رواية حكمت محكمة الحب الفصل السادس والثلاثون 36 - بقلم زينب العبيدي(زينبيه)

سلام حبات قلبي ❤

٣٠٠٠ كلمه قراءه ممتعه

#حكمت_محكمة_الحب

بقلم #الزينبيه

البارت #٢٨

دخلل وعيونه اتدور علي  ومن اجت عيني بعينه  حسيت اكو مصيبه نزلت الخاشوكه كبل ماتوصل الحلكي  وبلعت ريقي وضليت كلي ارجف  صرخ علي

تعاااااااااي ورااي تبن  وصعد

اني كمشت ماما حبيبه  وبسرعه دمعت عيوني وكلت بصوت يرجف  والله مامسويه شي والله

الحجيه  الله اكبر عفيه يادم مايبرد ٢٤ ساعه حارك دمه راح يصير بي ضغط شمسويه شمشكله  ولج  ولجن رحمن بحاله الله اكبر 

حبيبه  يوم ان شاء الله ماكو شي   والتفتت علي  امشي راح اصعد وياج وكامت رحت وراها وصعدنه الدرج 

دخلنه جان دايحرك بالجكاير وبس باوعلي وكف بسرعه وبدون مايباوع على ماما حبيبه وكللها طلعي بره

حبيبه  والله ما ادخل ابينكم بس خليني يمه خطيه راح تموت من خوفها الطفله اتقدم علي وصاح

كلتي ما اعرف منوووو رسل الصور موووووو

- اييي و  و والله ما اعرف

- هااااااا  وطلع جهاز من جيبه  وفتحه وطلع واتس اب  وكال هذاا رقم منووو هاااااا 

-باوعت بالجهاز ياربي رقم منو كتله ما ادري والله ما ادري بس لا  لحظه لحظه  هاي صورة الواتس اب مالتي

-هذا تلفون منو تعرفين لو لااااا 

-ل ل لا والله

-لج سكط انتي اما تستغبيني او تغشمين روحج  

_لزم الجكاره بالعكس وطفاها بجف ايدي  وهو  يصرخ

_خااااااايسه تبببن كح...... ترسليسله الصور  ودكليلي مادري منو رسلهن  

-اني احس روحي طلعت واحس الحرك بكلبي من الوجع  ضليت اصرخ من كل كلبي

-ركضت ماما حبيبه  وحضنتني حيل وتسحب بيه  بس دفعها ع الحايط حيل  ورجع يضرب بيه ويصيح

-انتي وحده سكط حيوانه زباله رخيصه  بنت الكلب لابوج لابو الساعه العرفتج بيها 

- بعد ما طحت بالكاع وحسيت مالي حيل ولا قوة  وماما حبيبه انضربت هواي وهي ادافع عني  عافني ونزل عليه ضرب و احس شعري كله تكطع  وهو  يصرخ 

-شلوون صور راسلتله بنت الكلب شلون مقاطع بنت  الكحا...... صور مال دعا....... عمي والله انييي انيييي  ماشايفج  بهل شكل وهيج تركصين  تالي ادزينهن لهل ساقط ابن الشوارع  بس هو انتي بنت شوارع عمي هي كوه  وبنت ليل  والي يكتلك تكوو.....ين  براسي  وبأسمي 

هذا الحجي كله اني بس اصرخ وابجي   كام ضل يضرب بيه بلا وعي ولا رحمه

وحتى ماما حبيله خطيه  اجت تحاول تصير كبالي بس شالها وشمرها بالكاع على كد ما فاقد  وهي ضلت تعرج خطيه وطلعت بالكوه من الغرفه  صرخت على مهند  من الدرج  وهو اجه يركض  وبالكوه كدر يكمشه  وهذا يصرخ

ويهامش مااا اريييدهاااا  بنت السكط  خل تطلع برا بيتي  وترجع للملهى الاجت منه  

سحبه مهند وهو يصيح بوجه  صلي على محمد سلطان اهدئ شويه  خويه شششبيييك  خل نفهم شبيييك وطلعه من الغرفه ودخله الغرفتي وقفل عليه الباب

-اني احس روح مابيه بعد  احس اعضامي تكسرن   شعري تكطع ايدي مجوايه  اجتني ماما حبيبه خطيه كامشه ظهرها وبالكوه تمشي لان اللوت رجلها   وسندتني وياها حنين  صعدني للجربايه

وركضت حنين حنين جابت مي بارد  وغسلت وجهي وشربتني  وهي تكول الماما حبيبه شكو شصاير  شبي سلطان

حبيبه   اششش سكتي  لاتحجين شي  وروحي جيبي مرهم الحروك من الحجيه هاي الطفله راح تموت وخطيتها  بركبتي  روحي الله ياخذني ان شاء الله 

مرة ساعتين  واني على نفس الونه  والوجع اون من اعظامي

وماما حبيبه مكابلتني وكاعده مره تبجي ومره تدعي على نفسها 

بعد هاي الساعتين نمت

كعدت واحس ولا شي بيه صاحي  اني بس متعجبه شلون الطفل الهسه ماطاح  ياربي حكمك وارادتك 

اول مافتحت عيني كمشت ايد ماما حبيبه وعصرته 

التفتت علي خطيه وعيونه حمر من البجي  وكالت هاا يابعد امج ياريتها بيه ولا بيج

حجيت بالكوه  اريد مي  كامت خطيه جابتلي مي وشربتني  

-  شكو يمه اني شمسويه والله ومحمد مافهمت شي

-ارتاحي يايمه ارتاحي  عوفي كلشي هسه

- فدوه يمه احجيلي شمسويه اني

- اووووف طلعت التلفون الي جان  بيد سلطان مساع  وكالت الصور والمقاطع مرسوله الهذا الحيوان  من رقمج انتي  ومقاطعج يايمه وانتي تركصين وبلا حجاب وصورج هم   وصور هواي بنات 

- هااا تلفوني  بس بس  والله اني مارسلتهن شلون اسوي هيج ها ماما شلون اسوي هيج  بربج اني هاي اخلاقي انتي شتكولين  ماما اني ممكن اسوي هيج  ماما

-اني مستحيل اصدك حتلو اشوف بعيني  ربيتج ٨ سنوات وانتي طفله  واعرف فطاريتج وطيبت  كلبج
وروحج الصافيه 

-ضليت ابجي يمه عفيه منو اله مصلحه هيج يسوي بيه 

- هاي سناء ماكو غيرها  بس شلون وصلت الهذا النكس  مرتضى

-حجيت واني ابجي  يوم خل يطلكني

-اااااخ يايمه ولي ابطنج شلون بيه

- ماما هو طردني من بيته

-الله يلوم الي يلومه  يايمه بعد الي شافه ومقاطع الركص هاي الي شبع بيها عيون الغريب لا والنوب الرسايل من تلفونج مرسوله يايمه يارجال يتحمل هيج شتردينه يسوي هاا  وهو يدري محد يكمش تلفونج غيرج ولا طالعه ولا ماشيه  ونكول ضاع منج او واحد اخذه وسوه هيج

ولج يايمه لو من اابدايه حاجيتلنه ماجان صار الي دايصير هسه ولا جان انتي بهذا الحال

ضليت ابجي صدك لوحاجيه من البدايه بس شسوي والله الخوف سيطر علي خفت من الفضيحه وصدكت كل تهديدات هذا النذل

نزلت ماما حبيبه جابتلي الاكل حاولت هواي توكلني والخاطر الطفل بس ابد ماجان الي نفس ولا بلكمه والوجع ماخذني اخذ

وضلت كاعده يمي وتدلك بجسمي

وضليت هيج شوي وهم ىجعت نمت

كغدت لكيت ماما حبيبه داتصلي يمي لان اني نايمه بغرفتها

شوي وسمعت صوته سديت عيوني بسرعه مرات افتحهن قليل بدون ميدري

طب وهو يصيح على ماما حبيبه وييينج نزلي سوي زقنبوت للعالم الجوه

وحضريلي جفن داخل اسبح

حبيبه اسم الله بعيد الشر

-ياريت هو حاصل الموت وارتاااح منكم

نزع بدلته العسكريه وطلع وصفك الباب حيل وراه

فتحت عيوني باوعتلي ماما حبيبه

اتقربت مني وهي تمسح ع شعري هاا ماما اصبلج شي تاكلينه

هزيت راسي لا منو جاي النه

-خوالهم ونسابتهم

طلعت ملابس و ودتهن اله

رجعت ماما حبيبه كالت اني رايحه اسوي عشه هذا مي وهذا حبوب مسكن وحبوب الام المفاصل جابهم الج مهند

شربيهم حبيبتي

هزيت راسي وشربت الحبوب هي طلعت واني ضليت ابجي وابجي واتذكر ايام عمري عمري الي بس ١٦سنه واعد لحظات الفرح  والسعاده لكيتها كلششش قليله كدام الدموع الي صبتها عيوني بهل ١٦ سنه حتى مايسون اسميهن ايام حلوه على كد ماعمرهن كصير

اااااااااخ شلووون ومنو وليش هيج صار
كل هذا منو ورا السالفه معقوله سناء شوصلها المرتضى ومنين جابت الصور لااا مو سناء زين ليش ماخلايعترف هو مو كمشه

وضليت بين اليش والشلون

لحدما مرة  الساعات فززني صوت سلطان وعيااطه الي ترس البيت وكل شوي يتقرب الصوتت

وهو يصيح الله ياااااخذذهاا وارتاااح

الله يلعن اليوم الي تزوجتج بي كل منج حبيبه الفكر

دخل وهج علي مثل الاسد الجوعان ونزل علي ضرب وهو يصيح لججج خليتيني بنص اهدووومي كدامهم

نزلتي راسي الدوم مرفوع خليتي راسي بالطين يالزعطوطه اني تاي وكتي تكسر ضهري طفله

ولج انيي سلطان اول تالي اضل امتمت وامسلت ومااعرف شحجي للوادم وشنو الي ابررره مرتي مواعده واحددد سكط  وكلها صارت تعرررف الله واكبر وين انطي وجهي ياااعار شسوي اذبحج لوشنوو

ولج يكلولي طفله وماخذه راحتها وبضهرك وانت شكبرك نايم على ذانك ياااكبرهااا

بس الصوجج مو بيج الصوج بيه الي امنت بطفله وحسبتها مره ااااااخ العتب على شششيباتييي صرررت مطططي وخذيتج ياسسساقطه يااازباله

هل حجي هو يدك علي متت بين ايديه

اجت ماما حبيبه وصارت فوكاي وضلت تتلقه الضرب ومهند يسحب بي بالكووه

بس مايكدرله وجها صار كله احمرر وبشكل مرعب وخشمه طك دم بس مو دم غرك ملابسه والكاع

عاد مهند دفعه حيل وبلكوه طلعه وهو يكله امشششي خويه راح تموتها وتموووت

جنت احس حتى الحجي يوجعني  جنت اصررخ من كل جسمي صدك اتمنيت المووت بهذا اللحضه

تمنيت لو ترجع الايام وارجع للميتم صدك جنت محرومه وبلا اهل وبلا بيت وبلا حب بلا امان

بس ارحم من هذا الضرب من هذا العذاب من المشاكل الي داتجيني مادري منين وتلزك بيه وبلاذنب

وللصبح اني اون من وجعي ومن اخذ حبوب مسكن ارتاح شوي ضليت بهل حاله يوم كامل حتى حجي ما احجي رادو ياخذوني للدكتوره ماقبلت

تكئبة كلشش وبس ابجي مرت ٣ ايام وبعدني بغرفتي ما اطلع واكلي كلش قل وعيوني من البجي مورمات وجهي وجسمي كله ازرك وبس انام هاي حالتي

وماسألتهم اي شي عن مرتضى وليش ما اعترف وعن الكتله الاخيره والضرب الي اكلته شنو سببها

اله ورا سبوع من السالفه سالت ماما حبيبه

وسولفتلي الي صار

لمن سلطان اتصل على واحد حتى يعرف عنه معلومات تخص هذا الحيوان مريتض و هذا الواحد ماقصر وسوه العليه ولكه مكان شغل مرتضى وطلع اسمه مو مرتضى اسمه سمير وبااثناء ما الولد دايتصل على سلطان حتى يبلغه ان لكاه يضهر هذا الحقير سمير سامع او شاك بالخطر فا شارد وعايف كلشي

فالمن وصل سلطان مالكاه بمحل شغله والولد الي يشتغلون وياه بنفس المحل كالو ان راح بدون محد يدري وين حتى نقاله نساه

فاسلطان جاب النقال وشال الباسورد وشاف صوري وصور البنات وتخبل من لكاهن مرسولات ومن تليفوني عجيب شلون صار هل شي

وهسه دايحاول يعرف من اهله وين هو بس اهله يكولون مندري بي وين ماوين طلع من يمنه باليل اضلم

اما خوال سلطان ونسابته سامعين ع اساس اني احب واحد واتواعد وياه واني على ذمة سلطان وان اني وحده مو زينه وجايين معايرين سلطان بيه ومستفزينه

وكايليله لازم طلكها هذه عار وانت سمعتك حلوه

والي فهمته بعد اصرار مستمر مني على ماما حبيبه بان تحجيلي كلشي

عرفت ان سلطان ناوي يطلكني بس اولد وياخذ الطفل لان مايشرفه تربي وحده ساقطه

بس حاولت ماما حبيبه تصبرني وتكلي الله يضهر الحقيقه

اسبوع مر علي كنما سنه من الوجع سنه من الحزن سنه من الدموع اتمنيت الموت وتمنيت لو الانتحار مشروع جان ماتاخرت لحظه وانتحر واخلص من هذا العذاب من هذا العيشه

ماشفت سلطان هاي المده كلها ولا حتى اسمع صوته لان بس محبوسه بغرفتي ما اطلع غير مره او اثنين للحمام

بس بهذاك اليوم لمن قررت اطلع واواجه وما اضل خايفه ومتوجعه وبس ابجي مثل المجرم الي عامل عمله وخايف منها اني شرريفه والله يعلم هلشي يكفيني

صحيح لازم الناس اتصدكني بس شلون حيصدكون واني خاتله بغرفتي وداثبت التهمه علي بهذا تصرفي

اني ما اخاف ولا راح اخاف ان الله مع المضلوم بوكتها هيج جنت احاجي نفسي

كمت غيرت دشداشتي ومشطت شعري واخذت اشال وطلعت

جنت متردده وخايفه من شنو ما ادري والله اني مضلومه واني شريفه مستحيل اكون مثل مامتصورين

متأكده محد مصدكني غير ماما حبيبه وحتى هي هم مرات تضهر على وجها علامات الاستفهام شلون وليش حقها كلشي محبوك بدقه

نزلت الدرج واسمع الاصوات ضحك وسوالف دخلت عليهم وجانن خواته السلطان وسناء كالعاده وياهن والحجيه هماتين كاعده حاولت اصير قويه رفعت راسي وابد مادنكت عيني ولاكسرت ركبتي وكلت السلام عليكم

سمعت رد بس مو منهم كلهم وحتى الي ردت علي ردت من طرف خشمها ودارت وجها

باوعت ع الحجيه عوجت حلكها ودارت وجهه حيلللل شايله بكلبها عليي

ردت ادخل للمطبخ وسمعت مهامسهن علي ومن ضمن الحجي سناء تكول والله صلفه وعين كويه ام الولد والحب والخرابيط

جنت متمنيه اسمع شي اريد اشفي غليلي اكثر من اسبوت واني ابلع اهانات وتهايم ابد مو من اخلاقي خزنت هووووايه غضب هووووايه حقد

التفتت وكلتلها لج عليمممن حجيتي منو ام الولد والخرابيط هاااا

سناء لج نصي صوتج كح... طالعلج صوت بنت الشواررع

اتقدمت عليها شلون ويمته صرت كبالها ما ادري بس كل همي جنت اريد ادير وجها براشدي وسويتها احس اصابعي انطبعت ابخدها

صرخت بووجهااا لجججج حيوووانه اني اشرف واطهر منج وماطول الله يعرف هل ششي انتي وغيرج ماتهمموووني فااااهمه

هلمره ضربتج راششدي المره الجايه اكص اللسسانج وانطي للجلاب

عاد اهنا كبن بوجهي كلهن وانووواع الغلط والرزايل ومنى دفعتنه بالكاع

كمت وهم ضربتها راششدي وكلتلها لج سمعي منيوه والله ثم والله الي تمد ايدها وتتجاوز ادوسسس راسها

منى لج كح... اشو تحجين بزوودججج

-ماااطول وياي حق والله وياي احجي بززودي وراسسسي مرفوع غصبا عليج وعلى كل الي يسمعععني لااا حسبالكم يتيمه ومالي احد ولاحسبالكم طفله وما اعرف احجي ولاا حسبالكم فقيره لاا السالفه من توصل الشررفي اصير نار كبره واكبركم مايوكف بوجهييي

كمشتني سناء وضربتني وياها منى ومهى ومنار والحجيه تصيح عليهن وملاك تحاول تفكهن ومريم حامل واكفه بعيد وتصييح

ونزلن علي ضرب والمصيبه احس وحده تضرب ابطني حيل فا عفت المقاومه وحضنت بطني خوفن على الي بيها هو اهم شي حاليا

اجت حنين وهي تصررخ بيهن ودفعتهن كلهن وتصيح الله اكبر عليجن الطفل لايصير بي شي والله سلطان يمحيجن من الوجود

سناء ومنوو كال هو ابن سلطااان هذاا الله اليعلم منوو ابووو

كمت ردت اهجم عليها واخرب وجهها كل الي بالي اخنكها واخلص حجايتها شعلت بيه نار بس حنين كمششتني مخلتني اسوي شيي

الحجيه هسسه انتي شنزلج مو جنتي فووك شجابجج اهناا

-وليششش اختل بالغرفه هااا ليشش مثل المجرم مثل الي مسويه مكسوره واني اشرف من الششرف سكتي انتي خاله ماطول بعدني بهذااا البيت الي حريه التصرررف

وهنا سمعت صوته وهو هستوه داخل
-لجججج حييوووانه ترفعيييين صوووتج على امي

وحسيت شعري انجر

كمششت ايده كتله عوووفني كااافي عاااد كاافي تتهموني والله والله ما اسسامحكم كلكم والله واريد من الله يطلع حوبتي بيكم كلكم يتيمه ومالي احد بس عندي الله الله يا استاذ سلطان خاف الله بيه لايعثررررك

دفعني حيل صعدددي ساااقطه صعديي ولاتراويني وجهج

وديني البيت خاليي لو للميتم مااا اريدكم اكرهكم تعبتوووني والله وضليت ابجي واني اصررخ والله تعبتتتوني

-البيت خالج هااا اضاهر ماكفاج نعال سمير حنيتي الفاررروق هااا سكط

صعدت الغرفتي لطمت بجيت ماجنها ربع ساعه نزلت كل الناس وحوشش مالي ذنب والله شريفه بس منو يصدك منو

دعيت من كل كلبي ان يلكه هذا الحقير مرتضى مادري سمير وبجيت واني اندعي توسلت بمحمد واهل البيت عليهم السلام اريد الي صار بيه ودايصير ينتهي

وتوجهت للامام الكاضم عليه السلام وسلمت عليه من بعد وكلت وبعدني ماناطقه بشي ماكلت اني مضلومه وبريئه وماحجيت الي بكلبي والكلام الي اريد اشكييه

دخلت علي ماما حبيبه وهستوها جانت جايه من الدوام وكالت لج نواره البشاااره

كمت واني بااحرام الصلاه كلتله شكوو

-قبل شويه اجه اتصال على سلطان وكامشينه الهذا الحيوان مرتضى لاكي وهو خاتل عد واحد اقاربهم

رفعت راسي ليفوك وبدمعه الفرح كتله اللهي الف حمد والف شكر ياربي حاشه انت ترضا بالضلم

-ونعم بالله حبيبتي اهم شي يتوضح كلشي والله يكسر ايديهن الي ضربنج يارب

-امين بس صدكينيي مااراح اسامحهم كلهم حتى سلطان اي واحد شك بشرفي ماراح اسامحه

-حقج حبيبتي بكل الي تسوينه بس بعد سلطان هم حقه شاف بعينه ادله تثبت التهمه عليج ومالكه اي شي يثبت العكس الله يهديكم ويصافي لكلوب

عد سلطان لمن وصل المقر الشرطه دخل الغرفته صااح جيبو الي

دخلوه عليه مكلبشين ايديه

اجه الشرطي كعد مكانه علمود يفتح محضر

كاله سلطان لا كوم هاي القضيه ماراح نفتحلها محضر

-زين سيدي هي بخصوص شنو القضيه شنو تهمته

-مايخصكك اطلع بره وخلوني اني ويا بسسس

كام من الكرسي وصار كباله شووف اني بكل الحالتين اكتلك مو اكتلك اشووهك سواء اعترفتلي كلشي اولا

بس الكتله راح تصير مخففه اذا اعترفت شعندك وي مرتي

-على شنو اعترررف

-دار وجها براشدي ورجع داره للجه الثاني براشدي ثاني ونزل عليه راشديات لحد ما فحط وتعب

هااا ماناوي تحجي بالطيب ماشفت شي بعدك

سحب النطاق من خصره وطبكه طبكتين ولزمه من قميصه وشكه ورفع ايده بكل ماعنده قوه وضربه بالنطاق على ضهره

وهذاا صررخ بصوت عالي كااافي راح احجي والله والله راح احجي

كعد ع الكرسي اسمعك احجي

-اني اني جنت على اتصال وعلاقه وي رشا وردتها تطلع وياي وماجانت تقبل وبيوم من الايام اتصلت علي وحده وكالت اني ادري بيك اتريد من رشا تطلع وياك وراح اساعدك وعندي صور الها هددها بيهن بس عندي شرط

كلتلها شنو كالت مو هسه تهددها من اطيك خبر يعني بعد كذا شهرر كلتلها تمام

ورسلتلي الصور

-منين رسلتلك الصور من هذا الرقم نفسه

-اي من الرقم نفسه وبعدها حاجتني من رقم ثاني كلتلي لاتتصل على هذاك الرقم الي رسلتلك منه الصور لان بدلته

وضليت على اتصال وعلاقه وياها

-شسمها وهي نفسها مرتي لولااا

-لا مو مرتك اسمها وسن وبنفس الدار الي بي رشا ونواره

رفسه اسكتتتت لك لاتجيب اسمها على حلكك القذر

كمل حيووان

-اي فا انطتني اشاره البنيه ان اكدر اهدد رشا ورشا استعانت بنواره

كام رفسه وكلبه بالكاع وحط رجله على حلكه لااااتجيببب اسمها على اللسانك ابن الكلب التبن

كملللل

-اي ما اكول اسمها والله ماكول ف فا رشا استعانت بمرتك واني ...وسكت

ضربه سلطان بالنطاااق وانت شنووو وانت شنووو احجي

-ر راح  احجي واني هددتها لان صورها هم عندي

-شكلتلها من هددتهاا احجي كوا....

-كلتلها اذا عرف احد اني اريد اشوفج راح راح انشر صورج وافضحج حتى لو لو ان اني صار علي شي اكو غ غيري الي ينشرهن والله سيدي بس هيج والله

-بس هيجج مو رفع النطاق ورجع يضرب بي شنو جنت اتريد اتسويلهن هااا نكسسس وضربه لحد ما زورك جسمه ونزف خشمه وحلكه

صااح ع الشرطي تعاااال افتح محضر تحرش هذا الحيوان متحرش بوحده من الميتم وذبو بالتوقيف

حبيبه وهذا كل الي صار وسولفلياه سلطان

-بس يا ماما هذه وسن ابنيه تعرفت عليها بالفيس معقوله تكون وحده من الميتم وهي نفسها لو مجرد صدفه

-ما ادري والله اني ما اذكر اكو وحده بهذا الاسم بالميتم وسلطان كلفني باجر ادور بسجل الميتم عسى نلكه هل وسن

-بس ما ادري ليش شاكه ان وسن صديقتي هي نفسها هذه وسن لان قبل فتره سببتلي مشكله وي مهند وحنين

-اها انطيني رقمها يجوز اتفيد سلطان

-عندي بس صفحتها ع الفيس بس هي يمكن مراسله مهند او متصله عليه ما ادري يجوز عنده الرقم

-لعد خل اشوف مهند بس هي شوصلها المهند

-سولفتلها كلشي حتى على علاقه مهند  وحنين

ويوم ثاني راحت ماما حبيبه للدار ودورت عن وسن او اي وحده بهذا الاسم وبسريه تامه مثل ماوصاها سلطان حتى لاتحاول تتخلص من التليفون او تسوي اي شي

بس تعبت ع الخالي مالكت كلشي

ولمن كالت السلطان بدوره هو انفعل ورجع الهذا الحقير ضاربه وكايله تضحك علي ماكو اي وحده بهذا الاسم

-والله العضيم هي كالت اسمها وسن ومتاكد هي وياهم بالميتم

سكت شوي وصفن سلطان وشووي ورفع اعيونه بعيون هذا الحقير وصااح ع الشرطيي وكاله جيب تليفون الزباله هذا

راح الشرطي جاب التليفون وانطا السلطان وسلطان اخذه وشمره على صدر مرتضى وكاله هاااك كلب تبن زباله حثاله افتح الباسورد

بسرعه فتح الباسورد وانطاه السلطان

وسلطان ضل يدور بالتليفون لحد مالكه رقمها ومراسلاتهم وشلون يتفق وياها وشلون حاجي وياها حجي طايح حضه وماينلبس عليه اهدوم

راسلها سلطان بصفته مرتضى

-الو وسن ردي

-نعم ياحلو بشرني ماسمعت اخبار منا منا

-اتقصدين اخبار نواره

-اي لعد اكو غيرها

-اي عرفتلج اخبار اتسرج سلطان راح يطلك نواره

-لا جذذذب فدوه الحلكك الحلو على هاي البشااره

-بس اريد حلاوتي

-شتريد مثلا

-نطلع

-مستحيل ما اتفقنه هيج وما اكدر اصلا شلون اطلع من الدار

-زين اتصل عليج فيديو

-انسه مستحيل

-اهاا كلتي مستحيل لعد ثواني وراح اعلم سلطان وحبيبه بكل الي صار

-انت المتضرر الاول راح تنضر اكثر مني

-ههههههه ماحزرتي وسن ساعتين ومسافر اني  وهياتني احضر بالجنطه

-محد راح يصدكك

-عندي كل محادثاتج واله انتي نسيتي سلطان رجل دوله ويكدر ايطلعج من رقمج وخلال يوم واحد بس

-شتسوي بيه شكو تتصل علي فيديو شتستفاد

-اتونس وياج شوي قبل ما اسافر ماراح اخذ من وكتج

-تمام دقيقتين بس

-اتفقنه

وحضر جهازه سلطان وفتح الكامره مال جهازه حتى يصورها وكام وكف يم مرتضى وكاله احجي الي راح اشاورك بي اي حجايه زايده اكطع راسك

-هز راسه ان شاءالله

رجع سلطان رسل الها رساله راح اتصل يله

واتصل وحط اصبعه على الكاميره وصور بتليفونه

وانصعق من شاف الي بالمكالمه فتح اعيونه على كبرهن

يتبع........