رواية حكايتي مع النصيب الفصل الخامس والعشرون 25 - بقلم نور الشمس

خابرت علاء يجينه وحاچيت ضياء بلغته وبلغت  عمامي وقررنه ناخذ ناس خيرين
الهم الي عرفته اهل البنيه بالأنبار  بس بيت اخوها ابغداد وهيه تدرس عند اخوها
عمامي گالوو بالبدايه نروح الأخوها واذا ماقبل او طلب منه نروح الأبوها وعمامها نروحلهم بس نجرب اخوها اول حته نعرف مايهم شني ينطون لا بيهم مجال لو قافلين

بهذا الوكت صفاء گاعد على نار وامي السانها يشجع صفاء ويباركله بس اعرف گلبها مو مرتاح ويمكن الي مخوفها روحتنه
بس من عرفت نروح البغداد شويه ارتاحت

قررنه نروح بعد يومين ونفض موضوع صفاء

بهذا اليوم ماطلعت للشغل بقيت بالبيت
وياسمين بايعه ثگل وزعلانه من موقف البارحه
رغم زعلها مو بمحله لأن ماشافت مني شي يخليها تضوج بس جنت فرحان لأن مهتمه الي وبس
وامي كل شويه تلمحلي اخر شي صاحتني على جهه وگالت هاي الملحه والله اذا عرفت عدها تواصل وياك اگلب امة لا اله الا الله عليها وعليك 

ضحكت عرفت ياسمين موصله الها شي ولو انه اعرف امي تنتبه على كلشي بس هم ماتهتم اذا مو احد شاكيلها
گتلها ماالي علاقه بيها لا من قريب ولا من بعيد وانه مو طفل وتهدديني بعدين فهمي جنتج تشيلها من راسها حاجيتها ومايفيد

..ياچنه تقصد مرتك البعدهي بنيه لو ذيج الحاطه عينها عليك وهيه ليلها بحظن رجلها وبالنهار عينها منك وهم تريد تصير جنه الي
جا هيه امك من زمان محظوظه وبختها گاعد وين المابي فايده حظي يلفيه

..يمه عوفچ من ياسمين بعدين هذا بيني وبينها
وهدى صفحه وانطوت يطبها طوب انه مايهمني اذا هيه ابالها شي بعدين خافو الله ولاتحچون بعرض العالم البنيه الهسه ماسوت شي يثبت الي تگولينه والي ياسمين متخوفه منه انه چنت صابر عليها عبالي عاقله وتعرف توزن الأمور وماوضحتلها احذت الموضوع شقى
ومااريد بعد هذا الموضوع ينفتح

..زين اذا تدور اثباتات خوش والله حقاني الله يسلمك تدري اليوم رحت احاجيها تفك منك واتعوفك بحالك

..صحت لا اله الا الله انتوو گوه تردون ترتكبون عليه وعليها ماسوت شي البنيه عوفكم منها عيب هالحجي لايسعمون اهلها عيالها تردن تبلني انتن
هيه طفله وعروس جديده وخايفه انتي شبيج يمه ماتعرفيني

..اعرفك بس مااعرف سوالفهن هسه انت گلبت الدنيا وماخليتني اكمل تدري من رحت اسأل عليها طببتني عمتها وشكت گالت مرتين تحبل وتسقط طفلها متعمده ورجلها جان يشكي ومامصدكينه نكول هوه سوالفه طايح حظها بس طلع كلشي صدگ
البارحه تعاركت وياه وبالحچي گالتله طلگني ..هسه اطلگني اريد ارتاح تعبت حته اطفال منك مااريد سقطت اثنين ومستعده كل مايصير حمل اسقطه
ياام علاء هوه سمع هيج واتخبل وصلها الموت ووداها بيده البيت اهلها وهسه راسه والف سيف يطلگ
صفنت على امي وانه مااعرف شگول الساني انربط
گالت ها هسه هم تگول ماكو شي يثبت وين جانت مااطلگت گبل وليش بعد عرسك رادت طلاك

..يطبها مرض مالي علاقه تطلك تروح النار جهنم مالي علاقه بيها ليش تحسسيني انه السبب بخراب بيتها ليش احس وره كلامج ونظراتج اكو اتهام الي

..لأن هذا الصدگ بعدهي متأملتك لو گاطع املها جا مگدرت تفرط ابيت وضنا

..عفت امي تحچي وگمت ماردت اخذ وانطي بالكلام لأن امي من تخلي شغله ابالها بعد مستحيل احد يقنعها ويگلها فكرتچ غلط كلت اكوم احسن
صعدت الغرفتي ضايج حيل
شفتها جانت ترتب ملابسها بالكنتور ماحچيت شي
بس ضايج منها لأن هيه مسولفه الامي چنت اتمنى يبقى كلشي بيني وبينها گلت من اهدأ اوصيها
تمددت وخليت المخده على راسي

حاچتني
.بهاء تريد اسويلك جاي

..مااريد زقنبوت

..شبيك ليش ضايج

..صحت مابيه ولو انتي تعرفين كلشي.. شني معناها من تشكين الأمي بعدين موضوعنه گايلج بيني وبينج ماخايف من احد انه علمودج جاي اداري بالتالي انتي شسويتي رحتي الأمي كلشي حچيتي
رفعت المخده وگعدت ياسمين خلي ابالج مااحب احد يدخل بيه نهائيا هذا طبعي زين مو زين اتحملي
مااحب اعرض شغلات تخصني لا الأمي ولا الغيرها خصوصياتنه بيني وبينچ بس ..سمعتي لو اعيد

..اشرتله براسي وانه اول مره اشوفه هيج ضايج وعصبي كلش

..گتله زعلان مني

..ضايج منچ هواي تعرفين انه شنو... السويتي ماله داعي وكتلج هيه واذا ميه مثلها مايأثرن بيه
بعدين غيرتچ مالها داعي ماجاي اشوفج مهتمه الي حته تغارين الغيره للي يحب وماجاي اشوف الحب بعيونج يعني لاتهتمين لا الهدى ولا الغيرها

..كملت ترتيب الملابس واني ضايجه منه وعليه بس اني السبب كلامه صح المفروض كلشي بيني وبينه بس هيه عمتي جرجرتني بالكلام اني عبالي هوه حاچيلها بعدين گالت جنت شاكه لو ادري بيها بس شك چان كدرت انكر

سكتت ماحچيت شي هوه نام صار العصر طلع
سويت العشه وحظرته وگعدوو كلهم يتعشون وهوه ماجاي هاي مو عوايده بس لابعده ضايج
وصفاء خابص البيت يشاقه ويضحك الي فهمته البنيه محاجيه امها عن مذهبه والمحافظه الهوه بيها الأم كايله الها اذا انتي رايدته ترحين وين ميكون بس تتحملين نتيجة اختيارج ومدام اخوج موجود ابوج يقتنع واخوج ميمهمه المسميات ابد عنده اهم شي يكون الشخص مناسب
بس يبقه الخوف من عمامج وهمه هم ماالهم كلمه على ابوج
صفاء جان يحجيلنه وهوه فرحان حيل ورجع شقاه وصوته مله البيت
اني هم اتعجبت على ردة فعل اهلها يمكن احنه جنه متخوفين زياده ع اللزوم
من سألته گال امها كرديه وابوها ضابط بالجيش قبل.. وتزوجو عن حب لهذا تشوف البنت الي تحب الأفضل اهلها ينطوها اذا الشخص مناسب بس هيه تتحمل نتيجة اختيارها بوكتها ضحكت گتله حته بهاي انت تختلف

..ليش ولج شبيه

..جهالك من الجنوب وخوالهم غربيه وخال الخال اكراد وعدنه مثل يگول ثلثين الولد ع الخال
وخال الخال يرث الولد ..يعني الولد ياخذ طباع من خال خاله مو بس من خاله

..فدوه الخوالهم خل يجون همه ..
بعدين كعدتج وي امج اقل من الشهر خوش نتيجه جابت صايره تلميذه مطيعه وحافظه دروسها هاي سوالف امي مال منها مو تبيعيهن عليه حافظهن
خلي رجلج يجي وسولفيهن يمه ههههههه

..ضحكت هاي شبيك غير فرحانه الك وجاي افكر بجهالك صوجي

..يابه مودي عليچ تفكرين من هسه منيتي عليهم
فكري برجلج وين طلع من يمته الهسه ماكوو مايسويها بهاء شبسرعه مللتي وصار يدور فلتات
متوقع هالشي انه بس عبالي خمس اسنين سته يلله يبدي يمل

..جان يشاقه بس حجايته مستني كتله اكوم احسن اروح يم عمتي

..ضحك هوه هذا احد الأسباب الي تخلي بهاء يشرد ام علاء وحده ماحاملها انوب ام علاءوتلميذه الله يساعده

..مارديت عليه رغم اعرف كلامه شقه
رحت يم عمتي وگعدت گالت لاتصفنين بوجهي يالفاهيه وين تنطين وجهج ولج ماعندج غيره كسبي هوه يحبج ليش تبردين حبه الج داري وعينج عليه تدرين بالملحه راح تتطلك وطلاكها علموده ظلي مكابلتني وگاعده وضحكج وشقاج ويانه ومن يجي تگلبين شكلج وتسكتين خلي فارغ الها لمن تاخذه وتاليتج لو راسج براسي لو ترجعين المرت ابوج

نزلت دموعي شافتني گالت تعاي يمي غيرت نبرة صوتها وحسيت بحنيتها حنية الام الفاقدتها
گالت انه مااقسي عليج ولاتصورين مااحبج وهمي بس على ابني يمه والله الخاطرج جاي اعلمج
المره مالها غير رجلها
خل احاجيج عني
چنت مدلله عند اهلي انه واخت وحده ام علي وانه الجبيره عزيزة ابوي اكبر من اختي بس ازغر من اخواني الأكبر مني بس المرحوم ابو حسين ازغر مني
جنت زايمه بأخوتي ودلال اهلي والدنيا حاليتلي
مو مااحب ابو علاء احبه واحترمه بس بيني وبين نفسي جنت مااهتم الكلشي اكول شيصير عندي اهلي واخواني مات ابوي كبل المرحوم ابو علاء الله يرحمهم اثنينهم
وظليت مدللة اخواني
تالي من توفه ابو علاء وظليت محتاره بلگمة جهالي
ماعافوني همه بس اكو بحياتهم الأولى مني من هذاك اليوم تندمت بكد شعر راسي على كل لحظه جنت احس بيها وياه اكو من يتحملني ويدللني اكثر منه رغم ماجنت مقصره بحقه بس جنت اتصور اهلي يحبوني اكثر
بعدها عرفت كلشي من ظليت وحيده جنت شابه مدلله لا اعرف اشد گلوب ولا اعرف اصلح حنفيه تنكسر وولدي مثلي مدللين اعتمادنه كلنه عليه
شفت روحي ضايعه ايام واودي على اخواني الحد ماملوو مني عرفت محد يدوم الاحد والاخوو للشده والرجال بالشده والرخا والحلوه والمره
من هذاك اليوم اعتمدت على روحي وصرت اقارن حياتي وياه وبعده اتمنيت يرجع يوم  واحد واكله محد مثلك الي
رباط سالفتي يايمه رجلج ديري بالج عليه محد غيره يفيدج
ادري بيج حيدر جنتي تحبينه بس يايمه راح الرحمته والحي اولى من المييت
لاتشلعين كلبي عليه من دون اخوانه ماشاف راحه
حته انه اقسي وياه بس اقسي المصلحته وهوه مايفهمني هوه طبعه يختلف عن اخوانه كلهم يدورون حلول ويتناقشون وياه وبينهم بس هوه قراره من راسه ومايشارك احد بهمومه
ديري بالج عليه وكسبي
هزيت راسي الها وكمت كلامها دخل گلبي وعقلي
صدك انه منو الي اذا هيه عدها اخوان وتشوفهم مو مثل رجلها انه شگول وهوه مو رجل عادي هوه صديق الي واقرب الي من اي شخص
رحت بدون وعي وحظرت نفسي
ومويت هالمره ارضي واسلمه نفسي وان شاءالله فتره واسلمه گلبي الهسه مو متأكده من مشاعري احبه لو غرت عليه لأن صار الي وبس

بدلت واتمكيجت وانتظرته
تأخر
بقيت انتظره
دخل وبيده جكارته الي ماتفارك ايده خاصتا من يضوج

شافني ماحسيته تفاجأ او فرح اخذ ملابسه وراح يسبح ضجت او خجلت من روحي شويه وسمعت باب السطح انفتح طلعت بهدوء اشوف منوو شفت بس ضوه الجكاره مبيين رجعت الغرفتي 
طفيت الضوه واتضاهرت بالنوم
وره ساعه
حسيت الباب انفتح گلبي زادت دگاته عبالك يعرفني گاعده خجلت من موقفي حسيته كاشفني
انرفع الغط وارتكه على ايده صار ظهري اله دنگ على شعري شمه بقوه
كتمت انافسي مااريده سحس عليه
گال بنبره هادئه

..مو انه الي ترضي بجسمچ اذا مو كلج مااريدچ
لو املكچ لو املگج مااريد جزء منچ انه اريدچ كلچ

بقيت مسويه نفسي نايمه بس حسيته يعرف بيه گاعده

دارني عليه
نزلت دموعي مااعرف من كلامه لو من نفسي الي ماجاي تتحرر وتشوفه هوه الاولى

مسح دموعي بطرف ايده اريد منچ وعد

..زاد بجيي وزاد صوته حنيه

..وعديني ياسه

..اشرتله براسي
گال گولي وعد

..كوه طلعت الكلمه من بين شهگاتي گتله وعد

..وعديني ماتسلمين روحچ الي وبالچ وي غيري

..بجيت من حسيته يعرف باحساسي شل ن متحمل كل هذا
كمل كلامه گال
..وعديني مااكون شخص ثانوي بالنسبه الچ
واذا على الغيره لاتخافين هدى ماتهمني ولاتحرك بيه شعره امني من ناحيتي مااريد تتحركين بدافع غيره تبس ولا بدافع نصيحه اريد مثل مااشوفچ تشوفيني اريد تعرفين اسباب الغيره حب لو تملك

وهسه نامي ارتاحي انه مااصير الغيرج واريدج انتي الي وبس عقلچ وياي وگلبج الي مستعد اصبر عشر اسنين ولا اتقربلچ مره وانتي ابالج غيري ويمكن تمنينه هوه مو انه صعب عليه اتحمل
كلشي يهون الا هاي

مانطقت بحرف لفلفت نفسي ونمت وهوه هم مااعرف شوكت نام
ثاني يوك تحضروو للمشيه واخذوو هواي عالم وياهم
صفاء منين يريد يطلع جان يحاجيها ويبلغها همه طالعين
گالتله ماخذين جاها
جاوبها شلون عجل
ضحكنه كلنه عليه
من خلال كلامه عرفنه اسأله ع الضحك
كلها لاتهتمين اروح فظوه للعجل واهل العجل
بيومها
ماخليت عيني بعينه بس جنت قلقه عليه ومشتاقتله
قبل لايطلع
طلعو والطريق كله ندعيلهم الله ييسر الهم ويفرح صفاء
الحد العصر احنه گاعدين على نار
من خابرنه بهاء صوته يبشر بخير بس مايحجي بالتفاصيل
عمتي گالت اخابر علاء احسن
يفهمنه كلشي
وصدگ علاء كال الولد متفهم بس طلب نخطبها من ابوها اليوم رايحين نبات يم ضياء وباجر نطلع للانبار والولد انطه علم الأهله گال اطلبونها من ابوي ونسال عليكم وع الولد ونرد خبر بس اخوها مريح وولد مثقف وكال ابد ماتهمنه المسميات ارتاحو من هالجانب
وهوه باجر يروح ويانه ويبلغ عمامه
الضاهر غنده علم من امه احنه جايين الهم
عمتي فرحت وشويه جرينه نفس

ثاني يوم خلصناه قلق بقلق
الي عرفناه عدهم عم واحد معارض بس الابو كايلهم نسأل ونرد الكم
بس الولد من خابرناهم گالوو مامتوقعين هيج استقبال الناس احتاروو شيسوون وموقفهم كلش حلووو
من نرجع نحجيلكم
صفاء خابرته عمتي جان بعده متوتر ومافهمت منه شي بس كلها ادعي الله يسهل

من وصلو البغداد احنه ارتاحينه وعرفنه اخوها وياهم حته من راجعين البغداد راجع وياهم وماخذ ارقام الولد

بيومها اجونه بالليل
تعبانين ماحجوو شي
بس بهاء كلها اذا صاؤت القسمه صدگ الله يحب صفاء بهيج نسابه ناس اكرام والنعم منهم يقدرون الضيف
حضرتله الحمام وصعد يسبح
اني هم بدلت واتحضرت
طلع للسطح
كلت اقوي گلبي والحگه مااريد ابقه اراوح بمكاني لازم اتقدم خطوه
لبست روب ولحگته
بدون ماانطق حرف بسته وي بوستي دار وجهه عليه وصارت بين حلكه وخده رجعت بسرعه الغرفتي واني راجعه جرني من ايدي وحظني بقوه
همس باذني
بعدني اطالبج بالوعد گولي اي لو لا
جاوبته اي
بكل حنيه بادلني وهمسلي روحي للغرفه اسد الباب واجيج
اخذني الغير عالم وغير دنيا
نهض من السرير باس رلسي ودخل يسبح
لحظات وذاكرتي رجعت بيه بدت دموعي تنزل بدون وعي اريد اسيطر عليهن قبل لايطلع ويشوفني ماكدرت حسيت دموعي تعاندني وتنزل غصب عني
من طلع وشافني باوعلي وسكت ماحچه شي
تنهد بقوه وطلع

انتظرته ساعه ساعتين مارجع
مااعرف شوكت نمت كعدت لكيته ماموجود
حزت بنفسي مااعرف اني الغلط لو هوه
هوه
بساعتها صدگ رايدته رايده زواجنه يتم وحته من بجيت ماجنت متندمه ابد بس ذاكؤتي خانتني وحسيت روحي مجبوره تتذكر كلشي
مااعرف شلون اتصرف ولا شلون ارضيه
اصعب موقف من محتاجه اشكي الاحد وماعندي
خابرت نورس ترجيتها باقرب فرصه تجي مشتاقتلها
گالت مااكدر عندي هواي دراسه بس ع العطله اجيكم
ماشكيت الها استحيت
بقيت محتاره
اجه بالليل نزل جنطه من الكنتور وطلع ملابسه وبده يرتب ويخلي بالجنطه
حاجيته

..بهاء

..عيونه انتي کولي محتاجه شي

..محتاجتك انت ..سكت ماجاوبني شويه وگال وعدج ماوفيتي وياي ليش

..والله مو هيج

..لاتحلفين انتي بعدج ماتعرفين شتردين اروح اشتغل بغير محافظه احسن الي والج بهذا الوكت فكري انتي على وعدج لو لا الهسه مااحسچ صادقه بمشاعرج وياي
وانه مااتحمل والله مااتحمل يمكن انتي حقج بس انه هم حقي
نبتعد احسن فره مو هواي ابتسم مو عبالج مليتچ لا والله بس اريدج تفكرين وانتي مرتاحه
المشكله لو غريب يمكن اگول اهون بس الي ابالج بكلبي وروحي وصعب يكون بينه انه هيج هم مااكدر دمعت عيونه مسحها بطرف ايده يمكن تلوميني وتكولين صوجك صح صوجي حبيتج بس مو بيدي حبيتج وانتي حلم صاحبي بس مجبور فجأه لكيت روحي هايمه بيج ماكدرت اتراجع ولا اكو عقل عندي يفكر
وهسه وباجر احبج وراح احبج اكثر بس مااريد يصير بينه انه بهيج حاله اشوفه بيج ومااكدر اتقدم خطوه وياج
مسح دموعه وگال
ديري بالج على روحچ وةصيت امي تاخذج توديج اله تزورين بلكي هالمره تقتنعين هوه مااله رجعه
دار وحهه وطلع وانه ابجي ودي الزم رجليه ابوس اديه بس بقيت بمكاني احس روحي مشلوله
بطلعته عرفت اني حبيته وتعوظت عليه وحبه بكلبي هواي من طلع احس روحي طلعت وياه
اخذت التليفون واتصلت بي
رن رنه رنتين ماجاوب
نزلت العمتي حسيت بنظراتها الي تلومني
صعدت الغرفتي وعدت ذاكرتي وياه من اول ماخابرته حته ينقذني

يتبع ...

طبعا لو نويت انزل بارت من وقت مااعرف ليش كلشي يعاندني
البارت بدون مراجعه وتدقيق