رواية حكم القلب❤ الفصل الأول 1 - بقلم روز الفياض🌹

#حكم_القلب
#روز_الفياض
#ب١
.
.
.
يعز على الإنسان أن يمشي سبلًا لا يرغبها
ولكنها الحياة ...
.
.
.

تذكروا قبل ان تكسروا قلبا انه لن يلتئم وان التئم فسيبقى فيه شرخا يؤذي احبائكم مدى الحياه فهل تتحملون ايلامهم؟؟💔...

بوقتها ... جنت طالبة جامعية مرحله ثالثه ..
محجبه ،وناعمه ،ماعندي علاقات وصداقات هوايه بس بحدود شعبتي بس عندي صديقتي المقربه منال .
حيل صداقتنه قويه ...
اليشوفني يكول هادئه بس من نكعد اني ومنال كل الهدوء يروح نظل نضحك ونكت ونقلد منخلي احد بحاله.

البنت الوحيده على تلث ولد احمد وفرات وحسين .
وضعنه المادي جان عادي متوسط ..
مجنت محرومه من شي امي وابوي بحيث جنت البس الموديل اول مينزل للسوك بعده كون محد لابس مثله ..

جان عندي حريه اطب واطلع براحتي جان عدهم ثقه بيه لان اني من النوع من ارجع للبيت احجي كل تفاصيل يومي لامي مااخلي شي حتى ليظلون بقلق ويخافون.
مافد يوم حسيت احد من اخواني يراقبني او سأل عني بالكليه والحمدلله ماعندي شي اخاف منه.

وبيوم من الايام ...
منال :
اريد اروح للطبيه ترحين وياي؟

مروه:
ياطبيه؟
شعندج؟

منال:
اريد اروح اشوف صديقتي عندي شغله وياها.

مروه:
ياصديقه اشو محاجيتلي عنها؟

منال:
صديقتي من ايام المدرسه.

مروه:
عندج هيج صديقات من مستوى عالي طبيه وهيج شي من وراي؟!

منال:
اي شنو الغريب؟

مروه:
ماادري يعني احنه ناس على كد حالنه اهل الاداب ههههه.

منال:
ههه هسه ترحين؟

مروه:
تحجين صدك ؟
شيودينه من كل عقلج؟

منال:
منتأخر نروح بتكسي بسرعه ونرجع عفيه الله يخليج شغله ضروريه يرضاها ضميرج اروح وحدي؟

مروه:
تدرين ماعندي ضمير هههه.

منال:
يلا كومي عفيه كومي مدام ماكو بعد محاضرات خل نستغل الفرصه.

مروه:
وين نندل؟

منال:
باع هاي مستشفى التعليمي غير.

مروه:
امري لله كومي بس منتأخر خاف السايق يعوفني ويروح.

منال:
ساعة زمان ونرجع والله..

رحنه اني ومنال للطبية ..
اول مره اروح ..
واول مره احس مسويه جريمه وخايفه انكشف رغم مو اول مره اطلع اني ومنال من الكلية ..
جنه مرات نستغل الريست ونطلع لمحل ملابس متعودين نشتري منه او نروح نشتري كتب بس اول مره نروح لكلية ثانية خارج مجمع الكليات الي احنه نداوم بي ..
ومن هنا بدأت الحكاية .....

.
.
.
- تستحقين أن يغير احدهم خططهُ لأجلكِ🤍.
.
.
.
صباحو حبايب ..
لايك وتعليق وعشر ملصقات فضلاً
تفاعلكم وتعليقاتكم متنقص منكم شي بالعكس تفرحني وتشجعني ..
.
.
.
ياترى شراح يصير ؟
وماهي الحكاية ؟