رواية حكم القلب❤ الفصل العاشر 10 - بقلم روز الفياض🌹

#حكم_القلب
#روز_الفياض
#ح١٠
.
.
.

هَلاا يَا كُلشي وبَعد كُلشي ، ومَا بين الضوه ورُمشيّ
.
.
.
وصلنه للكافتيريا وكعدنه بس شويه وعبدالله كام :
من رخصتج مروه اريد احجي وياج شويه.

باوعتله مكدرت اعترض واحرجه واحرج نفسي كدام البقية هو بالنهاية جاي علمودي ..
كمت رحنه مشينه شويه يمهم.

مروه :
شكو؟

عبدالله :
ماكو ...
اريد نتمشى سوا ..
اني مجاي اكعد وياهم .
ويايه همه طول اليوم اني اجيت حتى اشوفج واكولج احبج ....
وجها لوجه لاخر مره قبل العطله.

استحيت درت وجهي وبقيت ساكته ..

اتنهد حيل :
امنيتي اسمع منج هالكلمه.

بقيت ساكته.

عبدالله:
اني البارحه حجيت ويه الاهل بموضوع خطوبتنه.

التفت عليه بسرعه !!!!

مروه :
ليش؟

عبدالله :
حتى اخطبج وتصيرين خطيبتي وبعدين نتزوج وتصيرين زوجتي بعد ليش ..
سؤالج عجيب !!!

مروه :
الله يستر شكلك اتسرعت ..

عبدالله :
اتفائلي مراح يصير الا كل خير.
نسيتيني ..
اتفضلي.

انطاني وردتين جوري وحده حمره ووحده صفره.

عبدالله :
قبل من جنه صغار جانوا يكولون الاصفر لون الغيره والاحمر.. معروف.

مروه :
آخخ ياعبدالله لو بس اعرف تالينه شنو ؟؟
ارتاح راح اموت من التفكير.

عبدالله :
تاليتنه ابيت واحد ان شاءالله ..
تره لا احنه اول ولا احنه اخر اثنين يتزوجون وهمه كل واحد من مذهب ..
لكم دينكم ولي دين مو هيج القران يكول وهذا دين الله شلون لعد بالمذهب؟

مروه :
وحيدر ابن عمي شلون بي ؟

عبدالله :
هم نخلص منه بس كولي يارب.

مروه :
ياااارب.

حجينه هوايه وكل حجينه كان عادي فعلا جنه اصدقاء ويمكن هذا الشي اللي خلاني احبه صداقتنه حتى حبنه كان صداقه.

راحوا واحنه هم رجعنه للبيت وبدت العطله وجنت مرات اتصل بي ونحجي حسب ظروفي وظروفه لان مرات اتصل بس يكون مموجود جانت علاقتته غريبه بس حلوه وبريئه مجان بيها اي شي يخدش الحياء لاكلمه ولاتصرف ولا نظره.

جنت على تواصل ويه منال وساعات يوديلي سلام وياها.

منال .
حبي لتفكرين صدكيني يحبج وماكل راسي عليج ..
كل ميشوفني يسألني شلونها ؟وشخبارها ؟
وسلمي عليها ..
وكليلها مشتاقلها ..
واليوم كلي فد شي.

مروه :
شنو؟
شگال ؟

منال :
يريد يجي يخطبج بس كلي كليلها حتى يكون عدها علم بالموضوع ومتتفاجأ.

مروه :
اويلي بطني ظلت توجعني من هسه خفت ...
شلون نونه دبريني شكول منين اعرفه؟

منال :
على كيفج ..
على كيفج ...
ليش كل هالخوف ؟؟؟
غير جيرانه وشافج مره جايتني وعجبتيه وانتهى الموضوع.

مروه :
اني شوداني وحجيت وياه؟

منال :
شوفي خل اكولج شي ...
تره الموضوع من اول يوم جان جدي بالنسبه اله مو لعب ابد ..
ومثل ماهو يعرف وضعج ورغم هذا بقى مصر على موقفه انت لازم هم تصيرين شجاعه وتتحملين لخاطره وتواجهين اهلج .

مروه :
شواجه !!!
لج اني ذبانه اخاف اكتلها انوب اواجه اهلي !!!!

منال :
هسه اني كتلج كتلي واحد منهم ؟؟؟
بس اريدج تكونين قويه واحجي وياهم كليلهم احبه واريده.

مروه :
هههههههه ضحكتيني والله واني بهالحاله.
شوفي اني صدوك مدلله بس ابقى عندي اخوان شباب وكل شي بيدهم واخواني يحبون حيدر هوايه واخاف احجي شي كدامهم.

منال :
يحبون حيدر مكلنه شي ..
ابن عمهم ومن حقهم .
بس ممعقولة يحبوه اكثر من اختهم وسعادة اختهم ...

مروه :
والله ماادري يامنال ...
ليش هيجي حياتنه معقده ؟؟؟
مكلج شوكت يجي ؟

منال :
هو كال كليلها هالاسبوع نجي ان شاءالله توكلي على الله بلكي يقبلون بدون هوسه ومشاكل.

مروه :
ان شاءالله يارب.

طول الاسبوع واني بقلق وكل يوم اكول يمكن اليوم يجون وماكو هاي مر الاسبوع كله بتوتر وخوف كلت يجوز غير رأيه مراح يجي ..

اليوم جمعه وصار العصر ماكو شي.
كاعده اني ارتب كنتوري وره صلاة المغرب يئست من جيتهم وسمعت الباب اندك !!!!
بادت رجليه ..
كل ميندك الباب اكول هو واظل ارجف من الخوف ..
طلع احمد اخويه فتح الباب ودخل :
امي وين؟

مروه :
بغرفتها يمكن ..
ليش؟

احمد :
نسوان بره يردوها يكولون خطار.

عرفت همه حيلي كله باد وظليت ارجف اريد اكوم اوكف على رجليه مااكدر ،.

طلعت امي استقبلتهم اسمع صوتهم دخلوا شويه واجت امي:
مروه هاي نسوان اجوي ووياهم منال صديقتج.

مروه :
منال؟
صديقتي؟

امي :
اي صديقتج شكو؟

مروه :
شمدريني ؟؟
شكو ؟؟
مكالت راح تجي ؟؟
ولا اتصلت ؟؟؟
شلون تجي هيجي فجأه غير تكول حتى البس شي بي حظ ؟؟؟
هاي شلون بيها العوبه ..
اففف ..

.
.
.
‏"لا يكبر الحب بطول المدة ..
إنما بجمال المواقف وصدق الإهتمام"♥️.
.
.
.
لايك وتعليق وعشر ملصقات فضلا🌹