رواية حكايات من بيت جدي الفصل التاسع والسبعون 79 - بقلم مريم اماسي الليل

ميثم : حلو بس ليش لابسته
وسن : لابسته لان نويت اتحجب متفرح اكون بس الك
ميثم : طبعا افرح بس  لان حجيت بموضوع البارحه انت لبستي
ترى اذا هذا السبب انت غلطانه اني عندي ثقه بيج بحجاب او بدونه اذا حبيتي تلبسي فألبسي من تكون عندج قناعه انت لابسته تتقربين بي لرب العالمين مو حتى ترضيني اني راضي عنج بكل الأحوال
وسن : ابتسمت كلامه شال كل الحزن الي بقلبي .... شوف اني بالاول لبسته حتى ارضيك وبعد ما تنزعج  من احد يباوع عليه
وتبقى معصب تحملني الذنب
لان ممكن واني لابسه الحجاب ومستوره اكو رجال عينهم فارغه ما يمنعهم من النظر لا لَبْس ولا احتشام بس  ردت اسوي الي عليه حتى انت ترتاح
بس هسه اني نويت اللبسه لرب العالمين لان انطاني أطيب رجال بالدنيا وأحن رجال .... وحتى يكون الك اجر لان قنعتني قناعه تامه الحجاب لرب العباد مو لبشر
ميثم : كلش راهملج  وجهج منور بي ...مبارك عليج
تستحقين هديه  وسونه على الحجاب ولان تحملتي مني كلام مجان المفروض يطلع من لساني بس انت بت أصول بكلامج وتصرفاتج تخليني اتندم
وسن : تدري اني وكت عصبيتك ما اركز بكلامك لان اعرف وقت  العصبيه تحجي أمور تحاول تغثني بيها بس اعرف ألي بقلبك غير لذلك ورا ساعات انسى ولا اتذكر شنو حجيت ولا اشيل عليك
ميثم : الحمد لله تعرفين الي بقلبي والله كاعده بنصه ...
وسن : ماطول بيها هديه اليوم نطلع العصر حتى اشتري فستان يرهم ويا الحجاب اللبسه  باجر بحفله المهر
ميثم : ان شاء الله
سلوان : بوست البنات قبل لا اطلع للدوام .... نزلت لكيت هويده مسويه الريوك وامي فرحانه رجعت المياه لمجاريها
صباح الخير يوم
أمال: صباح النور حبيبي
سلوان كعدت اتريگ ومن خلصت .... هويده العصر نرجع للبيت
هويده:  مكدرت أجاوبه مو اتفقنا اسأل جدي
جاوبته خليها من يخلص المهر باجر .... اخاف عذوره تحتاج أساعدها
أمال: اي ماما خليكم اليوم باجر ان شاء الله روحوا لبيتكم
سلوان : قلبي لعب من نظرة الندم الي شفتها بعينها .... من اول ما كعدت حسيت بحالها نقلب عليه
كأنما حست قشمرتها وجان توددي الها لغرض .... ماعدها ثقه بيه
دتفهم تصرفاتي غلط وتفسِّرها بصوره سلبيه
شنو الحل  وياها تعبت ... خلي احاول اجاريها واشوف تاليتها
-يله براحتكم 
وصلت للدائرة ...بعدها بساعات  كاعد على المكتب مركز بشغله
سمعت طرقات على الباب رفعت راسي
هيام : صباح الخير استاذ هاي الأوراق الي طلبتها
سلوان : صباح النور ... شكرا
التفتت دتطلع .... هيام شصار وياج
هيام : والله استاذ الحمد لله   انتهى الموضوع ... جان المفروض اشكر حضرتك  بس ما صارت فرصه ... اني اترخص
سلوان : الحمد لله اي شي تحتاجي اني موجود .... اخذي راحتج
هيام : أشكرك
سلوان : من طلعت بقيت صافن على الباب سبحان الله هالانسانه
شكد نظيفه على كل الظروف الي مرت بيها حتى حبها الي ما خلاها تنسى اخلاقها وقيمها ....
(((((استرجعت ذكريات الايام الاولى من التقيتها بالدوام
ابتسمت على الفتره الي شغلت تفكيري شوفتها بثت بيه الروح
تخيلت راح تنطيني مجال احبها مثل قبل ....
بس أدبت مشاعري تجاهه وخلتني أتعود عليها كزميله
اتذكر اليوم الي جنت بمكتبهم كتبتلها بالورقه و طلبت منها نلتقي حتى نسولف
اجتني للمكتب عصبية
هيام : شوف استاذ سلوان انت رجال متزوج وعندك اطفال وهالمكان للشغل واني انسانه بعدني على ذمة رجال واخاف سمعت بي بالسجن تتوقع اني سهله وتكدر تستغلني او تأثر عليه بهالاسلوب
لا انت غلطان اخلاقي ومبادئي زادت ما نقصت والماضي نسيته وما اله اي اثر عليه حاليا وحضرتك لا تعتبر نفسك شفتني بيوم او عرفتني لان الي كدامك مو هيام القديمه غير انسانه
يعني الي يربطنا زماله وعمل  وهالشي ما ينطيك الحقد تسببلي احراج او تجيبلي حجايه كدام الموظفين بالاخص الي ويايه بالقسم اغلبهم سألوني اذا عندي سابق معرفه بحضرتك وجاوبت لا وللعلم حذروني منك اظاهر صيتك واصل
سلوان : ابتسمت هاي منو حذرج مني بله اخاف وفاء اذا هي
فگليلها ماجنتي يوميه توگفين بالممر الصبح بس حتى اصبح عليج وتالي تجيني من قسمها تسألني استاذ تحتاج شي عبالها ما فأهمها
فلا تصدگين بكل الي تسمعي
هيام : بداخلي  احجي ويا نفسي  بالفعل هي وفاء... بس الي سمعته من الموظفات يتغزلون ويمدحون بيك انطاني هالفكره
اذا اني حركة مشاعر الغيره بداخلي عليك
الله يكون بعون مرتك
اما وفاء لاتلومها اذا اني اول ما شفتك كل الماضي طلع فجأة حتى دگت قلبي تغيرت
اه يا سلوان من سوء حظي حبيت شخص مثلك مو بسهوله ينسي وتأكدت اليوم السبب مو مني ماكدرت أنساك انت بيك شي يخلي اي وحده تنجذبلك
سلوان : هيام ويايه
هيام : التفتت بأرتباك اي سلوان وياك
انتبهت ابتسم من ذكرت اسمه بالغلط  بدون استاذ حاولت اتجاهل  غلطي
اني اترخص بس حبيت انبهك ما تسببلي اي احراج بالتعامل
كلام الناس ما يرحم وانت اكيد ما ترضى تجيني حجايه
سلوان : خلص من اليوم اتعامل وياج رسمي  بس اعتبريني صديق قديم من تحتاجين شي اني موجود
بس اريد اعرف ليش هاني بالسجن وانت هسه رجعتي ويا امج ورجلها
هيام : تنهدت  هاني انسجن علي كمبيلات وديون من ورا الورق
بقى يتهزم الى ان انلزم ويا مجوعه بشقه وحده تشتغل بالدعاره وفاتحه شقتها للقمرجيه يبقون يلعبون ورق للصبح
اخذ حكم على اكثر من قضيه  
سلوان : ورجعتي كعدتي وياهم
هيام : لا ابويه انطاني شقه 
سلوان : ابوج استغربت .... اظاهر هواي أمور تغيرت بحياتج
اريد اعرف  اخبارج كل هالسنين الي مرت
هيام : سلوان لا تتوقع بيوم تكدر بهالامور تتقرب مني
اولا مستحيل أفكر برجال متزوج وأخذه من مرته وجهاله وأخرب بيت انسانه ثانيه
ثانيا : اذا صدك باقي الي معزه بقلبك  خلينا مثل ما كلت أصدقاء حتى اذا احتاجك صدك اكدر آمون عليك
بس اي تصرف او كلمه تحسسني ألي براسك غير  ساعتها حتى سلام ما بيناتنا ولا كأنه اعرفك
سلوان : اتفقنا بس هم عندي فضول اعرف شلون صار تواصل بينج وبين والدج والبقيه وين صفى بيهم الدهر
هيام : غير وكت ان شاء الله تعرف هسه اترخص عندي شغل
سلوان : براحتج  ))))
اي سلوان منو الي شاغله تفكيرك هيام لو هويده .....
صفنت على السگف وابتسمت الي شاغله فكري الهاجرتني
رفعت سماعة التلفون طلبت البيت
إجاني صوت امي سألتها هويده بعدها يمج گالت لا راحت للمختبر  
ودعتها وطلبت رقم المختبر 
إجاني صوتها الو
الو يا شاغله بالي ترى مشتاق وحتى ما الي واهس للدوام اريده يخلص حتى ارجعلكم
هويده : هلو سلوان  فد شويه ارجع اتصل عليك بس اكمل الشغل الي بأيدي
سلوان : ليش الشغل عندج اهم مني
هويده : سلوان من ترجع للبيت نكعد نحجي ونقرر وكل واحد يخلي شروطه
سلوان : ماشي هويده  خليت السماعه أعصابي فايره
وصلت مرحله بعد. ماعندي استعداد أتنازل اكثر وين ما توصل خلي توصل