رواية حكايتي مع النصيب الفصل الثامن 8 - بقلم نور الشمس

تعال ابو البطولات هاي شمسوي ادري انت مالك جبير

...تنهدت ومالي خلگ اسمع شي جاوبته وعليكم السلام علاء منور خويي شعجب ذاكرنه

..من مصايبك والا اني وين الحگ وقتي كله الشغلي مو فارغ واگضيها فره

..اسف بعد اخوك لاتهتم انت انه احل كلشي انت شني الواصل الك حته افهمك وافهم

..شلون تهجم ع العالم اجوو گاوموني واني انسان تعبان على روحي واصلا هيج شغلات مالي دخل بيها سوالف العشاير هاي كلها ماتخصني

..هذا هوو گوامتهم وصلت وحلها يمي روح انت ارتاح بعد محد يوصللك

امي گالت يمه هوه شصاير وليش تتهجم ع العالم وهمه بعدهم مارادين

..ماتهجمت يمه رحت احاجي ابوها وافهمه بوضعي عدها اخو ارعن تلاغينه انه وياه هذا الصار

علاء..لك غير مكسر ابنهم وعاوج فجه

..يطبه مرض مو ادمي

..وانت شموازيك

..علاء من الأخير انه گلبي خلصان گوامتهم وصلت وعود خل يطگوني مشيه ماامشي عليهم لو تطلعلهم گرون

..انت تبقه هيج مندفع وكلشي عندك ضرب وكسرة خشم وتكابر دوم الدنيا مو هيج يرادلها واحد يكسر ويجبر اتعديت عليهم اعتذروخلص

..مامتعدي وهمه الي لازم يعتذرون وشيردون يسوون خل يسوون

..واذا اتعدوو عليه لو على اخوتك لو ولد عمك

..خل يسوونها ومحمد اشيلهم مايضلون ببيوتهم انت ليش مهتم انه اتصرف

..بعد شغله

..شني

..بتهم تنساها وتشيلها من بالك حلفوو لو وصلت بابهم يرموك

..وانت فرحان گدامك يتحلفون الي شلون تخليهم

..يعني شسوي يگولون يريد يورط بتنه

..ادري الزواج صار ورطه مخابيل الله بلاني بيهم مو صاحين بعلي

..نهايتها بهاء اريد اروح

..روح يااخي لازمك انه شني النهايه الي تريدها

..تنسه بتهم

..مااخلف بوعدي

..ياوعد انت شبيك

..منطيها وعد تصير الي وماتصير الغيري

..انت ناوي توجع راسك وروسنه

طلع علاء حته ماسلم جان مقهور وصفاء صاح وراه اخوي اشربلك بندوله وراسك يصفه احنه ضحكنه وضياء صاح عليه
..صفاء اخوك احترمه

..يابه والله شقه اصلا هوه ماسمع

داروو عليه سألوو شنو الموضوع حچيت الهم

ضياء ..وهسه شنو الحل

..الحل يم الحلال ماادري شني حلها

ضياء ..مادام وصلت بينكم گوامه وعشاير انسه بتهم

..انه بيدي شبيك ضياء غير ادگ بروحي هيه واله مية مره من العصر الهسه افكر اعوفها بس روحي تلوب مااگدر

ضياء ..اخوي ماترهم بعد فكر زين

..جريت نفس وتحسرت اخخخ اخخخ

امي كالت يمه عليمن خابص روحك گبل ماحچيت بس هسه مااسكت عليمن هيج متكدر شحال لو حلوه هالملحه غير ملحه ومعصعصه

..چنت ضايج كلش وضحكت من حچيها اخخ يايمه هالملحه التسولفين بيها ماشايفه شيصير بأبنج لو شافها كلشي بيه ينبض حته اصبعي جنت احچي بهدوءومبتسم نسيت اخواني ونسيت نورس گاعده يمي

..يايمه سوده عليه الله يجعلها من نصيبك

صفاء ضحك
..ولكم بهاء صاير بهاء قباني يبوو ع الحب خرب بيومه يبهذل اكبر واحد ولكم انه هم اعاني شو محديگلي شني سالفتك شبيكم لطشتوو البهاءلا وانوب ملحه امي تگول يمه..يمه لو تشوفين معذبتي جنها العافيه بس مامطيتني وجه

..ياا والحظ يحظي شمالكم خايبين ياحب هذا شوداكم عليه شجابكم عمكم خالكم حاب لو ابوكم عمت عيني

صفاء..ضحكت ها حجيه اگول غاثتچ الملحه چي باهي عاشگها وانتي محد عاشكچ

..صخونه العدوك مااگول الك انه اخذته بدون مااشوفه صاحب خالك چان

صفاء..بيها الخير وهسه تردين احنه هم ناخذ هيج بدون شوف

ضياء ..شفت صفاء يضحك ويحشش وبهاء عيونه تلالي بيها الدموع صح هوه مايبجي ولامره شايفه يبچي ابد حته من جنه زغار امي تعاقبنه هوه حته من يتأذه مايبچي بس تبقه الدمعه تلالي بعينه ومن يعصب يطگ بوجهه عصب نعرفه متوتر وضايج
من شفته هيج صحت
..صفاء كافي مو وكته شقاك وانت بهاء ارتاح والله كريم على گولتك يحلها الحلال

صعدت الغرفتي بدون مااحچي شي
خليت راسي ع المخده حسيت المسافات بعدت بينه وشيقربها وشلون اقنعهم ظليت افكر اروح اعتذر منهم خاف مايستاهلون واندم
اتركهم خاف انحرم منها تعبت من التفكير ثاني يوم عندي شغل گوه گعدت من النوم وطلعت بوجعي للشغل حته الولد ماحاچيتهم
والتهيت بشغلي اريد افرغ طاقتي بالشغل
اجه يمي حيدر

..ها باهي تكلي انت صديقي العمر واخو دنيا شو مامبيين

..ذبيت جگارتي ليش ولك شسويت

..شصاير وياك احجي وصلني قليل من الموضوع

..الصار ماينحچي

..فهمني

..حاچيته خطيه ضاج گلي
هسه شراح تسوي بهاء بربك احنه هم نتحاسب بالأخره عليمن نتحاسب عيشه مابيها خير تعب ومذله  ونتلاوه وي وكتنه ملاوه لشوكت هيج

..الله كريم انت شبيك ماصدگت انهديت

..تصدگني اذا اگلك من امس الصبح گعدتي الهسه مانايملي ساعه

..ليش ولك اشوفك تعبان شلون هيج تسوي

..ولك نار بگلبي نار محد يدري بيه

..حيدر شبيك

..ياسمين

..شبيها احچي ادري اجر الحجي منك جر

..ولك راح تموت من وره مرت ابوها البارحه كاتلتها وانه مابيدي شي عليها

..انت فاهي اکلك تزوج تدورلي شكليات وتريد اطگ وتصير احوال يلله تتزوج ولو تموت ماتصير هيج مصباح علاء الدين عندك اتزوج وفضها

..هوه هم هيج اليوم العصر يجيني الرد تعينت لو لا

..الله كريم الله يسهلك ولو ماعاجبني تعيينك ع الدفاع خايب اذا ماتفكر بروحك جافكرت بأهلك انت وحيدهم

..شسوي اذا ظليت هيج اموت قهر والله مرات فلوس جكاير ماالكه بجيبي

..ليش مو تشتغل وياي انت ويوميتك ماشيه

..غيرت الموضوع وجاوبته مايظلن

بهاء ..
رجعت من الشغل وانه تعبان كلش وصادف مانايم ليلي من السهر اخذت المنشفه غسلت وطلعت نمت ماگعدت الا بالليل ساعه عشره تقريبا
باوعت للساعه حيل هاي انه شگد نايم
خابرت حيدر

..يولد گاعدين اجيكم اگضي وكت اليوم الليل شيخلصه هسه يلله گعدت ..اگلك علي يمك حازم
منو موجود

..ضحكت والله مرتاح ماينام هالگد بس المرتاح ..موجودين علي وحازم وياس كلهم موجودين تعال بس بربك تطربنه

..تدللون بس مو مثل كل مره طلبات المستمعين

..انت تعرف انه شريد اسمع منك

..هههه هم سامحيني مامليت منها

..ولك هيه ينمل منها ديلله تعال

رحت وتونست يمهم غيرت شويه من نفسيتي غنيتلهم
وخلصت الولد طلعوو بقيت يم حيدر
گتله اليوم اريد ابات يمك كاره غرفتي بس ارجعلها اظل افكر شراح يصير

..عين فراش وعين غطا صدگ جذب مو تدلل ..بس گلي شسويت على سالفتك

..ياهي منهن

..مااعتذرت منهم

..مااعتذر اولا انه ماغلطت بحقهم الطگه جان مستاهلها ولو واحد غيري يتحجج يسوي بيهم اكثر ويطالبهم بفصل والله
واثنين اخاف اروح اعتذر ويطلعون مايقدرون

بس ياحويدر ياابن عمي تعبت والله مذبوح ذبح وخايف عليها اكيد اذوها

..تعلمني محد يعرف احساسك هذا غيري ولك مايوم يمر اذا مو گلبي مثل النار على ياسمين لابيدي اسوي شي ولا اگدر هيج اسمع ومااحميها تعبت من القهر بس هانت ان شاءالله الأسبوع الجاي التحق

..بربك تحجي صدك ..ولك والله شغلتك واكفه بس شتسوي يلله الله يوفقك

..باهي عندي وياك موضوع بيني وبينك

..اسمعك احچي

..اوصيك بغيابي تودي مصرف الياسمين انه اوديلها يوميه عشره من يوميتي ابوها عنده خير من الله صح عمك وتعرفه بس ماينطيها يخلي يم مرته وهذي تجذب تگله انطيها وهيه حسره عليها كلشي بعدين يلله عرفت هالشي

..ضحكت تدلل انت وياها سهله هاي ..لك انت هم جذاب وذابها بأبوك ياخذ مصرفك

..هههه لا والله بس جكايري الي والباقي الهم انطي

..الله يرزقك حيدر تدلل اعتبرهن ماشيات

هدى ..

رجعت انه اقفل الباب على روحي من الخوف مرت فتره وبيوم اجت امي گالت بهاء حته اخوانج مامعتذر منهم بعد مامگاومينه عشائريا وبهذا فعله استصغرهم
وانسي تاخذي يمه امه خبازه گبل واخوج ماينطي ابد

..شنو خبازه منوو

..امه الشفيه

..شو ماگال ليش سكتت واني اعرف ماطول امه خبازه اهلي مستحيل ينطوني
خابرته مقهوره المفروض يگلي گبل لا اتعلق بي هيچ

دگيت عليه

..الوو

..هلا يا بعد اليشوفن

..بهاء ليش ماتعتذر من اخواني

..تنهدت انتي متصله على هاي مااعتذر ليش اعتذر ماغلطان انه

..بس عيب هيج تستصغرهم

..وهمه ماعرفوو العيب من عيروني بأمي حته ابوج بالجذب مارزله تنهدت حسيتها مو طبيعيه احساسي مايخيب گتلها من الأخير هدى انتي ليش مخابره

..ليش ماگتلي امي خبازه

..وليش اگلج يعني وشنو اليفرق عندج

..هواي امور تفرق چان ماتعلقت بيك ولاحبيتك اعرف اهلي ماينطون هيج حالات

..تعصبت حيل  وانتي شوكت حبيتيني بعد حچيي وياج لو چنتي حابتني يعني الحب برايج هيج يجي ع المرام حسب اتفاقي واتفاقچ شبيچ هدى خاف جابريج تحاجيني حته انغث

يتبع ..

بارت سريع لعيون المتفاعلين بالتعليقات
ويحلوون بكيفهم هههههه واكيد مليان سحكات وبدون مراجعه انتوو تعودو على هالشي