رواية حكمت محكمة الحب الفصل الثاني والثلاثون 32 - بقلم زينب العبيدي(زينبيه)

مرحباا حبايب كل عام وانتم بخير مقدمأ وصحه وسلامه ينعاد عليكم بعافيه وشمل ملموم وتحقيق الاماني يارب

٢٧١٩ كلمه قراءه ممتعه

حكمت_محكمه_الحب

#بقلم_الزينبيه

#البارت٢٤

لكيت ماما حبيبه تبجي وحنين كامشتها ماتخليها تتحرك

بجيت بدون ما اعرف السبب ركضت واني اصررخ شكووو ماما شبيج اصرخ بوجها وابجي

-لج نواره من جردي وجردج رااح

-منو ماما شبيج احجيي ما افهملج التفتت على حنين شبيها ماما حبيبه حنين احجي كلبي ح يوكف

حنين وهي تبجي سلطان لكو بسيارته سابح بدمه مغتالينه

-لطمت على خدودي يمااا احجيييي وينه ماما حبيبه حاجيني وينه لاتكوليين ماااات لاااا عفيه دخيلج يمه لاتكولييين

-كطعت شعرها وهي تصرخ ولجججج مااادري مااايخلوني اطلع

-ركضت اني للشارع بلا حجاب لكيت الدنيه مكلوبه براس الفرع وركضت حافيه بلا وعيي لكيت الناس متكومه على السياره

ضليت ادفع بيهم وما ادري لكبالي منوو طفل رجال جبير مره جنت ماشوف من ادموعيي

هو ابووي هو زوجي هو حبيبي هو كل اهليي ما اريدد افكده واني مارتويت منه بعدني اصغيره على فكده محتاجه حنانك لاتروح دخيلك

اسمع الناس يكولون هاي يمكن مرته الجديده خطيه بعدها صغيره لاحول الله

حسيت انحطت عليه عبايه ما ادري منو الحطها اصلا بالي مو يمهم اقتحمتهم بحركت كلبي شفت السياره فارغه والجام مكسر اثر طلقات عليه

بس المقعد سابح بالدم صرخت يابااا سلطاان يمااااا زوجي وين احجووو ولكم زوجييي وييين

سحبوني بالكوه يردون يكمشون ايدي مايكدرون جنت الطم على وجهيي

اسمع رجال يكلي عمو على كيفج شوي شوي شالو اخوو وامه وولد المنطقه للمستشفى

دنكت على رجل الرجال واني ابجي واريد ابوس رجله وكتله عموو فدوه اخذني اله عمووو عليك بعزيز كلبك وديني العزيز كلبي

كومني وهو يصيح على مره تعاي اخذيها وديها البيتهم

اجت وهي وبتها وبالكوه سحلوني سحل للبيت وهي تكول سوده بوجهي بعدج طفله مو مال تترملين

وتلكتني ماما حبيبه وهي تبجي

هااا احجي نواره شفتي شلونه والله كلبي بعد ما اتحمل احجيلي شلونه لاتكليلي ميت

ركضت شبكتها وشبكتني و وكعنه بالكاع على اركباتنه ونبجي

ماكو ربع ساعه والبيت انترس نسوان اقاربهم وجوارينهم اجن خواته كلهن يبجن ويصرخن ومامخليهن يرحن للمستشفى

واجتي سناء كتلت روحها بجي وكطعت كل شعرها وهي تصرخ يمه اريده جيبوو الي موتته الفكر موتته النحسه

صرخت عليهاا ماما حبيبه وفرت وجها براشدي طلللللعي برررررا ما اريدج اهناااا

وكبت عركه ومصايح وبالكوه سكتو ماما حبيبه جانت بحاله هيستيريا وتصرخ وتعيط وتبجي

واني كامشه بطني وابجي وتخيلت كل ايامنه وصحت بصوت عالي من  لا وعي اريييييده ولكم ايامنه كصيره ماارتويت منه

كلييي اني ابوج وخوج وزوجج ولكم هو اهلييي ما اريد اتيتم من جديد

وضلينه بهل حال ٤ ساعات محد وصل النه خبر كل احنه نسوان ومانكدر نروح للمستشفى ومايخلونه نوصل

ورى ٤ ساعات اجه زوج ملاك طلعتله هي وماما حبيبه كمشت الشال وكامت وراها بسرعه وبعدين كل احنه تبعناها

انسمعه يحجي وياهن ويكول ضارباته ثلاث طلقات بزنده وخاصرته وفوك من خاصرته شوي

سوله عمليه وهسه  احسن

حجت ماما حبيبه احجي الصدك خويه لاتضم علينه عليك بداعت اوليداتك

دنك و حجه حالته حرجه كلش ومامستقره بالانعاش حاليا واتنهد وكال الدكتور اتحضروا الكلشي

وعافنه وطلع لان بجه واحنه انصعقنه اني ماضليت اشوف اكبالي شنو يعني نتحضر الكلشي يعني أئيس منه يعني ايروح بسرعه وفجئه يروح وبعده ما شاف ابنه يعني باوعت ع الحلقه يعني هاي انزعها من اصبعيي لا لالا ركضت فووك

شبكت ملابسه الي جان لابسهن امسس واني ابجي وادعي اللهي اخذ الي بطني وعوفلي سلطان اللهي هستوني اله ابتسمت عشت بيتم هوااي وبحرماان
هستوه اله حسيت اني بشر وعندي اهل

اخذت المخده مالته وشبكتها وابجي

استمرت هذه الحاله لليل وماما حبيبه ما عافت السجاده والصلاه

وخواته يندعن وكلساع وحده تتصل على زوجها وتسأل

سناء تقره قرآن

حنين مانشفت دمعتها وكل نشغه تصيح يابه سلطان

اني كاعده ومحاضنه رجلي اباوع بالوجوه ودموعي تنزل من وحدهن وكل وحده تتصل اسألها شكالو

وضلينه  لحد الساعه ب١٠ دخلت علينه الحجيه وبالكوه تمشي وعيونها زرك هوواي لاطمه على وجهه

وبس دخلت كل احنه هجمنه عليها

وهي بجت وهي تكول ولك يمه تعال البيتك صار مطفي وانت مو بي

اخياتك اهنا ونسوانك يردنك

تعال يمه بيتك موحش تعال شوف وليدك خل يجي للدنيه على الاقل

وضلينه نبجي كل احنه وياها

حجت ماما حبيبه وهي تبجي يمه شلونه

الحجيه اشلونه ولج يمه حبيبه منخطف لونه والاجهزه ترست طوله الحلو

مهى وهي تبجي يمه منو الضاربه ماعرفتو

الحجيه الله انشاالله يشل ايده الضربه وليدي ونوم طوله بالانعاشش

يمه وليدي ارجع البيتك ولج يمه مهددينه قبل يومين ووليدي سبع مايخاف يطلع بلايه حمايه يمه الولد عسى بمك ولابيك

دخل علينه مهند وهو يسحل بروحه سحل وجوه عيونه السواد وشكله ذبلان

كال بصوت تعبان يمه ذكري الله جاي اتنعينه وهو بالمستشفى ذكري الله وادعيله يكومه النه

الحجيه يمه ماسمعت الدكتور شيكوول يمه يكول ايسو منه اااخ يمه سلطان امه ردلي

جانت تحجي وهي تبجي واحنه موتنه روحنه بجي وياها

صاح مهند كااافي لاتفاولن عليه وذكرو الله

كومي خويه نواره انتي وحنين سون جاي وماي للزلم بره فشله

كمت اني بالكوه وامس ادموعي ويرجعن ايطيحن اتخيلته ميت ونصب الجاي بفاتحته لا ياربي لاتراويني هل يوم

حنين وراي حطيو قوري الجاي وصافنه بالفراغ

واسمع حنين تكول  المهندوهي تبجي عفيه مهند كلي راح يرجع هذا ابوي ماعرفت غيره ابو

الله كريم حبيبتي ادعيله يرجع النه كل احنه محتاجينه خيمتنه هو اشوي وارجع للمستشفى حضريلي جراجف وجاي بترمز وماي وطلعيلي اتراك

كملنه الجاي والماي وخذا مهند للرياجيل

ومر اليوم ومحد اخذت عينه النوم خايفين ياساعه يجيلنه خبر سلطان

و٣ ايام سلطان بالعنايه المركزه نايم

ويوم ثالث دخل علينه مهند

وجها اصفر وعيونه امورمه من البجي

وكف يم ماما حبيبه حجه وياها لطمت وجها وتبجي وهو يأشر الها اششش

شفتها بسرعه صعدت الغرفه ركضت وراها شفتها تلبس بحجابها وتدور على عبايتها

كلتلها واني ابجي ماما شبي سلطاان احجي

حجت وهي تبجي مابي شي

وين رايحه

(تحجي وهي تدور بالغرفه تروح منا وتجي منا تدور على عبايتها) للمستشفى

حجيت واني ابجي ماما اخذيني وياج عليج الله

لالا ماما خليج اهنا

مامااا فدوه عليج بداعته السلطان

حجت ابسرعه يله لبسي وتعاي

ركضت لبست ورحنه وي مهند واسمع مهند يحجي وي حبيبه وهو ادموعه كلهن متجمعات بعينه منتهي كلش ياحبيبه كلشش ايكول الدكتور للعصر مايطول

صرخت اني لالالا لاتكول هيج مهند الدكتور مو رب العالمين الله ارحم لاتحجييي هيجج

حجت ماما حبيبه وهي تبجي اي صح الله اعلم خل يولون يجذبون علينه

وصلنه للمستشفى شفنه امه الثقلين بالمستشفى واغلبهم لابسين عسكري ورتب وحمايه غير اقاربهم

ومحمد صديقه الي اعيونه مورمه هو زوجته هم

حتى لكينه خواته كلهن اهناك وسناء وهواي نسوان من اقاربهم

اسمع مهند يتوسل بالدكتور يكله الخاطر الله خل يشوفنه بس هنه هاي مرته وبنته بس هنه يدخلن

الدكتور يكله خويه تفتح علينه باب والله هذن النسوان قبل شوي رادن يدخلن بطلع الروح قنعناهن مو زين عليه

ميخالف بس يشوفنه

خل يدخلن دقيقتين بس ها انت تحجي وي الناس هذول اذا رادو يدخلون

اي ميخالف التفت علينه تعالن دخلن

دخلنه اني وماما حبيبه اااخ يالمنضر الشفنا بي صدره وايده وبطنه ملفلفات ببلاستر وصونده بحلكه وصدره كله اجهزه و وايرات  ومغذي بوريده وبس صوت جهاز كلبه مسموع

ركضنه عليه دنكت ماما حبيبه يم رجله وباسته اكعد سلطان دخيلك لاتموت اكعد شوف وليدك لاترمل نواره وتيتمها مرتين
اني اني يا سلطان محتاجتك ياصديق اياميي اكعد يارفيق دربي

واني كمشت جف ايده واحجي يم اذانه كتله احبك والله لاتخليني ما اشبعت من حنانك ارجع امشي على طولك موحلوه النومه هاي مشتاكه الكعدتي على رجلك وحجاياتك الدافيه مشتاكه اسمع كلمه تبن فدوه شحلاها بصوتك ربي لاتحرمني منه ارحم يتمي وضعفي الخاطر الطفل انحرم منه اسنين رجعه النه وكمل فرحته

اجه الدكتور وكال ياله طلعن طلعنه وضلينه بالمستشفى ننتضر خبر موته
كال الدكتور حده يطول للعصر

كالو المهند ايجيب امه خاف اتضل حسره بكلبها شوفته

وراح جابها وجاب حنين وياه وهم بالكوه خلوها تدخل عليه وبالكوه طلعوها من يمه ورتفع ضغطها

وجانت تنعي وتبجي وكل احنه نبجي يمها

جانت تعبر الساعات وتمر كلش بطيئه وعساها ماتعدي بسرعه لان وياها تجيب النه علم سلطان

وعبر العصر طلع الدكتور بعد مافحصه كال الحمدلله عبر الشر اطمئنو ماطول ضل للعصر معناتها حالته استقرت والحمدلله سلطان قوي وبنيته صلبه نحمدالله

ماكن كال هذا الحجي كمنه كل احنه وهذا اليحمد ربه وهذا اليضحك ومهند الي سجد لله بالكاع

والحجيه هلهلت وكالت الابن اختها يمه اركض جيبلي حلال المشاكل ماقصر وحل مشكلتي وحفضلي وليدي

واني ماطاحت من حلكي كلمه ربي لك الف الحمد والشكر وعيوني تصب بدون سابق انذار ما اسيطر عليهن

وللمغرب رجعنه كل احنه بس رجعنه فرحانين مو مثل روحتنه متشائمين صحيح بعده ماطلع من الانعاش بس المهم استقرت حالته وزال الخطر ولو مؤقتاً

ومره ٣ ايام ثانيه واجانه مهند بالبشاره وكال طلعو سلطان من العنايه بعد ماصحه و وعه على نفسه

فرحت كلش حسيت اني الي انكتبتلي حياة ثانيه فرحتي ماتوصفها الكلمات بعد ما طمنت من رجعت كل اهلي اي هو كل اهلي وابو بيتي

كال مهند راح اخذ امي والعصر اخذجن انتن اتشوفنه

بالبدايه عارضت ماما حبيبه

بس كال الها ان ماراح تكدرين اتشوفينه جماعته بالشغل واهاليتنه كلها راح تجي هسه

فا قبلت

وراحو للمغرب اله رجعو

كال مهند خل اسبح لان كلش تعبت وابدل على ماتجهزن حنين ياب حضريلي ملابس والحمام

بلعت ريقه حنين وعيونها على ماماحبيبه

حجه هو بسرعه يتدارك المصيبه الحجاها شمعنى خصص حنين ونبره صوته جانت بيها مغازل فكال بسرعه واذا مابها مجال حتى لو نواره الصاكه تحضرلي

او حب قلبي حبيبه اهم شي اسبح

ضحكت اني وكتله لا اني اعتذر اروح البس وماما حبيبه هم خلي حنين تنكرب هههه

حط ايده على حلكه وانطاني بوسه هوائيه امتنان وشكر

ضحكت اني ومن شفت ماما حبيبه صعدت 

كتله اطلبك سويتلك مجال بعد شتريد

دررروحي تطلبني هو اني الجفصت عود انتي بس خليتي النقاط

والتفت على حنين يله مستقبلي حضريلي ملابسي

ضحكت وصعدت احس روحي كلش فرحانه راح اشوفه والله شتاقيت اله والصوته

لبست وحطيت مكياج طبيعي كلشش مايبين مادري ليش هيج سويت حبيته ايشوفني ويتغزل بيه مثل ماعودني

نزلت لكيت ماما حبيبه داتسوي شوربه لسلطان ساعدتها وكملنه ومحند ماكوو

حتى حنين خلصت التفتت علي ماما حبيبه وكالت يمعوده دروحي شوفي وين صار هلمهند

رحت دكيت الباب مايرد مره وصنين ماكو اجت ماما حبيبه كالت

-هاا

-مايرد

-بس لانايم فتحت الباب ولكته صدك نايمه صاحت عزاا مهيند داننتظرك وانت منخمد كووم

حنين خلي نايم شوي خطيه تعبان

حبيبه باع هااي لج صار ساعه انبدل واسوي شوربه وتكلي خل اينامم سحبت المخده من جوه راسه وخنكته بيها يللله كوم

مهند هممم بس خمس دقايق

حبيبه لالا ابد اعرف هاي الخمس دقايق حتصير يوم ونص كوم وليدي ياله عفيه اي هيج تحجي وهي تكومه وراحت غسلت وجها

مهند يله بسرعه ترى انام بالطريق

كتله عادي بكل الحالتين الوجهه وحده وهي المستشفى

مهند ويجوز كبل للنجف

حبيبه عابت اتفل من حلكك فال الله ولافالك

سوه مهند صوت عساس حيتفل اخخخخ

صحت عليه يمعععود هاي شنوو

مهند ماتسمعينها تكلي اتفل من حلكك جنت حسبالي يتفلون من الخشم

حنين شحلات سوالفك

مهند احم كاحلات تلك العينين العسليتين

حبيبه كافي نزار قباني يله

مهند شعندي انه يله

وصعدنه بالسياره ومهند يسولف عن حادث الاغتيال طول الطريق

وكال ان هو مهددينه قبل يومين من الحادث وحاطيله رساله ع السياره واحتمال الي مغتالينه عصابه ارهابه كامشين كم نفر منهم وسلطان جان المسئول عن اعتقالهم

وصلنه للمستشفى جانو اكو هواي ناس بالانتضار دخل مهند على سلطان ورجع يمنه

يله تعالن دخلن محد يمه بس خالاتي ثنينهن وبناتهن

كتله يعني سنيوه جوه

مهند اي

صحنه ثلاثتنه بصوت واحد اني وماماحبيبه وحنين اوي لاهلا

مهند عود صدك ليش تضوجن من عدها كلجن اشو اشوفها خوش ابنيه

حبيبه بله انت احول

ورحنه دخلنه للغرفه البيها سلطان كلنه بصوت واحد السلام عليكم

ردن علينه خالاته وبناتهن

وسلطان التفت علينه بالكوه وجها اصفر ابتسم ابتسامه اصغيره بتعب

شفنا وثلاثتنه وطاحت ادموعنه اخخ اتمنيت اركض واضم راسي بصدره وابجي واتكمش بي حتى ميعوفني بعد ولاتبعد عنه للموت

اتقدمت ماما حبييه باسته بايده وهي تبجي شلونك ياعيني خوغدفتنه عليك

سحب ايدها وخلاها على صدره اني زوين ورا شوفتكم هاي

اجيت اني كعدت يمه ع الجريايه واني ابجي شلونك ياكل اهلي حمدلله على سلامتك والله كسرت كلوبنه

الله يسلمج ياب واسم الله عليكم

باوع الحنين وهي واكفه وتبجي مد ايده الها وكال تعاي حنونه تعاي ياب

اجتله حمد لله على سلامتك باست راسه

الله يسلمج ياب

وضل هو كامش ايد ماما حبيبه على صدره واني كاعده يمه وحنين يم رجليه

وخالاته ثلاثه وثنين من بناتهن موجودات كاعدات ع الكراسي يمنه

هو مايحجي قليل وبالكوه

واني ماشلت عيني منه جن اريد اشبع نضراتي منه ودموعي بدون استأذان تنزل وحده وامسحها تنزل الثانيه

سناء بس تعوج بحلكها وتباوع علي بحقد

ضلت اتشربه ماما حبيبه الشوربه اكل شويه وحجه بالكوه عاشت ايدج طيبه مثلج

شوي وطلعن خالاته وسناء رادت اتضل لوما امها كالتلها راح نرجع للبيت

وبس طلعن سلطان ضحك على الخفيف
وكال خرب لعد شكد تحبني سناء

باوعتله حبيه واني رفعت حاجبي

حبيبه وليش بالله هيج تكول

ماشفتيها شلون لاطمه على عيونها لحد ماصايرات زرك

حبيبه لابالله ما اراويك شعري شلون كطعته ودعاء ماطاح من اللساني وهاي الطفله من يوم دخلتك لليوم لكمه ما ضاكت يعني هي تحبك هاا واحنه لعد

ابتسم وحجه بالكوه لج اشبيج انهديتي جاي اتشاقه اسم الله عليكم من الوجع ما ابريكم الذمه لو متت وتأذون نفسكم

انتي صديقه دربي وهذن ابنياتي ومتأكد بكد ما احبكم اتحبوني

ضلينه انسولف وياه وبالكوه يحجي

كالت ماما حبيبه يله ارتاح شكلك كلش تعبان

كمنه اشرتلي ماما حبييه بمعنى ابقي يمه وطلعت   يمكن حست ان عندي حجي اريد اكوله بس خجلي منها يمنعني

دار عيونه علي سلطان وبس باوعت لعيونه الذبلانه بجيت

رفع ايده بالكوه مسح ادموعي وكال لا تخربين اعيونج الحلوات كافي دموع

-كتله مو بيدي والله مشتاقتلك وخفت عليك اهوواي خفت افقد الحنان والامان خفت اتيتمني مره لخ خفت ما اسمع صوتك بعد ولااشوف طولك وانت بالبدله  ولااشتم عطرق خفت كلش خفت

-اف ياب هاي اني عيشتج هل خوف من الله لا ...

وقبل لا يكمل حطيت اصبعي على حلكه

وحجيت واني ابجي اششش لا تدعي انت انفاسي واذا صار بيك شي معنها اني تنكطع انفاسي

-ههه منو كلج راح ادعي جنت اريد اكول من الله لايضرني اذا فراكي يتعبج

-هههه يعني فشلتني

-اشوو بالله باوعي علي جنج حاطه كحل

-هاا لا اقصد اي بس والله طبيعي كلششش ولايبين

-زين اني شلون شفته

-يجوز لان ب بجيت اي اي لان بجيت اني ومسحت اعيوني ص صار اثر

-اووف منج اعنادج راح يجلطني

-والله بعد ما احط لاتضوج اصلا اني ردتك اتشوفني حلوه

-لج ياب انتي ماتفهمين بنظري انتي احلى بنيه بلا مكياج ترى اني ماتغريني المضاهر بكد ما انغري بنقاء الروح وهسه يله كومي مسحي وجهج وروحي للبيت وديري بالج على صحتج وعلى الطفل الي بطنج وتغذي زين

هاا ولاتجن كليوم عيب طابات طالعات وهنا كله ضباط وشرطه  وهذول اغلبهم مو راحه اسمعتي ابوي على ما اني جم يوم واطلع

-تأمر ياروحي انت

-احترك مصنمج لاتحجين هيج وتتمويعين بصوتج ما اتحمل هل حلات بهل كم وهل كثر خل اطلع واعلمج ان الله حق

-ضحكت وطلعت

ورجعنه ع البيت لكيت سناء ابيتنه

حبيبه ياالله سترك مو قبل شوي جنتي بالمستشفى

سناء ا ا اي اجيت لان اي لان خالتي الوحدها عايفاتها ماتخافن من الله خلاتها بلا عشه

حبييبه بشك هاا كلتيلي عشه بس الساعه هستوها ب٨ بعد وكت على عشانا

سناء ع العموم اني داخله اسويلها عشه

حنين لالا جزاج الله الف خير اني الي راح اسوي ورحم الله والديه من زار وخفف

سناء ها حنينن اتطرديني كاعده لفو بالبيت وتطرديني لعد لو بيتج اشسويتي

حبيبه اشششش ولاكلمه هذا بيت اختها يعني بيتها وهي حره تسوي لتريده لذالك اذا انعادت هذه الحجايه راح اضطر اطردج من البيت بلا رجعه

سمعنه صوت الحجيه يمه حبيبه شبيجن ماصارت هاي ناشبات وي البنيه ماصارت ٢٤ ساعه مناكر ودحره هذاك اليوم نواره والبنات واليوم انتي شجاجن يايمه تردن بعد محد يجينه

حبيبه اسفه يوم بس والله نرفزتني حجيها يغث ويكول ابو المثل ياغريب كن اديب الاخت ابد ولايمها ماخذتنه طول بعرض تكول هي ام البيت واحنه خدم عدها

كلتلها تعاي ماما ارتاحي لاتتعبين نفسج وي هاي ماتسوه عليج الصياح والعياط وانتي تعبانه

سناء هالله هالله اييي نواره طلعيني ما اسسوه والله انتي وحده قليلت ادب وبت شوارع شلون تحجي وضلت تدرم علي تكول جانت بس تريد احجي احجايه

حكرتها بكلب بارد واني ادخل للمطبخ اجيب مي الماما حبيبه وهي تعد واتصف

مو يمها اصلا كلت الماما حبيبه شنو اسوي عشه

حبيبه روحي ارتاحي يا امي انتي حامل وتتنسين مو زين عليج التعب خلي حنين اتسوينه خفايف اجبان وهاي السوالف

نواره لا ما علي شي خل اغير ملابسي وانزل اساعدها

ورحت غيرت ونزلت سوينه عشه وصبينه وكابلتنه سناء  البومه ع العشه

ومهند اجه اتعشه ويانه وهو مغمض وبالكوه يشوف الاكل كدامه

جان تحجي وياه سناء هنودي خويه بعد اختك وصلني البيتنه

حنين ول ول ماتشوفين الولد كوه ياكل وهو نايم انوب تردينه ايوصلج والله اذا بايعه نفسج احنه ما بايعينه

سناء شحجاج انتي والله يا الله داحجي وي ابن خال...

قاطعها مهند والله ياسناء حجي حنين صح اني اذا اخذج منا الراس الشارع ادعم

وداعتج هسه اني نايم مادري شلون دا احجي

وكام من رخصتكم وراح نام

ضحكت اني على وجه سناء الي ضل فالت

باوعتلي بحقد وكالت بسيطه

كامت الحجيه راحت الغرفتها

واحنه من التعب غسلنه المواعين كل وحده راحت الغرفتها

وضلت بس سناء كاعده مثل الطنطل بالبيت

يتبع....