رواية حكمت محكمة الحب الفصل الثامن والعشرون 28 - بقلم زينب العبيدي(زينبيه)

شلونكم حبات كلبي

حليت المشكله فرمتت جهازي لعيونكم وانشر البارت

٣٠٨٠كلمه قراءه ممتعه

#حكمت_محكمه_الحب

#بقلم_الكاتبه_الزينبيه

#البارت٢٢

سلطان هذا تليفون نواره باايدك

اشرت باايد العلي بمعنى اسكت

علي ب ب اي اي مادري نزلت ولكيته الظاهر ناسيته

اتقدم سلطان صار كبال علي وجها بوجه علي وضهره
علي سحب التلفون من ايد علي

اني انكطعت انفاسي وضليت كلي ارجف ودموعي اتجمعا بطرف عيني

طلع من المطبخ وهو مدنك على التليفون بس طلع من الباب الخلفي

ومجرد ماطلع من الباب ركضت اني بسرعه متجاهله صوت علي الي يصيح علي شدعوه هلكد خايفه منه وليش ختلتي

صعدت كبل الغرفتي وانيي اروح وارجع بالغرفه ياربي شسوي وشنو اكله زين شلون لوداخل الغرفتي ومالاكيني

ركضت على الجربايه وغطيت جسمي كله باللحاف

و١٠ دقائق وسمعت صوت الباب انفتح

وسمعت صوت سلطان وهو يصيح لج كووومي

كمت ابسرعه كتله ها شبيك

-وييين جنتي يحجي وهو صاك على اسنونه

-ا ا اني جنت كاعده اهنا اكلب بالتليلون هاا وجعت وبعدين خفت انزل لان بس كلش جوعانه وماما حبيبه نايمه فا اضطريت انزل ومن نزلت للمطبخ ها دخل علي ابسرعه طلعت من المطبخ و وحتى ت ٢لفوني نسيته

-لججج لاتجذبين زعطوطه اني ما ادري بيج جنتي جوه اتقدم علي ابسرعه وخنكني باايد ويحجي وهو يصرخ اني شكلت لا ونوب مرراسلات ابينكم ورقمج عندددددده من شووكت هاي الخرابيطط احجي ولج حقيره تبن احجييي ودفعني ع الحايط

-و.و الله ما ادري ا.اني ما انطيته رقمي مخلاني اكمل وحسيت وجهي انفر براشدي وصار مكانه نااار صرخت اني وبجيت

ضربني الثاني وهو يكوول تبن اتختلين مني حتى ما اششوفج مووو لا وكاعده اتسويله سم ابطنه ولجججج شلللووون بيج انتي هااا اذبحج يالله تاخذين الحجي ودفعني حيل وانضرب ظهري بميز التسريحه ضليت ابجي واشهك ما اكدر احجي شي لان ماينطيني فرصه جان يحجي بعصبيه وصريخ وبدون انقطاع

-دخلت ماما حبيبه ركضت صارت اكبالي وهي تكله بروح ابوك كافي سلطان

وهو يصرخ عليهااا وخررري من وجهي لا اكتلج انتي وييااها والله اريد اشوف هل تبن شنو ناويه تسوي كلشي على اعنادي

-ميخالف اضربني بس عوفه ماتت البنيه باايدك كافيي

-الله لاينطيج انتي السبب ياحبيبه وكله من ايدج جبتيلي عله وخليتيها على كلبي جايبتلي طفله تكلي اتصير ام جهالك وهييي ابحدها تريدد كلب ما جايسه ضيمم جان يحجي بعصبيه كلش

وشوي وكمش راسه وهو يتنفس حيل ويحجي بين انفاسه التعب عوفيها وطلعي

حبيبه بس..

سلطان كلللللت عووووفيها

طلعت ماما حبيبه بعد ماحست مستحيل تكدر اتجادله وهو بذروت عصيبته

وكف بالباب باوع علي واني مكوره جسمي يم الحايط وابجي قفل الباب وراح

ضليت ابجي وابججي مادري شكد ضليت على هذه الحاله لحد ماتعبت ونمت

وكعدت على صوت ماما حبيبه وهي اتدك بالباب و تصيح ماما نواره حبيبتي بس حاجيني

تفتح بايد الباب وهو مقفول  لج نواره امي حاجيني بس خل اسمع صوتج وسمعتها تجاجي نفسها يمه عززه  بس لا صار بالبنيه شي

كعدت واحس كل جسمي يوجعني وضهري واحس حلكي ناشف من العطش جانت اكو صينيه اكل يمي وبيها دولكه مال مي سحبتها وشربت بالدولكه لحد ما انكطع نفسي

حجيت بالكوه هاماما

حبيبه اي الف الحمد لله كوليلي انتي بخير ياامي شنو يوجعج

-مابيه شي بس وجع  بكلبي وخيبه باامالي وكسر باامنياتي حجيتهن واني ابجي

-سوده بوجهي يايمه كله مني

- لاتهتمين هي ماضلت على هاي من يوم يومي انضرب

-زين ليش تنزلين وهذا الحيوان جوه مو حذرج سلطان وكنالج عينه نكسه عليجن

-جعت ونزلت عساني لا كليت ولاضكت الضوك

-سوده بوجهي جان كعدتيني يا امي

-جنتي نايمه واستحيت اكعدج

-شهل حجي يا امي قابل اني غريبه وتستحين مني '''زين انتي ليش ختلتي ليش ما واجهتي وطلعتي

-خفت

-بس لو طالعه احسن لان سلطان شك بيج خصوصا من شاف المراسله وماكو كت هواي بين المراسله ونزلتج
وطالب منج اتسويله زقنبوت ومن نزل لكاج تسويله عشه وختلتي شك بيج يوم احجيلي اني امج من اشوكت ابينكم مراسلات ماراح اكول الاحد صدكيني

- كمت ابسرعه ركضت ع الباب واني ابجي كلتلها لاماما شنوهذا الزباله وبيني وبينه شي ماما فهميي الله عليج انتي تعرفيني اني مو هذه تربيتي وما اسويها اصلا ما ادري ومامنتبها من انطيته رقمي والله العضيم صدكيني ماما

شوي وسمعت صوت المفتاح مالت الباب ينفتح اتبعدت عنه

وشفت سلطان وماما حبيبه واكفين سلطان دخل بس ماما حبيبه راحت

باوعتله وعيوني كلها ادموع وبسرعه دنكت حسيت اتقرب مني كلش

ورفع وجهي بايده وكال ليش تخليني اضربج واني ماريد هل شي  جعتي جان كعدتيني اني مو حبيبه والله اصيرلج اكل بس انتي ماخذيتي الحجي ونزلتي لا ونوب مراسلج التبن ويريد سم ابطنه وختلتي مني لا والقاهرني من سالتج جذبتي علي واني كلشي سوي ولاتجذبين علي

ضليت اني امدنكه وساكته

-رفع وجهي مره ثانيه وهو يتلمس خدي بأيده عساه انكسرت كبل ماتنمد عليج بس انتي كله منج ليش جذبتي علي لو طالعه اتحملي مني اصرخ اصيح اعصب ولا اشك بيج

ترى اي واحد بمكاني جان راح يشك مراسل وطالب سم ابطنه ومن نزلت لكيتج اتسويله لا وختلتي مني ومن سالتج جذبتي هذا كله شيطني الربي

ترى اني من طلعت مارحت وكفت بشباك المطبخ من برى وشفتج من شردتي وحمدي ربج ماصعدتلج جان كتلتج كتلت موت وخليت بيج عاها مستديمه

ضليت افتر بالحديقه واضلي على محمد بس كون ابرد وما اصعدلج

اني بعدني على حالتي مدنكه

شوي وشالني وكال هذا يامجرم مشوه وجهج هيج اليوم احرك عشيرته السوه بهل وجه الحلو هيج

ومشه بيه للمرايه شوفي الله لاينطي العافيه من ..

خليت ايدي على حلكه وكتله لا

باس ايدي وهي على حلكه لاتكولين هيج اتزيدين بيه تأنيب الضمير والله ما احب اضربج ولا اريد بس انتي اخذي الحجي

كعدني على ميز التسريحه وباسني على شفايفي

اي ماكتلج اتعاركت ويه علي و طردته  من بيتنه

-احسن بعد

-اي خل يولي ابن التبن ضليت احوم وافتر كون اسويلي ويا عركه عاد الصبح واني طالع شفت فاتح الماي ويرش بالزرع عاد نزلت عليه ركبه ونص هيج فعلك وهيج تركك لحد ماذبيتها الجانت خانكتني وكتله ياغريب كن اديب ياتكعد بأحترامك يا لاتتصرف من يمك

عاد هو كال هاا اضن انت كلبك متروس معقوله هذا كله علمود جاي اسقي الزرع لو اكو شي ثاني
المهم وصلتله الاريده فا من رجعت كالت امي راح وانزلك على امي وابن اختج كيت وكيت وكلتلها فكركم اذا اشوفه بيتنه بعد احرك البيت وانتم بي

هاشلونيي

-حجيت بزعل بس ماضربته واني أذيتني

-اووف من ايدج ضربتج من جذبج سكت شوي زين شسويلج وتنسين  كولي

-ما ادري بكيفك حجيتها واني مدنكه واعصر باصابعي

كمش ايدي وكال لج كافي اتدورين وتعوجين بااصابعج راح ينكسرا وباس ايدي

زين اذا بكيفي فا الشغله متزحلكه شوي  الشي الاريده اني انتي ماتردينه

-شنو هو

-شي ولسوء حضي محروم منه من يوم يومي

-رفعت حاجبي واني احاول اعرف

-لاتعبين نفسج ماراح تلكفينها وهي طايره لو اعلك غبيه

-لاتكول غبيه اصلا اعرفها بس ما اكول(جذب اني ما اعرفتها بس جنت شاكه بالشغله بس اكول النفسي يجوز مو هذه الشغله ويطلع اني تفكيري منحرف )

-زين ماطول عرفتي وانتي كلتي بكيفك هذا كيفي وهذا يرضيني وانسيج بهذا الطريقه حجاها وهو مبتسم

-هي شنووو

-ها ياب جاموكلتي اعرفها وموغبيه

-هاا اي اعرفها بس اريد اسمع منك حجيتها بخوف

-ههه والله لاعرفتيها ولاتعرفينها سكت شوي وكال زين اذا كتلج اتصير حتى لو غصبا عنج

-بس عرفتها نزلت من ميز التسريحه وركضت ردت اطلع

-كمشني من ايدي قبل ما اشرد وهو يضحك لجج وين شارده جبانه

-عفيه ما ارييد هذا الشي اكرها اصلا اني ما اريدك طلكني

-ضحك وسحبني من ايدي كعد على الجربايه وكعدني على رجله كمت ابسرعه  بس هو سحبني ورجع كعدني وهو يكول بس احجي وياج

كعدت واني مدنكه رفع وجهي باسده وكال ليش ماتردين قربي

-ما..م.ما احب والله

-لج شنو ماتحبين مو كتلج هاي سنه الحياة ولازم يصير هل شي حتى يصير عدنه اطفال وهذا حقي براضج او غصبا عليج بس اني اريد من قناعتج ما اريد اجبرج

-بس...

-اي بس شنو احجيلي اسمعج وخلي في بالج وقبل كلشي اني بوج واخوج وصديقج قبل ما اكون زوجج وعد مني اذا فد يوم احتاجيتي الامان او احتاجيتي المرشد راح تلكيني اب واذا فد يوم احتاجيتي سند وظهر راح تلكيني اخ واذا احتاجيتي اتسولفين وتفتحين كلبج اتضحكين راح تلكيني صديق واذا احتاجيتي حب او حضن يلمج او احتاجيتي حجي حلو وغزل يرضي انوثتج راح تلكيني زوج ايحاول يرضيج بااي شكل من الاشكال اريدج تتإكدين انتي يم رجال يعرف شنو معنى المره ويقدرها ويعرف انتي اكثر وحده محتاجه هل شي وهسه يله احجيلي

-اتوجعع حجيتها بالكوه واني مدنكه واعصر بااصابعي

-رفع وجهي باايده وعكد حواجبه بس مو الهذه الدرجه انتي شايفه روحج اتضلين اتنعثلين اتنعثل وايديج ايهمشن

-دنكت ما ادري ب بس والله اتوجع

-اتنهدت وكال ما ادري والله خل انشوف حبيبه يمكن تعرف سبب هذا الوجع اني ماعندي معلومه الي اعرفه ورا اول يوم كلشي ينتهي والايام البعده اكو بس مو لدرجه الهذيان

وهسه ياله كومي خلي انام وصيحي الحبيبه خلي اتمرخ راسي

-اني امرخك

-لالا انتي روحي اتغدي  وروحي سبحي وتعاي نامي وارتاحي راح تصير الساعه ب٤

_هزيت راسي بمعنى اي ورحت صحت ماما حبيبه واجت واني اخذت الصينيه اتغديت بالصاله ونزلت واغسل المواعين واني دا اغسل سمعت صوت باالطرمه مهند ايصيح على حنين وهي تبجي وتكله اي اكيد ماراح اترد عليك اصلا هي كالتلي انتم ابينكم كلمه سريه ماتكولها اذا اني موجوده وهي ماترد عليك

اسمعه يصيح ويغلط وشي انضرب بالحايط

بحايط المطبخ من برى ودخل من باب المطبخ الخلفي اني ارجعت اغسل مواعين سويت نفس مامنتبها بسرعه طلع من الباب الي يودي للصاله ودخلت ورا حنين حجت وهي تمسح بعيونها

-انتي ماتوبين من التسنط ماعيب عليج شنوقلت الادب هاي

-والله ما اتسنطت بالصدفه والله دا اغسل مواعين وسمعت اصواتكم طالعه

-وانتي كيفتي بيها وبلاها طلعت وعافتني

-هاي شبيها طلعت حركت كلبها بيه

كملت وصعدت كعدت بالصاله استحي ادخل الغرفتي كل ضني ماما حبيبه يم سلطان

شويه وطلعت ماما حبيبه من غرفتها وكالت ها ماما نواره حضري نفسج بالخمسه انروح للدكتوره

-لويش شكو شبيج ماما

-ابتسمت موالي الج انشوف لويش هذا الوجع العندج

-هاا بس ماما اني اخاف من الابر ماااروح عفيه

-هههه لج هسه احنه خل انروح ونعرف شبيج وهذيج الساعه اذا انطوج علاج بي ابر انبدله ولو اني متأكده ماينطوج ابر

-ها اذا هيج خوش

كمت دخلت الغرفتي وعلى ضوه الكشاف طلعت ملابسي لان سلطان نايم وسبحت وكملت وبالخمسه كعدت سلطان وكام يسبح هو على ماكملنه احنه

ورحنه وجانت ماما حبيبه كاعده بالمقعد الامامي واني وره وجنت مفتشله من الاثر الي بخدي لونه صاير احمر وبي زراك خفيف لا اكدر احط مكياج واضيعه ولا اقرب الشال واضمه وضليت حاطه ايدي على خدي الطريق كله حتى اضم الاثر

وعيون سلطان تباوعلي بالمرايه باانكسار

ابتسمتله حتى اطمنه اني مابيه شي لايضوج وصلنه للعياده مال الدكتوره

نزلت ماما حبيبه من السياره واني قبل ما انزل صاح علي سلطان وانطاني افلوس

وكمش ايدي واني اخذ لفلوس كال تنكسر ايدي ياب بعد اذا انمدت عليج اعتبري وشم

-عادي ما صار شي بس بعد لاتضربني

-حاضر سيدي اوامر ثانيه

-اي ولاتصيح علي ولاتتعصب ولاتغلط ولاتكلي تبن

-اهاا اششو نزلي يله نزلي لا اوشملج الخد الثاني

-حبيبه وهي تضحك لاتحاولين هاي تبن عشرة عمر وي اللسانه فالاتعبيين من يتعصب يتربع ابروسلي براسه

سلطان ها حبيبه جنه عاجبج الوشم الي بخد نواره

نواره اي والله ماما كلش حلو تعالي جربي

حبيبه انويره اني اعلمج يله نزلي وبعدين منو كلج اني مامجربته اصلا مجربه انواع الوشوم

سلطان يله يله اتاخرت من اتخلصن اتصلن علي

نزلت وسلطان راح واني وماما حبيبه دخلنه للعياده وبعد انتضار طويل اجه دورنه دخلنه اني وماما حبيبه

وسولفت ماما حبيبه للدكتوره عن حالتي واني صخنت من الخجل

ولمن رادت تفحصني الدكتوره ماقبلت وردت اطلع من غرفه الدكتوره واني اكول الماما حبيبه والله استحي ما..ما

وبالكوه بعد التوسل والتهديد والاقناع من ماما حبيبه اله خليت الدكتوره تفحصني وبالكوه خبلتها

كالت الدكتوره عدها تمزق بس خفيف بس بهذيج الساعه تتأذه ويأثر عليها راح اكتبلها علاج و اسبوع لايتقرب منها زوجها ورى الاسبوع عادي

رحنه اشترينه العلاج من الصيدليه واتصلت ماما حبيبه على سلطان كال الها ربع ساعه ويجي

حبيبه امي نواره شرايج اتسويلج تحليل مادري ليش عندي احساس يكول انتي حامل

-حامل بهل السرعه ماما

-اي كلشي جائز هسه خل انسوي تحليل ما خسرانين شي

هيج نواره وطلعين صدك حامل الج مني اسويلج كلشي بنفسج والله كل الي تتمنينه احققه الج وعد والله

-ابتسمت اريدج اتضلين يمي على طول وما انحرم منج

-ورحنه الابو التحليل ولمن شفت الابره ضليت ابجي وردت اشرد لولا ماما حبيبه كمشتني اتخبل من شي اسمه ابره

والرجال ابو المختبر يضحك ويكول الماما حبيبه صدك جذب هاي بنتج مال حمل اذا هي من الابره كتلت روحها بجي

ضحكت ماما حبيبه وكالت هي من كلشي  اتخاف

وضلت تقنع بيه والرجال يضحك اشوي واتصل سلطان ردت عليه ماما حبيبه واسمعها تكله احنه باالمختبر تعال انت بلكي تقنع

كلتلها والله ما اقنع ما..ما لو اكو شي غير الابره عادي بس ابره لا

كال الرجال ابو المختبر وهو يضحك ادري عمو شنو الشي الثاني مثلا ازرف ايدج واسحب دمج بصونده

ما ما مااريدد

وضلينه ننتظر سلطان و الرجال ابوالمختبر يسولف وياي لان ماعنده مراجعين ويسألني شسمج وشكد عمرج لحد ما اجه سلطان

وسلم رد عليه الرجال وهو يكله تعال الحك علينه خويه هاي بنتك خبصت الدنيه من وره ابره شكدوتها

ضحكت اني لان يكله بنتك وسلطان وماما حبيبه هم ضحكو

رادت تكله ماما حبيبه هذا موو وبعدها مامكمله اشرلها سلطان بمعنه اشش لاتحجين

ضحك سلطان وكال يله ياب انطي ايدج

ما  .اخاف ما اريدد

حجه سلطان بغضب مسطنع هو كيفج بالله اشو سحب ايدي وانطاها للرجال ودار وجهي علي اني كاعده وهو واكف اكبالي وخنك وجهي ابطنه حتى لا اتحرك

وشوي وكال الرجال خلصنه

فتحت اعيوني على كبرهن واني اضحك من بين ادموعي  بعد ماتبعد سلطان كتله صدك

حجه الرجال وهو يضحك لعد اشحسبالج  الجبانه كومي يالله هسه انتي كبري روحج بالاول وبعدين عود فكري بالاطفال

سلطان هي مارايد بس زوجه مستعجل على شنو ما ادري الله يهدي حجه وهو يضحك

اني وماما حبيبه هم ضحكنه

كعدنه ننتضر التحليل تطلع نتيجته خمس دقايق وسمعنه ابو المختبر ايصيح بااسمي كام سلطان وتبعته ماما حبيبه

شوي واجتني ماما حبيبه مبتسمه وبعيونها لمعت الفرح شبكتني وهي تبوس بيه الف مبروك والله كلبي جان حاس اللهي لك الف الحمد والشكر

ابتسم وبكلبي طايره من الفرح وكلتلها الله يبارك بيج ماما

اجه سلطان يمشي بااتجاهنه صحيح مابده اي ردت فعل بس مايكدر يضم الفرح الي ترست نظرات اعيونه

كال يله امشن ترى عدنه خطار خل اجيب عشه ونروح للبيت

صعدنه بالسياره وراح سلطان للمطعم جاب عشه واجه

وطول الطريق واني وماما حبيبه نحجي وهي تسألني اذا بنيه شنو تسميها واذا ولد شنو تسمي

واني اعدد الها

وهي تعقب وراي هذا موحلو وهذا قديم وهذا مايلوك وي اسم ابوه ما ابالغ اذا اكول هي جانت فرحانه اكثر مني بالحمل

وسلطان ساكت ويسمعنه

شوي وحجه كال الاسم على حبيبه ابنيه او ولد

حبيبه لا ياسلطان مايصير هذا حق الام وابسط شي ثقدمه الها مقابيل تعب الحمل والولاده والتربيه

نواره واني ابسط شي اقدمه الج انتي كا امي وام الابني اوبنتي ان تختارين اسم الهم

سلطان عفيه عليج نواره

حبييبه مشكوره ياحبيبت امج زين اذا هيج راح اختار اذا ابنيه رقيه واذا ولد سيف هاا شكلتو

نواره احلى اساميي

وشوي وضلنه للبيت دخلت اني اول شي جان البيت متروس جهال وكبار خوات سلطان خمستهن وسناء الغثه وحتى نوال دخلت سلمت عليهن وراي ماما حبيبه هم سلمت دخل سلطان ورانه وكامن خواته يسلمن عليه

وسناء تتمويع جنها عمود كهرباء مزنجر

غميتها  بدون متشوفني

وكعدنه يمهم
ام سلطان هايوم نواره شبيج خير رايحه للدكتوره سلامتج

نواره هاا اي م .ماادري

ضلو كلهم يضحكون وسناء موتت روحها من الضحك وهي تكول شوف الفهاوه مضيعه الاكو الماكو

حبيبه لامامضيعه بس بنتي خجوله شوي وهي راحت علمود شغله نسائيه لذالك خجلت تحجي ... ها وماكلتكم طلعت حامل

الكل اتفاجئو شي يبارك وشي يكول واخيرا راح انشوف جهال سلطان وسناء وجها مايكصه السيف وشوي وتبجي وام سلطان تبوس بيه وتباركلي

محد مهتم الكلب ماما حبيبه المكسور الي  تكابر بكل ماعدها من صبر

مهى اي ياخوي هسه هاي لبنيه ضلها شهرين ونص وياك وحملت لو متزوج من وكت اقصد من ٢٠ سنه جان ابنك بعمر نواره

دنكت ماما حبيبه بنكسار بس لا حبيبه اقوه من ان تنكسر شفتها رفعت وجها وباابتسام كالت اووف اي والله عاد اني شكد لحيت عليه قبل اسنين مو هسه بس جان معند والحمد لله على كل حال من جعل نواره حبيبتي من قسمتها لان اكثر وحده يستحقها سلطان

سلطان الحمدلله على كل حال يامهى( قل لن يصيبكم الا ماكتبه الله لكم)واحنه مقسوم النه انعيش العشنا وانمر بالي صار واني لولا حبيبه مادخلت الحياتي جان ماشفتو سلطان هذا هو سلطان لان وراء كل رجل عضيم امرأه

وشوي اذن المغرب الكل طشو للصلاه

ماما حبيبه هماتين راحت اتصلي وكلتلي روحي صلي وارتاحي بغرفتج ولاتردين عليهن وراحت

اجيت اريد اصعد اني ولكيت سناء يم الدرج وكانما منتظرتني

كالت شهل اثر الطالع ابخدج وحمه ولاديه هههههه وبعدين لاحسبالج امصدكين ان انتي حامل ادري هاي سوالف حبيبه ودوالغها

كلتلها والمطلوب

اجت منى وكفت يم سناء وهي تكمل حجيها اي ترى حبيبه حسباله نكرها مثل ماتكرهنا لذالك مستعده كلشي اتسوي من خطط بس علمود تضوجنه عوود حسبالها انضوج عقليتها شاخطه

طلعت ورقه التحليل وانطيتها الها وكلتله عود لمن تخلصن منها رجعنها ولاتتهمن ماما حبيبه بشي مستحيل اتسووي هي اكبر من هاي السوالف النكسه

وصعدت وكفت على صفحه من الدرج واني بالكوه اسمع صوت سناء الي تحجي بصوت ناصي تكول

شفتي ما فاد وياها هاي هل حملت شلون يامنى والله اموت اذا حملت سلطان بعد مايفكر بيه

منى اني ادري هاي مايفيد وياها شي مثل حبيبه بس صبري خل انفكر الها عدل

فتحت اعيوني بخوف وضربت على خدي وصعدت اركض ....

يتبع....

......................................