رواية حكايتي مع النصيب الفصل التاسع والعشرون 29 - بقلم نور الشمس

مساء المحبه..

هالمره من البدايه اكلكم غلسوو غلسوو غلسوو ع السحك عدتها هواي تره ركزوو زين على كولت نازك الي يغلس يدخل الجنه ههههههه

يـ أول بلوة مآ تنمل ،
أحبك حيل من تزعل ❤

تجمعت الدموع بعيني فزيت على صوت الباب بقوه
طلع وسده
نزلت دموعي واحس وجع بصدري صعد البلاعيمي العبره اتكسرت هنا احس مااكدر ابلع ولا احچي
شبي بهاء شني الي مغيره
دورتله اعذار اعتذر اله من روحي تعبان وحقه
بس جان يتعب اكثر ويجي يهتم بيه ويتغزل ويضحك ويشاقه
معقوله اني ماحاسه بي
معقوله ملني
احس لويات ابطني صارت وظهري وجعني تقلصات يمكن من القهر
شربت علاجي وعندي فاليوم شربته ونمت
نمت واني اناشغ
كعدت بالليل على لمسات ايدين فزيت الضوه طافي اضائه خفيفه شفته هوه درت وجهي عنه ونزلت دمعتي

وادعي يارب مايطلعلي صوت
قويت روحي وسكتت
بنبره هادئه حاچاني

..ياسه حبيبي والله ابالي سالفه تضوج وماادري شلون هيج حاجيتچ

..سكتت وبدت دموعي تنزل  واني احاول اكتم شهگاتي

..عاتبيني لوميني اي شي گولي لاتسكتين

..جريت الغطه غطيت وجهي ونمت سمعت صوت الجداحه وصوت انفاسه جان يزفر الهوه بقوه عافني وطلع من جديد

ثاني يوم گعدت على صوت المنبه كل يوم اكعد اسويله ريوك وازته للباب وارجع

گمت سويت الريوگ وخليته مقابيله ودرت وجهي ارجع

..ياسه تعاي

..مادرتله مشيت الغرفتي..انجرحت منه ومو بس ع الغلط حسيت شي اقوه اكو سر مغيره عليه وخايفه من الي ابالي

..طلعت وره ماطلع حته ابدي اكمل شغل البيت لگيت صينيته نفسها ماماكل منها شي

كملت شغلي وهوه مراسلني

..اليوم مااحسبه من عمري وانتي زعلانه عليه

..ماجاوبته

..ادري بيج جاي تقرين ريحيني وجاوبي راح اترك الشغل وارجع

..بهاء شتريد

..اريدج انتي

..ماتريدني ..البارحه اني الح ولازم انجب انجبيت وهم ماعفتني شتريد

..من ارجع نسولف واحچيلچ كلشي

مر هذا اليوم نفس كل يوم شغل وترتيب ونگعد يم عمتي الضهر ندخل غرفنه
صارت بالأربعه موعد رجعته مااريد ابيين ضعيفه ولا اريد ضميره يعذبه بيني وبين نفسي مقتنعه ساعة عصبيه اتحملني هواي خل اتحمله مره بس لازم يعرف رضاي مو سهل ولا انه الي اتحمل كل يوم والثاني غلطه على سبب تافه يمكن لو غلطانه انطي عذر بس اني ماغلطانه
احذت هدومي اسبح فتحت الدوش تذكرت كلماته نزلت دموعي
طلعت مثل كل مره بدلت واتمكيجت شسورت شعري
انتبهت الروحي وي الحمل حليانه اكثر
الهسه مااعرف البيه ولد لو بنيه
اخر سونار مابيين
جاي اخلي عطر فات للغرفه
باوعلي وهوه يبتسم
سلم وماحاجيته انطيته ملابسه يفوت للحمام درت وجهي عنه مشيت جرني قوي صرت بحظنه

..مااتحمل زعل الحلوو وفوكاها يحله يوم بعد يوم والزعل لايگله

..بهاء عوفني

..منوو بهاء وينه عوفها يمعوود

..لا تضحكني اني زعلانه

..والزعلان غير يرضوه

..ماا ماريد

..ولچ راح تصيرين ام هاي الما بطليها مال جهال

..هوه اني جاهله عوفني

..تعبان والله لاتشلعين گلبي

..باوعت الأيده ملفوفه والدم طالع من الشاش

..شبيها ايدك

..مابيها من وراج تعورت بالي يمج واشتغل

..اني شعليه بعدين مو عبالك حجيت وياك والله زعلانه

..ادري والله ادري زعلانه بس للزعلان شلون نرضي

..تحچيلي كلشي

..اسبح وارتاح واحچيلچ بس توعديني ماتضوجين

..حسب الموظوع

..معناها اشد راسي من هسه

فات للحمام واني گاعده على نار بعدها تذكرت اروح احظر غداه

سمعت صوته صاحني طفيت الطباخ ورجعت

..هاا

..تعاي نسولف

..اجيبلك غداك

..مااريد تعاي ..شنو تردين احجي

..انت شجاي يصير وياك

..وليش مهتمه

..ليش مااهتم مو انت رجلي وابو ابني وضوجتك.عكست علينه وطلعت قهرك بيه صح لو لا

..تنهدت غمضت عيني وانه اسمع حچيها كل الي تكوله صح بس مااتمنيت يوم اصير بهيج موقف هيه شني ذنبها يمكن لأن حاس بالذنب واني يمها وانه اصلا مو مذنب بس اعرف الي يصير ماترضا بي واي وحده بمكانها ماترضا
حاجيتها شوفي

..هدى موو

..قاطعته لاتگلي تحچي وياها

..مو انه هيه

..ماادري شنو احساسي بوكتها بس احس دموعي نزلت مثل الخرز

مد ايده يمسحن
..شگتلج انه مو كتلج وعديني ماتضوجين حته تعرفين ليش مااحچيلچ اعرف بيج تنقهرين

..وخر ايدك عني فوك ماتحاجيها تغلط عليه يعني انت ابو الصوج وتذبه بيه

..مامسوي شي ولا بيه صوج بالعكس انتي مكانج هنا وماخنتج حته بفكري

..لا تگلي ماخنت وهيه حبك الأول

..حبچ نساني كلشي ..كافي بجي وفهمي عاد

..مايرادلها فهم

..اسولف وبعدين احچي

هدى من زعلت من رجلها ووصلت للطلاگ ظلت تخابرني احظر رقم تتصل من غيره تحاول ارجعلها وتطلك واخطبها
هيج چانت تفكر
رفضتها واصرت اخر شي دزتلي
رساله انوهيه راجعه الرجلها بس حته تشوفني
بيومها خابرتها وحاجيتها بصوت عالي جنت عصبي  وسمعتني امي انتي ماجنتي هنا جنتي ابيت عمي ابو حيدر
وهم ظلت تحقق ساعه بس فهمتها كلشي

ونقلت غرفتنه متعمده ضجت من تصرفها عرفتها خايفه ترجع علاقتي بيها جنت اتمنى امي تفهمني وتعرف مااسويها بس بعدين عذرتها هم حقها ماتعرف الي بداخلي

ظلت تراقبني من بعيد وانه ضايج خاف رجلها ينتبه وعيب منه ومن اخوانه جيرانه وعشرة عمر وسالفه مو سهله بيها فضيحه
حاجيت امي تنبهه اذا مافكت عني اشتكي لخوانها مليت من حظر الأرقام

وكلشي عندي بي ادله واثبات حته تسجيل مكالمات مسجل
امي رايحتلها
وره يومين هيه جايه الي هنا ورايدتج وصفاء طالع الها وصايح امي وامي طاردتها
بعد ماعرفت بيها هيج مسويه وصلت بيه اروح الاهلها واثبتلهم كلشي وصلت قريب الهم وتذكرت احمد هذا يذبحها خفت الله ماردت اصير سبب موتها بس كلش طاحت من عيني وحمدت الله الف مره جي ماصارت الي

..اسمعه ونار بگلبي واني اعرف كلشي عنهم وعن علاقتهم قبل. كتله شنو الي يخليها متمسكه بيك وانت رافضها مامعقوله تتمسك بدون امل

..هذا الي محيرني والبارحه عرفت جوابه لحظة اسألتي انتي وعصبت عليج بس السمعته مو شويه
البارحه حاجتني من رقم رجلها وصلت بيها مرحله من رجلها تحاجيني بعد ماغلطت وحجيت وكتلها اني متزوج والي تزوجتها احبها
جوابها جان اني متأكده زواجك منها شكلي ومنكم الي اكدلي
احتاريت وانه افكر منوو الي موصل الها هاي الفكره وهيه تحلف انو احد منه موصل الها زواجي منج بس حته لايتزوجج اخوو مرت ابوج وانو لا انتي ولا انه نريد بعض

..مستحيل منو اله مصلحه يسوي هيج

..بعد ماهددتها بمحادثاتها وكلامها يوصلن الرجلها وهوه يتصرف وكلهن انه رافضها بيهن وهيه الي تحاول هددتها تحجي مني الي موصل الها هيج حجي
بالأخير عرفت لأن زوجهه ماله علاقه بيها وهمه شربه وعلاقاته وبس هيه صايره خياطه

..اي صح سمعت

..اي ومرت ابوج تخييط يمها وره عرس صفاء ماكده الها هالشي

..شني وحملي هذا منين مافكرت

..ضحكت اي صدك هذا حملج منين

..مو وكت شقاك تره الدنيا محتركه عندي

..حركيها نعل ابو الدنيا تحترك وتطفه لعيونج

..بهاء ماتسويها مرت ابوي معقوله لهنا توصل حقارتها

..المشكله الي اريد اعرفها مرت ابوج شمدريها عندي علاقه بهدى قبل يعني شلون عرفت اكو وصل بينه ورادت تغثج بهالطريقه

..مااعرف اني ماحاجيه الأحد

..اني شاك امي حاجيتها يم وحده من حبايبها وهنه مسولفات ماتنضم يمجن سالفه

..اي وشني هسه

..ماكو شي فهمتها مريتي حامل وقررت

..شقررت

..بعد ماترضين وتقبلين ابوس بوسة رضا يلله تعرفين

..واني شنو اليضمنلي قرارك بصالحي

..شومت مسوي شي مو بصالح اني

..البارحه انت صدمتني

..ماتنعاد بس موقفي جان صعب وحيل تأثرت مااعرف شلون حاجيتج وضجت حيل للصبح مانايم بسببج وانتي وين غاطه بنومج

..شاربه علاجي وينوم

..انتي صايره تنبل لاتذبيها بعلاجج

..ضحكت اي غير حامل

..وره هالضحكه رضا موو

..اخر مره بهاء

..بستها براسها والله ماتنعاد

..شنو قرارك

..نشيل منا

..فتحت عيوني وين نروح

..نأجر يم  بيت عمي حته نصير قريبين عليهم وهم ابعد منا

..وعمتي خاف تضوج

..ماتضوج لاتخافين افهمها وهيه تقبل

..بس مو قبل مااجيب

..لا يابه وينج ووين بعدلج تلث اشهر هالعشرين يوم احنه شايلين

..ما اخاف اني

..هههه تخافين وانه يمج بعدين مو بعيدين لاتخافين

..بس هيج راح تقربني من ابوي ومرته وانه مااريدهم

.. مرته مالج علاقه بيها ختولي واكرم علاقتج زينه وياه شو كل فتره يجي يشوفج وتفرحين وحته من شغله الولد يجببلج شغلات يفرحج بيها

..اخواني احبهم مو عليهم

..معليج بأمهم وابوج مهما كان يبقه ابوج واله حقوق عليج

..هوه منطيني حقي حته انطي

..هوه غلط انتي لاتغلطين

بعدين انظل انسولف بهدى وابوج ومرته لو شلون

..شتريد

..اريد نتيجة الرضا

..هوه منو الزعلان اني لو انت شو مان عليه

..مو كلنه طاح الزعل وهسه ومت الدلال خل ادلل عليج اليوم ايدي توجعني

..انتبهت الها صخام هاي كلها دم خاف هواي متاذي

..خيطتها واجيت

..صخام ليش

..عوفيها تولي وتعاي تعبان واريد انام وبس ماشبعلن نوم من البارحه

.....

بهاء محاجي عمتي وتفاجأت لأن موافقه
وشايف بيت قريب على بيت جيران بيت عمي
متفق وياهم
جاي احضرله جاي وسمعته يسولف العمتي يكلها عمي فرح بس كال ليش ماتكعدون يمي
عمتي كالتله صدك ليش مأجر ليش ماكعدت يمه
گلها لا يمه صعبه شني ماعدهم احساس مو شي سهل اخذت ياسمين انوب اخذ غرفة ابنهم شلون يصير
وحته انه ماارتاح ولا هيه ادير بالي من بعيد عليهم احسن اذا يردون اجيبهم يمي بعيني بس ابيتهم لا
من شافوني قريبه الهم سكتوو
بداخلي كلت زين يسوي صعب نعيش يمهم مايصير نمحي كل ذكرى اله

بهاء الهسه كل شهرين يروح يزوره
هوه وعلي ابد مانسوه

مرت الأيام بسرعه وانتقلنه البيتنه
احساس حلوو من نكون مستقلين رغم كلش مرتاحه عدهم
الولد وعمتي هواي احبهم وعمتي هم بس شعوري غير واني احس روحي صاحبة هالمكان

بهاء هم مرتاح ومدللني مرات نروح احنه الاهله ومرات همه يجون المهم ميفوت يوم اذا منشوفهم
وعمامي هم دايما اروحلهم ساعه ساعتين بالنهار
بس ابوي اشوفه يمهم واخواني همه يجون البنات مايجن اكيد امهن تتحكم بيهن بس اني اسأل اخواني عليهن واذكرهن بشغلات بنات يحبنها

مرت اشهر وصار مو عد ولادتي جنت اترقب بخوف
عمتي جهزت كلشي وجانت تجي يمي ومرات تبات

بيوم صارلها يومين يمنه ثالث يوم راحت
بالبيل حسيت الام خفيفه كلت مثل كل مره

اجه بهاء من شافني ضحك
..شبيها البطه اليوم شو جنج تعبانه

..اي والله تعبانه واريد ارتاح شوكت اجيب

..ضحكت بنتج ماناويه تطلع للدنيا عاجبها مكانها

..انت شكو عليك اضحك واني ميته تعب

..ههههه شبيدي عليج تهون ان شاءالله تعاي نامي ولاتفكرين

..مو بيدي غصبا عني افكر

..تعاي يمي وانه انسيج هههه

نمت گعدت الفجر على لويات مو مثل كل مره بس خفيفه توترت يمكن بدايتها
بقيت گاعده بفراشي بس احوس بفراشي خايفه ومتوتره
كعد گال شبيج شو مبينه مو مرتاحه

..ماادري يمكن صار وكتها

..ولاده قصدج

..اي

..طفرت من مكاني وشكوو كاعده كومي نوديج

..لا شي بسيط خل اسبح بمي دافي هيج عمتي كالتلي

..يمعوده لايصير شي امشي للمستشفى

..شويه واروح

..فوتي خل اخابر امي
جنت اشوفها مامبيين عليها شي مرتاح بس شويه متوتر
امي كالت جايه غراضها حاضرات

اخذتها اني وامي بالسياره شفتها حيل تغيرت وبدت تكتم بداخلها توترت حيل عرفتها متوجعه بس ماتحچي تستحي
وصلنه المستشفى
ماطولت اقل الساعه جابت
فرحتي واحساسي ماينوصف ماكو شي يوصف فرحتي من جابتها امي بيضه خدها وردي تشبه امها ملفوفه ابياض حسيت گلبي بيومها مثلها خالي من الهموم نقي
كبرت باذنها وسميتها رحمه
شايلها بس خايف عليها وقلق مني ومن الدنيا كلها من هذا اليوم بديت افكر بيها وبمستقبلها واعيد ذاكرتي الحمدلله ماتعديت حدودي وي ابنيه هدى وردتها بالحلال هيه مانعت ومن تركتها رادتني باي طريقه ورفضت الي اسبابي ومثل ماحبيتها كرهتها مو قصدي اجرحها الهي احمي بنتي من كل سوء

ردت اشوف ياسمين كالو ساعه وتطلع
كملنه الاجراءات وطلعنه للبيت وامي ويانه
راحت تحضر الها اكل
ساعدتها تمددت ع الجربايه

..حبيبتي شلونج هسه

..الحمدلله رحمه شلونها

..جنها ورد تشبهج هواي

..شلون شبهتها هههه بعد ماتبيين

...مااعرف بس حسيتها تشبهج يمكن لأن احبج يتخيلي هيه مثلج بس تبقين انتي الاصل

..ضحكت بتعب وكتله اريد انام بقيه يمي يمسح جبيني وشعري ونمت
كعدت على اصوات ابيتنه
شويه واجه بهاء كال مرت عمي ابو حيدر وعمي جايين وهنا صفاء ومرته هم يردون يسلمون عليج

عدلت نفسي واجو باركوو وطلعوو بقت بس قدس يمي تحاول تساعدني هيه وعمتي شويه واحه اكرم وبابا
رغم كلشي ماجان يعنيلي بس فرحت بجيته

مرت الاشهر وصارت رحومه كلشي بحياتي وتعرف من نلعبها وتعرف ابوها من يجي وتفرفر وصارت تنافسني على كلامه الحلوو
بس جنت افرح من اشوفهم مرتاحين ومتونسين

بيوم اجه صفاء وگال ضياء خابرني وعصبي اكو شخص متقدم النورس طالب وياها هم طبيه بس هوه حالهم مو شي وعائلته كلش حبيره بس خوات عنده تسعه واربع اخوه والاب متزوج اثنين
وهوه لمن يكون نفسه يلله يتزوج وهسه بس خطوبه
گله بهاء وشنو الي موازيها على هالعيشه خل ترفض

كله ماناطيه جواب وضياء من يمه رافض بس راجع علي تلث مرات خاطب وماجان يحجي بس هسه مل ووصل الخبر النه

..مايجي تلث مرات اذا مو متمسك بيها ورايدها

..اي بس وضعه صعب

..عوفك من وضعه انه وانت نعرف محد يتمسك ابنت الهالدرحه اءا مو رايدها واكو احتمال تبادله

..شتقصد

..لاتباوعلي هيج مادام اجه من الباب ننطيهم فرصه
خلي ضياء يجيب نورس ويجي مو هاي ايام عطله

..اي بس ليش

..نتأكد من نورس يلله نقرر

من سمعته خفت حيل تذكرت حجي نورس عنه شلون معجبه ومعجب بيها بس تكول مامسوين شي غلط ابد واني عندي ثقه بيها
افكر وعيني على صفاء يلاعب رحومه
يكلها ماباقي شكم يوم ويجيج ابن عمج بس ديري بالج علي ولو رادج لاترفضينه
ماكو فرق بينكم هواي شكم شهر سهلات
ضحك بهاء وانه اتذكر كبرنه وانه الحيدر وحيدر الي والصار جان قسمه ونصيب لابيدهم ولا بيدي ماحبيت بنتي تكبر وتحس هيه مربوطه بي حته لو شقه واعىف مايجبرون كتله خليهم للزمن كلشي قسمه ونصيب وكل واحد منه اله حكايه وي النصيب خل همه يشوفون حياتهم

..جنج خفتي على بنتج والله بيضه ودبدوبه
هسه ابني يطلع على ابوه يخبل يموتن عليه البنات ويحبله وحده مو يمهن اصلا

..ضحكت اهلهل بعرسه ولايهمك

جنه نشاقه وبهاء مو ويانه اصلا
طلع صفاء وتخابروو وهوه وضياء طلع بالحديقه وطول بالمكالمه ماعرفت شحجوو

گال باجر بيت ضياء يجون همه ونورس

..يعني سجودي وامه وياهم

..اي كال لمياء هم تشوف اهلها

بيومها ماردت احاجي بموظوع نورس خفت لايعصب
مبين شاك بشي
مااعرف ردة فعله

حاولت اهدي تمكيجت وبدلت وبديت افتح مواظيع بعيده عن الخطوبه واشكالاتها

ثاني يوم الصبح رحنه البيت عمي ابو علاء ننتظرهم
عرفت الشغله مهمه بهاء عاف شغله واجله بيومها
واحنه بالطريق لاكتنه هدى هيه وامها مبيين عليها حامل وتعبانه بنهايات حملها
من شفتها فرحت معناها قطعت املها ابهاء هوه ابد ماباوع الها وهيه ظلت عينها عليه وعلى رحمه
تذكرت حجي عماي وقريت المعوذات رغم كل ماتوصيني اضحك
بس يمكن عدوتها انتقلتلي
وصلنه قبلهم فرحنه بجيتهم
عيني تراقب بهاء وصفاء استقبلوو نورس عادي يضحكون ويشاقون
ظليت اقره ايات اخاف من المشاكل خاصتا الي بيها كسران خاطر

التمينه كلنه ع الغده حته علاء وابنه ومرته
وقدس خامل كوه تتحرك نهاية شهرها
التهينه بالشغل وضحك وسوالف
اجه بهاء صاح نورس

..نونه تعاي نسولف
شفت نورس وجهه انطه الوان واني رجليه بادت

..ها بهاء جايه
رحت وراه الغرفة صفاء شفت صفاء موجود بس هوه وبهاء
حاجاني بهاء
تعاي نونه

سولفيلي عن الولد الخاطبج

..احس الساني انربط دنكت وماحجيت

..احچي شبيج ليش ساكته

..ضياء يعرف كلشي

صفاء ..ولج ام السان شو ضاع السانج
شعلينه يضياء انتي احجي

..ماادري بكيفكم انتوو بهاء كال

..باعي عرفت كلشي بس اكو شي اعرفه منج اريد حته نقرر لاتخافين احچي انتو رايدين بعض لو بس هوه متمسك بيج اذا تحسين بحب اتجاهه كولي واذا لا مامجبوره تعيشين هيج عيشه

..بس هوه كال نكدر نستقل وفتره وتتعدل الظروف

..افهم بينكم شي

..لا مو هيج بس هوه خوش ولد

..نورس باوعيلي من اقصد اكو شي معناها الولد يدري بيج رايدته ماكو ولد يصر هيج الا اذا متمسك بيج وحاس بشي
مو قصدي شي مو زين بس اكو شي يعني اني تعرفيني شلون واثق بيج بس احجيلي حته اتصرف

..شگول يعني ثفاء كله بهاء واضح مايحتاج تسأل

..لا اريد اسأل منها باوعلي گل كولي التردينه انتي راضيه

..اي راضيه

..هذا هوو معناها انتي اله

عافوني وطلعوو رغم رضاهم بس حسيتهم معصبين
شويه وصار صوت عالي وعرفت علاء وضياء ماموافقين
اقربت عليهم سمعت بهاء كل الضياء

مادام اكو متمسك بيخا واختكم راضيه افهموو يعني مو بيدها هيه مشاعر انطوها وانتو رافين روسكم لو مو زينه مايخطبها

علاء كله مامعترض على خطبتهم وجي طلاب بس عيشته صعبه

صفاء كله تتحمل اختيارها هيه
ضياء كال اموره مو زينه صعب تتكيف
جاوبه بهاء ماكو شي صعب والله الرزاق يمعود منو ضامن رزحه شيصير باجر ميصير هاي قسمتها وهيه الرايدته وطالب طبيه يعني سبع على هاي الظروف وطلع طبيه ماينخاف على اختكم وياه
قنعهم بهاء وجيب الي يقنع امي كلهم يلله قنعوها

ياسمين..

وصارت خطوبة نورس وعرفنه هذا نصيبها
بيومها بهاء كبر بعيني اكثر واكثر حسيته عاقل ومتفهم مثقف عرفت الشهاده مو مقياس للثقافه ابد
حمدت ربي الي خلاه يكون من نصيبي

الأخير ..

حبايبي القصه هواي بيها عبر اتمنى وصلت الكم

لقائنه قريب وي كسرة قلب انشرها بحسابي الثاني الي هوه هذا الي يحب يتابع ويانه Noor64348694