رواية حكم القلب❤ الفصل التاسع 9 - بقلم روز الفياض🌹

#حكم_القلب
#روز_الفياض
#ح٩
.
.
.

لا منزل أدفئ من حُظن من تُحبك 🫶.
.
.
.
وخلصت السنه ...
واجت الامتحانات واخر يوم اجه عبدالله وياه اصدقائه ولد وبنات اني توني طالعه من الامتحان حاره الدنيا وحسيت روحي طالعه من الحر ووجهي مطبوخ طبخ احمر من الحر.

منال :
هااا ..
طولتي ؟؟؟
شنو شتكتبين متفهميني؟

مروه :
لج متت من الحر ....
اكتب على كيف حسيت راح يغمى عليه من الحر حتى لعبت نفسي ..
حسبي الله عليهم اكو احد يكدر يمتحن بدون سبلت بهالحر ؟؟؟
كتلني العطش الحكيني بالمي فدوه ..

منال :
يااا ...
هاج عمري هذا مي بارد والله كلبي جان حاس راح تطلعين هسه رحت جبتلج مي شفتي شلون صديقة اني ..

باوعتلها واني ممروده روحي من الحر :
اني ذكائج الخارق ولا لكيتله تفسير ...
صدكين ..
هو غير خلص وقت الامتحان طبيعي يعني هسه اطلع لان صارلي ساعتين ونص بالقاعة ..

منال :
يووو ...
اعصابج اعصابج حبي .
اعرف ذكائي خارق ..
داكعدي ارتاحي ...
لتروحين توكعين واحير بيج وين اوديج ولايمي عبدالله واخلي يشيلج مدري يعالجج ..

بعدنه نحجي :
السلام عليكم.

عبدالله اجه ،.!!!!!

منال :
بسم الله الرحمن الرحيم ...
كالوا ابن الحلال بذكره بس هذا حتى مصباح علاء الدين ميطلع بهيجي سرعة !!!

طلع المي من خشمي بلحظتها من الضحك ..

منال وعبدالله :
اسم الله ..
اسم الله ..

كوه سكتت لان شرگت من كد الضحك ..

عبدالله :
شبيكم ؟
مبين جنتوا تحجون بيه؟

اجو اصدقائه سلموا وعرفهم علينه :
شرايكم نروح نكعد بأي كافتيريا؟

رحنه هو يمشي بصفي بيني وبينه مسافة متر ونص تقريبا ..

عبدالله :
وجهج احمر؟

مروه :
من الحر ..
متت اريد اخلص الامتحان بكل طريقه حتى اطلع من القاعه متت حر ..

عبدالله :
اسئلتكم سهله لو صعبه؟

مروه :
بعني مو صعبه بس طويله حيل وتحتاج تفكير...
بس اذا شي صعب او ماافهمه يساعدوني لان كاعده بالاخير هههه.

عبدالله :
تغشون يعني؟

مروه :
لا مقصدي الطلاب قصدي دائما الاساتذه اللي يراقبون علينه يساعدوني اذا معرفت شي .

عبدالله :
كبار لو صغار اساتذتكم؟

مروه :
بكل الاعمار.

عبدالله :
يساعدوج بس انت لو يساعدون البقيه؟

مروه :
والله تريد الصدوك ممتنبهه مااصدك اخلص واطلع.

عبدالله :
اذا اعمارهم صغيره معناها ....

مروه :
شنو ؟؟

عبدالله :
معجبين بيج .

مروه :
ههههه بسرعه فسرتها هيج ليش الكبار ماعدهم هيج سوالف يعني ؟

عبدالله :
يعني متعرضه لهيج مواقف؟

مروه :
اي طبعا .. اني بنيه شي طبيعي تمر عليه هيج شغلات.

عبدالله :
لا مو كل بنيه ...
بس انت شكلج جذاب ...
مثل اللعابات صغيره وناعمه وحلوه ...
وشخصيتج حلوه
وصوتج عبالك طفله ..

ضحكت استحيت :
هذا الحجي كله الي ؟
هاي كلها اني !!!!
مو جنك بالغت شويه ههههه .

عبدالله :
لا والله ..
ابدا مبالغت ..
بالعكس محجيت كل شي لان ادري بيج تستحين ..

مروه :
ليش بعد اكو شي محجيته ؟؟!!

عبدالله :
اشياء ..
اكدر اكتب بصفاتج كتب ..

مروه :
ههههههه لا عاد مو لهدرجة ..
رحم الله امرءٍ عرف قدر نفسه ..مو هيجي يكول الامام علي عليه السلام ..
واني اعرف نفسي عاديه .

عبدالله :
كرم الله وجهه ..
بالنسبة الي انت ابدا مو عادية ..
لو عادية مجان شفتيني وصلت لهنا بيوم من الايام .

مروه :
لهنا وين ؟

عبدالله :
اقصد اني مطالع خارج كليتي ابد ..
ماعندي وقت للعلاقات والبنات وهالامور ..
بس علمودج صار عندي كل الوقت ..

حسيت بالخجل حيل فحاولت اغير الموضوع شويه :
اممم ..
يمكن شغلة الصوت راح اوافقك عليها ..
لان الاغلبية احسهم ينصدمون من يسمعون صوتي ..
صوتي طفولي ..

عبدالله :
صوتج مثل شكلج ..
ناعم مثل صوت الاطفال .

مروه :
انفع اصير مطربه يعني ؟ ههههه .

عبدالله :
لاغاني افلام الكارتون ..
كوولش ينفع ههههههه .
.
.
.

داويني ترا معلعَل !
بس بـ شوفتَك هالروح تتعَدَل .
.
.
.
لايك وتعليق وعشر ملصقات فضلاً 🌹