رواية حكمت محكمة الحب الفصل الثاني 2 - بقلم زينب العبيدي(زينبيه)

السلام عليكم مشتاقتلكم متابعيني طبعا عذروني ع التأخير هاي القصه اتأخرت بيهه

راح يكون النشر يومين استراحه ويوم ثالث بارت طبعا هذا مو محدد احتمال اسويلكم بارتات مفاجئه او انزل اكثر من بارت ولحد يسألني نزلي او كملي بسرعه  واكو بنات تجي تجاوز او تحلفني انزل بارت ف اني والله ضروفي صعبه يعني صاحبة مسؤوليه بيت واطفال وبنتي بلمدرسه بلاضافه الى اني ادرس طلاب يعني هذا كله وخصصت الكم وقت اكتب بي بس حتى تستمتعون وتستانسون بقصصي

طبعا هذا بارت اصغيروني انتضروني بلبارتات الجايه رح اعوضكم

#حكمت_محكمة_الحب

بقلم #الزينبيه

البارت #١

حكمت محكمة الحب حضوريآ،،،
على قلبي بلعشق مدى الحياة
بعيدا عن كل الفروقات
محتضنآ تلك اللحضات
مابين طفولتي وتلك الشيبات

ان للحب دوله وقانون ومحكمه وهنا يحكم على القلب بلحب فاذا اعتلا امر الحب ذهبت كل الحواجز هاربتآ موليه من امامه ذلك السيد العضيم وهنا يصدر بقرارات العشق ويهيم العاشق بمن عشق فذاك السيد لايعترف لابمكان لابزمان ولاجنسيه لابلغه لابشكل لابعمر،،،

نواره. واني اصرخ وابجي والله العضيم ماما والله ما ادري هي انكسرت جنت ابجي بحركه بس ماما رحمه ماتسمعني وتضرب بيه بالصونده وهي تصيح

رحمه. ولج شلون ماتدرين ياحقيره انتي طول عمرج وكحه وشالعه گلبي بس هو مو صوجج

صوج هذا ابوج الي مادفنج وي امج بس لا لو اني لو انتي بالبيت وصل حدي وياج وهسه يله

يله بره طلعي عقاب الج اتضلين برا بالمطر

نواره بجيت بحركه ماما فدوه والله بارده الدنيه واخاف من الضلمه فدوه بعد ما اعيدهه جنت

اصيح واصرخ واتوسل بماما رحمه بس جانت هي رحمه بلا رحمه طلعتني برا وجانت الدنيه

لليل وشتاء وبشهر الواحد والدنيه دگ مطر طلعتني برا خايفه واتلفت اخاف من الضلمه طفله

عمري ثمن سنوات جنت الزم اثار الصونده وهن يوجعني والزمهن واضل ابجي هاي مو اول

مره انضرب طول عمري انضرب مندون خواتي عندي خوات ثنين اصغر مني بس ماما رحمه

تعاملهن احسن من عندي ضليت ابجي وحاميه نفسي من المطر جوه الشجره الي بالحديقه

جان الجو كلش بارد واني ارجف شفت بابا اجه مجرد مادخل من الباب ركضت عليه واني

ابجي بابا شوف ماما رحمه ضربتني وطلعتني بالمطر بابا كول الها بعد لاتضربني ولا اطلعني اخاف من الضلمه (جنت اشكي شكوه طفله تريد حنيه وتدور عليها ماعندي غير شي بداخلي)

ماجد ليش ضربتج اكيد مسويه وكاحه

نواره (بعدني استوني اريد احجي وماحسيت اله وايد سحبتني من شعري حيل وضربتني)

رحمه ها ولج الحقير لازمه ابوج بلباب وتشكيله اني اعلمج يالنذله وانت شوف يا اني يابنتك

هاي بالبيت اني مليت وجزعت روحي ماخاله شي ماكاسرته وماخاله شي مالاعبه بي وفوگ هذا كله السانها طويل وترادد

ماجد. اشسوت (والتفتت على نوارهولويت ذانها) اشسويتي يانذله انتي ماتشبعين من الدگ لازم

اندگ عليج اربعه وعشرين ساعه انتي مثل الحيوان كمتي ماتحسين (فريت وجهه براشدي)

طلعتي روحي مللتينه ادري طفله لو شيطان

نواره. ضليت ابجي بحركه بابا فدوه والله ماسويت شي الوحدها انكسرت المرايه

ماجد ماكو شي ينكسر من وحده اكيد انتي لعبتي بيهه وضربتيها بش وكسرتيهه !

رحمه. شوف ماجد اني من باجر الصبح الم ملابس واطلع يا اتطلع هاي بنتك من البيت يا

تدفنها ورا امها خوش والله ماكافي بناتي انوب جبتلي هاي العله وديها الخالها وفكني تعبت

منها
ماجد. هدي يارحمه هدي ياحبيبتي ميخالف

رحمه (بعصبيه اكبر.) كافي تكلي هي طفله هاي مو طفله هاي قرده شلعت كلبي بوكاحتها

بلسانها الطويل واني كتلك باجر او اني لو هي

(رحمه جانت طول عمره اسم بس مو على مسمى اني فطنت على الدنيه ماعندي ام بس جنت

اصيح الها هي امي اشوفها مو مثل باقي الامهات يعني الام تحب بنتها وتحضنه اتبوسها

وتمسح على شعرها اتمشط الها اتبدل الها اتداريها اما اني جانت امي رحمه تضربني تقسى

عليه ما ادرسني جنت اروح لجوارينه هي الي ادرسني بالاضافه الى الكتل والضرب

والعقوبات جانت لكلشي تضربني تتفنن بعقوباتي مره تكص شعري ومرات اتسبحني ابمي.

بارد والجو شتاء ومرات توكفني على رجل وحده مدت ساعات واذا تعبت تكتلني بالاضافه الى

ان جانت تشغلني تقريباً نص شغل والبيت واذا لكت مامنضفه عدل بعد اني طفله وين اعرف

انضف مثل الجبير فا دائماً تلگه بعض الاشياء الي ماعادلتهن ابمكانهن الصحيح او ماكانسه

المكان عدل فتكوم عليه وتضربني او تجويني بالنار تعبت حيل وتعقدت واني طفله صغير

تعبت هواي مو بس هي الي تعبت من وجودي بالبيت اني هم تعبت من وجودي بهذا البيت لان

ماعايشه بي طفوله مثل باقي الاطفال وبعد هذاك اليوم الي اصرت بي مرة ابوي رحمه على

ابوي بأن يوديني عند خالي بالفعل ابوي وداني وي ضوه الصبح البيت خالي )

(جانو بيت

خالي متكونه عائلتهم من خالي وزوجته واولاد خالي ثلاثه واحد عمره ١٤ سنه واحد عمره ١٧

واحد عمره١٩ من اول مادخلت على بيت خالي جنت اشوفهم فرحانين بيه ويحبوني ويدللوني

وخالي جان حنين وياي و ابد ماخلاني محتاجه شي بالااخص هم ماعدهم بنيه لكن ورا مرور سبوع

حسيت وجه مرة خالي اتغير علي الضاهر هي هم ملت من عندي ومن مسؤليتي هذا كوم وابن

خالي الي عمره ١٤ سنه اسمه فاروق جان دائماً يجيني ويضل يبوس بيه ويشبكني اني طفله

ماجنت اضن هو يفكر غير تفكير جان حسبالي ان لان اني طفله وهم ماعدهم بنات بس رغم

هذا جنت اني اضوج منه الى ان بيوم من الايام)

يتبع،،،،