رواية حكمت محكمة الحب الفصل التاسع والثلاثون 39 - بقلم زينب العبيدي(زينبيه)

سلاموووون

ماجايلي نوم كلت اكمل نص البارت مالت امس وانشره للسهرانين

والنايمين يقرو الصبح

١٧١٥ كلمه موتكولون قليل هذا تكملت بارت

حكمت_محكمه_الحب

بقلم#الزينبيه

البارت#٢٩

لمن شفت سلطان ينتظرنه هناك

التفتت الماما حبيبه  وكلتلها ليش سلطان اهنا

-حبيبه ايروح ويانه لعد تردينه انسافر الوحدنه لج شندل اني

-بس انتي ماكلتي ح يروح ولو كايله ماجان وافقت ليش هو اني منين شارده

-ميخالف ياحبيبتي يله راح تتأخرون روحي وباستني

-تتأخرون قصدج نتأخر

-ههههه اي نتأخر بس اني ماحصلت حجز وياكم بالطياره لذالك طيارتي وراكم

اتقدم علينه سلطان وكال يله

كلتله ماما اخاف تجذبين علي

-حجت بغضب مسطنع لجج مو عيب شلون تكولين الامج تجذبين يله روحي كدامي

-زين اسفه واالله بس مهند ليش يضحك باعيله يعني اكو سالفه

-مهند هاي تأثير كعدت الصبح علي عود داعلم روحي ع الكعده من الصبح وهل جاي تشوفين قريبا راح اتعلم واتخبل لان تأثيرها سلبي علي مامتعود

سلطان يله يمعوده لانتأخر

باوعتله بنص عين وتقلصت الضحكه وهذول خربة من الضحك ماما حبيبه ومهند وهو ابتسم ويهز براسه يمنه ويسرى

سلم على اخو وحبيبه واخذ الجنطه مالتي من ايد مهند وجنطته باايده الثانيه

سلمت اني على مهند وكلت الماما حبيبه يله ملتقانه هناك هسه لو انتي رايحه وياه واني ع الطياره اللخ

-لايعيني انتي ميصير بعدج صغنونه انخاف عليج تسافرين وحدج يله باي بالسلامه يروحي

اشكرج حبيبتي امي ورحت ورا سلطان هو يمشي قبلي بشوي واني ورا

وعلى ما ختموا الجوازات وفحصوهن صعدنه بالطياره

جنت ممصدكه واني اشوف هذا الطياره شكبرهااا وبالسمه تبين شكدوتها وبالتلفزيون جنت اتلفت مثل الاطفال ومبتسسمه صعدت المدرج

وسلطان وراي احس اعيونه ماشالهن مني بس اني مجنت اباوع عليه

صعدنه كعدنه بمقاعدنه

كعدنه شوي وبعدين اجانه الصوت مادري منين مامنين يعلن عن اقلاع الطياره ويامرهم يربطون احزمه الامان

واني اباوع بنص عين السلطان شلون يربط الحزام واسوي مثله

شفته يبتسم درت وجهي بسرع

شوي وحسيت ايديه انمدن علي وهو يربطي الحزام

اشوي وطلع من جيبه علج وانطاني واحد

هاج

-شكرا ما اريد

-هذا راح يساعدج توازنين ضغطج من تقلع الطياره هاج

اخذته من دون ما اباوع عليه وهستوني داعلج بي كال لحظه لحظه هذا العلج قديم طلعيي

بسرعه طلعته ردت اشمره

-لالا انطينياه

انطيته اله

اخذه وحطه بحلكه

فتحت اعيوني ع كبرهن اني ادري بي كلش يستنكف ياكل ورا واحد او يشرب ورا واحد او ياكل من اكل واحد شمعنى

ضحك وهو ينطيني واحد جديد هاج

اخذته وكتله لاتكثر حجي وياي 

-حاضر سيدي

وشوي وحط ايده على ايدي

سحبتها بسرعه

وشوي وطارت الطياره ومجرد ماصعدت انخمش كلبي وضليت كلي ارجف وكمشت سلطان من ايده واني حاضنتها وضامه وجهي بجتفه

سمعته يهمسلي باذاني لاتخافين ياب ورحمه لهلج هاي شبكتج سمطت جد جدي وانه مشتاقلج اتبعدي شوي عفيه

وخرت من يمه بسرعه وضليت مقلصه جسمي من الخوف 

لحد ما استقرت الطياره بكبد السمه

ضليت اهلوس يمه هسه نوكع لالا هسه تنفجر الطياره يمه معقوله احنه بهذا الارتفاع ومايصير بينه شي

ضليت مغمضه عيوني من الخوف لحد مانمت

سمعت صوت سلطان وهو يكلي نواره ياب كعدي

فتحت عيوني باوعت من الشباك مالت الطياره الحمدلله وصلنه

نزلت امشي وره سلطان نزلنه ورحنه استلمنه الجنط مالاتنه وطلعنه من المطار

حجيت من وره خشمي لعد وين رايحين خلي ننتضر ماما حبيبه

-ههه لابربج حبيبه ماتجي

-شنووو

-قشمرتج

-يله رجعني هسه ترجعني ما اضل وياك لو تموت اني كرهتك وما اريدك رجعني هسه ترجعني

جنت دااحجي و هو يمشي واني امشي وراه واحاول اللحكه

-كافي صوتج

-زين ماترجعني مووو اني ح ارجع

-رجعي ماطول المطار مو بعيد علينه

-ارجع وليش ما ارجع ودرت وجهي ورجعت وامشب والتفت يااا هذا شبي حتى ماالتفت علي

يمااا صار بعيد هسه اضيع وما اندل بعد وين اروح خبيث صيحني تعال رجعني

ماكو مستمر يمشي واجر تكسي

ياااا عزه راح يعوفني هنا ومشيت بسرعه بسرعه لحد ماوصلتله

حط الجنط بجنطه السياره وكال ها شو مارجعتي درت وجهي من الصفحه الثانيه بدون مااحجي

يله صعدي

صعدت وهو هماتين ومامصدكه واني اسمع السايق يتحجه كويتي ويرحب بسلطان  ياااي صدك اني بالكويت شي حلو اول مره اطلع خارج العراق اصلا اني ما طالعه خارج بغداد

وبعد فتره من الوكت وصلنه الفندق اسمه فور سيزون يجنن الفندق بكل معنه الكلمه

دخلنه وسلطان حاجز حجز مسبق سلمهم الجوازات وانطو المفاتيح

اني امفهيه اباوع للفندق وفاتحه حلكي مثل الجهال

صحيت على صوت سلطان وهو يكول ها حلو المكان عجبج

حولت تعابير وجهي للزعل ودرت من الصفحه الثانيه بدون اي كلمه

صعدنه بالمصعد وصلنه الغرفتنه جانت اطير العقل كلش حلوه ما اوصف فرحتي

ولو مازعلانه على سلطان جان شبكته وكسرت اعضامه من الفرح بس لويموت ما اسويها

كعدت ع  الجربايه واني اباوع عالغرفه الراقيه ودخلو الجنط ورانه وانطانه كارت بي الباسورد مال النت

وكال العامل يحتاج شي بعد بابا

ضحكت مثل السفيها واني اشوف العامل الهندي شلون يحجي يارربي مثل المسلسلات الي نشوفهن

خزرني سلطان سديت حلكي بسرعه ودرت وجهي

اتشكر من عنده وراح

حسيت كعد يمي ع الجربايه وهو ينزع الحذاء مالته ونزع الستره

-هانويرتي اهمشي ترضين

ضليت ساكته

حبي مشتاقلج والله كافي زعل

واسف ياب والله بس لاتلوميني ع السويته انتي عرضي وانتي حبيبتي وطفلتي اشلون ترديني اتحمل هااا

واني اشوف صورج عد هذا النكس الحيوان هاا لج والله صعبه حطي نفسج بمكاني

تدرين شصاربيه من شفتج واكفه وياه وطالعتله بدون محد يدري

اوووف والله مجرد التفكير بالموضوع يخليني اتكهرب مجرد اتذكر الصار تتعب نفسيتي

اذا اريد اعتذرلج فا اني هم اطلبج باعتذار عن الي سويتي ترى انتي الغلط راكبج من ساسج الراسج

لوحاجيتلي ماجان صار الي صار واني سبق وحذرتج اي شي يصير وياج تحتارين بي او تحسينه خطر عليج تعااي اني ابوج قبل ما اصير زوجج

جان دايحجي واني متاكده وياحق لوحاجيه مجان صار هذا كله

بس هذا مايمنعني اني ازعل لان شك بيه وضربني بلا رحمه

سكت وكام اخذ خاوليته دخل للحمام

اني كمت نزعت عبايتي  وشالي وحذائي

وتمددت ع الجربايه بالعرض

وسمعت تليفون سلطان يدك طلعته من الستره وشفت ماما حبيبه تتصل

فتحت التليفون وهي كالت الوو

-هاست حبيبه شنو عطلت الطياره الي بيها انتي

-ههههههه اييي مع الاسف شلونج حبيبتي عساج ماتعبتي من السفر

-ما احجي وياج ليش هيج تقشمرين علي هاا وتخليني اسافر ويا هااا

-'حبيبتي ميخالف هذا الزواج وهاي الحياة وبيها يوم حلو ويوم لا انتي غلطتي وهو غلط وسفرج حتى يراضيج حبيبتي وهذا زوجج وابو ابنج والزعل مو حلو اتونسي وعمر الزعل ماعمر اديار حبيبتي

-مااريده خلي يحس شوي بالي سواه بيه والضرب الي اكلته

وضلت اتسولف وياي وتقنع بيه طلع سلطان وهو لاف الخاولي على خصره

-ليش تلعبين بتليفوني ويامن تحجين

يله ماما الله وياج سديته وشمرته بصفي ع الجربايه الله لايعوزني اله

شمر روحه يمي ع الجربايه ردت اكوم سحبني من ايدي ورجعني

وين ياب ويين مشتاقلج وربج

ردت اكوم كمش ايدي ليفوك بايد وحده

وكمش وجهي باايده اللخ

احبج ولج اووف شصار بيه من جنت حسبالي تحبين هذا النكس ردت اتخبل والله اول مره احس كلبي هيج يوجعني
اوووف والله جاي اتذكر وكلبي ينعصر

اووف كلت هاي هي معقوله حبت غيري وراح اطلكها يايابه وتزوجه والله لو اموتها لو اموتها هيج جنت احجي ويه روحي

معقوله تروحومن ايدي طفلتي معشوكتي جنت اكول لك شلون راح تعوفه وانت تتنفسها هي بدال الهوه

جنت اباوع بعيونه واشوف حتى نضراته تحجي حب مو بس السانه

ترى نويره صدك احبج اني مو حجي اللسان خرب صرت عايش بيج

حط ايده على بطني وهو يكول وداعت هذا الكاعد اهنا احبج مو حب وبس والله هايم

لج اول تالي اني اضرب صفنات وجنيت صفنتي تكون انتي

ااخ شوصفلج نويره حتى اخجل اكول حبيت وحده بكد بنتي وياريت احبها وبس والله اعشق كلشي بيها

يجنن حجيه بس ما حااضعف او يمكن اريد ادلل عليه بعد  وايبس راسي

درت  وجهي من الجهه الثانيه

دار وجهي بايده وكال زين بس بوسه وحده اصبر بيها كلبي المشتاك

-وخر من يمي  رجائاً

باسني بالكوه واني ادور بوجهي شوي وتبعد

وصحت بيي وخررر من يميي ومسحت حلكي ديربالك اتعيدها

خزرني وكال نصي صوتج ادبسز

وكام من يمي طلعله ملابس وبدل وتمدد ع الجربايه ويطكطك بتليفونه

واني ضاله كاعده صافنه ع الحايط

حسيت بملل هو دايراسل ولاهمه هسه لوعندي تليفون

اتذكرت الي صار من ورا التليفون و وي ضوجتي الي اني بيها و لان عافني وبعد ماحاجاني ولا حاول يراضيني بعد ضليت ابجي

رفع اعيونه من التليفون باوعلي شبيج

-ماا ضايجه رجعني شاسوي اجيت اهنا هاا شعندي اكابلك وانت تراسل رجعني يله

-اتنهد اللهم صبرج ياروح هسه اني جبتج نتونس اني وياج ونغير جو وصاار ساعه اعتذر واحجي واتغزل بيج بستج مسحتي البوسه مثل واحد لعبانه نفسه ماتكليلي شسويلج هااا

-زدت بالبجي مااعرف شنو الي اريده بالضبط

كام من الجربايه وجراني من ايدي كعد عالقنفه وكعدني على رجله وكال ياب والله اسف وروح ابوي اسف عسى ايدي انكسرت لوصاربيها شلل قبل ما انمدت عليج

حبيبتي والله اني مو بيدي من اتعصب اضرب والله تنعمي عيوني وماشوف الكدامي منو وحقج تزعلين وتبجين بس شسوي

الي صار خطه محبوكه خطه مجرمين والله

مد ايده رفع خصله من شعري واشتمها وهو يكول الله ولج وربي ريحتج اطيب عطر اشمه

سكت شوي

احجي ياحلو يالذيذ انت احجي اي شي

ضليت ساكته ما احاجي

-سبحان الله ماعندي صبر ادري بروحي ولا احب احد يتجاهلني بس انتي متحملج ومن كلب راضي شلون ما ادري

يله عيني الحلوه احجي ترى احجيج بطريقتي

-شحجي

-اي شي كليلي احبك مسامحتك مشتاقتلك مثل ماانت مشتاقلي

-ما

-لك فدوه للشفه ياربي اكلها واخليج بلاشفه لاتسويلي ما وتبرطمين

-ابتسمت ودرت وجهي

-اي فدوه يرحون عشره مثل سلطان لهل
ضحكه

-ابتسمت اكثر

-لالا صارو ١٥

-ضحكت اكثر بصوت عالي على حجيه

-اففف طيرتي ال٤٠ مال سلطان كلهم بهل ضحكه ولاتضحكين ترى ضليت بس اني منهم

اتقرب اشتم ركبتي وكال احترك مصنمج منين الله خالقج من كوكتيل فواكه

شبكته احبك

-شبكني وهو يبوس بركبتي اموت عليج اعشقج والله

ووشالني مثل الجهال وهو يشكف بيه بالهوه

-لالا حااامل

-اف نسيت خرب ابني خوب ماعليه شي
واله اكلج هذا بطل مثل ابو على كولتج شبع كتل وبعده قوي

-لامثل امه اني شبعت كتل مو انت وبعدني قويه

-تعاي اهنا خل انشوف منو الاقوه وشمرني ع الجربايه

ووووحدث ماحدث

وبعدها كام هو سبح واني هم نزلنه اتغدينه بالمطعم مالت الفندق

وبعدها رحنه على سوك اسمه سوك المباركيه قريب من الفندق

واسبوع كضيناها كل طلعالت و وناسه رحنه الابراج الكويت والجزيره الخضراء تجنن وجزيرة النافره فدشي ومولات هواي رحنه وجزيره الشهيد ورحنه المتحف الكويت

وبااخريوم رحنه لمدينه الاعاب اسمها حولي بارك تجنن وكلش جبيره

واني امشي وعيني ع الالعاب واكول السلطان خلي اصعد مايقبل يكول حامل بس صعدني بالقارب يمشي بالمي

يجنن ومسيقه رومانسيه يدكون فد شي مثل الخيال

وبعدها كعدنه ونسولف واشوف عيون سلطان على بنيه تتمشه كبالنه كسر ركبته وهو يتبعها بعيونه

كتله هاا سلطان شبيك

التفت علي وكال مابيه شي ورجع يباوع عليها

ابد عينك عينك يباوع الها ولاجني موجوده يمه

-خيررر اشوف عيونك حتطلع وانت تتباوع الهااي سلامات

-هاي شبيج

-شنوو شبيه باوع الروحك شكووو فاتح اعيونك هيج وعلى شنو

كام من مكانه

يتبع......

تصبحون ع خير