رواية حكمت محكمة الحب الفصل السادس والأربعون 46 - بقلم زينب العبيدي(زينبيه)

مرررراحب حبيبات القلب

٢٣٠٤ كلمه ادري قصير بس مو اهواي شوي قصير

المهم قراءه ممتعه

#حكمت_محكمة_الحب

بقلم #الزينبيه

البارت #٣٥

السيد الحمد لله هسه هو صاحي ومابي اي سحر وراح اسويله حجر كريم يشيله بمحبس او كلاده هذا يحمي ويبعد عنه الشر والسحر

الحجيه اي يمه سويله اللهي لك الف الحمد والشكر من رجعتلي وليدي وشافيته من سم المسمومه

سلطان شكووو شبيكم وليش رابطين رجلي خيررر

مهند اجه باس راسه الحمد لله على سلامتك خويه

سلطان الله يسلمك بس كلي شنو شصاير فهمني

السيد خويه انت جنت مسحور الي سوتلك السحر زوجتك واختك الجبيره ابنيه بيضه طويله تارسه شوي واسمها مهى

سلطان مسحووور شهل حجي هذا ومنو مسويلي يامره منهن فهموني

حبيبه باوع سلطان شوف السله وشوف شكو بيها هذا كله هستوك ذبيته من بطنك وهذا الي بالكاع شفته ثنين سحر سوتهن الك سناء

سلطان بس سناء ليش تسويلي سحر وشدخل مهى بالنص فهموني واحجولي بدون اللغاز

مهند ارتاح ياخويه هسه نحجيلك والتفت على السيد وكال معقوله مايتذكر شي

السيد شوف مهند حاليا سلطان المثل الي جان بغيبوبه وصحه ماعنده اي خلفيه عن الي سواه طول السنه الي فاتت( كمش اللعابه مالتي الي جنت حاطتها على الميز)شوف هاي اللعابه (ورفع ايد اللعابه)مارفعت ايدها اله لمن ارفعتها انه (دار وجها للعابه)شوف شلون اني اتحكم بيها واحركها على كيفي هيج سلطان جان السحر وصاحبه السحر يحركه مو هو ولا عقله وهسه صحه من نفس يوم السحر والسنه الفاتت مايذكرها

سلطان يعني اني صدك جنت مسحور بس شلون

مهند يوم احجيله اتفضل سيد

الحجيه يوم مهند افتح الهل خايسه الباب وخلي تروح بغرفه حبيبه خطيه الطفل فطست روحه من البجي

مهند هسه

وسلطان ضال صافن وفاتح اعيونه مايدري شصاير وشنو الي صار

ويالفعل فتحلها الباب وهي ميته بجي ودخلها الغرفه حبيبه اتدفع
ونزل هو والسيد

الحجيه وهي كاعده يم سلطان وكلساع ادنك راسه وتبوسه

باسها هو على راسها وكال خير يمه حسستوني مثل الميت وطلعت من كبري

الحجيه يمه اروحلك الف فدوه وليدي الحمدلله رجعت سالم ورجع عقلك الراسك

سلطان انعم الله حجيه جنت امخبل وصحيت هسه غير تسولف

التفت علينه وحجه وي حبيبه احجي حبيبه اسمعج

دنكت ماما حبيبه والتفتت علي اخذت رقيه مني وجابتها يمه

رفع حاجبه وعلى وجها الف علامه للاستفهام

حبيبه هاي رقيه بنتك

سلطان بنتي بس نواره ما... وباوع لي وخصوصا على بطني

حبيبه انت جنت مسحور من سنه وفوك تقريبا وماتدري بروحك ورقيه راح يصير عمرها ٨ اشهر وانت اتزوجت سناء وعندك منها طفل عمره اسبوعين او اكثر وطلكت نواره وعذبتها عذاب الكفار وضربتنه واذيتنه كل احنه حتى امك مديت ايدك عليه مهند كسرت خشمه وسوله عمليه اني شكيت راسي و٥ اخياطات وكلها كوم وعذابك النواره كوم الله لاينطيها هل سناء مخصصتها بالسحر لذالك راويتها انجوم الضهر مرمرتها شحجيلك وشخلي سنه كامله بايامها واشهورها مامر يوم اذا ما تكتلها وتكتل شكو واحد يفزعلها

اتلقه سلطان الصدمات بعيون مفتوحه و وجه يقره الاستغراب وعدم التصديق

سلطان ههه اكيد جاي تشاقين حبيبه

حبيبه ياريتني اتشاقه ولا صار الي صار ولاشفنه الي شفناه

ضل يتنفس حيل وتغيرت ملامحه للعصبيه والغضب وجها صار احمر ويطحن بعضام فجه على كد ما ضغط عليهن

كام من الجربايه وهو يصرخ اشششلللووون صار هيييج اني اتزززوج نعال اني واكعد مثل اهل الكهف الكه روحي عندي ابنيه و ولد ومطلك مرتي وماد ايدي على اميي ومعذب اهللي شلووون ماجاي استوعب

الحجيه يوم سلطان صلي على النبي واهده شوي كلشي ينحل مو بوعيك حسبي الله على اختك الجلبه الي ساعدت هل الخايسه سنيوه

سلطان ششششهده يمه شهده تعرفيين شنو شعوووري هسسسه شلون حالللي هسسسه انيي هيج صاير بيه هييج مسسسوي اااااخ وينهن وينهن بنت الكلب التبن

الحجيه يوم اوليدي حلفتك اهده شوي شتريد اتسوي بيهن حلال وحقك بس اهده لايرتفع ضغطك يابعد امك

التفت على حبيبه احجييي انتيي كليلي وينها هل جايفه سنااااء وينهاا

حبيبه بغرفتي

طلع من الغرفه بسرعه واحنه ورا فتح الباب بالمفتاح

جانت سناء اتروح وتجي بالغرفه وهي تعصر بايديها وابنها يصرخ ويبجي بالكاع

واول ما فتح سلطان الباب هي وكفت بمكانها ووجها جمع كل تعابير الخوف

وسلطان وجه صاير احمر وشاد على قبضات ايديه بحيث الاورده تريد تنفجر على كد ما عاصرهن

حجت سناء وهي تمتمت و و والله ج جذابات و والله م م مامسويه ش شي و والله

تحجي وهي ترجع لوره وسلطان واكف بمكان وعيونه بعيونها

وهي ترجع عثرت بابنها وطاحت عليه كعده حيل

صرخنه كل احنه وماماحبيبه ركضت للطفل

بس الطفل ماطلع منه صوت بسرعه سكت من البجي بسرعه اختفه صوته

وسناء فتحت اعيونها وهي ترجف ا ا ابني ابننننييي وخرت من يمه وحلكه متروس دم وعيونه هم

المنظر يخوف وبشع ويكسر اكبر كلب الطفل بثواني مات وامه الي كتلته
احنه بجينه من المنظر والحجيه لطمت وجهه

سلطان ركض على الطفل خذا من ماما حبيبه وهو يحاول يسمع دكه الكلبه عسى ولعلى دكه وحده او يتحسس نفس واحد بس ماكو بسرعه طلعت روحه الترفه

التفت على سناء وكمشها من شعرهاا وهو يصررررخ موووتي مووووتي الطفلللل شسوووي اشمت بيج لو انقهرررر على ابني ووولج حوبتي لو حوبت امي ولووو حوبت نواره وحبيبه لو حوبت اخيي وهذا كله هو يصرخ ويكتل بيها بكل قوه عنده ضلت تنزف دم من راسها ومن حلكها جان يرفعها ويطكها بالكاع وهو يصيح لييييششش ولج حرمتيني من بنتي ٨ اشششهور حرمتيني اشششوفها واشيلهااا وجن امتانيهااا هل لحظه ليييييششش ولج
انييي اني اتزوجج انتي اول تاااالي ولج وجودج ابيتي اكرررها جنت من لا جاره اخليج بالبيت الخاطر امي ويحجي ويضرب بالكوه اجه مهند وكمشه هو وماما حبيبه

وهو يصيح عوفوني خلي اوديها ورا ابنها خلي اريح الناس واريح كلبي

مهند ولك خويه خل تولي اطب سجن من وراها وتخسر الاول والتالي

ودفعه بالكوه واتصل مهند على اهلها يجون ياخذوها

وسلطان بعده يفتر بالغرفه مامصدك شصار ويحاول يستوعب انسلب منه عقله سنه كامله ومسوي اشياء مستحيل جان بيوم ايسويها وبيمن با اهله بناسه باكثر ناس يحبهم ويحبو كله من وره وحده حقيره ما خافت الله

وهو يفتر فجئه وكف وكال امهيوه بعد امهيوه وراد يطلع كمشه مهند وكال لحظه بلا الفضايح اني والله اني اجيبها الك

سلطان هسسسه تروح اتجيبه سمعت هسسسه

مهند اي اي والله هسه رايح

وراح مهند واجو اهل سناء وشافو بنتهم وابنها ميت وهي بس كلمه وحده تصرخ كتلو ابني كتلو ابني

ومن شافوها كبو وي سلطان اخوها وامها واتصلو على ابوها اجه

وسلطان رادها حجه حتى شوي ايريح كلبه تعارك وي اخوها وضربه وسحل سناء سحل للشارع واهلها يجروها وهو يجر حط العبايه على راسها وشمره بره وصاااح بيهم براااا لاتعتبون باب بيتي ودفع اخوها

ابوها ضل يصيح لككك حيوان جلب ماتستحي تطرد اهلك عمك وخالتك سولك سحوره كلبنك على مرتك خلنك تكتل ابنك تفوو على الزلم المثلك

سلطان درررروح اخذ بنتك ورررروح اي جلب افضل اصير جلب ولا اخذ بنتك النكسه هاااي لابوكم لابو خيركم لابو مصنمكم ولابو حتى الساعه العرفتكم بيها اهلي طاح حض اهلي اذا اعتبركم انتم اهلي

وسد الباب وبعده ما رايح جوه واجه مهند ويسحل ابمهى سحل

التفت سلطان عليها واول ما شافها صاححح ولج انتي مو اخت انتيي بزر شيطااان ولججج ليشششش هيج مو اخيج ابن امج وابوج الوم الغريبه واختي انكس منها هااا شحجي شكووول اختي ساحرتني ومرمرتني وبهذلتنيي وحرمتني عيشتي وفرحتي

مهى والله والله ياخويه ماجنت ادري راح يصير هيج هي تحبك وترجتني اساعدها

سلطان لج هي تحبني ساعدتيها على حساب راحت اخوج وصحته ولج عذر اقبح من الذنب وكمشها ضرب
ودمرها دمار وهم نزفت دم من خشمها سحل البيت بيها سحل وكل شويه والثانيه يصيح ليييششش فهميني مو اخوووج شقصرت بي ويياااج اشو كل مشاكل بيتي منج ورغم هذا جنت احجي على نسواني واصيح الخاطر ما اخشن خاطرجن واكول خواتي وجايات البيتي خطار بهيج جازيتيني

لحد ماتعب كلش وضل يناهت كعد على الدرج وهو يحجي من بين انفاسه ط طلعوها بره ما اريدها اتدوس عتبة بابي

اجه مهند سنده وداه الغرفه الحجيه وهو يكله هسه اشمرها بالشارع الاخت التسوي هيج بااخوها مو اخت ولا يتأمن الها

وجابوله حبوب الضغط

وضل صافن بالسكف وماحجه اي شي
ساعتين كامله هو هذا حالته

احنه تعبانين من السفر ومنا المشاكل الي مرينه بيها اليوم

ومنضر الطفل وهو مدمي خوفني وضال براسي صورته

خذا مهند دفنه

صارت الساعه ب١٠ بالليل

كلت الماما حبيبه اريد اروح ماما صارت ب١٠ منو يوصلني للدار

حبيبه اي يروحي هسه اخذج اني ومهند

راحت ماما حبيبه الغرفة الحجيه واني اسمعها تكول المهند خلي ناخذ نواره خطيه تعبانه من السفر هي ورقيه

فز سلطان كال لحظه لحظه شوي حبيبه اريد اشوف بنتي وينها

حبيبه اي وصاحت علي ماما نواره وين رقيه

اجيت اني وشايله رقيه وجان سلطان يبوس راس امه وهو يكول الها يمه معقوله اني مديت ايدي عليج الله لايبارك بيه

باسته براسه وهي تكله شوفتك اكبالي وسالم غانم تسوه عندي الدنيه واهلها رحتلك فدوه يالعزيز

سلطان والله مادري المن اعتذر والي سويته بيكم مايتسولف

مهند خويه انت مامتقصد وماجنت راح تسوي هل شي لولا هل حقيرات سناء والجلبه مهيوه انت عمرك ماخشنت خاطر امي ولا اذيتني ومحترم نسوانك واتحبهن وترشدهن دومك مابيدنه غير انكول حسبنا الله ونعم الوكيل

رفع اعيونه باوعلي مد ايده انطيته رقيه وهو رفعها بايديه وهو يتمعن بوجها ويكول ربي لك الف الحمد والشكر ماحرمتني من شوفتها وشبكها وهو يبوسها يشتم بركبتها الله فدو للكرز وهي منزعجه من لحيته وضلت تبجي

لاااه لاه تبجي اني بابا رقيه ياب حبيبتي اليوم اشبعج بوس لو اعرف اتعلكين من البجي وضل يبوس بجفوف ايديها وضل ضامها الصدره ويحجي وي مهند ويضحك

حلوه هاي مال واحد ينام ويكعد يلكه عنده بنيه وعمرها ٨ اشهر

مهند ههههه الله يخليها الك ويخليك الها ويلم شملكم كلكم يارب

سلطان ا احم اي مهند روح جهز روحك حتى توديهم

مهند اا هاا اي وكام بسرعه

سلطان حبيبه جوعان

حبيبه اي ثواني واسويلك شي تاكله وهم راحت

حسيته دايصرف بيهم واحد واحد ضلت بس الحجيه

ردت اطلع صاح علي نواره تعاي اخذي رقيه

اجيت اخذها واني مدنكه ما اريد اضعف ولا ارجع اريد ابتعد عنه وعن كل بني جنسه اريد ادرس واتخرج واربي نفسي واربي رقيه بلازواج حتى لو احبه ماراح ارجعله

كامت الحجيه وي جيتي وهي تكول خلي اصلي صلاة الليل حسيتها اتعمدت تتركنه

وكافه شوي بعيد من يمه

قربلي رقيه وهو كامشها باايديه واني دا اخذها سحب ايدي وكعدني يمه ورجع رقيه الحضنه

وكال نواره ياب اني ما اصدك طلكتج شلون صار هيج ومامتت
ولج معقوله اني عذبتج والله والله عساهن اتكسرن ايدي من كلبي اكولها قبل لاينمدن عليج لج هههه تعرفين شنو اعشكج يعني منتهي بلياج ولج انتي وي اسنينج الصغار بدلتي حياتي جبتيلي ورده اتشبهج انتي فرحتي

ضليت ساكته

سلطان اذا تردين اعتذرلج اني حاظر بس وغلات بنتي الي ماكو اغلى منها غير امها ما ادري شلون وليش ويمتى صار هيج ولج والله من سولفولي سوالفي وياج لحد الان اتمنيت كون اتكسرن ايدي

لج انتي يتيمه واني ما احب اقهر اليتيم وفوك هذا اصغيره شلون طاوعني ايدي واذيتج بس والله ما اذكر شي والله

احجي شي اكيد انتي فاهمتني مو

-فاهمتك بس ما ناويه ارجعلك ابد صدكني احسن الي والك وكمت ردت اروح

سحب ايدي وكعدني نواره ادري بيج مكسور خاطرج وادري اذيتج هواي بدون علمي وادري المريتي بي يخليج اتكرهين الزواج

بس هذا يحبج وحق ربج يحبج وميت عليج تذكرين من كتلج يجيني يوم ما اكدر اتنفس اله انتي بحضني

اجه هذا اليوم
زين نواره ياب وبتنه عادي تعيش امبهذله ابيني وبينج وتتحسر من تشوف الجهال

زين سمعيني هسه انتي تعبانه واني اكثر روحي وارتاحي يومين ونحجي

كمت واخذت رقيه كمش ايدي وهو يكول يايابه سنه سنه كامله بعيده عني انتي اوووف جا شكد مشتاكلج كلبي وماكايلي

اخذت رقيه ورحت ما انكر جان ابدي اشبكه اشتم ريحه شعره الاحبها وتمنيت ابجي على صدره

بس لا اني قراري ما اتراجع عنه

اخذني مهند وراحت ويانه حنين وصلني للميتم نزلت

نزلت بجيت بفراشي اريده وما اريده محتاجته واريد اشرد منه

شبكتني رشا وهي تكول ها شبيج حبيبتي

سولفت الها الصار واني ابجي

رشا حبيبتي نواره سلطان مو سئ لدرجه ماترجعيله لاهو حبج وعاملج كابنته قبل ماتكونين زوجته ويغار عليج وخصوصا صار ابينكم طفله تجنن محتاجتكم اثنينكم انتي لولا سلطان جان طحتي بهواي مشاكل بس هو جان دائما بضهرج من رأيي لاتفرطين بي هذا قسمتج بالدنيه

-مادري رشا الي شفته هوواي عذبني عقدني من اني وصغيره لليوم مارتحيت بس لمن عشت الوحدي من عشت اهنا وافضل اضل الوحدي صار مالي هواس بشي

-الله يلوم الي يلومج وياج حق بس هو الزواج هذا يوم مر ويوم حلو يم زعل ويوم غزل

-ما ادري رشا كل الي ادري اريد اضل هيج حتى لو بس لمن انسه الي صار

-حقج حبيبتي ارتاحي وحكمي عقلج

وشالت رقيه تنومها

مرت ايام واني اداوم وسلطان كلما يتصل علي ما ارد عليه لو اخلي رشا ترد وتكله نايمه او باالحمام او داتنضف رقيه ما ادري ليش جنت اتهرب منه وما اريد اضعف كبال حجيه

مرتين اجه للميتم باليل بس كلتلهم يكلوله نايمه

وجان يرسلي رسائل يكلي بس اشوفج مره وحده لازم نحجي

ادري بيج جاي تتهربين مني بس اريد احجي وياج اريد اشوف بنتي مشتاقلكم والله

جنت اقره وابجي بس ما ارد

الى ان بهذاك اليوم اجوني خالو وزوجه خالو اجوي للميتم

كعدت يمهم جانت ماما حبيبه مموجوده سالو علي وعن احوالي وجايبين العاب الرقوش وخالوانطاني مصرف بالكوه اخذته لان مامحتاجته ماما حبيبه مامقصر

وحتى سلطان من صحه لليوم وهو كل يوم ايدزلي مصرف بيد ماما حبيبه

وفاجئني خالو وهو يكول

سمعيني ياخالو احنه اهلج وصدكيني لو صار شي لاسامح الله راح تلكينه وياج ومانسمح الاحد ايأذيج لاسلطان ولاغير

ولذالك اني جاي اليوم اكلج بس تخلص العده راح نجي وانخطبج الفاروق وبشروطج انتي واحنه الممنونين

-بس خالو انت شتحجي اني ما..

قاطعني لاتحجين اي شي منا لمن تخلصين العده فكري وراح اتقبل كل الي تكولينه وتختارينه

وراحو طلعو ياالله هذا منين اجاني ياربي

اتصلت على ماما حبيبه كلت خلي اكللها هي تحجي وياهم وتفهمهم لان اني صدك ما الي خلك هيج سوالف

سولفتلها وكلشي.......

حبيبه هذا شبي خالج بعدج مامخلصه العده اجه يخطبج يجوز خايف لاترجعين السلطان كال يزرع الفكره براسج

اهنا سمعت صوت سلطان هو يصيح شنووو منو خاطبها وشلون اتسمحين بهذا الشي حبيبه وبنتي مافكرتي بيها وهي ليش هلكد مستعجله على نعال التبن فاروق مو كالت ماتريد زوووواج

بس لا اني اعرف اتصرف بسيطه وطلع

وجانت ماما حبيبه تريد اتفهمه السالفه اتريد تحجي ماجان ينطيها مجال

واني احجي منا واصيح شكوو هو شكو شيريد مني كليله ما اريد لافاروق ولاغيره بس خل يكفوني الشر اشحصلت منهم

وسديت التلفون ومن قهرتي شمرته واني ابجي واصيح فكوووني تعبت حالتي ما اريد احد

كافييي عشت ابضيم طول هاي ال١٧ سنه كااااافي

شبكتني رشا وتبجي وياي وتصبرني

وشوي واندك باب غرفتنه فتحته وعكدت حواجبي .......

يتبع......