رواية حكمت محكمة الحب الفصل الرابع 4 - بقلم زينب العبيدي(زينبيه)

مررررراحب وهلا بلخميس واحلى بارت موفاجئ
الاحلى متابعين

وصدكوني تفاعلكم يخليني دوم انزل موفاجئات
بلخط الواضح اذا اتفاعلتو اكثر اكتب اسرع وانزل بارتات موفاجئات حلوات مثلكم

#حكمت_محكمة_الحب

بقلم #الزينبيه

البارت #٣

جان كل يوم يمر عليه بالميتم احسه هذا بيبتي وكل البنات مثلي وكل احنه عدنه ام وحده الي

هي ماما حبيبه جانت عندي صديقه مقربه الي كلش اسمها رشا جنت احبها لان احسها مثلي

تماماً والدنيه ضلمتها مثل ضليمتي تقريباً لكن اخر فتره تعرفت هي على شاب وضل يطلب منها

صور وكذا ترسله بالنقال

نواره. رشا. اني خايفه عليج لاتصدكين بيهم صدك اني محد علمني الصح من الغلط بس احس

هذا التصرف غلط

رشا. يانونو ياروحي خلينه انعيش يومنه وحتى لو غلط اني قابله بي عود خل اغلط وبعدين
اتعلم من اغلاطي

نواره كلامج مو منطقي وع العموم كيفج رسليله اي شي ((اهنا صاحتلي ماما حبيبه ))

حبيبه نوارا ماما تعالي

نواره. هلا ماما اجيت كعدت يمهه بالمكتب مالتهه

حبيبه. شوفي ياماما احنه اهنا على هاي الدنيه كل احنه ضيوف وكل احنه بيوم من الايام

انغادر الى مكانه وموطنه الاصلي هو الاخره

نواره. اعرف ماما بس شنو المناسبه وتحجيلي هذا الحجي

حبيبه. ماما. والدج انطاج عمره. البقيه بحياتج حبيبتي

نواره. اااخ ياربي ضربت على خدودي بحركه يعني راح الي جنت امتانيه بيوم من الايام يحن

كلبه علي ويرجعني البيته راح الي كل يوم من انام احاول اطلع اعذار الافعاله الي جان

يسويهه بيه واكول لا هو مضلوم مثلي ومرته هي المذنبه

حبيبه. شبكتها لا ماما نوارا كولي انا لله وانا اليه راجعون وكولي الله يرحمه ويغفرله عن كل ذنوبه

نواره. الله يرحمك يابه ويغفرلك اني مسامحتك من كل كلبي

حبيبه بستها على راسها كافي حبيبتي ماما والله يعوضج خير عن كل الي شفتي

نواره. ((حجيت وعيوني كلهاادموع))والله ياماما الله عوضني بيج انتي ولو افر الدنيه كلهه ما الكه انسانه مثلج

حبيبه. ضميتها الصدري حبيبتي. والله من اكلج اني احسج بنتي تصدكين لو لاء طبعاً كل

البنات الي اهنا بناتي بس انتي غير

نواره. ياحبيبتي ياماما. والله مصدكه لان تعاملج الحلو والطيب يخلينه انصدك بيج لان نابع

من كلبج

حبيبه. يله يروحي هسه انتي روحي ارتاحي وهلدموع كافي مسحيهن واترحمي الوالدج

وصليله ركعتين وباجر اني اخذج للعزاء

نواره. اني طلعت ورحت للغرفه الي اسكنهه اني واربع بنات وياي من ضمنهن رشا توضيت

وصليت الابوي واني ابجي واتذكره ما اتذكر شي حلو منه بس من اذكر سوالفه وياي الموزينه

ادعي الله يغفرله ويسامحه

((بنفس الوقت))

حبيبه. الو.

سلطان الو حبيبه يله انه انتضرج برا راح نتأخر على موعد الدكتوره

حبيبه. ياسلطان ياعيني انته بعدك مصر كتلك اني مامني فايده علاج ما الي ماله داعي الي

تسوي هذا كله واخذهه مني اطفال مايصير عندي وانت لازم اتسوي مثل ماكتلك لازم تتزوج

ويصير عندك سند بلحياة

سلطان  بعصبيه حبيبه كافي ترا زهكت على كدماكلتيلي اتزوج زواج ما اتزوج فاهمه وكافي تلحيين وكيفج

اذا ماتريدين ترحين للدكتوره كلش عادي اني ماريد لاولد ولاسند

حبيبه سلطان اسمعني اني اريد طفل اني اريدك تتزوج فدوه الخاطري اني راح اموت وماشايفه

الطفل وابنك هو ابني

سلطان يله يله  سديت التلفون وشمرته على الكشن

حبيبه الو الو اووف ياربي اخ ادري بيك بنفسك تشوف الضنه سلطان انت كبرت وصار

عمرك٣٩سنه بس كله تضم بكلبك بس علمود لاتجرحني ولاتحسسني اني عاقر اخخ موهينه

علي والله بس لازم ازوجك ومالازم افكر بانانيه وافكر بنفسي وانت الي مافكرت بنفسك

ومافكرت بكبر عمرك وانت محروم من الاطفال بسببي ولاحسستني بلذنب والنقص فد يوم

حبيبه الو

محمد. الو هلا اختي حبيبه شلونج

حبيبه محمد اني ضروري احجي وياك بشغله تخص سلطان واريدك اتساعدني وبحكم

الصداقه وعشرة العمر الي ابيناتكم عرفت بيك انت الوحيد الي راح تساعدني

محمد. اختي حبيبه انه عيوني الكم كولي عسى ماشر

حبيبه. ماينفع احجي وياك بلتلفون ولو اكلف عليك تكدر تمرلي بلميتم

محمد. حاضر خويه ربع ساعه وانه يمج

بعد نص ساعه

حبيبه. هله خويه ابو حسن تفضل

محمد. يزيد فضلج خويه.

حبيبه شتشرب

محمد. استكان جاي

حبيبه صحت بصوت على العامله واجتني وطلبت استكانين جاي

محمد. اي خويه كولي شنو الشغله الي تخص سلطان وبشنو اكدر اساعدج

حبيبه خويه محمد اني اختاريتك انت بالذات من بين كل اصدقاء سلطان لان اعرف بيك الوحيد

الي تكدر اتفر راسه وتغير تفكيره رغم هو يقفل على رأيه بس انت سبحان الله كأنما سحر وتسحرله

محمد. هههه لا والله لاسحر ولا شي بس بحكم اسنين الصداقه صرت اعرف سلطان حق معرفه

اعرف اشلون ادخله ومن يا دروب وصرت اعرف شلون يفكر فا اروح على طريق تفكيره

حبيبه. اي والله ادري بيك لذالك اختاريتك انت اتنهدت  بحسره وسكتت شوي واتبعت بلكلام

يا ابو حسن سلطان خذنه سنين العمر وجاي يكبر ومايحس على روحه محتاج طفل اقلها

يشيل اسمه ومثل ماتعرف (دنكت)اني حالتي ميؤس منهه عشرين سنه. مزوجين كضيناها من بين

دكتور ودكتور ومن بلد البلد ذبينه فلوس يابو فلوس ع الخالي بلاش طبعاً جنت اكول عسى

ولعل نلكه نتيجه ونحصل على ثمرة تعبنه من هاي السنين بس ماكو جدوه

محمد. لاتيئسين من رحمة الله خويه (حجيت بمواساة)

حبيبه(رفعت وجهي) قاطعته مو اهنا المشكله ياخويه هسه انت عمرك من عمر سلطان وماشاء الله ابنك الجبير

عمره ١٧ سنه الله يحفضه الك انشاء الله هذا من بعدك راح يشيل اسمك ويكون نسلك من عنده

ولو مرة عليك ايام العمر تلكاه هو يسندك بس سلطان منو اله واني كبرت يعني حتلو بعد (حجيت بخجل)

ماممكن الي قدره ع الحمل ع العموم اني اريد منك تقنعه ان يتزوج

محمد (بصدمه ضهرت على تعابير وجهي) معقوله حبيبه. خويه انه اول مره اشوف مره اتكول

الزوجها اتزوج وتعالو ساعدوني اقنعه عجيب

حبيبه. الله سبحانه وتعالى يكول  زينة الحياة الدنيا المال والبنون

وسلطان اتخله عن هلزينه كله علمودي وعلمود لايجرحني ويتزوج علي ويكسر كلبي يعني عاف

احلى شي بلحياة علمودي فا لاتتعجب اذا اني ادوس على كلبي علموده هو ضحى خلال

هل عشرين سنه وهو بحسرة الطفل ويباوع على الي بعمره كل واحد ابنه ابطوله ويجرع الغصه

كله علمودي

محمد. والله عجبتيني ياحبيبه ماكو مثلج هواي بهل دنيه كلهن ايفكراً ابأنانيه

حبيبه. لان سلطان مافكر وياي بأنانيه مستحيل افكر ويا ابأنانيه ع العموم محمد اريدك تقنه

ارجوك اني جاي احس بالذنب وشايله العبئ على ضهري اني المسؤله عن حرمان سلطان من

الذريه.

محمد. زين يا اختي ياحبيبه. انتي مافكرتي يجوز الي راح ياخذهه بعد ما انقنعه احنه يجوز

تفر راسه عليج وتاخذه منج

حبيبه. اول شي سلطان رجال واعي وفاهم وعقله جبير وفاهم الدنيه عدل. ما اتصور راح تكدر

اتغير افكار الي عايش بيها هاي السنين كلهه ولول كيدهن عضيم بس اني واثقه من سلطان

والشي الثاني الاهم اني اعرف لبنيه الي راح اخذها السلطان ربيتها بيدي هاي ومتأكده منها

بنيه في قمة الاخلاق وصاحبة گلب ابيض ونفسيه نضيفه وتخاف من الله وهذا اهم شي

محمد. ولو فضول من عندي بس منو هاي لبنيه

يتبع،،،،،

قراءه ممتعه