رواية حكمت محكمة الحب الفصل الثاني والعشرون 22 - بقلم زينب العبيدي(زينبيه)

مراحب🙋‍♀️

٣١١٧ كلمه قراءه ممتعه

#حكمت_محكمة_الحب

بقلم #الزينبيه

البارت #١٨

صعدت دورت وكلبت الغرفه  رأئس على عقب ماكو فص ملح وذاب

نزلت كتله ماكو ماخليت مكان متأكده جانت المحفظه بالغرفه ومكانها على ميز التسريحه

سلطان بالله سألي امي وحنين خلي اصعد اجيب للولد افلوس من فوك

صعد سلطان يجيب للولد فلوس واني رحت سالت الحجيه وسألت حنين ماكو كالت الحجيه يمه وين اشوفه اني قابل اكدر اصعد فوك

وحنين كالت اني ماصعدت غير امس نضفت غرفة  حبيبه

نزل سلطان انطه الولد الفلوس وكال كومو كلكم دورولي المحفظه شنو انشكت الكاع وبلعتها خوب مانشكت الكاع قبل لا اطلع نسيته بالغرفه وطلعت تذكرتها واني بالباب كلت خل تولي

الحجيه يوم هو شكد بي اذا مابيها فلوس خل تولي

سلطان شنو مابيها لعد المن جاي اكلكم دوروها بيها ٦اوراق وفلوس عراقيه مادري شكد يمكن ميتين وخمسين وجنسيتي والهويه العسكريه

الحجيه يايمه هضيمه كومن يمه دورنها

حبيبه ماطول بالبيت نلكاه انشاء الله

كمنه اندور عليه اني وحنين وحبيبه ندور فوك وايه وايمان والحجيه جوه وسلطان واكف بالصاله وصافن وعاكد حواجبه 

وبالصدفه واني دا ادور وره البرده رفعتها وشفت ايه تركض بالطرمه وتتلفت وراها

شفتها شمرت شي جوه السياره مالت سلطان ورجعت تركض عكدت حواجبي
هاي شنو سوت صار عندي شك

ونزلت بسرعه باوعت عليها جانت دا دور بالمطبخ طلعت كدام نظرات عيونها وهي تباوع علي من شباك المطبخ

دنكت جوه السياره وانصدمت من شفت المحفظه

سحبتها من جوه السياره كلبت بيها فارغه مابيها غير كارتات ورقه مال شغل
وجنسيه وهويته العسكريه

التفتت باوعت عليها هي بسرعه شردت

كمت واني محتاره وين اودي المحفظه خليتها بصدري دخلت واني ادور عليها بعيوني احاول ما احسس احد

شفتها مسويه نفسها دا دور وي الحجيه

جريتها من ايدها بدون ماتنتبه الحجيه

واخذتها دفعتها بالحمام وهي انخطف لون وجها وصار اصفر وهي تبلع بريقها رفعت ايدي بكل قوه وفريت وجهه براشدي

ليششش حيوانه صدك ماتصيرلج جاره بنت رحمه بعد شنو اترجه منج اتعضين الايد الي مندتلج و وكلتج ولبستج و لفتج من الشارع وسترتج اتفو عليج وعلى تربيتج ياحقيره ياقذره يافكر

ايه شبيج نواره انتي شداتح...

نواره اششششش صوتج ما ينسمع ابسرعه طلعي لفلوس لا اصيح بنص البيت واعلم الكل بالبوكه

ايه لا عفيه راح اطلعهن بس ستري علي الله يستر عليج فدوه نواره

نواره انجبي ادبسز مسويه نفسج خايفه لو تخافين صدك جان خفتي من الله يله اسسستعجلي وطلعي لفلوسس يله زباله
انتي عار فشلتيني وين اودي وجهي منهم ياعار ياتربيه سز

شفتها وهي تبجي دنكت على رجلها ورفعت دشداشتها لابسه برموده جواها وطاويه طرفها فتحت الطبكه  وطلعت الفلوس كلهن وكالت هاج بس عليج الله لاتكولين السلطان فدوه نواره بعد ما اعيدها والله والله

اخذتهن بحركه سريعه من ايدها واني عاكده حواجبي ضميتهن بالمحفظه ورجعتها بصدري

وكلتلها ليشش يانذله بشنو قصر وياجن اشو مصرف وداينطيكم حالجن من حالي وحال حنين

وملابس كال خطيه وايتام واشترالجن
كومه بشنو قصر وتبوكينه بس العتب ع التربيه النكسه خلي اكله واشوف شلون يتصرف وياج

كمشت ايدي وهي تتسول فدوه نواره فدوه لاتكليله ابوس ايدج سحبت ايدي من ايدها وباوعت عليها بعين و بنص  وطلعت وعفتها تبجي

طبعا اني ابد ما ردت احجي السلطان لان فشله محسوبه علي اخت بس محتاره وين احطها للمحفضه حتى يلكاها لان ماخلينه مكان ما دورنه بي حتى ميز التسريحه وخرنا ودورنه وراه ماكو ياربي والحل

وبعد ساعه كامله من الفره الكل يدور ومالكو شي وشلون يلكوها وهي عندي
واني بالي مشغول وين اوديها

كعدنه من التعب

سلطان استغفرالله شنو الفلم اتبخرت خو ماتبخرت هسه خرا بالفلوس  هويتي العسكريه وجنسيتي شنو طااارت جان يحجي بعصبيه ويدخن جكاره ورا جكاره ودمه محروك

حبيبه صلي على النبي سلطان نلكاها انشاالله

سلطان شنلكاها جوه الكاع اشو ماضل مكاان مادورتنه

الحجيه يوم موزين على صحتك اكلك لكمه وكافي تحرك بالجكاير وانشالله هم ندورها وره الغده والتفتت علي كومن يمه صبن الغده الساعه صارت ب٣ ونص

كمت اني وقبلل ما ادخل للمطبخ رحت الغرفه ايه وايمان وكلتلها بنتر كوومي كعدي وياهم لاتجيبين الشبهه وانوب الكل يحس بيج مو علمودج علمود سمعتي وفشلتي كدامهم

اقلها احجي السلطان بس بيني وبينه وعفتها ورحت للمطبخ

  لكيت حنين داتحضر  واني بالي شاارد ياربي شسوي وين احط المحفظه ياربي حلها انت

حنين هييي شبيج شوفي وين دا تصبين المرك

انتبهت اف هاي شبيه دا اصب المرك بصف الكاسه

حنين الله اليستر من الي صافنه بي اخاف تندليها للمحفظه وماتكولين

نواره انجبي لج اتأدبي شنو قصدج شنو هذا الحجي ترى والله والله اذا انعادت هذه الحجايه اللسانج اكصه اني اشرف من ان ابوك وابوك منو زوجي

حنين هييي شبيج هو اني شكلت كتلج بكتي اكلتيني بكشوري لو هو البعبه طلي يمعمع

نواره لاااه وصلت حدها وماراح اسكتلج خل يشوفلي حل سلطان لو ماما حبيبه وياااج وي طولت السسانج ودحرتج وياي

طلعت اصواتنه وصارت عاليه صرخ سلطان خيررررر هاي شبيييجن

طلعتله اني بسرعه وجان هو كاعد ويمه الحجيه وايه وايمان تكلب بتليفوني

سلطان بعصبيه خيررر شبيجن انتن الثنين مثل النفط والنارررر شكوووو

حجيت بصوت شوي عااالي لااا ترى صارت ماصخه ياسلطان بكلشي اقبل واسكت عن كل نغزات حنين بس مال تكلي انتي بواكه هاااي ماراح اسكت عليها مو اني الامد ايدي وابوك قبل كلشي اني اخاف من الله وتربيتي ماتسمحلي اسوي شي عار مثل هذا

شفته عكد حواجبه وصااح  صوتج نصييي حنييين وينججج

اجت وهي مدنكه والله ماكلتلها بواكه جنت دا اتشاقه وياها شفتها صافنه وتصب المركه بصف الكاسه كلتلها شبيج هيج صافنه اخاف تدرين بمكان المحفظه اشو هي بانزين ودارو عليها النار كبت بوجهي

التفتت عليها شنووو ولج لعد منو كال الي بعبه طلي يمعمع لان رفضت حجيج وبعدين انتي يايوم متشاقيه وياي

سلطان بسسس كااافي عااد طياح حض راسي راح ينفجر شهل التبن هذا وانتي ياحنيين بيا حق تبوكين نواره وتحجين عليها والله والله اذا انعادت هاي لحجايه ترى محد يفكج مني وقد اعذر من انذر يحجي وهو ايأشربسبابته شهل تبن هذا الجهال ماتسوي مثلجن كبرن عقلن اتأدبن طاح حضجن
يله ولن منااا صبن زقنبوت

نواره رحت واني دمعتي بعيني كملت الغده   واني دا اخلي الاكل ع السفره وادنك

اسمعت صوت ايه وهي تكول شنو هذا بصدرج نواره

رفعت حاجبي واصفر وجهي بسرعه وفتحت عيوني على كبرهن هاي شبيها ليش هيج تكول كلتلها ماكو شي واني حاطه ايدي على صدري

ايه لابالله شفت شي بصدرج وانتي مدنكه

باوعت السلطان جان رافع حاجبه مستغرب الحجي ايه

ارجعت باوعتلها وحجيت بنتر انجبي عاد هاي شبيج ماناقصتج

للحظه ردت افضحها بس عرفت اذا اطلع المحفظه كدامهم راح تدور الشغله علي هل الحيه الحقيره لان حتطلع المحفضه مني محد حيصدكني اتندمت لان تسترت عليها وقررت احجي السلطان واكله والبيها بيها بس فاجئني صوت ايه

وهي تكول لحظه شفت شي كأنُ محفظه  لان شي لونه جوزي وكأنُ جلد

نواره خزرتها وبعدني ما حاجيه كامت بسرعه ودخلت ايدها داخل الفتحه مال دشداشتي بمقاومه مني طلعت المحفظه

تحولت نظراتهم كلهم علي وهي تظاهرت بالصدمه وخلت ايدها على حلكها

و سلطان الي عقد حواجبه وحسيته يريد ينفجر وهو يعصر على عضام فجه

الحجيه ضربت خدها بأيدها

حبيبه الي تباوع علي بعيون مفتوحه
على كبرهن

وحنين الي تهز بأيدها

صرت اني بينهم عباره عن جسد لو يذبحوني من الوريدللوريد مايلكون بين قطرت دم اصفر وجهي ورجفت ايدي درت على ايه وبكل قوه ضربتها راشدي واني دموعي تصب

لج حقييررره شلون امنت بيج ونسيت انتي بنت رحمه يعني غطيت عنج حتى تدورين الشغله علي ياحراميه ياكلبه وطحت عليها ضرب

ركضت ماما حبيبه كمشتني وبعدتني عنها

حجت ايه من بين ادموعها الله لايوفقج وصلت بيج تتهميني شحال لو ماطلعت المحفظه من صدرج وكدام الكل همزين كلهم كاعدين وتضربيني فوكها بس حقج ضاكت بيج الحيله ماكدرتي غير تتهميني

نواره لج كلبه حيوانه حقيره نذله اني ضميتها حتى انقذج من الفشله كدامهم

ايه لاتذبين بلاويج علي لج اني اختج خافي الله علمود افلوسس بكتيهن تتهميني مادريتي ان الله موجود وهو الي يطلع الحق ماخفتي الله بينه ماخلينه مكان مادورنا وبعدين تطلع عندج

نواره حجيت من بين دموعي انتي كلتيها
الله موجود ويبين الحق وصحت بصوت عال ودموعي تصب حسسسبي الله عليج ونعم الوكيل حسبي الله على الي باكها والله يدري اني ليش ضميتها عندي

سلطان بسسسس شنوو فهميني شجاب المحفظه الج تعاي وراااي وصعد للغرفه

شبكتني ماما حبيبه واني شبكتها وابجي ماما والله والله مابكت والله انتي اعرف بتربيتي والله هاي مو سوالفي هاي بنت رحمه الله لاينطيها العافيه

همستلي ماما حبيبه مصدكتج واحجي السلطان كلشي كل الحقيقه والله راح يوكف وياج لان حاشه لله ان يكون ضالم روحي ياامي ولاتخافين ماطولج على حق

صعدت يم سلطان

جان كاعد ع الجربايه والجكاره باأيده صار مخلصله باكيت كامل بساعه وحده

حجه بسرعه سدي الباب وحجيلي كلشي وشجاب المحفظه عندج

حجيت واني وابجي وا والله

صررخ علي بلابجي وتعاي كبالي كعدي ومن تحجين باوعي بعيوني لاتدنكين

حجيت واني انشغ بين فتره والثانيه سولفتله كلشي من شفتها من الشباك لحد ما اخذت لفلوس منها وبالاخير ضليت ابجي بصوت عالي صدكني سلطان والله مدا اجذب عليك والله مستحيل اسوي هيج شي والله

اتنفس سلطان وحجه

شوفي اني مو غبي وراح اعرف الي سواها اذا جانت ايه او غيرها وهسه روحي من وجهي ضل هو بالغرفه

واني كاعده بالصاله الفوك صعدتلي ماما حبيبه وجايبه وياها صينيه غده خلت يمي ماعون مرك وماعون تمن ودخلت السلطان الصينيه  ورجعت كعدت يمي كلتلي اكلي

كلتلها ما اشتهي والله

حبيبه مو كيفج اشو باله باعي علي وضلت توكلني بالكوه واكلت شوي لكمات تنعد ع الاصابع وبعدها اخذتني الغرفتها وهي تواسيني وتكلي مصدكتج والله يضهر الحق انشاالله ومن هذا الكلام لحتى تريح كلبي

وره ساعه سمعت سلطان يصيح علي فزيت من مكاني بسرعه ماما حبيبه جانت نايمه وكعدت من صوته

كلتلي لاتخافين روحي حبيبتي

رحت يمه

كال سدي الباب وتعاي

سديت الباب واني عيوني مورمه وحمر من البجي

اتقرب صار كبالي رفع وجهي باأيده لاتبجين ياب اني مو علمود الفلوس عصبت بس ماريد هيج شي يصير بيتي وين كاعدين احنه بسجن نشاله حتى تنباك المحفظه

نواره حجيت واني ابجي بس والله والله مواني بكته والله كل الي كلته الك صحيح ماجذبت بحرف الله شاهد

سلطان مصدكج لوحسبتيني غبي وما افهم ترى اني محقق وي مجرمين وسجناء واعرف شلون اطلع الحجي منهم ولاتتصورين وحده زعطوطه تضحك علي وهسه اعرف اذا هي الي اخذت المحفظه لولا

بس انتي مسحي دموعج وكافي بجي خربتي هل العيون الحلوه ياب

ابتسمت على حجايته رفعت ايدي امسح دموعي بس لكيت ايده قبل ايدي مسح وجناتي بأبهامات ايديه ورفع وجهي بايدي محاوطه بجفوفه الي محتويات وجهي كله وباسني على راسي وكال اريدج تروحين تجيبيلي اي شي يخص ايه اي شي محبس كلاده سوار من هذه السوالف

نواره ليشش

سلطان هذا شغلي ياب لاتدخلين بي

ابتسمت كتله تمام وردت اروح سحبني من ايدي وكال اوكفي

كتله شنو

سلطان ادري بيج فاهيه راح تدخلين وتاخذين الشغله كبال عينها

نواره اي صدك شلون راح اخذها خاف تشوفني

سلطان شفتي مو كتلج فاهيه

نواره لا لكيتها راح  ادخل اتعارك ويها واصيح وشكو شغله بالكنتور او على ميز التسريحه اشمرها بالكاع لحد مااطيح على شي الها ها شكلت

سلطان بعد شكلت انتي داهيه

نواره اعجبك اني لو تشغلني مباحث وياك هواي تستفاد

سلطان اي وربي استفاد مرات اضل ثلاث ايام بالضيم

نواره يعني شنو

سلطان روحي روحي ماراح تفهمين عود من تكبرين

نواره تمام بس راح تضل بكلبي لازم اعرفها

سلطان من يصير الوكت مناسب اكلج بيها ديله روحي هسه وفضيها يحجي وهو يضحك

هزيت راسي ونزلت جوه حولت ملامحي للغضب ودفعت الباب واني ادعي بنفسي كون الكه شي وتثبت برأتي شفت ايه كاعده بس ايمان فزت من نومتها على دفعت الباب

صحت بصوت سمعيييي لج هسه ترحين فوك السلطان وتعترفين بكلشي سويتي لاوالله اليوم لو روحي لوروحج اكلب الدنيه عليج فااااهمه ضليت اطشر بغراغضها وشغلاتها

لحد ما اجتي جرتني من شعري وهي تصيح
امشي طلعي بره موتشمرين بلاويج وسواد وجهج علي الحراميه

ردت افلت ايدها من شعري ماكو كمشتها اني احس شعري ح ينشلع بيدها سحبت الشكاله الي جانت بكصيبتها وجانت عباره عن شكاله لاستيكيه ورديه وبيها ورده

وعصرتها بأيدي حيل وبسرعه ضميتها بصدري حتى لاتضيع مني

ضليت اصرخ شعري تشلع باإيدها وبعدها كامشتني سحبت شعرها حيل بس هي ابد تزيد بشد شعري

اجت حنين وهي واكفه بالباب وتهز بأيدها راد يدخل مهند الي هستوه داخل للبيت ما خلته حنين اسمعها  وهي تكله بدون حجابات لاتدخل وهو يكللها زين انتي اتصرفي فكيهن

ترد عليه وتكول اخاف يجيني شي تايه جنهم ثيران وهايجه اخاف

هنا نزل سلطان بسرعه.دخل علينه واباايد وحده عصر ايد ايه خلاها تترك شعري بس ايديها متروسه شعر من يمي دفعها هو وكال هاااي شنوو ادبسزيات

سحبني يمه وهو يشيل ايدي عن مكان شعري الي جنت كامشته وابجي باوع على ايه بخزره موتها بمكانها

سوه نفسه ديشبكني ودنك همسلي شنو لكيتي شي ورا هاي الكتله لا

لزكت روحي عليه كلش حتى اطلع الشكاله من صدري بدون مايشوفني خليت الشكاله باأيده بدون محد ينتبه همسلي لاتصعدين وراي لمن اصيح وسوه نفسه دايبوسني بخدي حتى لاينتبهن

وخر هو من يمي و يكول قسم والله اذا انعادت هل شغلات اضرب راس براس واكسر ايديجن ادبسزيات تبن

وهو طالع باوع على حنين وانتي شنو جاي تتفرجين على فلم ماكلفتي روحج وفكيتيهن طاح حضج اي والله

باوعت الايه وكلتلها يارب تنكشفين واتشمت بيج يانذله وارجعج للشارع الاجيتي منه

صرت يم الباب باوعت الحنين من جوه اليفوك بنظرت استهزاء وقبل ما اتحرك واطلع

صاحت خير شكو

ماحاجيتها بس لمن سمعتها تكول مادري شسوت للرجال وياسحر مشتغله خلته يشبك بيها ويتحضن ويبوس وكدام الكل

عاد اهنا كلتلها زوجي وكيفي وين مايريد يشبكني هو حر  انتي شحارك دمج

رحت للمطبخ اشرب مي  شوي وسمعنه سلطان يصيح علينه

ابتسمت يارب تظهر الحقيقه صعدنه فوك اني وايه وايمان وحنين ولكينه حبيبه يمه

دخلنه كال اوكفن كبالي
وكفنه كباله كام هو وصار كبالي واخذ الشكاله من على ميز التسريحه وكلي هذه الج ماشايفها عندج واني بايدي مشتري كل شغلاتج لذالك استغربت من شفتها طايحه هنا

نطقت ايه بسرعه هذه شكالتي

سلطان اهاا وشكالتج من شوكت ماتدرين عنها طايحه منج

ايه مادري يجوز هستوه من كفشتني نواره

سلطان وشنو تصعد ابحدها الشكاله الفوك ونواره ماصعدت ورا ماتعاركتن ضلت جوه

ايه والله ما ادري شلون اجتي هنا

سلطان بالمختصر اني شفت هذا الشكاله من مساع بغرفتي يعني مو هستوه من جنه مخبوصين واندور

ايه هاا اي لعد هذا هو لمن جنه اندور وكعت مني

سلطان بس انتي ماصعدتي الغرفتي لا انتي ولا ايمان مو صح حبيبه موهيج حنين

هزن راسهن بمعنه اي

ضلت تفرك بأيديها وتتلعثم ما.  ما .ادر ري

سلطان هاي معناتها انتي صعدتي بدون محد يشوفج ومحد يدري بيج

ايه لا ماصعد والله وبدت تبجي وتصيح ماصعدت

سلطان طلعن كلجن بس انتي خليج

وجان يحجي وي ايه

طلعنه بره ضلينه واكفين اني وماما حبيبه وحنين وبتردد ادنيت شوي شوي يم الباب وخليت اذني ع الباب

حبيبه ببتسامه لج ماما عيب تتصنطين يا امي

حجيت بهمس ماما الشغله تخص برأتي ولازم اعرف شراح تكول عني بنت رحمه

عاد ماكو شوي شوي اتقربت يمي ماما حبيبه وهم خلت اذنها

حنين ياا حبيبه هاي شبيج شنو سوالف الاصغار هاي

وماكو شوي وتقربت يمنه تتسمع ويانه

جان دا يكولها شوفي ايه اني ادري مو نواره الي اخذت الفلوس واكدر اثبت هل شي بسهوله كلشش
واعرف انتي الاخذتيها للمحفظه

ايه والله والله مو اني

سلطان اشششش ولاتحلفيين جذب شنو من معدن انتي صدك العرق دساس وانتي مثل امج ومايتسوالج زين تردين اطلع الكامرات الخارجيه واراويج صحت كلامي بما ان انتي شمرتي المحفظه جوه السياره اكيد مصورتج الكامره

ايه هاا كامره بس وسكتت ضلت بس تشهك

التفتت على ماما حبيبه وهمست كلتلها صدك اكو كامرات اشو اني ما ادري

حبيبه بنفس الهمس كالت لا وين اكو هاي دالغه اتصور ايريد ايسحبها بل حجي

حنين اششش خل نسمع

ورجعنه نسمع وهو يكللها بشنو قصرت وياجن هاا اشو عاملتجن مثل بناتي اكثر من عشرين يوم واني كل يوم انزل نواره تسألجن شمحتاجات شنو ناقصجن شنو مشتهيات وماتطلع لحجايه من حلكجن اله واني كبل اجيبها ليشش احجي ليشش بكتي تدرين هل شي حرام احاجيج احجي تدررررين حرررررام

ايه اي حجت بين شهكاتها

سلطان تدرين بي عيب ويفشل احجي ااااسمع

ايه اي

سلطان لعد ليشش هاا ليشش مديتي ايدج اذا محتاجه شي جان كلتيلي او جان كلتي النواره وهي تكلي بس لا ذيل الجلب ماينعدل وانتن اتربيتن ع العوج وفوك هذا كله بصلافه عين اتهمتي اختج الي رادت تتستر عليج وترحمج من هل فشيله بس هو صدك من كال لاتسوي خير الشر مايجيك وهي طيبتها زايده الغبيه

واني مايشرفني الفي هيج نماذج ببيتي لان اليوم انبكت باجر شوف شتسويين

يله طلعي كدامي اعتذري النواره ولمي ملابسج وكبل للميتم وحافضي على سمعتج لان جبيره مال تبوكين وفشله وحرام ما اصدك نواره اختج انتي حتى عيونج اتذب سم والكتاب يبين من عنوانه وعرفتج من اول مادخلتي البيت اني ماتخدعني المظاهر واقره نظرات العيون وانتي نظراتج تشابه نظرات ابليس ماكلج شي بس اتعلمي من اختج لام ولا ابو ربوها وماتنقاس تربيتجن بيها لان فرق من السمه للكاع

وصار هدوء بس نشغات ايه مسموعه اتبعدنه عن الباب بسرعه وشوي وانفتح وصاحلها يله كومي

اجتي ايه باست راسي وهي تبجي سامحيني نوااره والله مو قصدي اسوي الي سويته بس خوفي من الفضيحه
وضلت تنشغ وتبجي بصوت مسموع

كسرا كلبي دموعها شبكتها كلتلها الصوج مو منج من امج الي ماعرفت اتعلمج الصح من الغلط

سلطان يالله روحي لمي ملابسج بسرعه

نزلت وهي تبجي

بهل اثناء اجن صديقات ماما حبيبه يتحمدا الها السلامه نزلت هي وحنين

صاحني سلطان رحت ورا للغرفه

سلطان عذريني نواره ما اكدر اخلي ايه تكعد ابيتي بعد هاي البنيه كلشي يطلع منها وكلشي توقعي منها

دنكت واني اعصر باصابعي

سلطان هاا اشوف  بحلكج حجي احجي

نواره مادري شكلك بس كسرن كلبي دموعها دموع اليتم وهي مو صوجها صوج امها الي شمرتها ولافكرت بيها بنيه ومحتاجه الها فكلشي اتوقع من ابنيه وحيده محد يرشدها ويعلمها

سلطان حجيج صح بس ايه هاي مسمومه ثقي اني اعرف البشر من يامعدن بسرعه

نواره بس اذا ضلت بالميتم محد راح يرشدها ويعلمها

سلطان اني اعرف هواي اشياء تجهلينها الدنيه علمتني اقيس واقيم البشر من اول موقف اذا يستحق يينطي  فرصه ثانيه لولا واني عرفت هل ايه ماتستحق وهي من النوع الماينتصح ولايتعلم من اغلاطه لان ماعدها مخافه من الله

عوفج منها اني كلت المهند يوديها للدار وهذا هوه خلصنه وحبيبه تتكفل بالاجرائات

هزيت راسي تمام

سلطان وبعدين اني شكلت مو كلت لاتضمين شي بصدرج عيب

نواره والله بس علمود لاتوكع مني وخفت يشوفونها

سلطان اها سماح هل مره

ابتسمت وهزيت راسي اي

شويه وشفته كمش راسه وصاح اااخ

كتله شبيك

سلطان راسي من هذاك صبح الله الهسه وعلى فد صيحه وتفكير وغده مامتغدي

نواره اصبلك غده

سلطان لا بس اريد انام حيل تعبان

نواره لعد نام شوي قبل  ما يأذن راح اطفيلك الضوه

سلطان تعاي

نواره شنو

سلطان كتلج تعاي

اجيت وكفت كباله وهو كاعد ع الجربايه رفع ايده الراسي وكال شايفه كفشتج شكبرها من الجر والسحل

وراد يعدل شعري بس اني صرخت ااوي

سلطان شبيج

نواره يوجعني مكان الي ايه شلعت شعري

سلطان تنكسر الايد الاذتج ياب

دنكت وابتسمت جراني من ايدي وكعدني على رجله

وحجه صار النه شكد متزوجين تدرين

هزيت راسي اي

سلطان شكد

نواره شهرين

سلطان اهاا زين...اممم يمته انسوي  جهال

نواره دنكت واحس خدودي صارن نار وكلبي ضل يطبل تكول فرقه موسيقيه
اكتفيت بالسكوت

سلطان لازم ما فكرتي زين بما ان انتي خجلتي خل ازيدها اتحبيني

ابتسمت وصابيعي ح يتكسرن ع كد ما عصرتهن هزيت راسي بمعنى اي واني على وضعيتي مدنكه

رفع وجهي بأيده وكال باوعيلي

باوعت عليه وعيونه بيهن نعس ومرخي جفونه ضل يتنقل بعيوني اني نزلت نظرات عيوني وبالصدفه اجن على شفايفه 

هو بلل شفايفه بالسانه وباسني بوسه خفيفه وكال يله كومي

طفي الضوه وفكري بسالفه الجهال وابتسم

كمت واني مثوله رجلي مايعينني طفيت الضوه واني حاطه اصابعي على شفايفي وكلبي شوي ويوكف شعور ماينوصف جسمي كله ما مسيطره علي

طلعت اتمددت بالصاله الفوك ع القنفه صفنت وكلساع اتذكر نضرات عيونه الذابله وبوسته لحد مانمت

يتبع.....