رواية حكمت محكمة الحب الفصل الخمسون 50 - بقلم زينب العبيدي(زينبيه)

مراحب حبات قلبي❤

#حكمت_محكمة_الحب

بقلم #الزينبيه

البارت #٣٧

اخذتها من عندي الممرضه بالكوه شلعوها

واني اصرخ واريد اخذها كمشني سلطان وجتف ايدي وهو يكول بصوت مبحوح استغفري ربج وذكريي هاي امانه جانت عدنه ورجعت الصاحب الامانه

اني ابجي ومنفعله واريد بنتي وسلطان كامشني بالكوه

وشوي واجو يركضون بوحده  هماتين محتركه بس لحظه هذول منو هذول زوج خالت سلطان و ولده

شفت سلطان عافني  وراح يشوف شصاير

تبعته بس وكفت بعيد وسمعت زوج خالته ايعيط ويصيح كله منك ياكلب ياحيوان روحت بنيتي من ايدي ومرضتها وحركتها وموتتها اكيد هل الجلبه حبيبه حركتها

جان سلطان ساكت متمالك اعصابه بس ايريد ينفجر على كد ما احتقن وجهه

بس لمن سمع اسم حبيبه التفت على زوج خالته وكله بتهديد وهو يضغط على اسنانه

يعني سناء هم احتركت مو يعني هي الي حركت زوجتي وبنتييييي مووو اتقدم على زوج خالته وهو يعصر ابقبضات ايديه ويكول قسم برب ذات الله اذا صار بحبيبه شي كلللللكم كلللكم اموووتكم بهذا وحط السلاح براسه

اااخ ياربي سناء يعني هي الي حرمتني من ريحة بنتي هي الي بدت طولها الصغير هي الي اخذت بنتي من حضني الحضن التراب واخذت مني امي الي جنها الورد ما اعرف اذا الشوفها بعد او لا

ردت ادخل من لاوعي الغرفه الدكتور واني اصرخ الله ياخذج ولج شعندج وياااي الله ياخذج ياربي تموتين واسوي حفله بيوم فاتحتج ياااكلبه

كمشني سلطان وكعدني  بالكوه من يمهم  كعد يمي وهو شارد صافن بالكاع وعيونه مذبله وحمر

واني بس ابجي احس كلبي خلص مجرد افكر شلون راح ارجع للبيت وما الكه بي بنتي ما اسمع صوت ضحكتها من تشوفني احس كلبي يوكف حسيت راسي يريد ينفجر ورجلي مايكدر يشيلني حسيت جسمي كله ذبلان وقوه مابيه ابد
اااخ والنار البكلبي احسها شعلتني شعل ماعندي كلام يوصف شعوري بهذاك اليوم

سمعت سلطان وهو يحجي بالتليفون بصوته المبحوح كملو العرس ولاتجيبون طاري لا الحنين ولا المهند واذا سالوا اني مانزلت من الدوام بعدني وحبيبه وي نواره لان رقيه تخربطت عليهم وي اسم رقيه طاحت دمعه من عينه بدون مايسمحلها طاحت بدون ماتستأذن طاحت وحركت خده

اجت مريم اخت سلطان وهي تبجي شبكتني وتكول سوده بوجهي ما ارتاحيتو ماشفتو يوم حلو

اني من شفتها زاد بيه سيل ادموعي ابجي واصيح يمممه رقيه احس كلبي اختنك انعصر عصر ولج مريم ماعرفتها مو هذيج رقيه الدبه الحلوه البيضه ام شعر الاسود وعيونها المدوره

ولج مريم شفتها صايره كلها سوده حتى اعضامها الترفه ماعت ياربييي جان خذيت من عمري سنسن وانطيتها ربييييي اصرخ واني صوتي مبحوح واعصر على كلبي الي احسه تعب كلش

شبكتني مريم وهي تكول ربي يعوضج حبيبتي انتي بعدج اصغيره وباجر اتجيبين بدل البنيه ثلاثه وحطت راسي على صدرها واني مستمره بالبجي الي احسه مايكفي

مريم خويه سلطان شخبار حبيبيه

سلطان ااخ والله ياخويه ما ادري سالت الممرضه كالت الدكتور جاي يعالجها والله كريم

وي ماخلص احجايته طلع دكتور من الغرفه وكال للاسف المره ماتت الله يصبركم

راد يكوم سلطان ماكدر اصويحبتي حبيبه ماتت ليش تموت وماتاخذني وياها دكتور ليش ماتت وماخذتني

ضحكت اني وصحت مووو ماما حبيبه والله سنيوه الماتت والله وضليت اصرخ ابجي واضحك واصيح سنيوووه ماتتت ولو اعرف اهلهل هلهلت

صرخ سلطان بالدكتور منووو يامره الماتت

الدكتور اهدء شوي البنيه الي جبتوها قبل شوي

سلطان ام الطفللله لو الثانيه

وبعده مامكمل وسمعنه انحيب وبجي وصوت صياح ابو سناء واخوانها

صفكت بايديه واني اضحك شششفت مو كتلك سنييوه ماتت اسنيوه ماتت اسنييوه ماتت وتحولت ضحكاتي بالتدريج الى بجي واخذت بنتي وياها سنيوه ماتت واخذت بنتي وياها

شفت سلطان يحمد ربه ويشكره وضمني الصدره وهو اسمعه يتمتم ياربي ماريد منك شي بس حبيبه رجعها البيتها

والتفت على الدكتور قبل مايروح دكتتوور  والمره الثانيه شخبارها

الدكنور عالجناها وهي مخدره حاليا لحسن الحظ اتلاحكتولها بسرعه صحيح جسمها كله محترك بس الاصابات مامتعمقه للعضم او للاحشاء
بس الثانيه محتركه هواي متاخرين عليها

سلطان مالي علاقه بالثانيه الى جهنم وبئس المصير كلي حبيبه يعني ماعليها شي

الدكتور لا ماعليها شي والحمدلله على سلامتها

صحت عليه واني دكتور لعد وبنتي بنتي ليش مالحكتولها ليش ماداويتوها

الدكتور لاحول ولاقوه الابالله قصدج الطفله شبيدنه انسوي وماسوينا جانت كلش اصغيره على الحرك ومن جبتوها هي ميته

-زين رجعوها الي والله اريدها حتى لو محتركه حتى لو مابيها نفس

الدكتور الله يصبرج ويعينج وراح

سلطان التفت على واحد من اقاربهم روح وديها للبيت

-ما اروح شلون ارجع ورقيه مو ياي ولكم شبيكم ٨ اشهر ربيتها وشلتها و وكلتها وضحكتها وبوستها ولعبتها ٨ اشهر صرت ما انام اله انيمها ما اكل اله اشبعها تردوني ارجع وما الكاها كبالي

سلطان روحي ياب روحي الله يعوضج بنتي روحي الله يصبرنه على البلاء الحمدلله

وخذوني واني ابجي بالكوه ودوني للبيت

اااخ رحت على بيت مريم وهي وياي  حتى لاتشوفني حنين  او مهند

خطيه اليله المفروض تكون احلى ليلى بس بالنسبه الي اتعس وامر ليلى على كلبي

كعدت ابيتهم ابجي وابجي جابتلي مريم حبوب راس وياهن حبوب منوم بدون ما اتكلي على حبوب المنوم واخذتهن واقل من نص ساعه بين ادموعي نمت

يانوم الاحجي عنه واني كل شوي اكعد يتخايلي صوت رقيه تبجي وافز ادورها والطم وابجي واصرخ بااسمها وارجع انام بسبب مفعول الدوه

ومادري ششكد طولت واني نايمه بس اول ما كعدت لكيت سلطان كاعد كبالي على كرسي واكسر ركبته ومجتف ايديه ونايم

حجيت بداخلي ياربي بلكت يطلع حلم واي صار امس وهم واكعد الكه رقيه كبالي وماما حبيبه شايلتها ياربي فدوه كون حلم

بس وي كل نضره للغرفه الي اني بيها وي كل التفاته مو نفس غرفتي يتيقن الي الي صار حقيقه وحقيقه مره حقيقه باكت مني ضحكتي باكت مني سعادتي

بجيت واني احضن روحي باايديه وصحت ماما رقوشه شحلات اسمج ماما وينج هسه بيا تراب دفنوج شلون اتحملتي ثكل التراب وانتي حتى لحم ماضال بيج حتى عضمج مايع بنتي رقوشه والله دا اسمع ضحكتج باذنيي ارييييدها بنتي اررريدها

كعد سلطان وكام بسرعه شبكني وباسني على كصتي وهو يكول اسم الله اسم الله

-سلطان بنتي وين ليش دفنتوها ماتدري هي طفله والتراب مايرحم

-نواره ياب حبيبتي استغفري ربج وحمدي هذا ابتلاء لاتصيرين جزوعه

الي راحت هم بنتي بس نواره شنسوي والمالك ايريد ملكه الخالق يريد خلقه حمدي ربج ياب راحت هسه وهي صغيره احسن من ماتروح وهي شابه وهي وتحله بعيونج وتضل تسولف وتحجي وياج حمدي ربج

-بس هاي روحي سلطان روحي شلوون بليه روحي اصبر والله دا اغمض عيوني اشوفها وبااذني صوتها

-نواره الي يشوف مصايب الناس اتهون عليه مصيبته قبل لا انزل من الواجب شاب بعمر الورد عمره ٢٠ سنه و وحيد اهله ويخبل ويردون يزوجونه اهله بس ينزل وبين لحظه ولحظه راح ومالكينه حتى جثته شتكولين على ام هذا الشاب الي حتى كبر ما حصلت الابنها و وحيدها و تريد تفرح بعرسه انتي الي راحت منج طفله وانتي بعدج اصغيره باجر اترسين البيت ولد وبنات ذكري الله حبيبتي وستغفري ربج وان شاءالله العوض عليه

الحمدلله حبيبه ماصار بيها شي واله شرايج لو رايحه حبيبه جان شحالنه هسه

-وينها اريد اشوفها

-قبل شوي اجيت من يمها كالو اتضل ٣ اسام على الاقل خطيه جسمها كله محترك والوجع ماتتحمله وينطوها منومات ومسكنات على ما الله يلطف بحالها هل مسكينه ماشافت بس الوجع والضيم عمرها ٣٩ سنه وجابتها ضيم بضيم

وانتي خليج اهنا هل ٣ ايام يم مريم ارتاحي

-لا وديني للبيت فدوه

-ليش ياب خليج اهنا اريحلج

-لا اريد اروح

-زين امشي خل انروح لان اني اريد ابدل وارجع للمستشفى بدال مهند خطيه هذا مهند عريس ومالحك يفرح بعرسه

-ليشش كلتوله

-شنسوي بعد كتله حتى يبعد حنين من البيت لحد ماترجع حبيبه المسكينه عروسه واذا درت بااختها راح تتدمر

كمت بالكوه جسمي بايد وحيلي راح وي بنتي وكل ما امسح دمعتي ترجع اتطيح

رحنه للبيت واول مادخلت طحت بالباب وبجي اجت علي ملاك كومتني

وهي تبجي وتكول الله يساعدج الله يساعدج البيج يهدم اجبال

-لج ملاك اريدها والله ماشبعانه منها اريدها شلون بيه

اجت الحجي وضمت راسي الصدرها وتبجي سوده بوجهي ياماما ينواره مامقسوملكم ترتاحون لا انتي ولاسلطان ولاحتى حبيبه

-يووووم بنتي راحت المن اتلعبين بعد المن اتناغين بعد

باست راسي وصاحت اااخ يارقيه يايمه اي والله راحت وخلتني بدمعتي وبحسرتي عليها اووف شحلاتها وهي لابسه بدلت العرايس الورديه وطوك الورد يمه وفدوه شحلات رجليناتها البيض وحذائها الوردي ماتروح من بالي واني ابوسها واناغيلها

سلطان كافي يايمه كافي هذا الحجي لاتحجونه بعد تعبون روحكم وتعبونها

وصعد للغرفه شوي وصعدت وراه صعدت اشوف شنو ضللي من ذكره بنتي

لكيته يطلع شكو شي الرقيه ويضمهن بجنط وشفت صفين ادموع على خده ياخذ القطعه يشمها ويضمها

كتله وووين ماخذهن عليك الله عوفهن وركضت وكمشت ملابسها الي جانن باايده

سلطان بسرعه مسح دموعه وحجه نواره كافي راح تعبين هيج انشيلهن احسن

-وضنك اذا شلت ملابسها والاعابها راح تشيل صورتها من عيوني لو ضحكتها من ذاني لو تشيل ذكراها من كلبي

-كمشني من اكتافي باسني بين اعيوني وهو يكول كافي يانواره كافي يكلبي ذكري ربج ادري صعبه بس استقوي بالرحمن

شال الغراض وطلع

واخذ تليفوني مسح كل صورها من جهازي الي جان متروس بس صورها

ومرت الثلاث ايام واني كلساع اذكرها واذكر افعلها وضحكاتها ومناغاتها وابجي وجان عندي تلبيسه الها بوكتها ما اخذها سلطان لان جنت غاسلتها وشارتها برا مشافها هاي التلبيسه احطها بصفي واحاجيها واناغيها واني ابجي

وكان اتخيلها هي يمي واشتمها ومن يجي سلطان احطها جوه المخده

طلعوا ماما حبيبه من المستشفى وجابوها للبيت عمت عيني على منضرها وهي اغلب جسمها ملفلف وشايلها سلطان شعرها محترك نصه دعيت على سناء وهي بكبرها دعيت وتمنيت الله يضوكها اشد العذاب عن كل الضلم الي شفنا بسببها

وبس شافتني بجت وهي تكول ولج والله لو الله ماخذني ومخليها بس وسفه راحت الي ماشافت من العمر شي الي ماكملت السنه ايامها ااااخ يمه نواره سامحيني ردت اطفيها ردت ابعدها من النار ردت النار تاكلني وتعوفها بس لا ماتت بحضني ماتت على ايدي وجلدها اختلط بجلدي وضلت تبجي باانهيار

شبكت راسها وابوس بيها وابجي ماما لاتكولين هيج والله لو صاير بيج شي امووت والله

وضلينه نبجي والحجيه ويانه

ومهند جاب حنين و ااااوووف شصار بيها من شافت كل اهلها بهاي الحاله اي حبيبه كل اهلها امها وصديقتها وابوها واختها كلش بالنسبه الها ومن عرفت برقيه انهارت وضلت تبجي وتلطم على خدودها وهي تصرخ ليششش ماكلتولللييي ليششش وبالكوه شبكها مهند ويهدي بيها

عرفنه من ماما حبيبه سبب الحادث وشلون سناء حركتهم واحتركت

كالت لمن اني صعدت ورا سلطان وهي شايله رقيه وراحت للمطبخ تسويلها مميه وتفاجأة بسناء وهي تسحب الصونده مال الطباخه

صرخت عليها ماما حبيبه شبيج تكول كل ضني الي سوته من لا وعي لان هي اخر فتره ضلت اتهلوس وتحجي الوحده يعني ضرب عقلها شوي

اتقدمت ماما حبيبه بسرعه تريد تطفي الغاز من منضم الغاز بس سبقتها سناء و جدحه وحده من الجداحه كب المطبخ والنار اكلتهم ثلاثتهم هي سناء طلعت للحديقه تصرخ للحديقه الخلفيه لذالك محد عرف بيها من وكت وجابوها للمستشفى متأخر

من عرفت ضليت كل يوم ادعي عليها ادعي الله يزيد عذابها

ورقيه ماتغيب من تفكيري ودمعتي ما بطلت وسلطان يصبر بيه ويصبر بحبيبه الي حالها اتعس من حالي

ويصبر روحه هو الي داخله وجع من جمر

ومرت الايام وماما حبيبه كل ٣ ايام تجيلها المضمده للبيت يكصون الجلد الميت الها وصوتها من الوجع يهز البيت

الله يساعدها جسمها كله محروك والحرك يوجع

وبعد مرور ٢٠يوم

يتبع......