رواية حكايتي مع النصيب الفصل السادس والعشرون 26 - بقلم نور الشمس

تشابگنه ودفه كلـشي
صفن و يـباوع برمشي
ضحك من كتله ها نـمشي ؟
غمزلي وگالي شـويه

              __________________

رجعت بيه ذاكرتي الذاك اليوم الي خابرته ينقذني
ومن هذا اليوم صرت الجأ اله بكلشي من ابوي من مرت ابوي من نفسي ومخاوفي چنت اشكيله همي وشنو احساسي يسمعني للنهايه بدون ملل مرات اني احس نفسي ممله يوميه احجيله نفس المتاعب الي تواجهني ويوميه ينطيني حلول
مو صوجه هوه صوجي اني اني الخليته يتعلق بيه
تذكرت من رفضته وگلي انتي الي خليتيني احبج انتي الي حسستيني اني مهم بالنسبه الج ايام وانه فكري بس وياج احاول اساعدج واخلصج
صح انه حبيتج بس انتي الساعدتيني بدون شعور
رجعت اتذكر من جان يشكيلي من هدى يگلي انه ماحبيتها بالعكس عاديه كلش بالنسبه الي بس هيه علقتني بيها
فكرت يعني احنه الأثنين خليناه يتعلق بينه واثنينه اذيناه كل وحده منا بطريقتها الخاصه اذته

بس اني ليش مقهوره هسه احس كاعده بمكان مهجور وماكو احد يمي
معقوله هوه كلشي الي واني مو حاسه
رجعت اتصل وميرد وره شويه اتصلت مشغول
نزلت جوه وعيوني وارمه مبيين عليه جنت ابچي
سمعت صوت صفاء بالأستقبال بس جان يحچي وي احد بتليفونه اتراجعت واني افكر يحجي وي خطيبته سمعت گال بهاء ليظل بالك كلنه يمها انت دير بالك على نفسك نزلت دمعه من عيني مسحتها ومااريد انطي مجال لدموعي تنزل
ظليت بمكاني اسمع

..أنت لو بس تگلي شبيك وشنو الخلاك تروح بهالليل
بس لا سمعت بهدى وبعدك تضوج عليها

من سمعته هيج حجه ضجت افتهمت من بهاء سأل عليها لأن صفاء جاوبه گله شنو انت ماتدري بيها
عوفك بعدين اگلك اني ارتاح هسه انت وخابر ضياء گله جايكم حته ينتظرونك اكيد توصلهم متأخر
سكت وكأنه يستمع البهاء
گله صار امر العمي ميخالف والله ماانساهم.. لا تدلل انت وياهم.. ميخالف علاج ومسواك سهله باجر اروح
افتهمته وصاه على بيت عمي
تذكرت اني ناسيه حته بيت عمي بهاي الفتره
معقوله نساني كلشي هوه بس هوه شعليه اني الخلل بيه ليش مانساهم هوه
ليش سافر وبهاي حالته وباله يمهم
صعدت الغرفتي واحس الغرفه تخنگني
شفت شاشة الجهاز تنبه عن قدوم رساله
فتحتها

..حبيبه ليظل بالج صديقج بخير بس انه بالطريق
هسه وماگدرت احاجيج يمي ولد
من اوصل انطيچ خبر ديري بالچ على نفسج
وانطي الصفاء فلوس عازلهن بالكنتور تلگيهن بصندوگ  انطي المبلغ الي يريد وانتي شتحتاجين هنه يمج

رديتله

..بهاء توصل بالسلامه من هسه اشتاقيت الك ابد ماچنت اتمنى تعوفني بهيچ يوم ولاچنت اتمنى احسسك بشي بس انت افتهمتني غلط صح كلشي اختلف عليه ودموعي نزلت بس مو معناها ابالي غيرك لا والله البارحه وياك اني وواعيه الكلشي صار بينه واعرف انت ملكتني المفروض اليوم صباحيتي واصلا اليوم اني عروس ليش ضيعنه فرحتنه

..ارتاحي هسه نامي ولاتفكرين بشي انطي النفسج مجال وفكري واهم شي روحي زوري وصيت امي تاخذج مو ترفضين روحي زوري واشكي كل البيج يمه وشوفي نفسج تبقين على ذكراه لو تكملين وياي
بس كون ماتحسسيني انتي مجبوره او تمنيتي الصار بينه مو انه تمنيتي هوه صعب عليه اتحمل هاي ثاني مره اگلچ
اني ماجبرتج بالعكس جنت مستعد اصبر سنين مو اشهر
ارتاحي وفكري زين وجوابج هالمره مااخذه من السانج لأن السانچ غشني

..مو متقصده والله وماغشيتك صدگني بالعكس اني احبك صدگ

..الحب مواقف ياسمين وافعال تثبت الأقوال
بعدين حته لو ماتحبيني عادي المهم تتقبليني بس بعد الي صار عرفت انتي مو متقبلتني اصلا

قريت كلامه مارديت
ظليت اعيد بذاكرتي من رحتله اني رحت لأن رايدته زوج الي ماردت ابقى اراوح بنفس المكان
ردت اتغلب على خوفي ردت اعرف مشاعري وياه شنو
تذكرت سبقته للغرفه وگلبي تزيد دگاته
فتح الباب مبتسم
..ياستي اليوم منتظرتني
تقرب عليه دنگت راسي رفع راسي بيده وسألني متأكده حبيبتي لاتسوين شي بدافع الغيره اني الچ وحدچ بالمقابل رايدج الي وحدي مااريد بس انتي اريد عقلج وروحج وكل احساسج وياي

..الساني انعقد ماگدرت اعبر شي بالكلام غمضت عيني وكأني اتحاشه نظراته لفيت اديني علي وحظنته بقوه
ضعت بين ذراعه وصدره العريض لف عليه ايد وحده والثانيه رفع بيها شعري ودفن راسه بين الرقبه والكتف
شمني بقوه وهمس متأكده رايدتني هزيت راسي بدون ماانطق حرف رفع راسي بأيده فتحي عينچ
مافتحت عيوني رجع اخذني الحظنه وباسني قريب الأذني همس بصوت هادئ بس انفاسه مو منتظمه انه منوو
بلعت ريگي وجاوبته بهاء
حسيته فرح حصل على الجواب الي يريد
اخذني العالمه الوردي بكد ماجنت خايفه ومتوتره من هذا اليوم حسيت براحه واني بين اديه
نهض من مكانه وباسني براسي مبروك ياستي
هاي الكلمه رجعتني للماضي يمكن لأن چانت احلامي قبل مو وياه وي غيره وصحيت ولگيته هوه الحقيقه والباقي احلام دموعي تنزل واني فرحانه بي بس هوه شاف دموعي وماشاف الفرحه البيه
شكد حاولت اغطي على دموعي وافرحه بس الي صار صار
رجعت من ذاكرتي باوعت للساعه اتأخر الوكت
هوه متقصد يقلقني عليه
اتصلت عليه رن
رنه رنتين ماجاوب بده الخوف يتسلل الروحي
وبدت مخاوفي تكبر
مااريد اجرب هذا الاحساس الي صارلي كافي يارب مو گد امتحانك اني الا بهاء
رجعت اتصل اشوف اديه ترجف
وگلبي يرجف اكثر
اتصلت من جديد رن رنتين جاوب

..الوو

..لچ هلوو عيني عيني شوف الحب شيسوي گاعده الهسه منتظره بعلك يطمنك بوصوله

..ابتسمت هذا صوت نورس .تنفست بقوه عابتلج اي والله لچ خرعتيني

..شوف هاي منوو الخرعج والله ياربي كل هالصوت الحلوو معاجبج الا صوت بهاء يلله متخترعين بعدين فضل مني ورديت گلت خاف تقلق الي يسوي زين بهالوكت مو خوش گولت امي هههه

..ضحكت شلونج نورس مشتاقتلج هواي

..متأكده الي مشتاقه بعدين شبي صوتج بربج جنتي تبجين موو ام دميعه

..لا بس منشوله ..اگلج بهاء وين

..بهاء فات يسبح وضياء استلمه وهوه استلم لمياء من الباب حشش عليهم لمن مل الحمدلله بس اني محد يكدر يجيب سيرتي هددتهم اطردهم من عيادتي بعد شكم سنه

..هههههههه هيه وينها عيادتج

..يجي يوم وافتحها وعود هم تجين واطردج وقبلها اذكرج ..اكلج مو جنج طولتي ورجلج هذا طلع بس يگول تعبان بعدين احجي وياها

..اختفت ابتسامتي وجاوبتها براحته
يلله نونه بعدين احاچيج

..حبيبتي ياسه بكل وكت يعجبج اني موجوده
سديت التليفون وباوعت البهاء
ليش ماتحاچيها خطيه

..مااريد اتعذب اكثر مو هواي ابتعد ع الأقل بس هاليومين اريد انسى

..اگدر افهم شنو سالفتكم انت تريدها وهيه مبينه ملهوفه عليك شكوو ليش انتو مبتعدين وارواحكم متقاربه

..مااكدر اشرحلج بالضبط بس اني انطيتها فرصه تفكر بيها براحتها وبعدها هيه تقرر اني احبها ويمكن ازيد من قبل مو يمكن اكيد ولأن احبها والي صار خلاني اعشقها مو بس احبها مااريد اهيج مواجعي بصوتها اجيت اريد ارتاح اريد ابتعد عنها

..عرفت صاير بينهم شي مايحب يحچي ..گتله يعني جاي للراحه مو للشغل

..ابتسمتلها انتوو عدكم الراحه اگعد من شغلي بالعكس راحتي بشغلي انه بس اريد نفسيتي ترتاح والصراحه مشتاقلكم هواي

..امي تدري بيك يمنه

..ذكرتيني لا ماتدري بس شافتني من طلعت ماحجت شي وحته من سلمت ردت السلام ودعتلي بدون ماتسألني انه خايف لا تروح تشد وي ياسمين

..ضحكت معناها ياسمين الها ايد بجيتك هنا

..لا اني علمودها اجيت

..يلله ارتاح لمياء فرشتلك وضياء مطفي ويريد يشوفك شعجب جاي اعتقه الوجه الله احجيله وخلي ينام وراه دوام

..ههههه عائله كاتلكم الفضول شكو بيها من اجي اخوكم ومشتاق الكم لو الا اكو شي

..هههههههه صدگ عود ليش احنه هيج فكرنه اني مانمت وعندي دوام بس حته اشوف شعجب جاي بس اني فهمت انت تريد تشوف معزتك عد ذولاك الناس

..قابل اعتباط طلعتي طبيه ذكيه مو بيدج هههه

..اذا هيج نتراهن اني وياك

..على شنوو

..ماتتحمل اسبوع وتروح الها قبل

..مستعد ابقه شهر اتلوع شكم يوم وارتاحلي دهر ادري بيها تحبني بس كلشي صار بسرعه بالنسبه الها يعني هيه هم حقها مالومها انه

..والله وگمت تتعذر الها شبسرعه

..ضربتها على راسها خفيف ..مو اعذار هذا الصحيح

طلعت اشوف ضياء حجينه شويه وراحوو نامو
فتحت الجگاره دخنت وي كل نفس اجره لتذكر احلى لحظات وياها چنت ناوي نحتفل انه وياها بطريقتنه دموعها خربت كلشي
ذكرتني بحيدر بوصيته من يوصيني عليها
تذكرت من يحچيلي عنها
طلعت ماردت ابقه يمها احسن الها والي
مرن تلث ايام وانه ابيت ضياء احاجي امي واسمع صوتها يمها تحچي وياهم احس صوتها موسيقى تهدئ اعصابي وحته للشغل مالي واهس اطلع ادور شغل رغم انه ماارتاح الا بشغلي بهاي الفتره
اخابر صفاء اوصي
ثالث يوم خابرني صفاء اهل خطيبته مرجعين خبر العلاء بالموافقه
وهيه وامها يجن البيت اخوها ولازم امي وخالتي والبنات يرحن يتفقون ويعقدون
ضياء جان مجمع مبلغ گال انطي الصفاء وانه مسوي سلفه مبلغ جبير استلمها هذا الشهر چنت ناوي اشتري بيها سياره بس صفاء وعرسه اولى
واحنه كلنه كلناله اخطي ولاتفكر بشي
والي عرفته علاء گايل اله مني خمس ملايين
خابرت صفاء افهم گال بعد اسبوع يجن او اكثر
لأن ظل بالي اذا اجت امي وصفاء معناها تبقى وحدها او اضطر اروح انه يمها
انه ردتها هيه تفتقدني او انطيها مجال اكثر
هيه ماخابرتني من اول يوم اجيت بي ومارديت بعد مااتصلت
وانه هم من بعيد اعرف اخبارها
تليفوني رن
شفته صفاء
استغربت هسه خابرني وفهمني شكو متصل
جاوبته

..الووو

..هلا صفاء خو ماكو شي

..ماكو يمعود هاي ياسمين تريدك سمعته ينطيها وترفض ضحكك كالها ورطتيني انتي

..شبيك صفاء شبيها ياسمين شنو تريدك شنو تگلك مااريد

..يمعود حيلة نسوان هاي على كولت امي مكرهن يامكرهن كلت راسي حته اتصل بيك شو جاوبت وگامت تتعزز ههههههه

..تنهدت حسيتها لعبت بأعصابي وضجت من تصرفها مااريد الكل ينتبه..شتريد هيه يعني اسده هسه
لا اوگف تگول عادي اروح البيت عمي اريد انضف الهم واخبزلهم وتعدل البيت وتجي

..انطينياها يمك هيه سمعته کلها هاج حاجي انه طالع من تخلصين جيبيلي تليفوني

حاجيتها
..گولي ياسمين شرايده

..شلونك بهاء

..الحمدلله بخير اذا انتي بخير وبعد ماسمعت صوتچ كلش زين انه
..ليش ماتتصل بيه تحاچي الي بالبيت كلهم وانه لا حته حسين تخابره وتسأل عليه وعلى دوامه وانه لا ليش مو صديقتك اني

..لأن صديقتي ردتج تفكرين على راحتج مااريد أئثر عليج ..گولي ياسه شرايده انتي ومنو ترحين ياهو يوصلج

..من هدئت نبرة صوته وصارت بيها رجفه نفس الرجفه الي اسمعها بصوته من يكون مشتاقلي فرحت بداخلي وجاوبته
ماادري منو يوصلني بس من زمان مارايحه الهم واريد اسوي حمله البيتهم واخبزلهم واطبخ واجي

..روحي عادي بس حسين يوصلج واذا تردين باتي يمهم براحتچ يجوز هناك ترتاحين اكثر اذا ترتاحين ابقي وامي انه افهمها

..عرفته يلمح الشي وسويت نفسي مافهمت گتله خوش اشوف
گال انطيني حسين اوصي لو عوفي انه اخابره

سلمت وسديت التليفون ورحت انطيته الصفاء الي منتظرني حته يروح للمحل..واني هم  اجهز روحي حته اروح العمامي الي ماتصورت اتأخر عليهم هالگد حته انه نسيتهم بس اريد اعرف گلب بهاء شنو نوعه الي مخلي الكل شخص مكان بگلبه ويفكر بي ويهتم اله شويه واجه حسين كال خابرني باهي يگول اوصلج وكال خل ياسمين تشوف نواقصهم شني حته اشتريهن

رحنه انه وياه ودخلنه رغم چانت الضحى بس لگيت عمتي متمدده وعمي جان منشول وماله خلگ
ذاك بيتهم الي چان صوت الضحك بي اسمعه من اول ماادخل صار بيت مهجور
اول دخلتي قبط گلبي واتذكرت المرحوم ومكانه الي يگعد بي
سلمت عليهم فرحو بجيتي حسين بقه يمهم وانه كمت اشوف شغلي
اجيت للمنظفات مالگيت شي بس تايت وصابون
دزيت على سائل الغسل المواعين ودزيت على معطرات ومنظفات ارضيه وجام وعلى فرچ خاصه للسقوف
بيتهم عبالك مهجور بانيه عليه بيوت العنكبوت  تذكرت انه حته من چنت اجيهم اكعد مثلهم ونبجي نتقوقع بألامنه وناسين نفسنه والمكان النگعد بي حته من انظفه انظفه هيج بدون واهس يمكن هسه يلله انتبهت الباقي التفاصيل
جردت كلشي احتاجه زائد المسواگ احتاجيت بس مخضر مجمدتهم بيها لحم وسمك گالت عمتي صفاء قبل يومين جايهم بهاء موصي يشوف شنحتاج وكتله مارايدين شي بس هوه الله يسلمه جابهن وساعدني ورتبناهن انه وياه ياعمه انه تعبانه مو مثل گبل راح ذاك الحيل
ضجت عليها وهيه جانت ماتعرف الكعده شني
تحب تفتر بالبيت وتريده دوم يلمع

خليت لحم ع النار وطلعت باميا اخذتها عمتي تقلمها وهيه كاعده عصرت الطماطه بالأيد صفيتها وغطيتها على جها انتظرت اللحم يحمس ورجعت الم بالبيت
كملت الطبخ واجه حسين انطاني المنظفات وراح وانه هم بديت بالصحيات وطلعت للمطبخ غسل جام وسيراميك وارضيه
بديت اشتغل وگلبي يسولف وذاكرتي تعيد بيه بس كل شويه الگي روحي بدون مااشعر افكر ابهاء وشنو قصده انتي هناك ترتاحين اكثر بس انه ماارتاحيت الا بوجوده رغم اكو حواجز بينه بس مرتاحه

ماحسيت ع الوقت ولا على نفسي لكيت روحي مخلصه كلشي وجاي اغسل الطرمه صارت الدنيا حاره بوقت الضهر عمي صاح عليه وعمتي گتلهم بس اكمل الطرمه وادخل
كملت واستلمت الغسل بالغساله غسلت البردات والچراچف وبيديه غسلت ملابسهم
كملت وانه احس عظامي مكسره بس روحي مرتاحه شفت الفرحه بوجوهم
گلت العمتي بعد كل اسبوع اني يمكم اسوي حمله واذا كدرت اجيكم كل يومين
ردو عليه بعزة نفس عمي لاتكلفين روحج اذا ع الاكله كلشي ناكل والنكدر عليه نسوي
باوعت للساعه بالسته العصر حيل كل هذا الوقت اني اشتغل
گعدت وظلمت الدنيا وبديت اشتاق الغرفتي مو هذا مكاني يوميه هناك اريحلي الولد عمتي ضحكهم شقاهم حته عرك عمتي وياهم اشتاقله وعندي حلوو
حته تلميحات عمتي الي على روحة بهاء وضوجتها مني عادي اتقبلها تلمحلي وتضوجني وره شويه ترجع تضحك وتشاقه وياي
ظليت الوب اريد ارجع واستحي اطلع وحدي خاف يحسون رحت على جهه وخابرت صفاء كتله اريد ارجع
گال بهاء هسه سألني عليج گال ياسمين تبات فهم امي لأن متصل بيها ومامحصلها
كتله لا مااريد ابات تكدر تجي
..ياسمين والله اني فاتح المحل والعامل هسه عنده ظرف مايگدر يجي اشوف منو يجيج هسه امي لو حسين

تشكرت منه وسديته
شويه واجاني حسين سلمت على عمامي وطلعت
اول مادخلت البيت حسيت براحه شفت عمتي ضحكتلها
..عمه اشتاقيت الكم هواي

..النه يامفلوكه لو للعايفج وساكن بغداد خليج يالفاهيه اتغزلي بيه واشتاقيلي وعوفي زلمتج خاف ماخذته الملحه خلي هوه ياخذله مناك فرفوره

..شبيدي ياعمه شسويله خلي اذا يرتاح بدوني الله يسعده ويريحه مااتمناله غير الراحه

..خايبه شو كومي مني يالفاهيه الله يسعده الغسل كون مو اكلج تاليتج راسج براسي وهيج نصفه

..يعني شسوي ياعمه والله طاك كلبي علي بس هوه يريد يعاقبني على شي سويته بدون مااشعر
عندج حل المشكلتي كليلي بس لاتلوميني عمه البيه كافيني

..انتي روحج شتگلج عاجبج هذا وضعكم هوه راح يريد يشوف معزته عندج بيچ خير روحيله انتي

..صفنت عليها وهيه گامت رحت الغرفتي لمحت قميصه معلگ بالزاويه رحت شميته انتبهت الروحي
هيج انه مشتاقه الريحته مشتاقه اشم عطره الي مختلط بريحة دخان الجگاير
شميت القميص ونزلت دمعتي دمعتي الي اجاهد حته ماتنزل وتالي تخوني
اخذت تليفونني اريد اتصل فتحت الفيس الي ماالي بي شغل هوه مسوي الي حته نتواصل من اول ماعقدنه او رادني اتسله بس مااشوف بي تسليه او اني جنت رافضه كلشي يسلي شفت صوره ناشر اله صور هوه وضياء مبيين مرتاح ومتونس مو ضايج مو مختنگ مثلي
كاشخ وطالع
يمكن كلام عمتي صح
بس اني هسه مو مثل قبل اني مااكدر بدونه بدون وعي نزلت شفت صفاء توه داخل ويفهم عمتي على العقد وخطيبته شنو گايلتله
جان يگلها قدس الاسبوع الجاي تجي الاهلها البغداد ولازم ترحين انتي تتفقين وي امها
انتبهت الاسمها قدس اول مره اعرف اسمها ابد ميكول تسمها دائما يكول حبيبتي وحته من خطبوها ماجان عندي فضول اسأل عن اسمها
خليته يكمل وحاجيته عمتي موجوده عين عليها وعين على صفاء

..صفاء ربي يتمم فرحتك ان شاء الله

..تسلمين ياسمين ربي يريحج ويفرحج

..اريد منك طلب

..عيوني الج  اختي ومرت اخوي شتريدين يجرالج

..تسلم ربي يحفظك اريدك تاخذني البغداد

..صفنت عليها شتسوين

..اروح البهاء..باوعت العمتي حسيت نظراتها تشجعني گالتله اخذها يمه بلكي الله يهدي اخوك ويرجع هنا دار عليه گال

..هسه سالني عليج وين بتي كتله حسين راحلها بس باجر عندي شغل

..عفيه اذا يتأجل الخاطري اريد اروح

..صار جهزي نفسج الفجر نطلع حته ارجع بنفس اليوم
فرحت حيل وتشكرت منه ورحت اجهز ملابسي واني محتاره السويته صح لو غلط احتاريت شنو البس وشنو المكياج الأخلي اريده يفرح بشوفتي
الليل كله مااجاني نوم واراقب الساعه دقيقه دقيقه
بدلت وحهزت نفسي قبل ساعه من الأذان ترددت اكعد صفاء لو عيب نزلت متردده صفاء ينام بالاستقبال حته يصير قريب على عمتي لأن احنه قاط ثاني  وحسين هم غرفته يمنه
هوه يبقى الخاطرها خاف تحتاج شي قربت ع الخطار سمعت صوته يحچي بصوت ناصي گاعد يخابر قدس خطيبته
اجيت ارجع انلةت رجلي رجعت على باب الهول ضرب بقوه
صاح صفاء منوو هنا

..حيل استحيت شراح يگول عليه گوه طلع صوتي گتله اني اجيت اگعدك وسمعتك گاع
ورجعت
..يلله گايم انه اصلا مانايم بس عبالي وره الصلاه نطلع اذا من وكت يعد احسن حته ارجع من وكت
طلع شافني حاضره وحته جنطتي يمي
ضحك گال والله وطلعتي مستعجله چنچ امي من تريد تروح زياره
توصي بينه كلنه نگعدها تاليها هيه ماتخلينه انام بگرگعتها
..ضحكت وماجاوبته شي

ربع ساعه بدل وغسل حسيتهن هواي ..سلمت على عمتي وطلعت جانت گاعده تصلي صلاة الليل
طلع وهوه مبتسم الدنيا ظلمه بعده الجو ماكاشف
حسيته بالسانه حچي
كتله شبيك تياوعلي وتضحك اكو ابالي شي گوله
گال

..يمكن بهاء راح بسبب خلاف بينكم مو صح

..مو خلاف بس اكو اشكال بسيط

..وانتي رايحه تصلحين الأمور

..احاول او هذا الأكدر عليه

..زين تسوين بهاء يحبج باليوم عشر مرات يوصي عليج ديري بالج عليه

..ان شاء الله
ضحك وگال عود ريكيني بما انو رليحين نرضي بهاء الزعلان وماخذتني انتي رسوكي وكروتي عليج
ضحكت كتله تدلل بس لايسمعك تكول زعلان والله ميقبل
..دخل اشوفه شوفي شسوي بي ههههه

..ضحكت واني بس اريد اوصل
وصلنه الشارع العام اجرنه سياره للكراج ومناك اخذنه تكسي للباب

وصلنه الصبح قبل الدوام
دگ الباب
..فتح الباب ضياء يفتح بعيونه ياستار شكوو
جاوبه صفاء يضحك هوه هيج الأساقبال دكول ياهلا تفضلوو وين ام نور خل تجي تقوم بالواجب

..انجب لك خرعتني شكوو وخر من كداني كله مرت اخوك خافت نسوانكم يخطفن رجلها ودگت رجل الا هسه تاخذني
ضحك ضياء ورحب بينه
الكل نايمين
گال فوتيله بهاء هنا ارتاحي بين ميگعدن البنات
فتت شفته نايم نفس نومته المعتاده ينام على ظهره ويكتف ايدي يخليهن جوه راسه
ذبيت عباتي تقربت عليه
بحذر واحس بالخوف خةف من ردة فعله يمكن ظليت العب بشعره
فتح عين وحده باوعلي ورجع غمض شويه وطفر من فراشه باوع اليه وحواليه ابتسم

..ولج شجابچ

..اجيت الك المايجينه نروحله

جرني عليه وباسني بادلته الحظن گام من مكانه قفل الباب

يتبع ..

حبايبي البارت ٢٨٣١ يعني عوضتكم
والسحگ غلسوو عليه
اشكر كل الي سالو عني
قراءه ممتعه ❤