رواية حكايتي مع النصيب الفصل السادس عشر 16 - بقلم نور الشمس

بعد ما حچيت كلشي بگلبي ماانكر ضجت من روحي شلون اعلي صوتي بوجه امي اول مره اسويها بس حسيت وصلت حدها اختنگ من ابقه ساكت بهاي الفتره انعزلت حته گعده مااگعد وياهم مااگدر اگعد واحچي وي الكل وامي لا ولا أگدر اراضيها وهيه بعد عتابي زادت عليه بالحچي وصرت انه مو خوش واعتبرتني مان عليهم بالمصرف واصلا انه اذا اكو شي يسعدني ومخليني احس بطعم الحياة هوا صرفي بالبيت ومساعدة اخواني احس روحي شي مهم وهذا هدفي بالحياة انه اشتغلت وانه زغير بس حته اعين امي واساعد اخواني هسه من الله رزقني امن عليهم امي ماجاي تفهمني وانه هم مليت حجيت البكلبي وبكيفها بعد ..
بهاي الفتره
ظليت اخلي المصرف على ميز الكاونتر كل مره من انطيها وهيه مشغوله تگلي خليهن هنا سويت مثل كل مره حته تشوفهن اول تلث ايام انتبه عليهن الكاهن نفسهن وارجع ثاني يوم ازيدهن ماگطعت المصرف وهيه جانت تخليهن ماتصرف وره تلث ايام لگيتهن ماخذتهن فرحت بس بقيت معزول وشغلي بالليل يلله يكمل اجي تعبان اسبح واغسل ملابسي وانام لأن ارجع تعبان وبالشغل هناك ناكل
بقيت هيج حته الولد مااگعد وياهم گد السلام وبس بهاي الفتره جنت حيل مشوش ومااريد اشوف احد وهمه اخواني هم عافوني حسوو بيه يرادلي وقت افكر وماحبو يضغطون عليه

بيوم صادف الاربعاء جان اخر يوم الي بالبيت الي لزمته بيومها عمار مريض ومن خابرت عليه صوته تعبان گتله اليوم لاتطلع
رحنه انه وعلي وكملنه شغلنه من وكت باقيله بس تشربت وصيت علي يشربته لأن باجر رايح للنجف
بطلعتنه من البيت انفتح باب اهل هدى طلعوو منهم اياد ووراه احمد وأمجد
همه سلموو وأياد دنگ عبالك مايعرفني ضجت منه مشينه وكلت العلي

..هوه هذا ابن خالك الي تگول عليه انت مو فاهمه وهوه خوش ولد ..الله يطيح حظه شبي هذا

..بهاء امشي واسكت الله عليك عوفه جنك ماتعرفه لايحسون بي

..مييت عليه هالكلب ..بعدين شنوو يحسون

..تلبكت بالكلام هاا مو قصدي بس هوه مايريدهم يعرفون انت اقاربه

..وگفت ودرتله ..ليش

..ماادري بعد هوه هيج

..لأن طايح حظ بيش احسن مني هوه مستنكف من قرابقتي وياه

..مو هيج والله انت ظالمه اياد يجي يوم وتعرفه

..مااريد اعرفه خلي على گلبك

..انت ماتعرف ناسك بهاء

..علي انت وراك سالفه ليش ماتحچيها وتفضها

..ماكو اي سالفه انت متوهم

..حافظك انه واعرفك كلش زين ..شوف يمكن انه هالأيام مشوش وبالي مو مرتاح وهواي شغلات مسببتلي توتر وكايم اتخبط اعترف ..بس لاتنسه من اخلي بالي يم شغله ماتطول وياي واعرفها

من حاچيته هيج حسيته ارتبك واتوتر راد يغيير الموضوع وسألني على روحة النجف جاوبته نروح انه وعمي وعمتي وخطيبة حيدر
راح هوه بطريقه وانه بطريقي وصلت البيت صعدت اخذت ملابسي ورحت اغسل حته اروح البيت عمي اشوفهم شمحتاجين الباچر
وظلت ابالي اكوو سر اياد شنو علاقته وياهم وليش مايريدهم يعرفون هوه ابن خالي
وعلي شنو يقصد بكلمة انت ماتعرف ناسك
معقوله صدگ زين هدى وصت منوو حته يوصل الي وبلغها انه مامهتم انه ليش هيچ صاير مااعرف كلشي داير مادايري حاير بهمومي وبس من استشهاد حيدر الهسه انه احس روحي ضايع وذبيت روحي ع الشغل وبس
رحت غسلت وطلعت بدلت وكملت واكف ع المرايه جاي امشط مديت ايدي ع العطر اندگ الباب

ضياء..بهاء اكدر افوت

..تعال ضاوي تفضل

..زين والله بعدك تعرف اسمي ولك ماعبالي انت هيج ليش ماتذكرنه صرنه مو خوش هسه مانعجب ابتسمتله مشتاقيلك ولك صاير قاسي وهذا مو طبعك

..ضحكت لو تنباع القساوه اشتريها ..تعرفني مالي غنا عنكم بس بالي مشوش وحبيت اعيد افكاري وتعرفني مااكدر اكعد بمكان يجمعنه كلنه وامي زعلانه عليه

..ليش ماترضيها تبقه هيج شارد من عدنه لأن امي زعلانه عليك غير ترضيها

..ضياء انه مامزعلها انه الضامه بگلبي حچيته وهيه هم فسرت حچيي مثل ماتريد براحتها بعد مااضغط عليها ولا على روحي بس ميخالف هم فتره وارضيها مااخليها زعلانه اكثر بس خل انه ابرد وهيه هم
صدگ باچر انه رايح للنجف وهسه رايح العمامي

..اليوم علاء جاي وجايب عائلته علمودك هسه بلغني يعني عشاك هنا

..شفته متصل عليه الظاهر وانه بالشغل ماسامعه هسه ردت اخابره

..بهاء نسيت اگلك قدمت على شركه ابغداد اندعيلي يقبلوني

..يا الله ان شاءالله يقبلوك والله يرزقك ويفرحك

طلع ضياء طلعت من غرفتي الغرفة نورس الباب جان مردود مو مقفول بي فتحه قليله مادگيته فتحته وانه مبتسم

..شلونها الحلوه ..من شافتني فزت وظلت تلملم بكتبها لمحتها ضمت شي

..شبيك فززتني غير ادك الباب ..مسحت وجهي شلونك بهاء

..شبيج ولج ليش انخطف لونچ

..مابيه شي جنت اقره

..شضميتي جوه كتبچ

..ماضامه شي شبيك بهاء

..دنگت عليها رفعت الكتب باوعتلها هذا تليفونچ شيسوي هنا وليش ضميتي انه بيدي جبته الج وانه المشتري ليش خايفه مني صحت ماتحجين

..دمعت عيوني والله مو مثل ماانت فاهم

..تعرفين يعني الفاهمه ..فتحيلي القفل

..افتحه بس على كيفك خلي ابالك مامسويه شي يأذيك والله

..نورس الغي القفل وانطي الي وبعدين اتفاهم انه وياج لغت القفل اخذته وطلعت الغرفتي خفت أذيها بس داخلي مامصدگ نورس انه وياها علاقتنه غير عن الكل انه دوم اگلها انه اخوج وصديقج مااتوقع تسوي شي موصيها الف مره تبتعد عنه .
فتحت تليفونها قريت الرسائل چان اكو رقم مسجلته علا بس الرسائل تبين اكو شي مو طبيعي
چنت متوتر گاعد ع الجربايه مخلي رجل على رجل واهز برجلي بقوه

علا.. سائلتها خو ماعرف شي بهاء انتبهي تره منا وجاي يركز دير بالج يعرف تره مايسكت وتصير مشاكل ..قريت وقت الرساله قبل دقائق بعني چانت تحچي وياه

نورس راده ارتاح انت مايعرف ولا راح يعرف اصلا
وحته لو عرف اهم شي خلصنه منها

..ديري بالچ نورس احتمال ميصدگنه اذا عرف

احس راسي انشنط وبده يبززني راسي حيل گام يوجعني ومعدتي بدت تگلب اريد اوصلها ومحتار شلون اتصرف وياها واخاف اخواني يدرون واذا دروو ياذوها ولازم اتأكد يلله اتصرف تأكدت من شي واحد اكو بينهم علاقه والأسم وهمي وهالشخص خايف مني اكثر شي فكرت ماكو غير شخص اعرفه ويعرفني
وجع راسي ماخلاني افكر عدل رحتلها من فتت حظنت نفسها ورجعت
اريد اسالها ماكدر احس مروره بحلگي ومعدتي حسيتها احترگت حرگ
طلعت منها ع السريع للحمام اتقيأت اني اصلا ما ماكل شي حسيت اذب امعائي ومعدتي تريد تنشلع
خلصت مابيه انزل ولا بيه اروح اشوفها
گعدت وانتجيت ع الباب راسي احسه يريد يطگ خليت اديني على راسي ورجعته الوره  اريد اعصابي ترخا كل فكري صار منوو هذا الي تحچي وياه وليش خايف مني يكدر يخطبها لو يضحك عليها شفتها اجت تريد تشوفني من شافتني صاحت صفاء ضياء تعالوو الحگوو ضياء اتخربط
اباوعلها وانه اتذكر نورس ماحاسبها اخت وبس نورس بنيتي وصديقتي واختي معقوله بهالبساطه تخسر اخوانها خمس اخوان عدها ماواحد وگف بعينها منه ارد اشرلها تسكت ومااريد كلشي منها بس كل هذا واني احبها دمعتها وخوفها مني أذاني حيل ليش تخليني بهالموقف انه من دريت طلعت ماردت ابقه يمها وافقد وامد ايدي عليها كل الي ابالي تبلغه يجي يخطب وياخوفي يغدرها
انتبهت على روحي خشمي طاگ دم عرفت ضغطي صاعد
گمت اريد منشف من توجهت الغرفتي وهيه قريبه شردت مني خايفه دخلت الغرفتي شفت الخاولي جريته سمعت صوت ع الدرج
اول ماصارت عيني على امي چانت صاعده قبل اخواني
هالموقف ابد ماانساه امي تعبانه شوصلها الدرج قبل اخواني يمكن رجليها وصلنها بدون شعور
ودخلو صفاء وضياء
حاچتني امي

..يمه بهاء شبيك سوده عليه يمه بيه ولابيك اشرت الها مابيه شي اهدي حظنتني وبحظنتها احس روحي رجعتلي.. الدم ماجاي يوگف  واحس اذني تووش كلت للولد اريد واحد منكم وياي اروح للمستشفى يمكن ضغطي صاعد
امي ظلت تبچي وضياء وصفاء گالو اثنينه نروح امشي انزل نزل ضياء قبلنه يبدل وصفاء جان متحضر يطلع لأن يريد يروح للكليه ويريد يجهز نفسه من السوگ يشتري شكم غرض
طلعت وياهم وهمه مخبوصين بس بالي حته مو يم روحي الي اريد اعرفه شنو اليخلي يوصيها مني بالذات ليش مو غيري من اخواني
وصلت المستشفى انطوني علاج نزل ضغطي ولأن ثاني مره يرتفع بفتره بسيطه نصحوني احمي نفسي فتره واخذ علاج منا لمن يتحسن واديؤ بالي ليشكل وياي مزمن
وكالو لازم تراجع طبيب چانت العصر والعيادات مفتوحه رحنه الطبيب واكد عليه احمي نفسي ولازم ارتاح فتره مو زين بهيج عمر يصعد هالگد
رجعت للبيت راسي يريد ينفجر حته بعد مااخذت العلاج حاجيت امي وبستها طمنتها عني
والكل يسألني شنو البيك حته هالگد يصعد ضغطك
امي چانت ضايطه متصوره بسببها
سحبت نفسي منهم على اساس اريد ارتاح
ورحت الغرفة نورس لكيتها تبچي
گتلها اريد احچي وياچ سولفيلي كلشي ماراح أذيج
بس تنسين عندج اخ اسمه بهاء بس اطلع من غرفتج انه انساج وانتي تنسيني
زاد بجيها كالت والله مو مثل ماانت فاهم
جاوبتها

..احچي منو صاحب الرقم

..چنت خايفه ومتوتره كلش وحجيتله كلشي ع السريع الي يحجي وياي علي ابن خالتي متفق وي اياد يخلصك من بيت اهل هدى

..شنو علي شنو اياد هدى شعليها

..بس اهدأ واني احجيلك كلشي

..يلله احجي هادئ انه اشفتيني شمسوي گاعد واسمعج

..بعد استشهاد حيدر الله يرحمه انت جنت ابيت عمي مو يمنه واجت خالتي وياها علي طلب مني احچي وي هدى وابلغها تحاول تبعد اخوانها عنك وهيه هم تبتعد عن طريقك لأن اياد مبلغه اخوانها ناويلك نيه

..اوگفي اياد شنوو علي شنوو هدى شجابهم الها انتي شدخلج منو انطاكم الحق تتصرفون بمكاني يعني حچيها صح هيه موصيتج وانتي كايلتلها مومهتم

..بهاء هيه واخوانها متفقين عليك يردون يقنوعنك تخطب ويفشلونك بمشية الزلم ويكولون ماننطي الواحد امه تخبز للناس

..منوو يكول صح وانتي شلون ادخلين بهيج لعبه
هسه علي حسابه بعدين واياد اصلا انه كل علاقه وياه ماعندي انتي شلون تتصرفين بدون ماتگليلي
تليوفونج عندي اتأكد وارجعلج مو عبالج هذا هوو حسابج بعده مابده طلعت نزلت جوه

حاجيت صفاء يشوف عمي شيحتاج ويكلهم بالشغل اتأخر وعلى موعدنه نطلع
وطمنت امي واخواني وطلعت العلي احس امشي على جمر
من سألته حچه نفس الكلام يعني هيه ماتجذب تعاركت انه وياه غلطت عليه وحچيت وهوه ماحاجاني ابد عافني على راحتي خليته وطلعت
مامصدگ يجوز اخوانها اي بس هيه اكيد ماتشترك وياهم  اكو شي غلط واياد انه مااثق بي
رجعت للبيت نمت ساعتين وكعدت اروح للزياره
طلعنه بتلاثه بالليل
الطريق كله افكر معقوله هدى تأذيني

اباوع الياسمين الطريق كله تبجي
من اشوفها انسه كل الأفكر بي انسه كل وجع بيه وافكر بوجعها هذي البنيه شوكت ترتاح
وصلنه الفجر خليتهم يزورون على راحتهم وبعدها توجهنه للأمام شكيت البيه بحضرته وردت الخلاص من الله طلعت من الحضره مرتاح
رجعنه وصلنه المغرب للبيت وصلتهم وانه رحت للبيت نمت نورس
ظل فكري يم هدى وشلون احصلها
ثاني يوم ماطلعت من البيت تعبان ونورس اذا اگعد بمكان ماتتواجد بي
العصر صاحتني امي يردوني اياد وعلي ورادوو نطلع نگعد بمكان وحدنه
بالبدايه ماحبيت اگعد ولا اسمع منهم بس الفضول الي بداخلي يجبرني اسمعهم
طلعنه ع الشط گعدنه بمكان وحدنه
وحچه اياد

..بهاء والله الله يشهد على كلامي واذا تريد احلفلك بكتاب الله احمد چان مراقبك طول ذيج الفتره من چنت توكف ابابهم وشاك بيك ومن خطب تأكد ورادني اني لأن صاحبه اساعده مايدري بيك انت ابن عمتي راد يعرف عنك كلشي وراد مني احاول اصادق اختك حته تصير وحده بوحده

من رفضت اني كلف امجد اخوو كدامي واخوو وافق  اني ماعندي علاقه ابيتكم اجيكم وادخل براحتي وماعندي احد يتواصل وياكم غير علي حجيتله وردنه يحذر نورس وطلب منها يخلي هدى تبتعد عنك لأن حته وانت تاركها هيه تحجي للبنات مخطوبه واخو نورس خطيبي وانتو جانت عدكم فاتحه وعلى ساس علمود الفاتحه مأخرين العقد وتكدر تفتهم من نورس باقي التفاصيل بس صدگ انه ماعندي شي وياك والهسه باقي وياهم لان يردون ياذونك لأن هنتهم ابيتهم

..شنوو اليثبت كلامك

..انت تكدر تتأكد شوف نورس وهيه تحجيلك كلشي وحته خطيبة حيدر تعرف

..شتعرف

..تعرف مخطط هدى واهلها

علي كأل تره مو من زمان تعرف توها عرفت من نورس لان ردنه مساعدتها حته نوصل الرقم هدى الجديد بعد ماخابرتك ذاك اليوم وهنه عدهن صديقات مشتركات بينهم

..وانتوو شنو علاقتكم

..ردنه نساعدك ونورس تره مدخليها بالخطه تقبل تتاذه نورس بسببك

..نورس شنو علاقتها

..هدى كاعد تحجي للبنات بأنو هيه مصادقه امجد اخوها

..انت شتحچي

..هذا الصار

..اياد انت شلون تكدر تمشي وياهم بعد كل الي تعرفه

..انه اصلا باقي وياهم حته اعرف كلشي يفكرون بي

..علي اريد رقم هدى منين احصله

..تلكاه عد ياسمين

..عفتهم ورجعت  البيت عمي ردت الرقم من ياسمين تفاجأت من طلبي وحجيتلها گتلها ولابيكم واحد صديق من صدگ عبالي انتي غير وگلتي اخوي وصديقي شلون كل هذا يصير وانه ماادري

..والله حلفوني واكدوو عليه ماتعرف وهمه يتصرفون وهدى اني حاجيتها وهددتها اكلك تحچي على نورس

..اريد رقمها

..ختولي اني اعرف اسكتها

..انطيني رقمها وانه اتصرف

اخذت الرقم واتصلت لحد هسه انه مامصدك كلشي واتمنى بس تنكر واصدگها رن التليفون طلعت بره

..الوو

..هدى شخبارج

..ياهلا ابهاء وانت شيهمك باخباري

..هدى انتي واخوانچ شناوين

..اخواني انت هنتهم واكيد ميسكتون على حقهم

..اي ..وحقهم ليش ماياخذونه مني نورس شدخلها

..مثل ماكرهتني بعينهم واجب تكره اختك الهسه مايطيقوني من وراك واختك تدفع الثمن حالها حالي

..هدى وحق ابا العباس اذا ماكفيتي السانچ عن نورس  روسكم اغطها بالطين من جبيركم الازغر واحد بيكم لاتلعبين وياي لا انتي ولا اخوانچ الحد هسه من خابرتچ عبالي تنكرين وكلت اصدگها
انه شلون حبيتج اجيتج من الباب وخطبت انتي اتعليتي عليه وگتلج الي تستنكف مني ماتصير الي مره وابتعدت عنج اخوانج شيردون خطبه وخطبت ماقشمرتج انه ولاحجيت عليج بمو زين اختي شنو ذنبها
هذا لعب مخانيث مو زلم واني الهم يدللون

..انت الوصلتنه الهالحال ..مو حاجيت نورس وكتلها ساعديني ورفضت

..لأن متفقه وي اخوانج وتعرفين يرفضوني گدام الزلم

..بس انه جانت نيتي من تجتمعون واذا حجوو انه ادخل عليهم واكلهم انه راضيه جنت مستعده اسوي كلشي الخاطرك انت تركتني
انت الخليتني انتقم منك بغيرك من العذاب الشفته هيج سويت

..مااكول بس الحمدلله الي خلصني منچ هسه عرفت امي تحبني من صدك وداعيتلي اذا سمعت متعرضه النورس انسه كل مبادئي واشوفج شي عمرج ماشايفته اخلي روس اهلج بالطين والله

..لاتخاف الحد هسه اخواني من يشوفوني يغلطون عليه بسببك فقدوو الثقه بيه وصتر كل همهم يدمرونك

..اخوانج مرضا ماسويتي شي انتي حبيتج واجيت خطبت لاطلعت وياج ولا حاجيتج بمو زين
ع العموم انه اتصرف وياهم وانتي انسيني وانسي كلشي يتعلق بيه ماعندي مانع ادور خطيبج واحجيله كلشي واخلي ينهي الموضوع وتبقين مكفحه الاخوانج المرضا

..تعرفه كلش زين خطيبي لاتخاف اصلا ماواصله النورس انه وحته من المدرسه بطلوني خطيبي البارحه بلغهم ميريدني اكمل

..منوو تقصدين منين اعرفه ..لحظات شكيت بأياد الهسه مو مرتاح منه

..سامر جيرانكم

..ههههههههه صدگ تحچين انطوج السامر اخوانج شكد غاليه عدهم انتي روحي هدى انسيني وانسي الصار وابتعدي عني

..لو اكدر جان نسيت بس كل الصارلي يذكرني بيك

غلقت الخط
ورحت البيتهم
كل شويه اكد الروحي لازم اتصرف بعقل حته ماانطيهم مجال يحچون على نورس لزموني من ايدي التوجعني

يتبع ..

البارت بدون مراجعه
حاولت اختصر بس الاحداث طويله من انوم الجهال احاول اكمل الكم بارت صغير حته انهي هاي الاحداث وابدي بالتغيير الجديد