رواية حكايتي مع النصيب الفصل التاسع 9 - بقلم نور الشمس

           مو هذاك الچنت عدهم عزيز
           حيل بيه استاهل شمابيه صار
          القطار البي مشوو باچر يعود
          وبعد ماريده اليطيح من القطار
        _____________________________
أنتي احد جابرچ تتصلين حته تغثيني من الأخير هدى شرايده

..بهاء اني واهلي وانت كلنه تعبنه

..تنهدت٢١ يوم تعبنج

..اني وياك مانرهم الله يهنيك وي غيري

..الله لايهنيچ.. منين طلعتيلي أنتي ليش من دون البنات دگيتي براسي وسلبتي گلبي وين چان تفكيرچ بأهلج من چنتي تصفنين بوجهي الحد ماخليتيني احبچ ماگلتي مااعرف عنه شي وعلى گولتچ خاف حالته مامقبوله عد اهلي

..تعيرني چي حبيتك

..ولچ ياحب انتي ماتحبين بس نفسچ ..سمعيني هدى بعد لو مو روحي معلگه بيچ لو يصبونچ الي ذهب مادامچ مستنكفه من امي ماتصيرين الي مره وخلي ابالج امي نعمه ربتنه وفضلتنه على نفسها نست شبابها وتحملت حر الشمس وحر النار ربتنه بالحلال لاخلت خال يمن علينه ولا عم هسه من كبرنه صار كل همنه نعوضها وانه ماراح اعوضها بچنه مثلچ اكيد..بعد اذا كلتي واذا ماكلتي البينه منتهي هذا هوو
ماراح اگلج اندمچ بس راح اگلج انتي الخسرتي
وراح تندمين من كيفج

سديت التليفون وانه صاير نار يمي النفاضه شمرتها ع المرايه الكزاز صار بكل مكان بديت اشمر شكوو شي يمي الهدوء الچنت متصنعه بمخابرتها تحوول البركان
سمعت صوت نورس
..بهاء بهاء شكوو شبيك

..صحت نورس روحي منا عوفيني
اندگ الباب وسمعت صوت امي

..يمه باهي شبيك ..بعد امك افتحلي الباب مابيه اصعد گوه اجيتك من صوت التكسير

ماگدرت اعوف امي فتحت الباب ورجعت گعدت ع الجربايه وخليت راسي بين اديني

..يمه شبيك هاي ليش هيج يمه غراضك رايحه

ضياء..بهاء شبيك كلشي ينحل لاتضوج

..انحلت هذا هوو الرايدها راحت ماكوو نصيب

..نحاول وياهم ولايهمك لاتضوج

..مو هذا الردتوو موو البارحه كلتولي عوف ليش من عفت تريد تحاول لو انصاغتلي ذهب بعد مااريدها

..براحتك باهي انه علمودك الي تريده سوي لاتهتم الأحد لا الي ولا الغيري محد اله فضل عليك بهاء

..فركت وجهي هذا هوو مالي نصيب والحمدلله كلشي بي خيره

..يمه ختولي والله ماحبيتها بس الخاطرك سكتت انت تتحسس مني وگلت من اگله ماتناسبك تحسبها غير حساب وتكول اخواني حبوو وتزوجو وانه امي وگفت بوجهي

..باوعتلها ..هذا هوو اجت على نيتچ

..انت نيتك الطيبه يمه والله يوگفلك ويطييب جروحك

..كافي يمه اطلع وي اخوانك خل اختك تلم الغرفه ليش هيج غراضك تسوي بيهن ياهوو يستاهل

..حته ارتاح يمه تعرفيني ماارتاح لو اكسر لو اطگ هذا هوو طحنتهن وارتاحيت

طلعت شفت نورس مطيتني ظهرها وتخابر ماعرفت منو يحاچيها

اجووو يمي اخواني وماردت ابقه وحدي خفت لا ارجع افكر بيها صرت اشرد من تفكيري

تأخروو يمي النص الليل حسيتهم يلهوني عبالك طفل ويردون ينسونه شي اسمع ضحكهم وشقاهم وانه ساكت من يشوفوني ساكت يغيرون الموضوع بلكي اشاركهم بغير مواضيع

ثاني يوم ماطلعت للشغل خابرني حيدر گال جاييك انت وين

..بالبيت انه تعال بس مالي خلگ اطلع خاف تگول

..بهاء خابروني باچر التحاقنه وماعندي كروه رايدهت منك دين

..عيب عليك ولك انه وانت بيناتنه دين دتعال اخذ كروه ومصرف الك والعمي بين ماترجع بسلامه

..الله يرزقك باهي انه لو ماانت اضيع وعلي

..ماتضيع يخوي محد يعيش على احد دتعال گلبي خلصان

..انت عود ليش ماتحچيلي مثل مااحجي الك

..شبيك حيدر شچلبت تعال واحجيلك كلشي ولو انت جنك تدري

..اي ادري

..شتدري ولك

..مو گتلي تعال ونسولف اجيك ونحجي

..لا بس گلي شتدري ومنين

..نورس چانت تحچي وي ياسمين وگالت سمعتها تصيح عليه تريد تعرف شبي واصوات الكزاز سمعته سائله نورس وحاجيتلها كلشي

..تنهدت هاا اي صح چانت تخابر فوگ بالممر وسمعتني

يلله تعال متانيك انه
اجه حيدر انطيته شمحتاج ووصيته يدير باله ويخابرني يوميه وهوه وصاني على اهله امرلهم كل يوم وعلى ياسمين خاف تحتاج شي گتله وصيها شتحتاج تخابر نورس وهيه تگلي هوه چان خايف عليها من مرت ابوها مرات تضربها واخوانها هم يتعدون عليها ازغر منها بهواي بس مايحترمون بيت عمي ابو ياسمين جيران عمي ابو حيدر الباب بالباب هوه چان حمايه الها والي عرفته منه چان ضايج حيل لأن هيه تبچي ماتريده يعوفها ويلتحق
من داريه باجر التحاقه زعلانه عليه
طلع حيدر وانه افكر بي واتمنى ربي يحلها وينجمعون قبل فتره چنت ناوي اساعده بشي بسيط لأن جنت مخلي ابالي اتزوج بس هسه لا كرهت الزواج وكرهت كلشي لا هدى ولاغيرها راح انطي الي جامعهن للزواج وهوه براحته شوكت مايرجعلي
گلت بالليل احاجي وابلغه
كل شويه الهي روحي وترجع ابالي احس دگات گلبي تتخربط غمضت عيني اتذكرت مشيتها وعينها الماتشيلها مني
تذكرت من چانت توگف الحد مااشرلها يلله تروح
شجابچ الدربي شخلاج ابالي
تعبت واني مااحب روحي من احزن ولا احب اشكي واعيش دور المضلوم احب كلشي يبقه بداخلي واظهر للناس اني مرتاح مااحب نظرة الشفقه
بس هيج ماجاي اتحمل
بالليل خابرت حيدر وشرحتله بالبدايه عارض الفكره من فهمته تشكر مني وفرح
واني هم فرحت الفرحته
مرات اكو اشخاص قريبين الك من تشوفهم مرتاحين وفرحانين تفرح بدون شعور
هذا الي صار وياي
التحق حيدر وبديت اشتاقله وطلع بمكانه للشغل حسين اخوي رغم بالبدايه عارضته بس هوه قنعني من گلي انه اريد اصير مثلك اريد اعتمد على نفسي واريد اعرفلي صنعه حته الشهاده من اخذها وماكو تعيين انه اعتمادي مو بس عليها
طلعنه للشغل وياي علاوي وحسين
حسين ماجاي اثکل عليه اريد جسمه ياخذ المدلل صعب يشيل طاسه ويتعب هواي فجأه جسمه يتكسر ردته شويه شويه يتعلم گمت احاول اساعده بدون مااحسسه انه مداري جنت اشغله بغير شغل واخذ الثگل عنه وارجع اكمل شغلي وكل شويه يجي ابالي حيدر واكول الله يذكرك بالخير چان مايشتغل الا اسمعه شي يلله عبالك يقايضني
ارجع اشغل فكري عنه الگي فكري يمها اخخخ اخخخ شينسيني وشلون اشيلها من البال
مرت ايام وانه فكري مشغول وحيدر على اتصال وياي يوميه ..جنت اكله اهلك بخير وكلشي يوصلهم وانه يوميه ازورهم
وچنت اودي الياسمين يوميه بيد نورس بيوم اجت نورس چنت اريد اطلع مبدل وكاشخ اريد اغيير من نفسيتي مااريد اضوج ماكو شي يسوه صح هيج اني احاجي روحي بس گلبي حجييه غير يجبرني احن رغم اني كاره موقفها
اجت ياسمين سألتني

..بهاء حيدر يطلبك فلوس

..رفعت حاجبي وباوعتلها ..لا لييش

..هاا مو ياسمين حلفتني بروح ابوي اذا سألتك وطلع ميطلبك ارجع فلوسك الك

..شلها بهاي شعليها هيه انه وحيدر نتحاسب بيناتنه

.والله حلفتني يرجعن

..انه هم ابن عمها تستنكف مني شني

..ماقبلت والله وهسه اخابرها گدامك واسمعها

..عوفيها لاتخابرين براحتها ..بس انتي ديري بالج عليها فوتيلج يومين وانطيها جنهن من مصرفج

..خوش فكره صدك هيه صاحبتي ماتكول

طلعت يم الولد بره وهالمره ردنه نتمشه جاي نتمشه
اني وعلي ابن خالتي وصفاء باقيله قليل ويبدي دوامه بعده مارايح للأقسام وويانه حازم

جاي نتمشه وصار بوجهي اياد ابن خالي ووياه احمد اخو هدى
تركناهم ومشينه بس بقت عيني منهم تشاورو بينهم وضحكوو همه مشوو وانه وگفت لحظات ردت افكر شسويله اكتله لو انعل الشيطان قررت اتركهم من شفت ربعي داروو عليه يشوفون شكوو
وانه اريد امشي شفت احمد شمر جگارته بوجهي
باوعت ع الجکاره بالگاع ورجعت شفته ضحك باستهزاء بدون مااحجي جريته من ياخته ضربته كله اياد ر يفاككنه ضربته وياه حرگتي والقهر البيه منهم كله طلعته ضربني وضربته الحد ماشفت وجهه غرگ بالدم دفعته حيل ومشيت مااعرف من الهوسه الصارت ربعي وين ماشفتهم مشيت وهمه لحگوني

..بهاء اوگف يمعوود خو ماتئذيت

..لا مابيه شي هسه ارتاحيت الأرعن جابها الروحه جنت مخلي شويه احترام الهم جي فكرت اناسبهم بس هوه الرادها ولگاها

..هذا هوو اهم شي ارتاحيت دخل نرجع للبيت خليلك ثلج وجهك بي ورم

..مايحتاج ثلج گلبي برد هذا هوو

رجعت للبيت والولد دخلوو وياي فوتتهم للخطار وضياؤ اكل گلبي صفاء حچاله كلشي انتبهت الصفاء هوه هم لايحته ضربه
گتله انت شبي وجهك گال ماادري دخلت بالعركه وياك وماادري منين اجت منك منه ظل يضحك ودار على ضياء گله حته اياد انعلس وياه ع الواهس

تذكرت صدگ هذا اياد شجابه الأحمد وشني علاقتهم
تركتهم وگتلهم خل ابدل واجيكم

دخلت للبيت الحمدلله امي نايمه
شافني نورس ولمياء

..ياا بهاء  هاي شبيك

..مابيه سهله عركه وفضت
عفتهن وبدلت ع السريع ورجعت وي الولد تأخروو يمنه نحجي بالموضوع وجانوو متوقعين يجون اهله يهدون ويبقون ويانه كنالهم مايسونها خل يولون وحته لو هدوو علينه هم احنه گدها رادوو يبقون تشكرناهم وطلعوو

صعدت الغرفتي ارتاح تمددت بفراشي وانه افكر خرب بيهم منين اجوني يعني شلون ماتطلع من راسي هيه واهلها
مررت ايدي جوه عيني وجعتني
كمت اريد اشوف الأثر
دگ تليفوني حيدر خابرني

رديت بلهفه

..لك هلا حويدر مشتاقلك

..باهي الصبح خابرتك مو مشتاقلي بس كول فگدتني ماعاركت وياك هالمره

..ضحكت اي والله فكدتك اول عركه انت مو وياي بيها بس لاتخاف الولد كفوو ووفوو

..والنعم منك ومنهم بس كون سحلته

..والله تسوه عمره ماينساها ابد

..كواك الله هههه ..شخبارك هسه

..هسه مثلج واعصابي بردت توني ارتاحيت من ناحيتهم

..دومك ان شاءالله مرتاح

..الله يريحك ..صدگ حيدر ولك مريتك تستنكف ماتاخذ مني فلوس رجعتهن بيد نورس

..هاا ليش شو ماگالت

..انه ادري محلفتها تسالني انت تطلبني هيه سألت گبل لا اعرف الموضوع جاوبتها لا كالت حلفتني ارجعهن

..اوو مو انه مفهمها عندي فلوس يمك حته تاخذهن

..ماعليك انه اخلي نورس تتصرف وياها

..هذا هوو بعد شوي احاجيها واذا حجت اكلها اخذي منه عادي
اهلي زينين

..زينين الحمدلله شگد باقيلك وتجي اسبوع وانه يمكم ان شاء الله

..ان شاءالله ..بس هالمره تجهز للعرس وتاخذها اجازة عرس

..الله كريم

..سلمت عليه وسديته خليت الجهاز يم راسي وتمددت اريد انام اليوم احس اكو شي مبرد گلبي
دك جهازي شفته علاء كلت اووو وصله خبر وراح يتفلسف براسي
غلقت الحهاز ونمت اول مره اسويها بس اريد ابقه مرتاح مااريد احد يغثني

يتبع ..