رواية حكمت محكمة الحب الفصل التاسع والعشرون 29 - بقلم زينب العبيدي(زينبيه)

واحلى بارت الاحلى متابعين😍🥰

قراءه ممتعه٣١٦٠ كلمه😪

حكمت_محكمة_الحب

بقلم #الزينبيه

البارت #٢٣

صعدت اركض دخلت على ماما حبيبه للغرفه جانت دا تصلي كعدت انتظرها تخلص

وبس خلصت هي كالت هاا ماما شبيج

-ماما اني خايفه سمعت سناء ومنى يكولن......

-عكدت حواجبها بس شنو قصدهن هذن الخبيثات

-مادري ماما بس اني خايفه ايوكعن الطفل

-شنو هي تايها حتى ايوكعن الطفل بس هاا انتي ديري بالج على نفسج ولاتتواجدين يمهن واكل لاتاكلين من ايديهن لو شنو ايصير واني هسه اتصرف بس خل اكمل صلاتي وانتي روحي صلي

-هزيت راسي بمعنى اي وكلتلها انشاء الله وكمت رحت الغرفتي ولكيت سلطان ديطوي بالسجاده ويتمتم بالدعاء حط السجاده على ميز التسريحه وباوع علي وابتسم اجه يتقدم بخطوات متثاقله وعيونه بعيوني

شبكني وباسني بين اعيوني

-فدوه البنتي والام جهالي

-ابتسمت وتذكرت الدكتور من يكله بنتك وكتله سمعت الدكتور شنو يكلك مساع يكول بنتك ههههه

-ههه ماجذب انتي بنتي

يبت ريتي ونبض كلبي وهوه الانفاس
يا ام بيتي وطفلتي وكل الاحساس
يا اخت عكلي المافركتي تفكيري
ياصاحبه طولي من جدمي للراس
يانار كبره توجريني ويسر تخديري
ياكلشي وكلاشي انتي باالعباس
بقلمي( الزينبيه)

-شبكته من بطنه وخليت راسي على صدره وكتله صدك اتحبني

-لا اجذب عليج اريد اخذ الاريده واذبج بالشارع واشهرج ،،اي ياب شبيج غير اخذتي عقلي وصرت تايه بحب طفله

من اتزوجتج اول ايام وحتى بالخطوبه كلت مستحيل احبها هاي طفله ولو عندي بنيه جان هي بكدها ويمكن اكبر بسس اف ماتصورت راح ياخذني الهوه العذري هو طفولي ماكمل عشرين اسنينه

ذايب بالعشك ياكلبي (شمالاك)
وصرت ماتعرف يمينك من(شمالاك)
جنت صخر جلمود ماترجف(شيميلك)
ملت وي نسمه طفوليه
بقلمي#الزينبيه

-الله شكد حلو حجيك شبكته اكثر واني اشتم عطره وجهي صاير جوه صدره

حسيت بدموعي تنزل بلا سبب او يمكن اكو سبب يمكن لان لكيت الحب لكيت الامان لكيت الاهتمام لكيت رجال ح يصيرلي كولشي بعد ماجنت شي نكره بلا اهل بلا حب بلا بيت بلا حضن دافي

رفع وجهي باوع علي وعكد حواجبه شبيج

-مابيه شي احبك حجيت واني ابجي

-هههه اتحبيني وتبجين لعد من تكرهيني شلون

-لا مادري ليش دا ابجي

-اني ادري ،،(،سكت شوي وكمل )الله يكدرني واعوضج واريحج وادللج وما اخليج تحتاجين حتى الروحج

بعدني من يمه وباسني بشفايفي وهو يكول امممم ياناس كرز مدري فراوله مدري تفاح احمر

ضحكت ودنكت

كرصني من خدي وكال يله صلي ونزلي كعدي جوه لاتضلين اهنا هاا واسمعي ديري بالج تجرحين حبيبه بشي ادري بيج ماتسوينها بس خاف بفطاريتج اتسوين شي يجرحها اقصد ع الحمل

-اني اجرح ماما حبيبه الله لاينطيني لاصحه ولاعافيه ولايثبت عندي طفل اذا اجرحها او اتعمد اغيضها وراح احسب احساب الكل تصرفاتي

باسني على راسي اي عفيه ترى حبيبه عزيزه على كلبي هاي صويحبتي جبنه العمر عشرين سنه اساعدها وتساعدني اساندها وتساندني احب شوفتها كبالي وهي مرتاحه ويعز علي كسرت خاطرها

-انت تحبها

-شلون ما احبها موجاي اكلج اصويحبتي وعشرين سنه عشره ما افتركنه

-ما اقصد كا صديقه ولا زوجه اقصد تعشقها يعني اشلون افهمك ا ا ا. هم كلبك يدوك حيل من هي يمك

-يله صلي ونزلي عافني ونزل بدون ميجاوب

شبي ليش اني شنو كتله خاف ضاج اني شدخلني وحاجيته هيج بس والله حجيي مابي شي

رحت د اتوضه وطلعت اسمع سلطان ايصيح ويصررخ صوته هز البيت كله

نزلت اركض واني اسمعه ايصيح بسسسس كافي اكلان تبن ماصااارت لله جهههااال والله الجهال مو مثلجن على شنووو اصواتجن طالع ما استحيتن

-منى خويه والله هي ما ادري شبيها نزلت تصيح وتهدد لاتتقربن من نواره ولاتجن يمها خبصتنه خبص اتكول نواره عدوتنه مو مرة اخونه

مهى هاي ضرتها حامل هيج سوت لو هي جان رامت السمه احجار

حبيبه لج امنيووه قبل شوي نواره سامعتجن تتفقن عليها لان حامل انتي وي هاي بت خالتج وكل احنه ندري انتي اتسوين المستحيل علمود اتزوجين سناء السلطان كله كره بيه

سلطان صرخ بصووت عاالي كلش لججججج صوتج لا اكص السانج انتي وياها تبن شنو تهددهين واتصيحين عليهن وهن خطاررج وشنو انتي تتفقين وين كاعدين حررب عدججن زعاطيط فهمنييي

منى خويه والله لا اتفقنه ولاشي جنه نتشاقه وي نواره كنالها ندري بيج ما حامل وهي مرتك راوتنه التحليل وصاعده الهاي مدري شنو كايلتلها ونزلتنه ست حبيبه نافشه ريشه وتهدد وتغلط

حبيبه والله،،

سلطان اشششششش تعاي ولج اشر علي اني جنت واكفه ع الدرج وكلي ارجف ومن صاحلي ضلت رجل تضرب برجل وعيوني دمعن

نزلت صرت كباله

شنوووو سمعتتييي و شنوو شمخربطه انتي

مهى والله خويه الله اليستر من مرتك هاي ذبت حبيبه كشر

كلت سسسسكتن تبن لا ادوس راسج اهنا وانتي مو جاي احجي شمخربطه كووليي

-ا اني ج جنت (وضليت ابجي)

صاح سلطان احتركو الخلفوج ليششش تبجين اتسممي احجي بلا بجي

-سمعتهن يكولن خل انفكر الها زين

-منى لاخويه والله ماكلنه ولج ليش تصيرين جذابه مو احنه انحبج ونحترمج

-والله ماجذابه اني سمعتجن والله هيج كلتن

حجت سناء وهي تبجي والله عيب عليجن اليسمعجن يكول تركض ورا الرجال عساها بحضجن وبختجن والله الغيري ماتسكت بس الخاطير خالتي وابن خالتي راح اسد حلكي واروح البيتنه اشرفلي

سلطان التفت علي امشششي ولي من وجهي حيوانه تبن شلج بهل فتنه هاي واله هو مو صوجج صوج الجبيره والتفت على حبيبه يالله اعتذري من البنات وتعااي وراي

اتقدمت ماما حبيبه واعتذرت من سناء ومنى وباستهن بس النار البيها مايطفيها البحر صعدت ورا سلطان

وقبل لايصعدون الدرج كله صااح تعاااي انتي لججج

ضليت اعصر بااصابعي واضرب على اخدودي يمه شسوي

سناء عساج بهل حال وارده يا ام الفتن شلون ملفقتلها سالفه صدك بت شوارع

ملاك سناااء كمشي السانج واستحي شوي روحي حبيبتي شوفي زوجج ولاتخافين

كلتلها بت شوارع موو لج اشرف من عشره مثلج اني واراح اراويج شراح اسوي ياسنيوه صعدت واني اكول طاح حض الخفيفات البايرات العوانس الي يركضن ورا واحد متزوج اي والله

سناء اييي طلع السانج يالحيه

منى انجبي لج زعطوطه امشي خل يطبع خدج الثاني

-اي والله حيه واعجبجن وراح تشووفن شسوي بيجن ماراح اعديها

صعدت واني اخرط ع خدودي يمه اسمع صوت الراشدي ايرن وهو يصيح على ماما حبيبه انتتتتي شلللون بيييج جم دووب اعلمج واكللللج تعااااي احجيلللي واني اتصرررف صوتج مااا اريده يعله بالبيت

سمعتها وهي تبجي مللليت منهن ومن مناغزهن وخايفه على لبنيه وعلى ابنك الي بطنها هذن حيايه انت ماتعرفهن خواتك حيايه

انجبيي لج اششوي حشميني تبن شوووفي لج اذا سمعت صوتج يعله بالبيت على وحده من خواتي السانج اكصه اي شيييي ايضوجج ايغثج اتسمعين احجايه مو زينه تجين تكليلي فاهمه واني اتصرفف كافيي انتي كبرتي وعيب علي اعلمجج وامد ايدي عليج

يله روحي من وجهي وصيحي الهااي التبن

ضليت ابلع بريقي واني كامشه خدي فتت قبل لاماما حبيبه تطلع

مسحت ادموعه بسرعه ماما حبيبه وابتسمت بوجهي

وطلعت

هي طلعت واني ادموعي صبن

-تعاااي احجيلي شنو سمعتي

اي ا.اني ل.لمن ردت اصعد سمعت منى تكول السناء خ.خلي انفكر الها عدل وس.سناء ت.تكول اذا حملت نواره بعد مايفكر بيه سلطان و والله العضييم هيج كالن والله ما مجذبه

-ليشش ماكلتييلي ليش ماتحجيلي ليش حاطه حواجز بيناتنه لاتكولين الحبيبه شي بعد تعااي الي

حبيبه اتحبج وراح تنفعل وتنزل تحجي وتصيح وراح تتشوه سمعتها ويدورن الحجي عليها واني ما اريد هل شي صوره جبيبه طول عمري محافضه عليها ان تكون بقمت الاداب والهدوء والاخلاق وتعبت لحد ماسويتها قويه وماتضعف

فلا تخربين هل شي بسوالفج

-سوالفيي

-اي عندج شي تعاي كليلي واني اطلع حقج من اكبر واحد اني اخوهن واموون عليهن بس حبيبه يكرهنها ويأذنها وانتي هم تنكرهين وتتأذين واني ما اريدلج هل شي

-حاضر تدلل بعد ما اتعبكم بسوالفي مشكور ياكل اهلي (حسيت بقهر حسيت بالوحده وحسيت اني عاله على كلبهم وداسبب الهم المشاكل) دنكت وعيوني انترسن ادموع

هسه انتي عفتي كلشي وركزتي على هاي الحجايه صدك تبن وجاهله روحي من وجهي

طلعت اعتذرت من ماماحبيبه وكلتلها اسفه امي اخاف سببتلج مشاكل بسببي

حبيبه هاي شبيج ياكلبي انتي يامشاكل انتي بنتي ومالج علاقه باأحد ماطول اني وياج ولاتخافين

ههه وتلمست مكان الضربه بخدهاواذا على الوشم هذا تضامنن وياج لاتشيلين هم هههه

جانت تضحك ولا كن صاير شي بس اني ادري بكلبها نارر تسعر

كلتلها ماما اني مو فطيره ولافقيره ولا ما اكدر اخذ حقي بس اني مؤدبه بس الظاهر مرات نضطر ننزع الادب حتى نتعامل وي ناس بلا ادب ولا اخلاق هيج تتطلب الدنيه

-ماما ديري بالج تسببين النفسج مشاكل اني اشجعج اتكونين قويه بس ديري بالج القوع مو معناتها قلت ادب سمعتي القوه بالشخصيه بقوه الرد انج اتسكتين المقابيلج

-هزيت راسي صار بس صدكي هن البدن والبادي اضلم ودوه سناء ومنى ومهى يمي وتوصلج الاخبار

نزلت صارت اكبالي منى وسناء وهن يضحكن وسناء تكلي الف عافيه شلونها الكتله مادري الرزاله

ابتسمت اني كلتلهن سلطان جوه مووو

منى اي جوه مشتهي كتله ثانيه الظاهر حبيبتي ماشبعتج هاي

ضحكت حيل اني وشكيت دشداشتي شوي من فوك وهن صافنات علي واني اباوعلهن واضحك وفتحت الكماشه الي بشعري ونفشت شعري نفشش وكلتلهن انتن ماعرفتني بعدجن الظاهر حسبالجن مطفيه بس الاداب والخجل مايجي وي ناس مثلجن وصرخت

وكعدت ع الدرجج وكمششت بطني اااخ يمااا لحكوووولي اااااخ لاتضربيني على بطني سلطااااان الحكلي وكرصت وجعي تكرص صار احمركله

اجت ماما حبيبه تركض وصررخت يمه وضربت على اخدودها هااااي شمسويات

سمعنى صوت سلطان خيرررر شكووو الله ياخذكم وارتااح بيت لو كله طلايب

اجو كلهم على صياحي وسلطان اجه ركض علي شبييج لجج منو مسوي بيج هيج

-اااخ الحكلي بطني راح امووت منى وسناء ااااخ ضربني ويكولن ليشش تك. تكشفينه يم سلط..ان جنت احجي بالكوه واتلوه وابجي

سناء والله جذابه وروح اخووي ماسوينالها شيي

منى خويه لاتصدكها يمااا هاي حيه والنبي حيه لاتصدك

ملاك يعني منو هيج ايسوي بيها هااا ماتخافن الله

سلطان ولججج امنيوا اكول انتي اختيي وخطاار عندي وحاششمج وماصحت ولارفعت صووتي عليج ولا على هاااي وكلت عيب بسسس مال اطكينها اكسرر ايدج واوكلج اياه

تبنن حيوانه ابيتها وتطكينها انتن مو مال احترام وحشمه ونزل عليهن غلط ثكيل وجان ايصيح من كل كلبه

وشالني وصعد الدرج

منى مشكور ياخوي حجتها وهي تبجي اتصدك بهل طفله الزعطوطه هل عكرب هااي وتغلط علي كدامهن

سلطان صاح وهو يصعد بسس سسدي حلكج اكسر راسج اذا تمدين ايدج مو بس اغلط عليج

صعدني وحطني على الجربايه اجت ماما حبيبه وهي تتفحص بيه وتكلي وين ضربنج الله ياخذهن ويكسر ايديهن

سلطان خى ناخذها للمستشفى

لالا هسه اشوي وارتاح اذا ماصرت زينه ودوني

لاماما وانتانيج ايصير بيج شي ناخذج هسه نطمن عليج

كمشت ايد ماما حبيبه وضحكت بدون ميشوفني سلطان

شفتها فتحت اعيونها وحلكها وجمدت بمكانها

سلطان يله خلي ناخذها خل ابدل ملابسي على ماتلبسينها

حبيبه هاا اي اقصد لالا خليها اذا ماصارت ز زينه ناخذها (تحجي وبعدها مفهيه من الصدمه)

استدركت حالتها بسرعه وكالت شفت اشكلتلك مو حيايه ويأذنها بس انت ماقبلت على حجيي

اتنهد وكال حسبي الله ونعم الوكيل ادري بيهن بس شنو اطردهن فشله هذن خواتي ويجن يشوفن امهن

مد ايده عدل شعري لاتخافين ياب مابيج غير العافيه وطلع

ركضت ماما حبيبه سدت الباب ورا وكالت ولج شنو مصخمه انتي لاتكليلي لعبه منج ومحد ضربج

كعدت اني وضحكت اي

لج شلون هيج سويتي

ماما صدكيني الي مثل سناء ومنى ومهى مكارات واذا شافن الشخص المقابيلهن ضعيف ومايكدر يردهن راح يجيبن راسه بالطين وهن يضحكن بس اذا العكس راح ايخافن ويحسبلي الف احساب

ضحكت وهي تكول ولج شنو هذا التمثيل المو طبيعي ابد ماتصورته جذب ولج كلبي احترك ابدي احركهن تالي طلعت لعبه بس والله عفيه عليج شفيتي كلبي بس هاا ديري بالج منهن هذن يخوفن من اصلهن املعبات مو مثلج

شوي وسمعنه سلطان يصيح وعايط مكوم البت مامكعده وسمعنه حركه يم الباب

التفتت على ماما حبيبه ماما لحكي اكو واحد جان يتسمع علينه وحتى الباب مفتوح شوي انتي مو سديتي

ركضت ماما حبيبه فتحت الباب وصاحت منااار لحظه اوكفييي

طلعت وراها بسرعه جانت اتريد تنزل التفتت علينه

وكالت هاا يالحياله بس لاتخافين صورتجن وهسه اراوي حقيقتج السلطان ياتربات حبيبه

كلتلها لحضه اني ما خاف لامنج ولامن سلطان جنت احجي واتقدم عليها

واني هم عندي شي بتليفوني يوديجن جوه الكاع كلت الماما حبيبه جيبي تليفوني ماما خل تشوف وغمزت الها

راحت ماما حبيبه وعلامات الاستفهام امبينه بوجهه جابت تليفوني واجت

كلتلها هاج شوفي اذا انتي ما مصدكه طلعتلها مقطع مال اغنيه بس ماشغلته

ومديت الها التليفون هي مجرد ما ضغطت على التشغيل كمزت فوكها وسديت حلكها وهي ترفس وتهمشش بيه

صحت الماما حبيبه اجت وياي وهي تكول شسوي كالتلها كمشيها وياي

وكعدت ماما حبيبه على رجليها وكمشت ايديهة واني ساده حلكها اخذت التليفون مالتها فتحته والحمد لله جان بدون رمز لان جنت ناويه اذا بي رمز اكسره ومسحت التصوير وهي ترافس وبالكوه مسيطرين عليها

شمرت جهازها يمها وكلت الماما حبيبه يله وركضنه ابسرع واخت تليفوني الجان يمها

دخلنه للغرفه وقفلنه وهي تصرخ وتصيح علينه وتدك بالباب

التفتت علي ماما حبيبه علي كالت لااا مستحيل ضحكت ولج انتي نواره لا ما اصدكك والله فاجئتيني ابدددد ما اصدك

ضحكت كلتلها اعجبج والله الحياة كفيله تعلم البشر ماما ولازم نضرب بنفس اسلاحن اله نكدر عليهن

خرب صدك ماتنكدرين ههههه ذكرتيني بسوالف الجهال مال الخطط والمحايل

ضحكت ودرت على الباب
وصرخت على منار الي تغلط واتدك بالباب كلتلها نزلي لا اصرخ واخلي سلطان يصعد اكله اتريد تضربنه اني وماما حبيبه نزلي احسن الج

-انيي الج بنت الشارع لاحسبالج خلصتي الجلبه اعلمج زعطوطه انتي مو كدي بسيطه وانتي حبيبه دواج يمي ونزلت

باوعتلي ماما حبيبه واني باوعت عليها وخربنه ضحك وانريد نسكت ماكو

وكلساع نذكر الي سوينا بمنار ونضحك من كل كلبنه ومانكدر نسكت

وبعدها نزلت ماما حبيبه وكالت قفلي الباب عليج وديري بالج منهن

واني بس طلعت نمت لان يومي جان حافل بالمشاكل من امس ولليوم

وفزيت الغرفه ضلمه بس التلفزيون وصوته جان على اخبار التفتت يمي لكيت سلطان مرتجي على الجربايه وايده ورا راسه وايده الثانيه بيها الجكاره

ضليت صافنه عليه هو ما انتبهلي وتذكرت شلون ايعيط وايدافع عني ويصيح على خوات ابتسمت وحطيت ايدي على بطني ياربي الحمدالك ما اصدك اني حامل ومن هذا الشخص الي صرت اموت على وجوده يمي وعلى شوفته

صرت اعشك كل تفاصيله ربي تمم علي بالسلامه واجيبله طفل افرح كلبه
واني بتفكيري

ضحكت وكمزت عليه شبكته من بطنه

-اخ خرب حضج بطني طفه الجكاره واندار علي شبكني

-ها ياب شلون صرتي

-ضحكت احسن بوجودك وبسته على ايده الجانت ع خدي

-لك ياب شنو الفلم اول مره تبوسيني راح ايصير النه ٣ اشهر متزوجين لو هاي بالغلط

-دنكت استحيت منه

-لالا بروح العزاز لاتخجلين ياكلمه دري المكانج اهم شي البوسه حتى لو بالاقصاد

-للبعد ماكو خلصن

-هاي شنو ياب شبسرعه خلصن دوري منا منا وحده تايها ما الها راعي

-ههههه دنكت لكيت وحده

-يا الله اي وينها بس ها ما اريدها بايدي

-لعد

-جوه شاربي مباشرتأ

-يعني اشيل الشعر وابوس

-اي ياب شيلي جيبي المكينه والخاطر بوستج اشيلهن موو امداج غبيه

-ههههه لا والله مو غبيه عرفت بس دا اشاقه شبيك

-اتقرب علي كلش وتخالطه انفاسنه وكال يله

بسته بوسه سريع وتبعدت

-انجبي لج هاي وين اوديها اتمضمض بيها ماتكغي

- بس هاي عندي

-تعاي اني عندي هوواي وضل يبوس بيه وبالكوه دفعته من يمي

احترك مصنمج شوتعاي لا ابو الدكتوره لابوخيرها

-تملصت من بين ايديه وشردت كتله لا فدوه والله الدكتوره ماتقبل....وبعدين اني مو صرت حامل كااافي شتريد بعد

-ههههههههه خرب فهاوتج يعني هاي هي صرتي حامل انبطل ههههههه خوش مثل ماتردين راح ابطل اسبوع كافي وزايد عليج

-اهووو لاتضحك احسك تضحك علي

-هههه لا مو عليج على فهاوتج تعااي رجعي المكانج

-جوعانه خلي انزل اسويلي عشه

-هاا اي زين اتسوين اكلي عدل ياب ترى ابطنج روح داريها وخافي على صحتج ما اريدج تتأذين وتعبين ويتغير حالج

-ابتسمت الطاري الطفل هزيت راسي بمعنى انشاء الله

-سويلي شي اكله وياج

-لعد انت مامتعشي

-لامتعشي وجعت ترى الساعه ب٢:٣٠

-تدلل حبيبي اصيرلك اكل

-لك اتكلي بطل وهي تتحارش بيه واني مسلوك ابو ابوي هسه شجابني يمج لو رايح يم حبيبه

-صدك على طاري ماما حبيبه لويش ضربتها سلطان ترى اني انمردت روحي عليها والله

-اتنهد وكال نواره انتي ماراح تفهمين تفكيري اني من ضربتها ما اكرها ولا اضوج منها وهي على حق بس اول شي اني عصبيتي مفرطه وسولتي مزنجره لازم اضرب مو بيدي تنفصم شخصيتي

وثاني شي اني كايللها وكايلج انتي هم اي واحد ايسمعجن احجايه او تشوفين شي زايده ناقصه من اي واحد بالبيت تجين اتكليلي اني اتصرف اني مو باطل ولا اقبل بالغلط وشوفن شلون تطلع حقجن وبااحترامجن

بينما لو انتي او هي نزلتي اتعيطين وتهددين راح يكولن عليجن السان وماتستحي وما احترمت الخطار تطلع عليجن احجايه موزينه واني اتخبل اذا يكولون مرت سلطان سوت هيج ومرت سلطان السانها طويل ومن هذا الحجي لان كله مردوده علي ولو ماتهمني ما احجي هل حجي

شوفي عندي خوات ٣ الكبار ماينجرعن لاحسبالج ما اعرفهن لا اعرفهن كلش زين بس هنه يصعد ينزلن ايضلن خطار بيت اخوهن وعيب علينه انقلل من احترامهن وانتي شفتي هن يادوب يجن بالشهر مره

ترى اني مايهون علي اصيح عليهن لان هن خطار واني اخوهن وحسبت ابوهن وسندهن بالدنيه

كيف لو اسمع حبيبه امصيحه ومهدده بالله اني اخوهن الجبير وامون عليهن بس هي تنكره وكتلج خواتي ماينجرعن اذا كرهنها راح يأذنها

فا من ضربتها المصلحتها من خوفي عليها خاف انتي كلبج انمرد اني كلبي انكسر الف كسره ويه كل دمعه طاحت منها حبيبه شكد ما اكول عزيزه علي ما اوفي مشاعري

فهمتي ليش هسه ضربتها

-هزيت راسي اي فهمت وياك حق بالي كلته بسس ترى ضربتك اتوجع والله

-ترى اني ما ضاربجن من صدك عود هاي مداري الكبالي مره مو رجال شايفه من ايجيبولي سجين وما يعترف لازم انكتله بعد حتى يعترف انعل ابو خيره اخلي يكره الجريمه السواها ويتمنى لو ما صاير

-يماا خوفتني طلعت انت مجرم

-هههه جابولي واحد قبل شكم يوم كتلته بالنطاق ششرط سويت جسمه مقلم ازرك

-يماا خطيه

-ياب هذول يستاهلون لاخطالهم والضرب قليل بحقهم كلهم ارهابيبن ومغتصبين يامه كتلو اطفال نسوان شباب اغتصبو بنات خطفو قليله ضربتهم لوما حرام جان مثلت بيهم

-اي صحيح يستاهلون ربي ينتقم منهم شر انتقام واتصور شر الانتقام يكون على ايدك

-يله روحي سويلج عشه شنو نسيتي رووحج خرب رسج

-اي اي شسوي احب اسمع هيج سوالف

-روحي سويلنه اكل وتعاي اشبعج سوالف اخليج ماتنامين اليوم

نزلت سويت بيض وجبن ومربه وجاي وصعدت

حطيت الصينيه بالكاع نزل سلطان وكعدت اكباله وضل يسولفلي عن السجناء وحالات الاجرام الي مر بيها واني امفهيه على سوالفه

وهو يحط لكمه بحلكه والثانيه يحطها بحلكي لان اني نسيت اكل

لحد ما خلصنه باوع ع الساعه

ااخ خرب رسج لج ب٤ باجر وراي دوام

شكول عليج من كون احطج اهنا واحببسج واشر على كلبه

-فدووه شلون دعوه يارب تتحقق

-خرب ناوي على روحج انتي اليوم مايسوه الميه الف الذبيتيهن على الدكتوره اوكفي خل اغسل واجي مابيها مجال

-اخذت الصينيه بسرعه وركضت واني اضحك

-هيي على كيفج ابوي انتي حامل الفاهيه

رحت غسلت المواعين وصعدت لكيته مطفي الضوه والتلفزيون ونايم

اجيت نمت سحبني من ايدي وشبكني با ايديه ورجليه حبسني حبس

وكال هاي علمود لاترافسين والله نعسان واذا اخليج حره طليقه اتسلكين ابو ابوي

ضحكت

صاح نامي

زدت بالضحك

خرب رسج نامي وحط ايده على حلكي بالكوه اله سيطرت على نفسي وسكتت

ضليت اكلب بالتليفون و احجي وي وسن لحد ما صارت ب ٥ الفجر اله نمت

ماكو مانمت اهوواي فزيت على صووت اصريخ قويي يخمش الكلب

كمت مخترعه ما اعرف شسووي

التفتت اكعد سلطان مالكيته

كمت ابسرعه واحس كلبي حتوكف دكاته ماعرف شلون نزلت الدرج

لكيت.........

يتبع......