رواية حكم القلب❤ الفصل الثاني 2 - بقلم روز الفياض🌹

#حكم_القلب
#روز_الفياض
#ح٢
.
.
.
أن أجده مفرط في حنيته ليس هذا مبالغة مني بل لأن شخص مثلي يستحق أن يجد شخص مثله .
.
.
.
وصلنه ...
اني جنت خايفه احد يشوفني من اخواني او من اقاربنه ..
بقينه واكفين متعرف تسأل منو عن صديقتها بعدين كالت بلهفه :
هذا عبدالله  ...!!!

مروه:
منو عبدالله؟

منال:
جيرانه.

مروه:
باوعت شفت ولد شكله عادي واكف ويه بنيه ويسولفون ويضحكون.

منال:
هذا اخو خالد.

مروه:
يا خالد ؟
يعني اني عرفت عبد الله حتى اعرف خالد !!!؟

منال :
خالد اللي حجيتلج عنه مره ...
الي جنت احبه من جنت بالمدرسه وبينه علاقه بس من دخلنه كليه اتغير وكلي احب بنيه ثانيه.

مروه:
هااا معناها اخوه هذا هم ديضحك على هاي البنيه هسه.

منال:
لا لج عبدالله مو مثله ...
اصلا ولا عبالك اخوان عبدالله مؤدب وماعنده هيج سوالف هاي اكيد زميلته.

مروه :
اممم ..
صدكت ...

وره شويه شافنه عبدالله واجه سلم علينه ورحب بينه وعرفتنه منال على بعض ووكف ويانه يسولف هو والبنيه اللي وياه.

بعدين منال سألته عن صديقتها رجاء فعرفتها البنيه اللي وياه وراحوا يدورون عليها بقيت اني واكفه متحنطه ..
عافتني الغبيه يم هذا الي متحنط يباوعلي !!!!
شبي هيجي يباوع ؟؟!!!
فجأة كلي :
اي مروه ،...
شلونج شلون الدراسة ؟

مروه :
الحمدلله ..
زينه الدراسة اكيد اسهل من دراستكم ..

عبدالله :
كل تخصص بي صعوبته .. بس انت مبين عليج شاطره ..

مروه :
شلون عرفت ؟

عبدالله :
ملامح وجهج هيج تكول ..

مروه :
شلون يعني ؟

عبدالله :
مبين عليج ضايجه معاجبتج الجيه هنا ..
اكيد منال لحت عليج حتى تجين ..

مروه :
صحيح ..

عبدالله :
اي شكلج مو مال هيج طلعات مبين عليج مال دراسه وبس ..

مروه :
مو هذا المفروض ؟
مو المفروض احنه طلاب وجايين حتى ندرس ؟

عبدالله :
صحيح ..

سكتنه شويه وهو مصر يباوعلي والمشكلة نظراته جانت مباشره لوجهي ماادري شقصته ..

فجأة :
انت ومنال صديقات مقربات ؟

مروه :
حيل ..

رجع سألني كأنما متاكد من شدة صداقتنه اني ومنال ومتأكد انه منال حاجيتلي اسرارها :
اكبر غلط ارتكبوه اثنينهم هو علاقتهم قبل ميدخلون كلية اقصد منال وخالد ..

مروه :
اممم ..
فعلاً ..

عبدالله:
اني مااتصور جانوا يحبون بعض بس جان تعلق جانوا صغار وبعدهم ماخذين الامور بأندفاع وحبوا يعيشون هيج جو وهيج شعور.

مروه:
نفس رأيي ...
وكتلها لمنال قبل بس معجبها كلامي لذلك مفتحت الموضوع وياها بعد.

عبدالله:
هي شمتوقعه ؟؟
يعني هو هسه يحب وحده ثانيه وحتى فاتح امي بالموضوع وكللها اريد اخطبها ومنال تعرف بهالشي معقوله بعد عدها امل يرجعون ؟

مروه:
ماعدها عقل متعرف تفكر الميريدني مااريده لو تكون روحي بي.

عبدالله:
عفيه هذا الحجي الصح اني هم هذا رأيي.

رجعنه سكتنه ...
مكدرت اتحمل نظراته اكثر التفتت عليه :
مشبه ؟

ابتسم :
لا ..

مروه :
لعد ؟

عبدالله :
احس نفسي اعرفج من زماان ..

بلحظتها جنت بداخلي افكر بي بنفس الطريقة كأنما اعرفه من زماان ..
لان انسيابية الحديث بيناتنه جانت مو طبيعية عبالك نعرف بعض .
كأنما نداوم بنفس المكان ومو اول مره نحجي ونسولف وكأنما صار سنين نعرف بعض ..

حسيته مو من النوع الي اخجل منه مريح بالحجي وجان عفوي بكلامه وبسيطه ومرح ..
شكله فعلا يوحي بأنه دكتور النظاره الطبيه والترتيب والاتكيت وحتى لون الشقار الخفيف بلحيته ..

سحبلي كرسي :
اتفضلي ..

كعدت وجنت لاول مره اتواجد بمكان وحدي مع ولد او زميل او اياً كان المسمى ..

مروه :
شكراً

عبدالله :
شنو تحبين تشربين؟

مروه:
لا شكرا ولا اي شي ...
اني مستعجله اريد اروح لا يروح السايق يعوفني وابقى وحدي واخاف اصعد فورت لو تكسي وحدي ..

عبدالله:
بعد وكت واذا عالسايق اني اوصلكم .

باوعتله :
وين مكاعدين !!!
حتى اخواني يعدموني ..

عبدالله:
عندج اخوان؟

مروه:
تلاثه ..

عبدالله:
وخوات؟

مروه:
ماعندي خوات بس اني بنيه اخر العنقود .

عبدالله:
يعني انت المدلله ههه..
من شوكت تعرفين منال؟

مروه:
من داومت كليه اتعرفت عليها جانت تكعد بالستيج الوراي وجنت مااحبها هههه.

اجت منال وصديقتها وكفوا ويانه شويه بعدين اشرت لمنال نروح فقرروا يطلعون ويانه عبدالله ورجاء للسياره منال ورجاء يمشون كدامنه ويسولفون بحدهم واني امشي وعبدالله يمشي على بعد مسافه مني بدون حجي ..
ساكتين ..

فجأة وبدون مقدمات :
مروه رقمي (............) اذا تحبين وعندج وقت اتصلي نسولف شويه وندردش ..

من المفاجأة بقيت اباوعله وساكته ..
ماعندي رد فعل ..

هالفتره بعد الاحتلال جانت الخطوط الارضيه موجوده وماكو موبايل وره سنه تقريبا يالله نزل الموبايل ..

وصلنه للبوابة الرئيسية ووكفوا هو ورجاء يسلمون على منال ويعزموها تجي مره ثانية واني وياها ..

جنت ملتزمه الصمت بعد صدمة الرقم ..
ستأجرلنه تكسي ودفع الاجره وسلم علينه سلام حار ..
حس بارتباكي لكن هذا الاحساس الغريب انك تعرف الشخص المقابيلك من زمااان يقضي على اي شعور بالخجل او الارتباك ..

عبدالله :
مروه احنه معرفه قديمه المفروض متحسين بالارتباك من تصرفاتي ههههه .

منال :
وين تعرفها ؟

عبدالله :
ماادري ..
يمكن جنت اعرفها قبل ..

منال :
وين ؟

عبدالله :
بحياتي السابقة ..
مو صح ؟

مروه :
الله اعلم ..

عبالك يقرا افكاري كل مره يكول الكلام الي يدور ابالي ..

رجاء :
اهوو عاد لاحياة سابقة ولا قادمه .. اليسمعك يكول بحياتك السابقة جنت مكضيها علاقات ..
لاتزعلين من عبدالله تره ميخوف مو مال بنات امني وارتاحي ههههه .

سلمنه وصعدنه بالتكسي ساكتين ..
.
.
.
"حين ‏أكتبُ عنكِ ‏تَجتمع على ‏عتبة النص ‏الفراشات"
.
.
.
لايك وتعليق وعشر ملصقات فضلا