رواية حكايتي مع النصيب الفصل الثامن والعشرون 28 - بقلم نور الشمس

مساء الحب ❤

..شفتها بهذي حالتها سندتها واحتاريت مااعرف شسوي امي جابو الها عبايه وشال
وطلع حسين يشوفلنه سياره
وصلنه المستشفى دخلناها للطوارئ
واطباء قسم الطوارئ حولونه القسم التوليد
واني شيگلولي اسوي بدون تفكير والهسه مااعرف شنو البيها امي تحچي وي الطبيبات وماعرفت شنو بينهن
بقيت بالأنتظار بره
گلولي اخذ باص بأسمها نفتحلها طبله ونسويلها تحاليل وسونر

بقيت بقلق وامي هم يمي ميدخلون احد وياهه بس اني فهمتني يمكن حامل وصار اسقاط مااهتميت اهم شي هيه بخير

كملت التحاليل
طلعت الطبيبه گالت حانل والطفل مهدد عدها نزف شكينه ذابه الطفل بس موجود بالسونار والنبض زين 
بس الطفل مهدد كتبتلها ابر تضربهن وبعدها حبوب مثبت مرتين باليوم وتاخذ مقويات هم بس المثبت تستمر عليه وخل تراجع حته اتابعها طبيبه افضل

فرحت حيل بسلامتها وبالحمل طلعوها من الردهه وجهه اصفر وتعبان ابتسمت الها

..الحمدلله ع السلامه

..الله يسلمك

طلعنه البيت واخواني فرحو وباركولي

بقت هيه بغرفتها لازم تنام على ظهرها
اكدت عليهاوابد متتحرك احسها مقهوره لأن هذي ايام العرس وتطلب حركه بس انه وامي كلنه مانخليها حته اخواني بعد ماجانت تكويلهم وتعدل غرفهم كامو همه يهتمون بنفسهم ويدعولها بالخير
ثاني يوم اجونه ضياء ومرته ونورس وضياء الس جاب العروس من بيت اخوها
العروس جابوها البيت علاء تگعد علمود ترتاح يومين الحنه والعرس هيه هنا وياها مجموعه من خواتها وامها
انه التهيت بالحنه بين الطبخ والمعازيم واهلنه والاصدقاء عرس صفاء سويناه رنان عوضت بي عرسي وعرس علاء لأن هوه ماراد هوسه اخذها الكربلاء بوقتها واتزوجوو
بس صفاء اصر عرسه يكون بين اهله وناسه
صارت حنة الولد
وبدت الحفله تحله وطلبوو مني اغني وهذا يوم حنجرتي صدگ حسيت روحي اغني من گلبي
كلهم ولد عمومتي وخوالي والأصدقاء
تونست وفرحان وانه اشوف فرحة صفاء مبينه من عيونه
خلصت حنتنه وصار لازم يروح يحني العروس
رجعت للبيت الكل متحضر وفرحان
جاي ادخل البيتنه شفت كرت عمي ابو اكرم
هاي شجابها وجهه من اشوفه احس بالطاقه السلبيه الي بداخلي تتفاعل وتضهر
مريت من يمها بظون مااسلم
صاحت وراي شدعوه عليك.عمه ماتخلينه نتباركلك ست الحسن حامل
..ضجت منها وانداريت الها الله يبارك بيج وان شاء الله تگوم بالسلامه تستاهل سنگالها ست الحسن

..اي اي تستاهل ليش لا

دخلت من باب المطبخ اعرف بس بناتنه يگعدن بالمطبخ صارت بوجهي نورس

..هلا هلا باهي والله لو مايسمين عزيزه جان گتلك يوم الألك

..ضحكت بعد گلتيها انتي

..لا ماگلت لاتتحجج شطالع اليوم خاف انت العريس

..ههههه انتي الحلوه شني هالكشخه

..خجلتني هههه

..مو تصدگين ولا انه اصدگ ادري بيج تجاملين وبادلتج المجامله

..مو صوجك صوچي هههه

..وين مريتي ليش مخلياتها وحدها

لمياء ..مريتك قافله ومزعوجه كلش والاكثر هسه تذبها بيك جنه يمها بس مو مهتمه تريد تطلع ويانه تفتر واحنه هنا مشغولين

..ههههههه يعني هسه الگاها قافله الله يبشرج
سمعتن الهورنات يلله اطلعن ؤوحن البيت علاء حته صفاء يروح يحنيها

شفتهن انخبصن الي تريد عبايه والي تدور جهازها
عفتهن ورحت للغرفه
لگيت ياسمين گاعده وامبينه ضايجه

..شلونها الحلوه شبيج تباوعيلي هيچ مبيين حلقظه عليه

..ابتسمت غصبا عني ..وليش احقد شمسوي انت

..ماادري گلي الروحچ هههه

..اي ضجت شني انه گاعده هنا احس روحي مربطه

..حقچ والله بس فتره واتعدي ان شاء الله لاتهتمين

..الله كريم ..صدگ مساع انت غنيت موو

..ابتسمت اي عجبج صوتي

..من زمان يعجبني مو هسه

..وين سامعته كل مااسألج انتي تغلسين

..المرحوم يسمعنياه

..تنهدت الله يرحمه ..صح جان يطلب اغنيله يوميه

..اي

..اي

سكتت ماكو كلام باوعتلها وجهه شويه متحسن

..مو جنچ احسن اليوم

..الحمدلله احسن بس ضايجه باجر العرس وراح تجي بنيه بدل مااني اساعدها تجي تلگاني متمدده غير المفروض اني اعودها على كلشي بالبيت لأن اكيد تخجل

..ميخالف حبيبه شتسوين صحتج اهم

..تخاف عليه انت لو على ابنك

..عليكم اثنينكم الصراحه من هسه حجز مكانه بگلبي

..هههههه زين انت تعترف

..طبعا ليش قابل اخاف

..لا منين تخاف بس اگول تجي من الاخير ماتلف وادور

..قصدج اهتمامي بوضعج خوف عليه وبس ..اذا هذا قصدج انتي غلطانه انتي الأهم وهوه المهم

..دائما جوابك بي فلسفه

..اي احب اتفلسف ..انه تعبان اريد اسبح وانام بس اريدج يمي

..اني هم محتاجتك.ضايجه

..لو اعرف الضوجه الا انتقم منها شوكت تجيج بالدقايق مزاجج يتغيير

..ضحكت مبيين متعبتك

.. ريت كل تعبي انتي

اخذ ملابسه وراح للحمام
واني افكر بوضعي موحلو الموقف الأني بي بس اهم شي الي ابطني بخير اصفن على روحي يعني اكو روح ابداخلي وهذي الروح لازم احافظ عليها بكل طريقه يعني قريبا اصير ام فلان
تذكرت قبل اني ام كرار هذا المتفقين عليه بس هسه مااعرف كلشي صار وياي مامحضرتله ظلت ع الاسم

طلع من الحمام ابتسملي وگال شربتي علاجج ارتاحي حبيبه سهله لاتضوجين گليلي باجر شتحبين اكو كتب اجيبلج تتسلين بيهن او مجلات شنو تحبين حته ماتضوجين

..لا تليفوني موجود اتلهه بي بس لأن عدنه مناسبه حبيت اشاركم

..شاركي حبيبتي وباجر تدللين اخلي ينقلن غناهن وصفكتهن هنا يمج

..ضحكت خوش فكره

نمنه وكعدت على صوت حركة بهاء باوعت الساعه بالسته الصبح

..صباح الخير

..صباح الخيرات شو كاعده ليش ماتنامين بعد وكت

..وليش انت گاعد هسه سمعتك وكعدت

..مالج علاقه بيه انه عندي شغل والولد هم نبني المضيف اليوم غده وعشه عدنه حازم هسه جاب الذبايح وراح نبدي شغلنه انتي ماعندج شي نامي نيايه عني وعنج

..ضحكت لازم تعبان

..اي والله بس تعب الفرح يامحلاه ماينحس بي

..الله يديمها عليك

..بوجودج ايامي كلها فرح ان شاءالله

..دنكت خجلانه الهسه الساني يضيع من اسمع كلامه الحلوو

طلع والبيت هدوء شويه وسمعت حركه بدن يسوون ريوك
ظليت افكر وماحسيت على روحي شوكت غفيت
گعدت على صوت نورس

..ياسمين سينديباد هبصنه عليج ريكوها غدوها دواها گعدي خل امارس وياج دور الحماة

..شبيج خرعتيني واني حامل

..اوي خرغتج گمي كمي جناين اخر وكت

..جنج صدك ناويه عليها

...هههههه حبيت اجرب بس

..جربي بس مو عليه حبابه كلش كافي ضوجتي واني محبوسه هنا

..يلله من تجي العروس وليهمج

..خوش حته صفاء يملخج

..اي والله هذا مكروه وانوب عاشق

درنه على صوته

..ولج منو هذا المكروه

..ههههههههه هههههه انت انت شنو عبالك اخاف

..لا والله منين اتخافين والكبار كبروو راسج

..بنتهم اني مو اختهم

..اي عود هنيالج

..عود مبروك صافي

..عود الله يبارك بيج هوه هيج كل دكتوره غثه لو بس انتي يعني

..فدوه الي اخبل اني منو يلحگني بعدين ياعريس شعندك هنا

..ماجاي عليج اكوو وحده اخت غاليه عليه ماتكدر تبارك وتسلم حبيت اشوفها بنفسي ادري بيها تتمنه تشوفني وتباركلي عدها احساس مو مثل غيرها

..لمعت عيوني واني فرحانه بهذا البيت شفت الحنيه الماشفتها ابيت ابوي ..اي والله من البارحه تمنيت اباركلك وانت جنت ماموجود ومن اجيت صعدت الف مبروك الله يرزقك الذريه الصالحه

..تسلمين الله يخليج

طلع صفاء وهوه يعاند بنورس وهيه طلعت وياه
اجت لمياء گالت عدلي نفسج ورابيها احتمال سجن اقاربنه يسلمن عليج كلها تسأل عليج
كمت بدلت فستان حلوو وسرحت شعري وساعدتني خلتلي مكياج

خليت مخاد وره ظهري وگعدت
گالت لمياء اكلج تره مرت ابوج هنا وكل ماتريد تجيج عمتي ماتخليها تلهيها وتشغلها

گتلها زين تسوي
رجعت سألتني صدگ عود شعجب نزلتوو هنا ليش مو صفاء هنا

..عمتي رادت

..ماسألتوو ليش

..نفذنه يدون نقاش

..شعجب بهاء سكت

..ماادري والله وليش يعارض المهم مرتاحين بأي مكان
..اي صح وهم زين اجت من صالحج الدرج مو زين عليج

..الحمدلله ..طلعت لمياء واحسها تعرف شي
بس ماحبيت اسألها خفت ماادري ليش

بعد الغده بساعه حسيت انفتح الباب ونورس تهوس ولمياء ونسوان اخوتها وبنات عمي الباقيات
يهوسن ويرگصن
ضحكت سواها صدك عبالي يشاقه
ظلن يغنن اغاني طويله
رجعتني وين من جنت صغيره ويصير عرس وحفله جانت تغنيهن عمتي ام علاء صوتها حلوو ويبدن النسوان يدگلها وهيه تغني بصوتها الحلوو

چانت اغنيه عدها حزينه بس احبها تذكرني ماادري شنوو
عنوانها لجعاز زفوني هلي
من جنت صغيرها مااهتم الها بعدين فهمت هيه تحبلها واحد واهلها زافينها لجعاز الي هوه بكد ابوها واكبر

تذكرت ذيج ايامنه جنه فرحانين احنه وولد عمي نوكف ع الدرج الي بعمري واشويه اكبر وبنات كرايبنه هم من بعيد جان حيدر يوكف يمي دوم بس من كبر شويه بطل يفوت يمنه كمت اني اطلع يمه بره نسمع ونقلد ونضحك

گطع صفنتي صوت مرت ابوي يوم الك يبهاوي انتبهت بهاء جاي يصفگ من بعيد وعينه عليه گعدن كل بنات عمي وشالاتهن على متونها عدلنهن وگعدن
وظلت بس نورس ترگص وعمتي تهوس الها
من سمعت هوسة مرت ابوي ضجت ولاترتاح الا تغثني صارلي شگد ماشايفتها مرتاحه قبط گلبي بشوفتها

انوب جلبت بهوستها
گلهم بصوت عالي ولحنها بصوته واشرلي غيرج ماتحلالي مره

ضحكت وفرحت بداخلي كلت هيه هاي شجابها غير زعلانه عود صاحبة واجب هيه
شفت خواتي من بعيد فرحت بيهن صحتهن بوستهن وگعدن يمي وعينهن على امهن

ونورس ماگعدت ولا عمتي سكتت كل شويه وغنت اغنيه

الكل فرحان صار موعد الزفه وطلعوو
جابو العروس كمت كوه حته اشوفها
حسيت بيها مظراتها نظرات غريبه خايفه مترقبه ومتوتره
حبيت اهديها ابتسمت بوجهه وبادلتني بس مجامله
خليت ابالي اصادقها واخليها تتعود علينه
عمتي كالت صعدنها
صعدنها وره عشه الزلم والنسوان زفوو العريس بهوسات قويه وكلهن اجن يمي ماگدرن يطلعن لأن ولد عمي كلهم زاتينه اني بفراشي واحس الگاع ترتج من دبجاتهم
وهوساتهم الي تخلي جسمي يكزبر كلها ع الخوان ووگفتهم

الي عرفته عمي ابو حيدر جاي بس عمتي ماجايه ومعتذره من عمتي وعمتي عاذرتها

زفو العريس وره شويه وطلع سلم ع الناس وبدت الخطار تطلع مابقه بالبيت بس احنه حته نورس وضياء ولمياء بعد مانظفن راحن وي علاء ومرته هم شفتها هواي ساعدتهن ومبينه طيبه
صعد العريس واخوانه دخلوو فرحانين وتعبانين
بهاء كال اليوم انه اله ماناسي وعدي

..لابهاء مو اليوم عيب من البنيه

..والله مافوتها

صارت ساعه اثنعش اتصل عليه مره واثنين وتلاثه الرابعه لكاه مغلق ضحك
وگال الايام جايه يدلل

مرت الأيام والناس تروح وتجي خطار هواي وبقو يمنه لمياء ونورس بس هم تقره واكثر الشغل على لمياء وزوجة علاء

حالتي شويه استقرت بس هم مااكدر اتحرك براحتي
العروس حبابه وخوش بنيه بس متجبجبه وحته هيه ماخلصانه من نصبات صفاء
جانت اكو كلمات ماتعرفهن بلهجتنه من تسأله يترجملها غلط

وهيه تصدك من نضحك يلله تسأله ويضحك
رغم هذا جانت تضحك ماتضوج
شويه شويه ولدنه كامو عادي اذا موجوده هم يشاقون
مرت اشهر وصرت بالسادس وحالتي مستقره ورجعت من قبل فتره الشغلي نتساعد واني وقدس ومرتاحين
بس رجع بهاء يصفن ويفكر هواي وضايج

بيوم جان مزعوج كلش ويكتب بعصبيه
سالته

..بهاء .بهاء شبيك ليش ضايج

ماحاوبني اشرتله
شبيك ليش ضايج

جاوبني بصوت عالي

..انتي ليش ماتنچبين ليش تلحين بسؤالج

ماحاجيته بس تفاجأت هاي اول مره هيج يحاجيني تجمعت الدموع بعيني وهوه طلع

يتبع ..

مكدرت انهيها بواحد بيها هواي احداث

حبايبي التأخير بسبب فوني عطل وصلحته اليوم وكملت الكم

شكرا للبنات الي عذروني او الي دورو النفسهم عذر عني
الي مقدرين انو الكاتبه حالها حال اي شخص يوم تنشغل يوم تتمرض يوم يصير عدها شغل هيه مو الة كتابه ولا معصومه من الأزمات
اني مضطره تأخرت مو اتغلى عليكم بالعكس
والي حجوو اعرف من شوقهم للقصه وعاذرتهم

اهم شي السحگ غلسوو عليه