رواية حكمت محكمة الحب الفصل الحادي والخمسون 51 - بقلم زينب العبيدي(زينبيه)

مررراحب

عود كلت باجر انشر باليل بس شفت وحده من المتابعات تكول خاف ينمسح ويروح كلشي ويضيع تعبج

ومن المرار الشفته هذيج المره صرت اخاف صارت بيه فوبيا

ويكول ابو المثل الي عضته الحيه يخاف من جرت الحبل

لذالك قررت انزله هسه

وان شاء الله اذا لحكت باجر هيج وكت الاخير اذا لحكت طبعا

٢٢٢٠كلمه قراءه ممتعه

#حكمت_محكمة_الحب

بقلم #الزينبيه

البارت #٢٨

مرت اسبوعبن واني شوي صرت احسن مو هواي بعدني ابجي على ضوه عيوني رقاوي وبعدني لابسه الاسود عليها ولا اشتهي اسولف ولا اضحك رغم كل الي بالبيت يحاولو يتلاطفون وياي ويغيرون مزاجي

حتى ماما حبيبه رغم وجعها بس كبالي تضحك وتسولف تريد بس اضحك وابدل الدمعه

بس اني حيل متوجعه بفراك بنيتي وصورتها ماداتروح من بالي ابد

بهذاك اليوم جنت يم ماما حبيبه دا اساعدها بالاكل رغم هي متقبل بس اني مصره اله اوكلها لان سوده بوجهي اديناتها ملفلفه

وبهل لحظه دخل سلطان علينه وهو شايل جنطته هستوه نازل من الواجب

جنه كاعدين اني والحجيه وماماحبيبه متمدده بالافراش بغرفه الحجيه

كال السلام عليكم

ردينه وعليكم السلام

اتقدم باس راس امه شلونج حجيه

الحجيه يابعد عيني ونضرها ماطول شفتك هسه اني بخير

كعد يم راس حبيبه وكال ها حبيبه شلونج ياب ان شاءالله احسن

حبيبه اي الحمدلله احسن

سلطان ياربي يشافيج وترجعين تمشين على طولج الحلو وتنورين بيتج من جديد
واني فد جم يوم واخذج لدكتور حروق وتجميل ولاتشيلين هم

حبيبه تسلم ربي يسلمك النه ويديمك ذخر

التفت علي وانتي شلونج ياب نزعي هل اسود ترى هي طير بالجنه المن لابسه الاسود يابه وكافي ترى شباب بااحلى ايامهم جاي يروحون بالجمله

عكدت حواجبي واني احس لعبانه نفسي منه وبسرعه سديت خشمي وكتله ويعع

رفع حاجبه هو ومستغرب شبيج ياب رفع ايديه ويشتم بنفسه ترى والله مابيه ريحه خرب رسج صدك اني اليوم ما سابح بس مابيه ريحه والله

-مادري ريحتك شي مادري شنو شي بايت

-ههههه شنوو خرب رسج ورس اهلج بايت شنو ههههه ادري مركه يابسه لو تبسي وبايت
يااخي مابييه ريحه نزع حذائه وجواريبه ويشتم بيهن والله ماكو شنو الفلم نضيفات من طلعت لبستهن

حط الجواريب على خشم حبيبه هاج شميي ههههه

حبيبه ههههه وخرهن نضيفات والله مابيك شي

بس يمكن نواره الحلوه دا تتنسه ويارب يطلع هيج

رفع حاجبه تتنسه يعني يمكن حامل

كمشت بطني بسرعه ونزلت ادموعي على ذكر النساوه والتعب وماثمرة شي راحت بنتي من اديه

الحجيه يارب امين ونفرح من جديد

سلطان ربي يتمم حسيته هو الثاني اختنك اكدر اقره شوكه الي بعيونه شوكه البنته الماشبع منها

كام يله ياب كومي حضريلي ملابسي خل اسبح وارتاح شوي ومسحي دموعج وحمدي ربج اكيد الله راح يعوضج وينسيج

طلع من الغرفه واخذ جنطته وصعد واني شوي ولحكته

لكيته مموجود جان دايسبح

حضرتله ملابس وطلعت ملابسه الي بالجنطه واني دا اطلعهن لكيت وياهن دشداشه نسائيه قصيره

فتحت عيوني على كبرهن هاي شنوو

شوي وسمعت باب الحمام انفتح يعني خلص وكفت واني متخصره واضرب رجلي بالكاع على كيف واجتي من الله هاي الشغله الحركت كلبي احس اريد افرغ غضبي اريد اتعارك

دخل وهو لاف الخاولي على خصره

و اول ما شافني كال ها ياب وين ملابسي

ماحاجيته

-نويره ياب شبيج

ذبيت الدشداشه بالكاع كتله هاااي شنووو هااا ويااامن جنت

-رفع حاجبه الثوله شلون نست دشداشتها لعد بيمن راحت بملابسها الداخليه

-لاواللله يعنيييي تعترفف مووو

-شترديني اسوي مثلا هاا انتي اسبوعين واكثر عايفتني وهاملتني وين انطي وجهي عادي لاتشيلين هم حبيبتي هي ما ضاله وياي مسالت وقت لحد ماتتحسن حالتج النفسيه

-لا وتحجيهااا بوجهيييي طلللكني اصلا اني ما احبك وما اريدك واني وين وانت تفكر بهذا الشي وتدور هيج شغلات

-حجه وهو كبال لمرايه يمشط ويحط عطر شبيدي بعد هذا شي غصب عني سنة الحياة

يحجي بكل برود واني احس كارها الحياة كارها نفسي

صحت بصوت عاي هيييي اشو انت تلعب على اعصابيي طلكني انت واحد سرسري وماتنترس عينك

ماسمعت بس صوت الاكزاز وهو يتكسر شمر العطر الي جان باايده

وتقدم علي وانتيي حيوووانه انتي تتتبن اكشر اتمررين باازمه وعذرتج بس لاتتجاوزين ويطول السانج

الي راحت هم بنتيي وهم جزء مني ولاهين علي موتها بس مو معناتها نقلل ادب مو معناتها ننسه الاحترام عبري عن مشاعرج بما يرضي الله ويرضي المقابيلج

وشال الدشداشه من الكاع وشمرها على وجهي وصاح كاااافي غباء ليون يوصلنه غبائج ماشفتي الدشداشه علامتها بيها

جايبها الج يالرعنه اخذ ملابسه ولبسهن

واني ضليت ابجي جنت دا اريد حجه حتى انزل ادموعي الي ماتبطل

باوعتله جان عاكد حواجبه وهو يلبس وكمل وراد يطلع من الغرفه بس رجع وهو يصلي على محمد ويستغفر

اجه كومني من الكاع وشالني كعد على الجربايه وكعدني على رجله اني جنت ابجي وايدي على عيوني

وخر ايدي ومسح ادموعي وهو يتنهد وباسني على عيوني

كافي ياب والله اني ابو ابوي مسموط والبيني نار كبره احس تحرك بكلبي حرك منا حبيبه الي من اباوعلها ابدي اصرخ من وجعي عليها شمعة بيتي هي

ومنا انتي الي كلما اباوعلج احس كلبي يتكطع الف مره على سنينج الصغيره الي ماشفتي بيهن راحه على يتمج وعلى حضج

ومنا راحت روحي وي روحت رقيه لجمت روحي وخذتها وياها

منا اوضاع الدوله الي ماتبشر بالخير وشباب بعمر الورد جاي تروح برخص التراب
شترديني اصير ياب هي روح لوحديده

بس هذا كله ولازم انكابر لازم انواسي روحنه وانشجع انفسنه حتى تستمر حياتنه حتى نعيش يا يابه ترى الدنيه ماتخلص مشاكلها ولا تضحك وي بشر اذا ماضامتله عثره

خلينه انعيش يومنه ونحمدالله ماندري الخافي اعضم الي جاي اكبر ومايدري واحد يمته يروح منها وبعد مايرجع خلينه انعيش ضحكي رغم كسرت كلبج

الدنيه تاكل الضعيف صيري مثلي ترى ما احب اشكي صدكيني بس اني الدنيه شربتني من كل كاس وكل كاس امر من الثاني جنت اشرب واسكت ما اضهر للبشر ضعفي ما احجي الواحد امنياتي ما اتسول ما تدمع عيني بس يم ربي

وانتي يا حبيبتي يابعد سلطان وسنينه احلى شي صار بحياتي على الاطفال باجر يجينه غيرها هاي ارادت رب العالمين

لاتعذبيني وصدكيني اني اصيرلج ضوه الدربج اصير خط القلمج اصير سند الضهرج

ابتسمت وكتله انت شكد تحجي كلشي مافهمت

-جر شعري على كيف غبيه غبيه مو بيدج

-ضحكت اكثر جذب والله دا اتشاقه وياك والله فهمت ااخ عوفني

-ها يله لعد لبسي هاي الدشداشه والله لو تدرين رحت متعني ادور عليها مخصوص الج انوب ب ٩٠الف اشتريتها الج

-جذذذاب

طكاني على كصتي منو جذاب

-ههههه اخ اسفه والله بس كول الصدك بيش

-ب ٥٠

-هم جذ....اقصد هم مو بخمسين

ضحك وعض خدي همزين مافلتيها جان شبعتج دك

-ههههه كول بيش

-شيلي الصفر

-ب٥

-ضربيها في ٣

-١٥

-اي

-باوعتله صفح وسويتها ب ٩٠

-هسه كولي انعم الله مشكور حبيبي

-شكرا حبيبي انت بس والله ريحتك مو طيبه لاتخلي عطر بالكوه كامشه نفسي ماتقيئ

-ابتسم بدينه ريحتك مو طيبه ولاتخلي عطر واسبح الله يعيني والله يتمم عليج ونفرح من جديد

باسني بخدي وكام من يمي اروح اسبح مره ثانيه

-لا شكو تسبح تعال نام اني ح انزل

-لاياب لاحباب وين نازل وراك احساب

-ما ما مالي خلك والله

-كومي كدامي نزعي هذا الاسود وعدليلي شكلج شوي وهاي حواجبج شيليهن صايرات جنهن شواربي ها ولبسي الدشداشه ام ٩٠ على ما اسبح

ضحكت اني

قبل لايطلع كال ترى الدشداشه ب٣٠٠٠ الاف سمعت واحد يصيح بيهن واني بالكراج وساعه اكول انزل لالا مابيه انزل لالا شينزلني بغدين نزلت ردت اشتريلجن كلجن بس ماكو قياس حبيبه جبتلج بس انتي وحنين الج الحمره والحنين البيضه
الثانيه تلكيها بجيب الجنطه الزغيرون

-هااا هنا الحجي اذا ماطلعت ب ١٠٠٠

-ههههه لاولج والله يصيح تنزيلات يكول جنت ابيعهن ب٥ هههه وعافني وطلع

ضحكت على سوالفه

وكمت بالكوه نزعت ملابسي السود ما ابدي بعده جرحي يلجمني بعدها صورة رقوشه براسي وهي لابسه بدلتها الورديه

بس امري لله

ومرت ايام واجتي ايام وحللت وطلعت صدك حامل و مو حمل عباره عن اكل بس اكل وكلشي اشتهي

وماما حبيبه بدت تتشافه شوي بعدها ملفلفه بس جروحها داتطيب وكالو بس يشفه جلدها يسولها عمليه تجميليه

وحنين ومهند عايشين مثل طيور الحب يخبلون

ومرت اشهر وصار ع حملي شهرين ونص وانساوتي بس اكل ومزاجي برتقالي ساعه اضحك وبنفس الساعه ابجي وازعل

وبهذاك اليوم الي نزل سلطان من دوامه جان نفس اليوم الي هو موعد عمليه ماما حبيبه

دخل للبيت وسلم علينه وباس راس امه وهو يحجي ومستعجل

ياب نواره حضريلي ملابس خل اسبح

ونتي حنين حضري شغلات حبيبه

حنين صار بس اني اروح وياكم

سلطان لا خليج اهنا راح اخذ ملاك وياي اتصلت عليها وهسه جايه

هزت راسها وسكتت امتثال الاوامره بس جان بنفسها تروح بس ماتكدر اتناقشه شفتها ضاجت

صعدت ورا كتله انت شنووو هااا اختها وتريد تروح انت شكووو

-هييي شبيج لا افر حلكج لاتصيحين بعدين وين تروح ها هي صغيره وماراح تعرف تتصرف وياها

-اهوووو شدعوه شكلنه استاذ سلطان والله يا الله

كمشني من زندي حيل قبل ما اروح

هواي جاي تشمرين بحجيج كافي اتحملتج اهووواي كلت حامل ومن ضغط الحمل تتصرف هيج بس لاتزودينها

وراح

وكا العاده كعدت ابجي مدري ليش اصلا اني ادري بنفسي غلطانه بس صايره ما انطي بنفسي كلش

حضرت ملابسه طلع وهو مستعجل ويلبس بسرعه ويتحرك بالغرفه مره يمشط ومره يطلع شغلاته من جيب البنطرون ومره يلبس حذائه كمل وطلع

ونزلت وراهم سلمنه على ماما حبيبه واندعينالها

حجه سلطان بابا حنين من تطلع من العمليه اخذج الها خوش

هزت راسها اي

حجيت بسرعه وانيي

باوعلي بنص عين وطلع

صعدت وهم ابجي عفيه دموع واكفات على رمشي كلساع ايطيحن

وضليت كاعده هناك وراها سبحت كملت شغلي رتبت غرفتي واني دا اعلك ملابس سلطان

واسمع تليفون سلطان ايدك ناسي على كد مامستعجل

شفته رقم ينكطع ويرجع يدك مره لخ صار ٤ مرات متصل

فتحت التليفون وضليت اكلب بي من الماسنجر للفيس ع الواتساب

وشوي واجتي اشعارات ع الواتساب من نفس الرقم

جنت متردده افتح اقره من فوك اول شي مكتوب مرحبا

حبي وينك

لويش مترد

هذا رقمي الثاني

سلطان حبي اذا شفت الرسائل رد

ماتحملت فتحت الرسائل واني احسراسي شب نار وكلبي ضل يدك بسرعه ودموعي تجمعن كلهن بعيني

شوي واجت رساله ماترد عيوني هاي شبيك تقره ومغلس

شنو منو يمك الجبيره لو الزغيره

ضليت كلي ارجف

شوي ودزت صوره لابسه بدله مال نوم حمره وهي شوي سمينه ومبينه عمرها ب٣٠ وكاتبتله حلوه هاي اشتريتها اليوم

حسيت راسي دينفجر بسرعه اتصلت

ماترد وكلساع اتصل ماكو

دزيت الها بصمه ردي ياساقطه ياكح... ردي انتي منين تعرفين سلطان

شوي وكتبت خويه ترى جذب اني صديقه السلطان واعتذر مسوين بي مقلب

كتبت جذابه والصوره شنو اذا انتي صدك ولد ليش متجاوبين

-لان عيب احجي وي زوجه صديقي

-هاي كلاوات متمشي علي بسيطه اني اعرف شلون اطلعج

-خويه والله اني ولد وهاي صوره مو حقيقيه صدكيني واعتذ منج وكلي السلطان يتصل علي

سديت التلفون مستحيل اصدكها وضليت شايطه

وانتظر ساعه ساعه لحد ما صارت الساعه ب٩ونص اني عشه مامتعشيه واحرك بدمي

اجه سلطان حتى ياخذ حنين الاختها وبس دخل صحت تعال سلطان باشا تعال هواي دكت عليك وانت مارديت طلكني هسه طلكني

هو عيونه بكصته وصاح هيييي تبن مو كل احجايه والثانيه طلكني اطلكج قندرتيش انتي ترى طلعتي روحي

-اي حتى تروح الهاا

- اشو انتي تاكلين تبن شبيج هااااااا شبيييبج

-شبيه مووو هاي منو يله كول منو طلعتله الصوره

-واني ادري هاااي يانعال شبيج بابا شبيججج اني بيا حال وانتي تنعثلين

-هاك اكمش شوف المحادثه شووف

-اخذ التليفون مني بحركه سريعه

ضل يكلب وسمع البصمه مالتي ويمه على الخزره الخزرنياها

ولجججج شنو هذا الغلطط ولج رعنه تبن كلبه حيوانه مو جاي يكلج اني ولددد وصديقه شيكووول عليج ها يكول مرته هيج تغلط

وبعدين انتي ششلون مديتي ايدج على تليفوني وفر وجهي براشدي حسيت اصابعه انحفرن على خدي

صرخت واني ابجي وشنو يثبت هو ولد هاا شنو اليثبت

-ولج بنت الارعن جاي يكلج اني ولد كولي شنو اليثبت هو مو ولد واحجي ويا هيج هاا

وبعدين حتى لو بنيه اكيد هي ساقطه تحاجينها بهيج الفاظ وتصيرين اسقط منها

-خابر يله هسه تخابرله واريد اشمعع وكمشت التليفون

دفعني حيل وكال خاب ولييي لا اكسر ايدج

ضل عاكد حواجبه وعينه بالتليفون

سحبني من ايدي حيل حسيت ايدي اتريد تنقلع باايده

راح اتصل بس قسم اذا سمعتي وطلع ولد احركج وانعل ابو طاهرج

اتصل مره ثنين رد

سلطان الوو

حجه الولد بسرعه الوو ها سلطان يمعود اسف والله ما قصدي جاي انصب عليك شفتك حضرتني من هذاك الرقم كلت اجيلك على غير رقم

-يمعود صدك جذب جاهل انت شلك بسوالف الزعاطيط هاي يله يله الله وياك بس مامقيوله منك

-يمعود سلطان وعلي اسف ماادري راح ترد مرتك

انحرج سلطان وكال ها لاهاي مو الله وياك الله وياك

سد التليفون وخزرني خزره جمد دمي بسرعه بجيت كتله والله مو ادري والله مو قصدي اني حسبالي بنيه والله

-حسسسبالج مووو جر اذاني وقربني عليه وضربني راشدي دار وجهي وداره بالثاني والثالث وهو يصيح حتى لو جانت بنيه عيب عليج هل حجي هاي حجي بنات الشوارع عيييب

ودفعني وطلع اخذ حنين وراح

واني ضليت ابجي وابجي لحد مانمت

حسيت اكو حركه بالغرفه فتحت عيوني جان سلطان ستوه داخل للغرفه ويضوي بتليفونه حط التليفون على ميز التسريحه وضل ينزع بملابسه

فتحت تليفوني اباوع للساعه جانت ب الوحده

اجه نام سحب اللحاف ودار وجه

ضليت اتكلب واتكلب مامرتاحه ادري بنفسي غلطانه لذالك ضليت اتكلب اريده يحاجيني ماكو

وشوي شوي ضليت ابجي

-همم شكووو

-ما والله ماقصدي والله هو استفزني بكلامه ودز صور واني احبك شتريدني اسوووي هاا

-تحجين حجي مثل الاوادم تخجلينها حتى لو جانت بنيه منو حضرتج شتردين من زوجي وين تعرفينه من هل تبن مو رايحه تكولين للولد كح... وساقطه شيكول بالله يكول زوجة سلطان بت ملاهي وهيج تغلط رجال انتي شنوو فهميني

-عفيه والله ما اعيدها والله لان احبك هيج حجيت

-هسه نامي كافي

-رجعت ابجي

-خيررر

-شبكته احبك

اندار علي وكال مخبله والله

اتنهد مشكلتي لو شما تسوين من اشوفج اضعف بنت اليهود ماجنج بطول زري

وضل يبوس بيه وهو شابكني ووو حدث ماحدث

وكعد الصبح راح الماما حبيبه للمستشفى والعصر طلعوها من المستشفى

فرحنه بشوفتها جان مضمد اغلب جسمها

وضلينه اسبوع على هاي السالفه كلساع اتعارك وازعل على سلطان

لحد مابيوم ايريد يلتحق اجاني شبكني من ضهري واني واكفه ع المرايه جنت زعلانه عليه

درت وجهي منه

دنك باسني بركبتي واشتمني وحط ايده على بطني وكال ديري بالج على ابني وجر شفايفي بايده وباس ايده

يله في امان الله ياب

يتبع.....