رواية حكمت محكمة الحب الفصل السابع والعشرون 27 - بقلم زينب العبيدي(زينبيه)

شلونكم حبات القلب

طبعا اسفه كلش ع التأخير جان عندي خطار ولحكت اكتبلكم بس مالات امس الي هنه ٢٠٩٠ كلمه لان خطاري من الفطور اجه

حكمت_محكمة_الحب

بقلم #الزينبيه

البارت #٢١

نزلت واني متردده اتقدم خطوتين وخطوه ارجع جانو كلهم كاعدين جوه بالصاله ما اكدر افوت وعلي موجود فقررت اطلع من الباب الخلفي واروح للمطبخ مناك

وقبل ما اطلع دخلت من يمي حنين الي جانت بالمطبخ هماتين اتفوت من الباب الخلفي جوه الدرج لان سلطان مايقبل اتفوت من يم علي

وحجت وهي تباوعلي من فوك ليجوه هاايي شمسويه بخلقتج مو كلهم كاعدين جوه بالصاله شلون حتدخلين  ستري على نفسج لاتنغسلين غسله معدله

-انتي ما الج علاقه حجيتها واني اطلع من الباب الخلفي

-ايطبج حمس عاد اني كتلتج اطكلها اصبع تدرين بيه  وراحت

رحت للمطبخ جانت ماما حبيبه دا تحضر العشه

وبس دخلت التفتت علي ماما حبيبه ومهند الي جان دياخذ منها الاكل يودي

مهند وهو يصفر لك  شنو ..منو... ياالله حيهم

سمعت صوت حمحمه وبسرعه التفتت شفت علي فات للمطبخ وهو يباوع علي ابد منزل عينه

اني وجهي انخطف لونه واحتاريت شسوي

فا التفتت على ماما حبيبه اخذ الايعاز منها لان انثولت كلش  شفتها خزرتني وهي اتأشرلي بمعنى طلعي

اني تلخبطه وردت ابجي يمااا لويدري سلطان بيه وبسرعه طلعت من باب المطبخ الي يدخل على الصاله المكان الي كاعد بي سلطان وامه يمكن حضي الاثول الي عثرني وداني يمه

ماحسيت بس اعيونه اتريد تطلع من مكانهن وبسرعه حجه جنتي هيج بالمطبخ

ماحجيت شي بس ركضت للدرج بدون اي كلمه واني اغلط على نفسي ثوله احسلج هيج شلي سويتي اني رعنه وثوله وغبيه

وقبل ما اسد باب الغرفه حسيت ايد اتدفعه بلعت ريقي وكتله والله والله ما ادري بي موجود بالمطبخ جنت دا ...

ماااتدرين هاااا لعد اني شنو كلت مو لاتنزلين اذا هل تبن موجود انووووب شمسويه وشلابسه ولج انتي حيوانه مااااتفهمين شلوون هيج لابسه ونازله حتى لو مو علييي هنا مهند موووجود ربي شهل تبن شهل الغباء والرعونيه

-بس اني من حقي اعيش مثل البنات الي بعمري ا. اريد امكيج و. وابدل و اسوي الاشياء الاحبها حجيتها بالكوه

ماحسيت اله وايده تجر اذني حيل كلششششي سوووي كل هذا حقج بس مو يم افلان وعلاااان الاشياء التحبينها اذا حرام ومو زينه وتخالف الاخلاق لاااتسسوينهااا  فاهمه ودفعني حيل على الحايط وانضرب راسي

لزمت راسي واني ابجي وكعدت يم الحايط

رد هو علي حلل لو بيدي هسه ادوس ابطنج واحركج بنار وهم مايشفيني لومامستصغر عقلج لججج تبن لابالعيني والاغاتي تجين لابالتهديد ولابالرزايل لاتخليني امد ايدي واكسر راسسسج افتهممي وتعلممي وعرفي الصح من الغلط واخذي الحجي

سكت شووي ورجع حجه  والله ثم والله صارت هل مره هااا بس ديري بالج تتكرر قسم بهو الله اكتلج كتلت مووت بعدج ماعرفتيني لاتكسرين حجايه كلتها صار معلوم وكتلج لاتنزلين ولاتتواجدين يم هذا التبن الحيوان لحد ما انشوفله
لحد يكعد بي ونخلص

حجه الحجايتين الاخيره بصياح وطلع وركع الباب ورا حيل هذا كله واني ابجيي وكامشه راسي

دخلت علي ماما حبيبه وهي تكلي حيل ايسوي بيج ليشش اتكسرين احجايته واني حذرتج من عصبيته اني متعجبه ما كسر راسج على سواد الوجه هذا لج دا يكلج الولد سرسري وعينه نكسه ويباوع عليجن وانوي اتلبسين هيج واتنزلين

بس والله ماما والله ما ادري بي بالمطبخ

هو ٢٤ ساعه يتجول اتكول بيته لذالك كلج سلطان لا تنزلين هاي حنين مو وياج هم حابسه نفسها بالغرفه للحمام بالبوكات اتروح واذا رادت شي تتصل علي انتي اشبيججج بس صدكيني انتي فارين راسج احجي منو المغيرج انتي مو نواره الربيتج

حجيت واني ابجي محد اني اريد البس اليعجبني وامكيج مو من حقي هاا ليش سلطان مايخليني

موكتلج فارين راسج لج اني اعرفج كلش زين واعرف عقلج مال اكبار وتفكيرج واعي صح عندج طلعات طفوليه كلشش بس ما واصله بيج الهذا الحد من الغبااء
لج ماما دايكلج هو يغااار اولان لان مرته وبنته ثانيا ايحبج ثالثا انتي عرضه ومايحب احد يتفرج على عرضا حتى لو اخووو ومنو مانعج من اللبس لبسيي سوي كلشي بالعكس شي حلو التجديد واني انصحج بي بس لمن البيت ايكون خالي من مهند ومن علي هل غثيث

خليت راسي بين رجلي واني ابجي

حسيت بيها شبكتني وكالت ماما لاتكسرين احجايه سلطان كلج مره وهددج مره الثانيه والثالثه صيح عليج لاتخلينه بالرابعه ايمد ايده عليج اخذي الحجي ترى هو يحبج واني داشوف هل شي بعيونه اشوف شوكه ولهفته الج وخوفه عليج وسؤاله عليج اول مايجي شسوت ما سوت ماما حافضي عليه هذا ابوج وزوجج واهلج كلهم هو لاتخسرينه بسوالف الزعاطيط هاي مكياج لبس اتعاندي سوي كلشي يعجبج يم زوجج وبس بنتي ولاتخلين حجي غيرج اياثر بيج واني متاكده هذا مو مو فعلج وله شنو حسبالج ترى مربيتج على ايدي وانتي طفله وعمرج ٨ سنوات وادري ماعندج جراءه تسوين السويتي اليوم لومامدفوعه من شخص وادري بيج ضعيفه لدرجه احجايه تجيبج واحجايه توديج وطيبه تصدكين بكل واحد وتامنين بالكل بس هل شي غلط حبيبتي

باستني على راسي وهي تمسح مكان الضربه وكالت يله مسحي دموعج وخلي نتعشه اهنا اني وياج وحنين

مسحت ادموعي وهزيت راسي بمعنى اي

وراحت هي طلعت واني كمت غيرت ملابسي ومسحت وجهي من المكياج لزمت مكان الضربه توجعني لان حيل انرطمت بالحايط وبسرعه خنكتني العبره

شوي وصاحت ماما حبيبه نواره يله تعالي

طلعت بالصاله لكيت صينيه العشه وحنين وماما حبيبه كاعدات كعدت يمهن اكلت شوي كلش احس نفسي مقهوره مادري من الي سويته لو لان سلطان اذاني

لحت علي هواي ماما حبيبه اكل كلتلها لاكافي شبعت

وحنين هم ما اكلت شوي بس

ضلت تحجي علينه ماما حبيبه لان ما اكلنه شالت الصينيه ونزلت شوي وكامت حنين هم نزلت اني ضليت كاعده بمكاني

كمشت التليفون اكلب بي واباوع بالفيس

حسيت نفسي كلش مخنوكه والسبب شنو ما ادري شنو الي اريده ما ادري نزلن ادموعي الوحدهن اريده هو بس ما اريد قساوته ولا اريده يتقرب مني ولا اريد برود مشاعره وياي اريد اسمع حجايات اتطيب خاطري احس لمن يكلي حبيبتي واحبج واهواج وهل حجي هو هذا الي راح يكفيني هيج راح تحلى حياتي ما ادري الزواج هيج جنت متخيله الزواج هو كلمات حب هو مكياج لبس طلعات وغزل بس جنها خايبه كل تخيلاتي

جانت عيني على النقال واكلب بي بس فكري مو يمه اصلا ما ادري شنو دا اطلع بي وعيوني تصب بدون ارادتي

حسيت واحد كعد يمي وقبل ما التفتت كمشني من ايدي واخذني للغرفه

سد الباب وسحبني من ايدي وكعد على الجرعلى رجله وكال ليش تخليني اعاملج بااسلوب مو حلو ليش تخليني اغلط واصيح عليج واني ما اريد هل شي ادري بيج طفله وضعيفه ويتيمه وادري بيج غبيه وفطيره هم لذالك اني دائما اعلمج قبل ما اعيط واصيح وكتلج اكثر من مره اذا هذا البشر بالبيت لا تنزلين لان انسان عينه نكسه ايباوع بنذاله وبخسه  لا اكدر اطرده وارتاح

ولا اني الي لاكيله شقه ومرتاح ماخليت واحدما وصيته

ضليت ساكته رفع وجهي بايده وكال احجي لبكلبج لاتضل حسره ياب احجي

ماجاوبته نزلت نضرات اعيوني

-زين وين تإذيتي مساع

بسرعه غوركن عيوني واختنكت بالعبره وحطيت ايدي على راسي من ورا مكان الضربه

-لاه ياب باع الدموع هيج اني هاضمج ومزعلج

هزيت راسي بمعنى اي

-ياب اسف واعتذر وانشاالله انكسرت ايدي كبل ماتنمد عليج اف بس مسحي ادموعج

حجيت وهي حجيه وبجيه انت صاير موحلو واذيتني هواي امس والقبله واليوم دا تضوجني كلشش

ليش ياب بشنو ضوجنج نوارتي لان اتقربت منج كتلج هاي سنه الحياة ولازم نستمر هيج حتى يصير عدنه طفل واربيكم سوه انتي وياه

وبعد علمود المكياج كتلج مايصير اتطلعين وانتي متبرجه لا الله يرضا ولااني ارضا ما احب هيج وحده تتزين الاين كان بحيث مايضل شي مخصوص الرجلها وحتى الله يكول بسم الله الرحمن الرحيم(وقل للمؤمنات  يغضضن من ابصارهن يحفضن فروجهن ولايبدين زينتهن الا ما ظهر منها وليضربن بخمرهن على جيوبهن) ها يابه وانتي قبل شوي نازاتلي بلبسج الضيك راسم جسمج رسم وجهج متروس مكياج بشرفي اني ماشايفج هيج ونازلتلي يم هذا النكس ومهند اخوي موجود ترى يابه حرام ومو بس حرام اني اتكهرب من وحده هيج واحجي على النسوان الي يطلعن متبرجات ولابسات حصر واسب الي طالع وياها ومسوي روحه رجال نوب انتي ترديني اطعج وياي وجهج مصبوغ صبغ حتى المايريد ايباوع الحمر البشفتج يكله باوعلي بالكوه

بعد بشنو ضوجتج هاا هاي اشياء المصلحتج والخاطر سعادتنه سويتها اريدج تستوعبين بابا ترى مو عذر انتي صغيره اكو صغار وعقلها عن الف رجال

-شنو مضوجج بعد احجي اسمعج خل نتناقش احسن وافهمج وتفهميني

-حجيت بالكوه واني امسح ادموعي اني ما اريدك تتقربلي بعد ما احب هذا الشي وهم يضوجني برودك انت اصلا يمكن ماتحبني 

-شلون عرفتي ما احبج

-انت ولامره كلت احبج ولا حبيبتي ولاهذا الحجي مال الحي

-ههههه يمعوده اني اعشكج عشك سبعيني يابه حب هل وكت مو ثوبي
اني مو بس احبج اني اتعلقت بيج ابوي اني اسرتني وحده طفله وخلتني هايم بيها اذا تردين حجي اللسان اصيرلج شاعر بس الي اريدج تتاكدين منه اني احبج بهذا واشر على كلبه مو بالساني والكلب حبه اصدق من اللسان مايجذب اللسان جذاب ويسفط حجي ببلاش بس هذا لااا حبه جبير حبه بي اهتمام وتضحيه

واني طحت ومحد سمه علي شهرين وشكم يوم وبس هيج صار بيه اني خايف بعد سنه ماتنفس اله وانتي بحضني

-
ابتسمت ودنك فدوه احب حجيه يعني صدك ايحبني

-اي لك ياب هي اهاي الابتسامه وهذا الخجل الي موتني

ضحكت وخليت ايدي ع وجهي

-اي بس نرجع للموضوع الاول هاا موضوع مال لاتتقربلي بعد هذا سالفته تعبانه يابه اني زوجج وانتي حلالي ولاتخلين الخوف ياخذ منج دور اريدج سباعيه وتشيلي طفل اهنا وحط ايده على بطني

-ب'بس ما احب واخاف وهم استحي حجيت الحجي واني اعصر باصابعي واحس كلبي حيوكف كلما اتذكر الي صار وياي بهذيج الليله ابدي ابجي

-لج امنين تستحين اني زوجج لازم اتطيح الميانه اول شي غصبي نفسج بعدين تتعلمين علي ياب هاي سنه الحياة واله احنه شلون صرنه شلون اجينه للدنيه

سكت شوي وبعدين ابتسم لج احبج شنو انتي موتيني صرتي نبض بكلبي لانبض شنو صرتي كلبي كله ضل يحجي هيج وهو يبوس بيه بركبتي واني مندمجه وي احجاياته الحلوه واحس طايره من الفرح كانما استمع اغنيه شعر مو جنهن كلمات بسيطه جانت كلماته احساس حلو يداعب كلبي وضليت هيج ما حاسه بشي غير الشعور الحلو  لحد ما ((حدث ما حدث))

-وهم مجرد ما تبعد عني اني ابجي واصرخ اكرهك اكرهك جذاب ماتحبببني
اطلعععع ماا اريدك انت واحد اكلاوجي واستاذ مال جذب

-سد حلكي باايده وهو يضحك اششش صوتج منو كلاوجي ولج ههههه ميخالف بابا راح تتعودين بس لاتشهرينه فشله وعيب وحبيبه خطيه لاتسمعنه كاافي الخاطرها

-سكتت واني انشغ وامسح بدموعي واحجي على كيف قشمرتني ما احبك

-واني اموت عليج

-لفيت نفسي بالجرجف كتله اطلع

-راح اطلع باسني على راسي وراح

-داكله اكرهك واجت بحلكي احبك والله احبك التفت علي وهو يضحك كتله اقصد اكررىهك والله ما..ما  طلعت بالغلط لاتضحك

-شلي علاقه امشي على اول احجايه سمعتها اني ضحك وطلع

كمت بدلت وبعدها طلعت للحمام سبحت وكملت وطلعت دخلت الغرفتي مشطت شعري وضليت اكلب بتليفوني جانت الساعه ب١ باليل سلطان راح نام يم ماما حبيبه لان اليوم يمها لازم حسيت نفسي جوعانه كلش لان ماتعشيت

احتاريت ياربي شسوي خاف انزل وخاف هذا موجود زين ماما حبيبه هسه نامت كمت وكفت يم الدرج ومحتاره واني كامشه بطني ضلت اتغني من الجوع

نزلت واني متردده وانزل على كيف رحت للباب الي يطلع ع الممر الوره جوه الدرج وقبل ما اطلع سمعت

صوت حنين وهي تبجي اتقربت يم غرفتها

ومهند ايصيح عليها مو من حقجج
اتفتشين نقالي وكتلج ما اعرفها  وحده سلمت رجعت عليها سلام

وهي تبجي وتكله كتلي مو من حقي هاا زين تدلل استاذ مهند انت بعد هم مو من حقك اتحاسبني على شي

فتحت الباب وصرت ابوجها ابتسمت من الفشله

-انتي ماتوبين من التصنط ماعيب عليج شلون سوله نكسه طاح حضج حجتها وهي تمسح بدموعها

اجه مهند يشوفها تحجي ويامن

كلتلها ماجنت داتصنط بس اصواتكم طالعه واجيت ادك الباب حتى انبهكم لا ينزل احد

لزمت راسها وكالت كافي جذب وخري من يمي وعافتني وراحت للحمام

التفتت المهند ترى ماجنت دا اتصنط بس

قاطعني عادي مو مشكله ماصار شي عافني وراح

طلعت اني ورحت للمطبخ ودخلت فتحت الثلاجه واني دا اطلعلي شي سديت الباب والتفتت وراي وكمزت من مكاني حجيت بسرعه شعندك اهنااا يا اخي حمحم طلع صوت زين ما وكف كلبي

علي ههههه اسف والله بس جنت جوعان واجيت للمطبخ ومن شفتج انصدمت

حجيت بنتر وشكو ليش تنصدم ردت اطلع

صااح لحضه هاي شبيج خويه كتلج جوعان من الاصول تسويلي شي اكله  والله راح ابجي

-رجعت كتله شسويلك اتريد

-جان يباوع علي من جوه لفوك كال اريد كيمر كيكه بيضه اريد اي شي حلو

-درت وجهي عنه واني اعدل بشالي عكدت حواجبي طلعتله بيضه وخليت الطاوه ع النار

كاال قبل شويه اتصلت عليج ليش ماتردين

-وشتريد متصل

-جنت جوعان كلشششش واتصلت كلت بلكت احصل عندج اكل

-فتحت التليفون شفت صدك متصل علي ومراسلني واتساب كتله جان صامت

حسيته قريب مني كال وليش تسوي صامت رفعت اعيوني بفزع وعكدت حواجبي

م. ما دري اني د.دائما اسوي صامت لان تجيني اشعارات

كمش التليفون عفت التليفون اني بسرعه ورحت للثلاجه بس اريد اشرد منه هسه اني شورطني ونزلت الهذا الحيوان  طلعت الصمون من الفريز  وي سدت الفريز سمعت صوت سلطان وهو يكول

علاوي شتسوي اهنا

اني ابسرعه ختلت ابين المجمده  والثلاجه واعيوني غوركت بالدموع وايدي ع كلبي

سمعته رد عليه وباوعلي خطف كال لا ابد اجيت اكل جوعان ودا اسوي بيض انت شتريد اسويلك شي وياي

سلطان.....

يتبع.......