رواية حكمت محكمة الحب الفصل الرابع والخمسون 54 - بقلم زينب العبيدي(زينبيه)

هلو حبات القلب

هذا البرتوت مثل ما وعدتكم

#حكمت_محكمة_الحب
#بقلم_الزينبيه
#بارت_٤٠

سيوفي حبيبي تعاال ياله اني اسفه

-يوووحي ماليدج اكول ماما عليج(يحجي وهو يبجي)

-يوو يله روح كللها خوفتني فتح حلكه شكبره شيسده بعد

اشو ماجني كتله هيج صرخ كطع روحه بجي ونزل الدرج

ياااا هذا الولد حساس كلش نزلت ورا حتى لا يوكع من الدرج  واني اضحك واكوله يله حبيبي تعال

وهو يصرخ ماااا يوووحي اكول ماما عليج

اتلكته ماما حبيبه فاتحه ايديها يمه يابعد كلبي وشراييني منو وياك منو بجاك انت كلي واليوم اسحلها الك سحل

حجه وهو يبجي نونه ضبتني

حبيبه ليش ولج ليش اكو واحد يضرب هل كتله من الجمال تعال ياروح امك خلي تولي تروحلك فدوه نونه

-والله العضيم ماما جذاب لا وجعته ولاشي ضربته على كيف على جف ايده مايرضا يلبس ملابسه

-انتي مالج علاقه بي اني اللبسه مو هيج سيوفي اني اللبسك هي تخنكك موو

-اي حنكني مخبله

-عاااا هاي علي اليوم احركك حرك

واجيت اريد اخذه وماما حبيبه ماتخليني
وهو ميت ضحك لان ماما حبيبه تضرب بيه ع الخفيف

تبعدت واني اضحك وشمرت عليه الشال اجه بوجها

بس تكول مو شال شامره عليه قنبله انفجر بالبجي ويصرخ اكول بابا عليييج

وماما حبيبه تصيح علي ولج لاتقهرينه هو صاير حساس ويغار لان حامل يغار من اخته قبل لاتجي للدنيه شبيج وياه

والحجيه هم تصيح علي ولج نواره شبيج وياااه بس لا مصدكه انتي اخته شبيج تغارين منه

وهو شهرنه اكول بابا عليج واكول بابا هليج

-هههههه كوله خوفتني بالبابا

سلطان لازم ماتخافين من بابا هاا (حجه وهو يتقدم على ماما حبيبه ياخذ سيف)

(جان هستوه داخل للبيت طبعا هوبعد ما تقاعد من الخدمه ضل مابين السنتر مالت الملابس ومستلزمات الاطفال وبين المحل الي فتحه جديد باحد مولات بغداد محل عطور هو مايشتغل بس يروح يشرف هنا وهناك )

-ههههه لاوالله اتشاقه والله

خذه سيف من ماما حبيبه وهو يكله

منو وياك ويبوس بي

نونه مخبله ضيبتني(ضربتني)

ضحكت اني كتله والله جذاب على كيف بالشال والله

سلطان لج نونه تعاي

ردت اشرد

صاح علي بصوت عاالي كتتلجج تعاااي

اجيت واني اضحك

والحجيه تهز باايدها وتضحك وتكول باع الفطيره مكشره ٢٤ ساعه

كمشني سلطان من ايدي وسحبني كعد على القنفه بالصاله يم الحجيه وماما حبيبه شايله ايو بنت مهند واكفه تضحك علي وتكول حل

كعدني بالكاع على اركباتي صرت كباله واني اضحك

وسيف فرحان لان راح ياخذون بثاره

باوعتله خزرته ضل يبج واني ضحكت

سلطان يعني انتي كله اعناد هاا اكلج لاتبجينه تزيدين اني اعلمج وحبسني بين رجليه  واني كاعده حتى لا اشرد وحط سيوفي بحضنه كبالي

واني اضحك واكله والله مو عناد بس هو ليش يكرهني حسره اباوعله اله وبجه مني

الحجيه يكرهج لان مناشبته تكول اخته ماجنج امه

-يععع اني ام هذا يععع لكيته بالشارع اني وربيته
(حجيت هيج علمود ابجيي )

وهو ضل يبجي يتعقد من اعيب عليه اصلا ويغار مني متصورني اني اخته صدك والصراحه اني افرح من اناشبه وهو يبجي ويعيط علي

سكته سلطان وهو يكله اي بابا صدك عييع هاي مو امك حبيبه حلوه هي امك هاي وسخه تولي

صاح وهو يدفع براسي  عييع يووحي الشارع ياكلج الجلب يوووحي

التفت سلطان على ماما حبيبه وكال شنو ماكو غده اليوم

حبيبه ههههه نسيت والله هسه اصب انت روح بدل وتعال

التفت علي وضربني راشدي على الخفيف وثاني وثالث وسيوفي يضحك

سويت نفسي زعلت وكتله كافي وخر عني اي اضربني كدامه حتى يتعلم

سلطان بعد لا تبجينه وما اضربج واذا لا ماتجوزين منه احركج حرك بنت اليهود
وجراني عليه باسني

صرخ سيف لاااا عييييع بابا لاتبوسس نونه

كمز سلطان وسد حلكه ويحجي من بين اسنونه وهو يضحك لابابا مابستها عييع ما ابوسها

ردت  الحجيه يمه ذوله بعد ماستحو كلش العتب على الجبير وين مايجي يمطك لايكول ابني عيب امي كاعده

ضحك سلطان حجيه شسالفه صدكتي بهذا الكطف شبيه ابوسها جاي اعضها

الحجيه اي تعلمني بدروبك ابو دروب اخذها عضها فوك

ضحك وباوع السيف هاا عجبك فضحتنه باسه وكام

راح ايغير ملابسه

صبينه غده وكعدنه نتغده كلنه الحجيه سللطان مهند ماما حبيبه وحنين واني سيف وايه بنت مهند

كبرت عائلتنه وصارو بيها زياده ٢ وبعد قابله للزياده لان اني حامل جنت تغير البيت صار بي صوت طفولي وعلى كولت ماما حبيبه ٣ زعاطيط بالبيت  وجاي الرابع وتقصدني اني وياهم

كملنه غده وشلنه المواعين وكا العاده سيف اينام وين مينام ابو واليوم يم ماما حبيبه ضليت اني الوحدي

ضليت اراجع المحاضرات الفايتتني سجلتهن الي رشا لان اني اتغيبت ٤ ايام بسبب الافلونزه  هسه اني ٣ سنه كليه ادرس اداب انكليزي

كملت مراجعه وكمشت النقال اتصفح واتصلت على رشا ونسولف اني وياهاا

-رشيوو راح اكلج شي مااتحمل اضل ضامته هواي واريد رايج بي

- خوفتي لج شكو

-لاهو مو شي يخوف بس اني قررت انشر قصتي

-عزززه العززاج قصتج وين تنشرينها

-بالواتباد

-يعني شلوون فهميني وسلطان شكال

-باوعي هو محد راح يعرف بسالفه القصه بس اني وياج

-عزززا العزاج انتي ماتجوزين لج لايلكفج سلطان وتعمين على نفسج وانتي تدرين بي مايرضا بهيج سالفه ليش تعرضين نفسج للخطر

-لا لج والله محد حيعرف اصلا اسامي وهميه وماكو اي خصوصيه  ومحد حيعرف

-زين شلون حتنشرينها

-شوفي اني منزله برنامج اسمه واتباد وداقره بي قصص واقعيه وشفت ابنيه ناشره قصتها اسمها جوريه نهوة الشيخ وحبيت القصه خطر ببالي اكتب قصتي ورحت سالتها وهي شجعتني ودلتني على كاتبه اسمها الزينبيه والصراحه اني سردت الها القصه وحاليا داتنشر بيها

-لابربج يعني ناشرتها ودا تستشاريني والله مادري نويره بس صدك ديري بالج زوجج شديد وميحب هاي السوالف

-هو مراح يدري ها على فكره نزلي الواتباد وتابعي القصه واصلين تقريبا جزء العاشر

-الله اليستر منج خوش من نتشاوف بالجامعه نزلي الي ذاكرتني بالقصه لا

-شلون انساج غير انتي ام البلاوي

-اني شمبلوله عليج المصخمه

-نسيتي مريتض وعمايله

-خل يولي هل زباله حشاج كافي تعلمت منه درس وصرت كلش خوافه هسه انتي الي صرتي جريئه وتنشرين قصص

-لا بربج حسستيني ناشره اسرار الدوله اكول روحي من وجهي وجه القبق وسديت التليفون

وبعدها دخلت للوات واشوف التعليقات ماجنت متصوره قصتي راح يتفاعل وياها الناس ويهتمون الامرها

ماحسيت اله وايدين شبكني من خصري وهمس بااذني شتسوي ياحلو

ضليت ابلع بريقي وسديت التليفون بسرعه و والله مامسويه شي

اتبعد من يمي ودارني عليه ورفع حاجبه  شكوو شبيج ليش ارتبكتي

- ا ا ا

-شنو احجي

وقبل ما انطق كمش التليفون وفتحه

عضيت على شفتي ا ا سلطان اريد اتصل على رشا جيب شوي

رفع اعيونه من النقال كال هاي شنو

-شنو ما ادري ها هاي قصه

-قصه شنو

-وحده د دا اقراها اهووو جيب شبيك

-لا لازم اكو شي ليش مرتبكه

ورجع يقره واني اعصر باصابعي واعض بشفتي ياربي كون ميعرف كون مينتبه
بس نسيت هو فطين ومتعبر عليه سالفه خصوصا اذا ارتبك كدامه ياربي

شويه ورفع عيونه بعيوني وعكد حواجبه هاي شششششنوووو هاااا هاي وين مكتوبه قصتج هاااي مووو احجججججييي

-ل لحظه ا افهمك والله مو مثل مامتصور عادي هاي مامنشوره وهسه ا امسحها

-لج اني مو غبببي وتقشمررريني هاااي الناس جاي تحجي وتعلق وهاي قصتج ناشره قصتججج للعالم شهل سوالف الفارغه شهل طياااح حض وين هاي ناشرتها هاااا

-لاتصيح والله  راح امسحها والله هسه احاجي الكاتبه والبرنامج بي بس بنات صدكني واسمي مو نفسه ولاشي راح ايبين ولا احد يعرفنه

-جراني من اذني وصاح لج تتبن شلون تتصرفين من كيييفج هااا حيوووانه انتي ماتجوزين من سوالفج الرعنه هاااي ياله كدامي احجي وياها تمسحها تبن رعنه خوثه بسيطه اذا ما احرمج من التليفون

-هزيت راسي بخوف وحجيت وي الكاتبه توقف القصه جان هاي بتاريخ ٢٠١٨/١١/٢٩

وسحب من عندي النقال وما رجعه الي ضليت اتوسل بي احاول اقنعه ما فاد

مرت اشهر ونسه الموضوع شوي واني جبت بنيه سميناها رند رجعلي التليفون
جنت متردده ارجع اكنل القصه

بس جنت اشوف المتابعين هواي يسالون عليها تواصلت وي الزينبيه كالت بكيفج ما اضغط عليج رشا ماشجعتني كلش لان صدك صايره كلش جبانه وبيها خوفه

حجيت وي نوال وهي شجعتني اكمل القصه وكالت قصتج تستاهل تنشر وتنعرض للناس معاناتج معانات طفله شافت الي ماشايفه الجبير ورجعت قبل رمضان طلبت من الزينبيه انبلش نشر من جديد

والحمد لله وصلتلكم قصتي واتمنى نالت اعجابكم ورضاكم وشفتو الي مريت بي اني مو طفله ولا فاهيه بس ما اريد اكبر على كد الضيم الي شفته اريد اعيش طفولتي مراهقتي لان انحرمت منهن ما اريد السنين تمر وحتى لو مرة ماراح اكبر عقلي اريد اضل طفله اني افهم كلشي بس ما اريد اعامل الدنيه بكبر اريد اضل مثل ما اني نواره الطفله الفاهيه ههههه

والحمد لله الي انطاني بعد حرماني ام ونعم الام واب وزوج يجنن فديته وانطاني اخ وابن الي لحد هسه يكول انتي اختي وبنت تجنن تشبه رقوشه عزيزت قلبي

........................................

هاي لمن وقفت القصه تتذكرون من كلتلكم اسباب ومشكله وي صاحبة القصه

وهذه رساله شكر من حبيبتي نواره شكرا على هذا الكلام المشجع حبيلتي امووووح😘😘

ههههههه هم زين غنيتي مانعثلتي

تحياتي
#الزينبيه