا العقد اريد اكثر شي شهر يتم الزواج ان شاء الله
وليد: هاي انتو تتفقون عليها
عذراء: بقينا وحدنا ورا ما مريم گلتله جدو يريده
بقينا واحد ينتظر الثاني يحجي ... حاله غريبه بيناتنا
الارتباك ترجمته الابتسامه الي على شفايفنا
اول ما تحركت شفايفه گلت اخيراً راح ينطق
بمجرد ما گلي عذوره ترى وضعج ديخليني ما اعرف احجي وياج
سمعنا صوت سلوان يتوسل بهويده
سلوان : لج بابا انت بعدج مرتي قابل تحارشت ببت عمي
هويده : واني للمره الألف كتلك الي بيناتنا منتهي
سلوان : منتهي من يمج من يمي بعدج حلالي والي حقوق عليج فاهمه مو بس تذكرين حقوقج واطالبيني بيها
يله حضري غراضج دنروح للبيت انطيتج مجال وصبرت عليج هوايه
هويده : ما اروح ومامجبور تصبر عليه طلك وشوف حياتك
سلوان : ها هيج الحجي ... زين اذا اني ما اطلك ولا اريد اشوف حياتي بعيد عنج وعن بناتي معناها اني ابات يمكم اليوم
عذراء: طول ما نسمع كلامهم احنه مبتسمين لكن من عّم الهدوء لثواني وراها
سمعنا هويده : وخر وجهك عن وجهي لا يجي احد ويشوفنا
وتالي وياك
عذراء: حاول سنان يكتم الضحكه بس مكدر هز راسه وهو يضحك لا حول الله
سنان : هالولد مو عاقل بس شكلها هويده ربته هالمره
عذراء: ابتسمت خجلانه الله يصلح حالهم
سنان : وانتِ هم يجي يوم تزعلين مني وتقلبين عليه هيج
عذراء: اتفاجئت بالسؤال ولا افتهمت معنى
والله هاي تعتمد عليك وعلى الشي الي اتسوي يستحق الزعل لو لا
سنان: ان شاء الله ما ازعلج

💔💔💔💔💔💔💔💔💔
عذراء: ان شاء الله يله نطلع للحديقه
سنان: يله
عذراء: طلعنا ومرت الساعات بسرعة ... الى ان اظلمت الدنيا
جدي قطع حديثه ويا الولد والتفت علينا
ياسر : الفرحه نستكم العشا ماناوين تُشعونا اليوم
سلوان : يابه بعد وكت الليل كدامنا طويل
رمقني بنظره تجاهل كأني شخص غريب
ياسر : ليش ما ناوي تروح لبيتك
سلوان : يابه مايفرق هذا بيتي وذاك بيتي اليوم ابقى ابات يمكم اذا ماعندك مانع
ياسر: اني ماعندي مانع بس احتمال وجودك يضايق الأعز منك
سلوان : ابتسمت والقيت نظره تحلف لهويده ... معناها ترى باقي ترضين ما ترضين لاماعدها اعتراض ام ريم
رمقتني بنظره انزعاج بس متكدر تحجي شي ويا البنك المركزي
اشوف الكل مبتسم ... والله يا ياسر مرمطتني بس دخلي الين دماغك ودماغها تالي أخليك تشيل التلفون عليه حتى اجيبهم يمك
ابو خالد ميل وجهه عليه
وليد: هالمنظر مار عليه من قبل كم سنه يوم لك ويوم عليك
ابقى حتى نحاول نستفرد بي بليل ونحجي ويا بسالفتك ترى
امرك بيده هو بس الي يكدر يرجعلك هويده
سلوان : اخ هالشايب ولا ينكدرله بعده مشينا ورا مثل الخرفان
وليد: هههههههههه
سلوان : يمعود لا يقلب عليه الضحك يستفزه
ياسر: ها رجعتوا تتآمرون .... لا تعب نفسك امنت على ورداتي يم كل واخد منكم ... الي ما يحافظ عليها يخسرها وهالكلام موجه للكل
التفتت على سنان حتى انت مشمول من اليوم
هالثلاثه عندي بكفه وباقي البيت بكفه صار معلوم
سنان: ان شاء الله يابه
ياسر: ذاك وينه شو مختفي اليوم لا هو ولا مرته
مريم : طالعين اليوم خطبه اخو وسن وراح ميثم للمشايه ويا الزلم
ياسر: بالخير ان شاء الله
يله بابا كملولنا العشا جدكم قفل
مريم : صار .... دخلنا للمطبخ خبر الخطوبه غير نفسيتنا
من مده ما ضاحكين ولا نتمازخ بيناتنا اني وهويده استلمنا عذراء
هويده : ها عذوره طلعت آفتهم لو لا كتلج الأخ عشگان ما صدكتي
عذراء: انت هم الأخ عشگان ... وخر وجهك لحد يشوفك ههههههه
هويده : شكد لئيمه وين جنتي وسمعتي لو يموت ما يقشمرني
عذراء: مو بس اني سمعت حتى حماج بقى يضحك تالي طلعنا من الصاله
هويده: الله عليج سنان سمعني .... يا الله ما ادري ذوله شلون طلعوا من بطن وحده
سنان اخذ العقل كله وعافلي ابو عقل فارغ استغفر الله
مريم : كافي هويده ما مليتي من هالوضع يعني حتى لو غلط بحقج هاي صارله اكثر من سنه ونص ما قبل يطلك معنى متمسك بيكم انطي فرصه وارجعي لخاطر بناتج
هويده : لا ما ارجع وياريت لو يطلك اني بعد ما اكدر اعيش ويا الي بالقلب محد يدري بي لا تاخذكم الرأفه بحاله
عذراء: والله اليوم شكله ناويلج نيه مامنها تراجع
هويده : خلي يقشمر نفسه بهالاسلوب بعد ما يجيب نفع ويايه كشفته على حقيقته وفقدت الثقه بي
مريم : اتركيها خليها هي تقرر لا ندخل تالي تگول انتو اثرتوا عليه
هي اعرف بوضعها بس ترى الرجال يجي يوم ويمل ... يفكر يتزوج تالي تتندمين تجي وحده تأخذ الاول والتالي منج ومن بناتج
عود خلي العناد يفيدج
هويده : بالعافيه عليها هالعله بالعكس تخلي يترحم على ايّام هويده الي ما قدرها ولا جانت بعينه
ترى الي ما يمر بالي مريت بي مراح يعرف الي بداخلي
الله لا يراويكم الي شفته من ظلم واذيه منه
مريم : بعد ما جمعتنا سفره وحده ... كل واحد راح لمكانه تالي الليل صعدت للغرفه .... لكيت وليد واگف كابل المرايه
يتلمس جرح ايده والعبره خانگته دموع محتبسه بطرف عينه
حاولت اسوي نفسي ما انتبهت حتى لا يخجل مني
بس التفتت يبرر الي شفته
وليد: شو اليوم ديصل عليه
مريم : رحت لعنده حاولت أواسي ... تلمسته اخاف العصب ديأذيك لان كعدنا بالحديقه وبردت
تنهد ونزلت الدمعه .... الي جان حابسها
كافي الله يرضى عليك شوكت تنسى والله احسك كاره الدنيا
ترى لا بيبيتي ولا عمي يرتاحون من يحسوك ضايع ومتأذي على فراگهم هذا حال الدنيا كلنا مفارقيها
الله نعم علينا بنعمه النسيان والصبر حتى نتحمّل باوع لجهالك وعيش الهم خو ما تبقى كاتم بقلبك وحابس نفسك بهالحزن كلنا مثلك بس ما بدينا شي هذا امر الله
وليد: اخ يا مريم والله احس روحي راحت حتى فراگ ابويه ماهزني مثل ما صار بيه من توفت امي .... احس اخذت الدنيا وكلشي حلو وياها
تمنيتها هسه موجوده هي وابويه ويفرحون سنان خطب عذراء
والله احس البارحه جنت يمها بالمستشفى اني وسنان وتسولف ويانا كلشي مابيها توقعت ثاني يوم راح تطلع وترجع ويانا للبيت
بلحظه طلعت اصيح الممرضه تقيسلها السكر .... رجعت لكيتها بحضن سنان والدموع تارسه عينه ... صدمتين بفراك عزاز تكسر القلب ولا راح انسى هاليوم والحاله الي صرت عليها الالم الي حسيت بي تمنيت الله يأخذ امانتي بلحظتها بدون شعور ضربت الشباك من حسرتي عليها معرفت أواسي وأعزي نفسي غير بأذيتها بعدها ما دريت بالدنيا صحيت وهي ماموجوده بحياتي
انت اكثر وحده تدرين اني شكد متعلق بيها حتى اكثر من امي
حتى سالفتي وسري عدها هي اقرب انسان الي بهالدنيا صدك تيتمت بعدها وجرح فراگها ما يلتأم حتى لو اريد انسى كلشي يذكرني بيها حتى هذا الجرح ... حتى البيت كرهته لو ما جدي
باجر اطلع اكعد ببيتنا ما متحمل مكان ولا اثاث ولاصوره مخنوك طول الوكت
مريم : الدموع الي بعينه حسيته ميت بداخله .... جريت ايده
للفراش
تعال ارتاح ونام ... ربك قادر يشفي قلبك ويعطيك الصبر
حسيت الالم الي بي صار بيه والدموع الي حاولت اخفيها وامثل ألقوه كدامه ما تحملتها
خلى راسه على رجلي واسمع نحيبه وشهكاته الي يخفيها بأخفاء وجهه وصلت مرحله طلعت صوت ببكائي هالشي خلاه
يلتفت ويقوي نفسه .... حتى يشيل عني الالم والقهر
مسح دموعي ...
وليد: كافي مريمتي مابيه شي الله يرحمهم كلامج صح لازم نعيش للي موجودين والي فارقونا ماتجوزلهم الا الرحمه
الي دنسوي حرام لا اعتراض على حكم رب العالمين
گومي غسلي وجيبيلي الولد وينهم
مريم : يم عمتي وعذراء هسه اروح اجيب معن خالد ميقبل يريد ينام يم عمته
وليد: يله حبيبتي روحي جيبي حتى انام اريد انام تعبان حتى انت هم ترتاحين
باجر العصر ان شاء الله اطلعهم للزوراء هناك نتعشا كلنا