رواية حكمت محكمة الحب الفصل السابع والأربعون 47 - بقلم زينب العبيدي(زينبيه)

مراحب حبيبات الكلب

طبعا جان الاشتراك منتهي وجددنه قبل شوي

احتمال بعد بارت او ثنين وتخلص القصه

٢٤٧٠ كلمه قراءه ممتعه

#حكمت_محكمة_الحب

بقلم #الزينبيه

البارت #٣٦

شجابك شتريد مني

سلطان وين رقيه

-نايمه

-جيبيها

-داكولك نايمه

-كلت جيبيها

-دخلت للغرفه ولكيت رشا تضحك وهي تكول لج انتي ناسيه روحج حسبالج بعدج مرته هااج شمرت علي الشال

- ياعزه العزاج ارشيو

-ليش مايعزيج انتي اني شكو مامسئوله عن غباج

لبست شالي وشلت رقيه وهي نايمه وطلعتها اله جان دايطكطك على نقاله

وبس شافني ضم التليفون اخذ رقيه وباسها وكال اني بالسياره حدي وياج نص ساعه ماطلعتي اخذها واروح

-لحظه لحظه وين تاخذها هاي شبيك

-تعيش وياي هي هاي الوحده وحارمتني منها وخصوصا انتي ناويه تتزوجين واني ماعندي قابليه اشوف وحيدتي ايربيها رجال غيري

راد يروح كمشته من زنده عفيه سلطان اترجاك والله ماناويه اتزوج اي واحد عوف بتي وعوفني

اتجاهل كلامي وطلع

ضليت ابجي وبسرعه وبدون تفكير اخذت شالي وعبايتي الاسلاميه وتليفوني وطلعت وراه واني ابجي

وكفت يم جامة السياره يم مكان الكاعد بي وكتلها عفيه اتركني

-خيارين ماعندي غيرهن تجين وياي لو تضلين اهنا

-تعبانه نفسيتي سلطان مريت بهواي اشياء كسرن واهسي بكلشي وكل انسان اله احدود للصبر

-اني اعوضج انسيج اياهن صدكيني

-ما اريد بنيت هواي اسس اريد اسويها بعيد عنكم

شغل السياره وهو يكول كيفج اني رايح

-لحظه لحظه يااربي بصفتي شنوو رايحه وياك

-اتزوجج من جديد او تضلين تربين بنتج مابيها شي

-مالي رغبه اتزوج بعد صدكني تعبت نفسي

-خلي بعلمج احتمال طلاكنه باطل لان جنت فاقد للوعي وصار كلشي بدون علمي

-صعدت للسياره واني اكله ماكو شي باطل شوف راح اضل ابيتك اربي بنتي وبس ماتدخل بيه

-هسه انتي صعديي هههه

وحرك السياره طول الطريق اني ساكته

وهو مكعد رقيه بحضنه وحاط ايديها على الستيرن وعساس هي تسوق
وكلساع يكلها على كيفج بابا لاتمشين سريع....ديري بالج طسه ...كسرتينه بنت الحلوه على كيفج ياب والطريق كله يسولف وي بنته ورقيه مره تضحك ومره تلغي وتضرب على الستيرن

وصلنه للبيت شال رقيه ونزل

نزلت اني ورا ودخلنه واول ماشافونه كلهم اتعجبو

همستلي ماما حبيبه شنو الفلم

-اخذ رقيه مني وكال لو تجين وياي لو ياخذها مني

حبيبه حبيبتي فكري زين ماراح اتدخل بقرارج اذا رجعتي الزوجج وبيتج راح اكون فرحانتلج كلش واذا رفضتي اتاكدي ماراح اتركج وتلكيني موجوده يمج

كعدت يمهن هي والحجيه وحنين

كعد سلطان وجان دايحجي بالتليفون ورقيه خبلته كلساع تريد تاخذ التليفون من اذنه وهو يكمش ايدها ويبوسها
رادت تاخذها ماما حبيبه بس ماخلاها اشرلها بمعنى عوفيها

وره شوي سد التليفون وانطاه الرقيه

وحجه  من يمته ناقليني للرمادي خرب انعل ابوج سنيوه حاس روحي جنت نايم ويه اهل الكهف

حبيبه من زمان كلش اتداوم اسبوع اهنا واسبوع اهناك حسبي الله عليهن

سلطان اي كلي العريف علي باجر دوامي وضليت امتمت بالحجي واسال بنت التبن ااخ والله ما برد غليلي منها

الحجيه يمه تولي يكولون صايره بيها صدمه وبس تهلوس بابنها وبااسمك كافي الله عذبها وانت ريحت كلبك اهم شي سلامتك ورجعتك البيتك ومرياتك وبنيتك

كمت اني بدون اي كلمه صعدت فوك الغرفتي عيع جانت بيها سنيوه شكلت الدشداشه ولفيت الحجاب واستلمتها تنضيف طلعت كل ملابسها بجياس الزباله وغيرت افراش الجربايه وطلعت زعابيلها الي على ميز التسريحه هم حطيتهم بجيس وبخرتها فتحت بالتلفزيون قران حتى يطلع شرها خاف موجوده

وكمت اخذت ملابس سلطان كلهن وديتهن بغرفه ماما حبيبه لان بعد ميصير

كملت التنضيف بعد ضلن ملابسي وملابس رقوش اغلبهن بالميتم وبيت بابا الله يرحمه

وكفت كبال المرايه واني اكول يله نواره لازم اتسبحين تعبتي بس شلون بالملابس بهاي الاثناء صعدت ماما حبيبه وبيدها جنطة ملابسي وكالت هاج كملي شغلج ورتبيهن

-منو جابهن

-اني وسلطان ههه حتى يضمن ماترحين بعد

اخذت الملابس شكرا ماما بس عفيه تحجين وي سلطان لايلح علي خليني براحتي من افكر ارجعله خبر

-اكوله ان شاءالله

-ماما رقوشه وين

-عند ابوها صار ساعه اكوله انطينياها مشتاقتلها ينطينيها شوي ويرجع ياخذها يكلي كافي هههههه

-تمام

رحت رتبت ملابسي ودخلت سبحت وهستوني طالعه

سمعت صوت سلطان وهو يحجي تعاي رقروقه وين امج الحلوه وفتح باب غرفتي وسداها لج وين امج بويااي بس لاشردت وراحت لنعال فاروق نذبحها هاا

وباوعلي واني جايه

وحاجه رقيه هاااي امج شفتي اتريد تزوج جاغير احرك مصنمها واشعل صفحة اهلها

-غلى فكره اخ سلطان اني ماجنت ناويه اتزوج لافاروق ولاغيره بس انت ماتنتظر تفهم السالفه

-هههههه اخ سلطان مووو على العموم اختي الكريمه الفاضله العفيفه سواء قبلتي تتزوجين اولا بكل الحالتين ماتصيرين الغيري لو اني لو اموتج طلقتين براسج واريحج وارتاح

-لابالله وليش متكتل نفسك استاذ سلطان لان اني مااريد زواج اعذرني ودخلت الغرفتي

-ههههه تعاي وين رايحه ياب اخذي رقروقه

-التفتت عليه وحجيت بنتر شوي  لاتكول رقروقه دا اتخيل اتصيح عكروكه رجائا

-هااا صار امر ثاني سيدي

مارديت عليه وتقربت اخذها وي مدت ايدي عليها اتقرب هو بسرعه وباسني

اتبعدت منه وكتله ترى مايصير الي داتسوي عيب عليك وحرام هم

-مع ان اني ادري هل شي حرام بس صدكيني اشبعج حرام اذا ماترجعيلي ونتزوج

-شنو هل حجي سلطان ترى ماقبل هيج واحسك صاير هواي خفيف

-اذا ماتقبلين غصب عليج او برضاتج ونتزوج وهاي مو خفه صدكيني هذا حب والانسان من يلكه الحب ينسه الشيب وينسه العمره وينسه روحه ويرجع مراهق ويتمنى يعيش ايام ماعاشهن

هلبت والسنين ايردن احديثات
واسولفلك حجايات الماكلتهن

اخذت رقيه من عنده ودخلت للغرفه حاولت اتجاهله بدلتلها وسويتلها مميه وشربتها ونامت

و مرة الساعات وللساعه بالتسعه نزلت وياهم جان مهند طالع علمود يوزع بطايق عرسه هو و اولاد خالته لان حددو عرسهم بعد ٤ ايام

جانت ماما حبيبه داتسوي عشه وحنين هم ورحت اشوف الحجيه  لكيتها خطيه تون من وجع راسها ضغطها مرتفع

كلتلها شبيج يوم

-ضغطي يايمه معلك

-لعد خلي ياخذج سلطان للمستشفى

-ياريت ترحين تكليله يايمه خطيه ماهان عليه اصعد حبيبه طاحن رجليها وكلساع اشوفها صاعده نازله وداتحضر عشه وتغسل بدلت سلطان وتحضر جنطته باجر يلتحق بالدوام ربي يحفضه

-ها اني اي اي عادي اكوله وصعدت نص الدرج وانطفت الكهرباء يمه ضليت اتلفت وراي وخايفه  واني اكول يمه اخاف خل انزل و ردت انزل اتذكرت رقيه كلت لاتكعد وتخترع من الضلمه

صعدت واني اسمي بااسم الله وامشي واتلمس بمحجر الدرج لحد ماصعدت للصاله يمه واتلمس بالهوه وكلش خايفه

سمعت صوت باب الحمام صحت بخوف م منوو س سلطان اذا عندك ضوه شغل خل ار روح الرقيه

ما اجاني جواب

يمه يمه ج جني

وداركض وحسيت ايدين كمشني ونحطت ايد على حلكي

من خوفي ضليت اتلمس واتحسس الي كمشني واحس جسمه رطب يمه ضليت ارجف واضرب بصدره

همسلي باذني مشتاقلج

بلعت ريقي و بعدت ايده من حلكي كتله وخر من يمي هاي شبيك ماتحجي انت ناوي تجلطني

-لا ناوي اشبكج

-اتبعد عني جنت دا ادفع بايديه بس هو كامشني حيل

-انطيني بوسه

-وخر هاي شبيك شلون تلمسني والله حرام عليك وعيب

-تزوجيني

-لو تموت

-ها بسيطه وكمشني من فجي حيل ودفعني على الحايط وباسني واني اضرب بضهره حيل

وتبعد من يمي وهو يكول يابه اموت ع الكرز

-حجيت واني اصيح عليه ترى والله اكول الماما حبيبه عليك مايصير الي داتسوي وادفع بي حتى يتبعد عني شوي لان حاصرني ع الحايط واني اريد اشرد بس مابتزحزح ابد

-صدك وحبيبه شتسويلي تكتلني اتعاقبني وشالني والله احبج لج زعطوطه كافي سوالف جهال ومشتاقلج واريدج

-نزلني عوفني خليني افكر شوي يله نزلني ضربته على ايديه

اجت السحب مال المنطقه نزلني هو وكال نواره ياب باجر اني ملتحق ورايح للموت ويمكن نص الاسبوع وانزل علمود عرس مهند واريدج اتفكرين ترى والله اني صعب علي اعوفج انتي مرتي وبنتي وام بنتي وحبي الي اجاني تالي وكته اريد من ارجع تفرحيني

واذا مارجعت عسى حوبت حبي بخت الي حرمني منج

باوعت عليه ودنكت اسم الله عساك سالم

وعبرت من جوه ايده وقبل ما ادخل للغرفه كلت هاا اي نسيت ال الحجيه تكول اخذها للمستشفى خطيه ضغطها هوايه مرتفع

ودخلت مواني اتذكر نضرات عيونه النعسانه وعطره الحلو واني دا اجذب على روحي اني احبه وما اكدر بلياه هو كل اهلي وهو حبيبي ويمه احس كلشي غيرر احس روحي اميره شعور الحب والحنان والامان كلهن احسهن بطوله من يوكف وياي

ربي حفضه الي اكيد راح اكله وافرحه قبل ميروح احبه واحسه هواي يحبني

شويه اخذت رقيه الي كعدت ونزلت جوه لكيته رايح وما خذ امه

اتعشينه وهو ما جاي ومرت الساعات اتصلت ماما حبيبه عليه

كال الها يتاخر الحجيه متخربطه شوي وجاي ينضمون ضغطها ومهند يمي هم

وصارت بالوحده وهم ما اجو اتصلت ماما حبيبه كال الها نامو انتم هي استقر سكرها بس شوي يخلوها تحت المراقبه

بالفعل نعست كلش ونيمت رقيه حطيتها بكريكوتها ونمت ماحسيت على نفسي اله ورقيه تبجي جانت تبجي شوي وتسكت تنام يعني منزعجه

فتحت عيوني شوي نعسانه كلش

وشفت سلطان كاعد على الجربايه بالبدله السوده العسكريه وابتسم بوجهي من شافني

عدلت نفسي شوي وحجيت  بصوتي  نبره نعس

شتسوي هنا شوكت اجيت

-اجيت ابوس رقاوي واودعج حبيبتي

-الحجيه شلونها

-الحمدلله رجعناها ب٢ باليل ونضمو ضغطها

سكتت شوي ما اعرف شحجي بعد

-كسر حاجز السكوت وهو مبتسم مرات اصفن واباوع الطولج الكصيرون وحجمج الصغيرون وسنينج القليله واضحك على روحي واكول معقوله اني تزوجت هل طفله هاي وصارت حبيبتي وخذت تفكيري وصرت انه عاشك عود وافكر بيها وهايم وصارت ام بيتي معقوله طفله بكدها كدرت تغير مشاعر جانت ميته بداخلي مشاعر نسيتها وي حبي القديم وبعد ما تصورت ان مايجي هيج يوم ولايمكن احب بعد ماكبرت

اتنهد شوي وكال على العموم ربي يهديج وترجعين الحضني

و ماتسويلي ريوك خطيه حبيبه امس الساعه ب٣  نامت ضلت يم الحجيه

هزيت راسي بمعنى اي وشلت الغطه ودا اكوم

وهو صاح احترك مصنمج بنت الزنادقه وسحب دشداشتي غطه رجلي مكشفات
اف تجيب القشطه للصايم وتكله لاتفطر بنت اليهود

خجلت منه وكمت بسرعه وكتله بعد لاتدخل الغرفتي خوش لان عيب عليك وحرام

سلطان والله افرح من اسمعج تحجين بالعيب والحرام احس عندي جوهره ثانيه عندي حبيبه ثانيه ولاحضت اغلب صفاتها بيج صدك الام الي ربت مو الي خلفت

-وانت ليش ماتطبقهن ماطول اتحبهن

-اني منحرف

-عابت شلون يحجي اكره هذا الحجي واخذت شال حطيته على راسي

-مع الاسف هاي الحقيقه المره ...وبعدين شنو سالفه الشال بعد وكت شبعت شوف ترى هههه

نزلت واني اضحك بدون ميشوفني سويت اريوك وكملت الصينيه وصعدتها جانت الساعه بالاربعه ونص الفجر

صعدت الصينيه وحطتيتها كباله

-تعاي اتريكي وياي سويلي واهس بالاكل خل تنفتح نفسي

-ما اريد ما اشتهي من الفجر اتريك

-شوي بس

رحت غسلت وكعدت كباله واخذني الواهس ونزلت على الصينيه ركبه ونص وهو يضحك

-اكلج نزلي جيبي بعد صمون ما كليت انه بس نص الباقي اتبخر ناس تكول ماتشتهي تاكل الفجر  مادري منو كلاهن

باوعت للصينيه اكو نص صمونه ضحكت كتله ها ترى ما اكلت بس وحده ونص

-اتشاقه وياج ياب الف عافيه

شلت الصينيه نزلتها وصعدت لكيته متمدد على الجربايه

-شكو اشو نمت اهنا زين انت مو وراك سفر

-والله نعسان مانمت كلش من رجعت من المستشفى لان ادري بروحي اذا نمت اقل شي اكعد ب٧ ولازم اطلع ب٥ ونص

بعدين شدعوه ياب كاعد على كلبج تردين تخلصين مني

-لا مو قصدي بس حسبالي متروح

-تعاي يمي شوي والله مشتاقلج

-انت شتحجي سلطان  اشو هوايه متغير انت مو كله تحجي بالعيب والميصير شنو اجي انام يمك وحنه مطلكين

-كام وهو يباوع الساعه ايده اها بعد وكت كدامي ساعه تقريبا نلحك مو

-على شنو

-على هذا وسحبني من ايدي وطحت على الجربايه وصار فوكي ايبوس بيه بشفايفي وركبتي واني ادفع بي

واصيح كافي شبيك وخررر عيب عليك

وهو ولامهتم

عضيته حيل وهو دايبوسني

عكد حواجبه وكال اخ ياثوله شبيج

-لا والله ونوب تكول ثوله كوم عني وخر ماتستحي سرسري وخر وخر

-شنو سرسري لج شمسوي اني

-لاوالله داتبوس ومادري شتريد اتسوي  بيه واني مو حلالك وتكلي شمسوي وخر من يميي

-اي مامسوي شي مرتي ومشتاقلها وهذا حقي واريده

-زوجتك قبل

-لا طلاكنه باطل استشرعت بي وكالو انت جنت مثل فاقد العقل او مثل السكران او المختل مو بكامل قواي وصحتي العقليه اصلا ما اتذكر كلي الي صار والسيد كال اذا بينك مابين الله صادق بهل كلام فطلاككم باطل

-يعني شنو زواجك من سناء هم باطل

-بالضبط

-يعني يعتبر زنه وانت زنيت وابنك مال حرام

-اي شبيدي يعني هي جانت تتحكم بيه والله سبحانه  خلصنه منه لان ابن حرام وهي شنو اسويلها يعني طبها مرض قابل اني زاني برغبتي وبارادتي هم الذنب مايحتسب علي

-فاجأتني شحجي هسه

-شتحجين ياب تاخرنه يله وغمزلي

-عوفني هسه اني مصدومه

-دروحي مصدومه ورجع يبوس بيه وووحدث ماحدث

-وبعدها دخل للحمام وهو يدردم علي شطلعج ابوجهي هسه انتي مو جنت سابح ومبدل ومكمل واريد اطلع شجابج علي واخرتيني اشتعلو الجابوج

-ضليت فااتحه عيوني وحلكي كتله اني

-لا اني طبعن انتي وراح

سبح وبدل باسني وباس رقيه بخدودها وراسها وايديها وراح

حمدت ربي الف مره لان طلاكنه باطل فرحت كلش

وشوي ورجعت نمت وكعدت وسولفت الماما حبيبه بسالفه طلاكنه وكالت ادري كال سلطان طلعوا الجماعه كلها تدري وناصبين علي

وللعصر رحنه اشترينه ملابس لعرس مهند سلطان عايفلي افلوس يم ماما حبيبه اني ورقوش اشترينه وحنين استأجرت بدله تجنن وصالون وكملنه للمغرب ورجعنه

مرت الايام واجت وضل بس باجرعلى  زواج مهند وسلطان مانزل الهسه

بهذاك اليوم رقيه بس تبجي بدون سبب لامريضه ولا شي بس ماسكتت ابد تبجي وتبجي لاترضت باكل والا انشيلها وتسكت ولانشتريلها وتسكت انلاعبها ماتسكت

والحجيه هم وجعها صدرها حيل وكلبها مخنوك

واحنه كل  واحد ماله واهس مدري ليش ولاجن باجر عرس ولاجن باجر اكو فرحه ليش ما ادري

والله هيج جانت حالتنه بهذاك اليوم ما اوصف الضلام الخفي الي بالبيت والوحشه

ياربي شدايصير

وصار يوم ثاني والله واهسي مكسور ومانايمه لان رقيه تنام ساعه وتبجي ساعه

حنين بالصالون ونوال وياها

اجه مهند يحجي وي الحجيه ويسالها على سلطان وليش مانزل ودايتصل عليه بس جهازه مغلق شنو الفلم عساس من امس ينزل

وهي تعصر على كلبها وتكله مادري يايمه بس اخيك مو بخير يمكن

وصار البيت هوسه معازيم وناس والدنيه نكلبت ودك وركص

مهند بقاطه الازرك ويتصل كلساع ايريد اخو وحيده يوكف وياه كبال المعازيم بهيج يوم هو حسبت ابو

والحجيه تعصر على كلبها كلساع وتكول يمه مامرتاحه والله يمه وليدي بي شي وتاخر ولكم مامرتاحه

وهنا اجت سيارات العرس علمود يرحون يجيبون حنين من بيت خالتهم لان مكعدينها عدهم

ماما حبيبه ماقبلت تروح  لان الحجيه ضلت وهم وياهن نسوان كبار

واني ماقبلت اروح لان رقوشه بس تبجي

ماما حبيبه كالت روحي وخليها يمي مالج علاقه بيها اني اهتم ببنيتي حبيبت كلبي ونبضه وانتي روحي يم حنين خطيه لازم نكون يمها

-يوم عفيه والله مالي خلك وبعدين ملاك حتروح ومريم اكيد زوجة اخوهن وراح يشيلنها بعيونهن واني مالي واهس

-لاروحي وتونسي حبيبتي ولاتشيلين هم ان شاء الله ماكو شي

اهنا دخل علينه سلطان وهو شايل جنطته وكال السلام عليكم

اني احس روحي رجعت يمه مادري ليش جنت خايفه عليه ركضت بسته وشبكته واول مره اسويها كدام الكل

والحجيه صاحت يمه ابني اسم الله على طولك وين جنت واني كلبي انشلع ماترد علينه وانت لازم من امس هنا

باسني على راسي وبعدني بسرعه وراح لمه باسها وهو يكول شسوي يايمه امس صار عدنه اشتباكات وبالكوه اليوم نزلت وبعد اشوي باليل التحق لان ما اكدر اترك الوحده العسكريه بهل وضع

الحجيه ربي يحفضك يايمه ويسلمك ويخليك الي والبيتك والبنتك

-يله حبيبه نواره وحده منجن اتطلعلي القاط الاسود وقميص ابيض وحذاء اسود بسرعه راح اسبح

حبيبه انطيني حبيبتي رقوشتي اسويلها مميه

وانتي روحي شوفي سلطان

اخذ رقيه وبوسها حيل ويشتم بيها وهو يكول اف مشتاكلك يالحلو شنو ماتروح من بالي ولك

وهي ضحكتله وهواي فرحانه بي وتلوح باايديها

خذتها ماما حبيبه وضلت تبجي على ابوها وهي تسكت بيها

صعدت وره سلطان واني فرحانه بشوفته بس بعده كلبي معصور واحس اكو شي يوجع كلبي اكو شي مأذيني

ومن وصلنه سحبني سلطان الصدره وشبكني وباسني حيل وهو يكول مابيها مجال

-لا

-شدعوه ياب مشتاقلج

-لا وهم لا اسبح وبدل واطلع للناس اتانيك

-هاا  لعد ورا الزفه توعديني

-هههههه افكر

وهنا فجأه .....

يتبع......