رواية حكمت محكمة الحب الفصل الثالث 3 - بقلم زينب العبيدي(زينبيه)

شلونكم متابعيني الغوالي 😍 اتمنااكم قراءة ممتعه

على فكره تفاعلكم كلش محبط ماعودتوني هيج يعني يشوفونهه هوااي  وقليل يصوتون ويعلقون ليش هيج😢

#حكمت_محكمة_الحب

بقلم الزينبيه

البارت #٢

الى ان بيوم من الايام جانت مرة خالي بالسوك

وخالي بالشغل صادف يوم جمعه ماعدنه يوم

دوام اني انام وي خالي ومرته بنفس الغرفه لان هم

ماعدهم بس غرفتين غرفه الهم وغرفه

لاولادهم جنت نايمه عادي مثل كل يوم فجئه حسيت

شخص يتلمس بيه ويحاول ينزعني

ملابسي بدون ميحسسني اني من  الخوف ضليت

مغمضه عيوني وكلي ارجف بس بين علي

ان اني كعدت شويه وسمعت صوت فاروق وهو يحاجيني))

فاروق نوارا هاج هاي فلوس بس بشرط نزعي ملابسج وانطيجياهن

((اني اهنا فتحت عيوني من الخوف كتله))

انجب حرام عيب ((عاد هو اهنا هجم علي وسد حلكي

بيده وضل ينزعني ملابسي وبحكم اني طفله وهو اكبر مني جان مسيطر على كل حركاتي

الهايجه من ضرب وتمشيع وخراميش عاد اهنانه الله سبحانه وتعالى التفتلي الحمد الله والشكر

الله سبحانه وتعالى دز علي اخو احسان الجبير وهو يدور على امه وشاف اخو وهو هيج مسوي بيه

لزمه وكتله موته مووت واجه غطاني وباسني وسكتني اني ماجنت اعرف مدى خطورة الي راد

يسوي بيه اله هسه من كبرت عرفت واحمد ربي الف مره وشكره بهذاك اليوم لمن اجاني

احسان ابن خالي الجبير ونقذتي عاد اهنا لمن رجعت امه من السوگ وكال الها عن الي سوا

فاروق اهنا مرة خالي هددت ابنها لايجيب سيره الابو وطلعتني اني الجذابه وكالت الابنها

احسان ان اني دائما اتحارش ابفاروق واسويله اغرائات رغم صغر سني وان هي شافتني

اكثر من مره واني اتقرب الفاروق وابوس بي وكالت عني هواي حجي ان اني سخيفه وتربات

مرة ابوي وان اني تفكيري منحرف رغم صغر سني وعبت راس ابنها بهذا الحجي وطمطمت

سالفة ابنها فاروق اما اني جنت بعدني مندهشه من الي صار واسمعها وهي تحجي علي

فا من اجه خالي كتله خابر على بابا اريد احجي ويا وبالفعل خابر وحجيت البابا كلشي عن

فاروق وشسوا الي ومرة خالي شنو حجت علي اهنا اجه ابوي مشتاط وتعارك هو وخالي اذكر

هذيج العركه صار حتى دم بيهه لان ابوي ضرب خالي ابماعون اكزاز وخالي رداله نفس

الضربه ورا مافكت السالفه طلعوني اني الغلطانه وخالي طردني اني وابوي وكلي انتي تربات

ابوج وامج ماجانت هيج واحنه متبرين من عندج لاتجيني بيوم وتكوليلي خالي ضليت ابجي

اني واخذني ابوي واذكر بهذاك اليوم موتني كتل وجواني بجفوف رجليه من جوه جان يضرب

بيه اذكر سوه وجهي ازرك وهاي الحيزبونه مرته رحمه توزوز بي وهو يضرب بيه بالزايد اااخ

ذكريات ما انساها اتمنيت اموت وما اعيش وي هذول الوحوش طفله بريئه عمري ثمان سنوات

شفتهم من الدنيه ويتهموني بهيج اتهامات ويضربوني هيج ضرب ضليت ابجي لحد ما غرگت

المخده بالدموع ونمت واني عيوني كلها ادموع  ضليت يومين الحرگ ايأذيني وابجي منه وجان الحرك

حار على جلدي الطفولي واني طفله والطفل لمن يتوجع يريد كلب حنين يحجي ويا حجي حلو ويقنعه  ويحطله دوه على

جروحه ويصبر عليه بس اني جنت اسمع من ماما رحمه الي بلا رحمه كلمات يطبج مرض

وعساج بالموت وتضحك علي واني اتوجع كأنما اني ضرتها مو بنت ضرتها الميته طفله اني

شذنبي وابوي جان يجي يسمع بس منها ويقسى عليه مرة الايام ورجعت مرة ابوي يوميه

تشكيني الابوي حارمتني المصروف عكس بناتها الي كلشي يشترن واني اباوع عليهه نفسي مره

اشتريلي جبس او عصير بس جنت لا اتخيل روحي اكلهن واني اباوع الخواتي ياكلن ومن

جنت اكول الاختي انطيني ما الحگ اخلص احجايتي اله والكه نفسي مكتوله هذيج الكتله

بالاضافه الى ان حارمتني اللعب وبس اتخليني انضف وبناتها يلعبن بلعاباتهن الحلوات والله

اذكر لمن جنت اخلي راسي ع المخده خليتلي جوراب ابيض بي گطن ورسمتله عيون والعب بي
عود لعابه

بس من اريد انام لان محرم علي الزم اي لعبه اتخص خواتي اااخ المأسي هواي ع العموم

اتمر ايامي شي اقسى من شي الى ان بيوم من الايام جانت صديقة ماما رحمه جايه عدها

وبالصدفه سمعتهن وهن يسولفن وهي اتكللها ))

خلوها ابدار ايتام وخلصو من عدها عليش انتي

متأذيه وزوجج هم متأذي وتكللها هاي باجر عكبه تكبر وتسوي مكسوره وتعم حتى على بناتج

((جانت ماما رحمه فرحانه بحجيها كلش وهي تكللها)) الله ويدج شوفيلي وين صاير دار الايتام

((وصديقتها اتكللها))  يامكثرهن دور الايتام وغير الحكوميه اكو هواي اهليه بس انتي قنعي

زوجج والباقي تركي علي اهنا دخلت عليهن واني ابجي عرفت اني المقصوده بالحجي واني

اتوسل ابماما رحمه ماما حبوبه لاتوديني اني اريد اعيش يمكم والله اني احبكم انتي وبابا

اريد اضل يم خواتي والعب وياهن والله بعد ما اسوي وكاحه وانضف من وحدي بدون ماتكليلي

شنو تردين اسويلج بس لاتودوني بعيد عنكم ((جان جوابها الي رفسه دفعتني بيها للحايط وهي

تسب بيه وبامي وتكلي )) تصنطين علينه خلي يجي ابوج بعد مابيها مجال ما اتحملج

((وبالفعل اجه بابا بالليل وقرت ابراسه مرة ابوي هواي بالليل وهي كلساع اتذكره بأن اني

اتحرشت بأبن خالي وبأن اني تفكيري منحرف وعساس اني طفله وهيج سويت لمن اكبر شراح

اسوي بأن اني راح أأثر على خواتي واشوه سمعتهن واكسر ضهر ابوي بسوالفي ومن هذا

حجي الزن الي الفته هي وصديقتها ولبسوني اياها كا تهمه جنت اسمع حجيهم وابجي ما اكدر احجي اخاف يكتلوني

اهنا بابا رفض في بداية الامر كال

خطيه وهي بنتي حالها حال هذكنيج بناتي ولازم تربه جوه عيني بس لمن شاف ماما رحمه لمت
O
ملابسها واخذت بناتها وهي تكله كيفك عاد لو اني لو هاي المنحرفه بالبيت اهنا بابا الي هو

ضعيف الشخصيه وماعنده كلمه حتى على مرته ومن حبه وعشقه الزايد الهه اتوسل بيهه  وذل

نفسه واهانهه علمود لاتروح بس هي جانت ميبسه راسهه الى ان نطقها وطلعت من اللسانه

وهو يكلها خليها تولي من باجر انه اوديهه للميتم بيدي هاي اهم شي رضاج اهنا انصعقت

ضليت ابجي للصبح ما افتهم شنو ميتم بس اعرف انهم راح يبعدوني عنهم  كعدت واني اباوع الابوي وهو يلم ابملابسي واني ابجي جنت طفله
I
وخايف من المكان الي راح يوديني اله حتلو هم قاسين وياي بس ميخالف اضل احس اكو امان

يمهم جنت ابجي واحجي ويا بصوت كله ادموع. بابا وين امودين بابا اني اريد اضل يمكم

والله ما اأذيكم بعد والله ما اسوي وكاحه بس لاتوديني جنت اشوف ابوي مايحجي ولا كلمه بس

حسيت بي مو من كلبه يريد يوديني للميتم بس علمود يتجنب المشاكل وي مرته الي يحبها هواي

اخذ جنطة ملابسي وهو يجر بيدي واني كضيت الطريق كله ابجي بالساره اباوع البيتنه لحد

ما اختفه من نضري وصلنه للميتم  ودخلني ابوي ما اذكر هو شنو جان يحجي وشنو جانو

يكلوله وهو ينطي اسمي والاوراق مالتي وجنسيتي بس اذكر مديرة الميتم وهي تكله حرام عليك

هاي بنتك وانته عايش ماتعتبر يتيمه وسمعت رد ابوي وهو يكلهه اذا ماخليتوها عدكم اذبها بأي

شارع ويطبهه الف طوب اهنا مديرة الميتم كالتله لا لا خلاص خليها عدنه انت انسان ماتخاف

من الله وكلشي اتسوي اذكر هاي لحجايه من كالتله اله حوبت هاي اليتيمه ماتتعداك وهو

ضاج كلش وتصايح وياها وبعدين شمر جنطتي بالكاع وعافني ودار ضهره ومشه ركضت ورا

وعثرت وطحت بالكاع على وجهي واني اصيح بابا اخذني وياك احجي واني ابجي بابا

لاتعوفني بابا اني والله احبك بس هو ابد مالتفت الي شفت ايدين كومتني وحتضنني اي جانن

ايدينها حبيبه او ماما حبيبه هيج سميتها اعرفكم اماما حبيبه جان ابوكت الاجيت اني عمرها كان

٣١ سنه. بعدها ابنيه شابه حنينه كلش وطيبه وتعامل الاطفال كلهم ابحنيه موبس الاطفال حتى

الكبار الي بالميتم طبعاً الميتم كله بنات يعني مو مختلط هو ميتم وهو مدرسه جان ميتم اهلي

يعني قائم على مساعدات اهل الخير من الناس الخيره وعلى ماما حبيبه الي تصرف على كل

هاي الايتام شكد ما اكول عنها حنينه قليل ابحقها صدك الله عوضني بيها عن الاذيه الي

شفتها من ماما رحمه جنت استغرب الحنيتها المفرطه وخصوصاً وياي اني بالذات بس لمن

كبرت وصار عمري ١٥سنه

صار عمر ماما حبيبه ٣٨ سنه جنت احبها اموت عليهه احترمها ومتعلقه حيل بيها

صدك حسبتها امي وهي اعتبرتني بنتها وجنت اني اقرب وحدها الها من بين كل البنات يمكن لان اني يتيمه وابوي على قيد الحياة  من

هنا تبدي قصتي

يتبع،،،،،،،