رواية حكمت محكمة الحب الفصل الثامن والثلاثون 38 - بقلم زينب العبيدي(زينبيه)

#حكمت_محكمه_الحب

بقلم#الزينبيه

البارت#٢٩

فتح عيونه على كبرهن أيه لا يالله معقوله الاخت اتسوي هيج بااختها الله اكبر 

وضل يعلم مرتضى شنو يحجي وهذا يسوي لي كول عليه سلطان

صورها وبعدعها سد التليفون وصاح ع الشرطي ياخذ مرتضى للتوقيف احسابه ماخلص

جنت اني داسبح ومحضره ملابسي بالجنطه قررت ما اكعد عدهم بعد ما الكل عرف حقيقه الي صار وبعد ما اجتمع سلطان بعمامه وراواهم اعتراف مرتضى ونزلو روسهم اي نزلو روسهم ويستاهلون ينزلوها طعنوني بشرفي وما رفتلهم عين ولاوكف بعينهم يتمي

كملت سباحه ولبست وطلعت الغرفتي الساعه ب٣ الضهر جانو نايمين جنت داريد انزل واني اسحب بالجنطه وسمعت صوت خطوات ع الدرج وصوت خشخشت مفاتيح 

باوعت من محجر الدرج وشفت سلطان دايصعد بسرعه عفت الجنطه وختلت بغرفتي ما اريد اشوفه ولا التقي بي ما اريد كلبي يضعف يمه اريد اكرها واحقد عليه

عشر دقايق وطلعت من الغرفه مالكيت الجنطه بمكانها هااي وين راحت الجنطه

يااربي بس لا هو شالها ميخالف خليها اتولي الجنطه اروح بلاها واخذت الجنطه الايد ونزلت

بس واني دانزل صاحت علي ماما حبيبه نوااره  وين

رفعت راسي الها رايحه البيت بابا الله يرحمه اهناك افضلي ما اريد احد بعد

-بس لحظه لحظه تعالي شووفي شووفي منو ورا المصايب هذي كلها

-منو ورا المصايب عرف سلطان كليلي وريحي كلبي سناء موو

-لا تعالي صعدي وشوفي بعينج الله اكبر ع الضالم

صعدت كلتلها شاشوف

اخذتني من ايدي ورادت تدخلني الغرفتها

سحبت ايدي هو هنا مو

-منو

-سلطان

-اي

-لعد ما ادخل عذريني ماما

-بس شوفي وطلعي حقج ومحد يلومج بس لازم تشوفين الي شفته

بلعت الغصه ما اريد اشوفه تمنيت اطلع بدون ما التقي بي

سحبتني من ايدي ودخلتني ما باوعت عليه ابد ولا حتى لمحته بس عرفت بي كاعد ع الجربايه وبيدينه التليفون

رادت تطلع ماما حبيبه كمشتها من ايدها وكلتلها اذا طلعتي اني اطلع علمودج اجيت

حمحم سلطان وكال هاج شوفي هل عار اختج

التفت واني عاكده حواجبي اختج كمشت التليفون

واشوف بالتصوير وهي تحجي وي ههذا الحيوان والتصوير مره عليها ومره عليه

انصعقت ايه اي وليشش ماخطرت على بالي ايه بنت رحمه البنت مثل امها اي اي تذكرت كلشي تذكرت من ضل التليفون بالميتم يوم كامل لمن سلطان اجه اخذني بنص الليل

حسيت داخلي كلي ارجف وكلبي دكاته تعلن عن نوبت غضب لاول مره حسيت جروح روحي و وجع جسمي كله ينبه عن حاله هستيريه التفتت

على ماما حبيبه اخذيني للميتم

اخذج يروحي اخذج خلي تنزل الشمس الساعه ب٣

-كتلج اخذيني للميتم وهسسسه

-ان شاءالله ان شاءالله بس انتي اعصابج اهدي شوي هاسلطان شتكول

-يله لبسي وتعاي ورانه واخذ السويج

حبيبيه يله امي روحي خل البس وانزل وراكم

طلعت من الغرفه واني ادور وادور بالصاله ليش شسويتلج شسويتلج ولج تستكثرن علي حتى الضحكه انتي وامج رجعتي تكملين علي سوالف رحمه ماكافي شبعت ضيم بطفولتي اريد اتنفس حتى النفس حرمتنه علي

طلعت ماما حبيبه ونزلت وياها طلعنه

جان سلطان صافن ودايدخن ومطلع ايده من جام السياره من صعدنه وانسد الباب اله حس بينه

حرك وكل احنه ساكتين كل واحد اله تفكيره الخاص والهدوء سيد الموقف

شوي ووصلنه للميتم

نزلت قبلهم وامشي بخطوات سريععه دخلت وعيوني تتلفت اغلب الي بالدار جانو نايمين تبعتني ماما حبيبه بخطوات اشبه للركض

ركضت على غرفتها وقبل ما افتحه كمشتني ماما حبيبه التفتت عليها واني اباوع بوجها بدون اي كلمه انتضرها تحجي

حبيبه ماما روحي بمكتبي واني راح اصيحها افضل لا يدرون البنات وكلها تضل تسولف بسالفتج روحي حبيبتي

رحت المكتب ماما حبيبه واني ادور وادور بالمكتب عطشانه حد الجفاف الكتلتها تشويه وجها اذبحهاا ماراح اسكت كافي جنت ما اكدر ارد على امها كافي ضعف وانكسار

دخل علي سلطان بس ماباوع بوجهي فات من يمي وكعد على الميز المكتب

ما اهتميت الوجوده واني احس عيونه تمشي وراي

شوي ودخلت ماما حبيبه وهي تكول دخلي ايه

مجرد سمعت اسمها الي ماتستاهله اسم اعضم من ان يصير الها

ابتسمت وما ادري ليش ابتسم اسسود كلبي يمكن من الي شفته من ضرب وتعنيف طول حياتي خلاني اصير قاسيه بهل لحظه

دخلت واول ما اجت عينها بعيني والتفتت على سلطان بخوف الي جان كاعد ومجتف ايديه ورجعت التفتت على ماما حبيبه الي جانت تباوعلها بكره واشمئزاز

ايه شك شكو هاي شنو ماما حبيبه شنو تردون مني

كلتلها ههههههه اني اكلج شاريد

اتقدمت قفلت الباب وسحبت المفتاح منه وحطيته بصدري

ونزعت عبايتي الاسلاميه وشالي

حبيبه ماما باالهداوه انتي حامل

-لاتخافين علي هذا الطفل مثل امه شبع دك وبعده قوي

وكمشت ايه من شعرها سحلتها بالكاع واني اصررخ لييييششش بت رحمه ليشششش شسويتلللاجن كلاب لالالا حشه الكلاب منجن البهيمه وفييه الراعيها والي يعيش وياها بسسس انتي وامج ضلمتنيييي هوووواي ماررراح اسامح اي واحد ساهم بضلميييي وكعدت على بطنها وضليت اضرب بيها بهستيريه

اجت ماما حبيبه بسرعه تريد تكمشني بس ما لحكت لان سلطان سحبها وحبسها بين ايديه

واني ضليت اضرب بيها احس شعرها صار كله باايدي اتكطع كله واضرب براسها بالكاع وبعدين نزلت عليها بوكسات على خشمها وحلكها وعيونها

هييي تصرخ لان جنت اضربها بقوه وما اعرف منين اجتني القوه هايي اقسم كتلتها اقوه من الكتل الي اكلته اني من سلطان

ايدي انترسن دم وصوتها اختفه واني مستمره بالضرب

اهنا رفعني سلطان ورجعت الها ورجع شالني وضل شايلني وحابسني

وهو يكول كافي نواره كافي لاتموت حرام اتوصخين ايديج بدمها

ضليت اضرب بي مكوره ايدي واضرب بضهره

بالبدايه ماقاومني ضل ساكت بس بعدين نزلني كمش ايدي وجتفهن ولزك ضهري عليه  وهو يحجي كافي ادري  حقج حقج اششش كافي واني ارافس

ركضت ماما حبيبه جابت كلاص مي بارد وشمرته بوجهي هو اجه نصه بوجه سلطان بس هم لاحني منه

حتى تصحيني من نوبت الهستيريه

اني نشغت وضليت اتنفس بقوه بعدت ايدين سلطان بتعب وكعدت ع الكرسي

وحجيت بتعب سمعي ماما هاي تطلع من الدار وديها الرحمه لو ذبيها بالشارع لان هذا مكانها

-اي ان شاء الله راح احاول اوصل الامها واحجي وياها تاخذها انتي لاتشيلين هم

كمت لبست شالي وعبايتي شربت مي  وعبرت تفلت عليها وهي بالكاع وتون

وطلعت للسياره وراي طلع سلطان وصعد

اني نزلت وضليت واكفه بره

دكلي هورن اكثر من مره حتى اصعد بس ابد ولا جني اسمعه

لمن طلعت ماما حبيبه وصعدت اله صعدت

كتلها ماما اني ما ارجع للبيت اخذيني البيت بابا الله يرحمه

سلطان وشنو ناويه تضلين ابحدج اهناك

حجيت واني اوجه الحجي الماما حبيبه ماما وديني البيت بابا ماعلي شي الوحدي اني شريفه لله الحمد

سمعته اتحسر

حبيبه ماما خلي نرجع للبيت ونتفاهم مايصير تضلين بالبيت الوحدج وانتي ابنيه صغيره صح انتي شريفه وماكو اي شك بس الدنيه وكحه مارحمتج وانتي بيناتنه ترديها ترحمج وانتي الوحدج والشيطان حر طليق

-بس ماما اني خذيت قراري رجعه الهذاك البيت مستحيل ارجع

سلطان لا رجعه اهناك ماكو خلي اسوي جوازج وروحي انتي وحبيبه سافرن غيرن جو ورتاحي

حبيبه خوش حجي ماما نواره ارتاحي وصفي بالج وبعدين انفكر

-بس

حبيبه بلابس حبيبتي خلي نسافر وبعدين الي تردي يصير

ورجعنه ع البيت ويومين واني اتجنب التواجد يم سلطان وهو هم ما حاول وحجه وياي

ما اعرف اذا متجاهلني او خجلان مني مثل ما كالت ماما حبيبه

ورا اليومين كالت ماما حبيبه لازم اروح وي سلطان علمود بصمه الجوازات

رفضت وماقبلت واله هي تروح ويانه خليتها تاخذ اجازه وتروح وياي كملت الجواز  هواي يحجي وياي مثل تعال منا سوي هيج ويحجي بكل برود ولاكنما شي صاير

اني ماجنت اباوع حتى بوجه ولاارد عليه من يحاجيني

ولمن رجعنه كالت ماما حبيبه وين تردين ترحين اي مكان تحبينه

-امممم اليابان

-هههههه صخام بوجهج مو هيج

-لعد امريكا ايطاليه اسبانيه

-هههههه لج شوي شوي خوب انروح للمريخ فد مره
اني اكلج مثل تركيا ايران لبنان سوريا او الكويت

-اي اي الكويت اريد اشوف محمود بوشهرري ياعينييي والله امووت عليه

-عزااا صوتج لايسمعج سلطان هههههه

هسه نحجز للكويت هذا هو

ومر ايام على ماطلعت الفيزه والحجز

وماما حبيبه مخلتني احضر ملابس اله هي حضرت الجنطه الي وكملتها وباجر نطلع ٧ الصبح للمطار

حبيبه يله امي كملت كل شي الج وهسه نامي وارتاحي

وبالفعل نمت وفرحانه كلش لان راح اسافر اول مره هاي سلطان حتى ما حجه وياي ولاشافني هل مده كلها

ولاحتى ودعته كعدت الصبح جانت الحجيه كاعده

بوستني وكالت ترحين بالسلامه يايمه

وهي سبق واعتذرتلي اجتلي مع كبر سنها وشيباتها اعتذرتلي

سلمت عليها ونزلت ماما حبيبه وكعدت مهند يوصلنه

مهند هم اعتذر مني وحيل اتاسف وجان مبين الندم بوجهه

ورحنه وصلنه مهند للمطار ونزل وجنطتي

بس اتفاجئت لمن.....

يتبع.....