رواية حكمت محكمة الحب الفصل السادس عشر 16 - بقلم زينب العبيدي(زينبيه)

شلونكم حبات 🌹كلبي

قراءه ممتعه

#حكمت_محكمة_الحب

بقلم #الزينبيه

البارت #١٢

دخلت حبيبه على سلطان الي جان متمدد على جربايه ويطكطك على نقاله رفع عيونه باوع عليها ورجع يباوع بالنقال

كعدت يمه على الجربايه

حبيبه اا سلطان والله ترى موقصدي اصيح وبوجودك بس انت ماتعرف منى شنو قصدها وليش حجت هيج بس تريد اتحجيك وتخليك تلوم بيه كله لان ماخطبنالك سناء

قفل النقال سلطان وباوع عليها شنو حبيبه اني غشيم لو ما اعرف لو تعلميني بقصدها بس انتي ماحترمتيني على الغده وصوتج شعلوه امي كاعده واني والبنيه الي ماصار الها بس جم ساعه من دخلت البيتنه

حبيبه والله ادري واني اسفه مادري ليش فقدت وعليت صوتي بس طكت روحي دائما تعقب على كل الي اسوي ومايعجبها اي شي اسوي وتحب تحجي علي كدامك وكدام عمتي ترى اني هم بشر وهم يضوجني هاي التصرفات والانتقادات الماتبطل

سلطان عرفتج عاقله ياحبيبه شبيج انتي يعني  ماتعرفين منى واسلوبها بال حجي لوجديده عليج وانتي تعرفين اني اعرف سلوبها وشتقصد وتدرين ما اتأثر بحجيها ولا اهتم النغزاته وهي تجينه خطار وتروح نتحملها قابل نطردها حبيبه هاي المره صارت المره الثانيه اكلب الدنيه عليجن

حبيبه صار واسفه وحقك عليه

سلطان يله طفي الضوه خل اناملي نص ساعه

حبيبه زين ااا مو المفروض تنام هناك

سلطان لاخطيه خليها تاخذ راحتها

حبيبه سلطان بس هيج دا تكسر خاطرها البنيه تريد منك اهتمام

سلطان لا هيه تستحي مني خطيه وتتقيد بوجودي كلش

حبيبه شي طبيعي ياسلطان بعدها مامتعوده عليك وانت مو قريب منها ولاتقربت الها بالخطوبه لاتخليها تبني حواجز بينكم

سلطان ادري ادري بس اني اريدج تحاجينها خل شوي تتعود على البيت لان احسها بعدها صغيره وخايفه

حبيبه لا سلطان مو هي انت الي داتحس هذا الاحساس تحسها خايفه وصغيره انت الي جاي تبعدها عنك تبعدها حتى من تفكيرك زين اسألك ولو متأكده ان لا بس انت اتقربت منها امس صارت زوجتك شرعا وفعلا

سلطان.  اي بالفعل احسها خايفه وصغيره احس نفسي مغتصب واني اتقرب من وحده بكد بنتي يعني لو صارت وردتني راح احتقر نفسي كلش راح احس بهمجيتي وحشيتي لا لا حبيبه ماداخل هل شي براسي صعب مجرد اتخيله

حبيبه. سلطان. شنو الصعب البنيه صارت زوجتك زين انته اذا تفكر هي تردك وتخاف منك فهذا الشي طبيعي وكل بنيه تسويه و اني وحده من البنات الي صار وياي هذا الشي نفسه لو نسيت اتقرب منها تدريجيا اشرحلها انت هسه ابوها وزوجها والمفروض تصير صديقها  مو اني الاعلمك سلطان انته ابو العريف

سلطان. جراها من خشمها. انتي نسيتي احنه وره شهر اله صرنه مزوجين

حبيبه. ببتسامه. لا مانسيت وهذيج جانت ضروف ثانيه وحالتك جانت غير  وظرفك يختلف

سلطان وهسه كذلك عندي ضرف والضرف اكبر

حبيبه الا وهو 

سلطان. كوني اني رجال عمري ٣٩ وهي عمرها ١٦ سنه واني جاي احس اتجاهه شعور ابوي تكسر خاطري  ما اتخيل نفسي اتقرب من عدها  شي بحد ذاته وحشيه

حبيبه زين. اني ماكتلك روح  روح هسه وبهل لحظه خل تصير زوجتك يا اخي خليك  قريب منها كعدو سوه سولفو ضل يمها بالغرفه  نام اهناك  راح هي تتقربلك راح ينكسر هذا الحاجز  وماتشعر بالفارق 

سلطان. حجيج منطقي  وتدرين بيه عقليتي ماتتقبل غلط. بس سؤال واحد  اني زوجج

حبيبه. لا ابن جوارينه شي اكيد زوجي

سلطان اها ماتغارين علي لج واحد ظابط يمي ماخذ ثنين نسوان ويكول دينه كامز من غيرة النسوان  هاي تكله كلتلها وماكتلي وهذيج تكله ضحكتلها وماضحكتلي جبتلها ماجبتلي اشو انتي وبكل كلب بارد تكليلي روح نام يمها وتقرب الها ترى عجيب حبيبه مو شي طبيعي

حبيبه اهاا اول شي صديقه هذا لمن تزوج تزوج على مرته رغبه مو ضرف او نقص بمرته اما انت بحاجه الطفل وهذا اكبر نقص يحس بي الانسان ولمن تكلي ماتغارين اجذب عليك واكلك ما غار بس اني عاقله ياسلطان وفاهمه هل شي مايعارض الدين ومو بس هيج لا اني ما اريد بانانيتي احرمك من احلى شي بالحياة واني حامده ربي وشاكرته حتى لو مارزقني بهل نعمه اكيد اله بيها غايه تخفه عني وعنك فلذالك متفهمه زواجك اما على الغيره موجوده بس مو مثل الي اخذو على زوجاتهم بالغصب وبعدين نواره بنتي من اكوللها ماما صدك سلطان تطلع من كلبي احب هاي  الطفله واحسها بنتي فا موضوع الغيره مخفف عندي ياعيني واني احبك اموت عليك ويسعدني لمن اشوفك مرتاح ومكمل حياتك بكل مقومات السعاده وهذا الشي يكتمل بالاطفال ما اريد احس بالذنب لان مايصير عدك اطفال واريدك تحب نواره وتدللها لان هاي دين بركبتنه البنيه وماتدري يمكن هي السبب الي تدخلنه للجنه

سلطان الله ياحبيبه والله انتي مره يعجز اللسان عن وصفج انتي ذهب ما ادري انتي مستحيله او شبه مستحيله بهذا الوجود

حبيبه. لعد شلون اعجبك ياسلطان زمانك

سلطان. اهووو انغرت علينه اشو تعاي يمي

حبيبه. لا يا استاذ يمك ماجي انته روح يمهه

سلطان حبيبه. 

حبيبه. لاتحاول كوم كوم. عندك مره جديده بالباكيت

سلطان انتي لاتحاولين  كتلج ما اتقرب منها

حبيبه هسه كوم مو شرط تتقرب منهه واني تعبانه واريد انام.

سلطان. جنج جاي اطرديني

حبيبه. والله اذا تريدني اطردك اطردك  فا اطلع بكرامتك احسن الك وشردت من يمه بسرعه

سلطان. اهمم لعد ليش شردتي تعاي. خل اللعب كرامتي هلى ظهرج وين النطاق

حبيبه وهي تطلع اهوو سلطان عفيه صدك نعسانه وتعبانه

كام سلطان من مكانه وهو ياخذ نقالاته وينافخ الله اكبر على الظالم اشوف وين توصلنه حبيبه

حبيبه. حجت من وراه عساس. الاستاذ ماراضي وميريد يروح يمها دروح يابه روح

التفت عليها وهو يهز بيده  ويظحك  والله يا الله وطلع

نواره.  جنت نايمه. بين النايمه والكاعده حسيت الباب انفتح ونسد. بس النعسه بعيوني مافتحت عيوني  سمعت صوت حركه على ميز التسريحه فتحت عين وحده بكسل شفت سلطان. رافع حاجبه ويباوع الروحه بالمرايه مجرد شفته ضليت كلي ارجف واني اباوع الكل حركاته وهو يتقرب على المرايه ويتفحص ابوجهه. شويه وتبعد خله النقالات على الميز ورجع العطر المكانه  يم البقيه لان اني  خليت منه وعفته على  صفحه  التفت علي واني بسرعه سديت عيني. حسيت بي وهو يكعد على الجربايه  فتحت عيني شويه وشفت الضوه مطفي  وهو متمدد على ظهره وايده فوك عيونه   حاط رجل فوك رجل ويهز بجف رجله

  حجيت بنفسي.  مو المفروض من عنده يحجيلي حجي حلو حبيبتي واحبج وهذا الحجي الي يخجل عمري وحياتي وحبي يعني مثل رشا قبل من جان يكللها حبيبها  ياربي اكيد مايحبني اي اي مايحبني 

دمعن عيوني من الفكره   مجرد كلت هاي لحجايه شلون اعرفه يحبني  ضليت صافنه وافكر لازم استعين برشيوو بس شيوصلني الها خل انام والله كريم

شويه وحسيت اللحاف انسحب من يمي فتحت عيوني بسرعه كلت بنفسي يمه بس لا حيتغط وياي  شفته صدك متغطي وداير ظهره علي حاجيت نفسي

اكول نواره. شلج ابحجي الرومانسيات والحب اشو هو اتغطى وياي واني ضليت كلي ارجف  لا لا خلينه هيج احسن   وماكدرت  انام  بس اتكلب  قربه من يمي يقلقني اضل احسب حتى لنفس من يطلع  ربع. ساعه وسمعته يتأفأف  اني جمدت ابمكاني  اكيد على كد ما اتكلب ضليت جامده. ابمكاني حتى ما ارمش   ما ادري  شكد ضليت على هاي حالتي لحد مانمت

نواره. كعدت واحس واحد يتلمس بأيدي حسيت رجفه داخل جسمي فتحت عيوني بسرعه وشفت سلطان يبعد ايدي عن وجهه  وشفت رجلي مستقره فوك بطنه سحبت رجلي بسرعه واجت عيني بعينه واحس لو ابجي دموع العالم كلهم ما اوفي حق هذا المنظر من الخجل بسرعه غوركت اعيوني من الخجل وحسيت حرار صعدت الراسي

سلطان نواره. نومج. مال جهال كلش. مرة الثانيه ربطي روحج حجاها وهو يبتسملي

نواره. جن ما كلي هاي لحجايه. ضليت مدري شنو اسوي  ابجي او اضحك المهم اني ضحكت وبجيت بنفس الوكت 

شفته رفع حاجبه وغير تعابير وجهه شويه وابتسم

سلطان ادري شبيج تبجين وضحكين بابا اني مخوفج ليش تخافبن مني ليش احسج تتقيدين من تشوفيني تضيع افعالج وترتيباتج

نواره. هزيت راسي ابمعنى لا

سلطان. لعد فسريلي ليش تبجين هسه

نواره حجيت بالكوه. هيج هنه نزلن ادموعي ابحدهن

كعد على حيله. وبين بياض سنونه وهو يظحك  بدون صوت
سلطان لاحول لله

كام   وعيوني اتبعه اتجمدت ابمكاني شفته اخذ نقالاته وطلع  بس صدك حسيت بالراحه لمن طلع ضربت روحي راشدي غبيه ثوله ماتعرفين اتنامين عدل شهل احراج ليش تبجين وضحكين سوه انتي مخبله اي اكيد مخبله  كضيت راسي واني اصيح  ياربي  شهل موقف المحرج احس الحراره تمشي بدمي

من امس ولليوم واني كلساع اتفشل يمه سحبت مخدته وخليتها على وجهي واني اخنك بروحي بس استوقفني  عطره  شعره  استنشقته حييل وغمضت عيوني على الريحه الطيبه  حجيت وي روحي هذا شنو يخلي الشعره الله جريت شعري واشتم بي شنو هاي لا لا خل اكوم اخلي عطر الشعري  زين ياعطر  يخلي هو خل  اخلي اي عطر والله كريم وكفت يم ميز التسريحه واني اسحب عطر عطر

واشتمه عجبني عطراسمه فندي كمشته وردت ارش منه ع راسي مامنتبها للي واكفه بالباب وفاتحه حلكها وايدها على خدها

حبيبه يااا هاي شنو ماما شداتسوين

التفتت عليها بسرعه وتلخبطت طاح العطر ع الميز وعدلته بطريقه سريعه واني اكللها ها لا بس عجبني فااا

حبيبه. ماما مايصير تخلين الشعرج عطر يسوي بشعرج شيب

نواره. اني بس حبيت ااااا يعني شميت لا اوكفي

حبيبه. شنو حبيبتي شعرج ريحته محلوه احجيلي اني امج بنيتي

نواره لا لا ابد مو هيج اني ردت يعني تصير بي ريحه طيبه يعني مثل العطر

اتقربت علي ماما حبيبه. اشتمت شعري

حبيبه. طيبه ريحة شعرج لويش العطر  بس اذا تردين تعالي وياي

اخذتني من ايدي ورحنه الغرفتها جان سلطان واكف اكبال لمرايه يمشط شعره  وجان يريد يطلع التفت علينه لمن دخلنه ورجع يكمل تمشيط  وكفتني ماما حبيبه بصفه  اكبال ميز التسريحه  وجان راسي واصل الجتفه  اجت عيني بعينه بالمرايه وهو يباوعلي
اخذت حبيبه علبه صفره صغيره  وحاجتني وهي مبتسمه هاي ياعيني مخمليه مال شعر  مال استاذ سلطان.  واخذت من عدها وخلت الشعري وضلت تفرك ابفروة راسي واني مبتسمه بالكوه من الخجل 

حبيبه. هسه اشتمي اممم الريحه الطيبه

نواره. اخذت شعري اشتميته بخجل وهزيت راسي بمعنى اي

سلطان. هسه. لو. اتذبين على راسها نفط هم تكلج طيب

حبيبه. بأبتسامه يااا ليش

سلطان. من دخلت الحد هسه حتى نضرات عيونها يرجفن ابتسم. ذكرتني بنضرات السجناء من نحقق وياهم حسيتها مسويه جريمه وخايفه تنكشف

نواره ابتسمت بالكوه

حبيبه. اي ياعيني ياسلطان غير بعدها مامتعوده هي متعوده علي وبس مو صحيح نواره

نواره.  حجيت بخجل وبصوت ناصي وطلعت لحجايه. اي سحيح

طبعا اهنا ما اشوف بس وجه سلطان صار احمر يضحك بدون صوت وبس جسمه يهتز   اما ماما حبيبه  تريد تحجي من الضحك ماتكدر كعدت على الجربايه  اول مره اشوفها هيج تضحك واني من الفشله ابدي الكاع تنشك وتبلعني واخلص من الفشله ضليت اضحك واضحك وحاطه ايدي على وجهي هي ضحكه وهي بجيه
وبلكوه. سكتت واجتني ماما حبيبه تحجي تشهك من الضحك

حبيبه واضح عليج التوتر يا امي 

حجه سلطان. وهو يلبس سترته ويهز براسه يمنه ويسرى وهو يضحك   والله يانويره فلم انتي  وطلع

بس ماكأن كلي هيج حسيت بخجل على خوف على رعونيت العالم كلها اجمعت براسي كأنما الحظ يريد يفشلني بس من هو موجود على كد ما اخجل من عنده

حبيبه. يله يا امي امشينه ننزل جوه

ونزلنه. جانو خوات سلطان متجمعات عدا  منى الي راحت ع اساس زعلانه من حبيبه  وكعدت ابيناتهم واني استمع لسوالفهن  وبس من يسألني اجاوب 

ضلينه على هذا الحال لحد ما أذن المغرب الكل راح يصلي واني هماتين صعدت الغرفتي اصلي  صليت وكملت وضليت كاعده بالغرفه استحي انزل 
ضليت اطلع باللعابات الي هذيج المره اشتراهن الي سلطان  اعشق شي اسمه لعابه  اخذتهن وجان اكو ميز عالي يصير بي ٦ مجرات  رتبت عليه اللعابات جانن ٤  وبهل اثناء اندك الباب خفيف 

نواره. اتفضل

حبيبه. ها ماما شداتسوين 

نواره ابد ماكو دا ارتب هذن اللعابات

عصرت خشمي وهي تكلي. شلون بالطفله اني زين اتصلت على سلطان وكال انحضر نفسنه اني وياج وهو نتعشه برا طبعا اني لزكت روحي وياكم بالكوه اتحملوني شوي تحجي وهي مبتسمه

نواره لا ماما لاتكولين هيج والله اصلا الطلعه مو حلو اله انتي بيهه

حبيبه ياروحي انتي يله كملي ولبسي على ما اجهز نفسي ها تره ديري بالج يجي ويتانيج شويه مايحب الانتظار كلش

نواره. اي صار

وراحت ماما حبيبه واني بدلت وكملت وخليت. شويه كحل طبعا  اني ما اعرف احط مكياج ابد. عدا الكحل ومو قويه كلش  خليت مسكاره وبس  لفيت الشال مالتي جنت لابسه صايه طويله لونها بصلي فاتح بيها حزام ذهبي

سلطان ها حبيبه. كملتو

حبيبه. اي كملنه. بس خل اشوف نواره

سلطان. يله يمعوده محمد ومرته ينتضرونه

حبيبه. شنووو محمد ومرته يمعود كتلك اطلع انته ويها بالبدايه لزمت اله اروح وياكم بس انوب طلعتلي بمحمد ومرته اني اريدك تكعد وياها حتى تتعلم عليك حتى تحس روحها عايشه وي اهلها وتبطل تخجل منك

سلطان. اكول فضيها فضيها وبلا سوالف المراهقين تتطلع وياك تتعلم عليك

حبيبه اوف ياسلطان ماتصيرلك جاره البراسك براسك

سلطان. اكول. فضيها تره طالعه روحي من خشمي

حبيبه فاضتها والله

نواره اجتني ماما حبيبه وكالت سلطان ينتضرنه بالسياره نزلت وصعدنه ويا بالسياره اني صعدت وره وماما حبيبه بالمقعد الكدام واول ماصعدنه فتح الجام سلطان وضل يدخن وهو مطلع ايده من الشباك و ايده الثانيه على الستيرن يسوق جنت اباوعله ومدققه بكل حركات ايديه وكل التفتاته  وفجأه  رفعت عيوني للجامه وشفته يباوع علي  رفع حواجبه ثنينهن ونضرات عيونه علي وابتسم  اني ضليت اعصر بأصابعي وابلع بريگي من الخجل

سلطان. وين تردين نروح نواره

نواره حجيت بصوت بالكوه ينسمع. كيفك

سلطان. اخذج للمدينه نفس هذيج المره

نواره. حجيت بفرحه وبسرعه اي اي

حبيبه ياعيني. وين تردين تصعدين 

نواره. اي شي

سلطان. خوش.  سحب التلفون وتصل هلى صديقه. وهو يكله يتبعنه للزوراء 

وصلنه. للمدينه ما اوصف شعوري  من اشوف الالعاب اعترف مثل الطفله تشوه عيني على كلشي ابدي كلشي اجرب وكلشي اصعد  وعيون ماما حبيبه وسلطان مافاركني. احسهم فرحانين ابفرحتي

حبيبه. ها نواره امي شرايج فرحانه

نواره حجيت بفرح اي اكيد

حبيبه. زين تعالي نشتري شعر بنات

وكمشتني من ايدي  ورحنه يم ابو المكينه. جان يلف بالمكينه وشعر البنات يتجمع على العصه.  جنت فرحانه بالنضر  وهو يضيف الالوان كتله   

نواره. عمو اني اريد لون وردي

ابتسم الولد  تدللين عمو

سلطان. حبيبه اخذي نواره وكعدو هناك اني اجيبه  

شويه  وصلو محمد ومرته ويا بنات ثنين  و ولد  صغير   بناته وحده عمرها ١٤ سنه يعني اصغر مني بسنتين و وحده ٧ سنوات و الولد ٤ سنوات كعدو يمنه   وجاب النه سلطان كل احنه شعر بنات بس هو وصديقه ما اكلو

محمد. عود ليش ماجبتلي

سلطان.  جاهل واجيبلك

زوجة محمد. انعم الله عليك خويه سلطان. سويتنه جهال

سلطان حجه وهو مبتسم  لا محشومه خويه اني قصدي على حبيبه

حبيبه. يووه يسمع منك وارجع جاهله شفايتلي

نواره طبعا اني جنت اكل وعيوني منا ومنا ابوع للناس وللجهال وشنو يسوون جانو اكو جهال يلعبون طوبه  وشمرو الطوبه واجت يم رجلي بحركه طفوليه رجعتها الهم واني اضحك   سمعت سلطان يكول الصديقه

سلطان. هاك استلم وتلومني من اكلك

اني مجنت منتبهه ان الحجي علي وسمعت محمد يكله ميخالف ياسلطان حقها خطيه. ماشايفه ومحرومه ويتيمه

سلطان. وياك بكلشي. مستعد اربيها واداريها وادللها واشيلها بين اعيوني. بس ما اكدر اعتبرها زوجه

اني سمعت الحجي وعرفت ان اني المقصوده. بلعت الغصه وعيوني غوركن بسرعه  حاولت الزم دمعتي لا تطيح بس وجهي بين كلش عليه القهر والزعل  بحيث حتى شعر البنات ماكملته  خليته هلى الطبله كدامي.

حبيبه همستلي. شبيج يا امي.

نواره. اريد اكللها مابيه شي بس ماطلعت. لان احس بنفسي اذا حجيت راح ابجي

حبيبه. كومي.  اخذتني من ايدي وكامت.  وحجت. يله احنه. راح نفتر شويه واصعد نواره بالالعاب   يله ام حسن كومي.

رحنه كل احنه وياي بنات محمد صعدنه   بهواي اللعاب وجنه نضحك ونسولف بصوت عالي ومنطلقين نسيت شويه حجي سلطان. جانت حبيبه. وام حسن يمشن كدامنه. واحنه وراهن   وكل ساع نشتري شي طبعا ماما حبيبه انطتني فلوس اشترينه موطه وشاميه وحب  وببسي ونمشي ونشتري  بنت محمد حبابه  وحجيها حلو  وبس تضحك كلش اتونست وياها 

بعدها رجعنه يمهم.  هم نفس كعدتهم ماتحركو
كال سلطان امشينه نتعشه حتى نرجع للبيت وبالفعل رحنه اتعشينه بالمطعم  وراها رجعنه للبيت واحنه بالطريق  باوعلي سلطان بالمرايه 

سلطان. ها نويره  تونستي

نواره. حجيت بزعل طلعت نبره غصبن  عني.   اي

سلطان. متأكده. جنج زعلانه

نواره  حجيت بسرعه  كتله لا لا ابد  والله تونست

وصلنه للبيت ونزلنه سلطان راح الغرفه ماما حبيبه وهي دخلت ورا دخلو عيوني تتبعهم ليش معقوله مايحبني ليش قبل يتزوجني لعد ليش مايريدني زوجته وطاحت دمعه من عيني ودخلت للغرفه ونزلت كل ادموعي كانما يردن حجه حتى ينزلن ردت احس بحياة غير هنا احس بسعاده ماردت الحرمان يستمر كافي الي شفته يعني كل الي صار وياي موكافي تبعني الحرمان حتى بزوجي وقسمتي زوجي الي يحسبني بنته وبس اخذت حسره لكيت نفسي لابسه ومخلصه الظاهر ماحسيت على نفسي من القهر ومن ضوجتي مديت ايدي امسح دموعي ودخل سلطان بهل اثناء وبس باوعتله ابتسملي ع الخفيف لكن بسرعه رفع حاجبه وتقلصت الابتسامه

سلطان شبيج تبجين

نواره مابيه شي حجيت واني احاول ابتسم

اتقرب علي سلطان رفع وجهي بايده حسيت رجفه بكل جسمي من لمسته يوجعج شي احد ضوجج محتاجه شي احجي ياب

رجفت شفايفي واني عيوني تتنقل بكل جزء بوجها هزيت راسي لا

ب بس اشتاقيت الصديقتي رشا

سلطان اهاا زين باجر تاخذج حبيبه او تجيبها هنا يمج
واني راح اشتريلج نقال حتى تتصلين عليها

ابتسمت وكتله صدك

سلطان اكيد صدك وهسه تعاي خل انام وسولفيلي شلون جانت الطلعه

اتمددعلى الجربايه واني طفيت الضوه وتمددت من الجهه الثانيه وضليت اسولف وياه عن الطلعه وشنو صعدت وهو يباوع علي ومبتسم لحد ماداخ

سلطان كافي يمعوده شنو تورطت كتلج سولفي يحجي وهو مبتسم

ضحكت بخجل نسيت روحي يله نام تصبح على خير
جر خشمي وكال اجمعين ودار وجها للجه الثانيه وتغطه.  وبسرعه ثكلت انفاسه ونام وضليت انه اباوع على ضهره وكلساع افكر بكلامه الي مضوجني احب اباوع عليه يعجبني كلشي بي طوله اجتافه العريض شعره المزينه خفيف عطره وعطر شعره الي يجنن ضليت صافنه بضهره لحد مانمت

كعدت الصبح مالكيته بالفراش باوعت ع الساعه ب٩ونص كمت طلعتلي ملابس ودخلت للحمام سبحت وطلعت مشطت شعري خليت كحله بس هذا الاعرفه رشيت عطر ورتبت الجربايه صارت بالعشره واني جوعانه واستحي انزل وادعي كون تصعدلي ماما حبيبه وتشوفني  ياربي راح ابجي من الجوع وشوي وسمعت صوت باب الحمام ينفتح طلعت بسرعه وشفت ماما حبيبه داتنضف ابتسمت

حبيبه ها نواره امي صباح الخير

نواره صباح النور

حبيبه خل اخلص البيدي وانزل اسويلج ريوك

نواره لالاماما اني انزل اتريك بس استحي منو اكو جوه

حبيبه محد بس امي(ام سلطان) وملاك وحنين والبقيه راحن

نواره لعد ح انزل

حبيبه اي نزلي وصاحت من فوك على حنين

حنين هااا

حبيبه سوي النواره اريوك حنونه

رفعت حاجبها حنين والله ياالله تعاي هانم تعاي وراحت

نواره ليش ياماما موكتلج اني انزل واصبلي ما اريد اكلف على واحد

حبيبه نواره امي لاتاخذين على خاطرج من حنين ترى هي طيبه كلش بس حاركه دمها على شنو ما ادري هو اني وراضيه هي شبيها

نواره حقها ياماما مو شي سهل تردينها تحب شريجه اختها لو اني بمكانها اذبحني اصلا اني وحده ما استاهل الاحترام لامنج ولامنها ودمعن عيوني

حبيبه ول ول على كيفج نونو امي قابل انتي بكتي الزوجي لو لفيتي عليه واخذتي بالكوه انتي مو شريجتي انتي بنتي واني بايدي زوجتكم واريد اشوف اطفالكم لاتحجين هيج حبيبتي وحنين شعورها طبيعي لان ماتعرف ان انتي مثل بنتي واكثر لان ماتعرف منو نواره

نواره بس يا امي صعبه علي اني احبج وما اريد اضرج او يجي يوم وتشوفين شي يحز بخاطرج اويكسر كلبج

حبيبه ماكو هيج يوم ولاراح يجي هو خل يصير الي براسي واشوف اطفالكم هاي فرحتي كلها واحس حصلت على ثمرت تعبي

نواره اتذكرت حجي سلطان وي محمد وكلتلها سلطان مايحبني

حبيبه ابتسمت

نواره لالاموهيج ما اقصد هيج بس

حبيبه شبيج يانواره يا امي لاتبررين من حقج غير زوجج وتردينه يحبج ويهتملج لو ع شنو اتزوجتي

نواره والدموع اتجمعن بطرف عيني والله مو قصدي هيج امي موقصدي هو زوجج ومايهمني اذا يحبني اولا

حبيبه نواره امي كافي تبررين ترى اني فاهمه وعاقله وادري من زوجتكم راح يجي يوم وانتي تحبينه وهو يحبج فا لاتستحين وتضمين حبج على مود تدارين مشاعري لان اني حاسبتها واول وتالي راح تعشكون وتحبون بعض

نواره دنكت وجهي بخجل وياه حزن

حبيبه نواره يا امي سمعيني زين سلطان لحد الان ماتقربلج ليش تدرين

نواره مافهمت شنو يعني متقربلج واستحيت اسألها اي شي يخصه لان أحس صعبه عليها وهي زوجته فا ضليت ساكته

حبيبه اني اكلج لان هو يحس نفسه جبير عليج وحاسج مثل بنته او بالاصح هو مامجرب الحب بعد الي صارر قبل و٢١ سنه

نواره رفعت عييوني وباوعتلها وشنو صار قبل ٢١سنه

هنا صاحت حنين الرريوك ست نواره

حبيبه صعدي اهنا حنونه وتعاااي والتفتت علي تعاي كعدي خل اسولفلج كلشي حتى تصير عندج معلومه عن سلطان وماهيته تحجي وهي مبتسمه....

يتبع....