رواية حكمت محكمة الحب الفصل السابع عشر 17 - بقلم زينب العبيدي(زينبيه)

سلام حبات كلبي

ترى البارتات دا اطولهن والله يعني ٤٠٠٠ كلمه موتكلون قليل

#حكمت_محكمة_الحب

بقلم #الزينبيه

البارت #١٣

صعدت حنين الريوك وهي كالبه عيونها ليفوك وتنافخ واني وماما حبيبه كعدنه بغرفتي

حنين اتفضلي يا هانم لو محتاجه واحد يوكلج

حبيبه حنين شبيج يا امي

نواره اشكرج حبيبتي تعبتج وياي

حبيبه لاتعب ولاشي هي اختج واجبها تخدم اختها العروسه وباوعت على حنين ببتسامه

باوعتلي حنين بطرف عينها  ودارت وجها ونزلت ماعجبها الحجي

ابتسمه حبيبه اكلي يا امي اريدج تتحملينها ترى حنين طيبه بس مشكلتها ما تأمن بالناس بسرعه

اي سمعي اني يانواره يتيمه توفوا امي وابوي واخوي زوجته واطفاله احترك بيهم البيت مالتنه اني وحنين جنه عندبيت خالتي ام سلطان هنا يعني جانو هما جوارينه واني اجي ادرس وي بناتهم وماسمعنه بس اصريخ الناس والهوسه بالشارع وره شكم ساعه دخل علينه عمي ابو سلطان وياه سلطان جان الدخان والصخام تارس وجوهم وملابسهم بهذاك الوكت جان عمري ١٧سنه وحنين عمرها سنه وحده اجيبها وياي لان متعلقه بيه والبنات يحبنها ويلاعبنها اي نرجع السالفتنه دخلو علينه وبس يباوعون علي اني استغربت من نظرات عمي ابو سلطان الي وعيونه كلها دموع المهم ضمو عني بوكتها وكالولي اهلج طلعوا وكالو خلوها يمكم لاتروح للبيت استغربت وما صدكت بس شاسوي ماكو غير اسكت اثاري هما ناقليهم للمستشفى امي واخوي زوجته والاطفال ماتو ماطولو يوم بس بابا ضل يومين وبعدين مات اااخ يانواره شبعت ضيم بفكدهم كلش صعب خسارتهم كلهم مره وحده

نزلت دموعي واني اباوع الماما حبيبه وهي تسولف وعيونها مغوركه بالدموع

وهي ابتسمت منبين ادموعها وحجت اني دا اسولفلج علمود تعرفين قصتي مو تبجين يله اشو اكلي ترى ما اكمل

كلتلها لالا كملي ح اكل ومسحت دموعي ورجعت اكل
وكملت هي

اي ولمن اتوفواهلي عمامي كالو ودوهن الخوالهن اني عندي ٢ عمام و٢ عمات عماتي متزوجات بالخارج وعمامي حاليا هم طلعوا للخارج بس قبل جانو كاعدين بالعراق اتصلوا على خوالي خوالي من اهل النجف كالوا راح يجون ياخذونه يمهم بس ماكو مرت الايام خلصت الاربعين ماكو من وره الفاتحه واختفوا جنت اخابر عليهم كليوم يكولون باجر نجي وما اجو دارت سنه اهلي واني عايشه عند بيت عمي ابو  سلطان  شالوني على كفوف الراحه حتى اني جانت عندي فقر دم منجلي وعلاج وتبديل دم كل شهرين
ماتركني عمي ابو سلطان ولاحسسني باليتم ابد وجان يعاملني ويعامل حنين احسن من بناته المهم وره السنه أيست كلت مايردونه خوالي ودا يأجلون الجيه كل يوم ضليت عايشه عد بيت عمي ابو سلطان سنه وجان هو يرمم ابيتنه يكول ايفيدجن بالعازه وماكو وره دوران سنه اهلي ب شهر اتوفه عمي ابو سلطان لان جان يدخن هوواي صار عنده ربو كلش قووي وترابه وضربه بالجو على ماوصلوه للمستشفى مات وهم حزنت عليه وبجيت حسيت راح ابوي الثاني لكن بعده سلطان ماقصر سلطان شهم وصاحب غيره اتحمل مسؤليتي ومسوليه حنين وامه وخواته واخو و بيتهم و علاجي من دكتور الدكتور جان عمره بدايه ال١٩ لمن توفه ابو جان يحب وحده جوارينهم وهي تحبه حب سنتين طول بس هي جانت تغار مني ٢٤ ساعه تتعارك وياه بسببي لان مهتم بيه هو من باب الانسانيه جان مهتم بيه بس هي تغار وماتفهمت هل شي  ماهزته غيرتها وكللها علي هي يتيمه ومريضه ومحد الها وهو يحبها الها واني مايحبني مجرد عمل انساني وشفقه ومن هذا الكلام وما عافني كليوم دكتور كليوم يشتريلي ملابس وشغلات ويطلعنه اني وحنين وخواته حتى يعوضني ويعوضهن عن ابوهن فا بيوم من الايام دخل علينه وعيونه بكصته وجهه احمر ومايتحاجه وضل على هل حاله ٣ ايام معتزل الناس ومتكهرب بعدين عرفنه هي عافته ونخطبت وكايلتله انت مو تحب حبيبه خليها تفيدك

نواره صدك وحده نذله ماتحبه لوتتحبه ماتعوفه

حبيبه اكيد لان الي يحب مايترك ويعوف الي يحبه الشخص ثاني حتى لو مجرد افكار ببالها جانت لازم اتثق بي وماتتركه بسهوله او حتى تحارب على موده بس هو جان حيييييل ايحبها يانواره

المهم وره ما انخطبت اتأذه حيل من بعدها جان يحبها يعشقها وحاول يفهمها ورادها ترجعله بس اتبين ان هي ماحبته حب حقيقي فا عزت عليه نفسه  وتبعد عنها بس ماكدر يداري كسر كلبه رغم ان جان يكابر بس هو جان يحبها هوواي وبين هل شي سلبيته على حياة سلطان الاعتياديه وخيانتها اثرت بي حيل

وقبل ماتتزوج كال الامه لازم يتزوج امه عارضت كالتله ابوك صار سنه من متوفي وانت تريد تتزوج كاللها بدون حفله ولا اي شي فا وافقت وهي اقترحت عليه ياخذ سناء بنت خالته جان عمرها ١٥ سنه بس هو كال اله حبيبه وافقت امه اني جنت اعرف هو اخذني بس علمود يكسر خشم حبيبته يحقق الها شكوكها الي جانت براسها رغم هذا وافقت لان سلطان الف من تتمناه و خصوصا ان هي راح تتزوج وتعوفه يعني لابأس بالزواج وافقت وصار الزواج بسرعه بسرعه بداية زواجنه جان مايحبني ولايريدني اسمي زوجه وبس هو ينام يم امه واني بغرفه الوحدي غير شعور الاخوه ما بكلبه شي سناء حقدت علي هي ومنى ومهى ومنار لان يردن سناء اله وفرن راس عمتي علي فاتغيرت علي شوي عاد هو هنا ماسمح الاحد يتعرضلي او يتعاركن وياي جان واكف وياي بوجوهم ويدافع عني سيف سيف حبيت اهتمامه ادري هو مايحبني ودايسوي هيج من باب الانسانيه هو حتى مامتقربلي بس ضل ينام بالغرفه ورا ٢٠يوم لكن هو ينام ع الكاع واني ع الجربايه ضليت احسه مثل الملاك باي شده اوكع اشوفه كبالي ويدافعلي وينقذني من كلشي ضلينه ع هل حال شهر اوشهر ونص زواجنه بالاسم بس لان ان سلطان واعي وفاهم وعاقل ماقبل يضلمني ولاقبل اضل عنده مجرد انتقام راد يحققه ويكسر خشم حبيبته الي تزوجت وعايشه حياتها فابده يتقرب مني شوي شوي لحد ماصرت زوجته فعليا وعشنه هيج اني احبه اعشقه احترمه واقدره واقدسه وهو كذالك بس هو مايحبني بمشاعر يعني معتبرني زوجه وبس وكايم بواجباته اتجاهي ومحترمني ومدللني بس كلبه ميت من ناحيتي مايكدر يجذب على نفسه ويكلي احبج ماتطلع من عنده هاي الحجايه مامره عبرلي عن حبه اصلا ما كايلها ابد او مو شرط يكولها احنه نسوان نفهم الرجال اذا يحبنه اواذا يعشكنه اواذا معتبرنه شي تعود على وجوده بحياته واني هيج سلطان تعود على وجودي بالحياه وياه لا اكثر بس كلش يحترمني ويعزني ومعتبرني صديقته واذا ع الحب فا مو بيده بيد كلبه واني رضيت بالقليل لان اعتبرته هو اهلي قبل ما اعتبره زوج وما اكدر اتخله عن اهلي

نواره مستحيل مايحبج ماما صار الكم عمر سوه

حبيبه اي ايحبني بس مو كا حبيبه مشاعره تجاهي بارده واني هم ما عرفت شلون اعيشه ايام حلوه هههههه فاهيه يعني

نواره لاحشاج ماما

حبيبه والله وداعتج اني ما اعرف شلون اعبرله عن الي بداخلي ولاعرفت ادلله اويعني سوالف النسوان الي تخلي الرجال يحبها ما اعرفت اسوي هيج سوالف فا عشت وياه ع البرود وصرت استحي منه حتى ما اعرف اكله احبك وهاي السوالف احس عيب واني جبيره وموحلوه مني هل حجايه صح تفكير غلط بس شسوي علمت نفسي عليه

نواره بس هل شي مو صحيح العمر مااله علاقه اذا تحبينه لازم كلشي تسويله

حبيبه الله حلو هذا الحجي منج نواره بالفعل الي يحب كلشي ايسوي وشوفي اني ماصرت انانيه وخليت سلطان بس الي فكرت بي لان احبه لازم ازوجه ويصير عنده اطفال وتكمل حياته مثل ماهو كمل حياتي ٢٠ سنه وهو من دكتور الدكتور مو على مود الاطفال لاعلمود لايكسر بواهسي واحس بالنقص ولو هو ماكو انسان اوماكو رجال ما ابده يصير اب ويسمع كلمه البابا بس هو لا فديوم جرحني وكلي انتي عاقر او حرمتيني رغم احنه  هسه واحدنه ايريد الحجه بس علمود يتزوج ع مرته
بس هذا دلاله على كبر عقله ورزانته وانسانيته ماجرحني ولاتركني

نواره هذا كله وتكولين مايحبج

حبيبه اي نواره انتي ماتعرفين سلطان انسان بكل معنه الكلمه ايدوس على كلبه في سبيل ارضاء الاخرين موشرط يحبني حتى يسوي هيج لا هو يفكر من باب اني مرة وضعيفه وماعندي سند بالحياة وفوك هذا كله عندي نقص وما اكدر احمل واجيب

نواره والله هل سلطان ملاك وانتي اكثر منه

حبيبه انتي الملاك وما اختاريتج اله واني متاكده انتي الي راح تحركين كلب سلطان مراهقه بمقتبل العمر كلج حيويه وشباب راح تعيشينه ايام حلوه راح تعوضينه عن ايام شبابه الي من المفترض جان لازم يعيشها غير الي عاشها هو بحاجه وحده اصغيره ترجعه صغير اتصيرله حبيبه وزوجه وبنت وانتي كدها انشاءالله

دنكت بخجل وابتسمت

حبيبه بس هااا رغم كل الصفات الحلوه الموجوده بسلطان اكو جانب مو حلوو الا وهوو كلللش عصبي وبسرعه يتنرفز   وعنده شروط وقوانين الكلششي عايش دور شغله  كاضابط وعميد  حتى ببيته ساعه العصبيه يضرب اكبر واحد يوكف كباله ماجن سلطان الي نعرفه وساعه اليهده اخذي اهدوم العليه نضيف يحب الرتابه بكلشي ويدقق باصغر التفاصيل ههههه اكله انت تلمع حتى من يصير الجو تراب يخاف يدنه يمك التراب شنو فلمك

نوار ابتسمت اي صدك واضح هل شي

حبيبه لو بيده ٢٤ ساعه يسبح ملابسه باليوم اقل شي يغيرهن مرتين

هذا كلشي

وكامت ماما حبيبه يله خل اكوم اكمل شغلي التهيت وياج ونسيت روحي وشالت الصينيه من كدامي كمت اني بسرعه اخذتها من عدها وكلتلها اني انزلها

حبيبه على راحتج حبيبتي ونزلنه اني وياها

دخلت هي ع المطبخ وياها حنين الي كلساع تخزر بيه واني كعدت يم ام سلطان واخته جانن يسولفن وياي وسولفتلهن عن حياتي وكل الي مريت بي وكالت ام سلطان احنه اهلج يايمه وناسج لاتشيلين هم بنيتي حبيتها كلش مره فقيره وملاك هماتين حجيها يخبل حيل اتأثرت بقصتي للساعه ب١٢ كامت الحجيه تصلي وملاك هم اني قبل ما اصعد دخلت للمطبخ لكيت ماما حبيبه مكمله الغده هواي تتعب خطيه حجيت بخجل وتقربت منها ماما

رفعت وجها وكالت همم كولي امي

نواره بلا امر عليج باجر او شوكت ماترحين للميتم اريد اروح وياج مشتاقه الرشا والبنات

حبيبه من عيوني انت تدللين باجر اخذج وياي

ابتسمت شكرا يا احلى ام انتي

هزت راسها حنين وهي تنافخ ماعاجبها

حبيبه راح اروح اصلي خلي بالج من التمن لا يحترك حنونه ماما والتفتت علي وانتي تدللين عيوني

وصعدت اني ضليت واكفه اباوع على حنين وهي تنضف الخضره

كلتلها اساعدج

حنين انتي تدرين بيه ما اطيقج فلا تتوددين الي صريحه وكلتها بوجهج ما اريدج تحسبين اني احبج ومرتاحتلج

نواره بس اني شذنبي ياحنين اني مالي علاقه بالي صار كله وروح امي ترى ماما حبيبه هي الي ضغطت علي ولولا محبتها ومعزتها ماجان انكسر خاطري عليها وافقت على سلطان

حنين هههه والله يالله كلتي انكسر خاطرج عليهامو  وافقتي واخذتي زوجها وسندها وراح تجيبيله اطفال وتكسرين كلبها لعدلو مامقهوره شنو جان سويتي

دمعن عيوني وكلتلها ادري مو شي سهل بس سلطان لو ماتزوجني جان ح يتزوج سناء

حنين عاد تدرين اني سناء اكرها ما احبهاكلش  بس لو ماخذها ولا انتي

نواره ليش بس اني شمسويتلج وتكرهيني

حنين مامسويتلي بس التمسكن والتلوك وماما حبيبيه وهاي السوالف بطليها لان مال شياطين لاتسوين نفسج فقيره وتستغلين عطف اختي وزوجها عليج وانتي بالاصل حيه اقلها سناء لو تزوجها جان اكول اي صدك مناسبه بس مو طفله بكد بنته وصغيره وباجر تفرين راسه على اختي

ردت احجي بس دخل مهند علينه للمطبخ وكال السلام عليكم

رديت عليه بالكوه واني بطرف عيني الدمعه وعليكم السلام

وطلعت من المطبخ صعدت الغرفتي اصلي وادعي وابجي ليش ما مكتوبلي ارتاح لازم تطلعلي وحده بصفحه هسه اني وين وهذا الزواج وين اشو هو سلطان ماسال عن هوه داري وين الله مخليني ومحسوب علي زوج ويكلي بنتي

كملت صلاتي وردت انزل سمعت صوت ماما حبيبه من داخل غرفتها اتصيح على حنين وتكللها انتي مالج دخل اني جبت لبنيه وزوجتها الزوجي فهمي يابنتي كافي مو دا تأذين نفسج وتأذيني

وحنين ترد عليها اريد افهم شنو مسويتلج وتحبينها هل كد اكيد ساحرتج انتي حتى تحبينها اكثر مني

حبيبه مامسويتلي شي بس اني البنيه احبها وانتي غلطانه ياحنين انتي بنتي واختي وصديقتي وكل اهلي لاتخلين الغيره تأذيج حياتي ونواره بنيه يتيمه عانت هواي واني الي جبتها الهذا البيت واله هي مو بعازت رجال بكد ابوها يكون الها زوج لان هي بعدها ب١٦ والعمر كله كدامها بس الخاطري وافقت وقبلت بي

حنين خليج هيج لحد ماتصفيج بالشارع وهذيج الساعه خلي طيبه كلبج اتفيدج وطلعت حنين وشافتني واكفه يم الدرج وكفت كبالي قبل ماتنزل وكالت هاا تتسمعين هم عساها بحضج وبختج كسرت اختي يانذله ونزلت وتفاجأه بسلطان الي صاعد الدرج رفع حاجبه وهو يباوع عليها سلمت عليه  ونزلت ضليت واكفه بمكاني واني اباوع عليها تنزل الدرج بلعت الغصه وصل سلطان صار كبالي

كتله الله يساعدك

سلطان هلابيج وحجه بسرعه شبيها حنين وياج

نوارة لا ابد مابيه شي

سلطان ااهاا اتنهد وعافني ودخل الغرفه ماما حبيبه ضليت اني واكفه استحي انزل و شوي وسمعت سلطان  يصيح على ماما حبيبه  بعصبيه ويصرخ عليها ويكلها طلعييي من وجهييي وصوت شي اتكسر ويكللها اني الغبي التبعت حجيج خليتيني علج بحلوك الناس

اني خفت بسرعه ضليت اعصر بايدي وعيوني دمعن وجهي انخطف لونه شبي هيج يصيح على ماما حبيبه شفته طلع من غرفته  وباوع علي شافني واكفه نفس مكاني دار وجه ودخل الغرفتي طلعت ورا ماما حبيبه. وجها محتقن احمر. باوعتلي حاولت تبتسم بوجهي حتى تطمني واجت وكفت يمي

حبيبه لويش واكفه هنا يا امي وليش وجهج مخطوف لونه

نوارة جنت نازله بس بالصدفه سمعت صياح وخفت

حبيبه لاتشيلين هم حبيبتي اتعصب شوي بعدين يهده كل غايتهم اني هما يكرهوني مو بيدهم

نواره منو الي يكرهج  ولويش

حبيبه ااه يانواره هاذول عمام سلطان ومن ضمنهم ابو سناء مسمعينه حجي وناغزينه على اساس ماخذ مراهقه بكد بنته واستخف وسلطان كبريت انفجر علي وهو هذا الي يردونه عادي لاتشيلين هم حبيبتي شوي ويهده وتحسرت

نواره شنو اكدر اسوي حتى اساعدج ماما

حبيبه سلامتج يكلبي يله خلي ننزل واصب غده

ونزلنه وصبت غده ماما حبيبه ونزل سلطان وعيونه بكصته وعاكد حواجبه محد يكله بزز والكل هدوء على الغده واشش واشش ولحد  يحجي لدرجه كلش خفت منه كلش واكل واني عيوني بالماعون مارفعت وجهي

كمل غداه بسرعه قبل الكل وكام واخيرا اتنفسو وطلع صوتهم من صعد الغرفته خوب اني احس طن حديد انشال من على معدتي واخيرا انتبهت شنو جاي اكل لان جنت دا اكل بدون شوف مادري ليش خايفه منه هلكد وعلى خوفهم خفت حتى مهند ما فتح حلكه بكلمه من سلطان موجود الضاهر كلهم جارين بوش من عنده

كملنه اكل وبالكوه خلتني ماما حبيبه اساعدها بشطف المواعين هي جانت داتفركهن واني اشطف كملت بعدها صبت ماما حبيبه جاي وكلتلي اخذي السلطان

كلتلها بخوف لالا عفيه ماما انتي ودي

ابتسمت حبيبه وكالت اني عايط علي انتي احسن

هزيت راسي باي وكلتلها بس اخاف

حبيبه لاتخافين حبيبتي ماراح يسويلج شي

اخذت استكان الجاي وقبل ما اطلع حاجتني ماما حبيبه وهي تعدل بشعري

حبيبه ماما نواره اريد تصرفاتج تتغير شوي اريد اتصير الج شخصيه لاكلش تخافين وحاولي تكبرين تصرفاتج واتصرفي مثل الكبار هسه انتي متزوجه واريد الكل يكول حبيبه عرفت اتربي وتختار اريدهم يشوفونج اصغيره بالعمر بس كبيره بالفعل والعقل

نواره هزيت راسي باي واني مبتسمه وكلتلها انتي كليلي شلون اتصرف وشنو اسوي وانشاء الله راح ابيض وجهج

حبيبه انتي امبيضه وجهي بااخلاقج وادابج حبيبتي وبعدين اعلمج شلون تتصرفين مثل المتزوجات اوك  حبيبتي وغمزتلي وبتسمت

نواره واني بفطاريه جاوبتها  انشاء الله اخذت استكان الجاي وصعدت للغرفه شفت باب غرفتي مفتوح اكيد هو هناك

دخلت لكيته متمدد على الجربايه ومرتجي على الجربايه. وايده على راسه والايد الثانيه كامش بيها النقال  

نواره. احم احم 

رفع اعيونه باوع علي

نواره اتفضل.

عدل كعدته وخله النقال ع الجربايه.  زاد فضلج  اخذ الاستكان  واخذ اول رشفه. وعكد حواجبه هااااج شربي

نواره حجيت بأبتسامه لا شكرا بس اني ما احب الجاي

سلطان ضوكيي

اخذت الاستكانه وبللت اشفايفي شويه  كتله طيب

سلطان. يعني مابي شي مابارد يعني

نواره. لااا شو هو الاستكان حار

سلطان.  حجه بعصبيه  رووووحييي صبيلي جاااي حاار  مو جايبتلي شربت وجايه

نواره. بس بس بببس  اني موواني  ببب حب حب

سلطان. كتلج روحييي صبيلي جاي

نواره. حجيت بخووف اي اي   خليت الاستكان يمه ورحت اركض والتفتت على صوت الاستكانه وهي تنكسر شمرها من الباب  نزلت الدرج كل درجتين سويه ركض
شفت ام سلطان. وهي تباوعلي  اسم الله يمه شبيج

نواره. يوم. ابنج يريد جاي بارد. واني وديتله جاي حار جان يكلي جايبتلي شربت وكسر الاستكانه وضل يصيح والله ماسويتله شي

ام. سلطان. يااا يمه شبي ابني يريد جاي بارد عزززه. يايوم هو شارب جاي بارد

نواره لا يوم مو جاي بارد هو يريد جاي حار واني جبتله جاي بارد بس مو اني صبيته والله ماما حبيبه

ام سلطان  ابتسمت روحي يمه روحي حمي الجاي  سلطان يحب الجاي حار يجوي

نواره. اي صار  رحت للمطبخ.  وسولفت الماما حبيبه

حبيبه. عذري ماما حبيبتي هو عصبي شوي بعدين اني صوجي صبيت الجاي وكعدت اسولف وياج حبيبتي عذريني حصلتي حجي من وراي

نواره لا ماما حبيبتي. عادي كلش عادي بس الاستكان انكسرت

حنين. حمدي ربج كسر الاستكان وما كسر راسج 

حبيبه. شحده يكسر راسه هي فوضه بنيتي نواره هاي

حنين.باوعت بطرف عينها الله يديم المحبه انشاء الله وطلعت من المطبخ 

واني اخذت الجاي وحميته. وماما حبيبه حضرت استكان ثاني.

حبيبه. انتبهي للجاي امي لايحترك  هسه اجي اني 

وطلعت اتشغل ماطور الماي واني واكفه بصف الجاي ومنتبهتله  كل قوتي حتى لايحترك واول ما حمه طفيته وصبيت  واني ٠دا اطلع صاحت علي ماما حبيبه. ها نواره خوب مو بارد رجعت الها وكفت يمها كتله ضوكي ماما  ضاكته وبسرعه تفلت بالكاع. خرب عرضج صدك هل مره يكسر راسج لو موديته
فتحت عيوني على كبرهن  هااااا انوب شبي 

حبيبه ولا ذرة شكر

نواره. يماااه  همزين نقذتيني جان هل مره يشمرني بدل لستكان

حبيبه. وهي تضحك. يشمرج شنو. كولي يمردج. يعذبج يتفنن بقتلج

نواره صرخت يمااااه ما اودي الجاي ما اودييي

اخذت لستكان مني وهي تضحك وتخليله شكر. جذب ولج والله جذب بس شفتج خايفه كلت اضحك عليج يله صعدي قبل مايبرد

نواره. ماما عفيه انتي. ودي

حبيبه. لطمت على خدها عزه العزاج برد الجاي ركضي ركضي

وخلتني صدك اركض وهي تضحك علي

دخلت عليه وبعده على كعدته  ويكلب بالنقال 

نواره اتفضل 

اخذ من عندي الاستكان. وعيونه بعيوني واني ضليت بس ارمش خفت من نضراته.   نزل عيونه ع الاستكان. ورشف منها واني عيوني تتبع الاستكان شفته شرب مره ثانيه اله راتاحيت 

سلطان. جيبيلي الجكاير ابنطروني بغرقة حبيبه  ولمي لكزاز

نواره. هزيت راسي بسرعه  ورحت

صرخ علي. هوووووب كزاز يم رجليج 

عبرته بطفره.  شفته وهو يهز بأيده وابتسم  واني ضحكت مجرد ماشفته ابتسم فكيت حلكي من الذان للذان كأنما انطاني الأمان  

باوعلي وهو يهز براسه. وكال روحي بابا شتانين روحي

نواره. ها اي ورحت بسرعه  شفت ماما حبيبه دا تصعد الدرج  شافتني وبتسمت

نواره ماما سلطان يريد جكايره

حبيبه. اي حبيبتي  هسه انطيجياهن 

نزلت اني بسرعه اجيب المكناسه والكرافه  على ماصعدت  لكيتها هي موديتهن اله  كنست لكزاز  ودخلت للغرفه

   انطاني لستكان مال الجاي  وخليتها ع الميز.

سلطان لا لا نزليهه

نواره خجلني  اخذتها نزلتها  ورجعت صعدت لكيته داير وجه ونايم طفيت الضوه  عليه  وطلعت  شفت ماما حبيبه هم مطضشفيه الضوه مال غرفته الظاهر هم هي نايمه نزلت جوه  باوعت  لضوه الغرفة عمتي هم نايمه  سمعت صوت حنين   واني  فايته من يم المطبخ رجعت باوعت لكيته تسولف وي مهند ويضحكون شداني الموقف وضليت اباوع الهم بدون مايدرون   شفته  يلزم ايدها وهي خجلت سرحت وي الموقف  وهو يكله احبج انشاء الله يجي اليوم وتصيرين ام بيتي وحبيبتي وكلشي  وهي خجلانه وعيونها بالكاع

حنين يله روح  لاتجي حبيبه وتشوفك

مهند خوش خوش  رايح بس انطيني بوسه

نواره. اني من يمي رجفت. من كلها انطيني بوسه وخجلت ردت اروح بس عندي رغبه بنفسب اشوف البوسه بس فاجأني رد.حنين وهي تكله  لاتحاول  ماتبوسني اله من اسمي يرتبط بأسمك   

مهند. خله شفايفه على جف ايده وباسه وخله ايده بأيد حنين وكلها هاج لزكيها على حلكج 

نواره. اني هنا ضحكت وطلع صوتي والتفتو ثنيناتهم بسرعه حنين انخطف وجهه  ومهند يضحك من الخجل 

نواره. لاتخافون لاتخافون انا لا ارى ولا اسمع ولا اتكلم  بس عجبني اختراع البوسه الجديده ههههههه

مهند. انتي اجلطيني منين اطلعين

نواره لا والله بالصدفه جنت اريد ادور على واحد يسولف وياي وسمعت حجيكم بالصدفه

حنين. لا مو صدفه. انتي هاي سوله بيج تتسمعين
ومساع الصبح هم شفتج تتسمعين علينه  بطلي هاي السوالف عيب

مهند. هاي شبيج حنين

حنين مابيه شي بس مساع هم تسمع علينه اني وحبيبه

نواره شوفي حنين. انتي اني اعرف بيج ليش تكرهيني وحقج وما الومج  بس مال تتهميني بأشياء باطله ما اسمحلج هاي مو طبيعتي ولاتربيتي اني تربيت حبيبه ونعم التربيه وعفتهم ورحت 

مهند. عيب عليج ياحنين  هاي بدل ماطمطمين سالفتنه عطتي بالبنيه

حنين. سالفتك انته مو سالفتنه  وين ما اروح تطلع اكبالي ماتفكر يجي احد يسمعنه احد 

مهند. طاح حضج. شنو خل اسلوب هذا. موصوجج صوجي اني  الي واكف واحجي وياج. وعافها وطلع
  

مهند. نوواره

نواره جنت اني صاعده الدرج  كتله ها 

مهند. خويه مسحيها ابوجهي وعذريني حجه وهو يصعد الدرج

نواره لاخويه شنو السالفه. اني مقدره وضع حنين

مهند ولو ماالمفروض اتكول الي كالته

نواره. ميخالف مسامحتها

مهند. زين.  ماريدج تكولين الي شفتي  تره اني احبها وهي تحبني بس محد يدري لان راح يخرموني من عدها واني ناوي اتزوجها بس اتوضف بالاول  وانشاء الله ماضل شي

نواره. لا افاا عليك مو طبعي افتن او انقل حجي  ولا حتى اتسمع

مهند. والله ادري والكتاب امبين من عنوانه وانتي وجهج يحجي كل اخلاقج 

نواره شكرا شكرا

مهند زين هاج. باس ايده  وخلاها بيدي لزكيها على راسج

نواره ضليت اضحك. وخليت ايدي على راسي  

دار وجه وهو ينزل يله مو فرحتي انتي لكيتيلج واحد تسولفين وياه تره اني نعسان واريد انام

نواره عوجت حلكي  خلصت مصلحتك عرفت بيه مراح احجي ورحت

مهند لعد شعندي قابل  ونزل وهو يضحك 

نواره. ضليت حايره شسوي مابعيني نومه  وهم كلهم نامو الظاهر متعلمين ينامون الظهر  دخلت للغرفه. وشفت تلفون.  سلطان يدك وهو صامت رحت شفت المتصل منو    جان رقم وشفته متصل ٦ مرات  ضليت لازمه التلفون وهذا الرقم كلساع يتصل  باوعت السلطان شفته فاتح عيونه ويباوعلي  صرخت يمااااه بسم الله 
رفع حواجبه وحجه بصوت كل نعاس. شنو يابه شفتي جني

نواره ها لا بس هذا تلفونك كلساع يتصل

سلطان ادري ادري عوفي يولي ورجع غمض عيونه ونام

ضليت كاعده لحد مانعست من الضلمه ونمت وكعدت  على صوت سلطان وهو يصيح على كيف نواره نواره

فتحت عيوني بكسل

ابتسم هو وكال لج راح اطيح

انتبهت النفسي نايمه وياه على نفس المخده وهو صاير بالطرف كلش بعد شعريه ويطيح وثانيه رجلي بحيث ركبتي صايره ببطنه

رجفت من قربي يمه لهذه الدرجه وعيوني بعيونه

سلطان وهو مبتسم شنو تتعاركين بالنوم انتي ماتكليلي

ابتسمت واني اتبعد عنه اسفه مادري ليش هيج اني

جراني من خشمي وكال شبعتيني ترفس وكام من الجربايه ضل واكف شوي كلب بتليفونه وبعدها طلع

كمت اني عدلت الجربايه ونزلت لكيته طالع ضلينه كاعدين لشويه واتصل سلطان على ماما حبيبه اتحضر جنطته عنده خفر ثلاث ايام

هي كالتله مايصير تاخذ اجازه بس هو ماقبل

ورجع للبيت سبح واخذ جنطته وراح

يتبع....

للقصه احداث مشوقه🌹